بصراحة كدا...نانسي عجاج و طارق الأمين ديل ببالغوا....!!

Post: #1
Title: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-20-2008, 04:34 PM

بلداً هيلي نا..
دموعها.. دموعي نا..
أساها...أساي أنا..
ضميرها..ضميري نا..
كل آمالي نا..
السلام يملاها..يطلع من هنا..
و الحَمَام يتشابى!
****
تقدل طفلة حلوة و بين إيديها كتابا..
و الحبوبة تمسح بالحنين أثوابا..
و القمرية تصدح..تستريح دبابة..
و القطر القبيل يمشي و يشق الغابة..
البالمبو يفتح للقلوب أبوابا..
و النُقارة ديك.. أم كيكي و الربٌابة.
****
البلد الحنين ..سميتو يُمٌة و يابا...
بين العالمين ..عزة و جمال و مهابة..
الحزن القديم ...تمطر تزيلو سحابة..
لا أطفال حزانى...لا نازحين و غلابة.
****
في العصرية ..شٌفع جارية لألعابا..
و الشاي في المغارب ذكرياتو صبابة..
أشجار التبلدي العامرة بالترحابا...
وأشجار النخيل..و قُدرتا الخلابة.
****
ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا..القُدرَتم غلاٌٌبة.
****

---
التعديل الأخير..لإرجاع الأغنية بعد أن تكرمت نانسي عجاج و أعطت موافقتها على إعادة تنزيلها.
مشكوووورة مرة أخرى...
يانا أهل بلدنا..القُدرتم غلٌابة.

Post: #2
Title: Re: بصراحة كدا...نانسي عجاج و طارق الأمين ديل ببالغوا....!!
Author: Elkhawad
Date: 05-20-2008, 05:24 PM
Parent: #1

للمقارنه ليس الا ......!

_________

يا مولاي بشكيلك شقايّ وغلبي
حظي الديمة من غيبت الأنيس جافلبي
طالت السفرة واتحطت منازل تلبي
هب الريد وعاودك الحنين يا قلبي

يا مولاي آه من غلبي
من النار حرقت قلبي

مالك نفسي مطعونة وتملي تميلي
مالك عيني للغميت أبيتي تميلي
عطشان ديمة كفح الموية ما برويني
كاتلاني الطريفية البريدها قريني

الناس عيدت مرقت على أصحابها
وأنا فريت على الجاهلي السمح ترحابها
فاطراً يحكي براق البديبي سحابها
لفت قلبي زي لف طرحتها اللافحابها

اتمنى الدهب لو لونو يشبه لونك
واشتهت الدرر لو هي تبقى سنونك
مجنون ليلى حالتو اقل من مجنونك
مادام ليلى كانت في المحاسن دونك

يا مولاي آه من غلبي
من النار حرقت قلبي

غصباً عني فارقت الضريح غير أمري
كل ما هبّ نسام منه زاد في جمري
جرحي القرب يبرأ وكاد يودر عمري
جددوا لي تغريد بلبلك يا قمري

أخضر روضه ضل فوقه المحاسن شرن
أبلج فاطره زي برق السواري الكرن
يتقسم مقاطع في المشي ويتحرن
زي فرخ القطا الأماتو ركن وفرن

عمي الهادي نشاب البريدها ضربني
قسم نومي من تيبان حيايّ سلبني
عابدين صافي أبى يقبل سؤالي صلبني
صبري الكان جميل جربته كله غلبني

*************

ختت إيدها فوق إيدي إنجذبت خدرت
حبيت أمشي من كتر الطرب ما قدرت
بقت الحنة بين ايدي واديها إندرت
لولا الحنة بيني وبينها كنت ودرت

وعن من أحبه أنا غير خاطري سرقت
هايج بي غرام عن حالتي ِخلا سرقتا
لولا دمعي يا ِخلاي كنت حرقت
لولا ناري من كترة دموعي كنت غرقت

http://blog.unmasking-islam.net/?p=724
_________
"YourAttitudeDetermineYourAltitude"

Post: #45
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:21 PM
Parent: #2

التعديل لاستعدال البوست

Post: #46
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:23 PM
Parent: #45

Post: #47
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:28 PM
Parent: #46

حذف لاستعدال البوست

Post: #48
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:30 PM
Parent: #47

Post: #49
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:31 PM
Parent: #48

Post: #50
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:32 PM
Parent: #49

Post: #53
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:47 PM
Parent: #50

شكر ليك ياممكونه

ولي كل ضيوفك الاعزاء

العاجبن اللحن والماعاجبن

القالو مسروق

والقالو علي شقي ومجنون

محبتي للجميع[

جميع التعديلات تمت بطلب فني من نوبي وصاحبه البوست

لاصلاح الخلل في انزال صور النوته الموسيقيه مع اكيد اسقي ةاعتذاري لضخامه حجم الصوره التي انزلت/B]

Post: #3
Title: Re: بصراحة كدا...نانسي عجاج و طارق الأمين ديل ببالغوا....!!
Author: ود المايقوما
Date: 05-20-2008, 05:31 PM
Parent: #1

فعلا ..

ببالغوا

وياريت تنزلي باقي اغاني الشريط ( رفقه )

واهم شى لنك الحفظ ..

تسلمي .

Post: #4
Title: Re: بصراحة كدا...نانسي عجاج و طارق الأمين ديل ببالغوا....!!
Author: khaleel
Date: 05-20-2008, 06:34 PM
Parent: #3

اجمل دويتو

Post: #5
Title: Re: بصراحة كدا...نانسي عجاج و طارق الأمين ديل ببالغوا....!!
Author: الجندرية
Date: 05-20-2008, 07:01 PM
Parent: #1

Quote: و القمرية تصدح..تستريح دبابة..

الما بالغ في بلدنا دا منو يا ممكونة

غايتو دي من اجمل المبالغات الحصلت قريب دا
وياريت البلد وناسا يبالغو كدا طوالي
ويخلونا من مبالغاتهم الشترا ديك

تسلمي يا ممكونة

عفيناك من لنك الحفظ
لكن
طيارة الخميس الشريط دا كان ما جاني فيها
ياني البجي اعمل ليكم غزوة مبالغة

Post: #6
Title: Re: بصراحة كدا...نانسي عجاج و طارق الأمين ديل ببالغوا....!!
Author: فيصل نوبي
Date: 05-20-2008, 07:13 PM
Parent: #1

ممنونة

بصراحة مش بالغو .. نانسي أبدعت و طارق الامين إنصهر
( قالو قالو علي شقي و مجنون ) نانسي ما بالغت فيها !!

_
المرة دي شخصي الضعيف ضد لنكات الحفظ تماما .. عشان طارق الامين و نانسي ما يخسرو ..
كل زول داير يستمتع .. يشتري شريط ..أو سي دي .. و كل بلد ممكن بوردابي واحد يوزع الشريط لضمان قِلة النسخ

Post: #7
Title: Re: بصراحة كدا...نانسي عجاج و طارق الأمين ديل ببالغوا....!!
Author: saadeldin abdelrahman
Date: 05-20-2008, 07:16 PM
Parent: #6

يا سلام يا دفعة عليك وعلى نانسي و طارق و ممكونة

يا ااااااااااااااااه!

دا الشريط الوحيد الألت عنو في اجازتي في السوق العربي
تقريبا قبل 20 يوم كدا، قالوا لي لسة ما وصلهم!

Post: #9
Title: Re: بصراحة كدا...نانسي عجاج و طارق الأمين ديل ببالغوا....!!
Author: فيصل نوبي
Date: 05-20-2008, 07:30 PM
Parent: #7

ممنونة بعد إذنكـ ..
ابو الدفاع
مشتاقين يا حبيبنا .. و مقصرين شديد ( و لكـ ان تجد لنا العُذر يا صديقي )
Quote: الألت
يا دفعة إنت لسه غزوة (الموز) مؤثرة فيكـ
ياخ نانسي دي من زمان قُلنا ليكم موهبة دايرة (مساحة و زمن) و الباقي ده بيجي براو ..
يهيء لي الشريط ده ما أداها جزء من حقها في الاداء لسه ..
و أتوقع منها أكثر من كده كتير .. بإختصار كده (الصيني ده إبداع )

_
لنا لقاء في الموقع و الزمان المحددين (بإذن الله).

Post: #12
Title: Re: بصراحة كدا...نانسي عجاج و طارق الأمين ديل ببالغوا....!!
Author: ASHRAF TAHA
Date: 05-20-2008, 08:52 PM
Parent: #6

كل زول داير يستمتع .. يشتري شريط ..أو سي دي .. و كل بلد ممكن بوردابي واحد يوزع الشريط لضمان قِلة النسخ

إنت الشغل ده جبتو من وين يا شقي؟

عمك طلعت عندو؟

ورينا ولو بي (ميستي كول) !!

Post: #30
Title: Re: بصراحة كدا...نانسي عجاج و طارق الأمين ديل ببالغوا....!!
Author: هشام مدنى
Date: 05-25-2008, 09:31 PM
Parent: #6

العزيز ابننا النوبي

مساء الخيرات

Quote: المرة دي شخصي الضعيف ضد لنكات الحفظ تماما .. عشان طارق الامين و نانسي ما يخسرو ..
كل زول داير يستمتع .. يشتري شريط ..أو سي دي .. و كل بلد ممكن بوردابي واحد يوزع الشريط لضمان قِلة النسخ

انت لا ترحم ولا تخلى..........

شنو الحكاية

على سبيل التحيه

Post: #8
Title: Re: بصراحة كدا...نانسي عجاج و طارق الأمين ديل ببالغوا....!!
Author: عمر الفاروق
Date: 05-20-2008, 07:25 PM
Parent: #1

بالكربون يا مولاي اه من غلبي ..
وده ما للمقارنة إلا يا خواض ..كلامك صاح وعليه ينتفي بوليغ طارق الأمين في الحتة دي !!!
نانسي زاتها ما بالغت وغتعجنت كتييير في الأغنية دي وخلتها بدون ملامح ..
التقليدية في اللحن ظهرت لي من أول مقطع بعد ما جات سيرة الربابة وقبل ما تتم باقي المقطع قلت لو الجماعة ديل جابو صوت ربابة بتعزف يكونوا تقليديين لمممن غلط ..
يذكروك بي الألحان المن يجيبو فيها سيرة النوبة تدخل إيقاعات نوبة أو جيبو سيرة العود يقوم يدندن العود ..
دي تقليدية في اللحن بي صورة مبااالغة
الأغنية بصراحة تنفع في برامج الهيلاهوب ولكن ما بتتناسب وشريط كاسيت ..
اتمنى ان لا يكون عذر الزميل طارق الأمين في تكرار فكرة اللحن إنه يجاري ما كان يفعله ناس الحقيبة بتغير الكلمات على نفس قالب اللحن ..

غايتو انتو الدايرين تبالغوهو ده بتبالغوهو

Post: #10
Title: Re: بصراحة كدا...نانسي عجاج و طارق الأمين ديل ببالغوا....!!
Author: محمد المرتضى حامد
Date: 05-20-2008, 08:00 PM
Parent: #8

Quote: غايتو انتو الدايرين تبالغوهو ده بتبالغوهو

بتبالغ

Post: #11
Title: Re: بصراحة كدا...نانسي عجاج و طارق الأمين ديل ببالغوا....!!
Author: محمد المرتضى حامد
Date: 05-20-2008, 08:17 PM
Parent: #10

ياممكونه،
سمعتي كلام الجندريه؟
وكلام فيصل نوبي برضو لزوم الدفع والملكية وحقوقا إلخ..
أنا كمان،
---------
عمر الفاروق.. لايضاهيك في مثل هذا الرأي إلا ملاسي... زمان.

Post: #13
Title: Re: بصراحة كدا...نانسي عجاج و طارق الأمين ديل ببالغوا....!!
Author: عمر أحمد
Date: 05-21-2008, 00:48 AM
Parent: #1

Quote:
للمقارنه ليس الا ......!

صاح نفس اللحن

وكمان بتخيل لي مدخل الاغنية ماخود من إيقاع (within attraction) للموسيقار ياني مع كارين الرهيبة بتاعة الكمنجة بى ضبانتو ... القالو عليه مرة ايقاع (يامطر عز الحريق) ......

كدي النشوف ناس المزيكة بقولوا شنو؟؟.

Post: #14
Title: Re: بصراحة كدا...نانسي عجاج و طارق الأمين ديل ببالغوا....!!
Author: Amjed
Date: 05-21-2008, 01:16 AM
Parent: #1

اتمنى الدهب لو لونو يشبه لونك
واشتهت الدرر لو هي تبقى سنونك
مجنون ليلى حالتو اقل من مجنونك
مادام ليلى كانت في المحاسن دونك

سبحان الله
انتو متأكديين الكلام دا ما كاتبو انا...

Post: #15
Title: Re: بصراحة كدا...نانسي عجاج و طارق الأمين ديل ببالغوا....!!
Author: ديامي
Date: 05-21-2008, 01:42 AM
Parent: #14

الخواض الفنان أكدت انك مستمع حريف ليس إلا

Post: #27
Title: Re: بصراحة كدا...نانسي عجاج و طارق الأمين ديل ببالغوا....!!
Author: نهال الطيب
Date: 05-25-2008, 08:45 PM
Parent: #14

Quote: سبحان الله
انتو متأكديين الكلام دا ما كاتبو انا...

والله العظيم ياأمجد فريد أنا يوم بموت بالضحك من تعليقاتك العجيبة دي

في البوست بتاع عيد العمال الشرط ضحكني في موضوع الجماعة شالوا حسك قايلنك بتغني

يسعد أيامك يا ظريف

ست الذوق والجمال لحده

ممكونة

معليش ما حأقدر أعلق على موضوع البوست

لأنو برغم وجودي في الخرطوم لسه ماسمعت الشريط

لكن أوعدك أسمعه وأديك رأي

محبتي

Post: #16
Title: Re: بصراحة كدا...نانسي عجاج و طارق الأمين ديل ببالغوا....!!
Author: نهي محسن أبوراس
Date: 05-21-2008, 02:37 AM
Parent: #1

والله بتبالغوا إنتو ديل ياممكونة!!!!!!
تسلموا علي الشغل النضيف...

Post: #17
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-21-2008, 10:49 AM
Parent: #1

أساهر الليل..برايا برايا.. براي برايا..
و بشوق السنين ممكوووووووووون..
أتحسر و أشيل الهم..على يوم بكرة كيف ح يكون..
دموعي..الدمعة ذارفة..
و إنتو بتقولوا مجنون..
وحات الشفتو في ريدكم..
صحيح شقي و مجنون..!!

---

Post: #18
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-21-2008, 10:29 PM
Parent: #1

مَن المسئول..
ما ذنبهم..؟؟!!!

Re: يأتي الينا الأطفال بأمراض نقص الوزن وسؤ التغذية بسب...ر في (الكوشة والخراب
---

--

Post: #19
Title: Re: بصراحة كدا...نانسي عجاج و طارق الأمين ديل ببالغوا....!!
Author: Halema2
Date: 05-21-2008, 11:03 PM
Parent: #1

Quote: البلد الحنين ..سميتو يُمٌة و يابا...
بين العالمين ..عزة و جمال و مهابة..
الحزن القديم ...تمطر تزيلو سحابة..
لا أطفال حزانى...لا نازحين و غلابة.

يا الله يا ممكونه يديك الفى مراضك ويهنيك _ قوللا امين
والله بلد هيل نا ........... دى مجنونه فى مخها .. مرقتنى من دبرسه
الله يخليك يا نانسى لى وليدك وتعيشى ليهو لحدى ما يشوف .. بلد هيلنا داك
لكم الشكر انتى وطارق على هذا الابداع
تحياتى

Post: #20
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-22-2008, 10:48 AM
Parent: #1

إستجابةً لرغبة فيصل نوبي و آخرون...
سأقوم بإنزال أغاني الألبوم...بدون لنك للحفظ*!

للسماع ..و...الإستمتاع فقط..!

--

* التقول بعرف أنزٌل لنك الحفظ !

Post: #21
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-22-2008, 11:31 AM
Parent: #1

Post: #22
Title: Re: بصراحة كدا...نانسي عجاج و طارق الأمين ديل ببالغوا....!!
Author: الطاهر ساتي
Date: 05-22-2008, 11:33 AM
Parent: #1

Quote: بلداً هيلي نا..
دموعها.. دموعي نا..

الكلمة: بسيطة وحلوة وعميقة
وبتعبر عن آمال وآلام الحال العام
وبتشم فيها ريحة البلد بالجد

اللحن : أي كلام ، عادى جدا ، مسموع كتير
تقليدى وماخوذ بالكربون من ( يامولاي آه من غلبي )
(الخواض ذواق وفنان )

الآداء : باهت جدا،أفسد الكلمة واللحن التقليدى ذاتو
صوت ضعيف

اها ياياممكونة عشان خاطرك وعيون نوبي اكتفى بهذا
وفعلا ( حب الناس مذاهب )

Post: #23
Title: Re: بصراحة كدا...نانسي عجاج و طارق الأمين ديل ببالغوا....!!
Author: Abdel Aati
Date: 05-22-2008, 11:52 AM
Parent: #22

ممكونة والجميع

شكرا ليكم على هذا البوست الاحتفائي الرائع بنانسي وطارق وجميع من ساهم في هذا العمل الجميل

Post: #24
Title: Re: بصراحة كدا...نانسي عجاج و طارق الأمين ديل ببالغوا....!!
Author: محمد المرتضى حامد
Date: 05-25-2008, 12:32 PM
Parent: #23

يا ممكونه،
جئنا لنستمع ( ريثما يصلنا الأصل المدفوع الثمن) فلم نجد شيئا بعد (عمليات الإزالة)،
بالطبع لم نسمع بهذا العمل إلا من خلال هذا البوست ويهمنا جدا أن يتم التعريف بهذه
الأعمال في حينها فلم أسمع عن عمل للفنانه نانسي إلا من خلال مشاهدة واحدة في قناة
النيل الأزرق منذ مدة تقارب العامين، ولا أظن أن الفنانه نانسي ستعترض على تقديم بعض
النماذج هنا بدون لينك حفظ.
شكرا على إبقائنا في دائرة المواكبة
مودتي.

Post: #25
Title: Re: بصراحة كدا...نانسي عجاج و طارق الأمين ديل ببالغوا....!!
Author: نانسي عجاج
Date: 05-25-2008, 05:18 PM
Parent: #24

Quote:
لا أظن أن الفنانه نانسي ستعترض على تقديم بعض
النماذج هنا بدون لينك حفظ.
شكرا على إبقائنا في دائرة المواكبة
مودتي.

العزيزة ممكنونة
عاطر التحايا اليك ، ولكل رفقتك في البوست
سعيدة بان العمل لفت انتباهك، وانتباه المشاركين .. واخد حظه من التحليل والتفحيص والتمحيص

لي عودة اخري ولكن

احب اقول.. انه فعلا يمكنك ارجاع الوصلات التم سحبها، ومافي مشكلة ، وشكرا لحسن تفهمك واستجابتك ..
وما اعتقد انه كان الغرض من انزال الاعمال الا مذيدا من الاستماع والمشاركة ..
وما اعتقد انه كان العرض من التنبية شي غير مصلحتي ..
فلكي وعادل التحية

ولكم مثلها

ولي قدام

التعديل بغرض التصحيح

Post: #26
Title: Re: بصراحة كدا...نانسي عجاج و طارق الأمين ديل ببالغوا....!!
Author: soma
Date: 05-25-2008, 08:18 PM
Parent: #25

Quote: الآداء : باهت جدا،أفسد الكلمة واللحن التقليدى ذاتو
صوت ضعيف ومصنوع مجرد من اى موهبة، يصيب المستمع بالاكتئاب
يصلح للمواويل فقط عند الضرورة ( لمن واحدة من الكورال تغيب )

الاخ الطاهر ساتى سلامات
مع احترامى جدا لرايك
لكن بالجد مهما اختلفت الاراء والاذواق
ما قدر ده..
لفنانة نانسى صوت طروب وحنون جدا
نتمنى ليها دوام التقدم
ولك اخى تحياتى وعذرا ان شاركتك فى احساسك

ممكوووووووووووونة
دايره احلى بيك يا بنية
يا بنية يا ضى القمر
يا واحة فى شمسا وحر
يا كلمة ما انكتبت شعر
ويا نغمة ما دقاك وتر
يا احن من كل البشر
يا بنية يا ضى القمر
دقـــــر يا دقـــــر

هسه ينطوا ليك ناس محمد المرتضى
يقولوا لى ده فى ممكون ؟؟؟
آىىىىى وحات الله فيها
تسلمى دائما بتجينا بالمسك و بالطيب
والدعاااااش والهمبريب

التحية للاخت نانسى وجد عمل رائع
طارق اب صلعه سلامات
وين الصلعــة
اقصد وين الطـلة يا ود الفريق والحلة
تسلموا والله
وشكرا ضل ضحى
تحياتى
اسماء الجنيد/ مسقط

Post: #29
Title: Re: بصراحة كدا...نانسي عجاج و طارق الأمين ديل ببالغوا....!!
Author: نادية عثمان
Date: 05-25-2008, 09:24 PM
Parent: #26

انا أقايتو نانسي عجاج دي ياممكونة صوتها

بيلمس وتر جوَووووووة في روحي وإختيارها للأغاني

بيخليني أتأكد قدر شنو الزولة دي واثقة من نفسها وإمكانياتها الكبيرة في عوالم الطرب البديع ..!

بالجد برافو نانسي ولي قدام دوماً

و

شكراً أُستاذي يحي فضل الله على ( رفقة) نانسي الجميلة

و

شكراً طارق الأمين

و

شكراً جميلاً الصديق الرائع ضياء الطاهر على روعة الحانك المدهشة ..!

و

مانعدمك ياممكونة الحبيبة يارب ..

Post: #31
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-25-2008, 09:31 PM
Parent: #25

Quote: العزيزة ممكنونة
عاطر التحايا اليك ، ولكل رفقتك في البوست
سعيدة بان العمل لفت انتباهك، وانتباه المشاركين .. واخد حظه من التحليل والتفحيص والتمحيص

لي عودة اخري ولكن

احب اقول.. انه فعلا يمكنك ارجاع الوصلات التم سحبها، ومافي مشكلة ، وشكرا لحسن تفهمك واستجابتك ..
وما اعتقد انه كان الغرض من انزال الاعمال الا مذيدا من الاستماع والمشاركة ..
وما اعتقد انه كان العرض من التنبية شي غير مصلحتي ..
فلكي وعادل التحية

ولكم مثلها

ولي قدام

التعديل بغرض التصحيح

العزيزة..نانسي..
سعيدة للغااااااية بمداخلتك و كرم أخلاقك...
و سعيدة أكثر بثقتك في نواياي.

كل الحصل إنو الشريط عجبني جداً جداً و رأيت أن أتقاسم متعة الإستماع له مع ناس البورد...
..دون أن أحسب مغبة ما أفعل.
شكراً للأخ عادل عبد العاطي على تنبيهي لضرورة إستئذانك..
و شكراً للأخ فيصل نوبي على عدم تنزيل لنكات الحفظ..!

لكِ فائق مودتي و إحترامي

Post: #32
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-25-2008, 09:39 PM
Parent: #31

سيداتي..آنساتي..سادتي..
نأسف لهذا الإنقطاع..
نواصل الإرسال بعد قليل.

Post: #28
Title: Re: بصراحة كدا...نانسي عجاج و طارق الأمين ديل ببالغوا....!!
Author: غباشي
Date: 05-25-2008, 09:21 PM
Parent: #1

Quote: احب اقول.. انه فعلا يمكنك ارجاع الوصلات التم سحبها، ومافي مشكلة ، وشكرا لحسن تفهمك واستجابتك

شكرا ليك يا نانسي ..
و تحياتي ليك و لطارق الأمين ود حلتنا على الإبداع المشترك ...
و بفكرك يا نانسي .. إحنا اتلاقينا في حفلةإستوكهولم أواخر العام 2007 م و بالأمارة اتصورت معاك ...
شكرا يا نانسي على الرفقة الجميلة و إحنا بنستمع ليك مع طارق .... "راجعي المسنجر"
و يا ممكونة بس نزلي لينا"بلداً هيلي نا" عشان ترسخ لينا ... و أهو الإذن جاك من صاحبة الشأن ...
و عشان ما نبقى طماعين .. دايرين غنية و احدة ....
و مشكورة على نشر الجمال ...

Post: #33
Title: Re: بصراحة كدا...نانسي عجاج و طارق الأمين ديل ببالغوا....!!
Author: فيصل نوبي
Date: 05-26-2008, 07:43 AM
Parent: #1

ممنونة ..
في الانتظار .. صباحاتكـ ورد ..

_
الطاهر
ياخ عدّل الدراب الفوق ده ياخ !!
Quote: سعيدة بان العمل لفت انتباهك، وانتباه المشاركين .. واخد حظه من التحليل والتفحيص والتمحيص
شكرا للنانسي .

Post: #34
Title: Re: بصراحة كدا...نانسي عجاج و طارق الأمين ديل ببالغوا....!!
Author: امير عوض الجمري
Date: 05-26-2008, 09:25 AM
Parent: #1

Quote: بالكربون يا مولاي اه من غلبي ..
وده ما للمقارنة إلا يا خواض ..كلامك صاح وعليه ينتفي بوليغ طارق الأمين في الحتة دي !!!
نانسي زاتها ما بالغت وغتعجنت كتييير في الأغنية دي وخلتها بدون ملامح ..

بااااااالغت يا عمر يا شين (يعني عشان طارق ونانسي مريخاب!) هههههههههه (ما بعرف اعمل الوشوش البضحكن ديك)
ياخي يا عمر على الطلاق نانسي دي فيها صوت انا ما سمعت زيّو الا مرّة كنت حلمان اني متّ ودخلت الجنة وارااااقد واعاين للتفاح في الشجرة واعزل منو والبعزلها اعاين ليها كده تجيني ناطّه من الشجرة واقرش التفاحة واسمع في صوت واحدة بتغني في طعامة غناء وسماحة صوت حاجة غرييييييييبة وصحيت لقيت ود جيرانّا امو مرسلاهو لي امي دايرة شوية (عجين خمّار) والولد مزرر قميصو غلط ولابس سفنجتو بالقلبة ..
وتاني ما سمعت صوت زي صوت الجنّة داك الا من الفناااااااااااااااااااااااااااااااااااااانة جداً جداً (نانسي عجاج)
تسلمي يا نانسي وتسلم يا طارق والى الامااااااااااااااااااااااااااااااااام ..
عمر عمر عمر : العجب كيف!!!

Post: #35
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-26-2008, 01:17 PM
Parent: #1

الأحباب الفي البوست..و خارجه..
قمتَ بإعادة إنزال ..
(( بلداً هيلي نا )) ...
و ...
(( شقي و مجنون ))...
و ...
(( ما ذنبي )).

أعتذر عن إنزال باقي الأغاني..حتى نترك للتشويق فرصة.
شكراً مرة ثانية لنانسي عجاج على مبادرتها و أريحيتها...

سأعود مرة أخرى للمناقشة و التحليل و التمحيص!

Post: #36
Title: Re: بصراحة كدا...نانسي عجاج و طارق الأمين ديل ببالغوا....!!
Author: طلال عفيفي
Date: 05-26-2008, 01:36 PM
Parent: #35

شكراً لكم

وشكراً ليكي يا ممكونه ..

Post: #37
Title: Re: بصراحة كدا...نانسي عجاج و طارق الأمين ديل ببالغوا....!!
Author: عاصم ابوبكر حامد
Date: 05-26-2008, 01:44 PM
Parent: #1

غريبة تصور ....

على العموم الف مبروك ....

Post: #38
Title: Re: بصراحة كدا...نانسي عجاج و طارق الأمين ديل ببالغوا....!!
Author: Rawia
Date: 05-26-2008, 04:06 PM
Parent: #37

ممكونة العزيزة
شكرا للبوست انا جيت بعد سحب الاغاني مما اضطرني امشي اصالح زول كنت قاطعاهو معاهو عشان متأكدة انه عندو الاغاني
وماخاب ظني واستمتعت شديد
الزول اصله مايخاصم ناس مفيدين
معجبة بنانسي وبكل اعمالها وملاحظة التطور في اداءها وبتمنى ليها المزيد من التقدم

_________________

* نزار الخواض ياعزيز متهيأ لي انه اللحن المستخدم دا لحن شعبي يخص قبيلة محددة ومشهورة بيهو وممكن ملاحظته في اكتر من عمل او اغنية مشهورة
*عاجباني خفة نوبي رغم التحذير
*الطاهر مهم جدا بالنسبة لينا تعيد نظر وتنصف نانسي لانها فعلا موهوبة

Post: #39
Title: Re: بصراحة كدا...نانسي عجاج و طارق الأمين ديل ببالغوا....!!
Author: abubakr
Date: 05-26-2008, 06:52 PM
Parent: #1

يا ممكونة الميمونة انا غايتو منتظر الشرائط او ال سي دي وما حاسمع لحدما تصل ولا حتي عند فيصل نوبي ...وعد

Post: #42
Title: Re: بصراحة كدا...نانسي عجاج و طارق الأمين ديل ببالغوا....!!
Author: طلال عفيفي
Date: 05-28-2008, 11:57 AM
Parent: #39

ممكونه ، الشريط لأبوبكر أمانه في رقبتك ..

Post: #40
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-27-2008, 09:54 PM
Parent: #1

الأخ نزار الخواض..
أتفق معاك في إنو اللحن مألوف و بيشبه ألحان لأغنيات كثيرة..
و أعتقد إنو دا سبب سرعة تقبله و سهولة هضمه..
الكلمات بسيطة و عفوية و تزامنت مع وجعات كثيرة بنمر بيها كلنا..
مما ساعد برضو على تقبلها و سهولة هضمها.

أتفق برضو مع ملاسي في إنو يا ريت لو كان الشريط يحمل إسم (( بلداً هيلي نا ))..
... بدلاً عن (( رفقة ))...
للأسباب السابقة.

Post: #41
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-27-2008, 10:12 PM
Parent: #40

الأعزاء..

ود المايقوما..
خليل..
الجندرية..
فيصل نوبي..
سعد الدين عبد الرحمن..
أشرف طه..
هشام مدني..
عمر الفاروق..
محمد المرتضى حامد..
عمر أحمد..
أمجد..
ديامي..
نهال الطيب..
نهى محسن أبو راس.....
حليمة 2..
الطاهر ساتي..
عادل عبد العاطي..
نانسي عجاج..
سوما..
نادية عثمان..
غباشي..
أمير عوض الجمري..
طلال عفيفي..
عاصم أبو بكر..
راوية..
الباش..

شكراً على مروركم/ن و مشاركاتكم/ن.

Post: #43
Title: Re: بصراحة كدا...نانسي عجاج و طارق الأمين ديل ببالغوا....!!
Author: sanaa gaffer
Date: 05-28-2008, 04:05 PM
Parent: #1

Quote: يا ممكونة الميمونة انا غايتو منتظر الشرائط او ال سي دي وما حاسمع لحدما تصل ولا حتي عند فيصل نوبي ...وعد

ابوبكر ...

خليك صامد

قربت تسمع من الاصل ...

ـــــــــــــــــــــــــــــ

صاحبة الذوق الرفيع ممكونة ...
تشكري على كل شئ ... ومن اصحاب الجمال ... ياتي الجمال ...
سلمتي ...

Post: #44
Title: Re: بصراحة كدا...نانسي عجاج و طارق الأمين ديل ببالغوا....!!
Author: abubakr
Date: 05-28-2008, 04:16 PM
Parent: #1

Quote: قربت تسمع من الاصل ...

غايتو التشيل الشرائط وما تجيبا لي اول ما تصل و مباشرة من المطار وتكسل حتدخل النار

Post: #51
Title: Re: بصراحة كدا...نانسي عجاج و طارق الأمين ديل ببالغوا....!!
Author: ASHRAF TAHA
Date: 05-28-2008, 06:34 PM
Parent: #1

يا طارق

انت ما بتقرى

كل يوم سغرو الصور

سغرو الصور

Post: #52
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:43 PM
Parent: #51

يعني انا الحن؟

ولي اصغر الصور؟

ولي امشي الحصاحيصا؟

Post: #54
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-28-2008, 06:54 PM
Parent: #52

انا يا اشرف طه ياحبيبي

لوبعرف اصغر حاجه ماكان بكون نو برومبل

قال الشاعر

لاتصغرن صغيرا في مخاصمه ان البعوضه تدمي مقله الاسد

غايتو بعد اذنك ياميمونه

بصراحه كده اشرف طه ومركز تحميل الصور ديل ببالغو

Post: #55
Title: Re: بصراحة كدا...نانسي عجاج و طارق الأمين ديل ببالغوا....!!
Author: ASHRAF TAHA
Date: 05-28-2008, 06:57 PM
Parent: #1

Quote: ولي امشي الحصاحيصا؟

ياخي الحصاحيصا دي

خليها الأسبوع الجاي

وأنا هسة بضرب ليهم

وأقنعهم

إيشي؟

Post: #56
Title: Re: بصراحة كدا...نانسي عجاج و طارق الأمين ديل ببالغوا....!!
Author: abubakr
Date: 05-28-2008, 07:06 PM
Parent: #1

Quote: ممكونه ، الشريط لأبوبكر أمانه في رقبتك ..

ياطلة وانت امانة في رقبتك تجيب الشريط وتجي خايف سنوية تصادرم

Post: #57
Title: Re: بصراحة كدا...نانسي عجاج و طارق الأمين ديل ببالغوا....!!
Author: فيصل نوبي
Date: 05-28-2008, 08:13 PM
Parent: #1

_
طارق يا اب صلعة كده ما قصرنا معاكـ

Post: #58
Title: Re: بصراحة كدا...نانسي عجاج و طارق الأمين ديل ببالغوا....!!
Author: mamkouna
Date: 05-29-2008, 00:33 AM
Parent: #1

طارق الأمين..

ما تقوم تمشي الحصاحيصا و لا هنا..
النوتة الموسيقي لـ (بلداً هيلي أنا) مقارنة بـ (يامولاي بشكيلكـ شكاي و غلبي)
و تنسى تعدِل كفٌة البوست الميٌلتها..!!

Post: #59
Title: Re: بصراحة كدا...نانسي عجاج و طارق الأمين ديل ببالغوا....!!
Author: abubakr
Date: 05-29-2008, 03:15 AM
Parent: #1

فيصل نوبي

انت لا ماشي الحصاحيصا لا بتلحن فممكن تسغر الصورة لانو ما قدرت اكبر عيوني او امد النطارة شوية يمين وشوية شمال

Post: #60
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-29-2008, 05:46 AM
Parent: #59

ينصر دينك ياابوبكر

اديني العنوان ع الماسنجر وشرايطك تجي لحدي عندك وشرايط تانيه حامياني

اشكر الجميع كما اشكر المواطن نوبي علي حسن سلوكه

Post: #61
Title: Re: بصراحة كدا...نانسي عجاج و طارق الأمين ديل ببالغوا....!!
Author: فيصل نوبي
Date: 05-29-2008, 06:56 AM
Parent: #60

يا طارق لو سمحت امسح مداخلاتكـ اللي فيها الاسكان و المساحة دي ياخ عشان البوست يستعدل

Post: #62
Title: Re: بصراحة كدا...نانسي عجاج و طارق الأمين ديل ببالغوا....!!
Author: طارق الأمين
Date: 05-29-2008, 05:52 PM
Parent: #61

شكرا نوبي وميمونه علي التنبيه

ومعذره اهو البوست استعدل تاني

واااادي شرده

Post: #63
Title: Re: بصراحة كدا...نانسي عجاج و طارق الأمين ديل ببالغوا....!!
Author: abubakr
Date: 05-29-2008, 06:58 PM
Parent: #1

Quote: اشكر الجميع كما اشكر المواطن نوبي علي حسن سلوكه

يا مواطن يا طارق المواطن نوبي حسن سلوكة دة احسن حسن سلوكة.. انت حترسل الشرايط في الماسنجر كيف يعني attachment يعني واللا cut and paste ؟ العنوان الاسفيري الدائم [email protected] وبرضو [email protected] انت بس رسل ؟