خليل إبراهيم في أنجمينا

ومنذ الثلاثاء 20 مايو

وصلها على متن طائرة عسكرية تابعة للقوات المسلحة التشادية قادما من منطقة ما على الحدود التشادية السودانية ..

الاخ الكريم
سلام
ياخى ما ينسيك فرحك بنجاة د.خليل من امدرمان ...تقوم تورط خليل والحكومة التشادية فى الاشتراك فى العمل العسكرى ضد عاصمتنا وولايتنا ..
بعد دهـ لحكومة الوحدة الوطنية الحق وكل الحق فى الرد المناسب ضد النظام التشادى .
الاخ الكريم
كديه بيه فرحك ده ...ورينا عائدية معركة امدرمان على الاتى شنو ..

اهلنا البسطاء فى دار زغاوة
اهلنا البسطاء فى ولايات شمال وغرب دارفور
الكسب السياسي المتحقق للحركة السياسية الدارفورية
ابناء دارفور فى ولاية الخرطوم

أخونا بدر الدين إسحاق .. ازيك ياخوي ..
طبعا ما حصل اتقابلنا في بوست ولا اتعاقبنا ساي رغم إني مقل جدا في الكتابة ونادر التواجد في المنبر ..
لكن لو كات كيبورداتنا اتلاقت قبل كدا ما كنت قلت لي كلامك التحت ..

Quote: ياخى ما ينسيك فرحك بنجاة د.خليل من امدرمان ...تقوم تورط خليل والحكومة التشادية فى الاشتراك فى العمل العسكرى ضد عاصمتنا وولايتنا .. بعد دهـ لحكومة الوحدة الوطنية الحق وكل الحق فى الرد المناسب ضد النظام التشادى . الاخ الكريم كديه بيه فرحك ده ...ورينا عائدية معركة امدرمان على الاتى شنو .. اهلنا البسطاء فى دار زغاوة اهلنا البسطاء فى ولايات شمال وغرب دارفور الكسب السياسي المتحقق للحركة السياسية الدارفورية ابناء دارفور فى ولاية الخرطوم

والله العظيم يا بدرالدين الحرب الدائرة بين السودانيين بيناتهم من جهة والتشاديين بيناتهم من جهة والسودان وتشاد من جهة تالتة أنا من أكثر الناس رفضا ليها .. أعرف أن للجميع قضايا ربما تكون عادلة على الأقل في نظرهم لكن الحرب ليست الوسيلة الوحيدة لحل القضايا ورد المظالم وتحقيق العدالة .. أنا يا بدرالدين أخوي عندي قناعة أنو ما أخذ بالقوة يمكن أن يسترد بغير القوة ..
ياخي عشان أريحك .. لو في كبشين اتناطحوا أنا بزعل .. تقول لي فرحان ..الله يسامحك..


عموما حصل خير وحبابك..

الاخ الكريم محمد نور
سلامات ليك
يعلم الله ان ما يتعرض له الانسان السودانى من ابناء دارفور ...لو قدر د. خليل ما سيحدث له لفكر ملايين المرات قبل ان يقدم على ما فعله ...
ان تكون موضع اشتباه لسحنتك ...للهجتك ...لانك من دارفور ...هو عنوان الاجراءات الامنية التى لا يعلم د.خليل ما هى ولا يحس بها ...
حتى الطلاب لاول مرة يتم تجريم من ينتمى الى حركة سياسية لممارستها بتوجيه مباشر من رئيس البلاد ...لفداحة ما تم ..
انا من دعاة عدم الغلو فى كل شى ...فلك العتبى ان كانت كلمة ...فرحان ...لا تعبر عن حقيقة دواخلك ونواياك تجاه الموضوع .( معليش السودانية حقتنا بتكفيك ) .
وكمان جملة الله يسامحك ...جميلة جدا فهى دعاء نقول عليه امين امين

Quote: ياخي عشان أريحك .. لو في كبشين اتناطحوا أنا بزعل .. تقول لي فرحان ..الله يسامحك.. عموما حصل خير وحبابك..

يا جماعة خلوهو يتلو البيان الأول بتاعو دا من انجمينا

ما فارقة كتير لو ما دخل القصر الرئاسي بتاع الخرطوم أهو دخل القصر الرئاسي بتاع انجمينا

وتحقق الحلم



كمال

سلام يا عريس


طيب كلم أخونا محمد حامد جمعة

Quote: طيب كلم أخونا محمد حامد جمعة

كنت قايلوا عارف .. لكن بيني وبينك هو وقت الزول جا زارهم ما عرفوا باقي بيعرفوا محل مشى؟
الخبر دا متداول في الشارع العام في أنجمينا من يوم الجمعة الفاتت..
لكن ناس المنبر ديل صعبين كان جيت رميتوا ليهم ساي كدا ببقوا ليك في الزرارة الأخيرة ..
غايتو فلت النصبر لمن يكتبها زول إنشاءالله بي فحمة في حيطة مدرسة عشان نجي نقول ليهم قالها فلان..
مع أنو فلان داتو ممكن يكون كلامه لتيك ساي لكن الشعب السوداني داعجيب .. ممكن يصدق البعيد أو الما بيعرفه لكن إنت الجنبه تظل مصداقيتك مشكوك فيها حتى لو ..

غايتو..

ياخي ازيك يا دكتور..

محمد

تحياتي

Quote: طائرة عسكرية تابعة للقوات المسلحة التشادية

لو الكلام صحيح
حكومة الخرطوم كلامها صاح

Quote: حكومة الخرطوم كلامها صاح

والله يا بشير يا اخوي عشان أتفق معاك في صاح ولا ما صاح محتاج أعرف إنت بتتكلم عن ياتو كلام من كلامات حكومة الخرطوم..
باقي ليك الناس ديل القالوا شوية .. شئ صاح وشئ جغميس ساي في برلمانات الأطفال ما بيتقال..
فكدا بالله ورينا إنت قاصد شنو عشان نقول معاك صاح ولا غلط في حدود المعرفة ..

سلام يا صاحب

مصدر الخبر لو سمحت













ناصر

http://alwihdainfo.com/Tchad-panique-a-N-Djamena_a657.html

دا كلام شنو دا ياعريس ؟

انتا معانا والا مع الخيانه
وبعدين العرس كيف

Quote: انتا معانا والا مع الخيانه

برااااااااااي .. الله ورقبتي وبت الناس الرضت بي دي..

Quote: وبعدين العرس كيف

خلاص نويت على التانية .. صدقني زي الأولى .. دي بخيتة وديك حتبقى سعييدة ,,
حأكون مؤهل للإجابة على السؤال دا في ديسمبر الجاي ..
إت يا علي يا اخوي قايلني مصاقر المنبر دا الساعة 4 صباحا ريدة يعني.. أبدا وحياتك لسه ما استلمنا..

الناس ديل عاملين حماية للمواد الفي الموقع بحيث أنها ما تتنسخ ..
فصراحة ما قدرت آخد الموضوع عشان أنزله هنا ..
لو في أخو بنيات بيفهم في الموضوع دا بالله ينزل لينا الموضوع الفي الرابط هنا ..
وليكم علي أترجم الجزئية المهمة فيه قبل ما أمشي أنوم..

يبدو أن الخبر ليس ذات أهمية كبرى لدى موقع صحيفة الوحدة الإلكترونية التشادية ..
حيث لم تتعامل أسرة التحرير بالخبر بأهمية كما كان سيفعل أحمد البلال الطيب ..
لا يساورني شك كبير في صحة الخبر لوروده باسم الزميل الصحفي التشادي/ محمد أحمد كبير الذي يتعامل بمهنية عالية والتزام صارم..

Quote: خليل إبراهيم في أنجمينا

لا اعتقد بذلك
والا لو كان شم نفسه ووصل انجمينا كان ظهر للعالم كلو عبر الفضائيات
كبطل دخل عرين الاسد وخرج منه سالما
وهو وحركته احوج ما يكون الى الظهور فى هذا الوقت بالزات

غايتو نشوف مقبل الايام ...

La présence effective et dans la plus grande discrétion à N'Djamena du leader du Mouvement pour la Justice et l'Egalité (MJE), Khalil Ibrahim, arrivé le 20 mai à bord d'un aéronef des forces de défense et de sécurité tchadiennes éveille tous les soupçons. Pourquoi ce rebelle soudanais dont le mouvement a attaqué la banlieue de la capitale soudanaise dix jours plus tôt se retrouve-t-il dans la capitale tchadienne? Qu'y fait-il? Faut-il pour N'Djamena de mettre sous haute protection son allié inconditionnel dans la guerre d'usure contre Khartoum suite à l'échec de l'assaut suicidaire du 10 mai? Ce rebelle soudanais du Darfour aurait-il perdu sa guerre contre le régime islamiste de Khartoum pour trouver refuge au bout du compte à N'Djamena? Khalil Ibrahim serait-il sollicité et transporté d'urgence à N'Djamena en vue de renforcer le dispositif en place en cas d'une attaque éventuelle venant de l'est?

ــــــــــــــــــ
ترجمة اساسي

زعيم حركة العدل والمساواة ، خليل ابراهيم ، من 20 ايار / مايو وصل الي انجمينا على متن طائرة تابعة لقوات الدفاع والامن التشاديه مما يثير الكثير من الشكوك . لماذا هاجمت حركة التمرد السودانية ضواحي العاصمة السودانية قبل عشرة ايام والان وهو موجود في العاصمة التشاديه؟ لماذا؟ هل من الضروري لأنجامينا اارتفاع مستوى الحمايه في اطار الحليف غير المشروط في حرب الاستنزاف ضد الخرطوم بعد فشل الهجوم الانتحاري للمتمردين السودانيين في دارفور في 10 ايار / مايو؟ من شأنه ان يفقده العثور على ملجأ في نجامينا في نهاية المطاف؟

Quote: مصدر الخبر لو سمحت

تحت ..
ولا على كيفي..







سلام يا ناصر

Quote: Tchad: panique à N'Djamena La présence effective et dans la plus grande discrétion à N'Djamena du leader du Mouvement pour la Justice et l'Egalité (MJE), Khalil Ibrahim, arrivé le 20 mai à bord d'un aéronef des forces de défense et de sécurité tchadiennes éveille tous les soupçons. Pourquoi ce rebelle soudanais dont le mouvement a attaqué la banlieue de la capitale soudanaise dix jours plus tôt se retrouve-t-il dans la capitale tchadienne?

شكرا يا شباب .. الله يخضر ضراعكم ..


لوكوا الصبر لمن نترجم الجزئبة المهمة..

Quote: Tchad: panique à N'Djamena La présence effective et dans la plus grande discrétion à N'Djamena du leader du Mouvement pour la Justice et l'Egalité (MJE), Khalil Ibrahim, arrivé le 20 mai à bord d'un aéronef des forces de défense et de sécurité tchadiennes éveille tous les soupçons. Pourquoi ce rebelle soudanais dont le mouvement a attaqué la banlieue de la capitale soudanaise dix jours plus tôt se retrouve-t-il dans la capitale tchadienne?

Quote: La présence effective et dans la plus grande discrétion à N'Djamena du leader du Mouvement pour la Justice et l'Egalité (MJE), Khalil Ibrahim, arrivé le 20 mai à bord d'un aéronef des forces de défense et de sécurité tchadiennes éveille tous les soupçons. Pourquoi ce rebelle soudanais dont le mouvement a attaqué la banlieue de la capitale soudanaise dix jours plus tôt se retrouve-t-il dans la capitale tchadienne? Qu'y fait-il? Faut-il pour N'Djamena de mettre sous haute protection son allié inconditionnel dans la guerre d'usure contre Khartoum suite à l'échec de l'assaut suicidaire du 10 mai? Ce rebelle soudanais du Darfour aurait-il perdu sa guerre contre le régime islamiste de Khartoum pour trouver refuge au bout du compte à N'Djamena? Khalil Ibrahim serait-il sollicité et transporté d'urgence à N'Djamena en vue de renforcer le dispositif en place en cas d'une attaque éventuelle venant de l'est?

يلا ياحبيب ترجم جبنا ليك الصفحة كاملة

هذه ترجمة غير قانونية للفقرة الواردة في المربع المظلل بالأصفر أعلاه ..
وهي الجزئية التي ورد فيهاخبر تواجد خليل بأنجمينا..



حالة ذعر في أنجمينا..
التقديرات الخاطئة بالتواجد الفعلي لـقائد حركة العدل والمساواه خليل إبراهيم في أنجمينا والتي وصلها يوم 20 مايو على متن طائرة حربية تتبع لقوات الدفاع والأمن التشادية يوقظ كل أنواع الظنون ..
لماذا يتواجد هذا المتمرد السوداني الذي هاجمت قواته ضواحي العاصمة السودانية قبل عشرة أيام من الآن في العاصمة التشادية أنجمينا؟

الحضور الفعّال وبالتقديرِ الأعلى في إنجمينا،
زعيم حركةِ العدلِ والمساواةِ (جْي إي إم)، خليل إبراهيم، الذي وَصلَ في مايو/مايس 20 على متن طائرةِ الدفاعِ وُ الأمنِ التشاديِ .
سؤال يَصحّي كُلّ الشكوك. لماذا حركة الثوّار السودانية التي تُهاجمُ أطرافَ العاصمةِ السودانيةِ قبل عشَر أيام تتوُجِدفي العاصمةِ التشاديةِ؟




_
خرمجة من نوبي
يا عريس مشتاقين ياخ ..

وهنا محاولة اخرى :


تشاد : خوف في أنجمينا
وصل خليل إبراهيم ، زعيم حركة العدل والمساواة"جم" ، من الحدود إلى أنجمينا على متن طائرة عسكرية تابعة لوزارة الدفاع والأمن منذ 20 مايو ، وهذا ما يثير الشكوك ، ولماذا هاجمت حركة التمرد السودانية ضواحي العاصمة السودانية قبل عشرة أيام ولماذا وجد خليل في العاصمة التشادية ؟وهل من الضروري أن ترفع أنجمينا مستوى الحماية لحليفها في حرب الاستنزاف ضد الخرطوم بعد فشل الهجوم الانتحاري في 10 مايو؟ حرب المتمردين السودانيين في دارفور ضد النظام الإسلامي في الخرطوم من شأنه أن يفقدهم العثور على ملجأ في نجامينا في نهاية المطاف؟ تنقل خليل إبراهيم في حالات الطوارئ في نجامينا لتعزيز النظام في حالة هجوم محتمل من الشرق؟

وبن يا بتاع المغربيات*
باين عليك قريت في المدارس المصرية ..
عاد ما شغل جلابة.. بتقروا في مدارس أولاد الأصول وتتعلموا الإنجليزي والفرنساوي وتباروا المهمشين عشان تجوبوا خبرهم في تشاد

Quote: خرمجة من نوبي يا عريس مشتاقين ياخ ..

بطريقتك دي بتهدد معايشنا يا نوبيان..
يعني المرة ما تجي ولا شنو؟









--------------
من المغرب .. الوقت ما الدولة عشان عمك وأبوشنب ما يفسروها على كيفهم

Quote: من المغرب .. الوقت ما الدولة عشان عمك وأبوشنب ما يفسروها على كيفهم

المغارب يا عمك
المغاااارب


عشان ما نبقى ليك في زرارتك الأخيرة دي


مشتاغون

ودعاية قبضوه وسكوه دي كلها تطلع
قصص وكلام ساااااااااااي
والله تعيش كثير تسمع كثير

حباب الغاووون .. حباب أب شنب ..

Quote: المغارب يا عمك المغاااارب

إنت يا كافي البلاء ما أدوكم الميزان الصرفي في الأولية.. و لا يا ربي كنت غايب اليوم داك؟
مغربيات دي يا أب شنب على وزن فعليات ..
أوع تجي تقول لي ممنوع من الصرف بالضمة الظاهرة على آخرها.. بخسرك يا ابوشنب

Quote: مشتاغون

بالأغتر





---------------
الزول دا ما نقشنا ليك فيلمه .. دحين يا اب شنب باقي ليك ناس الحيكومة حيرسلوا لي الجائزة ولا يعملوا نائمين بحقي؟

Quote: باقي ليك ناس الحيكومة حيرسلوا لي الجائزة ولا يعملوا نائمين بحقي؟

حق الترجمة (المُشكلة و منقطة) الفوق دي بره يا أبو حميد










_
إنت شهر العسل ده ناقص ولا أخوكـ ما بيعرف يحسب

Quote: إنت شهر العسل ده ناقص ولا أخوكـ ما بيعرف يحسب

بالحيل تعرف تحسب يا حبه .. إلا أسعار البترول المولعة نار دي شايفها براك؟













---------------
يا عمك الشغلانة مؤبد مع وقف التنفيذ .. لحسن السير والسلوك
لو ما كدا باقي ليك هسع كنت أصاقرك إنت وأساهر مع خليل في انجمينا ولا الغزالة جاوزت؟

محمد نور أحمد
تحياتي..

Quote: ولا الغزالة جاوزت؟

لماذا لم يتحدث خليل ابراهيم هل اسر ام طش !!

أخبار عادية..

Quote: بطبيعة الحال ابن ألوز عوام وإذا دخل البحيرة يعرف كيف يخرج منها سالما.. فما الذي حدث لابن الغزال ان يقلد خطوات ابن ألوز؟ ان حركات التمرد في تشاد اعتادت على دخول العاصمة التشادية انجمينا وهدم قصر الرئاسة على رؤؤس ساكنيه بطرق ذكية جدا ثم الخرج منها سالمة..هذا لأنها قوة كبيرة وضاربة ولا يستطيع أحدا اعتراض طريقها.

ها ها ها ـــ من كان يعلم ان ادريس ديبي قد يفل&
هاك: Moulineur


سمحة العافية..

محمد نور
سلامات
قوات الصاقعه المنبريه وصلت


يازول انت قلت نزلت البوست ده 4 صباحا بتوقيت اريزونا
اها ده عز نهار السوان حسه نحن ناس كندا صحينا...
ومحمد حامد جمعه لسه عامل نائم!!
لووووووووووو زي ما بتقول دوما
وينك يا كمندان؟؟!!

(نوم العوافي يا قميل
كل ده وانت بتاكل رز بلبن مع الملائكه؟؟!!
مش ممكن يا قمعه يا اخوي اصحى نايم لها ايه؟؟)بالمصري قال لك يا جمعه يا اخوي
بصبح عليك.

Quote: إنت شهر العسل ده ناقص

يا عمك
زولك دا لسع ما استلم .. ضمير مستتر تقديره بعاين بعيونو




بعدين عمك أبو حتوت اليومين ديل مركب ليهو مكنة فيستو

جرو بقى عاجز شوية

مرحبا بالكمندان تراجي..
أنا مخصوص قلت أنزل الخبر دا بعد تراجي تنوم تجي تصحي لي في أنصاص الليالي وتقابضي في البورد..؟
لكن الحمدلله برضو.. أنا مما الخبر دا نزل دخلت فيني خلعة ما طلعت إلا هسع..
قلت الكمندان تراجي لو جات ياها القيامتي قامت وموضوعي استحم.. لكن جات سليمة..

صباح الخير يا أم حازم .. المصيبة إنو أنا ياداب ماشي أنوم.

سريع بالله خروف سلامة زولكم

الحمدلله الدكتور خليل ومجلسه الان فى الميدان ....

ولم يفارق جيشه الى الان ....



اؤكد لك ذلك ....

يا ابو حميد ياخ بره الموضوع ده
و بمناسبة الاخبار المغلوطة و الغير مغلوطة دي









_
أمس لقيت واحد من الشباب بتاعين الخبارات و كده .. قال الشريف مبسوط مني قاعد في دبُي و حدد موقعه كمان !!
القصة دي صِح ولا كضب كضب

Quote: أمس لقيت واحد من الشباب بتاعين الخبارات و كده .. قال الشريف مبسوط مني قاعد في دبُي و حدد موقعه كمان !! القصة دي صِح ولا كضب كضب

إنت ياخوي مغروض فيه ولا شمار منك ساي؟ غايتو مافي ليك لكزس يا مان .. فلستوا بي زولنا دا ياخي..

يا اخوي خروف سلامة زولنا
ولا انت الخلعه الداخلك شنو؟؟
مالك سماهر كده؟؟؟
نزلت البوست 4 صباحا
وحارسه لحدي الساعه 7؟؟!!
يا اخوي امشي نوم نومك

Quote: مرحبا بالكمندان تراجي.. أنا مخصوص قلت أنزل الخبر دا بعد تراجي تنوم تجي تصحي لي في أنصاص الليالي وتقابضي في البورد..؟ لكن الحمدلله برضو.. أنا مما الخبر دا نزل دخلت فيني خلعة ما طلعت إلا هسع.. قلت الكمندان تراجي لو جات ياها القيامتي قامت وموضوعي استحم.. لكن جات سليمة.. صباح الخير يا أم حازم .. المصيبة إنو أنا ياداب ماشي أنوم. سريع بالله خروف سلامة زولكم

والا تكون زي جلابة الخرطوم الطار نومهم لليوم من يوم 10 مايو

نسأل الله السلامة
داير تطلعني من جماعة تراجي يا ابو حميد





_
ناس اللكزس ظاااااااااطهم هنا ؛ واضح سعادتكـ

Quote: داير تطلعني من جماعة تراجي يا ابو حميد

إنت لاقي ؟؟ هسع مفروض تكون ندمان وسافي التراب إنك ما من جماعتها

Quote: ناس اللكزس ظاااااااااطهم هنا ؛ واضح سعادتكـ

واضح سعادتك .. واضح أبوي .. وضح تب أبوي ... كالشمس في فشفاش السماء في خامسة النهار..

Quote: نسأل الله السلامة

قفل في ساعته وتاريخه تحت ختمي وتوقيعي..
ما البوست يا مان .. موضوعك الجانبي الحميت بيه البوست..





----------
نوبي ..
بالله شيل سفنجاتك واتكل على الله ..
بارك الله في من زار وخف ..
سعيكم مشكور ياخي..
إنشاءالله ما نجيك في شينة ياخي..
ياخي تصيح على خير..

Quote: الحمدلله الدكتور خليل ومجلسه الان فى الميدان .... ولم يفارق جيشه الى الان .... اؤكد لك ذلك ....

ياتو ميدان يا عاصم ؟
الميدان الحوالي مدينة هيريبا حيث يتقاتل قوات خليل وقوات بحر منذ البارحة أم شمال كردفان حيث تتمركز بقية قوة الذراع الطويل؟
أنا جاد جدا في سؤالي؟ حقيقي داير أعرف.

نرجع لي موضوعنا

Quote: ياتو ميدان يا عاصم ؟ الميدان الحوالي مدينة هيريبا حيث يتقاتل قوات خليل وقوات بحر منذ البارحة أم شمال كردفان حيث تتمركز بقية قوة الذراع الطويل؟ أنا جاد جدا في سؤالي؟ حقيقي داير أعرف.

_
ميدان الخليفة يا ابوحميد

قلت لى في انجمينا ..؟
ما أظن ..
لو كان هناك زمان كان ظهر في أى فضائية لزوم اعادة الروح المعنوية لباقي قواتو
الزول ده لو ما فى يد الجماعة هنا بيكون لسة فى مرحلة كيف يتخارج منهم ..
وماتنسى ع العزيز عشر اتقبض فى خشم القربة ..
وفى قرب كتيرة عندها خشوم ممكن تخبئ خليل الى حين القبض او المخارجة

وخبرك ده ريحتو بتوريك مصدرو واللى هوالمعارضة التشادية
يعني خبر أهلك الجلابة ..........

..........................
ياخى كدى خلينا فى المهم

أها بقيتو كم ..؟

Quote: أها بقيتو كم ..؟

على زمانكم كانت بالمراسلة ولا شنو يا الطاهر؟

حلاة رجالتو


كب الزوغة وخلا رجالتو يلقطوا فيهم يوماتي من الخلا

ما كان يرسل ليهم برضو طيارات

Quote: ياتو ميدان يا عاصم ؟ الميدان الحوالي مدينة هيريبا حيث يتقاتل قوات خليل وقوات بحر منذ البارحة أم شمال كردفان حيث تتمركز بقية قوة الذراع الطويل؟ أنا جاد جدا في سؤالي؟ حقيقي داير أعرف.

فى ميدان القتال
وبالتحديد يبعد 85 كيلو الان من الفاشر ..

اما قوات بحر ..
فهذا خطا

القوات تتبع الى السيد جبريل تيك هاجمت بعض الاسر فى معسكر دقوبا
والان تم دحرهم من قبل اهالى المعسكر واسر سيارتيين ..

Quote: أها بقيتو كم ..؟

يالطاهر ساتي بالغته الرجال عزابي لسه
والمدام ما لم في ريحتها تقولوا ليه
بقيتوا كم؟؟؟
حلك لما سلطات الهجرة الامريكيه تديها فيزا
انت قايلوا مبطبط من شنو؟؟؟
ما من الشوق دائر يمشي انجمينا
وقلنا له وحياتك مخابرات ادريس دبي يسوا فيك سوات
امنجية عمر البشير في تراجي آخير لك تتلمه. D
بال الشوق بلا الريد...المنافي بنا اولى. D

.

مسحت شنو يا عثمان موسى ؟
ياخي ما تكتب وتمسح في بوستات الناس لمن يكونوا مافشين ياخي..
البركة في صورتك الوجيهة المنوره البوست..

Quote: يالطاهر ساتي بالغته الرجال عزابي لسه والمدام ما لم في ريحتها تقولوا ليه بقيتوا كم؟؟؟

تراجي طلعتي ماعارفة اى حاجة ..
ناس جامعة افريقيا ديل ياخى من قولة خير بيجيبو تيمان ..!!

الطاهر ازيك ..
..يااخوي لسه بتكتب في موضوع يوم 10 مايو ولا شنو؟

Quote: تراجي طلعتي ماعارفة اى حاجة ..

ياخي قول تراجي دي ما عارفة التكتح..
إنت دي عرفتك؟ زول ما استلم بيبقى 3 كيف؟
والله حقوا يحولوك "الدار" قسم التحقيقات ولا الصفحةالإجتماعية بتاعت حكايات
ولا أقول ليك أحسن حاجة تمشي رئيس تحرير حسن الخاتمة .. هي مش لسه بتصدر؟

Quote: ناس جامعة افريقيا ديل ياخى من قولة خير بيجيبو تيمان ..!!

بالعكس تماما ناس جامعة أفريقيا ديل من النوع المرا تمشي شهر العسل وتجي حتان يمشي الراجل
والله ذكرتني أخونا عثمان غانا .. راجل لذيذ كدا كان معانا في الجامعة وكان رئيس اتحاد طلاب غانا في السودان..
زولي كان كل مساء بقعد قدام باب الجامعة ويقهي في بنات السلمة الماشات والجايات..
الوقت داك السلمة ما كان عندها مواصلات في السوق العربي..
المهم زولك ..
...........
.......
....
...
..
.
والله الباقي دا يا الطاهر اخوي إلا ماسنجر ..

Quote: خليل إبراهيم في أنجمينا

وحارس شنو يا عريس!
ما تمشى تستلم الجائزة!
صلاح غريبة

حاشية
صلاح غريبة يعتقد ان انجمينا تقع فى السودان
جنى

Quote: وخبرك ده ريحتو بتوريك مصدرو واللى هوالمعارضة التشادية يعني خبر أهلك الجلابة ..........

كلام الطاهر دا نفس الكلام العايز أقوله..

المشكلة كل جهة أصبحت تفبرك الأخبار بما يخدم مصالحها..

الغريبة تراجى وعاصم هللوا للخبر مع أنه بدسمه سم مدسوس لفائدة المعارضة التشادية مستندة على وعيد الحكومة السودانية للحكومة التشادية..

كل هذه التكتيكات لايوجد لحياة المواطن التشادى والسودانى فيها أى حساب..

الحساب فقط هو من سيغلب من..

وكيف الوصول للكرسى بعد فنقلة الآخر..

وكيف تثبت حكومة نفسها بخلخلة الحكومة الأخرى.

Quote: معسكر دقوبا

ودا فى تشاد ياعاصم والا فى السودان
ولماذا تهاجم مثل هذه القوات الاسر ؟

Quote: الأخ محمد نور سلام ومع أحترامى الشديد عليك الله فكنا من تشاد والبلاوى دى يكفى يكفى حرب وفقر وعنصرية . تحياتى .

العزيز عثمان موسى
تحية طيبة
ياخي محمد نور تشاد وطنه ومن حقه يتابع اخباره
فقط نقل خبر ورد في الميديا التشادية يتعلق بالسودان
عزيزي لاداعي للتجريح الكل وطنه في حدقات العيون

محمد نور مبروك العرس
تحياتي

Quote: يعلم الله ان ما يتعرض له الانسان السودانى من ابناء دارفور ...لو قدر د. خليل ما سيحدث له لفكر ملايين المرات قبل ان يقدم على ما فعله

ياسبحانك!

بدر الدين،
د.خليل هو المسؤول من اجراءات الابارثيد؟
يعني قبل خليل ما ينقل المعركة لعاصمة قرارات الابادة، ماكان في ابادة للملايين؟

Quote: حاشية صلاح غريبة يعتقد ان انجمينا تقع فى السودان جنى

يا جني بتبالغ يا اخي!!
انت عارف صلا غريبه ده بيشبه لي عبد الرحيم محمد حسين شبه كبير خلاص
شكل عقلوهم مركبه بطريقة واحدة.

د.بله موسى انت ست النفر دي كان ما جبته سيرته ما بترتاح؟؟

Quote: الغريبة تراجى وعاصم هللوا للخبر

يازول التهيليل وين؟؟وحياتك الا كان تهليل لمكاوة ود جمعه
لانه ملفي شيئ يستحق التهليل في كل الحاصل ده.

محمد نور أحمد
ده الشئ المسحو عثمان موسي :

Quote: الأخ محمد نور سلام ومع أحترامى الشديد عليك الله فكنا من تشاد والبلاوى دى يكفى يكفى حرب وفقر وعنصرية . تحياتى .

وين يا أخونا في التهميش محمد سليمان..
ياخي البركة الكلام عثمان موسى جابك.. لكن كدي كلامه خليه.. اتقالت حاجات أسوأ من كدا في اليومين الفاتوا ديل..
رأيك فيه شنو في الخبر ؟ مدى صحته؟آثاره على الصراع في دارفور؟ آثاره على المواجهة بين تشاد والسودان؟









------------------
عثمان موسى دا باقي ليك كان بكري بقاه مشرف يومين ما كان رفدني..؟

العريس
ألف ألف مبروووووووك
قالو كمان حموده ماشى المريخ وطمبل راجع الهلال
معليش مابفهم فى السياسه كوره بس

Quote: قالو كمان حموده ماشى المريخ وطمبل راجع الهلال معليش مابفهم فى السياسه كوره بس

القحة ولا صمة الخشم يا يسري أخوي..

قلت لي لقاء تشاد والسودان متين يا يسري؟






----------
قصدي اللقاء بتاع الكورة ما بتاع دارفور .. داك أنا عارفه متين...

العريس محمد نور أحمد

Quote: وين يا أخونا في التهميش محمد سليمان.. ياخي البركة الكلام عثمان موسى جابك.. لكن كدي كلامه خليه.. اتقالت حاجات أسوأ من كدا في اليومين الفاتوا ديل.. رأيك فيه شنو في الخبر ؟ مدى صحته؟آثاره على الصراع في دارفور؟ آثاره على المواجهة بين تشاد والسودان؟

شايفك إنت جبته الخبر و بسرعة إتضاريت ورا موقع بالفرنساوي ( خبر زي الجمرة ) ..

خليك من أنجمينا .... دكتور خليل قال لناس البشير أنا جاييكم .... و أبوريالة و نافع و صلاح قوش و أملس ( أقصد أغبش ) قالوا .. هأ ... دي فرقعة إعلامية ...
و تحرك ... و الجماعة ديل قالوا : نحن متابعنو .. و نحن راصدينو بأجود و احدث معدات أنتجتها حصين .. أقصد جياد ...
و ... توووش جاهم داخل أمدرمان .... و إفرنقعت الجلابة ... و دخلوا اجحارهم ..... و بعد أن غادر دكتور خليل خرج الجماعة و قالوا : أصلو في الحقيقة يعني الموضوع .. نحن إستدرجناهو !!
نحن نصبنا ليهو مصيدة ما بتخر مية !!
و سألوهم ناس تمبس و ناس عصام دقداق و حزب الطرش في الزفة : طيب ... قبضتوهو ؟؟!!
و تلعثم أبو ريالة و قال : أصلو المصيدة كانت عبارة عن كماشة الفي .. فتاشة !!
و سألوهم ناس حزب الطرش في الزفة مرة تانية : طيب ... قبضتوهو ؟؟!!
و مرّة أخري تلعثم أبوريالة قبل أن يقول : عندما فلتوا من الكماشة الفي فتاشة ... فتشنا و بحثنا و ما خلينا حتة ... و قبضنا زغاوة و فور كتار ... و كان معاهم غرابة ما يدو الدرب ... حتي الشفع ما خليناهم ... ديل خطرين .... مرتزقة بياخدو بالدورار .... و نحن عايزين نجفف العاصمة من الغرابة و الدارفوريين بالذات ....
و قاطعه حزب الطرش في الزفة : طيب .... قبضتوهو ؟؟!!
و تمتم أبوريالة : هو دخل ... و
و قاطعه الطفل المعجزة : خليل إما ميت أو هارب أو مدس في أمدرمان ... ( و إبتسم بسمة كمن يربت علي كتفه مهنئا نفسه بهذه العبقرية في الإحتمالات الرياضية التي هي مكربة أكتر من كماشة أبوريالة )
و يفرض أبوريالة نفسه كمن يثأر لكرامته في الإجابات ... فهو قبل و بعد كل شئ وزير الدفاع و قائد الجيش الذي زغردت له القلب النابض ( يا فرسان الحوبة .. و عجبونا الليلة جو ... )
الجيش الذي لم يأتي ... و يقحم أبوريالة نفسه كالعارف و الملم بكل التفاصيل الدقيقة : خليل طلع من أمدرمان ... و نحن متابعنو في الركن الشمالي الشرقي لدارفور ... ما حيفلت من رصدنا و متابعتنا .
و يفيق حزب الطرش في الزفة من الصدمة : إنتو خليتونا نملأ منبر سودانيزأونلاين و قلنا خليل إتقبض ... و عصام دهب قال جيبوهو حيييييي .... و ودخالتنا الفي المخابرات طمنا إنو الزول إتقبض ... تجو تقولوا لينا هو في الركن الأنتاركتيكي ؟؟!! ... وين طياراتكم الإستعرضتوا بيها قبال شهر ... بطيار و بدون طيار ؟؟
أبوريالة: يا جماعة ... نحن بنحارب بطيارات من زمن الحرب العالمية الثانية ... لكن ما تخافوا ... لدينا خط الدفاع الرابع و الذي كان مهمته إسترداد النظام لو نجح خليل و ناسو في السيطرة علي الوضع ... إنتو أحمدوا ربكم ساكت إنو ما إحتجنا لخط الدفاع الرابع .... شعب جنّو شكوي و نقّة .....
أما نافع علي نافع فقال : هم عايزين الرجالة دي .. حنوريها ليهم في بيوت الأشباح .... جيبوا لي أي واحد مدني ( غير مسلح ) عشان نوريهم النزال بالأدوات الكهربائية و مسائل اخري هي من أسرار دولتنا .

.
.

محمد نور أحمد ..... لو دكتور خليل في أنجمينا أو باريس أو لندن .... كلو جايز .... كما قال أبو الجاز
لكن بجد .... ستأتيك الاخبار الأكيدة بعد أيام إن شاء الله ...

العريس ... حبابك ...
ياخي والله جيتك بتبوظ أعصاب الجماعة في البورد .....
لاحظ كلامهم الناعم ليك ... الناس ديل جنهم وجن تنبش ليهم عمايل أهلهم في تشاد
وحياتك ...تقرأ وتستغفر ... ماتعرف المناضل من الكوز ... وكله محسوب بالقبيلة ....
أغرب خلاصات غزوة أمدرمان الشهيرة ...
كيزان لاقو كيزان ... ولما تركز في الموضوع ... علي الطلاق ماتفرز السوداني من التشادي...
...
...
رحم الله صديقناالجلابي العنصري الكبير / منير ... وتوقعاته عنهم ..
________
آخر معلومة وأنت غايب ... إتضح أن 2% في تشاد كنسبة تعتبر أكبر من 5% في السودان ... شفت حكمة الله !!!!!!
________
وعشان يتم التشتيت ... تتغير يافطات النضال لهم من وقت لآخر حسب الحوجة ...
مرة ... التباكي على النظام الديمقراطي ..
ومرة ... العنصرية .. وإحتكار الأقلية في السودان للحكم ..
ومرة ... ومرة .....و......و
وده كله كلام جميل .. ومن حقهم ... بس الله يقدرك تسألهم عن موقف هذه اليافطات في إنجمينا في لحظة يعملوا رايحين
....
....
معليش ياعريس ... ح نجيب ليك الهواء بكلامنا ده ...

...

Quote: عثمان موسى دا باقي ليك كان بكري بقاه مشرف يومين ما كان رفدني..؟

قرقرقرقرقرقرقرقرقرقرقرقرقر

والله لكن عثمان موسى سواها شينه يا عريس
لكن امسحا لينا فى وشنا نحنا...

سمح يا ولدنا .

تراجي علييييييييييك الله كان عندك تاكيد للخبر دة قولي لينا عشان انا عندي اخبار ماكويسة بخصوص خليل واعصابي ما بتتحمل والخروف خليهو علي في الغربة دي صعب عليكم تلقو خروف حي كلها مفرزنة 00000000تراجي خليك رياضية ما تزعلي وتتنفشي وتقيلي شمتان ديل كلهم كانو فرداتي خليل 00 عشر 000بحر ادريس 000جبريل 0000يعني انا برضو من اصدقاء الهامش 000 لكن الدنيا فراقا00000خلاص انا منظرك 000ما تتاخري علي 00كويس؟؟؟؟ظ