قصيدة

القرين--- تراجيديا الألتباس والتبديل
رفع الستار عن صراع خاسر

_____________________

رقد شدر الحراز
انشّر فوق درب الخلا الضّلمان
دفق سراب في الليل
لبس جلد أم لهيب قدل حفيان
خمد شوق أم رعيد في الجوف
كتم معناهو مات شرقان
حرن "هيم الصعيد سدّر
مدّ لسانو للغيمة انشحط عريان
لا ضُلك وقف طوّل
لا ريحك صدق قوّل
.............
شن معناك
يا زولي البقيت معناك
شن بتدور
من النجمة المصاقرة قفاك
وشن بتدور
من " العينة الرمت
ضل السحابة وراك
............
كرفتَ دروب مسالب الغيب
تمور وتفور
كل ما اقول معاك مستور
تلف وتدور ..
تدودر فيني زي عصفور
بقيت مأسور
علي شركك
اسك مجبور!!
شنو الجابرني غير صبري
ومطال حبلي
تراك شيتاً
محيرني وملك امري
أسيبك في الكلام نايم
القاك في غناي حايم
لا عرفتك عزيفاً
حلّ في راسي
لا جناً ملكني وبدل احساسي
كبرت معاي
يا زولي البقيت كلي
............
مشيت دربك
لقيتك صيِِ
اكلت ثمر
غرورك ني
مليت من ريح
نفوك ايدي
............
ضل غناي
حرفي ودر
ادمنتك.. كلامي كتر
غنيتك....
لساني خدر
............
شنو الراجيهو من تعبي
وخلف شِعَبي
يا ريح السواد هبي
نشي كلامي من قلبي
يا نار الرماد شبي
حفي عماي من دربي
يا غيم السجم صبي
بلي حشاي من غلبي
.............
حكايتو معاي في نومي
مرة سمعني في حلمي
احكي واشكي من ظلمي
_.._ هز كتيفو لي سدّر
زم خشيمو واتكدّر
صره وجيهو واتندر
قلب عينيهو لي حدّر
ختّ حروفو في حروفي
سرح فيني...
سرحت معاهو في خوفي
نبت في دمي .. واتجذر
لا ريحني من عمري الحرق قلبي
ورقد جنببي
ولا نجاني من قلبي السرق عمري
وشرد مني.
كسر في الروح جناح الشوق
شهق معناي
من الحسرة مات مخنوق
دفنتو هناك ..
مع الانات
في الدمعة
الورا الآهات
حزنت عليهو زي ضحكي
ضحك عليهو زي حزني!!
رجعت وحيد
قلت خلاص رميتو بعيد
لقيتو معاي
في تولاي
............
كشفت غناي
لي شدراً براري صباح
ونومو خزاز
نفّ غناي
نشف حلق الشدر
مدّ شخالبو للكزاز!!؟
كشفت غناي لي ليلاً
شرب دمع السراب
طرش ألغاز
نزّ غناي
من دمع السراب
نزف في الليل
نزيفو مجاز!!؟
كشفت غناي
لي ريحاً قرح
قطّع قلب السحابة رزاز
فسد الريح
هجر قلب السحاب
رقد منحاز!!؟
...........
سرقت خطاي من مرماي
اتاري معاي في معناي
...........
سريت باليل براري التيه
سبع وهاد .. وسبع بحور
نزلت ودي مرابع الصّي
سندت لساني في قلبي
كشفت غناي
للسحرة البسايسوا الرّيح
بعرفوا سر مسارب الضي
فركوا النار علي الحجار
شالوا رمادة من قلبي
قطعة لكنة من حلقي
معاها ندم وحفنة هم
جسوا ترابة شموا خطاي
عوجوا لساني رطنوا معاي

" فيك حسرة
وعليك حسرة
ركبت دروب
سرج مقلوب
أنا(ك) نكره
وغناك نكره
شن راجيهو من بكره
وصدي الذكري
بلا حزناً مزج معناك
سكن دمك!!
شن راجيهو من بكره
وصدي الذكري
بلا غماً طفح في الروح
كتل معناك
لجم فمك!!
شن راجيهو من بكره
وصدي الذكري
بلا هماً ...
غمض عينيهو
نام فرحان
سرق حلمك!!
مغرب وين؟؟
يا راقد تحت
ضل الحجر في الصيف؟؟
مشنق وين معاك زولك؟؟
تزازي وراهو
دافن سرو في قولك؟؟
مشرق وين
يا راحل
فوق موجاً بلا ساحل؟؟
تبقي الحسرة والوجعة
لو حرقت مراكب الرجعة للداخل

تبقي الحسرة والوجعة
لو حرقت مراكب الرجعة للداخل"

______________________
عوض شيخ ادريس حسن
12-1989

بعض الكلمات التي وردت في القصيدة
1- هيم: صوت المطر
2- انشحط : وقف منتصب القامة
3- المصاقرة: الملازمة
4- العينة: خاصة بفصل الخريف
5- كرفتَ: كرف تعني استنشق – يكرف اي يشم
6- تدودر: دودر الطائر- استدرجه للمصيدة
7- عزيفاً: العزيف لغة الجن
8- نفوك: غبارك
9- شِعَبي: من شعبة بكسر (الشين) وفتخ (الباء) وهو العود ذو طرفين في الرأس
10- سدّر: نوع من التحدي
11- اتكدّر: ا تعكر دلالة علي الغضب
12- اتندر: تحدي
13- تولاي: دلالة علي الملازمة
14- الكزازة: كلمة كزز تعني اليباس والانقباض
15- قرح: بمعني تعنت
16- مشنق: شنق رأسه اي نظر الي اعلي

أسيبك في الكلام نايم
القاك في غناي حايم
لا عرفتك عزيفاً
حلّ في راسي
لا جناً ملكني وبدل احساسي
كبرت معاي
يا زولي البقيت كلي


قمة الشاعرية والروعة ..
يسلم احساسك الجميل

الاخت هند
تحياتي

لقد اخذتي بخناقي
ليتني بمستوي روعة احساسك

شكرا--شكرا--شكرا

تبقي الحسرة والوجعة
لو حرقت مراكب الرجعة للداخل"

عـــــــوض
ياخوفك وياااااخوفي


هذا جماال
تشتاقك كل الدروووب يامان
ربما الطريق طويل وشائك
لكنه حب الأديم

تحياتي والأشواق
ورويحة الهاوي
ويطول عمرك
مع العافيه


نور الهادي

الاخ (الاستاطيقي) نور الهادي

لك معزتي وحبي
كلماتك مثل روعة فرشاتك الفنية
فهي تريح كثيرا من تعب هذا العالم الذي صار قديما

اشكرك علي الاطلالة الرائعة
دمت سعيدا

تماهيات منفلته عن الارصان
او تماثلٌ مُفرط ______________________
ــــــــــــــــــــــــــــــــــــــــــــــــــــــــــــــ

كالحُ وعدُك اذ تماثلنا-
وزم شفاهك تحت سقف الليل
يوذع الارهاق في الطرقات -
مدائنُ هرمت
لملمت بعضها في عروقي!!
وطائري غاب سنيناً
ثم غاب.-
تكلمت الحجارةُ
عن دوالينا,
وناحت مغنيةُ السفر,
...انا الصّدي,
الذي اختلس الخروج...
أختارني الدّرب اليه,
كي اسير
مدثراً بالقبلة الاولي -
رويـــــداً
كنت أحسبها
الخطي العوراء,
احفظُ
من طقوس
الحزن ما يكفي,
لكي نبقي سوياً,
او نموت علي عجــــ...ـــــل

عوض شيخ أدريس حسن
الخرطوم 1989

up

ابداك من وين؟
من شهقة النفس البيطلع زين؟
ويطلع (زيت )بلدا يموت ويعيش
فى كل دقيقة؟
القصيدة الاولى
شاعرية المفردة
غنا التربالة
هيام عاشقا يلف الدنيا ويرجع للبلد متكرف
طعم الدنيا فى بلدا
نسى الوجع اللبات مدفون
فى قلب الكل
قصيدة مسبوكة
من روح الناس
واحساس الناس
ودم الناس
تعيش يا سيد الكلم الجميل
ومليان روعة الاحساس
مفردات كادت تندثر
لكنك احييتها بعد موات
تذكرنى تلك القصيدة بمسادير الزمن الراح
لكنها (راح)كلمات تظل نابضة

ياروحي وين تهدي وتروقي

متين تشفي من(( سلمي)) وتفوقي

ديما ولهانة وتتوقي

تحاكي للقمري وتقوقي

كم حكيتي واشتكيتي

غير دموعك شن لقيتي

سلمي الشيخ = الاحساس بالاطمئنان وروعة الحياة

ايتها الرائعة... لك كل الحب

[email protected]

سوف ارجع لك مرةاخري

Quote: القرين--- تراجيديا الألتباس والتبديل رفع الستار عن صراع خاسر _____________________ رقد شدر الحراز انشّر فوق درب الخلا الضّلمان دفق سراب في الليل لبس جلد أم لهيب قدل حفيان خمد شوق أم رعيد في الجوف كتم معناهو مات شرقان حرن "هيم الصعيد سدّر مدّ لسانو للغيمة انشحط عريان لا ضُلك وقف طوّل لا ريحك صدق قوّل ............. شن معناك يا زولي البقيت معناك شن بتدور من النجمة المصاقرة قفاك وشن بتدور من " العينة الرمت ضل السحابة وراك ............ كرفتَ دروب مسالب الغيب تمور وتفور كل ما اقول معاك مستور تلف وتدور .. تدودر فيني زي عصفور بقيت مأسور علي شركك اسك مجبور!! شنو الجابرني غير صبري ومطال حبلي تراك شيتاً محيرني وملك امري أسيبك في الكلام نايم القاك في غناي حايم لا عرفتك عزيفاً حلّ في راسي لا جناً ملكني وبدل احساسي كبرت معاي يا زولي البقيت كلي ............ مشيت دربك لقيتك صيِِ اكلت ثمر غرورك ني مليت من ريح نفوك ايدي ............ ضل غناي حرفي ودر ادمنتك.. كلامي كتر غنيتك.... لساني خدر ............ شنو الراجيهو من تعبي وخلف شِعَبي يا ريح السواد هبي نشي كلامي من قلبي يا نار الرماد شبي حفي عماي من دربي يا غيم السجم صبي بلي حشاي من غلبي ............. حكايتو معاي في نومي مرة سمعني في حلمي احكي واشكي من ظلمي _.._ هز كتيفو لي سدّر زم خشيمو واتكدّر صره وجيهو واتندر قلب عينيهو لي حدّر ختّ حروفو في حروفي سرح فيني... سرحت معاهو في خوفي نبت في دمي .. واتجذر لا ريحني من عمري الحرق قلبي ورقد جنببي ولا نجاني من قلبي السرق عمري وشرد مني. كسر في الروح جناح الشوق شهق معناي من الحسرة مات مخنوق دفنتو هناك .. مع الانات في الدمعة الورا الآهات حزنت عليهو زي ضحكي ضحك عليهو زي حزني!! رجعت وحيد قلت خلاص رميتو بعيد لقيتو معاي في تولاي ............ كشفت غناي لي شدراً براري صباح ونومو خزاز نفّ غناي نشف حلق الشدر مدّ شخالبو للكزاز!!؟ كشفت غناي لي ليلاً شرب دمع السراب طرش ألغاز نزّ غناي من دمع السراب نزف في الليل نزيفو مجاز!!؟ كشفت غناي لي ريحاً قرح قطّع قلب السحابة رزاز فسد الريح هجر قلب السحاب رقد منحاز!!؟ ........... سرقت خطاي من مرماي اتاري معاي في معناي ........... سريت باليل براري التيه سبع وهاد .. وسبع بحور نزلت ودي مرابع الصّي سندت لساني في قلبي كشفت غناي للسحرة البسايسوا الرّيح بعرفوا سر مسارب الضي فركوا النار علي الحجار شالوا رمادة من قلبي قطعة لكنة من حلقي معاها ندم وحفنة هم جسوا ترابة شموا خطاي عوجوا لساني رطنوا معاي " فيك حسرة وعليك حسرة ركبت دروب سرج مقلوب أنا(ك) نكره وغناك نكره شن راجيهو من بكره وصدي الذكري بلا حزناً مزج معناك سكن دمك!! شن راجيهو من بكره وصدي الذكري بلا غماً طفح في الروح كتل معناك لجم فمك!! شن راجيهو من بكره وصدي الذكري بلا هماً ... غمض عينيهو نام فرحان سرق حلمك!! مغرب وين؟؟ يا راقد تحت ضل الحجر في الصيف؟؟ مشنق وين معاك زولك؟؟ تزازي وراهو دافن سرو في قولك؟؟ مشرق وين يا راحل فوق موجاً بلا ساحل؟؟ تبقي الحسرة والوجعة لو حرقت مراكب الرجعة للداخل تبقي الحسرة والوجعة لو حرقت مراكب الرجعة للداخل" ______________________ عوض شيخ ادريس حسن 12-1989 بعض الكلمات التي وردت في القصيدة 1- هيم: صوت المطر 2- انشحط : وقف منتصب القامة 3- المصاقرة: الملازمة 4- العينة: خاصة بفصل الخريف 5- كرفتَ: كرف تعني استنشق – يكرف اي يشم 6- تدودر: دودر الطائر- استدرجه للمصيدة 7- عزيفاً: العزيف لغة الجن 8- نفوك: غبارك 9- شِعَبي: من شعبة بكسر (الشين) وفتخ (الباء) وهو العود ذو طرفين في الرأس 10- سدّر: نوع من التحدي 11- اتكدّر: ا تعكر دلالة علي الغضب 12- اتندر: تحدي 13- تولاي: دلالة علي الملازمة 14- الكزازة: كلمة كزز تعني اليباس والانقباض 15- قرح: بمعني تعنت 16- مشنق: شنق رأسه اي نظر الي اعلي..

الاستاذ:عوض شيخ ادريس حسن: تحياتي وسلامي
والله نضمك ده ..جضم بصح بصح

فياخي زيدنا منو ؟!
عُقب راجينك ..
ولك من بساتين الورود وردة

الاخ عماد

لك كل التقدير والمحبة

سعدت كثيرا بمرورك وتعليقك

كما سعدت اكثر بعطر وردتك

اتمني ان اكون عند حسن الظن دائما

الللللله يا عوض ..
عقّب .. عقّب ..

و يا عوض عافي ليك الشرقة الدخلت فيها ..
و ما عافي ليك كواستي للبيمرقني من حكواتي الروح و لا الحجّاي البيلولي القلب ..
و لا عافي لسلمى الشيخ شورتها لي : أقرا عوض شيخ إدريس ..
و بي جاه سيدي النبي يا عوض ..
تدخل في حبة أم نارين ..
و تتجوبق متل جوباقي ده ..
و ما تتحل إلا سوميتة الطرب دي تشفع ليك .

الصوتين العندك .. نمّه ..
كفاتك يا الميزان .. عادلات ..
فصيح قولك .. و حليب معناك .


......
يا رجل ..
الله يسعدك شقيش قبلت .

شنو الجابرني غير صبري
ومطال حبلي
تراك شيتاً
محيرني وملك امري
أسيبك في الكلام نايم
القاك في غناي حايم
لا عرفتك عزيفاً
حلّ في راسي
لا جناً ملكني وبدل احساسي
كبرت معاي
يا زولي البقيت كلي

يا عماد اخوى
شرد منى المنام بالجد
ويا عوض
ما لقيت لحالتى معين سوى هذا الكلام
يبرد حشا الوجع اللنام جواى
مرقت فجيت الدرب
شان القى لى مسدار
ما لقيت غير مسدارك
يدودر فينى زى ريحا صعب بلحيل
يا رب العزة
دا شيتن فوق للطاقة
شعرا يبرد حشانا ويقول مالم نقله
عافي منك يا عماد
انك قريت شعر الولدعوض
وعافى منك ياعوض
عقب عقب املا المحل بسمح النضم يا زول
فتح مسامات الفرح من (او جديد)
عفارم عليك

ايتها الانسانة الرائعة...سلمي

تعرفي كل كلمة منك يفترض تجلد وتتعمل حجاب يلبس

في الرقبة.

ظللت اتابع كتاباتك ومداخلاتك منذ فترة طويلة

عن الكاشف ..نانسي عجاج .. صديق احمد وغير ذلك من المواضيع الشيقة

كنت دائما اتزود بمعرفة وببعدا جماليا جديدا.

بذكراك تختلط عندي كل الجماليات .. البلد.. النيل..الارض..القصة..الشعر..الحب..الروعة

يالك من انسانة....

اهدي لك هذا العمل كتب سنة 1985

اواه لو ياتيني وجهك مرة

سلماي من بين السحاب

لكسرت قيدي واستقمت علي الخطا

ولثمت وجهك والتراب

......................

سلماي يسكنني المنا

سلماي يدفعني النشيد

الي اعتقاد مجيئك الميمون

فوق جحافل التاريخ في الزمن العنيد

اواه لو بانت عيونك لحظة لتفتحت عيناي

صرت كما انا وكما اريد

لكن زمانك لم يجئ ولم يفي

هرمت نساء الارض

ماتت نطفة الاحلام

في الرحم التليد

سلماي ماذال النشيد هو النشيد

سلماي ماذال الرشيد هو الرشيد

الكاس للملك المعتق

من شرايين العبيد

الكاس مجراه اليمين

للعباءة والعصاة

للخليع يعود ثانية بوجه الليل

في زمن الولاة


سوف ارجع لك مرة اخري

لاحولة ولا قوة....سلمي الشيخ وعمادعبدالله في وقت واحد
دي دايره ليها حصة اضافية ودرس عصر.

ياعماد تتجوبق انت وتتحوبق متل ماجوبقتني وخليتني
اشرب مااروا من يوم نشرت قصيدة صخرة في جبل الدخلت فيني
لسع مامرقت ...كلمااقرا قصيدة اقول دي ما صخرة في جبل اظنك عاديتني
بمرضك الاسطاطيقي وشفافية وروعة احساسك ....انشاء الله زولي الفي قصيدتي دي
يجيك ويتلبسك ويخليك تزازي بدقداق البحر....ماعافي ليك لو ما هديت لي واحد
من اعمالك في الصفحة المفتوحة دي.

ياخي انا سعيد جدا بوجودك.


راجع ليك تاني

يا عمدة ياخي معليش قمت طبزت لي مفتاح الرد نزل تحت.
دحين انزل تحت

يا عوض

أما قبل

والشعراء يتبعهم الكون والعالمين

أما بعد

فقد فتحت والله بوابةُ ضوء سماوى الطعم
ليدخل مدادك الرحيب، ويسيل غناؤك الخصيب

وكأنك قد علّقت الشمسَ فوق جذوع الكلام
فجثونا تحت أفياء طرب مكين
أمامَ أغصان حروف لدنة وعذبة اللون، عالية الرائحة

أنا أحتسى الآن ريق شعرك
ثلاث رشفات من النشيد
وومضتين من بهاء

فدعنى أتوضأ بعبيرِ الرؤية


وأحييك مليا

شكرا ياخ على السماحة

الاخ ابوذر

لك معزتي وتقديري

انا الان اتضاءل كثيرا امام دفقك الموسيقي

وعذوبة تعبيرك

ليتني بهذا المستوي الرفيع من الاحساس والدراية اللغوية

لقد علمت انك تعزف علي الة العود وتسمع ابوداؤد

اناكذلك اجيد العزف علي الة العود وبصددانزال شريط مقطوعات برعي محمد دفع الله

اشكرك علي الاطلالة الرائعة وسوف ارجع لك مرة اخري

اكرر تحياتي

الاخ عماد عبد الله والاخ ابو ذر

معذرة لهذا الخلط الذي حصل

لقد كان معي الاخ سامي طلب اثناء ردودي عليكم وقد استخدمت

حسابه عن طريق الخطا للرد عليكم

اكرر معزرتي

عوض شيخ ادريس حسن

awad hassan

up

Quote: كبرت معاي يا زولي البقيت كلي

تعرف ياشيخ /عوض، نوع شعرك
ده ياهو زاتو البجيب وجع
القلب ويخلي الزول يعوعي
براهو على قول أخونا طارق
جبريل.
تسلم البطن الجابتك ولاشلت
تلك الأنامل التي تخط مثل
هذا الجمال.
شكرا، والله يديك العافيه فقد
أحلت صباحي موكبا من الفرح.
لك كل التقدير واضعافه من
الإعجاب وفيض مودتي.

يا سيدي

إنها لوحة رسمتها ريشة فنان .. وعبارات صاغها شاعر .. وفلسفة منها تنضح الرمزية .. هذا نظم تعجز عن نظمه النفوس القاصرة .. والأروح الصلدة الجامدة .. فسلام على يراع صاغ وأنشأ وريشة رسمت بوح الخيال .. وسلام على روحك الطيبة إنها قصيدة عنوانها القصيدة فلا غرو أن تحمل كل نظم جميل موشّى.

Quote: إنها قصيدة عنوانها القصيدة

لا ،،بل هي ديوان شعر بازخ.
فأي قصيدة تحتمل كل هذا الزخم؟
واي زخم ذلك الذي يفيض من حمولتها
فيملأ النفس سلاما ويحلق بالروح
فوق سماوات طباق.والشعر الذي
لاينزع أقنعة وقارناالمصطنع ويجعلنا
(نفجط) مثل الدراويش مأخوذين بجمال
المعنى وروعة المبنى ليس بشعر.
عليه ينبغي مراجعة مصطلح قصيدة.
شكرا ياعوض.

الاخ الرائع صلاح الاحمر

لك التحايا

ياخي تسلم ويسلم كل من حولك ويسلم قلبك

ويسلم هذا الذوق الرفيع والاحساس المفعم بالشاعرية والجمال

اشكرك علي طلتك البهية ...لك كل الحب والتقدير.

يا سيدي

إنها لوحة رسمتها ريشة فنان .. وعبارات صاغها شاعر .. وفلسفة منها تنضح الرمزية .. هذا نظم تعجز عن نظمه النفوس القاصرة .. والأروح الصلدة الجامدة .. فسلام على يراع صاغ وأنشأ وريشة رسمت بوح الخيال .. وسلام على روحك الطيبة إنها قصيدة عنوانها القصيدة فلا غرو أن تحمل كل نظم جميل موشّى.

الاخ العزيز ابو بكر يوسف ابراهيم

القيام لك

لمثلك يكتب الشعر ولمثلك ينحني اجلالا وعزة .

لك كل احرفي ان كانت بمقام عمق درايتك الفلسفية والشعرية واحساسك الشفيف .

بقدر هذا التماثل الوجداني لك كل التقدير والاعجاب.

دمت سعيدا

Quote: وشن بتدور من " العينة الرمت ضل السحابة وراك

يا سلام
عليك يا صاحبي

Quote: أسيبك في الكلام نايم القاك في غناي حايم

شكرا لهذه المساحة
ووين أنت من زمان!
بحاجة إلى المزيد

محبتي وتقديري

الاخ حسين محي الدين

لكم سرني ان تلامس احرفي ذوقك الرفيع واحساسك المرهف...

اشكرك علي روعة الاطلالة

لك كل الود والتقدير

Quote: سندت لساني في قلبي

Quote: شن معناك يا زولي البقيت معناك شن بتدور من النجمة المصاقرة قفاك وشن بتدور من " العينة الرمت ضل السحابة وراك

Quote: حكايتو معاي في نومي مرة سمعني في حلمي احكي واشكي من ظلمي _.._ هز كتيفو لي سدّر زم خشيمو واتكدّر صره وجيهو واتندر قلب عينيهو لي حدّر ختّ حروفو في حروفي سرح فيني... سرحت معاهو في خوفي نبت في دمي .. واتجذر لا ريحني من عمري الحرق قلبي ورقد جنببي ولا نجاني من قلبي السرق عمري وشرد مني. كسر في الروح جناح الشوق شهق معناي من الحسرة مات مخنوق دفنتو هناك .. مع الانات في الدمعة الورا الآهات

اخي الحبيب عوض حسن والله قمة الروعة والإبداع
جملت قصيدتك بمفردات نادرة الاستخدام , فكان
لها هذا الجمال والآلق .
حقيقة وجودك في هذا المنبر مكسب كبير لنا
ما زلت اطمع في المزيد .

الاخ هاشم احمد خلف الله

تحياتي وتقديري مرة اخري

بك ادخل فجرا اخر من ا لعلاقات الانسانية الرائعة

القائمة علي عمق الشعور الوجداني والاحاسيس الاسطاطيقية المتفجرة .

ياخي نورت هذا البوست بوجودك.. بروعة ارائك وتعليقاتك

كما نورت البوست الذي قبله (فراش و وردة)

في راي القصيدة يكتبها شخصان احدهما المتذوق بتماثله الوجداني

بل احيانا قد يضفي عليهاابعادا اسطاطيقية اخري لم تكن في الحسبان.


لك كل محبتي