|
|
|
 Re: صور السيد مبارك الفاضل المهدي في جوبا. (Re: Deng)
|
دينق انت مالك يازول
بقيت طيب كده وبتصدق اي حاجة يرسلوها لك الجماعه ديل؟؟؟
مبارك الفاضل شنو البستعدل ده؟؟؟
مش ده الزول الزمان قال الغرابه عبيد؟؟؟
يا اخي صدق ما تشاء له ولكن ليس نحن.
ولعلمك القال الغرابه عبيد برضو عندو الجنوبين عبيد.
ونحن الاشكال دي قاطعنها معاها ليوم الدين.
| |
 
|
|
|
|
|
|
|
|
Re: صور السيد مبارك الفاضل المهدي في جوبا. (Re: Tragie Mustafa)
|
شـكرا الأخ جـورج بـوك
صـور الأخ, والرجــل السـياسـي البارز السـيد مبـارك الفـاضـل مـع القـاثـد ســلفـا كيـر
تـتـطابق شـكـلا ومضـمـونامـع تـلك الصـور والتـي اخـذت خـلال توقـيع اتـفاقية شـقـدم الشـهيرة
والتـي تعتـبر نـقطة ارتـكـاز فـي ربـط العـلاقـات الوطـيده بـين الرجـلين,وبيـن
الحـركه الشـعبيه وحـزب الأمــه.
تحـبـاتـي لـك مـرة أخــري.
عبدالله محمود
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
الاخ دينق سلام
اخي الكريم
مبارك الفاضل ده زول مناصب بس
وكدي اول شوف تجربته مع ناس المعارضه
باع الجمل بما حمل وصالح الانقاذ براه
وبعد الجماعه ما شالوه وودوه الشارع
وكمان اعتقلوه عمل شنو ؟
والان جاء لجوبا يريد ان يلفت النظر اليه بحضوره
وهو لايعيش الا في الضؤ
ولكنه في النهايه لن ينال الا السراب
الذي كان يريد ان يسقي منه الشعب السوداني
| |
|
|
|
|
|
|
|
|
 Re: صور السيد مبارك الفاضل المهدي في جوبا. (Re: البشير دفع الله)
|
يا دينق سلامات
اقول ليك حاجة
كلامكاالفوق ده بيضحكنى
المهم زى ما بقولوا اهلنا (الله يهنئ سعيد بى سعيدة)
ودايير اقول ليك يا دينق ناس الامة القومى ما قاعدين يعرفوا سياسة تليين الجوانب
ده حرفة دكتور على الحاج وبعض الاقطاعيين فى السياسة السودانية والزول ده انا بعرفو سخى
جدا فى الوصول لى مآربوا .المهم ما تفرحوا ده البايظ بتاع الحزب زى ما بقولوا فى الكوشتينة(لعب الورق)
الكروت الجيدة لسة فوق حزب الامة بكامل قياداتوا المنجزة فى بورتسودان (يعنى الجواكر) وباقيهم فى امريكا
المهم يا دينق نحن ضبينا المؤتمر الوطنى فى ركن ضيق جدا بعد الاتفاق الاخير ,والمهم ناسنا جايينكم فى اليومين
الجايات ناس لجنة التفاوض وديل ناس غبش ساكت ما عندهم التكتح غير اتفاقهم الموضوعى لحل الازمة السودانية وعشمهم
كبير فيكم لحل هذه الازمة , وزى ما قلت ليك الناس الجايينكم ما بيلمعو زى الدهب وهداياهم تسبقهم كما الملوك زلكنهم
اناس يكنون لكم كل الاحترام والتقدير فنتمنى ان نجد ما نصبوا اليه عندكم
وليك الود يا حبيب.
عبدالمنعم خيرالله
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
الاخوة الأعزاء
لا أجد أي ضير في أي تحالف لحزب أو شخص مع أي حزب آخر (بالرغم أنه لا يوجد خبر مع الصور والمؤتمر حضره الكثير من الشخصيات)
المهم ألا يكون هناك تجاوز ما أو خرق ما أو خيانة ما..الحمدلله انتهت فترة نقاهة الرجل وما شاءالله سمين وأمين وتحية لمحمد عادل الذي لا أراه هنا.
دينق العزيز..دعني استلهم معنىً واحد من صورك..اذا كانت موجهة للسيد الصادق صاحب وثيقة التراضي مع المؤتمر الوطني..
المؤتمر الوطني موقع مع الحركة الشعبية اتفاقية سلام شامل تاريخية لم يشهد العالم مثيل لها. الاتفاق الأهم في السودان هو هذا الأخير
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: فدوى الشريف)
|
| Quote: المؤتمر الوطني موقع مع الحركة الشعبية اتفاقية سلام شامل تاريخية لم يشهد العالم مثيل لها. الاتفاق الأهم في السودان هو هذا الأخير |
.
دا حالتو ؟
طيب ما تتعاملوا مع هو بنفس الدرجة من الاهميه التاريخيه دى.
ام المسأله صرف عربى فارغ.
حسع بتضربوا فى ابيى مالكم.
بطلوا التناقض.
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
Quote: دينق انت مالك يازول
بقيت طيب كده وبتصدق اي حاجة يرسلوها لك الجماعه ديل؟؟؟
مبارك الفاضل شنو البستعدل ده؟؟؟
مش ده الزول الزمان قال الغرابه عبيد؟؟؟
يا اخي صدق ما تشاء له ولكن ليس نحن.
ولعلمك القال الغرابه عبيد برضو عندو الجنوبين عبيد.
ونحن الاشكال دي قاطعنها معاها ليوم الدين. |
تراجي.
أنا ما عندي أي معلومة عن الكلام القالو مبارك الفاضل ده. لو في مصدر أو أي معلومة معينة زكرتيها لينا هنا يكون أفضل. لأنو ده أتهام كبير ولا يمكن أن نتساهل فيه أبدا. مهما كان.
دينق.
| |
|
|
|
|
|
|
|
|
 Re: صور السيد مبارك الفاضل المهدي في جوبا. (Re: Deng)
|
يا أاخوانا تراجي دي يا تاخدوها قدر عقلها..
يا تخلوها بقدر حال نقصان عقلها..
مشكلة المسكينة مضللة..
ومعلوفة ببهتان [كارل ماركس ولينين] وبقية تنظيرات كتب عشرة أيام هزت العالم..
وماها عارفة إنو السيد مبارك الفاضل عرقو طاقي في أهلنا الفور..
كده حدثوها قولوا ليها يا تراجي..
لو بتعرفي إنو السيدة [مقبولة] هي أم الإمام عبدالرحمن المهدي [الناجي الوحيد عقب إعدام أبناء الإمام المهدي]..
وهي بنت السلطان تيراب [أعرق سلاطين قبيلة الفور]..
يا تراجي بتبالغي لكن..
معقولة بس..
أصلاً ما خاب ظننا فيكـ كونكـ رايحة في بطن الجيفة..
ياها جبتيها [مصنقرة] من الآخر وطلعتي (كلدنق)..
وختيتها في السهلة ضقلة كبيرة في الصقيعة كالمنبث لا أرض قطعتي ولا ظهر أبقيتي..
طلعتي سخيل باهت ساآآآآآي يا تراجي..
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
اخواني وراق ودينق والعمدة
عايزين تراجي تثبت الكلام دا
Quote:
Quote: دينق انت مالك يازول
بقيت طيب كده وبتصدق اي حاجة يرسلوها لك الجماعه ديل؟؟؟
مبارك الفاضل شنو البستعدل ده؟؟؟
مش ده الزول الزمان قال الغرابه عبيد؟؟؟
يا اخي صدق ما تشاء له ولكن ليس نحن.
ولعلمك القال الغرابه عبيد برضو عندو الجنوبين عبيد.
ونحن الاشكال دي قاطعنها معاها ليوم الدين.
تراجي.
أنا ما عندي أي معلومة عن الكلام القالو مبارك الفاضل ده. لو في مصدر أو أي معلومة معينة زكرتيها لينا هنا يكون أفضل. لأنو ده أتهام كبير ولا يمكن أن نتساهل فيه أبدا. مهما كان.
|
انتو كان كدا لسع ما عرفتو الزولة دي ( فليس على المريض حرج )
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: امير مصطفى احمد)
|
| Quote: انتو كان كدا لسع ما عرفتو الزولة دي ( فليس على المريض حرج ) |
والله يا أمير خبر عجوبا ناطي عضانهم بغادي كون تراجي كانت بت حينا سابقاً في نيالا..
إلا ضلال خالد عويس الإعلامي في قناة العربية عامي بصيرة البصيرة أم حمد..
البقدر يقول عين السلطان عوراء منو لينال تمام الرضى ياتو..
وعينكـ ما تشوف إلا النور الشعاعو جهر..
ربكـ يجيب العواقب سليمة..
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Tragie Mustafa)
|
عبد الرازق يا ود حلتنا سابقا
يا ابو جيفه في طايقوه قلت لي تراجي ما عارفه:
Quote: وماها عارفة إنو السيد مبارك الفاضل عرقو طاقي في أهلنا الفور..
كده حدثوها قولوا ليها يا تراجي..
لو بتعرفي إنو السيدة [مقبولة] هي أم الإمام عبدالرحمن المهدي [الناجي الوحيد عقب إعدام أبناء الإمام المهدي]..
وهي بنت السلطان تيراب [أعرق سلاطين قبيلة الفور]..
|
يازول انت المسكين
هو مبارك ده شايف ناس الصادق عبيد تقول لي حبوبته مقبولة؟؟؟
هو الصادق الاقرب لقمبولة شغال بالموضوع ده الشغله؟؟؟؟
ما عامل فيها دنقلاوي!!
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Tragie Mustafa)
|
يا دينق يا غالي
الكلام ده اكثر من مؤكد..الا خليني من تاكيده انت العارفه بنفسك زي عبد العزيز خالد
قدرته تعمل له شنو يا دينق؟؟؟
Quote:
تراجي.
أنا ما عندي أي معلومة عن الكلام القالو مبارك الفاضل ده. لو في مصدر أو أي معلومة معينة زكرتيها لينا هنا يكون أفضل. لأنو ده أتهام كبير ولا يمكن أن نتساهل فيه أبدا. مهما كان.
دينق. |
يازول الناس ديل بس تجي الديمقراطيه ووقتها بنعرف نواجههم كيف,
عشان ثاني كل جلابي متخلف يعرف يضبط لسانه زي حزام بنطلونه كويس.
| |
|
|
|
|
|
|
|
|
 Re: صور السيد مبارك الفاضل المهدي في جوبا. (Re: Tragie Mustafa)
|
Tragie Mustafa
يعني مصرة تتقمصي دور عجوبة وتتحاومي حول إتفاقية البقط وتجيبيها من الآخر بكل رعونة..
| Quote: ما عامل فيها دنقلاوي!! |
كده في الأول قولي سبحان الله..
الجعلنا شعوباً وقبائل لنتعارف..
هو القبيلة يا تراجي بشتروها من ياتو سوبر ماركت..
| Quote: هو مبارك ده شايف ناس الصادق عبيد تقول لي حبوبته مقبولة؟؟؟ |
غريبة يا تراجي إنكـ تطلعي زيت (عين مباركـ الفاضل) البيشوف بيها..
وتبقى سفيرة للنوايا بهذا الشكل الغريب المريب..
كده عيب..
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
انتو حارقين رزكم فوق كم... النجيضه جابتها صباح هنا.. والمقصود (الفكي) الصادق المهدي و(الفلفيس) مبارك الفاضل..Quote: لافرق لامى على امى الا بالانبطاح. والاتنين انبطحوا.
وزى ما بقولو ا حبوباتنا شن النعيم فى تمباك ام ابراهيم كلو عفن وقديم.
|
___________________________________________________________________
الفلفيس: لقب تطلقه حبوبتي ام هاني علي الرجل المتفلسف والمنقل
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
Quote: يا دينق يا غالي
الكلام ده اكثر من مؤكد..الا خليني من تاكيده انت العارفه بنفسك زي عبد العزيز خالد
قدرته تعمل له شنو يا دينق؟؟؟ |
تراجي.
أي حديث منقول من شخص أو أشخاص لا يستطيعون أثباته ونشره، مثل هذا الحديث أنا أضعه في الاعتبار ولكني لا أستطيع أن أستند عليه في كتاباتي ما لم يكون عندي دليل على ذلك. أنا شخصيا بسمع كلام كتير وخطير في الونسات الخاصة مع بعض الذين كانت لهم مواقع مؤثرة في السلطة في السودان. هل هذا يعني بأن تلك المعلومات صالحة للنشر؟
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
دا كلام مرسل وليس له اساس من الصحة لا اعتقد ان اي انسان سوي يمكنه تصديق مثل هذا الكلام، يمكنك ان تقولي ما تشائين لكن من حقنا ان لا نصدق الا كلاما موثقاً . نطالب الاخت اثبات متى قال هذا الحديث وفي اي مناسبة وامام من ؟ وبعدين من هم الغراية هل هم ناس دارفور ام ناس كردفان ام اي شخص يقطن جغرافيا غرب كوستي (ام ان هناك قبائل محددة تعنيها ارجو ان تفصحي وان تكوني اكثر تحديدا! ) ، ارجو ان نحدث العاقل بما يعقل !!!! يعني قضايا الشعب السوداني انتهت وجراحه اندملت عشان نبحث عن إثارة قضايا من هذا النوع .
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
Quote: صـور الأخ, والرجــل السـياسـي البارز السـيد مبـارك الفـاضـل مـع القـاثـد ســلفـا كيـر
تـتـطابق شـكـلا ومضـمـونامـع تـلك الصـور والتـي اخـذت خـلال توقـيع اتـفاقية شـقـدم الشـهيرة
والتـي تعتـبر نـقطة ارتـكـاز فـي ربـط العـلاقـات الوطـيده بـين الرجـلين,وبيـن
الحـركه الشـعبيه وحـزب الأمــه.
تحـبـاتـي لـك مـرة أخــري.
عبدالله محمود |
الاخ الاستاذ عبد الله محمود.
السيد مبارك الفاضل في فترة المعارضة في التسعينيات أستطاع أن يطور علاقة قوية مع الحركة الشعبية لتحرير السودان وتوجت تلك العلاقة كما زكرت بأتفاق شقدوم، ولقد زار خلالها السيد مبارك الفاضل بعض المناطق المحررة في جنوب السودان ومناطق أخرى، وألتقى ببعض الاسرى الذين تم أسرهم بواسطة الجيش الشعبي لتحرير السودان وتوسط الى أطلاق صراحهم.
دينق.
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
Quote: اخي الكريم
مبارك الفاضل ده زول مناصب بس
وكدي اول شوف تجربته مع ناس المعارضه
باع الجمل بما حمل وصالح الانقاذ براه
وبعد الجماعه ما شالوه وودوه الشارع
وكمان اعتقلوه عمل شنو ؟
والان جاء لجوبا يريد ان يلفت النظر اليه بحضوره
وهو لايعيش الا في الضؤ
ولكنه في النهايه لن ينال الا السراب
الذي كان يريد ان يسقي منه الشعب السوداني |
الاخ الكريم العوض.
أنا أعرف مبارك الفاضل جيدا وأعرف تاريخ الرجل بعد الانتفاضة وأثناء الفترة "الديمقراطية" الاخيرة. ولكن الحق يجب أن يقال. عندما كان هنالك تعاون وعمل مشترك بين حزب الامة والحركة الشعبية في المعارضة، التزم السيد مبارك الفاضل بكل الوعود والاتفاقيات التي كانت موقعة بين الحركة الشعبية وحزب الامة. وده طعا قبل خروج الصادق المهدي من السودان وفركشته للتجمع الوطني.
دينق.
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
الدخري
انت خليك في و اوهامك دي..هو انتو لو ما مواهيم في زول يبقى انصاري وكمان جناح مبارك المهدي؟؟
Quote:
دا كلام مرسل وليس له اساس من الصحة لا اعتقد ان اي انسان سوي يمكنه تصديق مثل هذا الكلام، يمكنك ان تقولي ما تشائين لكن من حقنا ان لا نصدق الا كلاما موثقاً . نطالب الاخت اثبات متى قال هذا الحديث وفي اي مناسبة وامام من ؟ وبعدين من هم الغراية هل هم ناس دارفور ام ناس كردفان ام اي شخص يقطن جغرافيا غرب كوستي (ام ان هناك قبائل محددة تعنيها ارجو ان تفصحي وان تكوني اكثر تحديدا! ) ، ارجو ان نحدث العاقل بما يعقل !!!! يعني قضايا الشعب السوداني انتهت وجراحه اندملت عشان نبحث عن إثارة قضايا من هذا النوع . |
قضايا الشعب بدأت و لم تنتهي الا بنهاية مثل هذه القيادات
التي تريد التسلق فوق ظهور ابناء الهامش وشتمهم واستحقارهم.
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
فليتعلم الصادق المهدي أصول السياسة من السيد مبارك الفاضل.
Deng why we all don't learn from it?
Can i? or you just mean to attack someone in particular.
Mubarak is an Umma leader who had some disagreements with the mother National Umma party, but he is still .
Tariq SharqawiEducation
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Tariq Sharqawi)
|
Quote: والله يا أمير خبر عجوبا ناطي عضانهم بغادي كون تراجي كانت بت حينا سابقاً في نيالا..
إلا ضلال خالد عويس الإعلامي في قناة العربية عامي بصيرة البصيرة أم حمد.. |
عبد الرازق
كلامك عن الحبيب خالد عويس مرفوض تماما وقد قلت لك من قبل ان هذا اساءة لنا جميعا
فيا اخي ارجو منك التوقف عن اساءتك لنا بهذا الشكل
من يسى الى خالد عويس فهو قطعا يسي الينا ليس في حزب الامة وكيان الانصار فقط بل لكل سوداني ولكل آدمي
خالد عويس استطاع ان يشق طريقه بكل نجاح وتفوق واشعر الفخر الشديد كلما سمعت له تقريرا في قناة العربية وهو ان لم يكن جديرا ومقتدرا لما بلغ هذا المكان السامي
فارجوك اعرض عن هذا يا عبد الرازق
ـــــــــــــــــــــــــــــ
تراجي مصطفى
ياخي انتى زولة قيادية وكل كلام بتقولي مفروض تكوني متاكده منو موش ممكن بعد التعب ده كلو تجي تحكمي السودان بالشمارات والقوالات موش ممكن ابدا
انتي مطالبة باثبات ما قلتي وبصراحة كده لو ختيتك في راسي بشيل الكلام ده وبطاردك بيهو في كل موضوع وفي كل مواقع الانترنت
فيا تعتذري اذا كان كلامك نضم شمارات وقوالات اتورطي فيها
ويا تثبتي كلامك ده عشان نشوف شغلنا مع السيد مبارك
عارفة لو اثبتي كلامك ده حتى محمد عادل بطلع بيان يدين فيهو
اكتر زول بحترم نفسو وعضويتو ومواقفو وشعبو هو سيد مبارك البلدوزر
فعشان كده الموضوع ده ما بخلي ما بخلي ما بخلييييييييييييييييهو يا تراجي
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: محمد عادل)
|
دعينا في اوهامنا على أقل تقدير نحن لم نتوار خلف قيم جميلة لتمرير مفاهيم بغيضة ، ولن نخجل من قناعاتنا بس ارجوك ان تحددي مواقفك ماظهر منها وما بطن ، ولا تحاولي صرفنا عن السؤال المركزي والذي طرحه اكثر من شخص في هذا البوست يضرورة اثبات ما زعمت . ان اكون انصاري ام لا هذا لا يعنيك كثير هذه الكليشات كان يطرحها اليسار وحركة الاخوان المسلمين في الستينات من القرن الماضي يادوبك جاية تطرحينها في هذه الالفية ، هذا افلاس لا معنى له ولا قيمة له.لازال الجميع في انتظارك!
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
نفسي أعرف المزعل أخونا أبو رزقة ده من خالد عويس شنوا؟
يا أبور زقة.
والله الاخ خالد عويس ده مهما أختلفت معاه فلايمكن أن تصف الرجل بتلك الصفات. الاخ خالد رغم خلافي الشديد معه في بعض ما يطرحه هنا في هذا البورد ولكن الرجل يشهد له بعفة اللسان وطول البال.
دينق.
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: El Dukhri)
|
محمد حسن العمدة يازول هوي احسن لك تشوف لك شغلة....
عامل الغلته مرته قام ادب حماته
حسه انت غبك اعرف تتخارج من افلام الصادق عامل بقيت تدافعل عن مبارك مش كده؟؟؟
يازول قيادتي من عدمها ما استمديتها من دماء زرقاء ولا حمراء
بطرح ومواقفي ولو جماهيري او المتقنعين بطرحي اين كان بيهتموا ان ارد لكم كان رديت:
Quote: تراجي مصطفى
ياخي انتى زولة قيادية وكل كلام بتقولي مفروض تكوني متاكده منو موش ممكن بعد التعب ده كلو تجي تحكمي السودان بالشمارات والقوالات موش ممكن ابدا
انتي مطالبة باثبات ما قلتي وبصراحة كده لو ختيتك في راسي بشيل الكلام ده وبطاردك بيهو في كل موضوع وفي كل مواقع الانترنت
فيا تعتذري اذا كان كلامك نضم شمارات وقوالات اتورطي فيها
ويا تثبتي كلامك ده عشان نشوف شغلنا مع السيد مبارك
عارفة لو اثبتي كلامك ده حتى محمد عادل بطلع بيان يدين فيهو
اكتر زول بحترم نفسو وعضويتو ومواقفو وشعبو هو سيد مبارك البلدوزر
فعشان كده الموضوع ده ما بخلي ما بخلي ما بخلييييييييييييييييهو يا تراجي |
ولك علي من اليوم تبقى متعهد ببوستاتي وترفها باسطوانتك دي.
ومبارك المهدي قالها واكثر من مرة عن ناس الغرب .
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
دينق انت مالك يازول
بقيت طيب كده وبتصدق اي حاجة يرسلوها لك الجماعه ديل؟؟؟
مبارك الفاضل شنو البستعدل ده؟؟؟
مش ده الزول الزمان قال الغرابه عبيد؟؟؟
يا اخي صدق ما تشاء له ولكن ليس نحن.
ولعلمك القال الغرابه عبيد برضو عندو الجنوبين عبيد.
ونحن الاشكال دي قاطعنها معاها ليوم الدين.
Sister Tarigei,
Your are one of the PILLAR, in this Webside,
I(WE) need evidance to proof the above mentioned subjects.
OR to apologize.
Thanks
| |
|
|
|
|
|
|
|
|
|
Re: صور السيد مبارك الفاضل المهدي في جوبا. (Re: Deng)
|
دينق ياحبيب،
في دي الجلابي الارزقي الاقطاعي ده خماك!
يظل هذا الانتهازي الافسد تقريبا، من بين كل هبنقة الجلابة!
فكرك ليه توجه جنوبا، عندما توجه غريمو حفيد مقبولة، شمالا؟
هذه مناورة ولاغير!
من الجانب الاخر الجلابة وحتي عادل عبدالعاطي، لن يكفو عن عادة التطلع لامتطاء ظهور المقهورين اهلنا في الهامش، للوصول الي قصر غردون!
هذه خلاصة علاقة هذا الانتهازي بالحركة الشعبية، ولكن وباستمرار الحركة كانت اشطر في امتطاء ظهور بغال تنابلة الجلابة، بالذات الحمبرا، الميرغني ثم مبارك!
ومن يضحك اخيرا!
| |
|
|
|
|
|
|
| |
Deng
Tragie Mustafa
ABDALLAH ABDALLAH
إسماعيل وراق
معاذ حسن
A.Razek Althalib
العوض المسلمي
البشير دفع الله
Sabah Hussein
عبدالمنعم خيرالله
فدوى الشريف
كمبورة
محمد عادل
امير مصطفى احمد
Adam Omer
Elsanosi Badr
El Dukhri
El hadi A.bashir
Bashasha
فيس بوك
تويتر
انستقرام
يوتيوب
بنتيريست