Post: #1
Title: جنسي شايقي و دمي شايقي و جدي شايق
Author: علاء الدين يوسف علي محمد
Date: 05-23-2008, 04:58 PM
pluginspage="http://microsoft.com/windows/mediaplayer/en/download/" id="mediaPlayer" name="mediaPlayer" bgcolor="#000000" showcontrols="false" showaudiocontrols="false" showtracker="-1" showdisplay="0" showstatusbar="0" videoborder3d="-1" enabletracker="false" src="/nsdoc/06ece687-494b-4c47-811e-b39392434543/?id=1158825828424" url="/nsdoc/06ece687-494b-4c47-811e-b39392434543/?id=1158825828424" autostart="-1" designtimesp="5311" loop="false"> بالله إنت شايقي!!؟ سؤال يا بت غريب أنا أيِّ شايقي و بالتحديد بقولك بلدي أرقي و كان دار تعرفي اصلي في النيل و الجروف الخدرا في نوح السواقي في نِغيم طمبور يبكي الليل و في لبس العراريق و الطواقي و كان فتشتي في قلب الحسان من جُوة تلقي أنا أيِّ شايقي و جنسي شايقي و دمي شايقي و جدي شايق و كان دار تعرفِ اصلي أصبري لي دقايق و خليني اللّدوِّر عجلة التاريخ و أسرد للحقايق دنقل عيال منصور جعل و رباط و شايق لا نهاية الدنيا أولاد عم شقايق أنا أيِّ شايقي و كمان قاري العلم و عارف الكِتابي كلامي سمح و أكلي قمح و من النيل شرابي و بملا العين و أزيد شبرين و أهز عضلات شبابي و أشق أعداي عديل و كتين أشم ريحة ترابي أنا أيِّ شايقي و الشايقية مازجي دماي في ذاتي و عروقي كان مكضبة أقيفي أفصل ليكي إيدي و هاكي ضوقي أنا أمي مهيرة بت عبود و شيخي الميرغني الختمي الطريقة و جدي شايق سيد الشايقية جدد ليها شوقي أنا أيِّ شايقي و شايقي أيِّ بسوم الروح و أقدِّمة لي حياة العز ضحية و ما بهاب الموت مادام عيني حية في وقت السِلِم بزرع و ألِم فوق كتفي طورية و ساعة الحارة في وسط الصفوف تلقيني شايل البندقية أنا أيِّ شايقي و شايقي أيِّ و دة ياهو كلامي مهما قريت و اتعلمت و أصبح شاني سامي و دة ياهو كلامي حتى ان كان بقيت سفير و لّا كمان بقيت لجلاج أناطق الطير محامي دة ياهو كلامي حتى ان كان بقيت عميد و قايد جيش نظامي و دة ياهو كلامي حتى ان كان بقيت ريِّس و أصارع الموج ورا مِي و دة ياهو كلامي حتى ان كان بقيت غوّاي و زي قيس في غرامي دة ياهو كلامي أنا اصلي شايقي و ما بغير من كلامي لما أقول أنا شايقي ما بقصد تِكِبِّر و إني أعلى من الثُريّا لما أقول أنا شايقي ما بقصد أقسِّم و طني و أدعو العنصرية لما أقول أنا شايقي بقصد إني سوداني و بسوق ستين سرية و لما أقول إني شايقي بقصد إني بحمي حماي و احتضن الحرية أنا أيِّ شايقي و شايقي أيِّ و السودان عموم يا بت وطنّا ان كان نضمنا عديل ولّا ان كان كسرنا الكِلمة حتى ان كان رطنّا جُوارنا أمان و قلوبنا حُنان و أبيض من قطنا و نحن المن زمان معروف نكِرم الضيف ولو نربط بطُنّا أنا أيِّ شايقي و شققت العُقاب جيت من كريمة زادي كسرة متمرة و حبّات جِريمة لبسي جبة مبرقعة و غبشة و قديمة و للبنادر جيت و كان أكبر جريمة أنا قلبي ما بدلتو بس بدّل هدومي و ماني صايع ساكت آآآآ بت لا تلومي أنا أصلي أفندي في طرف الحكومة عاد وحات اسم الله في شايقيتي فد يوم ما بزيِّف و حبي للشايقية من ما قُمتة درفوناً خِفيِّف و لما أبقى شايقي و بين ضلوعي دوام يفر قلبي الرِهِّيف و لهجة الشايقية حلوة و في لساني يمين تكيِّف قمت بنشرها هنا لأول مرة علي سودانيز أونلاين "نص فقط" فتناقلتها المواقع السودانية و الآن نص ورقِص و تعال و بُص
Post: #2
Title: Re: جنسي شايقي و دمي شايقي و جدي شايق
Author: حيدر حسن ميرغني
Date: 05-23-2008, 05:05 PM
Parent: #1
ليهم القومة ياعلاء وتحية لكل قبائلنا
Post: #4
Title: Re: جنسي شايقي و دمي شايقي و جدي شايق
Author: علاء الدين يوسف علي محمد
Date: 05-23-2008, 05:12 PM
Parent: #2
التحية ليهم و ليك و لينا و نحن: شايقية و عبابيس فينا مِن نايب و مِن رئيس و فينا مَن واقِفلُو بوليس قالو العِز أهل برضو مُش؟
Post: #3
Title: Re: جنسي شايقي و دمي شايقي و جدي شايق
Author: الطاهر ساتي
Date: 05-23-2008, 05:07 PM
Parent: #1
Quote: و بملا العين و أزيد شبرين و أهز عضلات شبابي وأشق أعداي عديل و كتين أشم ريحة ترابي
الله يديهو الصحة والعافية اليمنى ده قدم كتير للفن ده كلمات منو ياعلاء ..؟
Post: #5
Title: Re: جنسي شايقي و دمي شايقي و جدي شايق
Author: علاء الدين يوسف علي محمد
Date: 05-23-2008, 05:17 PM
Parent: #3
أستاذنا الطاهِر ساتي الكلمات و على ما أعتقِد للحردلّو هسي بيجو الجهابِذة و يصححوني إذا غلطان اليمني تغنّي بالكثير المثير و من أحد أغنياته كان اسم الشركة التي أعمل بها و هي (قارسيقا) و الكلِمة نوبية الأصل و تعني أخضر ورقة في نبتة القمح و قال فيها: النايرة قارسيقا الصغيرة ضميرة مِتيقة
Post: #6
Title: Re: جنسي شايقي و دمي شايقي و جدي شايق
Author: سيف النصر محي الدين محمد أحمد
Date: 05-23-2008, 05:20 PM
Parent: #3
Quote: وأشق أعداي عديل و كتين أشم ريحة ترابي
اوع يكون الترابي زولنا داك
Post: #7
Title: Re: جنسي شايقي و دمي شايقي و جدي شايق
Author: علاء الدين يوسف علي محمد
Date: 05-23-2008, 05:28 PM
Parent: #6
إنت قايلني عدل و مساواة ولّا شِنو يا زول؟
Post: #8
Title: Re: جنسي شايقي و دمي شايقي و جدي شايق
Author: علاء الدين يوسف علي محمد
Date: 05-23-2008, 05:46 PM
Parent: #7
كل المتعة هِنا نــــــــــادي الطمبــــــــور حنبحت مِنها و نخت هِنا .
Post: #9
Title: Re: جنسي شايقي و دمي شايقي و جدي شايق
Author: علاء الدين يوسف علي محمد
Date: 05-23-2008, 06:03 PM
Parent: #8
الطمبور صديقنا و عزنا و ملجانا وكتين السنين تفتح بوابة أحزانة مما قمنا نسمع فيهو لا ملينا لا ملانة زي إبل الرحيل شايلي السٌقا و عطشانة أوتارو الحنيني تملِّي عايشي معانا في الريف و الحضر و محل ما تمشي بطانة الله لو بشيشي تداعبو إيد فنانة تتراقص جميع الدنيا بي أركانة لو قلبك حجر و غنانا شايفو رطانة أول ما يرن تلقاك غرقتة معانا إحساسك يذوب قامتك تميل طربانة زي مرّ النسيم وكتين يداعب البانة الطمبور سماحتو القمرة مالي سمانا الليل و السكون و الرملة كالمرجانة نتلملم نكون في شلة سامية مكانة نضحك ننبسط لما الصباح يلقانا
Post: #10
Title: Re: جنسي شايقي و دمي شايقي و جدي شايق
Author: علاء الدين يوسف علي محمد
Date: 05-24-2008, 05:23 AM
Parent: #9
عشان كل الناس تسمع ... و السِمِع يكلِّم الما سِمِع