:عن مغني جميل كان إسمه (النعيم بورسودان) ..!!

(*)

كنا نتداول غناءه على ذلك (الكاسيت) ذو اللون الأسود , ..

تعرفنا عليه محض صدفة , ..

ولكنا لم نعرف حتى يومنا هذا له (إسماً ) أو (رسماً) , ..

كان صوته هو بطاقته الشخصية ,

كان صوته هو (صورته) التي تخيلناها (أسوداً وأبيض) , لشاب نحيل وسيم مرهف ,

ذلك (الكاسيت) الأسود إختفى من الأسواق , وبعده لم نعد نسمع عن (النعيم بورسودان) , سوى أنباء

متفرقة , لكثيرين إدعوا معرفة به , ..

الآن نصف شباب السودان الذين يطلون عبر أجهزة الإعلام مغنيين , ..

لم يفعلوا شيئأً , سوى إستعارة صوت الغائب (النعيم) وتقديم أغنيات جديدة على طريقته , ..

لصوت (النعيم) و (مغيب) الشمس علاقة محببة ,

لا أذكره إلا وأذكر الشمس وهي تغوص بمياه النيل , مخلفة تلك الحمرة المخيفة ,

(كاسيت) يتيم (للنعيم) بورسودان صحبني سنيناً دون أن أمله , ودون أن أكف عن الطرب إليه ,

نسيته بين طيات أغراض كثيرة خلفتها بمدينة (أم القيوين) بالإمارات ,

أغراض كثيرة ليس بينها ما هو أقيم من (أغنيات) ,

مغني جميل إسمه (النعيم بورسودان) ..!!

الاخ كمال: اعدتناالقهقرى لسنوات جميلة، لكن انصحك باللجوء لاخونا هارون دياب اكيد حيكون عندو نسخة من شريط النعيم وكمان الفنان صلاح محمد نور وادريس الامير.

Quote: الاخ كمال: اعدتناالقهقرى لسنوات جميلة، لكن انصحك باللجوء لاخونا هارون دياب اكيد حيكون عندو نسخة من شريط النعيم وكمان الفنان صلاح محمد نور وادريس الامير.

العزيز/ كمال إدريس

كان لي شرف إجراء حوار ربما كان الأخير مع الفنان/ إدريس الأمير عقب عملية بتر الرجل التي أجريت له , إن لم تخني الذاكرة كان الحوار بصحبة الزميل والصديق / محمد عثمان يوسف تركمان (حبة) شقيق (حسن بري) ..

رحم الله إدريس الأمير الذي تعرفت عليه عن قرب وهو أحد الذين أدهشوني حقيقة , رغم حزني على حظه الذي لم يعطه حقه من الشهرة , ..

عاطر الحب ..

العزيز كمال على الزين ،،،

والله رجعتنا لأيام جميله جدا من النغم الجميل فى بورتسودان ،،،
أغنيات كثيرة سمعناها على لسان الفنان الرائع النعيم ،،،
طبعا النعيم الآن استقر بالعاصمة المثلثة وترك بورتسودان ،،،
وتحديدا هو الآن يسكن فى الحتانه ،،،
سآتيك بمعلومات وافره عن نشاطه الحالى فى المداخلات القادمه ،،،

إنشاء الله سأكون معك متابعا بس ما تزهج من طلتي عليك ،،،

ومن منا لا يعرف هذا الفنان الذى ظل صوته محفورآ فى وجدان جميع البورتسودانيين ...

يا لجمال صوتك ايها النعيم عندما تشدو بورسودان يا جنه ويا قبله وطنا فيها الحركه دائبه طول ليلا ونهارا ..........

التحيه لهذا الفنان العملاق .....

والتحيه لك اخى كمال ........





ودمت بالف خير




حسين

Quote: ومن منا لا يعرف هذا الفنان الذى ظل صوته محفورآ فى وجدان جميع البورتسودانيين ... يا لجمال صوتك ايها النعيم عندما تشدو بورسودان يا جنه ويا قبله وطنا فيها الحركه دائبه طول ليلا ونهارا .......... التحيه لهذا الفنان العملاق .....

تحايا عطرة أخي / حسين

(النعيم) الذي غاب ورغم إقلاله إلا أنه كان فناني الأول , وتنبأت بأن يكون فنان السودان الأول خلال مطلع التسعينيات , لكن لا أدري من هو وكيف هو ولماذا أختفى ؟ ..

عاطر الحب ..

Quote: إنشاء الله سأكون معك متابعا بس ما تزهج من طلتي عليك ،،،

ياسيدي مرحباً بك وبما عندك من أخبار (النعيم)

عاطر الحب ..

(*)

علاقتي بهذا المغني الجميل ,

لم تتعدى ذلك (الكاسيت) العتيق الطراز ,

هي بضعة أغنيات ,

إحداها كانت مناحة رقيقة تحت إسم (شمس المغيب الباكية) ,

كان يغنيها فترى رأي العين , أدمع الشمس التي تغوص في النهر ,

تشتم رائحة جروف النيل , عند هطول المطر ,

ظلمة تلفك حين يغني (النعيم) ,

ورقة تحاصرك أنى سمعته ,

ثم حين ينادي :

(إنتو ياناس كسلا ..

من مدة بعيدة

إحنا ماشفناكم

ولا ماشفناكم

بس نار الشوق

في قلوبنا شديدة)

كلمات أجزم أنها لو ترنم بها آخر غير (النعيم) ,

لما تعدى كونه يناجي (كسلا) وأهلها ومالنا ولهم ,

ولكن (النعيم) يدلق سحر صوته ورقة بحته تلك على كلمات الأغنيات ,

فتحسها ترتطم بقلبك وتخترق نبضه , ..!!

الحبيب / كمال
مساء جميل
والله هيجت الاشجان
وذكرتنا اجمل الايام

النعيم ....الجميل
ولغايت مانجيك بااخبار النعيم
في بورسودان ظهرت اغنية : قطار القام
قطار القام خلي النعيم
واقف حيران جنب الجسر
ودي كانت اخر عهدي بالنعيم الجميل
الذي عطر مع فاروق والمرحوم
امام ابراهيم ومحمد عثمان اماني
وحيدر وعادل مسلم ليالينا الساحرة
في نادي الكشافة وسينما الشعب وحفلات ديم كوريا
الدكاكينية ....!
راجع ليك بس اديني فرصة قصييييييييييييرة .

(*)

مقدمة مقال قديم كتبته عن الراحل / إدريس الأمير لصحيفة المشاهد :

(*)

إدريس الأمير ورائعته (سواكن ) , لم يكونا كل شئ , (إدريس) نفسه كان مجموعة أشياء ..

رجلُ حاكه الله جميلاً , صوتاً وصورةً ..

يومها أرقدوه على محفة , تحت ظل راكوبة حديثة بعض الشئ ..

كان قد خرج للتو من المستشفى عقب عملية بتر رجله اليسري ..

لكنه أدهشنا بأن روحه ودعابته , لا تشي بأنه فقد شيئاً قيماً , لم يكن متأثراً وأنسحب هذا الأمر على

زوجته ووحيده , فكأنهم فقدو (ظفراً) وليست إحدى (رجليه) ..

دمع سواكن الذي تصبه اليوم على أميرها ومغنيها وعاشقها , دين تأخر رده ذهاء الخمسون عاماً ..



_______________________________________________

رحم الله إدريس الأمير وهو مكتشف (مصطفى سيدأحمد) وهي معلومة غائبة عن الكثيرين ..!!

Quote: راجع ليك بس اديني فرصة قصييييييييييييرة .

مرحباً وخد وقتك

واتمنى أن تعود بالنعيم صورة وصوتاً...

عاطر التحايا

ودكسـلا

(*)

كنت أتعلق على حبائل صوته ,

(النعيم) , ..

كنت أمارس حبي لها رقصاً على لحن غناه هو,

وتخرج مني كلماته الممهورة بسحر صوته الدافئ اللعين ,

تخرج مني أفضل ماعندي ,

حتى السماء تحشد الغيوم ,

ذلك النهار الذي يصدح (النعيم) منتصفاً فيه كبده كما الشمس ,

إلا أنه أكثر دفئاً ,

تعلقي بصوت (النعيم ) ,

كذكرى حب جامح , في بواكير صبا كل شئ به منتصب ,

كالسيف حاد , حدة صوت (النعيم) ,

تذكرته ولم يكن قد غاب عن مخيلتي ,

تذكرته كلما خرج علي أحدهم مستعيراً صوته وسمته ورهافتة ,

منتحلاً ذات (النعيم) , ..

كل هذا رغم أنني لم أرى هذا المغني الجميل , ولو على أغلفة الكاسيت ,

ولم أعرف عنه سوى أنه (النعيم بورسودان) ,

الذي تحدى آخرين بمقدرته على جعلي أقول :

يا .. الله .. يالجمال هذا الصوت ..!!

(*)

شكراً (يسرى) , هذا هو (النعيم ) بصوته وروعته , وهي إحدى أغنيات الكاسيت الذي عنيته , ..

لو كنت أعلم أنني سأستمع إليه مرة أخرى لكنت عجلت بهذا (البريد) ..

عاطر الحب ..

(*)

تخيلته وسيماً , ليس (كوسامة عبدالحليم حافظ) ,

بل وسيم بمعناها السوداني ذاك ,

كعبدالعزيز المبارك حين كان ,

وكالراحل (خوجلي عثمان) , ..

أو ..

بالعدم مألوفاً كرمضان زايد , (الله يقطع حلاة شناتو),

أرجو أن أرى له صورة ,

وأن أزامل صوته كما في خوالي أيامي ,

دعوات للنعيم بالعودة كما كان ,

سحراً ,

سراً ,

جمالاً تتحسسه وتبحث عنه , ..!

بورسودان ثغر بلادنا الحبيبة
كان بها ندي للأدباء والفنانيين
يضم كل اتجاهات الفنون والأدب والثقافة
وحينما حللت بتلك المدينة الساحرة
مديرا لمسرحها
قدم لي نفسه رئيس اتحاد الفنانيين ونقيب المطربين وقتها
وكان وسيما أنيقا في زيه حلو الضحكة والمعشر
صاحب ونسة فرحة وضحكة لانهاية لها
اسمو بيشبهو
زول جميل بالحيل واخو اخوان وود بلد وكريم خصال
يا كيمو ذكرتنا ايام لاتنسى

Quote: بورسودان ثغر بلادنا الحبيبة كان بها ندي للأدباء والفنانيين يضم كل اتجاهات الفنون والأدب والثقافة وحينما حللت بتلك المدينة الساحرة مديرا لمسرحها قدم لي نفسه رئيس اتحاد الفنانيين ونقيب المطربين وقتها وكان وسيما أنيقا في زيه حلو الضحكة والمعشر صاحب ونسة فرحة وضحكة لانهاية لها اسمو بيشبهو زول جميل بالحيل واخو اخوان وود بلد وكريم خصال يا كيمو ذكرتنا ايام لاتنسى

(*)

السني يافنان

صباحات حلوة وندية ,

تعرف فترة طويلة أنا ومحمد عبدالرحمن (الرجل الموسوعة) (بدون وجوه طبعاً)

بنتذكر في (النعيم) ده , كلما نسمع مجموعة كبيرة من الشباب إبتداءً من (شكرالله)

ومجموعة تانية , بتحاول تقدم لينا (النعيم) بشكل جديد , ..

(النعيم) ده مظلوم ولا مالو ..؟

عارف يا (السني) في بداية التسعينيات (الكاسيت) ده , إتوزع بالملايين وفي فترة وجيزة ,

وبدون شركة يعني كيري ساي , ..

ولو حسبنا توزيع الكاسيت ده في إيامنا دي , يبقى النعيم ده ملياردير أسي ..!1

كمال ود الزين وضيوفه الكرام سلامات

نعم استمعت لهذا الشاب الفريد من نوعه وكنت قد تنبات له بمستقبل واعد
ولكن فقط شريط واحد واختفي


اضافة لرائعة كسلا هناك اغنية جميلة اخرى كنت دوما استمع اليها


تقول مقطعها
مصيري كيف الليلة يالمسافر

الليل رحل وودع نجوم الخ ............


فعلا بورتسودان كانت قمة في ابراز المواهب الجميلة

في ذهمت الاحداث التى تعج بها بلادنا فقط ذكرتنا ايام نحن ونحلم بان تعود الينا يوما قبل ان نموت

أخوى أبوالقاسم
سلامات
أها رأيك شـنو
ياالمسافر

(*)

الله يديك العافية يا(يسرى) ,

بس لو كمان جبتا لي (شمس المغيب) بتكون ماقصرتا ,

و(شمس المغيب) دي أغنية ما أكتملت , بشعر بيها محتاجة أبيات جديدة وسمكرة كده ,

بتكون من أجمل الأغنيات ,

وإمكن كمان صوت النعيم هو الأداني الإحساس ده ..

عاطر الحب ..

Quote: كمال ود الزين وضيوفه الكرام سلامات نعم استمعت لهذا الشاب الفريد من نوعه وكنت قد تنبات له بمستقبل واعد ولكن فقط شريط واحد واختفي اضافة لرائعة كسلا هناك اغنية جميلة اخرى كنت دوما استمع اليها تقول مقطعها مصيري كيف الليلة يالمسافر الليل رحل وودع نجوم الخ ............ فعلا بورتسودان كانت قمة في ابراز المواهب الجميلة في ذهمت الاحداث التى تعج بها بلادنا فقط ذكرتنا ايام نحن ونحلم بان تعود الينا يوما قبل ان نموت

صباحك خير يا أبو القاسم ..

ربنا يرجعك بالسلامة لي بورسودان , ويرجع النعيم للغنا الجميل ..

النعيم وإدريس الأمير , من أجمل المغنين السودانيين في الخمسين سنة الفاتت ,

لكن حظهم عجيب , ..

النعيم ده سجل الكاسيت ده في زمن كانت التقنيات فيهو متواضعة جداً ..

فمابالك لو عمل حاجة أسي ...؟

الأخ كمال ..

سلامات

استمعت للأغنيتين ، وأظن أن الموضوع لا يعدو أن يكون ارتباطاً وجدانياً بالنعيم ..
ذكريات وأيام جميلة ...

بقية مساهمتي ، سأحجم عنها ، حتى لا أفسد عليكم شريط ذكرياتكم..

وفي الآخر كده ... حب الناس مذاهب .. وإختلاف الرأي لا يفسد للود قضية ..

Quote: الأخ كمال .. سلامات استمعت للأغنيتين ، وأظن أن الموضوع لا يعدو أن يكون ارتباطاً وجدانياً بالنعيم .. ذكريات وأيام جميلة ... بقية مساهمتي ، سأحجم عنها ، حتى لا أفسد عليكم شريط ذكرياتكم.. وفي الآخر كده ... حب الناس مذاهب .. وإختلاف الرأي لا يفسد للود قضية ..

سلامات يا أخ / صلاح

تعرف كون النعيم ده يقدر يخلق إرتباط وجداني بين مجموعة مقدرة من الناس بأغنيات لا تتعدى

البضع على كاسيت قديم إنتج في نهاية الثمانينيات وبداية التسعينيات ويظل موجود في ذاكرة ناس

كتار ده شئ ما أظنو سهل ..

وبقية المساهمة التي أحجمت عنها لا أظنها ستفسد علينا شيئاً , بل ربما تفتح أعيننا وأعين

النعيم عن ماغاب عنا , ..

ولنا في حب النعيم مذهب , ولا أظن أن الناس قد أجمعت يوماً على شئ ..

وللحقيقة ذاكرتنا حين تبحث عن بعض مامضى من جمال , لابد لها أن تستصحب من أرتبط بهذا الجمال

وإن كان فيه قبح , ..

هذا رغم أنني أجزم أنني لم أستمع لأجمل من النعيم من المغنيين الشباب ..


ومضينا في حبه ومضى بنا حبه حتى اليوم , وصار فينا جميلاً وقد يختلف حوله ..!!

ياكمال ..اووو (على قول كيكى)..

النعيم صديق الذكريات والامسيات الجميلة ..

جاييكم احكى ليكم ..وان شاء الله (شمس مغيبكم لاتبكى)..

...
..
.

Quote: ياكمال ..اووو (على قول كيكى).. النعيم صديق الذكريات والامسيات الجميلة .. جاييكم احكى ليكم ..وان شاء الله (شمس مغيبكم لاتبكى)..

مرحبتين يا (محمد)

الأمسيات الجميلة , تختلف

والذكريات تتعد , ..

أليس غريباً أن يكون هذا (الساحر) النعيم قاسماً مشتركاً ,

بين مواضي الكثيرين , ..؟

النعيم الذي لم أراه , ولا أعرف له شكلاً ,

وربما أنت أيضاً لم ترى له شكلاً ,

عجيب أمره , ..

تواترت أنباء عنه , حين غاب , ..

بين من يقول أنه قد (جن) ,

وآخر يقول أنه قد (فقد بصره) ,

وآخرين الآن يقولون أنه موجود وبأمدرمان ,

كيف إستطاع هذا الرجل أن يجعل الناس يحبونه ويستلقطون أنباءه ,

ويفتقدون صوته , ..

لا شك أنه جميل كما أراه ..!!

(*)

هاتفني أحدهم من (هولندا) في مايبدو,

لم يكن صوته واضحاً , لكنني إستطعت أن أميز كلماته هذي :

إسمه (فتحي) ويعشق (النعيم) وله مع صوته ذكرى جميلة كحالنا ,

لكنه أيضاًلا يعرف عنه شيئاً , ..!!

وقد أعاده هذا (البريد) إلى ذكرى جميلة , وهو معجب بالنعيم أيضاً ,

وسبحان الذي حبب النعيم إلى خلقه ..!!

سلامات ياكمال

صدقني هذا المبدع يستاهل كل الكلام الحلو القلتوه فيه واكثر
إستمعت الى اغنية المسافر نهاية التسعينات
ودأبت على إستماع هذا الصوت الرخيم كلما تعتريني خرمة للغناء
شكرا ليك كثير على الإحتفاء بمبدع كدنا أن ننساه وسط زحمة المقلدين من كل جنس

.....
اطلب من الاخ يسرى معتصم ان يضع رابط للحفظ اذا كان ذلك ممكنا
له الف شكر على رفد البوست بالاغنيتين الجميلتين

Quote: سلامات ياكمال صدقني هذا المبدع يستاهل كل الكلام الحلو القلتوه فيه واكثر إستمعت الى اغنية المسافر نهاية التسعينات ودأبت على إستماع هذا الصوت الرخيم كلما تعتريني خرمة للغناء شكرا ليك كثير على الإحتفاء بمبدع كدنا أن ننساه وسط زحمة المقلدين من كل جنس ..... اطلب من الاخ يسرى معتصم ان يضع رابط للحفظ اذا كان ذلك ممكنا له الف شكر على رفد البوست بالاغنيتين الجميلتين

سلامات ياحيدر

تعرف من مدة بتجي سيرة النعيم كتير في ونسات مع أصدقاء كتار , أحدهم (محمد عبدالرحمن)

كل مرة أقول ياخي أنا لسا فاكر الزول ده وعاوز أكتب عنو , مرات أنسى وأنشغل , ومرات أعتقد إنو مافي زول غيري وكم نفر كدة بعرفوهو وبتذكروهو , وأقول ياخي ما بفرض زوقي على الناس وأعمل زحمة بي بوست عن زول بحبو أنا وبس ..

من كم يوم طلع علينا واحد مغني شاب , غنى أغنية غناها النعيم وغناها بي صوت النعيم وبي طريقتو وماجاب أي حاجة من عندو , ..

حقيقة زعلتا وقلتا ياخي ما بدها أنصف الراجل ولو على حساب (السيرفر بتاع بكري) ده ..


ونتمنى أن نعود لنستمع للنعيم من جديد بأغنيات خاصة وبنفس نكهة النعيم الجميل ..

عاطر الحب ..

Quote: وللحقيقة ذاكرتنا حين تبحث عن بعض مامضى من جمال , لابد لها أن تستصحب من أرتبط بهذا الجمال

صدقت يا كمال .. وهذا ما عنيته تماماً من مداخلتي اعلاه، ولا شئ آخر..

Quote: النعيم ده سجل الكاسيت ده في زمن كانت التقنيات فيهو متواضعة جداً ..

ملاحظة فى محلها ياكمال

بعدين أجمل موسيقى صاحبت اغاني مبدعي بورتسودان (حيدر/ مسلمي /النعيم) كانت طالعة من البيانو ولم يبدع قبلهم فيها اي احد حتى من

العاصمة نفسها

يعني النعيم ده لو واصل لحدي الان كان ممكن يبدع بدرجة اكبر

ليته يعلم بهذا الإحتفاء .. ويعود

الحبيب كيمو
والأخوة المتداخلون
سلام
بورتسودان سر غامض فى حياتى
المدينة التى أحببت
أول مرة أزور بورتسودان مع والدى متعه الله بالصحة والعافية ونحن صغار كان الوالد مكلف بتحكيم مبارأة حى العرب والهلال فى الدورى طلعت درون بقون على الدمازين الشهير ومن ديك عرباوى مووت.
فى كسلا يسكن جيراننا مجموعة من فنانى وعازفى الأورغن من بورتسودان منهم فائز وحافظ فظاعة وياسر أبراهيم...........
طلب كيمو جاهز
وطلب أخى حيدر للروابط

شمس المغيب

####

Quote: >الحبيب كيمو والأخوة المتداخلون سلام بورتسودان سر غامض فى حياتى المدينة التى أحببت أول مرة أزور بورتسودان مع والدى متعه الله بالصحة والعافية ونحن صغار كان الوالد مكلف بتحكيم مبارأة حى العرب والهلال فى الدورى طلعت درون بقون على الدمازين الشهير ومن ديك عرباوى مووت. فى كسلا يسكن جيراننا مجموعة من فنانى وعازفى الأورغن من بورتسودان منهم فائز وحافظ فظاعة وياسر أبراهيم...........

العزيز / يسرى , (بورسودان) لم أرها , ولم أرى (كسلا) حتى , إلا أنها مدن على أبوابها لافتات تقول :

(مبدعون كثر مروا من هنا) ..

وستظل تعطي رغم جور الزمان والقحط الذي ضرب النفوس والفؤوس ..

Quote: >طلب كيمو جاهز وطلب أخى حيدر للروابط شمس المغيب

شكراً (يسرى) فهي مناحة حنينة , ..

وجمال صوت النعيم يلفها حزنا , ..

عاطر الحب ..

Quote: ملاحظة فى محلها ياكمال بعدين أجمل موسيقى صاحبت اغاني مبدعي بورتسودان (حيدر/ مسلمي /النعيم) كانت طالعة من البيانو ولم يبدع قبلهم فيها اي احد حتى من العاصمة نفسها يعني النعيم ده لو واصل لحدي الان كان ممكن يبدع بدرجة اكبر ليته يعلم بهذا الإحتفاء .. ويعود

مساء الخير ياحيدر

ياليته يعود , فصوته وطريقته المحببة ولونيته التي صارت الآن ضرباً إتخذه شباب كثر , أولى بها هو ,

وكم أسعدنا (النعيم) دون أن نقول له شكراً ..

وحقيقة مع الإمكانيات التقنية المتوفرة حالياً , ستخرج أعماله بصورة أكثر جمالاً ..

عاطر الحب ..

Quote: صدقت يا كمال .. وهذا ما عنيته تماماً من مداخلتي اعلاه، ولا شئ آخر..

شكراً أخ / صلاح ..

Quote: ..... اطلب من الاخ يسرى معتصم ان يضع رابط للحفظ اذا كان ذلك ممكنا له الف شكر على رفد البوست بالاغنيتين الجميلتين

العزيز كمال على الزين ،،،

قد أكون أكثر الناس سعادة فى هذا اليوم وأنا أسمع صوتا ذا جرس جميل ،،،
إنه صوت الرائع المبدع النعيم أحمد إبراهيم ،،،

هذا النجم الذى لم يافل بريقه رغم مرور السنوات وبُعد المسافات ،،،

ترك مدينة الثغر الباسم بورتسودان باحثا عن لقمة العيش بعيدا عن الفن والمغنى ،،،

إرتضى أن يبتعد مكرها عن عشقه الأول والأخير ،،، الغناء ،،،
اختار أن تكون أم درمان عاصمتنا الوطنية مكانا طيبا للعيش بعد سنوات بورتسودان الثرة ،،،


اليوم عزيزي كمال ،،، واليوم فقط أعدت شجون تلك الأيام الخوالى وأنا أتحدث عبر الهاتف مع هذا النجم البَرّاق ،،،
صوته يحمل ذات النغمات الجميلة ونفس الملامح الرائعة التى أمتعنا بها عبر أغنيات رائعه ،،،

لقاء قصير أجريته معه عبر الهاتف سيكون مدخلا لحوارات أخرى ولمعلومات رائعة جديدة عن هذا الفارس الرائع ،،، النعيم أحمد إبراهيم ،،،

وعدتك أخى كمال ،،، وها أنا أفي بوعدي لك ،،، واشكرك على حسن الإستضافة والقبول ،،،

Quote: العزيز كمال على الزين ،،، قد أكون أكثر الناس سعادة فى هذا اليوم وأنا أسمع صوتا ذا جرس جميل ،،، إنه صوت الرائع المبدع النعيم أحمد إبراهيم ،،، هذا النجم الذى لم يافل بريقه رغم مرور السنوات وبُعد المسافات ،،، ترك مدينة الثغر الباسم بورتسودان باحثا عن لقمة العيش بعيدا عن الفن والمغنى ،،، إرتضى أن يبتعد مكرها عن عشقه الأول والأخير ،،، الغناء ،،، اختار أن تكون أم درمان عاصمتنا الوطنية مكانا طيبا للعيش بعد سنوات بورتسودان الثرة ،،، اليوم عزيزي كمال ،،، واليوم فقط أعدت شجون تلك الأيام الخوالى وأنا أتحدث عبر الهاتف مع هذا النجم البَرّاق ،،، صوته يحمل ذات النغمات الجميلة ونفس الملامح الرائعة التى أمتعنا بها عبر أغنيات رائعه ،،، لقاء قصير أجريته معه عبر الهاتف سيكون مدخلا لحوارات أخرى ولمعلومات رائعة جديدة عن هذا الفارس الرائع ،،، النعيم أحمد إبراهيم ،،، وعدتك أخى كمال ،،، وها أنا أفي بوعدي لك ،،، واشكرك على حسن الإستضافة والقبول ،،،

شكراً أخي خليل

ولأول مرة أعرف أن الرجل إسمه الكامل (النعيم أحمد إبراهيم) وأتمنى أن تأتي لنا بصورة له ..

وفي إنتظار مضابط الحوار ..

عاطر الحب..

Quote: اليوم عزيزي كمال ،،، واليوم فقط أعدت شجون تلك الأيام الخوالى وأنا أتحدث عبر الهاتف مع هذا النجم البَرّاق ،،،

والله ياسانى اثبتا انك زول خطيررررررر مره قلتا لى جبتا الاسد من شواربه .....

عفيت منك يا صاحب ......

عارف اخر عهدى بهذا الفنان الجميل فى حفل زواج شقيقى سيف الدوله وذلك فى مطلع التسعينات .

وعلى ما اعتقد وقتها كان يعمل بالتجاره بمكتب العم الكريم حامد على شاش ولم ادرى بانه ترك

بورسودان ليستقر بام درمان .... وانه ان رحل جسدآ لكنه لم يرحل روحآ وابداعآ بدواخلنا .

وعزاؤنا صوتك الجميل الذى يدغدغ وجداننا ايها الشادى الوريف .



الاخ كمال الزين ..... لايعرف الاحجار الكريمه الا امهر الصاغه .......

لك كل معانى الود




حسين

عزيزي كمال ،،،

هذا البوست الرائع هو ما دفعني للبحث عن هذا العلم الفنان النعيم أحمد إبراهيم ،،،

مرت سنوات طويلة منذ آخر مرة إلتقيته فيها ولعلها مناسبة فى منزلنا حيث كانت جميع مناسباتنا تحفل بهذا الحضور الطاغي للفنان النعيم ،،،

سعيت للبحث عن مدخل لأصل الى هذا الفنان بعد هذه الغيبه ،،،

لم أجد سوى صديقى وابن مدينتي بورتسودان الفنان الرائع عادل مسلم ،،،
هاتفته بالأمس أسأله عن النعيم بعدما قرأت هذا البوست التذكيري بهذا البلبل الصداح ،،،
أسعدني عادل مسلم بأنه على تواصل حميم معه فى كثير من المناسبات وهو من أمدني بالأمس بمعلومة أنه يسكن الحتانه ،،،
لكن فى فترة سابقة بعد عودة عادل مسلم لبورتسودان بعد فترة قضاها بالخرطوم تحول النعيم الى أم درمان فى منزل بالقرب من المستشفى الصيني ،،،

حاولت طوال يوم أمس الإتصال به لمعرفة أخباره ونقلها عبر هذه المساحه لكن كل المحاولات باءت بالفشل ليكون الإنتظار ليوم جديد هو يومنا السبت ،،،
ليكون اللقاء الهاتفى مترعا بكل جميل من الذكريات الرائعة الجميله خاصة وأنه كان يسكن فى ذات المنطقة التى اسكنها فى الثورة الجديده بمدينة بورتسودان المدينة الأم ،،، يتبع ،،،

Quote: يتبع

جنس شحتفه .........


واصل يا سانى هلكتنا يااااااااااخ

جايييييك يا حسين ما تستعجل ،،،

قاعد أكتب فى نص المحادثه يا بطل ،،،

باقى دقيقه وساني يجيبها ،،،

خليك قريب ،،،

ناس كسلا

المسافر

شـمـس المغـيب

واليكم نص المحادثه كما جرت بالنص ولو نسيت حاجه سامحوني ،،،


ساني : ألو السلام عليكم

النعيم : وعليكم السلام

ساني : معاى الفنان الكبير النعيم

النعيم : أيوه معاك النعيم

النعيم : منو معاى

ساني : معاك محمد خليل ساني مذيع سابق بتلفزيون وإذاعة بورتسودان ،،،

النعيم : مرحب بيك يا محمد وينك يا استاذ طولنا ما شفناك

ساني : والله نعمل شنو الغربه وكده إنت عامل كيف ؟

النعيم : والله العظيم ساكن دلوقت فى أم درمان وطبعا خليت بورتسودان من زمان

ساني : من متين يعني ؟

النعيم : من حوالى العام 2000 وكده ورحلت جيت العاصمة ،،،

ساني : طيب بمالك خليت بورتسودان ؟

النعيم : والله ما عارف اقوليك شنو بس ظروف المعيشه كانت صعبة وكان لازم نتحول للخرطوم خاصة وإن الأبناء فى الجامعه حاليا ،،،

ساني : ماشاء الله يا النعيم عيالك كبروا تتصور ناسيهم أنا ما شاء الله كم عددهم كده ؟

النعيم : هم 6 ثلاثة بنات وثلاثة أولاد ،،،

ساني : أها قرايتهم كيف ؟

النعيم : عندى ثلاثة من بناتي وولد واحد اللى هو محمد فى جامعة الخرطوم فى كليات مختلفه والبقيه لسه فى مراحل العلم التانيه ،،،

ساني : إنت عارف يا استاذ والله العظيم فى واحد أخونا اسمه كمال على الزين كتب فى سودانيز أون لاين عنك وبيسأل دائما عليك وتناول موضوع الشريط الواحد اللى علمته وحقق نجاحات كبيره ،،،

النعيم : والله يا محمد أسعدتني كتير بكلامك ده معقول لسه الناس بتتذكر النعيم وأغنيات النعيم ،،،

ساني : بالجد يالنعيم الناس كلها متذكراك حتى ناس من مختلف دول العالم خليك من السودان بس كلهم بيسألوا عليك وعلى اخبارك ،،،

النعيم : عليك الله يا محمد سلم لى عليهم كتير جدا وقول ليهم والله موضوعكم ده فرحنى خالص خالص وأنا قلت خلاص إنت إتنسيت يالنعيم لكن الحمدلله رجعتوا لى الروح من جديد ،،،

ساني : النعيم حأسالك سؤال حول الغناء إنت لسه بتغني ولا خليك المغني ؟

النعيم : أنا لسه بغني والله بس فى مناسبات الأهل والأصدقاء اللى بيعرفوني وقريبين منى بس غناء إحترافى لا خليتوا من زمان ،،،

ساني : وشريطك داك متذكرو يالنعيم ؟

النعيم : طبعا ده كان أنجح شريط يتعمل لى ووقتها كانت الإمكانات ضعيفه جدا والشريط ما كان ماستر ولا حاجه كان تسجيل عديل عبر أستديو عادي جدا فى بورتسودان وبعيدين يتم النسخ والتوزيع شفت كيف ،،،

ساني : والله إنت عارف يالنعيم الناس كلها فى المنبر بتتكلم عن الحاجه دى وبيقولوا لو النعيم ده بصوتوا العسل ده كان دلوقت وسط الإمكانات كان حيعمل أيه ،،،

ضحك النعيم وقال والله العظيم الكلام ده أسعدني جدا جدا والله بشكركم شديد على الحاجات وأشكر الجميع اللى معاك هناك ،،،

قلت ليهو والله الناس حابه تعرف أخبارك وأخبار أغانيك ،،،

النعيم : انا على إستعداد كامل لكل المعلومات اللى حتطلبوها وفى أى لحظه ،،، إنت عارف يا محمد والله العظيم شاعر دلوقت بحماس شديد جدا للعوده للغناء الإحترافى من جديد ،،، يا ناس والله رديتوا فى الروح ،،،

ساني : الناس عايزه صورك يا فنان عشان تشوفك بعد الغيبه دى وأنا للأسف الشديد ما عندى أى صوره ليك هنا كل الصور ببورتسودان ،،،

النعيم : إنشاء الله حأرسلها ليك ،،،

ساني : طيب هاك الإيميل بتاعي ده حأرسله ليك فى رساله وإنت على طول رسل الصور علشان ننزلها هنا إتفقنا ،،،

النعيم : خلاص إتفقنا ،،،

ساني : وأقوليك حاجه كمان ،،، الأخ العزيز كمال على الزين اللى أثار الموضوع ده عايز برضه يكلمك ويدردش معاك شويه والله الزول ده طلع بيحبك ويحب أغانيك جنس حب ،،،

النعيم : عليك الله يا محمد أشكره لى شكر جزيل ومنتظر مكالمتو ،،،

ساني : طيب مع السلامه وسلم لى على العائله الكريمه لحدي ما أجى نهاية الشهر ده للسودان واشوفهم ،،،

النعيم : يلا مع السلامه وما تنسى ترسل لى الإيميل للصور ،،،

ساني : مع السلامه ،،،

النعيم : مع السلامه ،،،


هنا كانت نهاية المحادثة مع الفنان الكبير النعيم أحمد إبراهيم مع وعد بمواصلة الحديث والتناول عبر هذا البوست ،،،


ـــــــــــــــــــــــــــ
التعديل لزوم تصحيح بعض الكلمات ،،،

Quote: جايييييك يا حسين ما تستعجل ،،، قاعد أكتب فى نص المحادثه يا بطل ،،، باقى دقيقه وساني يجيبها ،،، خليك قريب ،،،

احترافيه وتلقائيه ما عاديه .


معاك مان تو مان لكن باسلوب المهره والمبدعين تمكنت من احراز هدف جميل كعادتك فى كل الملاعب


شكرآ كتير العزيز محمد خليل ...... والشكر اجزله للاخ كمال الزين الذى ارجعنا الى زكريات جميله

مع اجمل الفنانين قلبآ واداء ........


التحيه للفنان النعيم ولكل مبدعى بلادى .






حسين

Quote: التحيه للفنان النعيم ولكل مبدعى بلادى .

Quote: هنا كانت نهاية المحادثة مع الفنان الكبير النعيم أحمد إبراهيم مع وعد بمواصلة الحديث والتناول عبر هذا البوست ،،،

شكراً أخي (خليل) وفي إنتصار الصور ...

Quote: النعيم : والله يا محمد أسعدتني كتير بكلامك ده معقول لسه الناس بتتذكر النعيم وأغنيات النعيم ،،،

Quote: والله ياسانى اثبتا انك زول خطيررررررر مره قلتا لى جبتا الاسد من شواربه ..... عفيت منك يا صاحب ...... عارف اخر عهدى بهذا الفنان الجميل فى حفل زواج شقيقى سيف الدوله وذلك فى مطلع التسعينات . وعلى ما اعتقد وقتها كان يعمل بالتجاره بمكتب العم الكريم حامد على شاش ولم ادرى بانه ترك بورسودان ليستقر بام درمان .... وانه ان رحل جسدآ لكنه لم يرحل روحآ وابداعآ بدواخلنا . وعزاؤنا صوتك الجميل الذى يدغدغ وجداننا ايها الشادى الوريف . الاخ كمال الزين ..... لايعرف الاحجار الكريمه الا امهر الصاغه ....... لك كل معانى الود

Quote: ارتباطاً وجدانياً بالنعيم .. ذكريات وأيام جميلة ...

Quote: ارتباطاً وجدانياً بالنعيم .. ذكريات وأيام جميلة ...

الاستاذ كمال الزين وضيوفو الموقرين

شدتنى هذه الإلفه التى تجاذبتموها بحميميه إفتقدناها زمانا فى البورد.

هل قرأتم محاكمات الوغد دكين عصرئذ على يد قاضى قضاة لاهاى ؟

تجذبنى الكتابه الحميمه ، اتذكرون بوست (ناسنا)؟


اتفق مع الاخ صلاح عبدالله ..




ذكرتنى اغنيات هذا الفنان الإنسان الجميل ..فنانا جميلا ايضا و (زمرة اصدقاء ) لإرتباطات وجدانيه

زمانئذ ..مافى داعى لذكر عدد السنين !! إسمه سليمان محمود من سنار المدينه والعبدلله وزمرتو

وتداعياتم كانت فى عروس النيل الازرق (سنجه)..


ارقدوا مشدنين .!

Quote: الاستاذ كمال الزين وضيوفو الموقرين شدتنى هذه الإلفه التى تجاذبتموها بحميميه إفتقدناها زمانا فى البورد. هل قرأتم محاكمات الوغد دكين عصرئذ على يد قاضى قضاة لاهاى ؟ تجذبنى الكتابه الحميمه ، اتذكرون بوست (ناسنا)؟ اتفق مع الاخ صلاح عبدالله .. ذكرتنى اغنيات هذا الفنان الإنسان الجميل ..فنانا جميلا ايضا و (زمرة اصدقاء ) لإرتباطات وجدانيه زمانئذ ..مافى داعى لذكر عدد السنين !! إسمه سليمان محمود من سنار المدينه والعبدلله وزمرتو وتداعياتم كانت فى عروس النيل الازرق (سنجه).. ارقدوا مشدنين .!

العزيز / فارس

أها ياسيدي حا أفاجأك بكلام كتير عن سليمان محمود ده وذكريات كتيرة معاهو ..

كنت في جلسة أنس مع بعض الأخوة بمدينة الرياض..
جات سيرة الفن وأهل الفن ...ببورتسودان ..
والحقيقة جات سيرة واحد صديقنا إسمه عبد العظيم الطاهر ...
راجل أديب وكاتب لا يشق له غبار وشاعر من الطراز الأول ..
ففاجأوني بأنه كان فنان ويمتلك خامة صوتية ما ساهلة ..
وبدأت ذكرياتهم عن بورتسودان ... وجات سيرة المحتفى به ..
النعيم ...
وإتفقوا انه كان عبقري زمانه ..
وكان متفرداً وكان قائداً لركب الغناء في الشرق ..
وها أنذا أفاجأ الآن وبعد أسبوع من اليوم ببوست عن النعيم ..


دم نعيما يا نعيم ..
وتشكر يا كمال ...!

Quote: وبدأت ذكرياتهم عن بورتسودان ... وجات سيرة المحتفى به .. النعيم ... وإتفقوا انه كان عبقري زمانه .. وكان متفرداً وكان قائداً لركب الغناء في الشرق .. وها أنذا أفاجأ الآن وبعد أسبوع من اليوم ببوست عن النعيم .. دم نعيما يا نعيم .. وتشكر يا كمال ...!

شكراً دغيس

والنعيم فعلاً كان متفرداً في زمانه , ..

متذكر الشريط دا يا كمال
حتى المذيع بقول فيهو (....... مع الفنان العائد النعيم)
سألت: الفنان اسمه العائد النعيم !؟
قالوا لي: العائد نسبه لعودته للغناء بعد ما خلاه مدة

شكرا للاخ محمد خليل ساني على حسه المهني العالي

ونحمد الله ان هذا المبدع بخير ..
وفق الله ابنائه وبناته


حقيقة ياكمال جزيت خيرا بهذا البوست

Quote: ونحمد الله ان هذا المبدع بخير .. وفق الله ابنائه وبناته

آمين ياحيدر

Quote: متذكر الشريط دا يا كمال حتى المذيع بقول فيهو (....... مع الفنان العائد النعيم) سألت: الفنان اسمه العائد النعيم !؟ قالوا لي: العائد نسبه لعودته للغناء بعد ما خلاه مدة

والله ذاكرتك متينة يا (أشرف) اللهم لا حسد , صدقت هكذا كانت مقدمة الشريط ..

ويبدو أن (النعيم) قد تعود على الغياب فأرجوأن يكون قد تعود على العودة ..

عاطر الحب ..

ياالله

والله زمن عجيب جدا

النعيم بورتسودان الصوت الشجي

يخليك تعيش في دنيا تانية من الخيال

ربنا يديهو الصحة والعافية


مصيري كيف الليلة يا المسافر
الليل رحل ودع نجومو
وانا ياني المساهر


نزلو لينا الرابط بتاع باقي الشريط الرائع دا يا جماعة

Quote: ياالله والله زمن عجيب جدا النعيم بورتسودان الصوت الشجي يخليك تعيش في دنيا تانية من الخيال ربنا يديهو الصحة والعافية مصيري كيف الليلة يا المسافر الليل رحل ودع نجومو وانا ياني المساهر نزلو لينا الرابط بتاع باقي الشريط الرائع دا يا جماعة

مرحبتين (بكري)

ومعك ننتظر (يسرى ) لإنزال بقية أغنيات الشريط , ..

عاطر الحب ..

يامداعب الغصن الرطيب

(*)

شكراً (يسرى) إتخيل لي بعد ده باقي شوية والشريط كلو يكون هنا ..


واصل جميلك ..

عاطر الحب ..

النونو مالو

Quote: النعيم : طبعا ده كان أنجح شريط يتعمل لى ووقتها كانت الإمكانات ضعيفه جدا والشريط ما كان ماستر ولا حاجه كان تسجيل عديل عبر أستديو عادي جدا فى بورتسودان وبعيدين يتم النسخ والتوزيع شفت كيف ،،،

إسـم العازف وإسم الأستديو الذى تم فيه التسجيل
الحبيب قال من مدنى

Quote: إسـم العازف وإسم الأستديو الذى تم فيه التسجيل الحبيب قال من مدنى

ده فعلاً عاوزا توضيح ..

شكراً يا(يسرى)

أظن باقي أغنية ؟

يا سلام ياكيمو

والله رجعتني 20 سنة وفي مدينة بورتسودان وحي الموانئ تحديداً وحفل زواج صديقي عامر فضل الله وبالقرب من البحر الاحمر وصوت النعيم يتمدد في تلك الامسية المحفورة في ذاكرتي ..

لك التحايا وللمبدع يسري وللنعيييم


وفي انتظار الصور ..

Quote: سلام ياكيمو والله رجعتني 20 سنة وفي مدينة بورتسودان وحي الموانئ تحديداً وحفل زواج صديقي عامر فضل الله وبالقرب من البحر الاحمر وصوت النعيم يتمدد في تلك الامسية المحفورة في ذاكرتي .. لك التحايا وللمبدع يسري وللنعيييم وفي انتظار الصور ..

نرجو أن تتأخر الصور يا (خليل)


شكراً معتصم ..

النعيم وعد بإرسال الصور يوم الإثنين ولكن يبدو أنه لم يوفق ،،،

اليوم بمشيئة الله ستكون الصور حاضرة ضمن صفحات هذا البوست ،،،


مع محبتي وتقديري ،،،

يا سلام ياخي
دا شيء جميل





شُكراً كمال ويُسرِي

أنـا في البـعـيـد مُـشـتـاق لهـمـسـة من الوطن يا نـسـمـة

عـــزيزي كمال
اليك ارقام الاتصال
00447903800599
00447810342441

Quote: عـــزيزي كمال اليك ارقام الاتصال 00447903800599 00447810342441

علم ياطارق ..

إتوقعني الليلة ..

عاطر الحب ..

Quote: يا سلام ياخي دا شيء جميل شُكراً كمال ويُسرِي

ده جمال روحك يا (لؤي)


تسلم يا سيدي ..

(*)

وين بقية أغنيات الشريط أخي (يسرى) ؟

في إنتظارك

مع عاطر التحيايا ..

(*)

حالما يأتينا أخي (يسرى) بما تبقى من أغنيات , وأظنها واحدة فقط , إن لم تخني الذاكرة , سأحدثكم عن كيفية تعرفى على النعيم..

السمحة ست الزوق

صرف النظر عنى

لى حبيب شاغل بالى

Quote: لى حبيب شاغل بالى

ياسلام عليك يا(يسري) ده أغنيتي المفضلة (من لدن النعيم) ..

طيب يا كمال عايزين رابط الحفظ للحاجات دي عشان الزول يقدر يسمعها بي مزااااااااااااااااااج

Quote: طيب يا كمال عايزين رابط الحفظ للحاجات دي عشان الزول يقدر يسمعها بي مزااااااااااااااااااج

سلامات يابكري

طلبك محول لأخونا (يسري) , وكلنا عاوزين روابط الحفظ لأن الشريط ده قرب ينقرض , نلحق نحتفظ بيهو ..

تسلم يابكري ..

يا سلام عليك يا غالى لقد ارجعتنا الى سنوات الغناء الجميل ( شمس المغيب الباكية فى كل مكان متاكية نور بديع فى الموجة والموجة زيك راحلة ) و ( لى حبيب شاغل بالى دايما محطم امالى ) النعيم احمد او النعيم بورتسودان عرفته والتقيته سواء كان فى ( ترب هدل ) او فى ( دار اتحاد الادباء والفنانين ببورتسودان ) هذا الصوت الشجى كم اطربنا اشكرك يا غالى فلقد ارجعتنا الى الزمن الجميل ليك كل ودى وخالص تقديرى واحترامى

Quote: يا سلام عليك يا غالى لقد ارجعتنا الى سنوات الغناء الجميل ( شمس المغيب الباكية فى كل مكان متاكية نور بديع فى الموجة والموجة زيك راحلة ) و ( لى حبيب شاغل بالى دايما محطم امالى ) النعيم احمد او النعيم بورتسودان عرفته والتقيته سواء كان فى ( ترب هدل ) او فى ( دار اتحاد الادباء والفنانين ببورتسودان ) هذا الصوت الشجى كم اطربنا اشكرك يا غالى فلقد ارجعتنا الى الزمن الجميل ليك كل ودى وخالص تقديرى واحترامى

صدقت يا(بجاوي) النعيم فنان جميل وصوت نادر ..

اخوانى الاعزاء...لكم الشكر الجزيل على هذه الجمال المتفرد.


ــــــــــ
محمد ساني: عايزين مراسل في الدوحة بكميرتو، ممكن تجي ولله نجي.

العزيز كمال إدريس ،،،
وينك يا بطل ،،،
إنت عارف أخونا كمال على الزين ده عمل حاجه لذيذه جدا ،،،
البوست بتاع النعيم ده بوست الذكريات الجميله ،،،
بعد غيبه حوالى 10 سنوات بحثت عن النعيم لأسترجع ذكريات الماضي الجميل ،،،
يا كمال إدريس الكاميرا جاهزه وجايبها معاى نهاية الشهر ده ،،، قول إنشاء الله ،،،
النعيم رسل الصوره يا شباب جاياكم بى جاااااي ،،،

Quote: النعيم رسل الصوره يا شباب جاياكم بى جاااااي ،،،

الأخ كمال على الزين ،،،

الأخوة المتداخلون ،،،

إليكم صوره النجم الفنان النعيم أحمد إبراهيم ،،، النعيم بورتسودان كما يحلو للجميع أن ينادونه ،،،

Quote: الأخ كمال على الزين ،،، الأخوة المتداخلون ،،، إليكم صوره النجم الفنان النعيم أحمد إبراهيم ،،، النعيم بورتسودان كما يحلو للجميع أن ينادونه ،،،

شكراً أخي (خليل)

الرجاء كتابة تأريخ الصورة ..

عاطر التحايا

أخى كمال على الزين ،،،

الصوره تعود للعام 2005 حسب ما ذكر لى الفنان النعيم أحمد إبراهيم ،،،

ووعدني بصور أخرى متى ما وصلت ستجد طريقها للبوست ،،،

الللللللللللللللللللللللللللله ياكمال وياساتي

والله الليلة لما سمعت انتو ياناس كسلا حسيت باحاسيس غريبة

ورجعت لبورسودان في بداية التسعينات

وبالمناسبة انا الشريط دا سمعتوا من دون مبالغة الاف المرات وفقدتو قبل فترة قريبة

وكمان الراجل الطيب دا حضرت ليه حفلات كثثثثثثثثثثثثثثثثيرة في بورسودان

حرجع ليكم بتفاصيل

والله ياكمال انا كنت مفتكر انو النعيم مافي ناس كثيرين بيعرفوه بس اندهشت للبوست دا

وبمناسبة الصورة الزول دا بيشبه عاصم البنا شديد بس مع شوية خنفسة شعر

ولي عودة

وشكرا لكم لانكم افرحتم دواخلي بالحان وذكريات شجية

Quote: الللللللللللللللللللللللللللله ياكمال وياساتي والله الليلة لما سمعت انتو ياناس كسلا حسيت باحاسيس غريبة ورجعت لبورسودان في بداية التسعينات وبالمناسبة انا الشريط دا سمعتوا من دون مبالغة الاف المرات وفقدتو قبل فترة قريبة وكمان الراجل الطيب دا حضرت ليه حفلات كثثثثثثثثثثثثثثثثيرة في بورسودان حرجع ليكم بتفاصيل والله ياكمال انا كنت مفتكر انو النعيم مافي ناس كثيرين بيعرفوه بس اندهشت للبوست دا وبمناسبة الصورة الزول دا بيشبه عاصم البنا شديد بس مع شوية خنفسة شعر ولي عودة وشكرا لكم لانكم افرحتم دواخلي بالحان وذكريات شجية

لحفظ أغنية يامداعب الغصن الرطيب

لحفظ أغنية لحفظ أغنيةالنونو مالو

لحفظ أغنية أغنيةالحبيب قال من مدنى

لحفظ أغنيةالسمحة ست الزوق

لحفظ أغنيةصرف النظر عنى

لحفظ أغنيةلى حبيب شاغل بالى


وسـلامى الشديد للرائع الأخ النعيم بورسودان

Quote: وسـلامى الشديد للرائع الأخ النعيم بورسودان

أخى كمال ،،،

الأخوة المتداخلون ،،،


إليكم السيرة الذاتية للنجم النعيم ،،، حسب ما أرسلها لى عبر البريد الإلكتروني ،،،


الاســـــــم :- النعيم احمد ابراهيم ( النعيم بورسودان)‏

الحالة الاجتماعية :- متزوج ولى ثلاثة بنات وثلاثة أولاد

‏‏( إسراء تدرس بالمستوى الرابع صيدلة جامعة الخرطوم , آلاء مدرسة العلوم الإدارية جامعة الخرطوم , أحمد , كلية القانون ‏جامعة الخرطوم , سجود – عمادالدين - محمد بالمراحل التعليمية المختلفة)
‏
العنوان :- امدرمان – امبدة الجميعاب-منزل رقم( 979)‏

محل العمل :- شركة طوابق العالمية لتنمية الاستثمارات ‏العقارية

Quote: الاســـــــم :- النعيم احمد ابراهيم ( النعيم بورسودان)‏ الحالة الاجتماعية :- متزوج ولى ثلاثة بنات وثلاثة أولاد ‏‏( إسراء تدرس بالمستوى الرابع صيدلة جامعة الخرطوم , آلاء مدرسة العلوم الإدارية جامعة الخرطوم , أحمد , كلية القانون ‏جامعة الخرطوم , سجود – عمادالدين - محمد بالمراحل التعليمية المختلفة) ‏ العنوان :- امدرمان – امبدة الجميعاب-منزل رقم( 979)‏ محل العمل :- شركة طوابق العالمية لتنمية الاستثمارات ‏العقارية

Quote: لحفظ أغنية يامداعب الغصن الرطيب لحفظ أغنية لحفظ أغنيةالنونو مالو لحفظ أغنية أغنيةالحبيب قال من مدنى لحفظ أغنيةالسمحة ست الزوق لحفظ أغنيةصرف النظر عنى لحفظ أغنيةلى حبيب شاغل بالى

يسري معتصم

والله ما قصرت تب

مع اجمل التحايا للنعيم بورتسودان

Quote: يسري معتصم والله ما قصرت تب مع اجمل التحايا للنعيم بورتسودان

(*)

العزيز/ أيوب

مساءك خير ..

يبدو أن (النعيم) أشهر مما نتصور جميعنا ..

أسعدني ذلك , ..

فطالما أسعدني غناءه ..

عاطر تحياتي ..

Quote: يبدو أن (النعيم) أشهر مما نتصور جميعنا .. أسعدني ذلك , .. فطالما أسعدني غناءه ..

ونحن سعدنا معكم بهذا الوفاء الجميل.

بوست رائع للتوثيق يابكري.

كمال،، لك مودتي.[/B]

Quote: يبدو أن (النعيم) أشهر مما نتصور جميعنا .. أسعدني ذلك , .. فطالما أسعدني غناءه ..

ونحن سعدنا معكم بهذا الوفاء الجميل.

بوست رائع للتوثيق يابكري.

كمال،، لك مودتي.[/B]

Quote: ونحن سعدنا معكم بهذا الوفاء الجميل. بوست رائع للتوثيق يابكري. كمال،، لك مودتي.

مرحبتين أخي (صلاح)

سعدنا أيضاً بحضورك الكريم ..

عاطر الحب ..

الإخوة المتداخلون ،،،

إليكم الهاتف الجوال للفنان النعيم أحمد إبراهيم ،،،

لمن أراد منكم التحية والمجاملة أو الإستفسار أو التعرف على الجديد القادم ،،،



تلفون النعيم :- 00249912936979‏

فوووووووووق من اجل هذا الفنان الذى سما بى احاسيسنا .

وتانى فووووق من اجل هبه القاش كسلا الخضراء .

والله يا كمال بوستك ده بقى زى مباراه حى العرب والهلال فى بورسودان .

ناس بورسودان ومحبى النعيم مرابطين فيهو جنس رباط ......



كل الود





حسين

Quote: فوووووووووق من اجل هذا الفنان الذى سما بى احاسيسنا . وتانى فووووق من اجل هبه القاش كسلا الخضراء . والله يا كمال بوستك ده بقى زى مباراه حى العرب والهلال فى بورسودان . ناس بورسودان ومحبى النعيم مرابطين فيهو جنس رباط ...... كل الود

Quote: الإخوة المتداخلون ،،، إليكم الهاتف الجوال للفنان النعيم أحمد إبراهيم ،،، لمن أراد منكم التحية والمجاملة أو الإستفسار أو التعرف على الجديد القادم ،،، تلفون النعيم :- 00249912936979‏

(*)

الإخوة / حسين

وخليل

شكراً لرفد البوست بتلفون فنانا النعيم , ..

وبمداخلاتكما القيمة ..

عاطر الحب ..

(*)

على شاطئ (النيل) ذات مساء , جلسنا, ..

جاءنا صديق والشمس تكاد تغوص أو تغتسل ,

قال :

إسمعوا هذا الغناء , ..

أشعل آلته التي تعمل (ببطاريا) تحمل أيضاً إسم (طاقة النيل) , ..

يومها سمعته لأول مرة (النعيم) يغني :

(شمس المغيب الباكية) , ..

وبعدها ماتوقفت عن سماعه , ومحبته , ..

والشهادة له بأنه (فنان) حقيقي ,

وجميل ..!!

Quote: تلفون النعيم :- 00249912936979‏

(*)

شكراً لكل من هاتفني وراسلني عبر (البريد الإلكتروني) من عشاق النعيم ..

سوف أقوم يإنزال رسائلكم تباعاً علها تصل النعيم عبر هذا البريد ..