الجبهجيه فى ظل تضارب التصريحات يكشفون معلومات خطيره !!

اولى هذه المعلومات ما اكده مستشار الرئيس مصطفى عثمان اسماعيل خلال مؤتمر صحافي
عقد امس بمقر السفارة السودانية بالدوحة
وقد اكد الشكوك والاتهامات التى قالت بأن الجبهجيه ابعدوا الجيش
عن معركة امدرمان خوفا من ان ينقلب عليهم

Quote: وافاد ان المهاجمين كان يحدوهم الأمل في أن يجدوا المساعدة والمساندة من الجيش بسبب تكوين الجيش والذي يجئ من قبائل مختلفة،

ايضا الشرطه السودانيه اخدت حقها من الاتهام والشكوك

Quote: اضافة الى توقعهم انحياز طابور خامس من داخل الشرطة.

وبهذه الافادات يكون مصطفى عثمان اسماعيل قد اكد المعلومات التى تداولت فى الايام الفائته
بين معظم السودانيين بأن الجبهجيه قد ابعدوا الجيش من معركة امدرمان خوفا منه

نأتى الى مساعد رئيس الجمهوريه نافع على نافع
والذى كشف النقاب عن استدعاء الامن للدكتور حسن الترابى
وقد المح الى ان الترابى دعم العدل والمساواه فى هجومها على الخرطوم
وسافر الى سنار يوم الخميس حتى يكون بعيدا عن الاحداث فاذا نجحت العدل
والمساواه فى السيطره على الحكم يأتى الى الخرطوم ليهنئ ويبارك ويقتسم
الكيكه مع خليل ابراهيم

اكثر من ذلك اتهم نافع الترابى وحزبه بتقديم معلومات سهلت للعدل والمساواه
الدخول الى امدرمان والهروب من كماشة وزير الدفاع

Quote: وفى السياق ذاته، اتهم مساعد الرئيس الدكتور نافع علي نافع من اسماهم «الطابور الخامس والمرجفين»، بتقديم معلومات الى متمردى «حركة العدل والمساواة» مما سهل عليهم دخول امدرمان، وأشار خلال مخاطبته ضباط وجنود شرطة الاحتياطي المركزي امس الى ان اسئلة وجهت لهؤلاء المرجفين، لكنهم ردوا بعدم وجودهم في العاصمة خلال الأحداث. واكد نافع ان المرجفين ترددوا وتأخروا في ادانة احداث امدرمان، مندداً في هذا الصدد بما وصفها بالمواقف الغامضة لقيادة المؤتمر الشعبي لجهة ان الحزب أدان العملية بعد تردد وبصورة غامضة حمالة أوجه، مع تشكيكه في جهود القوات المسلحة وما حققته من انتصارات، وقال «ان مثل هؤلاء لامكان لهم بعد اليوم في الصف الوطني المتلاحم من اجل نصرة الدين والوطن»، وقال ان القوى السياسية الراشدة والمعارضة دفعت بإدانتها للاحداث فور وقوعها، متخلية عن الخلافات الحزبية الضيقة. والمح نافع الى ان قيادات المؤتمر الشعبى سافرت الى خارج الخرطوم يوم الخميس الذى سبق دخول المتمردين الى ام درمان، مما يشير الى انهم كانوا على علم مسبق بتوقيت الهجوم ، موضحا انهم آثروا سلامتهم الشخصية ليقولوا انهم لا يعلمون فى حال فشل المحاولة أو يعلنوا دعمهم لها فى حال نجاحها،واعتبر ذلك «خيانة وطنية ودينية».

وبهذا يكون نافع قد كشف عن سبب القبض على الترابى
ونوعية الاسئله التى قدمت له
واجابة الترابى

اما ثالثة الاثافى
فقد كانت تصريحات وزير الدفاع الوكيل عريف عبد الرحيم محمد حسين الشعير بابو رياله
والذى كشف بانه وحتى دخول العدل والمساواه الى داخل امدرمان لم يحدد الوزير الهمام
مهندس الطيارات الفاشل ومن معه من قيادات امنيه
لم يحددوا حتى ذلك الوقت كيف يقابلون قوات العدل والمساواه واعتمدوا فى متابعة تحركاتها
على اتصالات المواطنين .... منتهى الفضيحه

Quote: وأبان ان حركة العدل والمساواة كانت تستهدف الاذاعة والتلفزيون والقاعدة الجوية بوادي سيدنا والكباري وقال انهم دخلوا الخرطوم من أربعة محاور واضاف (عملنا على ان تكون المعركة خارج أمدرمان) مشيراً الى ان المواطنين ظلوا يتصلون بهم ويخبروهم ان المتمردين داخل أمدرمان اثناء ما كانت القيادة العامة تبحث عن أرض للمعركة داخل أمدرمان وقال (أخيراً قررنا ان تكون المعركة بالمدرعات في شارع العرضة).

وافضيحتااااه

ويواصل سيادته لا فض فوه
ويستغرب كيف تجاوزت قوات العدل والمساواه للواء المشاه الذى كان يربض لها فى غرب امدرمان
وعلى بعد سبعين كيلو فقط من امدرمان ويقول انو ما تخيل ان يتجاوز العدو ذلك الكمين

Quote: وذكر وزير الدفاع أن القيادة العامة دفعت بلواء كامل التجهيز لملاقاة المتمردين خارج أمدرمان وقال (ما تخيلنا ان يتجاوزها العدو).

اى والله هكذا قال ...

والفضيحه الكبيره ما طلبه وزير دفاع دوله بتروليه

Quote: كشف وزير الدفاع الفريق اول ركن عبد الرحيم محمد حسين، عن حاجة الجيش الى قمر اصطناعي للأغراض العسكرية، مؤكدا وجود مساعٍ لتطوير قدرات القوات المسلحة،

اى والله
قمر صناعى عشان يشوف بيهو قوات العدل والمساواه لو جات راجعه تانى !!!

اتت كل تلك الفضائح فى صحف سودانيه تصدر من داخل الخرطوم وهى

صحيفة الصحافه - النسخه الالكترونيه

صحيفة الايام

3 وزراء انقاذيين
و 3 فضايح

تعرف الكلام دة لو فى اى دولة محترمة كان اول زول استقال رئيس الجمهورية

حتى بعدو وزرائة الميامين


بس تقول شنو

Quote: تعرف الكلام دة لو فى اى دولة محترمة كان اول زول استقال رئيس الجمهورية حتى بعدو وزرائة الميامين

الجايات اكتر من الرايحات
ما مشكلة يستقيلوا فى الكبيرة

Quote: تعرف الكلام دة لو فى اى دولة محترمة كان اول زول استقال رئيس الجمهورية حتى بعدو وزرائة الميامين

يا عمر سعد

ياخ التنظيم الحاكم دا بقوا يشكوا فى بعضهم البعض
ومنقسمين كيمان الواحد يقول ليك لو شلت فلان دا
ضهرى بينكشف والجماعه بيلحقونى امات طه

يعنى عمر البشير دا لمن جاء للسلطه كان ضابط عمليات حربيه
واخر عمليه حربيه قام بيها على ما اعتقد كانت ضد الحركه
وحرر بيها ميوم او الميرم لا ازكر
يعنى بعد دا كلو ما عارف الاخطاء البيرتكب فيها وزير دفاعه
او طاقمه الامنى ؟

Quote: بس تقول شنو

نقول
اللهم عجل بالفرج

Quote: الجايات اكتر من الرايحات ما مشكلة يستقيلوا فى الكبيرة

يعنى شنو يا ود حاكم
بعد ما الرماد يكون كال حماد يعنى