الأسلحة الكيميائية وحقيقة استخدامها في السودان في منتدى ميديكس للحوار
|
|
 هههههههههه..نسوان مغتربين ...بدون زعل ..
|
النساء المغتربات والنت
--------------------------------------------------------------------------------
سعدية ورقية جارات في نفس العمارة وقايمين في النت جديد
اتلاقو صدفة على الدرج ( السلم ) :
رقية : سعدية !!!! سجمي والله ما عرفتك
سعدية : اجي كيفن ما عرفتيني؟
رقية: ما شاء الله مالك بقيتي قدر ده ؟
سعدية : هي دي موية ملح ساي .
رقية : موية ملح عرفت دربك يا دوب ؟ ما ليك عشرين سنه بتشربي فيها مالا ما نفختك الا هسه ؟
سعدية : هي وانت الهينة !! ما شايفة روحك بقيتي كيف.
تضحك سعدية ورقية اعترافا بالواقع ..
سعدية : والله انتي عارفة من ما اتعلمت الداهي الاسمو النت ده وانا من ما اصحى اكش ليك الاولاد سريع على مدارسم وفرد قعدة
رقية : وهو انتي براك وحاتك انا بس اخت ليك سيرمس الشاي والسندوتشات جمبي وكل ما القى لي موضوع مسخن يلا قرمة وجغمة .
سعدية : اسمعي قالو نوال جارتنا عندها بكى مشيتي عزيتي ؟
رقية:بري والله امبارح المنتدى حقنا كان فيهو موضوع مسخن سخانة ما بتتفات
سعدية : كيف وده يفوتني ما شفتيني بهدلت ليك المغرورة كيف ؟
رقية : سجمي .... وهي سجم الرماد دي انتي ؟
سعدية : بالله ما رمدت ليك عيشتها ؟
رقية: والله لكن عجبني ليها ..لكن قلت ليك ده شنو الشي العندو قرون البجي معاك كل ما تكتبي شي ده ؟
سعدية: قرون شنو يا متخلفة ده توقيعي .
رقية :وده العملو ليك منو ؟
سعدية : هديل بتي يا يمة ما اعدما .
رقية : التصبر لي سها بتي مالها ما بتعمل لي توقيع
سعدية : هسي ما قلتي لي كيف موضوع البكى ؟
رقية : انا غايتو برسل ليها ايميل
سعدية : اخير والله ..... وانا ببكي معاها في الماسنجر... الساعة كم؟
رقية :الساعة واحدة
سعدية : خلاص هسه بعد ده الجماعة بجونا الداير ياكل والداير يشرب
رقية : بس عليهم ... غايتو الليلة انا ناوية اغير ليهم شوية.
سعدية باستغراب شديد : يعني الليلة تبختي ليهم في البيت؟
رقية :لالالالا انا قصدي اغير المطعم !!!!!
جبتهو من الرابط دا :
http://vb.sudanson.com/showthread.php?t=32729
|
|
 
|
|
|
|
|
|
|
|
Re: هههههههههه..نسوان مغتربين ...بدون زعل .. (Re: osman righeem)
|
Author: osman righeem
Quote: تحياتي
وكيف حال رجال الحريم المغتربات؟
لو ما عارفهم بديك النموذج |
ياعثمان يا اخوي ..
ديل ما مقصرين معانا ..بيخلونا نحضر الكور المشفرة مجان ..
بلا قهاوي ...بلا تدخين سلبي ..
لكين ما في مشكلة جيب لينا نموذج ...
بعرف وحدة كانت شغالة كويس وكدا وعقدت على واحد من السودان ..
لمن فنشوها قبل الدخلة ...
الراجل عنكب ورفض اتمام الزواج بالسودان ..
اما دبي دار الحي ولا انسى ...
تحياتي...
| |
|
|
|
|
|
|
|
|
|
Re: هههههههههه..نسوان مغتربين ...بدون زعل .. (Re: osman righeem)
|
osman righeem
Quote: اخوي محمد
سلام
بديك نموذج للفئات
اكتر من كده بخسر كتير من الامتيازات
|
osman righeem
يا اخوي مالك خائف ...
ياسر ميرغني بيقول انت بتخش النار الحراقة...
ههههههههههههه
قايتو انا امبارح راجل مغتربة عشاني عشوة كاربة ...
ومعاها باسطة ...
بس بيني وبينك هو بقى سمين من العطلة ..
كدا ما كويس ..
| |
|
|
|
|
|
|
|
|
|
Re: هههههههههه..نسوان مغتربين ...بدون زعل .. (Re: وضاحة)
|
الأخ محمد أبراهيم
| Quote: غايتو حكاية البكيات بالمسنجر ح تريح الرجال شديد |
هو بالله لسة في رجال بيودو نسوانم بيوت البكيات؟؟ غايتو نحن رجالنا الله ريحهم عديل كدة \
كل واحدة قاشرة بي عربيتها و يا الحلة جاك بلا
و كدي دقيقة يا أخوي النسألك،، الحريم الإتنين ديل يا دااااااااااااابن جابن خبر النت و البرامج دي؟؟
كان كدي نحن ضاربين السما جير و النجوم منكير 
| |
|
|
|
|
|
|
|
|
|
Re: هههههههههه..نسوان مغتربين ...بدون زعل .. (Re: نوسة)
|
نوسة
Quote: الأخ محمد أبراهيم
Quote: غايتو حكاية البكيات بالمسنجر ح تريح الرجال شديد
هو بالله لسة في رجال بيودو نسوانم بيوت البكيات؟؟ غايتو نحن رجالنا الله ريحهم عديل كدة \
كل واحدة قاشرة بي عربيتها و يا الحلة جاك بلا |
انتي يانوسة يا اختي مغتربة وين ؟؟
قصة الحريم يمشو براهن دي ما خلوها...
الموضة بقت الحريم مع رجالهن ..
ما شفتي بيكهام ومرته مشو امريكا سوااا..
قايتو نااس دبي دي موضتهم..
لو الموضة ما كدا نلبس العمة وين؟؟؟
خليني من دا كله ..
قريتي نسوان المغتربين والدهب الفالصو ..
(مغتربة)مسكوها بكميات كبيرة من (الذهب)
| |
|
|
|
|
|
|
| |
Mohammed Ibrahim Othman
ناهد بشير الطيب
osman righeem
وضاحة
نوسة
فيس بوك
تويتر
انستقرام
يوتيوب
بنتيريست