مبروك..اشلاق الصحافيين.. وعقبال للأطباء والمحامين..

الاخوة الاعزاء وردتنا الاخبار من الزميل عبود الخليفة بأن اسكان الصحفيين يسير على قدم وساق، وأرانا الصور.. والحمدلله أصبح لنا اشلاق مثلنا ومثل رجال الشرطة وما في حد أحسن من حد على قولة الرشيد بدوي عبيد.
وان شاء الله عقبال المحالمين والأطباء والمهندسين عشان السودان كله يبقى إشلاقات ..
ولا رايكم شنو.. يا زملاء المنبر...؟؟

يا زميلنا خالد كيف حالك وامورك وازيك يا الكل الناس ماهم زيك.


يا اخوي دي اسمها مدينة الصحفيين وليس( اشلاق ) شفت العظمة دي كيف

وبيني وبينك (القحة ولا صمة الخشم)


وانت سيد العارفين ونحن اكلنا تبن قبال مانمرق من البلد بسبب الايجارات والذلة والهانة ولازال

زملاؤنا ياكلون في النيم اليابس .

والمليون ميل النبداه بجكة في الاشلاق والله رايك شنو

تسلم يا الحبيب

اخي العزيز السيدح
تحياتي وشكرا على المرور والتعليق الظريف

Quote: يا زميلنا خالد كيف حالك وامورك وازيك يا الكل الناس ماهم زيك. يا اخوي دي اسمها مدينة الصحفيين وليس( اشلاق ) شفت العظمة دي كيف وبيني وبينك (القحة ولا صمة الخشم) وانت سيد العارفين ونحن اكلنا تبن قبال مانمرق من البلد بسبب الايجارات والذلة والهانة ولازال زملاؤنا ياكلون في النيم اليابس . والمليون ميل النبداه بجكة في الاشلاق والله رايك شنو تسلم يا الحبيب

برغم انني ليس من المحظوظين وليس لدي ارض مكل في السودا المليون ميل مربع،،، لكنني ما قادر أتخيل أبداً ان كل جيراني صحافيين...؟؟!! ما قادر ابدا والله اتخيل هذا المنظر...؟؟.
طيب لو سكن كل شرائح البشر في كنتونات أقصد اشلاقات ذي دي كيف تتوفر المعرفة والاحتكاك..؟.
مثلاً اسكن بين قانوني مستشار كبير كلمنا تغلبني حاجة او احتاج لمعلومة أسال جاري، ويسكن قرب مني تخصصات مختلفة كل واحد يستفيد من التالي لكن لمن نكون كلنا شريحة واحدة في مدينة واحدة يكون هناك شئ غير منطقي لأن الفطرة الربانية من التنوع هي الاستفادة من المعارف المختلفة والثقافات المختلفة والنواتج المختلفة.
لكنني أتساءل لماذا لا تعطي الحكومة اراضي للصحافيين في اماكن وسط الشرائح الاخرى حتى لا يكون هناك تمييز..
انا متأكد الزملاء الصحافيين في بداية سكنهم في هذه البيوت سيكونوا مرتاحين في الاول لكن بعد ذلك اتوقع أ، تتغير المسألة تماماً.
ولا رايك شنو أخوي السيدح.. وباقي الزملاء..؟