Post: #1
Title: مشروع sudaneseonline للتوحد السياسي .............
Author: Ahmed musa
Date: 05-23-2008, 12:48 PM
Parent: #0
أنا المواطــن أحمد موسى عمر المواطن الســوداني ........الذي يعيش بهذه البلدة (الســودان) مع أُسرته الكبيرة والصغيرة ..........ويحب هذا البلد .......ويحب أهله .......... و يتمنى أن يعيش فيه ما تبقى له من عمر آمناً مطمئناً سخياً رخياً كسائر بلاد خلق الله .......... لذا (أحلم ) بالوحدة ...........والعدالة والمساواة ...........حتى لا يشعر أحدهم بالبُغض تجاهي أو لا أشعر أنا بالبغض تجاه أحدهم او بعضهم ..............................وأتنمنى أن تبدأ الوحدة أولاً وسط أحزابنا السياسية الكُبرى ............أتنمنى توحد أحزاب الأمة .......الإتحادي ..........الشيوعي ........المؤتمر الوطني ........ومؤتمر البجا .......................... وأن تمـر إنتخاباتنا بأمن وأمان .........وأن تكون لنا (معارضة) أقوى من الحكومة .............و ...............و ............و ..........................وأتمنى إخوتي/اتي مساعدتي في .لم حدثت الإنشقاقات ؟وكيفية معالجتها .؟؟؟ .............. المشروع خُرافي .........ولكن أن نضئ شمعة ............خير من أن نلعن الظلام ..............................................
|
Post: #2
Title: Re: مشروع sudaneseonline للتوحد السياسي .............
Author: دوت مجاك
Date: 05-23-2008, 03:34 PM
Parent: #1
استاذنا احمد موسى
اول هام
شيل الحمامة
وخت بدلها كلاش او RBG
عشان الناس تقدر تفهمك
انحنا شعب بنفهم لغة العنف
الاستعلاء على الاخرين
الحرب
نضحك لمن نكون ظالمين
نحلل الحرام لمن نسرق
ننصر اخانا حتى ولو ظالم
يعنى مشروعك دى عايز ليها خمسين سنة لقدم
معليش احبطتك
عشان انا زاتى الاحباط اكلنى
خارج النص خالص
ما بترد على تلفوناتى قايل نفسك عمرو موسى
فاتك حاجة تانى ما بتعوض
|
Post: #3
Title: Re: مشروع sudaneseonline للتوحد السياسي .............
Author: Ahmed musa
Date: 05-23-2008, 03:46 PM
Parent: #1
Quote: ما بترد على تلفوناتى قايل نفسك عمرو موسى
فاتك حاجة تانى ما بتعوض |
الصديق دوت مجاك معقــول أتجاهل تلفوناتك ونحن بيننا سراكة حقيقية موش زي الهرج الحاصل اليومين ديل ........لكن إنت ضربت في إجتماع البورداب واللحظة ديك الريس ماسك يدي ......وبقول لي في كلام (حنين) أو هكذا أتخيلت ...........وإنت ضربت ...............قلت معقول يا دوت ؟؟؟ ده وكتوا ؟؟؟ ......................
.............
............
.............
الشمار حرقني عليك الله أديني راس الخيط ............ولو في المسنجر .........أصلوا طول ما إشتغل ....خايف يصدّي ........
..........
..........
............
باقي الكلام جاييه ...........لكن مبدئياً أنا خاتي للمشروع 99 سنة ............ماعارف ليه 99 تحديداً ...لكن أهو نبدأ من نقطـــــــــة ما .........وبرجع ليك من الحركة الشعبية ..لو لاحظت أنا ما ذكرتها لأنه للآن محصنة من الإنشقاقات ........لكن عوامله جواها مخيفة ...........................
|
Post: #4
Title: Re: مشروع sudaneseonline للتوحد السياسي .............
Author: osman righeem
Date: 05-23-2008, 03:54 PM
Parent: #1
Quote: يعنى مشروعك دى عايز ليها خمسين سنة لقدم
|
لو قعدنا ليها تمام
ممكن نخليها عشرة
ويلا سولينا ميثاق يعظم الوحدة
افصد الوخدة الجغرافية
و وحدة المعايير في الهوية والحقوق و الواجبات
و لي قدام
|
Post: #5
Title: Re: مشروع sudaneseonline للتوحد السياسي .............
Author: Mohammed Haroun
Date: 05-23-2008, 04:10 PM
Parent: #1
يا أستاذ أحمد موسى سلامات
أحييك على هذه المبادرة ... أقصد المشروع ... غايتو أقول ليك الشعب السوداني (الفطسان) ده ما عنده إرادة لقفزات شاهقة كهذه.
كامل دعمي لهذا المشروع ولك أطيب التحايا.
|
Post: #6
Title: Re: مشروع sudaneseonline للتوحد السياسي .............
Author: Ahmed musa
Date: 05-23-2008, 04:25 PM
Parent: #1
Quote:
لو قعدنا ليها تمام
ممكن نخليها عشرة |
شكراً عثمان أخــوي .......... وانا بصراحة براهن على طبقتين (الشباب/ المستنيرين) في الأحزاب ................
|
Post: #7
Title: Re: مشروع sudaneseonline للتوحد السياسي .............
Author: محمد البشرى الخضر
Date: 05-23-2008, 05:17 PM
Parent: #1
كامل تضامني و تاييدي للمشروع يا ابوحميد
بس في ملاحظة على الإسم
التوحد دا بعيد عنك مرض نفسي و كدا
وانت عارف لا البورد لا السياسة السودانية ناقصة امراض نفسية
خليهو الوحدة السياسية احسن
|
Post: #8
Title: Re: مشروع sudaneseonline للتوحد السياسي .............
Author: Ahmed musa
Date: 05-23-2008, 06:12 PM
Parent: #1
| Quote: بس في ملاحظة على الإسم |
الله .....الإسـم إنضرب .............
ودالبشرى ياحبيب .......موش قالوا سم الثغبان بعالجوا بسم الثعبان ...او حاجة زي كدا ؟؟؟؟؟ أها أن نحاول نعالج أمراض السياسة بامراض أكثر تعقيداً منها .........ياطابت يا إتنين عُوُر ..............الغريبة للآن مافي زول جه قال نبدأ نشخص أمراض الأحزاب السياسية وكيفية معالجتها ..........................رأيك شنو ؟؟؟ ندق لافتة (علينا جاي ...) ................ولا حاصل شنو ؟؟؟؟؟؟؟؟؟؟
|
Post: #9
Title: Re: مشروع sudaneseonline للتوحد السياسي .............
Author: Ahmed musa
Date: 06-07-2008, 09:13 PM
Parent: #1
>>>>>>>
|
Post: #10
Title: Re: مشروع sudaneseonline للتوحد السياسي .............
Author: Sabri Elshareef
Date: 06-08-2008, 03:03 AM
Parent: #1
يا تو توحد والشريعه منتصبه بالخرطوم للمسلمين والنصاري والوثنيين
اي توحد وورقة العنصرية تاجج فيها الجبهة الاسلامية بشكل غير مسبوق
اي توحد وديكتاتورية الجبهة تحيط بالاعناق والاعتقال يطيل اي فرد من افراد الشعب السوداني
اي وحدة وجميع الحقوق مصادرة حق التعبير والتفكير والنشر والتنقل والاعتقاد
لن تتم وحدة تحت نيران الجبهة الاسلامية
لابد من ازاحة دولة العسس ومهم طال الزمن
والشكل الان يدعو للتمزق اكثر من ما مضي
وانها الرؤية الضيقة الافق وسببها الدولة الدينية القبيحة الموجوده بالخرطوم
|
Post: #11
Title: Re: مشروع sudaneseonline للتوحد السياسي .............
Author: hamid abdalah
Date: 06-08-2008, 03:29 AM
Parent: #1
الاخ احمد موسى
السلام عليكم ..
مشروع عظيم , ويمثل حلم كبير - نعم مجرد حلم- ومن حقك ان تحلم..
وبالذات هذه الايام نعيش موسم المبادرات عفوا موسم الاحلام ..
احلام الكبار الصغار , احلام الاقطاب (المهدي ,المرغني , ...)..
لكن هناك ناس كوابيس في هذا المنبر يمنعوا الصغار ان يستمتعوا باحلامهم ..
بل يحرموك من ان تنام غرير العين ... حسدا من عند انفسهم ..
اتمني ان تتحقق كل احلامك الجميلة .. ويكفيك شر الحاسدين ..
|
|