Post: #1
Title: أكيــــد أنت في الســودان ..!!
Author: علاء الدين حيموره
Date: 05-27-2008, 02:15 PM
لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده تبقى أكيد فى السودان
لو إنت فى بلد فيهو سنه سابعةوسنة تامنه ابتدائى… تبقى أنت أكيد فى السودان
لو طالعتك إعلانات شركات (مسئول) كبير وهو لا زال (فى الخدمة)… تبقى أنتأكيد فى السودان لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد فيالسودان
لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان
لو أنت في بلد وزارة الصحة فيهو قالت (الدواء) ده (فاسد) أحظروهو .. وبعدشويه قالت (ما فاسد) خلوهو .. وبعد شويتين (فاسد) أمنعوهو …. تبقى أنتأكيد في السودان
لو لقيت فى بلد (الصحف) بتتقفل بى (ماده) فى القانون (معموله) للمطاعم …تبقى أنت أكيد فى السودان
لما تلاقى الترزي كاتب على باب المحل بتاعو آيه بتقول ( وفصلنا كل شئ تفصيلا) صدق الله العظيم … تبقى أنت أكيد في السودان
لماتخلص تدخل (مكان) وتيجى تركب عربيتك تلاقى (المساحات) مرفوعه عشان تعرف على طول انوفى واحد مسحها ليك وح ياخد منك ألف جنيه … تبقى أنت أكيد فى السودان لو قرأت الصحف فى 1987 و فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فىالسودان
لو زوجة الوزير مليانة دهب بتتجدع بيه بالعلن في الشارع منغير حساب وأطفالها يملطشوا اولاد الجيران أكيد إنت فيالسودان لو أهم (كبرى) فى عاصمة البلد صيانتو عاوزة ليها (سنتين) .. … تبقى أنت أكيد فى السودان
لو بهدلوك في اي مكان واشتكيت للشرطة قالوا دا مش اختصاصناامشي اشتكي في الثروة الحيوانية أكيد أنت في السودان
لولقيت أنو وزارة الداخلية عندها مؤسسات (تعليمية) ووزارة التعليم عندهامؤسسات (صحية) ووزارة الصحة عندها (شركات إنشائية)… تبقى أنت أكيد ف السودان لودخلت (الوزارة) وأنت مؤجر في (زقلونا) وطلعت وعندك عمارتين في (قاردنسيتى (تبقى أنت أكيد في السودان
لو اشتغلت في الخدمة المدنية 30 سنه وأدوك معاش شهرى يساوى 6 كيلولحمة أنت أكيد فى السودان
لوتوقفت (الحركة) إثناء ساعات (الذروة) وإكتشفت أن السبب (كشه) …. تبقى أنتأكيد فى السودان
لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله …. تبقى أنت أكيد فى السودان
لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان
لوتقدم إبنك (المهندس) لشغل وظيفة وكان (الإنترفيو) عن (صلاةالجنازة)تبقى أنت أكيد فى السودان
لو (فجأة) إكتشف (المسئولون) أن (الخريف) على الأبواب …. تبقى أنتأكيد فى السودان
لو عندك (الكلية) اليمين متعطله وعاوزين يشيلوها ليك قامو (إستأصوا) الشمال السليمة لأنو (الدكتور) كان ماسك الأشعة (بالمقلوب) …. تبقى أنتأكيد فى السودان
لو مكث (مرتبك) معك (تلاته ساعات وإطناشر دقيقه) هى الفترة من لحظةإستلامه من الصراف إلى حين عودتك للمنزل …. تبقى أنت أكيد فى السودان
لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان
لو لقيت لوري التراب وكومر البلدية من سنة 50 شغال بالاضافة للرقشة في نفس الشارع اكيد انت في السودان
لو وجدت أن رؤساء (الأحزاب) هم (رؤساء) مدى الحياة …. تبقى أنت أكيد فى السودان لو وجدت أن نسبة الفقر تزداد بإزدياد (معدل النمو) …. تبقى أنت أكيد فى السودان
لوقريتالكلام دا وما علقت ولا جنيت وكنت بارد شديد ومستسلم أكيد أنت من السودان
|
Post: #2
Title: Re: أكيــــد أنت في الســودان ..!!
Author: العوض المسلمي
Date: 05-27-2008, 02:21 PM
Parent: #1
علا الدين سلام
| Quote: لوقريتالكلام دا وما علقت ولا جنيت وكنت بارد شديد ومستسلم أكيد أنت من السودان |
مطب استدراجي
|
Post: #4
Title: Re: أكيــــد أنت في الســودان ..!!
Author: علاء الدين حيموره
Date: 05-27-2008, 02:29 PM
Parent: #2
ولو بلد فيها مطبات استراتيجية كتيرة .. اكيد ده السودان
تسلم اخوي العوض المسلمي
|
Post: #3
Title: Re: أكيــــد أنت في الســودان ..!!
Author: abcde
Date: 05-27-2008, 02:22 PM
Parent: #1
Quote: أكيــــد أنت في الســودان ..!!
|
قديتونا
|
Post: #5
Title: Re: أكيــــد أنت في الســودان ..!!
Author: علاء الدين حيموره
Date: 05-27-2008, 02:41 PM
Parent: #3
الف باء جيم دال
ده السودان القدانا ...
|
Post: #6
Title: Re: أكيــــد أنت في الســودان ..!!
Author: JAD
Date: 05-27-2008, 02:42 PM
Parent: #1
الأخ علاء حيمورة ..
تحية طيبة،
رد الحقوق الفكرية لأصحابها .. وأذكر أن الموضوع منقول من جهة ما..
هذه الموضوع وصلني أمس بالإيميل ..
ولو عاوز تسجل نفسك في قائمة حرامية النت ما مشكلة ..
تحياتي،،،
جاد
|
Post: #8
Title: Re: أكيــــد أنت في الســودان ..!!
Author: علاء الدين حيموره
Date: 05-27-2008, 02:57 PM
Parent: #6
هو يا جاد ده موضوع عايز ليه فكر ؟؟؟؟ ولا حقوق ملكية وفكرية ؟؟؟
طيب القالو منو ؟؟؟
ده زي اغنية البنات الما عندها شاعر ... كل زول بركب حاجة ..
لو عندك اضافة قول يا جاد
|
Post: #7
Title: Re: أكيــــد أنت في الســودان ..!!
Author: عبدالله كع
Date: 05-27-2008, 02:55 PM
Parent: #1
علاء الدين سلام كما ينبغي
قال :
| Quote: أكيــــد أنت في الســودان |
جاد اهلا قال :
Quote: رد الحقوق الفكرية لأصحابها .. وأذكر أن الموضوع منقول من جهة ما..
هذه الموضوع وصلني أمس بالإيميل .. |
ــــــــــــــــــــــــــ
اكيد انتو سودانين
|
Post: #9
Title: Re: أكيــــد أنت في الســودان ..!!
Author: علاء الدين حيموره
Date: 05-27-2008, 03:22 PM
Parent: #7
الحبيب / عبد الله
لو ما بنعمل كده حانكون لبنانيين مظللين ؟؟
دي يا جاد برضو نكتة كانت .. ما عندها مفكر نحفظ ليه حقوقه الفكرية ....
تسلم يا عبد الله
|
Post: #10
Title: Re: أكيــــد أنت في الســودان ..!!
Author: السر عبدالله
Date: 05-27-2008, 04:14 PM
Parent: #9
ولو فى كل خطوة طلبوا منك رشوة اكيد انت فى السودان
|
Post: #11
Title: Re: أكيــــد أنت في الســودان ..!!
Author: عبدالله كع
Date: 05-28-2008, 07:09 AM
Parent: #1
علاء الدين صباحك فل الفل
يا خي انت خليت السودان ده كا كه عدييل كدا يامان
ــــــــــــــ
ولكن لو ما جيت من زي ديل وا اسفاي وا ماساتي وا زلي
|
Post: #12
Title: Re: أكيــــد أنت في الســودان ..!!
Author: الطيب شيقوق
Date: 05-28-2008, 07:59 AM
Parent: #11
علوية
ولو ما تغيبت عن المنبر فترة طويلة -زيك كده- لحدى شحتفت روح الناس ليك برضو اكيد انت في السودان
هييييييييييييييع
|
|