Post: #1
Title: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-25-2008, 10:05 AM
هنا ساحكي لكم عن عاصمة الضباب ، عنها ، عن مواقف وانطباعات ، عن اكلي السُحت ،
بس عشان اخوكم تغبان في الانجليزي مستني الم لي في كيبورت عربي
طبعا البوست سيرفد بصور
|
Post: #2
Title: Re: شفنا لندنكم ولم تعحبنا ... وبهرنا الريف
Author: Osama Mohammed
Date: 05-25-2008, 10:10 AM
Parent: #1
الشفت
تحية طيبة
ومين القال ليك انو الناس دي قالت لندن بتعجب ؟؟
إنت لو عندك طريقة بكرة دي تعال لي في برايتون ( كلها 45 دقيقة بالقطر) عشان تشوف العجب ....
ياخ شد لي سلك أو أديني تلفونك أنا لو كنت بقدر كنت وصلتك لكن يعلم الله ام سولارا بعافية شوية.....
وبعدين إنت جاي من خبط وضرب وموت حا تشوف حاجة حلوة ... قال ما عجبتنا قال ... أرجعك مرزوق ...
|
Post: #11
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-26-2008, 01:11 PM
Parent: #2
رسل التلفون وبطل شغب
|
Post: #3
Title: Re: شفنا لندنكم ولم تعحبنا ... وبهرنا الريف
Author: عز الدين بيلو
Date: 05-25-2008, 10:15 AM
Parent: #1
الحبيب الشفت
قلت لندن كعبة ولا شنو ؟؟
كدي أدينا الصور
وبعدين خلينا نحكم
|
Post: #14
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-26-2008, 01:22 PM
Parent: #3
جاياك الصور يا عزو
اصبر وبطل شفقة
|
Post: #4
Title: Re: شفنا لندنكم ولم تعحبنا ... وبهرنا الريف
Author: Omar Bob
Date: 05-25-2008, 10:17 AM
Parent: #1
يا وليد يا خوي قول انت مخلوع ساكت (وجه ضاحك)
بعيدا عن هذا عندما زرت لندن اول مره (نظام عايز اوريك انو زرتها اكثر من مره وكده)
لم تعجبني ايضا واحسست بها مدينه منقبضه وشوارعها موحشه جدا
في الزيارات التاليه علمت انني ظلمتها ظلما شديدا
فلندن مدينه مليئه بالحيويه والحباه
ومعاك في البوست ده لحدي ما الخلعه تطلع منك عشان نوريك جمال لندن
وحمد لله علي السلامه
|
Post: #15
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-26-2008, 01:30 PM
Parent: #4
حقيقي مخلوع يابوب
مخلوع انو لندن شييييييييييييييييييينه كده
انا كنت راسم ليخا صورة تانية
لقيتها ليك بتشبه شارع الجمهورية لا اكتر ولا اقل
اللهم الا اللحم مجدع والشراب في البقالة
تاني عااااااااااااااااااادي
|
Post: #5
Title: Re: شفنا لندنكم ولم تعحبنا ... وبهرنا الريف
Author: عمر الفاروق
Date: 05-25-2008, 10:22 AM
Parent: #1
يا عمك لندن سمحة شديييد ياخ ..
كدي أمشي زور ضريح شيخي وليم ومن هناك جري على حدائق 9 نوفمبر اقعد فيها ساعتين وبعد داك أركب العربي *
ـــــــــــــــــــــ
* ولأركب العربي قصة مشهورة في دار اخونا خالد سعيد وما ادراك ما شحرفان ..
|
Post: #16
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-26-2008, 05:11 PM
Parent: #5
با عمر ما سمحة ولا حاجة
اصبر لي بديك خبرها مصور
|
Post: #17
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-26-2008, 05:11 PM
Parent: #5
با عمر ما سمحة ولا حاجة
اصبر لي بديك خبرها مصور
|
Post: #6
Title: Re: شفنا لندنكم ولم تعحبنا ... وبهرنا الريف
Author: Frankly
Date: 05-25-2008, 10:32 AM
Parent: #1
يا عمّك دي اسمها صدمة حضارية
تعرف يا وليد الواحد بيكون متصوّر لندن دي فيها لا عين رأت ولا خطر على قلب بشر
ويجي يلقاها عاااااااااااااااادي
لكن هي ما عااااااادي
بس توقعاتو كانت فوق الواقع
يا أخي أنت الواحد يجي من اوروبا دي تودوهو العفراء التركي
هسّع لندن الحلوة دي لم تعجبك
تعرف انت جيت في أحلى أيام للندن
عشان كدا أنا متأكد لو لقيت ليك فردة مقددة ح تعجبك شديد
في انتظار الصور
كمال
|
Post: #27
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-27-2008, 09:55 PM
Parent: #6
فرانكلي يا سدنة
الاخبار
اصبر لي بفت ليكم لندكم جنس فت
بس ارجع غشان ما تدقوني
|
Post: #7
Title: Re: شفنا لندنكم ولم تعحبنا ... وبهرنا الريف
Author: إسماعيل التاج
Date: 05-25-2008, 11:52 AM
Parent: #1
وليد يا حـاقــد.
في مقولة إنكليزية شهيرة جداً يا وليد من القرن الثامن عشر بتـقول بالإنكليزي:
لو الزول زهج من لندن، معنى كدا إنو خلاص زهج من الدنيا ومن الحياة وما في حاجة تانية فضلت ليهو إلاَّ يشيل السعن بتاعو ويحوم بيهو في الحلة من حارة لي حارة.
ودا معناهو بالزقلوني، إنو الزي وليد دا بس يخلوهو حايم بين ود البخيت وزقلونا والحتـانة والجرافـة والتانية.
أها، في انتظار صور زقلونا والقماير والدباغـة.
| Quote: شفنا لندنكم ولم تعحبنا ... وبهرنا الريف |
لولا لـنـدن لما كان الريف البريطاني.
“ … when a man is tired of London, he is tired of life; for there is in London all that life can afford”
Dr. Samuel Johnson (1709-1784)
|
Post: #8
Title: Re: شفنا لندنكم ولم تعحبنا ... وبهرنا الريف
Author: ثروت همت
Date: 05-25-2008, 12:09 PM
Parent: #7
اسماعيل التاج..
كيفيك..و كيف احوالك..
تعرف الشفت ده في جذئية كبيرة من كلامو صح..الريف الانكليزي اجمل من لندن بكتير و بالاخص جهة الجنوب.. بس كمان وليد ما تظلم لندن كتير..فيها مناطق جميلة بس شكلك لسة ما وصلتها.. علي كل حال اقامة سعيدة..
بالمناسبة اسماعيل..عندك نية جية قريبة..اتمني ذلك..
tharwat
|
Post: #33
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-28-2008, 10:41 AM
Parent: #7
مولانا سماعين
يا حبيبنا وليد راجع ود البخيت وزقلونا والقماير والتانيةالاسبوع دخ
ما الاسبوع الجاي
انت ما كلموك قالوا ليك القماير عملوا فيها ظلت
اها تاني شنو
وكيتا فيكم حا نسميه ادورد استريب
يا زول ريفكم سمح ولندنكم لا تفرق عن فندق صحاري وما حوله
|
Post: #35
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-29-2008, 08:36 PM
Parent: #7
شكرا ثروت
|
Post: #9
Title: Re: شفنا لندنكم ولم تعحبنا ... وبهرنا الريف
Author: Hadia Mohamed
Date: 05-25-2008, 02:18 PM
Parent: #1
اخيرا فى زول وافقنى
والله مافى حاجة مزعلانى الا ان الانجليز ديل حكمونا بى تخلفهم دة
من المطار تحس بان البلد دى وقفت فى القرن الفات وما قادرة تلحق
والعجب التلفونات العمومية فى الشارع تقرب تقع فى يدك من القدم
هن شارعين وكبرى والباقى يخربة غايتو الا الواحد يتفسح فيها ويخت فى باله
انه رجعت بيه عجلة الذمن للقرن التسعطاشر كدة بقتنع وكل دة كوم
والحركة الشمال البتخليك السواق ماشى وانت تتنفض ولا الشارع المترين وفجاء يطلع
اتجاهين ياخ بلد تبوظ الاعصاب وبعد دة الشفع ياكلو ماكدونالد يرجعو البيت
بى نزلة معوية وما تنسى فى المطار المكرفونات كلها بصوت هنود يعنى
تسمع ليك ناس بتتكلم وشكلها بتاكل فى لحمة وكمان ممكن براحة ينهروك تطلع من المطار مصدع ,
فعلا الريف جميل وعريق وهادى لكن لندن دى منها جفلة.
|
Post: #10
Title: Re: شفنا لندنكم ولم تعحبنا ... وبهرنا الريف
Author: علاء الدين يوسف علي محمد
Date: 05-25-2008, 02:25 PM
Parent: #9
النبي كان ما جِبت لينا صور مناضلي السايبر كان تطلع زي حقت جدو بشاشا الباشا
لافين حول معاصمهم الحلقات بتاعة الرود آندروك ولا إسمو شنو داك و فاتحين ليك أزرار القميص و عشان التي شيرت يظهر و البنطلون جينز ولابسين ليك طاقية كاب مقلوبة لورا لزوم الشفتنة و الجزمة سبورت بيضا كبييييييييييرة
ديل كان لاقوك جيب لي صورهم نشوف ناسنا فيهم ولا لا
|
Post: #13
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-26-2008, 01:20 PM
Parent: #10
الهدي ريفي المناقل ريفي مدني ريفي الخرطوم ريفي امدرمان
هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
تاني قول لي نحن اولاد امدرمان
خبرك جاني هنا في لندن
الكلام لي زول من الجماعة الدخلو البوست ده
وهو عارف روحو
|
Post: #36
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 06-03-2008, 01:23 PM
Parent: #9
مرحب هادية
تتصوري يا هادية وانا في طريق العودة ركب المترو بتاعهم
والله قربت تفوتني السفرية
بسبب حريق على ما اعتقد في احد الخطوط ادى الى تحويلنا الى خط اخر ابعد مسافة واكثر زمن
هاااااااااااااااااااااع
|
Post: #12
Title: Re: شفنا لندنكم ولم تعحبنا ... وبهرنا الريف
Author: فيصل نوبي
Date: 05-26-2008, 01:17 PM
Parent: #1
خِرِبت يا ود الحريقة !!
_
لندن ما فيها حلة زي حلتنا 
|
Post: #18
Title: Re: شفنا لندنكم ولم تعحبنا ... وبهرنا الريف
Author: اساسي
Date: 05-26-2008, 05:31 PM
Parent: #12
والله يا الشفت صدقت وايم الحق , اكثر موظفة لئيمة لاقيتها في التاريخ كانت في مطار هيثرو وحالتي ما دخلت البلد بس طيفو طايف , من يومها كجنت لندن وبناتها الشينات
عليك الله كان تنزل صور بناتها الزي الرجال ديلك
البلد من تشوف رجالها اسمح من نسوانها اعرف انه قصتها بايظة
|
Post: #20
Title: Re: شفنا لندنكم ولم تعحبنا ... وبهرنا الريف
Author: Osama Mohammed
Date: 05-26-2008, 06:12 PM
Parent: #18
اساسي
مساء الخير
| Quote: اكثر موظفة لئيمة لاقيتها في التاريخ كانت في مطار هيثرو وحالتي ما دخلت البلد بس طيفو طايف |
تعرف لو كانت متأكدة إنك داخل كانت إتظارفت معاك لكن عرفتك طيارة...
بعدين قلت لي بناتا شينات ؟؟؟؟؟
|
Post: #19
Title: Re: شفنا لندنكم ولم تعحبنا ... وبهرنا الريف
Author: عمر الفاروق
Date: 05-26-2008, 05:51 PM
Parent: #1
| Quote: الهدي ريفي المناقل ريفي مدني ريفي الخرطوم ريفي امدرمان |
وإنت الصادق مناقزا وفي رواية (نطط) ريفي الحصاحيصا ..
لكن ما قلت لي ده منو بالله الزول العامل فيها من امدرمان وهو طلع من مدني و70 كيلو
|
Post: #21
Title: Re: شفنا لندنكم ولم تعحبنا ... وبهرنا الريف
Author: ALazhary2
Date: 05-26-2008, 09:32 PM
Parent: #1
ياوليد والله إتلومت مع عاصمة الإنجليز
أنا زرت لندن في العام 1989م ولمن جات الإنقاذ كنتا هناك .
طبعاً كنتا زول صغيرون كدا  في عمر المراهقة وجاي لندن من بلد مقفول حتى دعاية الشامبو فيه كان بيجبو فيها نسوان محجبات .
يازول لندن دي عجبتني عجب وحبيتها حب لحدي هسع أنا مكسر فيها .
قعدت في لندن (3) شهور كانت أجمل وقت في حياتي .
ياخي الهايد بارك وكوينز واي وماربل آرش ومتحف الشمع ومحلات نيسا وصيدليات بوتس وهاردوز والاندرجراوند وشبردبوش وماركس أند سبنسر واكسفورد استريت وقصر باكنجهام والمطاعم الصينية والفيش أند جبس و ووووو والجو اليوم مطر ويوم ضباب ويوم حر.
كان في شارع كوينز واي في الزاوية كدا قصاد صيدلية اسمها بوتس كان في محل اسمه هاريس فيه مرة عجوز كدا كنا بنشتري منها ايسكريم (أسمح ايسكريم أكلته في حياتي)
ياخي لندن دي روعة عديل كدا.
أتمنى أزورها تاني .
بختك ياوليد
|
Post: #22
Title: Re: شفنا لندنكم ولم تعحبنا ... وبهرنا الريف
Author: الملك
Date: 05-26-2008, 10:33 PM
Parent: #1
صِور لى معاكـ...شارع عطبرة
ـــ
وما تنسى السى دى
|
Post: #28
Title: كفاها !!
Author: حجة امنة
Date: 05-27-2008, 10:05 PM
Parent: #22
انا زاتى زى ناجى
ما تنسى السى_دى
بالمناسبة .. افتح بيتنا بتلقى فى صندوق الرد مفتاح بيخليك تكتب حروف عربية من الكى_بورد الانجليزى..
عاين
إنجليزيا دى كفاها .
|
Post: #23
Title: Re: شفنا لندنكم ولم تعحبنا ... وبهرنا الريف
Author: Abdelmuhsin Said
Date: 05-27-2008, 01:28 AM
Parent: #1
وليد جيب لى معاك شوكلاته
|
Post: #24
Title: Re: شفنا لندنكم ولم تعحبنا ... وبهرنا الريف
Author: بابكر التوم
Date: 05-27-2008, 01:34 PM
Parent: #23
سلام
ياولى
Quote: اللهم الا اللحم مجدع والشراب في البقالة
|
بالغت فوكها
|
Post: #25
Title: Re: شفنا لندنكم ولم تعحبنا ... وبهرنا الريف
Author: Rawia
Date: 05-27-2008, 02:53 PM
Parent: #24
الكلام دا مابيعجب سماعين التاج
انا ياوليد قلته قبل كدا
واريت لو قابلت اسماعيل هناك لانه نتيجة كلامك دا حتكون فسح وعزايم
لكن عليك الله برضو ماتغير رايك
____________________________
تتذكر انا زمان قلت ليك نفسي ياوليد تطلع برة السودان حتى لو زيارة؟
|
Post: #26
Title: Re: شفنا لندنكم ولم تعحبنا ... وبهرنا الريف
Author: وليد محمد المبارك
Date: 05-27-2008, 09:48 PM
Parent: #25
دي شحتفة لحدي ما القا لي كيبورت فيه حروف غربية
الاهدا لعمر الفاروق خاصة
الشفت في كاردف خلف استاد الملينيوم
هاهاهاهاهاهاهاهاهاهاهاهاهاهاهاهاهاهاهاهاهاهاها
|
Post: #29
Title: Re: شفنا لندنكم ولم تعحبنا ... وبهرنا الريف
Author: عبدالله وداعه الامين
Date: 05-28-2008, 02:19 AM
Parent: #26
الف حمدلله على السلامة يا وليد والبلد نورن
ياخ خلي صورك وهاك الصور دي بي عدستي انا ومن اسبوع بس
|
Post: #30
Title: Re: شفنا لندنكم ولم تعحبنا ... وبهرنا الريف
Author: عبدالله وداعه الامين
Date: 05-28-2008, 02:24 AM
Parent: #29
ساحة الطرف الاغر (ترافل قار اسكوير)
د. ياسر مبيوع والشيشة في ادجور رود
|
Post: #31
Title: Re: شفنا لندنكم ولم تعحبنا ... وبهرنا الريف
Author: حيدر حسن ميرغني
Date: 05-28-2008, 02:57 AM
Parent: #30
وليد
اهم شيئ (الراندوق) بتاع (قاع) لندن
|
Post: #32
Title: Re: شفنا لندنكم ولم تعحبنا ... وبهرنا الريف
Author: Tragie Mustafa
Date: 05-28-2008, 03:21 AM
Parent: #31
يا وليد حمد الله على سلامتك.
وانا متأكدة من كلامك ولانك ما بارك..انه لندن دي كريهة وسنيحه.
عارف ليه؟؟؟
لانه فعلا مافي سوداني بالذات بستمتع بمتاحف او متاعم او اي هباب براه
البلد بنساها وناس لندن..اسكت ساي...
براقبهم لك من هنا اي زول يقول جاي لندن الناس تستكت وتكب الزوقه منه.
عارف ليه وقد اعذرهم بلدهم فعلا غاليه جدا
وبعدين الانجليز اصلهم جبارين وباين عادوا السودانين القاعدين معاهم
فتلاحظ بيحسبوا الشغلانه بالتعريفه.
اها في الناحيه دي و الحق يقال عمدتهم منى خوجلي
فيعلم الله اشهد لها رغم اشارتها للغلاء لكن دوما
تظهر في البوستات لما زول يقول انا جاي لندن.
ورغم انه سودانيه2000 شالت حالهم لكنهم وصولها على الاقل
يبقى فلمك بايظ لانك وصلت ومنى خوجلي مسافرة بعيد من لندن.
حسه الدوحة دي
وحياتك عندي اخوي كان شايل حالها زمان واحكي لك القصة دي:
وكان بيفتش في اقامة للامارات وبيخرج كل سته شهور للدوحة ويجدد تأشيرة ويرجع
بعدين مرة قلت له يا اخي عند صديقة قطرية قالت مستعدة في لحظة تجيب لك اقامة في الدوحة
قال بالحرف الواحد الدوحة؟؟دوحة شنو دي آخير منها طوكر!!
الكلام ده زمان من 15 سنه يمكن وفعلا قد تكون تطورت...او لم تتطور..لكن بمستوى تعامل ناس الدوحة
هنا..بهذا المنبر...وطيبتهم فانا متأكدة بان الدوحة بعيوني ستكون اجمل من لندن!
رغم اني شخصيا لي كوكبة حلوة من ناس لندن اصدقائي واثق باني ساستمع بلقائهم جدا
ولكني لا احكي عن نفسي احكي بعيون العامة.....والمعدل الطبيعي للاشياء.
بعدين هذا حال المدن الكبرى كلها
يعني ناس واشنطون ناس كستاوي
وناس اسامه خلف الله نيويورك
وناس سيف خليل بسان فرانسيسكو
وناس حيدر قاسم في تورنتو
يعني اي زول يتلوموا فيه ناس المدن الكبرى حقوا يعذرهم.
انا شخصيا لم يتوم مع اي منهم لهم الود.
ونتابع معك يا وليد.
|
Post: #34
Title: Re: شفنا لندنكم ولم تعحبنا ... وبهرنا الريف
Author: Osama Mohammed
Date: 05-28-2008, 11:24 AM
Parent: #1
يعني يا وليد ما لقيت إلا غير محمد همّت ده تتصور معاهو.....
أنشاء الله يكون عمل ليك كوارع .... والله لو أكلت من يدو يمسخ عليك أكل ( الجماعة) أسال مجرب ....
وما دام انت في ويلز امشي ( سوانزي ) وشوف الجمال بالجد.....
إن شاء الله همت ده ما ينفعك.......
سلّم لي عليهو وقول ليه اسامة الباز قال ليك بتتذكر دي؟
في انتظار رقم تلفونك
ابوسولارا
|
|