أحمد موسى وطارق أبو عبيدة (ونسة ساكت، ما تجي تضيّعوا زمنكم هنا)...

أحمد موسى...
تحياتي،
كتبت:

Quote: ووريني الزول الآيدنتي ثييف ده أهكروا كيف ؟؟؟

يا أخوي أنتا داير تفط الإبتدائي والعالي وطوالي تووووش الجامعة؟

وواحدة واحدة عشان صوت الفنان يصلنا وكده!

تعريفات مختلفة عن سرقة الهوية Identity Theft

Quote: Definitions of Identity theft on the Web: This is the crime of obtaining the personal or financial information of another person for the purpose of assuming that person's name to make ... https://www.fnb.co.za/legallinks/securitycentre/terms.html When an unauthorized party fraudulently represents themselves as another party. www.hfc.com/learn-about-loans/help/additional_resources/glossary.html Please see the Damage Control: Identity Theft page. ^ Back to Top ^ www.albany.edu/its/glossary.htm a crime where somebody deliberately impersonates an individual for personal gain. Examples of identity theft are credit card frauds and gaining access under a guise of somebody else. www.assaabloyfuturelab.com/FutureLab/Templates/Page2Cols____1503.aspx (or identity fraud) occurs when someone wrongfully acquires or uses another person's personal data, typically for their own financial gain. Interest - the price paid for borrowing money. ... www.marketprosecure.com/financial-glossary-terms.php The act of impersonating another, by means of using the person's information, such as birth date, Social Security number, address, name, and bank account information. www.white-collar-crimes.com/criminal_terms.shtml The fraudulent act of collecting sufficient personal information about an individual in order that their identity can be assumed for the purposes of carrying out some other illegal or malicious activity. www.h-spot.net/threat_glossary.htm the co-option of another person's personal information (e.g., name, Social Security number, credit card number, passport) without that person's knowledge and the fraudulent use of such knowledge wordnet.princeton.edu/perl/webwn Identity taker is a term first appearing in U.S. literature in the 1990s, leading to the drafting of the Identity Theft and Assumption Deterrence Act. en.wikipedia.org/wiki/Identity theft A crime of stealing personal and/or financial information, such as name, Social Security Number, or account numbers from a person, with the intent to commit fraud. www.awbank.net/security_glossary1.asp

ل ولاقوة إلا بالله !!!!! ترضي لو سألتني عن جريمة السرقة الإلكترونية اجيب ليك خُرطمية مرجع ...........أخوي أديني حاجة كدا أعفصها .اجيب أجلو .........بس

Quote: أخوي أديني حاجة كدا أعفصها .اجيب أجلو

ياخي هردتني بالضحك، الله يفك إحباطك...
طيّب....نفكّر معاك...

الموضوع كان شنو بالضبط؟
وأنت شكيتك شنو بالضبط؟
وداير ترد حقك كيف بالضبط؟

الزول بعد التخرج من الجامعة يا أحمد موسى..
بكون محتاج للتدريب العملي، الإحتمال ما يكون أخدو بصورة متكاملة أثناء فترة الجامعة...
المقدمة دي لسؤال كثيراً ما تبادر الى ذهني...
ما هو التدريب البيعملوا السياسي عشان يبقا سياسي؟

وكان خطرت ببالي فكرة كده...رغم أنها شكلها مُعطنة، الا أنها جميلة بعض الشئ...

تخيّل الزول يسلّف ضميرو للأحزاب السياسية الموجودة في الساحة دي شهر لكل حزب...

يعني كوز شهر، بعدها شيوعي شهر، بعدها ليبرالي شهر، بعدها أمّة شهر، بعدها إتحادي شهر
بالمناسبة، ما في ترتيب في الاحزاب أعلاه...كلها شايفة سادة أنا... مافيها واحد بلبن!

أها بعد الدورة دي تكتمل...تكون أنت أسواء وأظرط زول حايم في السودان...وحتى ريحتك
زاتها بتكون ما جميلة!

تخيل، أنو أي زول من الباقين، حا يشيلك شيلة الأحزاب دي من الإستعمار وأنت جاي...
وكمان في واحدات كدي من زمن النهضة الأوروبية...تشيل شيلتها كلها في ضهرك...!

بري بري...أبرا وأستبرا من جنس الشيلة الزي دي...

ما قلتا ليك فكرة مُعطنة؟!

____
ياخي ما عارف ليه الزول بيحس أنو بيتكلم عن أحزاب لا تعنيه البتّة في شئ!

كأن هذه الأحزاب لعضويتها فقط، ولا تعنيني في شئ!

Quote: طيّب....نفكّر معاك...

عشان نساعد بعض أحسن تفكر براك .........
.........
........
.........

Quote: الموضوع كان شنو بالضبط؟ وأنت شكيتك شنو بالضبط؟ وداير ترد حقك كيف بالضبط؟

أها (المشكلة) ....... المشكلة إني كنت (بقوقل) في روحي .....بفتش في مقالات دستورية كنت كاتبها .......(قوقل) طبعا (مابفرز) ...خم لي أي (أحمد موسى عمر) في العالمين .............اها لقيت ليك شاب (حلنقي) كده ماسح بي الواطة من 2007م ............تصدق يا كتق أنا ممسوحة بي الواطة من 2007م وأنا ماعارف ؟؟؟؟؟؟ وقاعد أتفاصح بجاي مع ناس هناي وناس هناية ......أهاااااااااااااااااااااااااا .........سبب مسحو بي الوطاة في واحد كدا حرامي نت سرق إسمي وكتب قصيدة بنبذ فيها الوالي .....(أظنو قاصد إيلا) ..........وكاتب إسمي بالكامل (أحمد موسى عمر ) .........القصة دي عملت لي إشكال يا(دكتور) في المصران الإجتماعي مع واحد إسمو (أحمد موسى عمر موسى) .....مستشار والي البحر الأحمر الإعلامي .....إتخيل إني أنا الكتبت القصيدة بإسمه عشان أحرجوا (تصدق) ؟؟؟ .................دي المشكلة يادكتور ......ومعاها موضوع نظافة الجهاز من الفريروس والحسد .............

طيب يا حبيب،
ممكن تورد الرابط الكان فيهو الكلام ده؟

أول الغيث قطرة...











_________________
ياخي أنتا زول طيب شديد يا أحمد، كان تعمل العكس، وتتهموا أنت بالـ Identity Theft على أساس أنو
حا يبوّظ علاقتك مع إيلا!

Quote: (قوقل) طبعا (مابفرز)

رغم قصر كلماتك هذه ، الا أنها تمثل علوماً مختلفة في مجالنا...
Information Retrieval , knowledge discovery, Data Mining

وفي هذا الشأن تبرز مشكلة عويصة من مشاكل عصر التقنية العالية الجودة وهي
مشكلة الخصوصية Privacy
والخصوصية حسب تعريف أخونا د.كليفتون(Clifton) تنقسم الى نوعين:
معرفة أي
individual privacy
and
corporate privacy

والأولى تعنى بمعرفة أي بيان (single attribute)حولك مثلاً (اسمك، عمرك، عنوانك، الخ)...
ويمكن إختراق خصوصيتك بأي من هذه البيانات
وهذا ما حصل لك يا حبيبنا أحمد موسى، إٌخترقت خصوصيتك بناء على أسمك فقط ، حيث
قام أحدهم بوضع قصيدة أو مقال بأسمك فقط... سببت لك مشاكل لا قبل لك بها...

النوع الآخر من إختراق الخصوصية وهو corporate privacy
وهذا ما يُعنى ب أكثر من بيان، يعني موش أسمك فقط، ولا حالتك الإجتماعية
ولا حالتك الصحية ولا مرتبك كم...لكن كل هذه المعلومات مجتمعة، أو
أهمها مجتمعة...
وقد عبّرت -أنا هذه المرّة- عن هذه العلاقة بتاعة النوعين من الخصوصية بهذه الصيغة:
For Individual Privacy
Name OR SOCIAL SECURITY NUMBER (SSN) OR AGE OR ETC...

For corporate Privacy
Name AND SOCIAL SECURITY NUMBER (SSN) AND AGE AND ETC
وهذا النوع أيضاً كان لنا فيهو حكاية في القريب الفائت،
حيث قام شخص، بإنتحال شخصية زول من ناس سلطنة عمان وكتب موضوع غرامي رهيب
بعنوان-على ما أذكر- زوجتي تطردني وتسحب كروت العبور...

حيث قام كاتب الموضوع بإنتحال شخصية الضحية وذلك معرفته بكل المعلومات الشخصية
لهذا الضحية...

المهم في الموضوع أنو عرفنا ما هية سرقة الهوية هنا Identity Theft

ونواصل...

Quote: ما هو التدريب البيعملوا السياسي عشان يبقا سياسي؟

حضرت محاضرة للقائد محمد سعيد بازرعة عن العمل السياسي وإنتهاء مرحلة السياسي (النضّام) .....وكيف وأن السياسة أضحت علماً ومناهج .............. ولكن ساستنا ................ يازول نرجـــــــــع للحرامي بتاعي ما يكون نط الحيطة و(فتح) ...........

الشئ المحيرني أنا العلاقة بين السياســة والمناصب شنــو ...........يعني ممكن أكون أنا سياسي جيد .......ومتقدم في تنظيمي .........ده ما بالضرورة يفرض إني أكون مسئول وزير ولا مدير جيد ....ولا شنو ؟؟ كل قياداتنا السياسية هي نفسها قياداتنا التنفيذية وبنفس ترتيبها في الحزب ......موش حاجة تزهج ؟؟؟

Quote: _________________ ياخي أنتا زول طيب شديد يا أحمد، كان تعمل العكس، وتتهموا أنت بالـ Identity Theft على أساس أنو حا يبوّظ علاقتك مع إيلا!

والله أنا لو ما أخوي مستر (قوقل) ده كان لسه قاعد في الطراوة ..........بعدين هو عندوا مصلحة مع (إيلا) ... ,انا وإيلا زي الدوري الفرنسي ورابطة الشكينيبة ................الرابط شويتين وأبحبتوا ليك .....دي بقدرها ....................

اها هاك الرابط ده ...............

http://www.sudaneseonline.com/ar/printer_15360.shtml

في القانون بنسميه (معروضات) ......وبتنزل بي قيد في يومية التحري .......اها هاك المعروضات دي

بالمناسبة يا أحمد موسى...
خليني أولاً أشيد بذكائك هنا...

وبعد داك أفتح معاك باب التحقيق،
حول من المستفيد من هذا؟

أنت اللافي صينية زي حالتنا دي، ولا المستشار المعكنن حالياً؟

ثم ثانياً القصيدة دي جميلة جداً وما فيها شئ يزعلك ولا يزعل الوالي ولا مستشاره

والدليل أهو:

Quote: شماليات والينا اللص واذنابه ورثة ابليس محمد أحمد محمد أحمد من سافل السودان الله من يبتدئ الخلق وهم من يخلقون الخاتمات الله يعفو عن خطايانا وهم لا يغفرون الحسنات الله يعطينا الحياة دون إذلال وهم ان فاتنا القتل يمنون علينا بالوفاة شرط ان يكتب عزرائيل إقرارا بقبض الروح بالشكل الذي يشفي غليل السلطات! **** هم يجيئون بتفويض الهي وان نحن ذهبنا لنصلي للذي فوضهم فاضت علينا الطلقات واستفاضت قوة الأمن بتفتيش الأكواخ والبيوت و الصندقات عن دعاء خائن مختبئ في العشوائيات وبرفع البصمات عن أمانينا وطار عشرات العملاء لاعتقال الصلوات ربنا قال بأن الأرض ميراث التقاة فاتقينا وعملنا الصالحات والذين انغمسوا في الموبقات سرقوا ميراثنا ولم يبقوا منه سوى الفضلات طفح الليل وماذا غير نور الفجر بعد الظلمات حين يأتي فجرنا عما قريب يا طغاة يتمنى خيركم لو انه كان حصاة أو غبارا في الفلاة أو بقايا بعرة في إست شاة هيئوا كشف أمانيكم من ألان فان الفجر آت أظننتم ساعة السطو على الميراث إن الحق مات لم يمت بل هو آت!!! *** وجوهكم أقنعة بالغة المرونة طلاؤها حصافة وقعرها رعونة صفق إبليس لها مندهشا وباعكم فنونه وقال إني راحل ما عاد لي دور هنا دوري أنا انتم ستلعبونه ودارت الأدوار فوق أوجه قاسية تعدلها من تحتكم ليونة فكلما نام العدو بينكم رحتم تقرعونه لكنكم تجرون ألف قرعة لمن ينام دونه وغاية الخشونة ان تندبوا (قم يا أمير السود قم) حتى اشتكى مرقده كم مرة في العام توقظونه كم مرة على جدار الجبين تجلدونه أيطلب الأحياء من أمواتهم معونة دعوا أمير السود في ترابه واحترموا سكونه لأنه لو قام حقا بينكم فسوف تقتلونه

والله يا أنور أول مرة أقرأ القصيدة دي بتمعن ..........وزي الحأقول ليك خلي البحث .......... القصيدة سمحة وزي الحأتبناها ............. تربي في عزي .......









لا بالجد اللغة ذاتها زي مسروقة من أحمد مطر صاحب اللافتات .........إنت فتش وخلني أرجع لزولي قوقل وبجيك صاد .....ضدا ..... طاء

اها قول واحد



منفيون (أحمد مطر)


لمن نشكو مآسينا ؟

ومن يصغي لشكوانا ، ويجدينا ؟

أنشكو موتنا ذلا لوالينا ؟

وهل موت ســيحـيـيـنا ؟

قطيع نحن والجزار راعينا ،

ومنفيون نمشي في أراضينا ،

ونحمل نعشنا قسرا بأيدينا ،

ونعرب عن تعازينا لنا فينا ،

فوالينا ، أدام الله والينا ،

رآنا أمة وسطا ، فما أبقى لنا دنيا ،

ولا أبقى لنا دينا ،

ولاة الأمر : ما خنتم ، ولا هنتم ،

ولا أبديتم ا للينا ،

جزاكم ربنا خيرا ، كفيتم أرضنا بلوى أعادينا ،

وحققتم أمانينا ،

وهذي القدس تشكركم ،

ففي تنديدكم حينا ،

وفي تهديدكم حينا ،

سحبتم أنف أمريكا ،

فلم تنقل سفارتها ،

ولو نقلت ــ معاذ الله لو نقلت ــ لضيعنا فلسطينا ،

ولاة الأمر هذا النصر يكفيكم ، ويكفينا ،

تهانينا

__________________أها بغطس تاني وبجيك ..الله يدينا النفس الجُمبُلُقي ........

Quote: .وزي الحأقول ليك خلي البحث .......... القصيدة سمحة وزي الحأتبناها

مُش كده؟

أنا زاتي قلتا كده... ويجب أن تضيف عليها كمان عدم احقية المستشار بالاحتجاج من الأساس!

كان في بوست هنا في المنبر ده أسمو الجريمة الكاملة، لو ما قريتو، ألحق اقراهو...

كاتبو مولانا إسماعيل التاج مصطفى...

ولا حد حوّش!

Quote: وفي هذا الشأن تبرز مشكلة عويصة من مشاكل عصر التقنية العالية الجودة وهي مشكلة الخصوصية Privacy والخصوصية حسب تعريف أخونا د.كليفتون(Clifton) تنقسم الى نوعين: معرفة أي individual privacy and corporate privacy والأولى تعنى بمعرفة أي بيان (single attribute)حولك مثلاً (اسمك، عمرك، عنوانك، الخ)... ويمكن إختراق خصوصيتك بأي من هذه البيانات وهذا ما حصل لك يا حبيبنا أحمد موسى، إٌخترقت خصوصيتك بناء على أسمك فقط ، حيث قام أحدهم بوضع قصيدة أو مقال بأسمك فقط... سببت لك مشاكل لا قبل لك بها... النوع الآخر من إختراق الخصوصية وهو corporate privacy وهذا ما يُعنى ب أكثر من بيان، يعني موش أسمك فقط، ولا حالتك الإجتماعية ولا حالتك الصحية ولا مرتبك كم...لكن كل هذه المعلومات مجتمعة، أو أهمها مجتمعة... وقد عبّرت -أنا هذه المرّة- عن هذه العلاقة بتاعة النوعين من الخصوصية بهذه الصيغة: For Individual Privacy Name OR SOCIAL SECURITY NUMBER (SSN) OR AGE OR ETC... For corporate Privacy Name AND SOCIAL SECURITY NUMBER (SSN) AND AGE AND ETC وهذا النوع أيضاً كان لنا فيهو حكاية في القريب الفائت، حيث قام شخص، بإنتحال شخصية زول من ناس سلطنة عمان وكتب موضوع غرامي رهيب بعنوان-على ما أذكر- زوجتي تطردني وتسحب كروت العبور... حيث قام كاتب الموضوع بإنتحال شخصية الضحية وذلك معرفته بكل المعلومات الشخصية لهذا الضحية... المهم في الموضوع أنو عرفنا ما هية سرقة الهوية هنا Identity Theft ونواصل...

والله يا كنق كنت عارف نفسي (مسروق) بس ما كنت متخيل نفسي مسروق قدر ده كلوا !!!! أها واصل

ولهذا تبرز أهمية ما يعرف بإتفاقية الخصوصية للمستخدم،
التي يجب أن تبرز من كل موقع محترم...على الموقع أن يبرز إتفاقية ما بينه
وبين المستخدم حتى يحفظ للمستخدم حقه في عدم إفشاء سرّه...

يعني رقم الآيبي IP Number و كلمة IP نفسها إختصار لما يعرف ب Internet Protocol
وهو رقم الكمبيوتر المحدد جداً حال إتصالك بالانترنت (يكون على هذا الشكل 111.222.333.443)...
وهو زيو زي أي معلومة خاصة جداً عن نفسك
يعتبر خصوصية، وخصوصية شديدة كمان، لا يجب المساس بها أبداً، ويمكنك مقاضاة الموقع الذي
يضع رقم الآيبي التابع لك في مكان يسهل إصطياده عبر ماكينات البحث أو شركات الإعلان أو
الهاكرز أو أي جهة أمنية تحاول الوصول الى من هو/هي (سارة عيسى ) مثلاً!

أديك مثال بسيط عن خطورة معرفة الآيبي يا أبو أحميد...

هل سمعت بجريمة القتل التي تمت عبر الإنترنت؟

تخيّل زول عندو مشكلة مع زول....الزول التاني حصلت ليهو وعكة صحية ودخل المستشفى...
وكان تحت العناية المكثّفة جداً...قام الزول الأول، إستئجر ليهو هاكرز Hackers وقال ليهم
الزول ده في المستشفى الفلاني وعندو كده كده...
قاموا الهاكرز وصولو للكمبيوتر المركزي للمستشفى، ومن هناك وصلوا لملف زولنا ده الصحي،
وقاموا بإجراء بعض التعديلات على كمية الجرعات المفترض يتناولها مريضنا المسكين ده!

تخيّل يا أحمد، أول ممرضة جات للزول داخلة...أدتو ليك جرعة ممكن تودي المستشفى كلو في
داهية...وزولك راح فيها!

لذلك معرفة الآيبي بتاعك قد يكون خطر لا يستهان به بعض الأحيان...

Quote: وبعد داك أفتح معاك باب التحقيق، حول من المستفيد من هذا؟ أنت اللافي صينية زي حالتنا دي، ولا المستشار المعكنن حالياً؟ ثم ثانياً القصيدة دي جميلة جداً وما فيها شئ يزعلك ولا يزعل الوالي ولا مستشاره والدليل أهو: Quote: شماليات والينا اللص واذنابه ورثة ابليس محمد أحمد محمد أحمد من سافل السودان

يعني عمك (لاطش) إسمي و ومركبوا في قصيدة هي زاتها (181 ق ج )* ..........يعني بالبلدي قصيدة ذات نفسها (ملطوشة) ؟؟؟؟ ..........وبتاع السافل ده ولا كأنه هنا ............ بعدين كيف مافيها حاجة ؟؟؟؟ياخ دي كلها حاجات ....... وبالمناسبة يا كنق أنا (صينتي) صغيرة .....والوالي ده بعرفوا معرفة كويسة وبحترمني وبحترموا .........ولمن أكون داير أنتقدوا في الميديا بنتقدوا عديييييل بإسمي ومهنتي ............

ــــــــــــ
(181 ق ج ) هي المادة 181 من القانون الجنائي (إستلام المال المسروق )

Quote: مُش كده؟ أنا زاتي قلتا كده... ويجب أن تضيف عليها كمان عدم احقية المستشار بالاحتجاج من الأساس! كان في بوست هنا في المنبر ده أسمو الجريمة الكاملة، لو ما قريتو، ألحق اقراهو... كاتبو مولانا إسماعيل التاج مصطفى... ولا حد حوّش!

لا لا ياخ واصل بحث إسماعيل التاج ده بتاع منظمات إن جي أو .........ونحن ناس معايش وعلاقات عامة .........شوف لي الآيبي ده موضوعوا شنو ؟؟؟؟؟وبعدين إنت عرفتها كيف بتاعة ود السافل ............. ودالسافل ............ (الأولى تعريف للشاعر التانية نبذ للص) .............

Quote: لا لا ياخ واصل بحث إسماعيل التاج ده بتاع منظمات إن جي أو .........ونحن ناس معايش وعلاقات عامة .........شوف لي الآيبي ده موضوعوا شنو ؟؟؟؟؟وبعدين إنت عرفتها كيف بتاعة ود السافل ............. ودالسافل ............ (الأولى تعريف للشاعر التانية نبذ للص) .............

لعلك تعلم يا أبو أحميد، أن أبناء الشمال عموماً قد يستعيضوا عن قولة الشمال دي، بكلمة السافل...
سافل = شمال
صعيد = جنوب

وهي حدودة طريفة ما بين صعيد مصر، الذي هو سافل السودان الشديد داك...وصعيد السودان اللي هو وسطه، ثم الصعيد الجواني والصعيد البراني والخ...

غايتو لو في ناس مظلومة ومهمشة وزيتا طالع، فهم بالجد الحتة الواقعه بين صعيد وسافل دلتا النيل... في أي مصلحة بين البلدين
أو بين أي فرعونين...بيكونوا هم في خبر كان!


تخيل يا أحمد أحد الملوك كان داير يغزو السودان من مصر...فأرسل جواسيسو...قعدو ليك فترة في صعيد مصر، سافل السودان...
ورجعوا قالوا ليهو...ياخي دي بلد ما فيها نكهة كلو كلو!

ما عارفين أنو بعد الصحراء دي...في بترول وناس تاني مهمشة بهناك ومفارقات بترولية وجلابة والخ...

حفظ الله بلدنا من كل سوء وجعل كيدهم في نحرهم!

بدأ يوم العمل عندنا يا أبو أحميد، أراك لاحقاً...

مع مودتي

Quote: يعني رقم الآيبي IP Number و كلمة IP نفسها إختصار لما يعرف ب Internet Protocol وهو رقم الكمبيوتر المحدد جداً حال إتصالك بالانترنت (يكون على هذا الشكل 111.222.333.443)... وهو زيو زي أي معلومة خاصة جداً عن نفسك يعتبر خصوصية، وخصوصية شديدة كمان، لا يجب المساس بها أبداً، ويمكنك مقاضاة الموقع الذي يضع رقم الآيبي التابع لك في مكان يسهل إصطياده عبر ماكينات البحث أو شركات الإعلان أو الهاكرز أو أي جهة أمنية تحاول الوصول الى من هو/هي (سارة عيسى ) مثلاً!

لا لا ياخ زولي ده ما وصل التقنية العالية دي ............زولي ده قعد و(إنجعص) في نِت كافي (أكيد) .....في حتة ما في بورسودان ........لأنو بعرفنا ..........ولمّ ليك في قصيدة ود السافل الشبعانة دي وقشطها ليك ........................ومتأكد لو كان أنا إنتبهت في زمنها كان بكري أبوبكر من الإيميل وراني الحاصل .........لكن هسع الكلام ده طول .........إلا آي بيهات ............ والمدهش لقيتها منشورة في موقوع تاني هسع بجيب ليك رابط .......أشتغل وتعال تلقاه قاعد ........سمح ؟؟؟

امس بالليل كان عندكم بوست انا عرفتكم بي بعض فيهو و مشيت نمت
اسه شايفكم اصحاب و بتتونسوا
كده طالب كل زول فيكم صاحب



وين البوست بتاع امس ؟؟؟
هو حساب ولا كوار

يا كنج
عنوانكـ ده بتفهم كدي
يا احمد موسي و طارق ابوعبيدة ما تجو تضيعوا زمنكم هنا في الونسة ساي










__
ولا انا صاحي يادوب و ما مركز !!

Quote: امس بالليل كان عندكم بوست انا عرفتكم بي بعض فيهو و مشيت نمت اسه شايفكم اصحاب و بتتونسوا كده طالب كل زول فيكم صاحب

خدر ........ أنا عندي صاحباً لي قدييييييم ....كدا .ظنيتو على جهات (هولندا) .......ينفع ....يبقى صاحبك براكا ..؟؟؟ ولا أشوف ليك (إتنين في السودان) ونخلص ؟؟؟؟ ..........وفي بالمناسبة خيار (17 شرق آسيوي ـــ قبل فلبيني) ... ممكن ؟؟؟؟ ........أختار عشان أنا ما بحب دين (الأصحاب) !!!
...........
..........
.........

Quote: وين البوست بتاع امس ؟؟؟ هو حساب ولا كوار

سوداني ......يتحرك بريبة ......ينظر في كل الإتجاهات (زووم إن) على عينين زائغتين ..... تتلفتان يُمنةً ويُسرةً ....... يختبر درجة إنخفاض صوته ثم يهمس {خدر .الخور} ثُم ينطلق ...لا يلوي على شئ .........كاميرا (تيلد أب) على صوت بومة .........ولشبح طائر يُظن أنه بومة !!!!!!!!!

أها يا سيد السمك شوف قوة عين الزول ده داير يجيب لينا مشكلة كمان مع أحمد مطر أقرأ .........القصيدة الجبتها ليك قوقلياً بإسم أحمد مطر أها (لِحِسها) ونزلها هنا ..هاك أقرأ وسف وقارن ................

Quote: مقالات و تحليلات : قصة و شعر English Page Last Updated: Apr 7th, 2008 - 19:25:05 أدروبيات/ أحمد موسى عمر Oct 29, 2007, 12:14 سودانيزاونلاين.كوم Sudaneseonline.com ارسل الموضوع لصديق نسخة سهلة الطبع بسم الله الرحمن الرحيم أدروبيات والينا اللص منفيون لمن نشكو ماسينا؟ ومن يصغى لشكوانا, ويجدينا؟ أنشكو موتنا ذلا لوالينا؟ وهل موت سينجينا؟ قطيع نحن والجزار راعينا, ومنفيون نمشى في أراضينا, ونحمل نعشنا قسراً بأيدينا, ونعرب عن تعازينا لنا فينا, فوالينا. أدام الله والينا, رآنا امة وسطاً فما أبقى لنا دنيا, ولا أبقى لنا دينا, ولاة الأمر: ماخنتم ولاهنتم, ولا أبديتم أللينا, جزآكم ربنا خيراً, كفيتم أرضنا بلوى, وأنجزتم ماسينا, صاحب الضفاف أحمد موسى عمر ولاية البحر الأحمر بور تسودان

وبرابطها .........(مربوطة) يعني .........
http://www.sudaneseonline.com/ar/article_15141.shtml

انور ..حبابك يا صديق..
ياخي ونستك حقة الآبي دي.. مالها قاسية كده..

عارف مرة الهاشمية شالتني ليك..و اخدت لي كورسات في علم البيئة..ياخي لمن تسمع الدكتور بتكلم.. تقول القيامة ح تقيم قبال ما يتم محاضرتو..لكن كل البقول فيهو حقائق صحيحة..و العالم ما داير يسمعها..

اها كمان الآبي ده..هو حقيقة.. لكن حقيقة مرة يا صديق.. عشان كده زمان كنت مستغرب.. كل ما تدخل المكتبة العامة.. يلاقيك ميلون مرجع بتكلم عن السرقات..و الإستخدام السئ للنت.. آزول الكلام ده انا بقرا فيهو من سنة 2000..و كل مرة اقول الناس ديل مجانين و فاكنها في روحهم.. لكن بيني بينك ..طلعت أنا الفاكيها في روحي.. لأنو الخواجة هنا ما عندهم فكرة الكوار.. حاجة اخترعوها..طوالي بيكونوا عارفين مضارها شنو..و طوالي العلاج بيكون جاهز للسلبيات الممكن تحدث.. لكن نحن يا ابوي.. اسكت ساكت.. نشيل و نتجدع.. زي العربية.. تكون جاري تلحق ليك اخر موديل.. لكن في بطن العربية الواحد بيكون ما عارف الواو الضكر..

آزول و الله اتثقفت في جاه ونستك دي (لكن جرعاتك زي حقنة البنسلين المائي.. هي صحي حارة لكن مفيدة)..


سرقة الهوية اخطر مرحلة حاليا..و بقت بتأخد اشكال عديدة.. منها الرسائل البتجيك في بريدك و تقول ليك كسبت المبالغ الخرافية ..و عندنا هنا بقت بالتلفون.. يعني الواحد يتصل عليك..و يقول ليك عارفنك عندك مشكلة مالية و مستعدين نحلها ليك..و يكون داير ياخد معلوماتك و يستغلها..
في كندا عندنا بطاقة اسمها رقم الضمان الإجتماعي..و ما فيها صورة..و دي تفقد روحك..ولا تسلم رقمها لزول.. لأنو عبرها ممكن يتم الدخول لأي موقع فيهو معلوماتك..

المهم..

كبر

الصديق احمد موسى..حبابك

يا اخوي هو فكرة تقوقل روحك دي مهمة للغاية.. و انا قاعد اعملها طوالي (في الأسبوع مرة)..ياخي اكتشفت حاجات غريبة خلاص.. يعني لقيت لي واحد مصري .. خاتي اسمي في حتة و هو بيحتفل فيها بالدكتور الناقد حاتم عبد العظيم.. ده غير تلقى ناس فاتحة ليها بوستات في منابر تانية بيفتشوا فيك ..و في عنوانك.. و برضك في الناس البيشيلوا كلامك..و يقشروا بيهو غادي غادي..
المهم.. كنت منتظرك هناك.. عشان تتم لينا حكاية المنبر الديموقراطي.. لأن الفكرة دي داير اسمع عنها كتير.. خصوصا في مجال المقارنة.. و في سؤال كبير شاغلني: ليه التنظيمات السياسية البتدعي الديموقراطية و المؤسسية.. بتخوفها التكوينات الناشئة.. برغم تاريخ الأولى و سالفتها في الوجود..



كبر

خدر..سلامات يا صديقي

Quote: الصديق احمد موسى..حبابك يا اخوي هو فكرة تقوقل روحك دي مهمة للغاية.. و انا قاعد اعملها طوالي (في الأسبوع مرة)..ياخي اكتشفت حاجات غريبة خلاص.. يعني لقيت لي واحد مصري .. خاتي اسمي في حتة و هو بيحتفل فيها بالدكتور الناقد حاتم عبد العظيم.. ده غير تلقى ناس فاتحة ليها بوستات في منابر تانية بيفتشوا فيك ..و في عنوانك.. و برضك في الناس البيشيلوا كلامك..و يقشروا بيهو غادي غادي.. المهم.. كنت منتظرك هناك.. عشان تتم لينا حكاية المنبر الديموقراطي.. لأن الفكرة دي داير اسمع عنها كتير.. خصوصا في مجال المقارنة.. و في سؤال كبير شاغلني: ليه التنظيمات السياسية البتدعي الديموقراطية و المؤسسية.. بتخوفها التكوينات الناشئة.. برغم تاريخ الأولى و سالفتها في الوجود..

كبر ول أبا ........ والله القصة مختصرها حلم حلمناه عُدة شباب خريجين .........يتكوين جبهة ضغط من المثقفين والمستنيرين والمهمومين بقضايا الوطن من غير المنتمين كعضوية رئيسة والمنتمين المؤمنين بالفكرة كعضوية منتسبة .أها المنبر ده بشتغل في عدة جهات ...منها زي ماقلت ليك جبهة ضغط على كافة القُوى السياسية فلتنفيذ برامج يُتفق عليها بواسطة خبراء ومختصين .........من ناحية العمل في المجتمع لتجاوز العصبيات القبلية لمصلحة المشروع القومي .............بس ........الحاصل الساسة لا يرحموا لا يخلوا رحمة الله تصل ..........جوه من عدة جهات قلبوه تنظيم بدل يبقى فزعة بقى مشروع وجعة .................................ومازلنا نحاول لملمة أطراف تانية لإعادة الكرة مع إستصحاب اخطاء التجربة

نرجع أخوي كبر لموضوع ( القوقلة ولا الرفيق الفسِل .) وزولك المصري .........اها الموضوع لقيت بوست عن سلطات جهاز الأمن في دستور 2005 كاتبه الباقر وإتذكرت عندي مقال كاتبه بنفس الموضوع قلت أفتشوا وأجيبوا البوست للفائدة أها صدمني ليك اللص السرق إسمي وقصائد الناس ...............وواحد تاني ماسح بي الواطة ......خفت خليت المقال يذهب أدراج الريح ..ةجيت (فازي) لأخواني أتحامى بيهم ...........................................................

شباااااااااااااااااااااااب



كمبيوتراااااااااااااااااااااااااب








العووووووووووووووووووووووووووووووووون




أنا سرقني آيدنتي ثييف .....(بحجب قول الخبير أنور كنج) والخايف يكونوا سرقوه هو ذاتو .........أها أنجدوني وأنجوه ................

>>>>> وينك يا زول يا كنج>>>>>>>>