Post: #1 Title: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-23-2008, 03:17 AM Parent: #0
جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !!
القاهرة في ليلة نصف صيفية في الساعات الأولى من صباح الثالث والعشرين من شهر مايو !!
Post: #2 Title: Re: جيت عشان تقلب كياني .. وتمشي زي الما في حاجة ؟!! Author: ابوهريرة زين العابدين Date: 05-23-2008, 03:22 AM Parent: #1
الاخت نادية صباحك خير يا سلام على الشعر الجميل فهذه القصيدة ولدت في صباحات القاهرة الجميلة فخرجت جميلة كتلك الصباحات، ابحثي لها عن فنان ليتغنى بها وحتى تسير بها ركبان محبي الشعر والفن والجمال. مع شكري أبوهريرة
Post: #3 Title: Re: جيت عشان تقلب كياني .. وتمشي زي الما في حاجة ؟!! Author: عبدالله وداعه الامين Date: 05-23-2008, 03:46 AM Parent: #1
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !!
ما حرام لو جيت عشانك
او مشيت ,, وقصدتا حاجة
وانتي عارفة الروح وعندك
وفيها منك ,,, كل حاجة
بس عزاي يوم فتا منك
ادي ضو العين سراجا
******
عشمى كان بس كيف اجيكي
وفيني منك خطوة اولى
ويا ما شلتك فيني بسمة
وغنوة حلوة سرقني طولة
ولو قست ايامنا مرة
وفينا شاب عمر الطفولة
عزاي اشيل بسمة عيونك
وما افوتك بالسهولة
Post: #10 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-23-2008, 10:34 AM Parent: #3
وليد أبدَىَ إعجابه الشّديد بهذه الكلمات وقال إنّه قام بتلحينها الآن بالجّيتار أكتب لكِ الآن ووليد معي على الخط هاتفيّاً وأقرأ له ما أكتب هنا الآن أنا الآن في مدينة الرّياض العاصمة السّعوديّة وسأحاول الحصول على تسجيل التّلحين الذي قام به وليد حين عودتي لأرضي إن عُدت سالماً
لكِ ولوليد التّحيّة
أنـا في البـعـيـد مُـشـتـاق لهـمـسـة من الوطن يا نـسـمـة
Post: #14 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-23-2008, 11:14 AM Parent: #13
أهلين لؤي
وترجع بالسلامة يارب
Quote: وليد أبدَىَ إعجابه الشّديد بهذه الكلمات وقال إنّه قام بتلحينها الآن بالجّيتار أكتب لكِ الآن ووليد معي على الخط هاتفيّاً وأقرأ له ما أكتب هنا الآن أنا الآن في مدينة الرّياض العاصمة السّعوديّة وسأحاول الحصول على تسجيل التّلحين الذي قام به وليد حين عودتي لأرضي إن عُدت سالماً
قُل عني للفنان المبدع وليد
نادية سعيدة جداً لأن كلماتها قد لامست وجدانك الشفيف المرهف وحرّكت ساكن الألحان فخرج ( ملاك) الهامك ليكسو جنون القافية انغاماً شجية .. فكم هى محظوظة قصيدتي بلحنك أيها الرائع جداً وليد .. وكم أنا شغوفة بسماعها بألحانك ..!!
لؤي العزيز
سيكون انتظاري على أحرّ من الجمر لكي أسمع عبرك هذا اللحن الوليد
"كلام مية مية" ما أروعك يا موطن الأحباب ... وما أقرب كلماتك إلى القلب ... كلماتك تحكي الألم والوجع الإنساني وجع اللقاء والفراق ... كلمات بها موسيقى داخلية وصراخ الم مُربك ... تلك هي أوجاع الإنسان بين فرحة لقاء مُرة وألم وداع أمر ..
وبالجد بالجد يا محمد عادل أسمع الكلام و (إتلهي)
Post: #44 Title: Re: جيت عشان تقلب كياني .. وتمشي زي الما في حاجة ؟!! Author: عبداللطيف حسن علي Date: 05-23-2008, 06:40 PM Parent: #42
يعني يا نادية بعد الردحي بتاعي ده كلو و كمان ما ظاهر ليك.
المهم ده أجمل عمل قريتو في السنة دي عمل سمح شديد
عوافي
Post: #61 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-24-2008, 06:49 PM Parent: #45
كستااااااااااااوي العزيز
Quote: يعني يا نادية بعد الردحي بتاعي ده كلو و كمان ما ظاهر ليك.
المهم ده أجمل عمل قريتو في السنة دي عمل سمح شديد
عوافي
ظهرت هديتك الحلوة ياكستاوي يافنان .. وان شاء الله ماأعدمك ياااارب
لكن إنت بتجيب الصور دي من وين في كمبيوتري مافي ولا متذكرة اتصورتها متين تصدق ؟!!
Post: #68 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-24-2008, 09:27 PM Parent: #44
الإنسان النبيل عبد اللطيف حسن علي
الاستاذة الصحفية نادية عثمان:
Quote: لك نقاء سريرة من نوع خاص؟؟
ويا دوب فهمت عصام الجيلي
(بيني وبينكم) ..نادية عثمان..
وكمان اكتر؟؟
الله يخليك يارب
و
شكراً جميلاً لحُسن ظنّك في شخصي الضعيف والله ..!
Post: #67 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-24-2008, 09:07 PM Parent: #42
العزيز عصام الجيلي
Quote: كلام مية مية" ما أروعك يا موطن الأحباب ... وما أقرب كلماتك إلى القلب ... كلماتك تحكي الألم والوجع الإنساني وجع اللقاء والفراق ... كلمات بها موسيقى داخلية وصراخ الم مُربك ... تلك هي أوجاع الإنسان بين فرحة لقاء مُرة وألم وداع أمر ..
شكراً جميلاً لكلماتك الطيبات
و
تبقي الكلمة فرحاً وحزناً تنفّسُ عن مابدواخلنا من شحنات عاطفية .. والحمد لله على هكذا نعمة !!
Post: #57 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-24-2008, 06:04 PM Parent: #36
الطاهر انقي تود
ياخ والله أنا سعيدة بحضورك جدا
إن هال مندي .. كمبو شديد إن شاء الله
Quote: بوست زي الليل يسل الروح ويغسلهاويرجعاتانى
سعيدةُ جدا أن غسلت كلماتي روحك الشفيفة من رهق السياسة ومتاعب الحياة والله !!
Post: #70 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-24-2008, 10:05 PM Parent: #51
الشاعر الرقيق الدكتور بلّة
شكراً لمرورك الأنيق واكليل ورودك الذي نثرته هنا فرحاً ودهشة !!
Quote: ما الطيف الذى غشاك عند ذاك الصباح لتفوحى بكل هذا الأريج وتنتفضى بكل هذا الندى والطل
لا أدري تحديداً .. ولكن اظنها الغربة ولياليها المُرّة التي تشعر المرء دوما بالحنين الي حبيب مسافر في البعيد .. حتى وإن كان ذلك البعيد لاعودة منه إطلاقا .. فمن هم تحت التراب لا يعودون .. ولكن !!
يا صاحب الزمن الجميل وشاعرنا القامة تحية خاصة جدا لك والى المدام تعلم سعادتي بك واعزازي شكرا لك اخي الجميل وها هي كلماتي تخرج من روعتك انت ومحبت شكرا لك حبيب ودمت كما انت عود ند وصدق
محبتي لك
Post: #74 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-24-2008, 10:39 PM Parent: #49
الصديق العزيز أحمد الشايقي
عُد الى قواعدك شاعراً فقد إشتقنا الي قوافيك المموسقة ولتكن من هنا (ضربة) القصيدة !!
Post: #54 Title: Re: جيت عشان تقلب كياني .. وتمشي زي الما في حاجة ؟!! Author: عبود عبد الرحيم Date: 05-24-2008, 01:23 PM Parent: #1
الرائعة بكلماتها الصادقة .. نادية.. قلنا مافي غيرك يعيد للمنبر البهاء وقلنا مافي غيرك يوزن الكلمات غناء وتساءلنا (بعد غيابك) ... متي يعود لنا الضياء ::: جد حرام .. تغيبي عن العيون بعيد وجد حرام.. تقفلي علي المعاني بطبل وحديد ويا نادية الليلة ترجعي ترسمي الاحساس قصيد وتبني لاشواق السنين ألف بيت ::: ::: كدة يادوب بدأ للمنبر عمر جديد واتجدد شبابو وقلبو اصبح شديد
Post: #55 Title: Re: جيت عشان تقلب كياني .. وتمشي زي الما في حاجة ؟!! Author: عبد اللطيف السيدح Date: 05-24-2008, 03:02 PM Parent: #54
فوق
Post: #56 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-24-2008, 05:40 PM Parent: #55
نادية كلماتك ذكرتنى بقصيدة الشاعر الكبيرفاروق جويده فى رائعته "فى عينيك عيوانى"
في عينيك عنواني
قالت: سوف تنساني وتنسى أنني يوما وهبتك نبض وجداني وتعشق موجة أخرى وتهجر دفء شطآني وتجلس مثلما كنا لتسمع بعض ألحاني ولا تعنيك أحزاني ويسقط كالمنى اسمي وسوف يتوه عنواني ترى.. ستقول يا عمري بأنك كنت تهواني؟! * * * فقلت: هواك إيماني ومغفرتي.. وعصياني أتيتك والمنى عندي بقايا بين أحضاني ربيع مات طائره على أنقاض بستان رياح الحزن تعصرني وتسخر بين وجداني أحبك واحة هدأت عليها كل أحزاني أحبك نسمة تروي لصمت الناس.. ألحاني أحبك نشوة تسري وتشعل نار بركاني أحبك أنت يا أملا كضوء الصبح يلقاني أمات الحب عشاقا وحبك أنت أحياني ولو خيرت في وطن لقلت هواك أوطاني ولو أنساك يا عمري حنايا القلب.. تنساني إذا ما ضعت في درب ففي عينيك.. عنواني
Post: #78 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-25-2008, 00:57 AM Parent: #58
النبيل نادر الفضلي
نادية كلماتك ذكرتنى بقصيدة الشاعر الكبيرفاروق جويده فى رائعته "فى عينيك عيوانى"
في عينيك عنواني
قالت: سوف تنساني وتنسى أنني يوما وهبتك نبض وجداني وتعشق موجة أخرى وتهجر دفء شطآني وتجلس مثلما كنا لتسمع بعض ألحاني ولا تعنيك أحزاني ويسقط كالمنى اسمي وسوف يتوه عنواني ترى.. ستقول يا عمري بأنك كنت تهواني؟! * * * فقلت: هواك إيماني ومغفرتي.. وعصياني أتيتك والمنى عندي بقايا بين أحضاني ربيع مات طائره على أنقاض بستان رياح الحزن تعصرني وتسخر بين وجداني أحبك واحة هدأت عليها كل أحزاني أحبك نسمة تروي لصمت الناس.. ألحاني أحبك نشوة تسري وتشعل نار بركاني أحبك أنت يا أملا كضوء الصبح يلقاني أمات الحب عشاقا وحبك أنت أحياني ولو خيرت في وطن لقلت هواك أوطاني ولو أنساك يا عمري حنايا القلب.. تنساني إذا ما ضعت في درب ففي عينيك.. عنواني
لاحولاااااااااا !!
الشاعر فاروق جويدة مرة وااااحدة ؟!!
شكراً لللثناء العاطر والتشبيه الذي رفع معنوياتي الي عنان السماء .. فأين أنا من ذلك الشاعر العملاق جويدة ؟!!
جزيل شكري على المجاملة اللطيفة جداً أخي نادر العزيز ..
قولتى يا زولا بريدك التطير القسمة زاتا ما تقولى دة الجنون الجنون الفرقة زاتا بس بتسمحى يا حبيبة قولى كلامك فى التلفون احلى كلاما كيف ما يكون نبض الكلمة اجمل لون و لون الحب اخضر فاتح و كلمة حب جات امبارح لسة بتنبض فى التلفون
شوفى الرجفة زولك سايح طالع نازل زى الرايح مرة يهاتى زى مجنون و مرة سكون الا انو وحاتك انتى لسة بيحضن فى التلفون
شن قولتيلو ست الناس اصلو حبيبك ولع نار يمكن حمى لا يا يمة يمكن طار لف الكون شايل ريدك جوة ضلوعو و مدى اضانو للتلفون
يمكن يقدر يسمع صوتك و تبقى الكلمة مرسال شوق تفك الطوق و ترجع طاير فوق الريح تصبح فوق و تمسى النجمة تحتك دون وبرضو معلق فى التلفون
كيف اللحظة تبقى سنين لما الكلمة تبقى معين تغسل المك و يا عذابك تنعش روحك يا مسكين هدى حصون وبكى عيون بس ما تقفلى التلفون
Post: #79 Title: Re: جيت عشان تقلب كياني .. وتمشي زي الما في حاجة ؟!! Author: العوض المسلمي Date: 05-25-2008, 09:06 AM Parent: #1
المبدعه ناديه سلام
من خلال هذه الكلمات الرقيقه ومن دواخلها وروعتها وصدق معانيها ومن الذين تداخلوا معها ينتاب الجميع شعور واحد وهو ان هذه القصيده بهذه الكلمات تعبر عما بداخله شخصيا وان الكثيرين قد راؤا ان هذه القصيده تعنيهم شخصيا وان دل ذلك علي شئ فهو بالتاكيد يدل علي صدق الكلمات وانها تعبر عن الجميع بما يحملوه من مشاعر طيبه وجميله انها كلمات تجعل الكل سابح وحالم وهائم تسلمي ناديه وكم زاد الاخ وداعه الابداع القا لك تحيه اخي عبد الله وداعه واستاذه ناديه
Post: #80 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-25-2008, 09:45 AM Parent: #79
الأخوان الأعزاء
محمود ريحان ..
مشتاقين ياصديق وكيف المدام وأولادك ..أنا في كايرو حاليا
العوض المسلمي
تتقاصر حروفي أمام روعة تعليقك الجميل
وسعيدة أنا أن لامست اشعاري شغاف قلبك الطيب النقي
و
تسلم من كل شر يارب
Post: #82 Title: Re: جيت عشان تقلب كياني .. وتمشي زي الما في حاجة ؟!! Author: محي الدين جبريل Date: 05-25-2008, 11:01 AM Parent: #80
نادية
لعلك بخير
أها جيتك بالباب
ده كلام يهبش الزول جووووووووه
فى كلام ماعارف كلمات منو لكن بدايتو :
جيت تقول الريدة خوه
بعدما خلخلت روحى
وفينى ماخليت مروه
خوه وين بتبكى سيدا
خوه بتسهر ليالى
إلا دى الخوة الجديدة
بغنيها محمود تاور و اخرون
شوفيها لينا وين
وبجيك
محي الدين جبريل
Post: #97 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-25-2008, 10:59 PM Parent: #82
محي الدين جبريل ياصديقي وزميلي المذيع اللامع الف مرحب بيك
Post: #90 Title: Re: جيت عشان تقلب كياني .. وتمشي زي الما في حاجة ؟!! Author: سلمى الشيخ سلامة Date: 05-25-2008, 04:29 PM Parent: #88
نادية الندى مش عمنا اساعين ود حد الزين قال غصبا عنى وغصبا عنك انت حبيتنى وهويتك
دحين ياحبيبة ما تزعلى وهو لقاك قمر وقال انا مابطولك ادينى من نورك وميض شان انور وابقى طولك يا قمر لما تزعل يا قمر ابقى باسم حتى فى زعلك معايا شان البلد كل البلد تفرح تقول القمرة جايه جاية تحضر لى مثولك اصلو مافيها البطولك شفتى كيف ؟
Post: #141 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-28-2008, 03:25 PM Parent: #90
سلمى بت الشيخ سلامة ياحبيبة البي من جوانياتو
Quote: نادية الندى مش عمنا اساعين ود حد الزين قال غصبا عنى وغصبا عنك انت حبيتنى وهويتك
دحين ياحبيبة ما تزعلى وهو لقاك قمر وقال انا مابطولك ادينى من نورك وميض شان انور وابقى طولك يا قمر لما تزعل يا قمر ابقى باسم حتى فى زعلك معايا شان البلد كل البلد تفرح تقول القمرة جايه جاية تحضر لى مثولك اصلو مافيها البطولك شفتى كيف ؟
عارفة ؟!!
كلامك ياسلوم بعمل للزول راحة أعصاب كده ماعادية مهما كان زعلان من الدنيا دي ؟!!
تسلمي ياغالية وأصلو الدنيا دي عجيبة ياخ وشغالة معاي بالعكس مرات
يعني داخلة معاي في عناد طوووووووالي .. لكن الله كريم ياغالية وبكرة أحلي باذن الله ..
Post: #118 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-26-2008, 04:24 PM Parent: #88
نادية عثمان و عبدالله وداعة و بالعكس ..... من طبعي لا احب افساد الجمال .... احب اكون قارئ و متابع و مستمتع بالجمال .... لكن جمالكم يختلف, كلمات تعبر عن واقع, بالاخص الكلام المقتبس تحت ...
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
تفسيري صديقي للحب هو عذاب جميل يجبرك للاستمتاع به .... كلام متناقض لكني مقتنع به
Post: #93 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-25-2008, 09:40 PM Parent: #89
بجي راجعة سمح ؟!!
Post: #94 Title: Re: جيت عشان تقلب كياني .. وتمشي زي الما في حاجة ؟!! Author: هاشم أحمد خلف الله Date: 05-25-2008, 09:50 PM Parent: #93
Quote: جيت عشان تقلب كياني .. وتمشي زي الما في حاجة ؟!!
ايوه جيت اها انتي رايك شنو ؟؟؟
جميلة الدواخل ورقيقة المشاعر الشاعرة نادية عثمان اول حاجة عطشان عطش شديد جيبي ليه مويه اشرب تاني حاجة كيف اخبارك ومشتاقين كتير والله
القصيدة معبرة وفيها جمال واناقة وبس كده
ولي عودة .
Post: #116 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-26-2008, 02:40 PM Parent: #94
هاشم أحمد خلف الله
Quote: ايوه جيت اها انتي رايك شنو ؟؟؟
وهو في رأي غير إنك تجي وتجيب قوافيك وتقعد وتتوهّط هنا ؟!!
Quote: ندوية الندية يا باقة وردية لك التحية والتحية على هذا السياق الجميل انتى وود وداعه اهديتمونا الدهشة نهديكما وروعة المتداخلين كل الخب والانحناءة
شاعرتنا الجميلة وصاحبة المفردة الانيقة بنت الجنيد تحياتي لكي ومن معك ولهم في القلب مكان خاص شكرا لجمالك انت عزيزتي الفاضلة وجمال طلتك وتعلمين سعادتنا بك وبحرفك الحميل كامل مودتي وشكري لك ودمتي بالف خير وعافية
Post: #135 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-28-2008, 00:42 AM Parent: #95
Quote: نادية عثمان و عبدالله وداعة و بالعكس ..... من طبعي لا احب افساد الجمال .... احب اكون قارئ و متابع و مستمتع بالجمال .... لكن جمالكم يختلف, كلمات تعبر عن واقع, بالاخص الكلام المقتبس تحت ...
الاخ العزيز الفاروق
الجمال هو وجودك هنا وطلتك الحلوة لك الشكر اخي العزيز وكامل الاحترام مودتي ومحبتي لك ودمت جميلا وانيقا كحرفك وروحك
Post: #125 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-27-2008, 01:40 AM Parent: #89
Alfarwq
Quote: تفسيري صديقي للحب هو عذاب جميل يجبرك للاستمتاع به .... كلام متناقض لكني مقتنع به
وهل الحُب الإ كمُ من المتناقضات ؟!!
ورغم ذلك يبقى :
الحُب في الأرضِ بعض من تخيُلنا
لو
لم نجده عليها لإخترعناهُ !!
Post: #96 Title: Re: جيت عشان تقلب كياني .. وتمشي زي الما في حاجة ؟!! Author: محمد عثمان Date: 05-25-2008, 10:23 PM Parent: #1
نااادية...
يا سلاااام
جيت اسلّم و اقول ما اروعك وانت تمنحينا كل هذا الالق الجميل..
مودتى...
Post: #98 Title: Re: جيت عشان تقلب كياني .. وتمشي زي الما في حاجة ؟!! Author: baha eassa Date: 05-25-2008, 11:26 PM Parent: #96
جزء من اللقاء الذي اجريتيه مع الاستاذ شرحبيل .. اللقاء الذي لم تشاهديه .. لك النحية اخني نادية
Post: #107 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-26-2008, 00:43 AM Parent: #98
ماأظن في الدنيا قوة
تمسح الحب من قليبي
ويبقى كلّ البينا خوّة !!
من زمن ليلى وحبيبها
ومن سنين آدم وحوٌة
ريدنا جوّة الجوّة جوّة
ومابكون يازولي خوّة
ولو تسيبني دي مامروّة !!!!
Post: #108 Title: Re: جيت عشان تقلب كياني .. وتمشي زي الما في حاجة ؟!! Author: محمد خليل ساني Date: 05-26-2008, 01:12 AM Parent: #107
العزيزه ناديه ،،،
والله العظيم حيرتيني شديد ،،،
ما عارف أقول شنو ،،،
لساني إتعقد عدييييييل كده ،،،
عليك الله محتاج قصيدة تفك العقده دى ،،،
بعد ما الكيان إتقلب ،،، و الزول مشى زى الما فى حاجه ،،،
تسلمي بالجد على الدرر دى ،،،
ــــــــــــــــــــــــــــ صحافة 30 والله يا مان كلامك صاح روووووووووووووعه حتى الثماله ،،،
Post: #109 Title: Re: جيت عشان تقلب كياني .. وتمشي زي الما في حاجة ؟!! Author: محي الدين جبريل Date: 05-26-2008, 09:08 AM Parent: #108
نادية
ياروعة تمشى على قدم وساق
خبرينى
ايى قوة تمليكينها لصياغة وصناعة هذا الجمال
______________________________
شوال بخور .........
Post: #147 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-28-2008, 11:15 PM Parent: #109
صديقي محي الدين جبريل
Quote: ياروعة تمشى على قدم وساق
مِنّك إنت الروعة زاتها
ومافي زي شخصك جميل !!
زول بيعادل كم قبيلة
وإنت شيال التقيل !!
ود أبوك شيخ الجوامع
إنت يا الماليك مثيل !
محي للحب والرهافة
وإنت جبريلنا الجميل
ياملاك مليان محنّة
يازُلال ياسلسبيل
مُحي كُن للروعة فارس
إنتَ يا الشبهك قليل !!
Post: #150 Title: Re: جيت عشان تقلب كياني .. وتمشي زي الما في حاجة ؟!! Author: محي الدين جبريل Date: 05-29-2008, 10:26 AM Parent: #147
نادية
ده كلوا لى أنا .... ح أبروز كلامك ده ، وأثبتوا على جدار القلب
ـــــــــــ الأخت نادية: سلامي وتحياتي ترف وإكثار في الجمال ..المعاني معبرة عن نغم منحوت في الدواخل.. نبع من زوايا أعصاب ثائرة تهتز لكل ما هوجميل وترجو ولو يستمتع به الناس ..فطول هذه الفترة كنت مستمتع براوائع عطر الندي الحرفي ؟!
اشكرك بعمق النبض .. ولك
Post: #121 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-26-2008, 06:46 PM Parent: #119
بجي !!
Post: #151 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-29-2008, 10:54 AM Parent: #119
النبيل جداً
عماد الطيب
Quote: ترف وإكثار في الجمال ..المعاني معبرة عن نغم منحوت في الدواخل.. نبع من زوايا أعصاب ثائرة تهتز لكل ما هوجميل وترجو ولو يستمتع به الناس ..فطول هذه الفترة كنت مستمتع براوائع عطر الندي الحرفي ؟!
شكراً جميلاً لهذه الحروف المُزهرات اليانعات
وهذا الإطراء والثناء العاطر
وسعيدةُ بحق لأن لامست كلماتي شغاف قلبك الرقيق
وتسلم يارب
Post: #123 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-27-2008, 01:13 AM Parent: #115
خدر الصديق الغالي جدا
Quote: شكرا يا ندو كلام حلو و احساس حلو و بوست و ضيوف احلي
اها دي شهادة فنان حق لي أن أفخر بها عدددددديل ..!
تسلم على الكلام الطاعم ياأبو لقاء
لكن لو مانفذت وعدك القديم لي ولحنت لي قصيدة وغنيتها بي صوتك البرد روح الروح ده مافي فائدة سمح ؟!!
Post: #120 Title: Re: جيت عشان تقلب كياني .. وتمشي زي الما في حاجة ؟!! Author: M A Muhagir Date: 05-26-2008, 06:10 PM Parent: #1
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !!
دى الحروف ال تستاهل يكتبوها بمداد الدهب
شكرا يا نادية على الشعر الرايع دا
سلام
Post: #122 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-26-2008, 07:07 PM Parent: #120
Quote: 23 مايو ومايو لم يتولد ولكن النجوم زادت عدد ومن يقرب النجم يحترق بس ضوي لينا بس وانت اصلك خلقوك نور والنجم وما هوى وقد ضل صاحبك وغوى وكل البقلب كيانك في النار هوى وانتظري ونحن منتظرون وما يفلحون يوم يلتف الساق بالساق واليه المساق وانت روقي المنقة وختيها واطا وقصري الباصات والهدف مضمون وامونة رايقة خلاس من القديم للراس .
نادية عثمان زي النبي كل من حولها يحس بانه الحواري الوحيد المقرب للهالة القدسية والنور يعم والغبيان يحوزو وخليهم يحوزو زي ما يحوزو حوزو وفاطنة السمحة ما بتتقسم وضرب السوط بفرز الناس والامو مالبوة وابوه تنرتو تزوزي بغزال الصي اقيف بعيد واتفرج وهوي يا وليد امونة حارة خلاس .
دا كلام طالع من جوفا مامبهل يا المنطر عينيك وقال ليك ياخي اتلهي ساهي شيل بليك واجر العب هناك ، دا كلام مابنقاس وامونة سمحة خلاس من القديم للراس .. دا نضم زولا راضع من شطر الشمش لبن طير وقوم ياطير وركي ياسمبرية ام قدوم وعيش ابوي بقوم متين ومالو السمبر هجرنا وخلى راس البيوت فاضية وراح من روحة جنس الكلام الزي دا راح وشليل برضو راح واكلو التمساح زمان بعد يومين من كلامك دا و 16 سنة جلد وضيع مدارسنا وحليل معتوق والمريسة ضوق ضوق وراحت وجات وجات كمان ام ضلف تاني والساقية دورت وكبت مويتا على الرهبان .
وياجنيات ويابنوت كلام نادية دا احفظوا حرف حرف وادرشوا دقاق لانو مهبر كبار كبار وتعالوا راجعين ليها تاني سمح ؟
ابوأريج
رسالة عبر الايميل طلب صاحبها نشرها هنا ..
Post: #126 Title: Re: جيت عشان تقلب كياني .. وتمشي زي الما في حاجة ؟!! Author: mohmed khalail Date: 05-27-2008, 01:57 AM Parent: #122
لك كل تحية
يا وردة ندية
Post: #129 Title: Re: جيت عشان تقلب كياني .. وتمشي زي الما في حاجة ؟!! Author: إسماعيل حميم Date: 05-27-2008, 08:32 AM Parent: #126
Quote: الاخ والشاعر الجميل اسماعيل حميم انحناءة واحترام لك ايها الاخ الجميل احرفي خجلى و وجهك تبدى قمرا بين الاسطر دمت كما انت نقيا ومترعا بكل جمال
أخي جميل الحرف عبدالله وداعه أكرر لك ما قالته الأخت العزيزة نادية
Quote: ممكن تبطل تواضع ؟!!
شكراً لك على كل جمال أنت له ناثر عطر يبعث فينا روحاً تسبح في دافئ زلاال
مرفق صادق المودة
إسماعيل حميم
.
Post: #163 Title: Re: جيت عشان تقلب كياني .. وتمشي زي الما في حاجة ؟!! Author: عبدالله وداعه الامين Date: 06-01-2008, 06:43 AM Parent: #129
Quote: أخي جميل الحرف عبدالله وداعه أكرر لك ما قالته الأخت العزيزة نادية
Quote: ممكن تبطل تواضع ؟!!
شكراً لك على كل جمال أنت له ناثر عطر يبعث فينا روحاً تسبح في دافئ زلاال
مرفق صادق المودة
إسماعيل حميم
الاخ العزيز وصاحب الحرف الانيق اسماعيل حميم
وبدوري ايها الحبيب لا يسعني الا الشكر والانحناء تادبا واحتراما لك
فبكم تسمو المفردة ونكتب من جمال لغتنا بيت شعر وبكم نصنع للجمال لغة
لك نفس المودة والحب ودمت كالعهد بك روح و وطن لكل جمال
شكرا عافيتنا ونيلنا العظيم
Post: #154 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-29-2008, 01:44 PM Parent: #126
تسلم محمد خالد الراقي ويارب ماأعدمك يارب
Post: #131 Title: Re: جيت عشان تقلب كياني .. وتمشي زي الما في حاجة ؟!! Author: عماد محمود علي Date: 05-27-2008, 11:41 AM Parent: #122
Quote: جد حرام جيت عشان تقلب كياني وتمشي زي المافي حاجة ؟!! جيتني من أول تبادي وقلتَ ملّكة ولابسة تاجا وهسي ماشي وفيكَ روحي ولا.. بتسمع احتجاجا ؟!!
بصراحة كده حراااااام ، الله يجازيه الممسوخ .
بصراحة ثانية . شعر جميل أكثر من رائع وأتمنى يا أستاذة نادية تعملي ليك ديوان خاص بهذه القصائد الجميلة علشان الواحد يبطل سهر في سودانيزاونلاين دي ويقعد يساهر مع كل الكلام الطاعم ده . مزيد من الشجن سيدتي .
عماد
Post: #156 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-29-2008, 02:13 PM Parent: #131
عماد محمود علي
تسلم ياعُمدة
وأبقي أظهر حتي لو غبنا نحنا لأنو المشغوليات حاصلة والله سمح ؟
Post: #152 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-29-2008, 12:28 PM Parent: #120
M A Muhagir
تسلم على الكلام الطاعم
وما أعدمك يارب
Post: #127 Title: Re: جيت عشان تقلب كياني .. وتمشي زي الما في حاجة ؟!! Author: عبدالله كع Date: 05-27-2008, 07:53 AM Parent: #1
سلامات ناديه
Quote: وهسي ماشي وفيكَ روحي
ــــــــ كلام سمح والله العظيم ..
تسلمي
Post: #158 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-29-2008, 03:55 PM Parent: #127
المحترم عبد الله كع
Quote: كلام سمح والله العظيم ..
الله العظيم يسلمك من كل شر يارب
وسعيدة بمرورك الحلو المفرح
Post: #128 Title: Re: جيت عشان تقلب كياني .. وتمشي زي الما في حاجة ؟!! Author: abookyassarra Date: 05-27-2008, 08:21 AM Parent: #1
دى الإرادة ..
والمقدر لابد يبين ..
ننسج الريد ..
فى مسام طين الجروف
.. شان نستبين
كيف نمشى بين .. شتلات هوانا
.. وبين سرابات الحنين
نزرع الوجدان .. رحابة
.. بى رقة الحرف الرصين ..
Post: #130 Title: Re: جيت عشان تقلب كياني .. وتمشي زي الما في حاجة ؟!! Author: عبود عبد الرحيم Date: 05-27-2008, 10:47 AM Parent: #1
النص الكامل ...( حتي الان ).. وفي انتظار المزيد فضلا.. اقرأ بهدوْْء .. واستمتاع
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !! **** انت فُتَ وماسألت
وزي كأنو لقيت مرادك
قلبي سليت فيهو سيفك
وذنبو ايه غير انو رادك ؟!!
جيت أقدم ليك سعادة
وابقي ليك في الغربّة زادك
الا انت اغتلت حبي
وجاي تعلن عن حدادك !!
*** ***
عملتَ كل الفي استطاعتي
عشان أنال بس يوم رضاك !!
كنت زي درويش وراهب
سكنو في محراب هواك
الا انت خذلت روحي
ومشيت وعارف ده الهلاك !!!!! **** ماجنيت أنا يوم عليكَ
وأنت دائما كنت جاني !
كنت بتعذّب وحيدة
وفي هواك أبّكي وأعاني
وانت لا عارف غرامي
ولا بتنهل من حناني !!
*** ***
قلت ليك بصبُر معاك
بس انت ماتسيب الغرام !!
مهما تقسو علي فؤادي
كنت بتحمّل دوام !!
الا صبري نفذ وحاتك
وطار خلاص قلبي الحمام !! **** كم وعود وكوم من هيام !!
وامنيات دون المرام
جد تعبت من الكلام !!
*** ****
قلبي ملّ الانتظار
وحبي ماشي في إنحسار
ليه رضيت لي بالودار ؟!!
*** ***
كنتَ برسم ليك سعادة
وراحة في حُضن الوسادة
الإ روحك زاد عنادها !! **** ليه بتقسو على حبيبتك
وإنت عارف روحها فيك ؟!!
ليه تعذِب قلبي دائماً
وتكوي روحي بنار لهيب ؟!!
سبتَ في الشريان ملامحك
وكم سؤال من غير مُجيب !!
*** ***
ليه مشيت خليتني أبكي
وجزايا ليه فُرقة ونحيب ؟!!
غضبي كان من عشمي فيكَ
ودلعي كان ليك ياحبيب !!
الإ إنت هجرت دربي
وصرتَ في دنياي غريب !! **** مارميتك والله عالم
اشتريتك بالغوالي
قلبي ليكَ َ دفعتو مهرك
وكنت دايراك لي حلالي !!
جبتَ ليك النجمة دبَلة
وحزمة من قمراَ بلالئ
بيتنا زاتو رسمتو رسماً
ويوم زفافنا الفي خيالي !
*** ***
إشتريتك بي حياتي
ودمّي كبيتو في وريدك
الف مرّة حلفت قسماَ
قلتَ ليك يازول بريدك
الإ قالوا القسمة غالبة
وبرضو بفرح لي جديدك !! **** ماأظن في الدنيا قوة
تمسح الحب من قليبي
ويبقى كلّ البينا خوّة !!
من زمن ليلى وحبيبها
ومن سنين آدم وحوٌة
ريدنا جوّة الجوّة جوّة
ومابكون يازولي خوّة
ولو تسيبني دي مامروّة !!!! **** إنت قايل الكلمة كافية
عشان أعيش أنا عمري بيها ؟!!
روحي في بُعدك بتحرق
وإنت ماعارف العليها !!
كُل مرّة تقول حبيبتك
وإني وحدي المشتهيها
الإ وأقف في مكانك
وخطوة ماقادر تجيها !!
*** ****
جد تعبتَ من الكلام
أنا تاني مابصبُر عليك
صاح بحبك وعارفة روحي
وقلبي بالحيل مشتهيك
الإ عاد عذّبني صبري
وعايزة بس المح عينيك !! **** كلمة منّك تكفي جداً
وإنت قولك جد حنين
إنت لي أيامي بسّمة
وإنت لي فرح السنين
منك إتعلمتَ ياما
حبّة دنيا وحبّة دين
حُضنك الدافئ إحتواني
وحاشا ماكنت الضنين !!
يأخي إنت العِشق زاتو
وإنت فردوسي الأمين !! **** يلا دُق صدرك تعال
واثبت إنو هواك حقيقي !!
أبقى لي ضُل في الهجير
وأبقى سندي وجد رفيقي
يلا جيب مهري وتعال
وبي هواك صارِح شقيقي !!
*** ***
بالحلال توٌج غرامك
والشراكة تكون حقيقة
بهدي ليك حزمة نجوم
ووردة وأطفال من حديقة
ليك بكون دنيا السرور
وتطفي في قلبي الحريقة !!
نادية عثمان مختار (حصريا) سودانيزأون لاين
ويتواصل نهر الابداع ...
Post: #132 Title: Re: جيت عشان تقلب كياني .. وتمشي زي الما في حاجة ؟!! Author: عبد الغفور حسين Date: 05-27-2008, 12:10 PM Parent: #130
لو بايدى . . كنت طاوعت الليالى ..... بإيدي كنت ساهرت الليالي لو بإيدي كنت زللت المحال.لو بإيدي كنت وكنت .يا سلام على روعتك انسجام تام بين المطروح والكلمة والنغمة لك اجمل المنى ,,.
Post: #162 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-01-2008, 01:09 AM Parent: #132
عبد الغفور حسين
Quote: لو بايدى . . كنت طاوعت الليالى ..... بإيدي كنت ساهرت الليالي لو بإيدي كنت زللت المحال.لو بإيدي كنت وكنت .يا سلام على روعتك انسجام تام بين المطروح والكلمة والنغمة لك اجمل المنى ,,.
ياسلااااااااام على كلامك وتشجعيك الجميل ..تسلم لي يارب ..
Post: #133 Title: Re: جيت عشان تقلب كياني .. وتمشي زي الما في حاجة ؟!! Author: عبود عبد الرحيم Date: 05-27-2008, 04:05 PM Parent: #1
من أشعار الاستاذة ناديةعثمان
Quote: لاتستطيع
لاتستطيع طبعا
كيفن تسيب حبى
ياغالى انا راسماك
خارطة طريق قلبى
بى روحى انا بفداك
يشهد على ربى
آدم طريقنا وحيد
اوعك تسيب دربى !!!
Post: #134 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-27-2008, 05:41 PM Parent: #133
الله عليكم ياناس سودانيز أون لاين ياناسي وتاج رأسي ..إن شاء الله ماأعدمكم يارب..قولوا آآآآآآآآآآآآآآآآآمين ..
بجيكم راجعة زول زول وزولة زولة سمح ؟
عبود ياصديقي الغالي
الحركة بتاعة تجميع القصيدة دي لذذذذذذذذذذذذذذيذة وبتساعدني في تجميع القصائد للديوان الجديد
تسلم يارب من كل شر قول آآآآآآآمين ..
Post: #137 Title: Re: جيت عشان تقلب كياني .. وتمشي زي الما في حاجة ؟!! Author: عماد محمود علي Date: 05-28-2008, 06:07 AM Parent: #134
Quote: الله عليكم ياناس سودانيز أون لاين ياناسي وتاج رأسي ..إن شاء الله ماأعدمكم يارب..قولوا آآآآآآآآآآآآآآآآآمين ..
آآآآآميييين يارب العالمين ، وما نعدكم ياستي .
مودتي وتحياتي لإيمان .
عماد
Post: #136 Title: Re: جيت عشان تقلب كياني .. وتمشي زي الما في حاجة ؟!! Author: ماجدة عوض خوجلى Date: 05-28-2008, 00:50 AM Parent: #1
ندو حبيبه كلامك سمح بالحيل متابعين وحضور من البداية تسلمى حبيبه من كل شـــر ..
Post: #138 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-28-2008, 01:11 PM Parent: #136
Quote: مافي كلمة تكفي ريدي
مهما ريدتك عشتا ليها
وما بفوت سكة حنانك
مهما يحصل ويبقى فيها
بكرة برجع لي عيونك
ومهما شوفتك اشتهيها
ما بكفي عيوني لحظة
غير تكحل بيك وشيها
**** جيبي تعب الكلمة هاتي
وخلي لي ضحكة عينيكي
دسي شوقك في عيوني
وباقي ريدي السبتو ليكي
دا الصبر مقدور عليهو
وكيف اصبّر روحي بيكي؟
وانتي شلتي الروح وسيده
ولمسة ايدو التشتهيكي
قلبي جد بالحيل بحِبّك
الإ إنت هزمت ريدي !
بمرار الكلمة منِك
بأكية أفراحي ونشيدي !!
كُنت مدخراك إنت فارس
وراجية في حُضنك جديدي !
الإ إنت أبيت تصالح
وإرتضيت ينزف وريدي !!
** ***
خايفة يتحوُل غرامي
بي شعور بغضاء وعداوة !!
إنت ماجايب لي خبراً
وروحي عذّبتها الشقاوة !
الخصام وصَلتو حدّو
ومابتفيد تاني الهداوة !!
كنتَ بحلم بالزفاف
والعقِد وتوزيع حلاوة !!
الإ هسي خلاص أبيتك
إنتَ مازولي النقاوة !!!!!
Post: #139 Title: Re: جيت عشان تقلب كياني .. وتمشي زي الما في حاجة ؟!! Author: عبد اللطيف السيدح Date: 05-28-2008, 01:41 PM Parent: #138
لنهرب قليلاً من حريق السياسة، ورماد التمرد ، ولهيب الخلافات، وزمهريرالرصاص ،ودانات خليل ،ونيران
Post: #140 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 05-28-2008, 02:40 PM Parent: #139
ود السيدح ياراقي
تسلم يارب وسامحني على الغياب ..
لكن بجي مرة مرة لانو معاي ضيوف أعزاء الأيام دي منورني في بيتي ..
سمح ؟!!
Post: #172 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-01-2008, 08:13 PM Parent: #139
بجي !
Post: #164 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-01-2008, 07:14 AM Parent: #136
الحبيبة الغالية ماجدة عوض خوجلي
تسلمي من كل شر ياغالية
وتحلى أيامك وأيام أحبابك يارب قولي آآآآآمين ..
Post: #142 Title: Re: جيت عشان تقلب كياني .. وتمشي زي الما في حاجة ؟!! Author: ناجي عز الدين الصديق Date: 05-28-2008, 03:35 PM Parent: #1
الإخوة الاعزاء / ناديه عثمان وعبدالله وداعه تحية طيبه
جيت اشوفكم كيفكم انتم وفي التباري وينكم وصلتم أصلي مولع بكلامكم اليهو فاد فيهو معنى وفيهو مغذه وفيهو ذاد عبدالله شفتك في قصايدك في التسابيح والتهاليل وانتي يا ناديه برضي شفتك من خلال عودة الزمن الجميل وإلى الملتقى
Post: #143 Title: Re: جيت عشان تقلب كياني .. وتمشي زي الما في حاجة ؟!! Author: Raja Date: 05-28-2008, 04:11 PM Parent: #142
نادية يا حبيبة..
كلام سمح بالجد.. وأحساس حلو لكن الزول ما بيستاهل ..
أنا غايتو اي زول كسًح ما بتذكرو حتى... بالسلامة والقلب داعيلو
Post: #146 Title: Re: جيت عشان تقلب كياني .. وتمشي زي الما في حاجة ؟!! Author: انعام عبد الحفيظ Date: 05-28-2008, 10:13 PM Parent: #143
ندوية العسل
إشراقاتك خطيرة بالجد
ما تورونا ياخ الحاصل شنو ؟
ــــــــــــــــــ
قصيدة جميلة جميلة شديد
Post: #148 Title: Re: جيت عشان تقلب كياني .. وتمشي زي الما في حاجة ؟!! Author: عبدالله وداعه الامين Date: 05-29-2008, 02:04 AM Parent: #146
Quote: قلبي جد بالحيل بحِبّك
الإ إنت هزمت ريدي !
بمرار الكلمة منِك
بأكية أفراحي ونشيدي !!
كُنت مدخراك إنت فارس
وراجية في حُضنك جديدي !
الإ إنت أبيت تصالح
وإرتضيت ينزف وريدي !!
** ***
خايفة يتحوُل غرامي
بي شعور بغضاء وعداوة !!
إنت ماجايب لي خبراً
وروحي عذّبتها الشقاوة !
الخصام وصَلتو حدّو
ومابتفيد تاني الهداوة !!
كنتَ بحلم بالزفاف
والعقِد وتوزيع حلاوة !!
الإ هسي خلاص أبيتك
إنتَ مازولي النقاوة !!!!!
قلبي شايل ليك محنة
وريدة تفضح سر نشيدي
وما قسيت شان انتي تقسي
وتاني نفس الحال تعيدي
وانتي عارفة الشوق ونارو
وقدر ايه عارفاهو ريدي
وياما حضن الليل سقيتو
دموع ,,, وسكّنتك وريدي
**** مين يخاصم روحو فيكي
وانتي سر كل الهداوة
ومين يعادي عيون تريدو
ويدي لي روحو الشقاوة؟
البحب من جوة قلبو
وروحو تتقطر نداوة
ببقى في الاخر مسامح
وعمرو ما بشيل العداوة
Post: #168 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-01-2008, 09:32 AM Parent: #146
إنعام عبد الحفيظ صحبتي العسللي
Quote: إشراقاتك خطيرة بالجد
ما تورونا ياخ الحاصل شنو ؟
ماهو لو إنتي زمااااااان قدمتي السبت ووريتينا إشراقاتك كان هسي الليلة الأحد وريناك ياإشراقة ويامشرقة
قايتو جنس شمشرة قايتو !!
Post: #166 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-01-2008, 08:52 AM Parent: #143
رجاء بت العباسي ياصديقة أروع الأيام
رجوية
Quote: كلام سمح بالجد.. وأحساس حلو لكن الزول ما بيستاهل ..
صدقي إنو رغم غتيت وغلس غلاسة السنين لكنو بستاهل
Quote: أنا غايتو اي زول كسًح ما بتذكرو حتى... بالسلامة والقلب داعيلو
والله إنتي أكتر زول ريااااااد ورومانسي وبكاي كمان تقولي لي بالسلامة والقلب داعيلو قال
Post: #149 Title: Re: جيت عشان تقلب كياني .. وتمشي زي الما في حاجة ؟!! Author: عبدالله وداعه الامين Date: 05-29-2008, 02:07 AM Parent: #142
Quote: الإخوة الاعزاء / ناديه عثمان وعبدالله وداعه تحية طيبه
جيت اشوفكم كيفكم انتم وفي التباري وينكم وصلتم أصلي مولع بكلامكم اليهو فاد فيهو معنى وفيهو مغذه وفيهو ذاد عبدالله شفتك في قصايدك في التسابيح والتهاليل وانتي يا ناديه برضي شفتك من خلال عودة الزمن الجميل وإلى الملتقى
الاخ والصديق العزيز ناجي عزالدين تحية و ود لك ايها الجميل والشوق بحر والله نفتقدك جدا ونشتاق وكل الاحباب في مغرب الخير اتمنى ان تكون والاهل بخير وعافية وتسلم يا حبيب على الكلام الجميل والروح الحلوة كامل مودتي ومحبتي لك ودمت كما عهدي بك قلب وانسان
Post: #157 Title: Re: جيت عشان تقلب كياني .. وتمشي زي الما في حاجة ؟!! Author: ابوعسل السيد احمد Date: 05-29-2008, 03:11 PM Parent: #1
شاعرتنا الجميلة نادية،
هي عادة قديمة درجت على إتيانها كلما قرأتك في هذا الفضاء؛ أن أحمل الروح و اللب و الحروف الحائرة و النجوم التي تغافل أضواء المدينة (القاهرة)، ثم أهتف في استحسان : ما أنبل قلبها هذه المرأة (الطفلة) شعرها يسافر بالروح..!
عبرك أحيي أصدقاء المدينة (القاهرة)، و الأقمار في عزلتها، و أزهار البساتين جميعها.. بخير دائما، كُني..
بوعسل
Post: #180 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-02-2008, 05:57 PM Parent: #157
Quote: شاعرتنا الجميلة نادية،
هي عادة قديمة درجت على إتيانها كلما قرأتك في هذا الفضاء؛ أن أحمل الروح و اللب و الحروف الحائرة و النجوم التي تغافل أضواء المدينة (القاهرة)، ثم أهتف في استحسان : ما أنبل قلبها هذه المرأة (الطفلة) شعرها يسافر بالروح..!
عبرك أحيي أصدقاء المدينة (القاهرة)، و الأقمار في عزلتها، و أزهار البساتين جميعها.. بخير دائما، كُني..
Post: #185 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-03-2008, 11:15 AM Parent: #161
أخوي الغالي ياسر طيفور
والله جيتك فرحتني شددددديد !
Quote: يا سلام يا نادية لما (يرقُص) الشعر.. و يبقى (الشبّال) قصيدة..
أبقي طيبة يا نادية ___ وتحية لكل ضيوفك
وكلامك الحنين ده بيشجعني وبلهمني أكتر
عشان أصلا الطيبة والنقاء والمحبة لوجه الله هي البتحرك فينا الإلهام ..
تسلم أخوي الغالي وماتشوف شر أبداً ياود طيفور ..
Post: #184 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-02-2008, 11:16 PM Parent: #159
عبود الأخ والصديق الغالي
شكراً على كل شئ جميل
ويارب ماأعدمك أبداً ياصديقي الغالي
Post: #186 Title: Re: جيت عشان تقلب كياني .. وتمشي زي الما في حاجة ؟!! Author: الله جابو Date: 06-03-2008, 11:49 AM Parent: #1
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !!
دا شعر دا يا مرسي ؟؟!!
Quote: القاهرة في ليلة نصف صيفية في الساعات الأولى من صباح الثالث والعشرين من شهر مايو !!
عايشة الدور !!
Post: #187 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-03-2008, 12:31 PM Parent: #186
Quote: الله جابو
الله جابو الليلة جانا
الف مرحب بيك حبابك
جاي تتريق علينا
مابنقول أعمل حسابك !!
خلي يبقى الطين شرابنا
وسلسلبينا يكون شرابك !!
عشنا دور ماضرّ زولاً
لا غلطنا على جنابك !!
بركة جيتنا الليلة زائر
وتاني مرحب بيك حبابك !!
ده ترحيب وكلام ساي عشان ماتقول شعر لا سمح الله !!
Post: #189 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-03-2008, 07:05 PM Parent: #187
برجع ياعبد الله سمح ؟
Post: #192 Title: Re: جيت عشان تقلب كياني .. وتمشي زي الما في حاجة ؟!! Author: عماد محمود علي Date: 06-04-2008, 07:09 AM Parent: #186
الأخ الله جابو
السلام عليكم ورحمة الله وبركاته ،
Quote: دا شعر دا يا مرسي ؟؟!!
لو بتعرف ليك شاعر كده أساله ده شعر ولاّ لا !!! يا أخي الشعر في حد زاته أحاسيس بتتولد فجأة كده ومن غير مقدمات وليس بالضروري أن يكون شعراً فصيحاً والاخت نادية يشهد لها الجميع بأنها من الشعراء والكتاب والصحفيين المتميزين ولها العديد من الشعر والنثر والمقالات ما يغطي عين الشمس ،،،، بس إنت تابع ...
Quote: عايشة الدور !!
ليست هي من عاشته بل هو الذي عايشها لانه ليل الشعراء .
خليك بس قريب وما تخرمج .
عماد
Post: #193 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-04-2008, 08:22 AM Parent: #192
عماد الغالي سلام
عاين
أنا الحمد لله عمري مادخلت بوست زول بغرض التخريب !!
لأني بعتبر إنو بوست الزول زي بيتو بستقبل فيهو ضيوفه وبسمع رأيهم وتعليقاتهم حتى لو كانت سلبية بصدر رحب !!
وماإتعودت بصراحة أتجاهل زول يدخل بوستاتي حتى لو جاي وقصدو التجريح والتهاتر والإساءة بدون سبب معلوم !!
مافي مشكلة ياغالي وربنا يدي كل زول على قدر نيتو !!!!!
و
بس !!
Post: #196 Title: Re: جيت عشان تقلب كياني .. وتمشي زي الما في حاجة ؟!! Author: إسماعيل حميم Date: 06-04-2008, 10:12 AM Parent: #193
Quote: الأعزاء نـادية عبدالله
ما زلت أسكن هنا وأستمتع بالعقد المنظوم ببهجة الحرف البارق حساً ومعناً وسأظل . . . .
مرفق تقديري العميق
إسماعيل حميم
نادية وعبدالله
إن كان شعراً فأنا كما أنا أعلاه
وإن كان "ونسة" فأنا أكثر إستمتاعاً لـِ "ونسة" تحمل كل هذا النغم والجمال
مرفق مرة أخري عميق التقدير والمحبة
إسماعيل حميم
.
Post: #197 Title: Re: جيت عشان تقلب كياني .. وتمشي زي الما في حاجة ؟!! Author: عماد محمود علي Date: 06-04-2008, 10:12 AM Parent: #193
عارف .. لأنها ليست من شيمتك ... فشيمت الأكرمين العفو .
Quote: لأني بعتبر إنو بوست الزول زي بيتو بستقبل فيهو ضيوفه وبسمع رأيهم وتعليقاتهم حتى لو كانت سلبية بصدر رحب !!
رأي سديد ... وبجي منك .
Quote: وماإتعودت بصراحة أتجاهل زول يدخل بوستاتي حتى لو جاي وقصدو التجريح والتهاتر والإساءة بدون سبب معلوم !!
هنا بقى بختلف معاااك تماماً ، دي إنت بس ... أحيانا ًردك بكون ليهو رد فعل معاكس ... والتجاهل بكون أفضل علشان صاحب المداخلة يفهم بأن رسالته وصلت لطريق مسدود ويرجع تاني من أول ويبحث عن مخرج لما كتبه في حق الغير. وهذا منا للاعتماد .
Quote: مافي مشكلة ياغالي وربنا يدي كل زول على قدر نيتو !!!!!
آمين يارب العالمين . وإنت أصلك نيتك بيضاء وصافية ذي اللبن وذي قلبك الكبير ده .
Quote: و
وتسلمي ...
Quote: بس !!
حاااضر ... سلاماً قوُُل من ربٍ رحيم .
عماد
Post: #198 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-04-2008, 12:12 PM Parent: #197
عماد الغالي تسلم يارب وإن شاء الله ماأعدمك قول آآآآآآآآمين
Post: #199 Title: Re: جيت عشان تقلب كياني .. وتمشي زي الما في حاجة ؟!! Author: عماد محمود علي Date: 06-04-2008, 12:21 PM Parent: #198
Quote: عماد الغالي تسلم يارب وإن شاء الله ماأعدمك قول آآآآآآآآمين
Post: #191 Title: Re: جيت عشان تقلب كياني .. وتمشي زي الما في حاجة ؟!! Author: نادية عثمان Date: 06-03-2008, 09:49 PM Parent: #190
الغالي عبد الفتاح أيو شيمة
Quote: قصيدة رائعة
ومشاعر واعية
متابعين واصلي
إلا الكلام المر
ما تتأثري بيه
أصلو من برّة القلب
الله يديك العافية
يا بتّنا
كلماتك الطيبة هذه وكلمات من هم مثلك من أصحاب النفوس والارواح والقلوب المعافاة من أمراض البشرية أعتبرها ذادي ومعيني ومكمن أفراحي الكبيرة في هذه الدنيا الزائلة ..
فشكراً لحضورك الطيب وكن في الجوار دوما ياولدنا ..
Post: #194 Title: Re: جيت عشان تقلب كياني .. وتمشي زي الما في حاجة ؟!! Author: العوض المسلمي Date: 06-04-2008, 09:38 AM Parent: #1
الرد الأول من روح الزول الحبيب ديّة للدنيا ما لي نادية بتّه الحبيبة وهو في كلام قديم قال " أواه يا وطن العصافير الملوّنة الجميلة؛ وصرّح ليك عديل " جُدَدٌ من الأزمان تفصلنا وقد عزّ اللقاء" وحسّع روحو الحلوة بتقول: كان حرام أو ما حرام كنت عايزاني أواصل ياحرام ما كمان بالله قولي كل حاصل النجوم ما شرّقت بعد الشروق ما غربت وفي الغروب ما من جديد ما شرقت وانا عشان خاطرك ضقت مر كيف العواذل كيف تزيد وتشيل تودي وانا برضي حامل لي أذاهم ولي أذاك انا كيف بجامل ضايق الغربة وسنينا كمان بجامل وانت ما عارفا العلي ولا شي حاصل ياخي ما ممكن تسافر؛ مرة جامل لكن الحق البقولو وهو حاصل انت أرضيك لي غرورك وما بتجامل وبكرة تتلقاك دنيا تشوفي فيها ايه اللي حاصل وتعرفي الكلمة الحنينة جاية من قلب مجامل ولو فلت مني اللسان مرة عابر كان تقدري تبلعيها من غير ما اشاور إلا عندك وباقي جندك هم حددوا للمصاير وماني فاكر اللا يوم فيه اني صابر وكسرة القلب الشديدة في ليها جابر انت تنسي كل ما كان بينا داير تنسي روحك تقفلي كل المعابر البيني بينك وحتلقي اني ديمة صابر بتعرفي ايه مشكلتك انت؛ انت مغرورة مشاعر الا قلب الزول بداري ماهو المكابر وما داريه بي حقيقة إنّو حبي أغلى من كل المتاجر ومن كل المتاهات دخلت فيها من دون سواتر يستر الله على الفضل من عقلي دي ما يقوم يدخلنا الدرادر يا بنتي لو جبر الخواطر بودي فينا على المذلة يبقى ما دايرين خواطر ولا العذاب الشفتو فيك بشفعلي شان تاني أخاطر كل الحصل ما كله منك ومن غرور منه ساتر
اقرئي هذا الرد بتمهل فيه ملحوظات مهمة؛ الرد الأول هذه مقتطفات من قصيدة معبّرة له كان فيها دفق مشاعر ؛ وكان مفجوعاً مثلك يابنيّتي ندّوية كمقدمة لرد روحه على قصيدتك الجميلة المعبرة عن أصالة نادرة. ( منه من قديم) أواه يا وطن العصافير الملوّنة الجميلة جدد من الأزمان تفصلنا وقد عزّ اللقاء) كان حرام أو ما حرام كنت عايزاني أواصل ياحرام ماحرام بترجعيني تاني لي دنيا المظالم انت لو عارفاني وين ما كنت دفّقتي المشاعر احفظيها عشان زماناً جايي لي دفق المشاعر الجنان يا حبي شفت فيها دفيق المشاعر بي رواقة وبي لطافة جد بتهويمات شواعر جلسة صافية على ضفافا جد بتسعد للخواطر أما دنياكم حبيبة فيها أخطر من مخاطر كلمة مرة وسحنة شرّة حقد أسود وبي جباير أما آخرتنا الحنينة مفروشة مخصوص للصوابر كل ذل شفتيهو برة تنسيه بي جبر الخواطر يسعدوك كيف يا حبيبة أصلو ما منظور لعابر شي مغاير غير مكابر أنا برجاك يا مشاعر كان سعد دنياك؛ داير وعافي ليك كل الضراير إلا لما اليوم يجيبك أوعي ترفقي زول مجاور رغم إني هَنَايْ مدور حورنا مليانات سراير إلا حبي دا ما مسطر لا بِنَّسي لا ليه جابر لأنه رب الكون أراده وما في شي بجيب مغاير
Quote: إلا لما اليوم يجيبك أوعي ترفقي زول مجاور رغم إني هَنَايْ مدور حورنا مليانات سراير إلا حبي دا ما مسطر لا بِنَّسي لا ليه جابر لأنه رب الكون أراده وما في شي بجيب مغاير
يا ايها الشعراء لاتحرمونا الابداع فحتي ايام الاحزان والالام نحتاجكم
قلت آخذ الإذن بعدين أنزلها في بوست نفسي ألبس عمّة.
معليش كل ما أشوف لي عمّة شعر جسمي يقوم؛ بتذكر أهلنا الزمان وحنان.
بالمناسبة بنيّتنا دي مسافرة السودان واللا شنو؟
بس إن شاء الله ما يكون في عوجة ليها كم يوم ما ظهرت
ومشكورين على رفع البوست الجميل دا
الله يديك العافية
Post: #208 Title: Re: جيت عشان تقلب كياني .. وتمشي زي الما في حاجة ؟!! Author: ناجي عز الدين الصديق Date: 06-06-2008, 01:24 PM Parent: #1
الأعزاء / ناديه و عبدالله التحيه لكم من مغرب الخير الموت الصامت هو وحده الموت ......... اما الذين يثقبون باظافرهم رخامات قبورهم ، ويكتبون شعرا ، ويرسمون الحياة على خشب توابتهم فلا احد يستطيع ان يهزمهم . لكم التحية اينما كنتم دمت كما عهدي بك شعراء وإلى الملتقى يا اصدقائي
Post: #212 Title: Re: جيت عشان تقلب كياني .. وتمشي زي الما في حاجة ؟!! Author: عبود عبد الرحيم Date: 06-19-2008, 02:12 PM Parent: #208
البشيل يا هو البجيب هو قادر شان يشيل زي ما بجيب كل قرصة حنينة منو تفهميه عاد ما عجيب تعرفي منه القريب الما بعيد كيفن يطيب جرحاً ملوث بالألم قبل الوجيب هو عاد ما حبيب انت بس كيف تفهميه شوفي خلف النظرة ديك في كم حبيب شايل معزّة لو شفتيه شان خاطرك يطيب الفقد داك لو ماهو كان شفنا النشيد العطّر الكون بالنحيب ورود مشاعر طالّة زي شخب الحليبــــــــــــــــــــ
Quote: الفقد داك لو ماهو كان شفنا النشيد العطّر الكون بالنحيب ورود مشاعر طالّة زي شخب الحليبــــــــــــــــــــ
جرتق عرس والريحة تنطق رغم أحزان الفريق إيقاع يرزّ زي العجب لحناً رهيب طارت عقول ذهبت أفول والناس تقول والدنيا ليل يا ربّ مين هدا الحبيب منو دا العريس الما بستجيب المخو طاقق ما يوقف دا النحيب وكل دا وما من مجيب الوردة بس تسكت تكب لحناً عجيب داك المطرّز بالندى والياسمين والند عجيب قدلة بخور بين السحب شان الحبيب لي روحو يطرب ينطرب ذاك الحبيب والناس هناك في الحيرة مكتولين جبيب يا وردة دمعك غالي شان صنع الندى والكرم العجيب صنع النفس لم تكون ناسية النفس والقلب شقيان بالوجيب كل همّو كيف يلقى الحبيب الما بعود في يوم قريب كيف تنسى نفسك يا نفس جاك الهلاك وإت ما مجيب أو مستجيب ــــــــــــــــ حاشية:
...................
..