Post: #1 Title: الكحلاوي ..ونانسي عجاج..سف وقارن ..الجن الكلكي قولوا امين Author: عمر الفاروق Date: 05-21-2008, 11:36 AM
إمكن عشان بحب الكحلاوي شديييييييييييييييد وما بحب زول يغني غناهو !! إمكن عشان نانسي بتزعط الفكرة في غناها .. اللهم غير الإيقاع الواضح والراقص حيناً مع نضافة التسجيل فإنه لا علاااااقة بين جنون وشقى الكحلاوي وبين شقى نانسي وجنونها .. صدقوا أو لا تصدقوا شقي ومجنون دي بسمعا في اليوم زي 15 إلى 30 مرة والرقم حقيقي ما صيغة مبالغة .. ومااا بكضب عليكم زعلت شديييد لمن سمعت نانسي دي بتغنيها لأنو شايف ماف اي علاقة بين الأدائين وعذرت الناس الحكمت على روعة أداء نانسي لأنهم ما سمعوا الكحلاوي بيغنيها بي الصورة البتسمعوا فيها أسة دي ..
الكحلاوي ده شي كده من الخيااااااااااااااااااااااااااااال والله العظيم .. اريتا ريتا ريتا ريتا ريتا ريتا ريتا ....نغمة يخرجها الحلاوي في الحفلة وهو في قمة الإنتشاء الطربي والنسوان أم شلوخ حولوا ... يا سلاااااااااااااااااام عليك يا كحلاوي ... الله يرحمك ياخ بقدر ما أمتعتني في الدنيا دي ..
عمر الفاروق وكان سمعتها بالرق تعمل شنو؟؟؟؟؟؟؟؟؟؟؟؟ أقول ليك أنا؟؟ أقرب صينية تختار ليك أقرب ركن فيها وتقيف فيهو لكن في صينية فيها ركن ؟؟؟؟ ولا يهمك ما مجنون وكدا
ذكرتني سواق الترحيل عندنا في التسعينات جبارة بق بق أظرف الناس وأطيبهم قلباً كان شيال مع الكحلاوي تصدق أنا ساكن الخرطوم وهو ماسك خط أم درمان أركب معاهو وننزل الزملاء والزميلات واحد واحدة وونستنا مدورة ،،، مرة نسمع شرائط قديمة طرب أصيل ومرة يغني وأنا أشيل معاهو وكان الكحلاوي حاضر معانا مرة عملنا حنة عزابة لي زميل كان صوت الكحلاوي سيد الحاضرين شكراً عمر
Post: #3 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: محمد سنى دفع الله Date: 05-21-2008, 12:48 PM Parent: #2
أنا بسمع بإحساسي يعني ما بعرف تكنيك الموسيقى و كلام العلم ده ... كنت طايره مع الكحلاوي و جنه .. حسيت انو بغني لنفسه بطرب عالي جداً و ما حاسي بما حوله .. إتذكرت الصوفية ما عارفة ليه ..
نانسي عجاج رغم انها في بعض الأغاني أبدعت لكن في دي جانبها التوفيق ..
السني يا ود دفع الله : انا لفتي هييينة كعب إنت بعدين ياخ انت وين من الجن ده .. بالمناسبة الجن بيداووى كعبة الإندراوة .. عليك الله يا السني الإندراوة دي شنو ؟ بالمناسبة فيك حلاة جن إنت ؟ العجب لو بتفلق !! شكلك فلاااااااااااااااااااااااااااق
Quote: حسيت انو بغني لنفسه بطرب عالي جداً و ما حاسي بما حوله .. إتذكرت الصوفية ما عارفة ليه ..
الكحلاوي خدر بشير بادي احمد طيب .. ديل بيلغوا وجود اي شي قدامهم وبيغنوا لي روحهم قبل كللللللل شي.. كان ما إنطربوا فوووق رقبتهم دي ما بيقتنعوا إنهم غنوا .. الكحلاوي ده غرقاااااااااااااااااااااااان في الصوفية .. الله يرحمو ..
للأسف ما عندي ...لكن عندي بي صوت شعبان عبد الرحيم بتخارج معاك ؟ تخريمة : غايتو لو زنقار كان لحق الأغنية دي فقطع شك فتحي الضو شاعر الأغنية دي يكون إتلووم الراجل جارنا في الحلة وطارح نفسو شباب .. عصام دهب ما تلخبط الناس الهنا ديل أسة تقوم تراجي تصدق !! اها طيارة الجماعة ركّت وين ؟
يا راااااااااااااااااااااااجل ده بوست ولا جبهة الشرق اصلو!!! تخريمة: وييييييين دعوة الشاليهات ؟
كمال مبارك :
Quote: حصل شفت الكحلاوي لابس فنلة أم حملات وبغنى من غير رق مباااااااالغه
غايتو شوفتها عند ابوداؤود في تسجيل في التلفزيون وعند عتيق لكن الكحلاوي ؟؟؟؟؟؟ ياخ انت محظوووووووووووووووووووووووووووووووووووووووظ بختتتتتتتتتتتتتتتتتتك لو شاهدت جلسات زي دي ..
الفاروووووووووووووووووووووق عمر سلاااااااااااااام يا طيب أخ أخ أخ .. جبتا النضمي البودي الزول للبحر وأجي عطشان .. والله لي زمن بعيد وبفتش لتسجيلات للكحلاوي وبالذات الأغنية دي والله يا اللخو يكون لك ألف التشكرات والمياركة لو نزلت لينا لينك الحفظ ولو تعذر هذا أميلي ارسلها لي فيه ولك جزيل شكر [email protected]
ازول غرامة..غرامة..سجن سجن..و انشاء الله طابور خامس ذاتو (طبعا الحيكومة تبعنا قاعدة تقول علينا كده)..
اها شفت.. انا مش واقف من باب خالف تعرف.. لكن من باب ممكون و صابر.. ياخي عندنا دي في دي.. كده.. كل يوم في وشنا..و ما تقدر تقول بغم.. لي شنو؟.. لأنو ده مزاج الحيكومة..و الحيكومات صعب الشعب يعارض مزاجها..
اها لمن لقيت لقيت الكحلاوي.. فوووووووو (زي بتاعة دحر شنو كده ما بعرفو).. عارف الحيكومة قالت لي شنو..؟ياخي رشا كانت دفعتي..!!.. لكن نانسي.. شنو كده ما بعرفو..
هو الكحلاوي كان عندو بت اسمها رشا؟ (عشان الواحد ما تبقى عليهو ميتة و خراب ديار)..
ياخي الله يقطع طاري الغنا ذاتو.. وكت بقى يتمعط في السهلة كده.. محل الرهيفة تتقد..!
كبر (حاقد على مزاج الحيكومة بتاعتو)..
Post: #22 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: عمر أحمد Date: 05-22-2008, 00:01 AM Parent: #1
والله ياعمر الفاروق في الغنية دي بالذات اصلي مامعاك الكحلاوي ما فيه اي كلام لكن بصراحة نانسي غنت شقي ومجنون باحساس جميل وماتقليد وبطريقة مريحة ومرضية جدا ... .. . لكن اغنية (بلدا هيلي انا) ماكان تغنيها لانه لحنها ملتق ومعروف رغم سماحة الكلام.
حركت الشجون وهيجت الذكريات يا عمر يا فاروق صدفة بوستك فاتح والتلفزيون شغال فيهو حسين شندي من الأمس أغنية الليلة باكية مالك يا العيون الشعر خنفس والبدلة سفاري ودماء الشباب تكاد تنفجر والحنجرة في صباها العازفين لابسين قمصان حمراء الجمهور ( أظنها من سهرات مطرب الجماهير ) أو فنان وجمهور الجمهور جمهور يكون نصهم جاي بي بصات الأهالي أو البكاسي زمن الغناء الصاح مش زي الايام دي قروش في قروش وتجارب منتديات الخرطوم جنوب عشان يطلعوا الإشادة بالغصب من النقاد يا عمك ،،من لا يملك قوته لا يملك قراره قال أعذريني قال
Post: #24 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: مريم بنت الحسين Date: 05-22-2008, 11:11 AM Parent: #1
شكرا على الجنون يا عمر الفاروق.. انا جاني اتصال من جنابو في المكتب بتنزيل الأغنية دي... وقدر ما نكته في الكود بتاع الصفحة، ما لقيت العنوان بتاع الاغنية عشان اشيل اللنك.. عليك الله نزل لينا اللينك... بالصوتين الكحلاوي ونانسي... الاتنين مجانين..
Quote: يا أخى إنت راجل فنان فنان فنان ... أنا ما عارف هل أمدرمانيتناهى السبب ؟ الحاجات الجميلة
فى الغناء تلاقى معظمها فى أمدرمان ...
نعم أمدرمان هي السبب..أمدرمان دي مش فيها المسرح القومي؟ امدرمان دي مش فيها الإذاعة القومية ؟ امدرمان دي مش فيها التلفزيون ؟ امدرمان دي مش فيها هلال ومريخ وموردة؟ امدرمان مش فيها دار الرياضة ؟ امدرمان مش فيها جامع الخليفة ؟ امدرمان مش فيها جورج مشرقي ؟ امدرمان مش بيت المال والموردة وودنوباوي والعباسية وبانت والركابية وحي السيد المكي والركابية وابروف ؟ نعم يا صديقي امدرمان هي السبب في كل الجمال المنثور في السودان .. هنـــــــــــــــــــــــــــا أمدرمان ..
Quote: ياخي الله يقطع طاري الغنا ذاتو.. وكت بقى يتمعط في السهلة كده..
ده معط بي الطريقة الصاااااااااح.. قأألو قألو قأأأألو علئئئئئئ شأقئ ومجأنون ...ده مش المعط زااااااتو .. المعط الايام دي ما غنا بس خليل ممعوط والبشير ممعوط ونحن ممعوطين وعزانا الوحيد ترديدنا: معطوني لييييه ليييييه ليييه ..معطوني ليه عايزني أعمل إيه اناااااااااا..انا إيه اناااااا..
Quote: لكن بصراحة نانسي غنت شقي ومجنون باحساس جميل وماتقليد وبطريقة مريحة ومرضية جدا
نانسي تصر على أن تؤدي كل الأغاني بنظام تقطيع الكلمات .. بتديني إحساس إنها شايلة ليها موس في خشمها .. البت دي لو عايزة تثبت قوة صوتها فأتمنى إنها تغني الأغاني بصورة طبيعية وبدون التقطيع المتعمد (بحة مصطنعة) .. ممكن صوتها الطبيعي يكون أجمل من كده .. الأغنية نعم قد تكون مرضية لكنها لم تصل حد التطريب والإستمتاع .. صدقني يا عمر الإيقاع ووضوح التسجيل سبب رئيسي في الرضا الحاصل ده ..لكن لو ختيت اداء نانسي مجرد كده حا تلاقيهو ما مرضي ..
Quote: انا جاني اتصال من جنابو في المكتب بتنزيل الأغنية دي...
صدقيني جنابو بيكون غرضو الأساسي من الإتصال أها أجيب معاي (خُبُز) ؟ لكن خجل سااااااي ورماها في الكحلاوي المسكين ده .. الله بيسألك بعد ما خلص موضوع الكاشف ونانسي ده ما جاب ليك سيرة (يا مريم ما عايزين حاجة وانا جاي ؟) الأغنيتين موجودات في صفحة سودانيز أون لاين وبيني وبينك انا أغنية الكحلاوي دي بخلان بيها كنت
Quote: فيها حاجة لو أكلت القُراصة بالدمعة و الشطة.. و حلٌيت بالقُراصة بالسمنة و العسل....؟؟!!
ما فوووكّا حاجة خيتي .. بس السمنة ما كانت بلدية !! والعسل ما عسل نحل أصلي.. السمنة كانت سمنة نباتي والعسل عسل سكر عسلاية .. الدمعة محبوكة حبكة سنييينك .. والشطة تختها في لسانك قلبك بيسووووووووووي شحححححححححححححححححححححححح.. والدمعة بارية الدمعة طاردة ..الدمعة باكية ..الدمعة إنتي بتقولي مجنون.. البت نانسي عندها أغاني إتوفقت فيها للحد البعيد وعندها أغاني جلطت فيها للحد الأبعد .. اكبر خطر طارق الأمين ما قاعد ينتبه ليهو إنو بيقدم لي نانسي شريط بتقنية وأفكار الهيلاهوب .. طارق الأمين مفروض يفصل بين شخصيته البيقدم بيها الهيلاهوب وبين طرحه الجديد كفنان وملحن ومتذوق للغناء .. وواحدة من الحاجات البتأكد كده وزي ما قال لي اخونا عمر احمد فها هي مقدمة أغنية (بلداً هيلي انا) مسروقة وبالكربون من ألحان العازف العالمي (ياني) وياني نفسه إستعان بيهو طارق الامين في كوميديا الهيلاهوب..
قالو قالوا على شقي ومجنون صحيح مجنون انتو جنوني ياحلوين ****** انتو لقلبي زاد عمره وليه المنية والسلوى جنوني عيون عيون لو شافها عطشان السنين يروى ليه ما اجن الليل البشيل الناس بشيلو هموم أقاسى مرارة الوحدة وأغالب لوعة المحروم بتعذب سنين ما ضقت طعم النوم صحيح شقي ومجنون ****** كثير امثالى من هجر الحبيب جنو إن شاء الله اجن وأزيد في الجن انتو تجافو ما تحنو إيه أنا عندي في الدنيا فؤادي انتو مالكنو شبابي الكنت بحلف بيهو دمرتوه من بدري وليكم يا حسان الحور هديت الباقي من عمري انت بتقولي اصبر الصبر كملتو بصبري صحيح شقي ومجنون ******* أساهر الليل برايا برايا برايا وبشوق السنين ممكون بتحسر وأشيل الهم على يوم بكره كيف حيكون دموعي الدمعة باريه الدمعه طارده الدمعه ذارفه الدمعه انت بتقولي مجنون وحات الضقتو في ريدكم صحيح شقي ومجنون
الفاروق إزيك،، مبدئيا أوافقك إنو بالطبع،، وبالضرورة إن يختلف أداء الكحلاوي عن أداء نانسي عن أداء زنقار أو سيف الجامعة الخ لنفس الغنية.. أمس فقط حصلت على شريط نانسي من السـودان،، وشايف في كم بوست بتتكلم عنو لكن عايز أقول راي فيهو هنا دة لو سمحت..ولو بدينا بشقي ومجنون بالنسبة لي تعتبر من أفضل الأغاني التي أجادت نانسي في أدائها!.. ربما يكون حبك الخاص للغنية بصوت سيدها وحبك لغنا الكحلاوي بشكل عام قد أثّر على تقييمك لإداء نانسي هنا.. وأنا أذكـر زمان كنا نسمع لمصطفى،، لكن لامن سمعت (من جديد) في شريط خالد محجوب الشهير زعلت جدا وصدقني قاعد الليل كلو بسمع لمن جديد بصوت مصطفى،، نسبة للإختلاف الكبير في طريقة الأداء التي أحببتها وصوت مصطفى المعبر،، يعني ما بلومك في رايك لأداء نانسي في شقي ومجنون بالذات!.. وممكن يجي بعد شوية زول بحب (يا زمن) بس بصوت إبراهيم عوض ويكون لنفس السبب عندو نفس رأيك في أداء نانسي للأغنية المعينة...(بصراحة، وللمناسبة لم توفق في رأي أسرار بابكرفي أداء يا زمن على العكس من نانسي!) حقيقة لم يعجبني أداء نانسي لجسمي المنحول لعدم وضوح الكلمات عندها،، رغم أنها أغنية مشهورة وكاتبها عتيق،، لكن لو زول سمعها أول مرة بصوت نانسي هنا فما ح يفهم أي كلمة.. أداءها لأغنية الطيف في شكل موال برضو ما كان جميل،، في الحقيقة لا تعجبني المواويل بشكل عام،، ويبدو أننا نقلناها من المصريين بطريقة آلية لا تناسب الغنا السوداني ولا مزاج المستمع السوداني،، عبد الرحمن عبد الله اشتهر بأداء الطيف ك(رمية) وليست موال وبطريقة حية،، لذلك كان أداءه لها مقبولا.. أما (بلدا هيلي انا) فأشارك أغلب الآراء التي تناولتها في البورد هنا من تشابهها مع لحن مشهور،، على فكرة،، وفي بوست آخر يا عمر قرأت رأيك عن التقليدية في ظهور صوت الطمبور عند ذكر الطمبور،، لكن في الحقيقة هي الأغنية أصلا بإيقاع الطمبور (أو الدليب) لذلك من الطبيعي ظهور نغمة الطمبور فيها..وفي أكثر من مقطع وليس في حال ذكر الطمبور فقط غايتو دي إنطباعاتي عن الإستماع الأول لشريط رفقة،، أرجو لنانسي كل التوفيق..
الأخ عمر الفاروق سلام لكن والله مبالغه ..ياخي انا في كندا وطول اليوم في السياره وشريط الكحلاوي شغال 24 ساعه لمن الاولاد اشتكوا لكن خليتهم ليك يحبوه زي.. تخيل مرات اوقف السياره واكورك معاه بطول حسي لمن الناس تقيف تشوف المجنون ده مالو.. نحن كنا بنباري حفلاته محل مافي ..يعني اخبار الحفلات البغني فيها نجيبها بالاقمار الاصطناعيه عشان بس نسمع انا انا انا انا انا انا انا بالبابور انا.. الله يديك الفي مرادك بالبوست ده.. ح احاول اسمعها من نانسي دي لكن الله اعلم اكملهامنها..كيف يفتي والكحلاوي في مدينة الغناء والطرب... ياخي ماتدينا لنك الحفظ عشان نهديها لي احبابا لينا ويعرفو نحن حالنا كيف..
عمر بما انا محب غناء الحقيبة و محب جدا لغناء الكحلاوي اقر بان طرقة الاداء تختلف بين الاثنين ...
ناسني تحاول تغطي على قصور ملكتها الصوتية بالتقطيع و الجر و المد المافي ليه داعي ابدا و يفقد الاغنية ميزتها و حلوتها.
كان عندنا في كسلا فنان حقيبة اسموا محمد مطر ..... تشرفت ان اكون من احد الكورس الاضطراريني في حفلة او اثنين .... سمعتوا في جلسة استماع يدندن بهذه الاغنية بالعود و الله قمة الابداع .
شكرا للحن و الطرب الجميل ووالله ... سمعتها من الكحلاوي غلبني (أضغط) عشان اسمعا من نانسي التحية لك ولأمثالك وانتم تبرزون هذه الجماليات وتثبت عقولنا من الجن ... وحقو نتحزم نشيل الهم علي يوم بكرة ... كيف ح يكون ؟؟؟؟؟؟؟؟؟؟؟؟؟؟؟؟؟؟
الأخ عيسى : ليك التحية على المداخلة المتميزة دي ولولا إختلاف الاراء لبارات السلع ... ومن مداخلتك أجد أن تقييم الشريط إجمالاً دون الوسط بإفتراض أن لك ملاحظات كتيرة على أغاني كتيرة .. أغنية شقي ومجنون قد تكون واحدة من الاغاني سهلة الاداء لبساطة الكلمات واللحن ورغماً عن ذلك نجد الكحلاوي جعلها صعبة الاداء بطلعاته وغحساسه العالي الموضوع على الاغنية .. نانسي يبدو إنها سمعت الأغنية بي صوت الكحلاوي وحاولت تجاري الاداء عشان كده في النص كده بتتعب وبيغلبا تجر جرات الكحلاوي .. نانسي بتقطع الاغاني شدييييد وده ما تطريب بقدر ما هو إصطناع .. البحة الطبيعية البيديك ليها ربنا ظاااهرة والمرتجلة ظاااهرة .. تسلم..
Quote: تخيل مرات اوقف السياره واكورك معاه بطول حسي لمن الناس تقيف تشوف المجنون ده مالو..
يعني ما براااي تعرف انا بكون سايق العربية وبحس ليك الناس في الشارع كلها بتعاين لي ..بعد شوية بكتشف إني بكون شغال توصيف بي يديني واكورك جوة العربية مع الاغنية ومرات براي تلقاني بقول : والله يا الكحلاوي إنت مااااااااااااا نصيح ..
يا حليلكم تلقاكم تصلوا كده تلقوا الحفلة خلصت زمان الهوا كان بيجهجه كيانا نمشي بي جاي الصوت يجي بي جاي نقعد نساسق لحدي ما الحفلة تنتهي ما نعرف كانت وين ..
Post: #46 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: خالد علي محجوب المنسي Date: 05-27-2008, 07:26 AM Parent: #45
Quote: اخونا خالد : يا زول إن شاء الله لرسل ليك اللينك بس أديها صنّة شوية ..واديني لكزة كل شوية
دي بي يدي الجاية بي عكاز مضبب وبعدها السكين من الضراع بتمرق
قول واحد
Post: #47 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: علاء الدين يوسف علي محمد Date: 05-27-2008, 07:39 AM Parent: #44
يا عمر أنا سِمعت الطيف رحل خلاني من نانسي إكتشفت ليك إنو البِت دي غير سماحتة ما عِندها مؤهلات غايتو أحسن من شروق ديك لا سماحة وش لا غُنا و سممح الغُنا من خشُم سيدو
يا أخوي سلوكنا دي أبعِدوا لينا مِنها الجِكس الناعِم دة
الأزهري 2: ياخ وقبل كللللل شي أحيييك على ذوقك وإختيار محمد احمد عوض أو كما نسميه نحن ناس الثورات(الخال).. محمد احمد عوض مدرسة متفردة احبه ايما حب وياما حفينا وجرينا وتابعنا الهواء وصوت الساوند بحثا عنه .. عليك الله شوفت ليك حنيّة أكتر من حنية محمد احمد عوض وهو بيحضن الرق ويسرح بعيداً عن المايك وهو يردد اغانيه ..
Quote: بين جنون وشقى الكحلاوي وبين شقى نانسي وجنونها ..
اتيمن احلى عند نانسي .. عليك الله عان ده .. والله نحن مافي حاجة مضيعانا غير يا حليل زمان دي .. انت اصلك يا عمر شقي ومجنون وحا تظل كده طالما انت هلالابي وما بتعجبك نانسي ..
Quote: قــوم لـــــف كـــده
وللا كده
Post: #50 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: ناذر محمد الخليفة Date: 05-27-2008, 11:17 AM Parent: #1
عن إذنك يا عمر ..
امكن إختلف معاك شوية في الحتة دي ..
وهاك رايي في أغنية الكحلاوي وأغاني تانية من الشريط :
يا جماعة معليش أفط الدور واجي لي ناذر لو تسمحوا: تعرف يا ناذر أول مرة أشوف كلامك كلام مجاملة !!!! مستحييييييل تكون قلت الكلام ده بي كامل قواك العقلية والذوقية والاضان الفنية النضيييفة !! تعرف قبل كل شي عايز الومك على حكاية : الأستاذة نانسي .. ذكرتني واحد إتصل عايز يجيب هاجر كباشي في حنتو فضرب ليها في تلفونا ردّ عليهو واحد فقال ليهو ممكن اكلم هاجر كباشي؟ داك قال ليهو الأستاذة بتصلّي معقولة ياخ الأستوذية دي بقت سااااي كده في الفن ؟ وما تقوللي انت قاصد الأستاذة بتاعت التوقير ديك لأنك بتقولها بي صورة بتشبه الاستاذ ود اللمين والاستاذ محمد وردي !!! أول مجاملة قلتها يا ناذر لمن وصفت الأستاذة نانسي إنها غنّت شقي ومجنون بي إحساس الكحلاوي !! أسة يا ناذر الله بيسألك أهو انا نزلت ليك إحساس الكحلاوي وريني حتتتتتة واااااااااحدة بس نانسي ادتنا فيها احساس الكحلاوي!!!!! تقطيع مباااااااااالغة وحتى لمن جات لي (الليل ..الليل..الليل..) غلبتا عديييل كده ووقفت في حتة في النص ما عرفت تزوغ منها وكذا الحال في برايا برايا برايا .. شقي ومجنون يا ناذر غنوها ناس كتاااار احسن بي كتييير من نانسي ونانسي دخلت ضمن من (عولقوا) و (بشتنوا) الأغنية دي .. بلداً هيلي انا لحنها مش بيشابه لحن شايقي بل هو اللحن نفسه بي الكربوووووووووووووووووووون .. وازيدك من الشعر بيت إمكن إنت ما عارفو وكدي اسأل منو طارق الأمين بإفتراض إنك ما بتسمع عالمي كتير مثلا او فاتت عليك دي لكن المقدمة نفسها مسروووقة وبي الكربون من لحن للعازف ياني .. يعني يا عمك أغنية بلدا هيلي انا عاملة زي شعر احمد شوقي الذي قال فيها أحدهم : لو نثر شعر شوقي لطاااار .. يعني اي بيت حا يرك ليهو في بيت شاعر من شعراء زمان .. اها بلداً هيلي انا لو نثرناها لطااااااااااارت فررررررررررررررررررر وكل لحن قعد ليهو في حتة حقت زول تاني.. وده أكبر عيب وقع في طارق الامين لأنو ما وضع اعتبار لأذن المستمع السوداني اللماحة جدا خالص أوي خصوصا في الالحان .. الكلمات النصييحة ما فيها كلام بس ضاعت في خضم لحن احببنا كلامته أكثر (يا مولاي)!! يعني اسة يا ناذر لو خيروك تسمع يا مولاي ولا بلداً هيلي انا بتسمع ياتا؟؟؟ باقي الشريط انا ما سمعته بي صراحة عشان احكم على كلامك فيهو .. تخريمة : اصر والح إنو الشعب السوداني ماشي في طريق شعوب الخليج وبلاد الشام بالأهتمام بالشكل أكتر من الصوت وإن كانت نانسي (مهضومي) أكتر من شروق لكن تبقا المقولة احمد وحاج احمد والبيت جمب الجامع ..
ابو صلعة زى ماقال السنى قوم لف لفاك جن يعولقك. كل زول يسمع القدرو.. غايتو نحن منحازين لنانسى وحاتك البت بتغنى باحساس صادق.. وبعدين كونها تختار الاغنية دى انا بفتكر دى عبقريه برضو.. رحم الله الكحلاوى وعاشت نانسى،،،
Post: #53 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: Ahmed Mohammed Osman Date: 05-27-2008, 05:02 PM Parent: #1
ود الفاروق اول مرة اراك مشاترا يعني عشان غنت لي الكحلاوي (حبيبك)و(حبيبنا) وما ادت بنفس الاداء او بالكررررررررررررررربون؟؟؟ ياخ لازم وقطع شك يكون في اختلاف والا ما كان في فايدة من انتاج شريط اللحن والكلمة لازم تختلف لمن تطلع من حنجرة زولين مختلفين قطع شك واتحداك تجيب لي زول غنا شقي ومجنون بي نفس احساس وطريقة الكحلاوي،، كل فنان بيضيف احساسو في اداء الاغاني يبقي مقارنة اداء نانسي واداء الكحلاوي فيهو ظلم كبير للطرفين،، قول لي كيف؟؟ اقول ليك بالنسبة لي نانسي ظلم ليها بمطالبتها بمسح احساسها وطمسو ومطالبتها بتقليد اعمي للاداء الاصلي لي قامة سامقة في الفن السوداني وبالنسبة للكحلاوي ظلمتو بي انك قارنت سنين خبرة وتطريب واداء ، قارنتو بي فنانة بادء لازال عودها لينا في الحياة الفنية شفت كيف؟؟ ياريت لو تسمع شقي ومجنون بعيدا عن اداء الكحلاوي.. ياخ اقول ليك نشيد جدادي يلقط الحب لو سمعتو في لحن ريقي باداء الكحلاوي ما ح يعجبك ---- رفقة في اعتقادي الشخصي واعتمادا علي تاريخ نانسي الحديث يعتبر خطوة ناجحة وكبيرة للامام اختيار الاغاني والاداء مرورا بالتوزيع والتنفيذ (نازر رايك شنو؟؟) حقيقة شريط ناجح وفيه طرب يتغلل جواك ويحرك سواكنك ----
ديل عجايز ساى ... على النعم نانسى تنسمع بالعين وبس
Post: #56 Title: Re: الكحلاوي ..ونانسي عجاج..سف وقارن ..الجن الكلكي قولوا امين Author: ناذر محمد الخليفة Date: 05-28-2008, 09:53 AM Parent: #1
سلام عمر الفاروق ,,
Quote: يا جماعة معليش أفط الدور واجي لي ناذر لو تسمحوا: تعرف يا ناذر أول مرة أشوف كلامك كلام مجاملة !!!! مستحييييييل تكون قلت الكلام ده بي كامل قواك العقلية والذوقية والاضان الفنية النضيييفة !! تعرف قبل كل شي عايز الومك على حكاية : الأستاذة نانسي .. ذكرتني واحد إتصل عايز يجيب هاجر كباشي في حنتو فضرب ليها في تلفونا ردّ عليهو واحد فقال ليهو ممكن اكلم هاجر كباشي؟ داك قال ليهو الأستاذة بتصلّي معقولة ياخ الأستوذية دي بقت سااااي كده في الفن ؟ وما تقوللي انت قاصد الأستاذة بتاعت التوقير ديك لأنك بتقولها بي صورة بتشبه الاستاذ ود اللمين والاستاذ محمد وردي !!! أول مجاملة قلتها يا ناذر لمن وصفت الأستاذة نانسي إنها غنّت شقي ومجنون بي إحساس الكحلاوي !! أسة يا ناذر الله بيسألك أهو انا نزلت ليك إحساس الكحلاوي وريني حتتتتتة واااااااااحدة بس نانسي ادتنا فيها احساس الكحلاوي!!!!! تقطيع مباااااااااالغة وحتى لمن جات لي (الليل ..الليل..الليل..) غلبتا عديييل كده ووقفت في حتة في النص ما عرفت تزوغ منها وكذا الحال في برايا برايا برايا .. شقي ومجنون يا ناذر غنوها ناس كتاااار احسن بي كتييير من نانسي ونانسي دخلت ضمن من (عولقوا) و (بشتنوا) الأغنية دي .. بلداً هيلي انا لحنها مش بيشابه لحن شايقي بل هو اللحن نفسه بي الكربوووووووووووووووووووون .. وازيدك من الشعر بيت إمكن إنت ما عارفو وكدي اسأل منو طارق الأمين بإفتراض إنك ما بتسمع عالمي كتير مثلا او فاتت عليك دي لكن المقدمة نفسها مسروووقة وبي الكربون من لحن للعازف ياني .. يعني يا عمك أغنية بلدا هيلي انا عاملة زي شعر احمد شوقي الذي قال فيها أحدهم : لو نثر شعر شوقي لطاااار .. يعني اي بيت حا يرك ليهو في بيت شاعر من شعراء زمان .. اها بلداً هيلي انا لو نثرناها لطااااااااااارت فررررررررررررررررررر وكل لحن قعد ليهو في حتة حقت زول تاني.. وده أكبر عيب وقع في طارق الامين لأنو ما وضع اعتبار لأذن المستمع السوداني اللماحة جدا خالص أوي خصوصا في الالحان .. الكلمات النصييحة ما فيها كلام بس ضاعت في خضم لحن احببنا كلامته أكثر (يا مولاي)!! يعني اسة يا ناذر لو خيروك تسمع يا مولاي ولا بلداً هيلي انا بتسمع ياتا؟؟؟ باقي الشريط انا ما سمعته بي صراحة عشان احكم على كلامك فيهو .. تخريمة : اصر والح إنو الشعب السوداني ماشي في طريق شعوب الخليج وبلاد الشام بالأهتمام بالشكل أكتر من الصوت وإن كانت نانسي (مهضومي) أكتر من شروق لكن تبقا المقولة احمد وحاج احمد والبيت جمب الجامع ..
الحاجة القلتها يا عمر مشاهدات أولية عن الشريط .. وما تحليل كامل ..
الحاجة الداير اوصلا شنو ..
نانسي يا عمر محتاجة نصبر ليها ونصبر عليها .. ماشة كويس والله وما دايرين نكسر مجاديفا .. موضوع الاستاذة ..
يا حبيب عندنا عرف انحنا الفنانين (أسياد الشي زاتا) .. أي زول او زولة مسك المايك وغنى دا معناتو استاذ ..
ونانسي ماشاء الله عليها ماسكة المايك من فترة طويلة وهسي عملت ليها قاعدة جماهيرية وبتوسع فيها .. فهي تستحق الأستاذية بي جدارة .. ما تتشنج في الحتة دي
لا والله يا ود العجمي .. نانسي تتسمع بي الاضان اول شيء وتخلييك تتسلطن بي مزااااااااج .. وتاني شيء هي برضو شكلها مشرّف جداً جداً .. يعني باختصار كده ياخوي (سمع وشوف) وده المخلي الدرجات العشرة التحتها فاضية.. وهي الأووووووووووووولى
علاء الدين ..يا صديقي: كتيرين طبعاً ما بيعرفوا علاء الدين عازف الأورغ وعازف العود والمغني الممتاز صاحب الصوت الجميل والدندنة الجيبة وانت بتغني قلبي يا مكتول كمد .. يا جماعة هووووي علاء الدين ده ما يغشكم ساي والله فنان فنان فنان لمن بهناك بس ساي سكّ لي درب الغرابة والجلابة والقرقابة وام بابة
Quote: يا عمر أنا سِمعت الطيف رحل خلاني من نانسي إكتشفت ليك إنو البِت دي غير سماحتة ما عِندها مؤهلات غايتو أحسن من شروق ديك لا سماحة وش لا غُنا و سممح الغُنا من خشُم سيدو
يا سلام على كرم الله ويا سلام على الربابة والشايقي.. لسة مهتم بي الشغلانة دي يا حبيب ولافكّيت الدرب مع المعايش .. لسة بسمع في شريط ثنائي العامراب الخليتو لي (وفي رواية نسيتك ليهو).. اما بخصوص الشكل فصدقني الناس ديل طالما خشوا بالدرب ده فما حايطولوا كتير ..كان بي السماحة كان عوضية عز الدين والهام الشرق لحدي اسة بيغنوا..
Quote: وده أكبر عيب وقع في طارق الامين لأنو ما وضع اعتبار لأذن المستمع السوداني اللماحة جدا خالص أوي خصوصا في الالحان .. الكلمات النصييحة ما فيها كلام بس ضاعت في خضم لحن احببنا كلامته أكثر (يا مولاي)!!
