الأرباب يقسم ويجزم والعالم تموت بالضحك ..

قصة عجيبة وحاة النعمة ...
يتبع .............

ياخ هو القالو الأرباب شوية ...
ومازال يقول ويقول ويقول حتى قال الناس من حوله بما فيهم الهلالاب ليته سكت ..
لكنه لم ولن يسكت ..
أنه الأرباب الماكضاب ..
يتبع ..

لا حولا ولا قوه الا بالله العلي العظيم

يا زول انت لسه مباري الارباب

والله الزول ده الا يعمل ليك منخوليه في مخك

انت المريخ ده ما عندك كتابه عنه

ياخ نصيحه ليك خليك الارباب كضااااااااااااااااب انت مالك

الارباااااااااااب بقول وما بعمل انت الخصك شنو

الارباب ده بي كل العلل الفيه عاجبنا ورئيس احسن واكبر وافضل نادي في الدنيا خلي السودان

نصيحه يا طلحه خليك من الارباب وخلي متابعه مزمل دي انت زول صحفي اكتب بموضوعيه واكتب عن ناديك البتشجعو واملأ الدنيا مافي زول سألك لكن كل مره شابكنا الارباب الارباب ياخ كلنا عندنا كيبورد وممكن نكتب اي كلام في اي زول .

طلحه روق المنقه يا اخوي

سلام

كتب الأخ عباس

Quote: يا زول انت لسه مباري الارباب

مثل ما مباري شداد وجمال الوالي وغيرهما من الشخصيات العامة يا عبس .
وقال :

Quote: انت المريخ ده ما عندك كتابه عنه

كانك يا عباس تعتبر أن صلاح إدريس هو الهلال كله وهو غير ذلك ..
صلاح إدريس شخصة واحدة وتناوله هنا لا علاقة له بالهلال إلا بمقدار ما يتناوله هو باعتباره رئيسا لمجلس إدارته.

وقال هنا بما يشبه التهديد :

Quote: نصيحه يا طلحه خليك من الارباب وخلي متابعه مزمل دي انت زول صحفي اكتب بموضوعيه واكتب عن ناديك البتشجعو واملأ الدنيا مافي زول سألك لكن كل مره شابكنا الارباب الارباب ياخ كلنا عندنا كيبورد وممكن نكتب اي كلام في اي زول .

أفعل ما بدا ليك يا عزيزي عباس ولن أقول لك كما قلت لي أترك هذا وأفعل ذلك فانت حر في ما تكتب وتفعل .

مؤسف والله أن يتحول رئيس نادي في حجم الهلال إلي كاتب هجاء وتقريظ وتلميح وتمليخ لسمعة الصحافيين ودكها بالإشاعات والإشانات علي نحو ما يفعله رئيس نادي الهلال السيد صلاح إدريس حاليا وهو يقف عارى المفردات متفسخ العبارات والمعاني في وجه الأخ خالد عز الدين الصحافي بجريدة حكايات ليرميه بشظايا الكلم (همزا ولمزا ) دون ان يطرف له جفن إحترام لمهنة الصحافة وغير مبال بالزمالة التى إغتصبها إدعاءا ومكابرة وفهلوة وفتونة بلا خبرة ولا فكرة اللهم إلا بريق زائف لدنانير سيخطىء كثير إن ظن أنها ستقوم مقام الاخلاق والمبادىء والقيم والإنسانية .

يا طلحة الجماعة ديل اخوان فى الهلال ولا معناهو واحد فيهم ما هلالابى

بعدين صلاح ادريس عامل فيها سيد الشى زاتو لاكن على منو

Quote: يا طلحة الجماعة ديل اخوان فى الهلال ولا معناهو واحد فيهم ما هلالابى بعدين صلاح ادريس عامل فيها سيد الشى زاتو لاكن على منو

صدقني يا المغيرة لا أدافع عن الأخ خالد عزالدين فهو أقدر وأجدر بالدفاع عن نفسه لكنني أستنكر أسلوب صلاح إدريس في مصادمة الأراء والأفكار بالتشهير والضرب تحت الحزام علاوة علي حبه الغريب للمعارك والحروب وإستعداء الجميع برغم أنه ظل يخرج في كل مرة خاسرا من هذه المعارك التى يفتعلها .
والادهي أن معظم هذه المعارك يفتعلها باسم نادي الهلال بما يعرض النادي للإستهزاء والإستحقار .

طلوح
خلي الفارغة دي و تعال هنا

شداد ممنوع من دخول مصر بسبب اتهامه لمدرب مصري زورا بـ"ا...عهر" وسب السودانيات"


_
بعدين قلت لي كنت وين ليكـ كم يوم ؟؟
لسه مباري ناس العين

نوبي بتاع النكت الصهيونية :

Quote: بعدين قلت لي كنت وين ليكـ كم يوم ؟؟

كنت معزوم عن ناس برنو ميتسو ..
بعدين أسممع هنا



































عامل فيها مهم يعني ..؟؟؟

عفوا للتأخير في العودة ..

الأرباب ده سيد الكورة يطلع الدايروه ويدخل الدايروه
















العزيز طلحة راجع الماسنجر ...

فيصل رشوان كيفنك وكيف ايامك

Quote: الأرباب ده سيد الكورة يطلع الدايروه ويدخل الدايروه

ياخ دا اغرب زول يلاقيني .

يخطيء السيد رئيس نادي الهلال كما ظل يخطىء كثيرا إن ظن أن أسلوب نشر الغسيل والتشهير وقوقلة الأسرار الشخصية وإفشائها علي صفحات الصحف يمكن أن ترهب صحافي ملتزم بمبادىء المهنة ومتجاوبا مع مثلها وقيمها وقدسيتها .
إن الأساليب التى يتبعها الارباب صلاح إدريس في تهديد وتخويف مخالفيه تكشف عن نواياه الحمقاء ومحاولاته المستمرة للتسلط والتسيد بإجلاء كل من يعارض أفكاره الفطيرة المتحجرة التى يحاول فرضهابكل الأساليب مستعينافي ذلك بما يملكه من مال روض به بعض الضعفاء الذين إنضموا لحاشيته وتوزعوا للدفاع عنه قولا وعملا الأمر الذي أجبر الكثيرين من الذين يحترمون أنفسهم ويحتفظون بكرامهتم لمغادرة الوسط الرياضي كارهين لهذه الممارسات المقيتة كما غادر غيرهم أوساط أخري ولجها الرجل الإخطبوط وادعي فيها ما ادعي .
معارك صلاح إدريس وعدائته شملت حتى أعضاء مجلس الهلال الذي يترأسه فلم يتردد في إقصاء الرجل الأول بفريق الكرة الأمين البرير الذي ترك له الجمل بما حمل بعد أن بلغت دكتاتورية الأرباب حدا أراد أن يجعل معه أعضاء مجلس إدارة الهلال مجرد كمبارس رهن إشارة أصبع يده الصغير لتنفيذ أجندته وأفكاره الآحادية الأنانية المتغرطسة .
وقبلها ناب كبار رجالات الهلال وأقطابه ما نابهم من رشقات الأرباب ونيراته التى لم يسلم من لسعها الحكيم طه البشير وقاهر الظلام عبدالمجيد منصور وغيرهما من سدنة النادي ورموزه .
والخبير شداد والدكتور الصيدلاني المهذب معتصم جعفر والمحامي الشاطر المجتهد مجدي شمس الدين ظلوا ومازالوا هدفا ثابتا لخطرفات قلمه ولعنات لسانه وهرطقات ملافظه إستهزاء وإستحقارا وعنجهية مقيتة .
إن الوسط الرياضي لن يكون روما جديدة يحرقها نيرون آخر ليجلس مستمتعا بنيرانها المتراقصة لأنه محروسا بفرسان لا يهابون المصادمة ولا يخشون المقارعة ولا ينكصون عن المواجهة لعزل المتفلتين أمثال صلاح إدريس وإقصائهم بعيدا عن هذا القطاع الذي إشتهر بحميمية المنضوين تحت لوائه وتواددهم وتكاتفهم قبل أن تغيض له الأقدار من يسعون فيه بالفتنة والتهاتر والعداء والإستعداء .

قبل يومين فقط كانت إذاعة الرياضية اف 104 هدفا جديدا لشمسون زمانه فأشبعها هجاءا وذما, وعلي الهواء مباشرة رفض كل محاولات الأخ الرشيد بدوي عبيد لتهدئته وإخماد ثورته مطالبا باعتذار فوري من الإذاعة غير مكترث لسيادة المحطة وهيبتها عند مستمعيها.
وبرغم تأكيدات الرشيد إن المحطة لم تخطىء إلا أن (سيد الهلال الأوحد) أصر علي اعتذار الإذاعة كشرط لمواصلة البرنامج ما يؤكد نزعة الرجل المتسلطة ونظرته المتحجرة ومقاييسه المخلة لكافة الأمور.
أراد صلاح إدريس إحراج الإذاعة باعلانه علي الهواء مباشرة (شرطه اللاخلاقي) وهو الذي كان يعلم مسبقا بموعد هذا البرنامج ولم يطالب بالإعتذار الذي يريده قبل أن يقبل بإستضافته ويحين موعد المقابلة علي الهواء .
الإعتذار الذي يطالب به الأرباب يخص قضية مضي عليها وقتا طويلا وهى تلك المتعلقة بالأزمة التى نشبت بين الإتحاد والمفوضية والهلال فلماذا إختار (هولاكو) هذا التوقيت تحديدا ليطالب بالإعتذار وقد إستضافته نفس الإذاعة من قبل أكثر من مرة .
ما يفعله رئيس نادي الهلال ويمارسه من فوضي لا يليق أبدا بكرسي الرئاسة الهلالية التى كانت إلى وقت قريب مهيبة الأسم والتاريخ والسمعة قبل أن تصبح في عهده مثيرة للشفقة والسخرية والإستهزاء .

والخبير شداد والدكتور الصيدلاني المهذب معتصم جعفر والمحامي الشاطر المجتهد مجدي شمس الدين ظلوا ومازالوا هدفا ثابتا لخطرفات قلمه ولعنات لسانه وهرطقات ملافظه إستهزاء وإستحقارا وعنجهية مقيتة .


يا راجل

قول كلام غير ده الدنيا دي كلها عارفه انو سبب دمار الكورة في السودان الرجال ديل وموقف صحافكم منهم زي موقفي ده واسالوا

أراد صلاح إدريس إحراج الإذاعة باعلانه علي الهواء مباشرة (شرطه اللاخلاقي) وهو الذي كان يعلم مسبقا بموعد هذا البرنامج ولم يطالب بالإعتذار الذي يريده قبل أن يقبل بإستضافته ويحين موعد المقابلة علي الهواء .


ومنو القال ليك طلبوا غير اخلاقي انت بتجرم علي كيفك واقول ليك كلامه صاح لانها اذاعه مشتريها الوالي بتاعكم بي قروش المؤتمر الوطني

الإعتذار الذي يطالب به الأرباب يخص قضية مضي عليها وقتا طويلا وهى تلك المتعلقة بالأزمة التى نشبت بين الإتحاد والمفوضية والهلال فلماذا إختار (هولاكو) هذا التوقيت تحديدا ليطالب بالإعتذار وقد إستضافته نفس الإذاعة من قبل أكثر من مرة .

مضي عليها زمن ولا اسي الرجل اتعرض لي مضايقه ولا اتعرض النادي الذي هو رئيس مجلس ادارته وعاوز يعرف الازاعه دي مقدارها


ما يفعله رئيس نادي الهلال ويمارسه من فوضي لا يليق أبدا بكرسي الرئاسة الهلالية التى كانت إلى وقت قريب مهيبة الأسم والتاريخ والسمعة قبل أن تصبح في عهده مثيرة للشفقة والسخرية والإستهزاء .

طيب الرئاسة المريخيه كانت بتعرف السرقه من اموال الشعب يا هذا

وكل الدنيا تعرف انو الوالي بيصرف من اموال الشعب علي المريخ واسال اي طفل في السودان بوريك الكلام ده صاح ولا غلط

Quote: كل الدنيا تعرف انو الوالي بيصرف من اموال الشعب علي المريخ واسال اي طفل في السودان بوريك الكلام ده صاح ولا غلط

خليها كل الدنيا وأي طفل .
تعال انت يا عباس وريني كيف جمال الوالي سرق أموال الشعب .. ؟؟؟؟؟؟؟؟؟؟
لو ما عندك دليل يا حبيب فالكلام دا عيب كبير وخطير ..
وممكن الزول دا يقاضيك ..
أرجو صادقا ان تناقش بدون ما ترمي الناس بالإتهامات والقذف والإفك يا عباس .

يا سيد طلحه

ونسيت تطاولك علي الرئيس صلاح ادريس

واتهامه بالكذب

تسكتو نسكت تواصلوا نواصل

Quote: ونسيت تطاولك علي الرئيس صلاح ادريس واتهامه بالكذب

أخونا عباس ..
أين إتهمت صلاح إداريس بالكذب ...؟
تحري ما تقول يا زول .

طلحة المسكين ..
كده إتأكد لي إنك هلالابي زعلان جد جد ..





أها الوالي ح يواصل ولا طوالي ..

Quote: كده إتأكد لي إنك هلالابي زعلان جد جد ..

معتصم المكسين بشهادة
إتأكدت كيف بلاي من الكلام دا ..
بعدين (جمال الوالي رئيس طوالي) دي نغمة مزعجة شديد ياخ ..

قبل يومين إستضاف كمال حامد صلاح إدريس في قناة النيلين فإهتبل الأخير الفرصة كعادته واخذ يكيل السباب ويتفنن في السخرية من الأخ خالد عزالدين دون ان يأبه لمحاولات كمال حامد لإثنائه عن هذا الولغ فواصل كلامه حتى قال ( نحن خالد دا سافهنوا وسافهين كلامو ) ..
هذه هي لغة رئيس نادي الهلال ودرجة فهمه وتقييمه للامور ..
والناس تموت بالضحك ..
بالمناسبة صلاح إدريس هو الذي تسبب في ذهاب كمال حامد عن التلفزيون عندما إنتهز فرصة إستضافته من قبل في برنامج الرياضة وأمطر البروف شداد بالإساءات والشتم والهتر علي الهواء مباشرة وهو ما قادت تداعياته بعد ذلك لخروج كمال من التفزيون .
هل يا تري ستتكرر الحادثة مع كمال حامد الذي لا يتوب ولا يريد ان يتوب ..؟؟؟؟؟؟؟؟؟
والعالم برة تموت من الضحك .

يا سيد مافي زول بيضحك علي الارباب

وزي مل قال ليك معتصم

انت هلالابي زعلان بس

تكون كنت عاوز الرئاسه دي ولا شنو

يا عزيزى طلحه سلامات وانت طبعا صحفى واتمنى ان لا تكتب قبل التاكد من المعلومه وانت صاحب مصادر واسعه واقول لك ان خالد عز الدين صحفى مصالح والدليل انه كان مؤيدا للارباب وفجاه انقلب عليه بصوره مقززه وفيها امتهان لكرامة الصحفى والارباب وجه اتهامات مباشره لخالد اتهمه فيها بانه سرق اموال المحترفين وان سيارته من اموال المحترفين واتهمه بالسمسره واتهمه بانه قام بتحريض جمهور المورده للتظاهر ضد تسجيل حافظ وصالح عبد الله للهلال واتهمه الارباب وقال ان خالد مشكوك فى هلاليته وبعد كل هذا لم يستطع خالد الرد وانا بدورى اقول ان خالد اساء لكل الصحقيين بتصرفاته تلك وطالما انه مطرود من الهلال فنحن نتوقع ان يفعل اى شىء يسعد المريخاب ويستخدم كل الاسلحه ضد الارباب الذى كشف حقيقته للجمهور الهلالى الذى لفظه كما يلفظ النوى

مصطفي مختار أزيك يا راجل ووين حيك انت
طبعا ما عارف بتتكلم عن ياتو معلومة المفروض اتأكد منها دي يا حبيب ..
مجمل كلامي يدور حول مشاكل الأرباب التى لا تنتهي ولا تريد أن تنتهي وما أوردته بخصوص مشكلته مع خالد عز الدين مثال ضمن امثلة عديدة تؤكد إن الرجل لا يتمتع بالأوتيكيت الذي يؤهله لرئاسة نادي في حجم الهلال كان رئيسه من قبل المرحوم الطيب عبدالله وطه البشير وغيرهما من فطاحلة الإدارة الهلالية .
من المؤسف جدا أن ينزل رئيس نادي الهلال إلى حيث التلاسن والتعارك اللفظي ونشر الغسيل مع صحفي لأن منصب الرئاسة يفترض أن يكون له هيبته ودبلوماسيته .
أربابكم يا مصطفي رجل مشبع بالديكتاتورية والتسلط وحب الذات وينظر إلى الناس من عل متوهما أنه وبماله يستطيع أن يفعل كل شىء لذلك دخل في تحديات خنفشارية مع الخبير شداد وكل ما خسر معركة إفتعل أخري حتى أضحي مادة دسمة للسخرية والإستهزاء من أصدقائه قبل إعدائه.
موضوع البوست يا مصطفي لا يخص مشكلته القديمة الجديدة مع أخونا خالد فقط بقدر ما هو محاولة لقراءة سلوك هذا الرجل الغريب .

موضوع البوست يا مصطفي لا يخص مشكلته القديمة الجديدة مع أخونا خالد فقط بقدر ما هو محاولة لقراءة سلوك هذا الرجل الغريب .

طلحه

بي حقو

رئيس اكبر نادي

عاوز تاني شنو

ما بحس بالدنيويه

عامل اي شيء للتيم بتاعو

شايلين الدوري 5 سنة متتاليه في رئيس نادي سوداني بيحلم بي ده

هلالاب نقعد نقوم علي كيفنا

هاهاهاهاهاهاهاهاهاهاها

Quote: بي حقو

حق شنو دا البخليهو يقعد يشتم ويستحقر الناس من طرف يا عباس ..؟
وبعدين ما قلت لي ..
متين إتهمت الأرباب بالكذب يا زول ..؟
والحاجة التانية أمشي اسحب اتهامك لجمال الوالي بالسرقة او علي الأقل اعتذر يا عبس ..
رجاء.

مجموعة من الكوميديا والتراجيدا السوداء في بوست الأخ فضل كرار إدناه :
خالد عز الدين ،،، آخر ضحايا الحقيقة ،،،، وسقوط مهني مريع
مع الأسف لما وصل اليه الحال ..
يتبع ......

من مشاهد الكوميديا الأربابية ..
تحديه السافر للوائح وإستحقاره وإستصغاره لرجال إتحاد الكرة حيث بلغت به الجرأة أن يتوعدهم بالإزاحة في غضون أسبوع واحد من تاريخه ..
يومها ضحك من ضحك وسخر من سخر وأشفق من أشفق وحزن من حزن علي الحال الذي إنتهي إليه الوسط الرياضي الذي ضربته أطناب الفوضي والهرجلة والتهريج علي نحو ما يمارسه السيد صلاح إدريس رئيس نادي الهلال .
الشاهد أن الأسبوع الذي حدده الأرباب ال (ماكضاب) مر كما تمر الأحلام المستحيلة واعقبته شهور وسنين ومازال رجال الإتحاد بقيادة الخبير شداد متحكرين متمهلين في مقاعدهم بمبني الإتحاد الفخيم بالقرب من المطعم الأشهر (لذيذ) والذي يرتاده الكثير من الرياضيين والذين كل ما جاءوا إلى ذلك المطعم نظروا إلى مبني الإتحاد القابع قربه وتذكروا وعيد الأرباب وتهديداته الكذوبة وإنفجروا بالضحك ..
مع الأرباب مش ح تقدر تكتم ضحكتك .
نواصل بعد الفاصل ....

اواصل ......

ثم والأرباب تطربه هتافية الطبالين الزمارين وتسكره مباخر الحاشية فيقرر أنه وحيد زمانه الذي لم تنجب مثله النساء .
والتجارب معظمها أثبتت إن فلاح السيد رئيس نادي الهلال يكمن تحت عضلة لسانه و(إن الحداث مو سواي) ..و..و..و
والأرباب ينسي أو يتناسي كل أقواله التى خالفت أفعاله ووضعته موضع تندر وسخرية حينما يعاوده الحنين إلي إعتلاء منبر تصريحاته الخنفشارية ليحلف بالطلاق أن لا أحد سيسجل لاعب الموردة نور الدين عنتر إن لم يسجله الهلال .
الشاهد أن بعض مشجعي المريخ وهم يتضاحكون ضموا اللاعب المذكور إلى كشوفات النادي الأحمر قبل أن يرتد صدي حليفة الأرباب ..
وتلك كانت نادرة أخري من نوادر الأرباب ال(ماكضاب ) والتى مازالت تتناقلها المجالس والناس من القهقهة تكاد تموت .
يتبع ..

وما إحجام الهلالاب عن الرد والتعليق والمداخلات في هذا البوست إلا تأكيد علي أن الرجل متفق علي عنترياته التى تجلب المصائب وتبعد المصابينا..
بصريح العبارة الأرباب لا بواكي عليه ..
أوأصل ....

وآآآآآآآآآآ بوستي العزيز
لقيتو في صفحة خرتمية ..
عالم إنتهازيين وضفارين بشكل .