العزيز بكرى أبوبكر و الأخوه جميعا ... أريد أن أتنفس

إزدات فى الآونه الأخيره النكات عن السودانيين و وصفهم بالكسل ( بغض النظر عن
صحة هذه الصفه من عدمه ) ، و ذلك فى كثير من المواقع العربيه و الخليجيه بالذات ،
فى البدايه تحملنا الأمر كدعابات بريئه و لكن إرتفعت الوتيره و أخذ الأمر شكل الجديه...
فطفح الكيل ، تزاحمت الكاراكاتيرات جواى تريد النزول ...
أنا أعلم أنه لى حرية التعبير عن وجهة نظرى ، ولكن لسببين فقط أستأذنك أخى بكرى
فى نشرها هنا ، أولا : حرصا منى على عدم إدخال سودانيز أون لاين فى أى حرج أو تعريض الموقع لمشاكل،
ثانيا : الأعمال ربما يكون ( ملحها زايد شويه ) ،
و قصدت من فتح البوست بدلا عن إرسال رساله لك هو الإستفاده من آراء الأخوه هنا ،
و فى إنتظار المشوره ... ( لأنها واقفه لى فى حلقى ) .

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

أخى سامى عتبانى

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

شكرا لمرورك و تنبيهك ، و لكنى أخشى أو أتوقع أن تعتبر أعمالى تعديا و إساءه مباشره
كما حدث من قبل لعدة بوستات مشابهه و كان مصيرها الإختفاء ، لذلك تمنيت أن أسمع رأى الأخ يكرى ،
مودتى و أمنياتى .

Quote: إزدات فى الآونه الأخيره النكات عن السودانيين و وصفهم بالكسل ( بغض النظر عن صحة هذه الصفه من عدمه ) ، و ذلك فى كثير من المواقع العربيه و الخليجيه بالذات ، فى البدايه تحملنا الأمر كدعابات بريئه و لكن إرتفعت الوتيره و أخذ الأمر شكل الجديه... فطفح الكيل ، تزاحمت الكاراكاتيرات جواى تريد النزول ...

نزله..... ابوي.... نزله

قالها سعودي قبل ساعات ...

كسلانين .. نايمين .. على صوت مدافع التشاديين صاحين !!!!



نسمع منك ولا نسمع منهم ...

العزيز علاءالدين حيموره

Quote: كسلانين .. نايمين .. على صوت مدافع التشاديين صاحين !!!!

ما ده الجننى ... و خلانى ( أرسم )،

Quote: نسمع منك ولا نسمع منهم ...

عين الصواب ....
و نراه قريبا .

أخى هارون دياب

والله أتمنى نزولها ...
و إن شاءالله قريب .

.... بـعد ان اعـلن وزير الدفاع فـي جـلسـه البـرلـمان ان عـتاد واسـلحـة القوات الـمسلـحة قـديـمـة ومـنـذ الـحرب العالـمية الثانية ...تـقـدم احـد اعـضاء البـرلـمان باقتـراح للـمجلس بان تتـم اقالة وزير الـدفاع من منـصـبه ..... وتعـيينـه مـديرآ للـمتـحف القومـي والاثار!!

أستاذى بكرى الصايغ

Quote: ...تـقـدم احـد اعـضاء البـرلـمان باقتـراح للـمجلس بان تتـم اقالة وزير الـدفاع من منـصـبه ..... وتعـيينـه مـديرآ للـمتـحف القومـي والاثار!!

شر البلية ما يضحك .... فعلا ،
تحياتى و مودتى .

من شدة كسل السودانيين قالوا واحد فيهم جاءو شلل راح اخوانو باركوا ليهو.

وواحد سوداني اخر.. سالوا كفيلوا:
-اول شيء بتعملو شنو بعد قوم من النوم?
فرد السوداني:
-برتاح في السرير شوية.


سوداني سالوه ايش بتحب في القران الكريم?
-قال ليهم سورة الكهف لانهم كانوا نايميين ثلاثمائة سنة.

اخ مصدق انشر ساي ولا تبالي.

أخى محمود الدقم

Quote: اخ مصدق انشر ساي ولا تبالي.

قلت كده ؟؟؟
طيّب .....

بكرى ابوبكر

؟؟؟???????

نزل لو سمحت شحتفت روحناولو منتظر الادمن ف هو قاعد ف استراحة الري
تحياتي

أخى صلاح الدين نادر

Quote: نزل لو سمحت شحتفت روحنا

والله ما قصدى ...
بس أنا برضو الأدمن شحتف روحى

الاخ الـحبيب الـحبـوب،
مصدق مصطفى حسين،
تـحـية الود والاعـزاز،

عـندما يقوم الاخ بكري ابوبكر بـمنـح شـخـص ما (باسورد ) ده معناه ان حـامله يـحق له مـمارسـة الكتابة والرسـم والفن بالـمنبـر العام، ويعتبـر الباسـورد بـمثابة عـقـد مابيـن سـودانيـزاونلاين والعـضـو شـريطة احـتـرام العـضـو للائـحـة. اما اذا كان تـخوفك ناتـح من النقـد الذي قـد ياتي بصـورة حـادة من نقاد الـمنبـر علي البوسـت الساخـن فلا اعـتقـد ان قـد يقـع لانك تقوم بنقل ماهـو اصـلآ موجـود.

لك مـودتـي.
---------------------------------------------------

كان الضـابـط يسـتعـرض طـابور الصباح وقـد اصـطـفوا امامه الـجـنود بانتظام، وفـجـاءة صـرخ الضابـط فـي احـد جـنوده:
- انـت ياعـسـكري ليه مالابـس الـحـزام?،
ورد العسـكري:
- لانـي مالابـس البنطلون ياجـنابو!

أستاذى بكرى الصايغ
عاطر تحياتى

Quote: شـريطة احـتـرام العـضـو للائـحـة.

و أنا أخشى أن تكون كاراكاتيراتى
قد خرجت عن هذا الشرط ، و ذلك قياسا على عدة بوستات سبق و أن أثارت بعضا من رشاش و تم سحبها
أحدها يتحدث عن السعوديه و الوهابيين و .. ألخ ،و آخر تحدث عن إحدى دول الخليج فانبرى الكثيرون
يدافعون عنها و يكيلون السباب لصاحب الموضوع ، فتم سحبه أيضا ،

Quote: اما اذا كان تـخوفك ناتـح من النقـد الذي قـد ياتي بصـورة حـادة من نقاد الـمنبـر علي البوسـت الساخـن

أبدا لم يخطر ذلك على بالى لأنى دوما أبحث عن النقد لأنه مهما كان قاسيا فأكيد ستكون فوائده أكثر ،
لك مودتى و إحترامى.

الرسول كان تتنفس
بعدين ملح شنو
نحنا ما عندنا ضغط ما تخاف


كل الود

أخى حسين محى الدين
أوعدك إنى حا أتنفس ... بس وين و متين ...
ما عارف !!
لأنى ما عاوز أحرج صاحب البيت و أكون جاحد ،
صادق مودتى .

Quote: ( لأنها واقفه لى فى حلقى )

حبل المهلة يربط


بجيك تاني تحياتنا

الفنان مصدق كثير من الخليجيين قرءوا بوست السودانيون في عيون الخليجيين للاخ عادل سعل وقرءوا ايضاالبوست المضاد من انور كينج الخليجيين في اعين السودانيين... واتعهد شخصيا لنقل رسومك ـ ان كانت مالحة جدا ـ الى معظم المنتديات الخليجية...ده وعد....يللا ارسم

العزيز كمال ادريس
والله عرضك مغرى جدا ... لأنى بتمنى أنهم يعرفوا كما للناس عيوب فعيوبهم
لا حصر لها ....( و للناس ألسن ) ،
لك الود و.... الإنتظار شويه

الحبيب مصدق
يلا ياخي بنزينا قرب يكمل

أخوى NGABY AJOOZ
أنا برضو .....
يس شيل الصبر ... لحدى ما يجينا الإذن ،
كل الود .

الأستاذ مصدق

لك التحية والتجلة وثق اننا نثمن اعمالك الرائعة الجميلة والتى تعبر عنا تماما ....

قدمت الى المملكة فى العام 1984 ولن تصدق أول نكتة سمعتها عن السودانيين ومن واحد حضرمى ..
تقول النكتة : الانجليز قالوا للسودانيين تعالوا نديكم الاستقلال ...
السودانيين قالوا ليهم طيب نفطر ونجيكم

ومن يومها وانا مغتاظ جدا من هذه النكات التى لا يخفى على احد من يصدرها ولكنها بعيدة كل البعد عن الواقع فى الوقت الذى يشهد الجميع للسودانيين فى المهجر بأنهم افضل من يعطى فى مجال عمله اى كان ...

عشان كده يا زول ما يهمك
والبادىء أظلم

أخى العزيز قرشــو
شكرا لمرورك الجميل و لكلماتك الطيبات فى حقى ،

Quote: والبادىء أظلم

فعــلا ...
و لذلك وجب علينا الرد ،
صادق مودتى .

منقول( الجزء الأول) من صحيفة الخرطوم
حمزة إبراهيم عثمان
يودّع شركته في السعودية بعد 52 عاماً من العمل المتواصل( مما أثار محرر المقال ما قاله صاحب الشركة؛ وما قاله العم حمزة؛ ولكن إعجابي كان أكثر بالهمام حمزة؛ فهو تحدث عن القيم قيمة العمل والإخلاص في العمل حتى لو بالحضور شخصياً؛ ولا يقصد بالطبع الجانب المادي؛ أما صاحب الشركة فقد كان يعني الجانب المادي.


وهذا هو الفرق بين السوداني المتهم زوراً بالكسل؛ وبين الآخرين. وشتان ما بين سنّور ورئبال
ومن الهدايا المقدمة إليه صورته بملابس الإحرام قبل ثمان وأربعين عاماً
محمد عبدة حسن يعمل في السعودية منذ حياة الملك عبد العزيز
وقد قال له أحد أبناء الملك الراحل: طيلة هذه السنوات لم نر منك شيئاً مشيناً.


العم الراحل عثمان إدريس ودكانه المشهور وقد كان رئيساً للجالية لسنوات طويلة.

طبعاً انت سيد الأحرار؛ قلت ليك حبل المهلة يربط؛ بس عشان شوية حسابات

انت لو نشرت في كل صحفنا الورقية حنقراها نحن السودانيين وحنتفشّى تمام ودي بساعدوك فيها كل إخوانك

الصحفييّن؛ أما هنا فعندي شويّة سُعالات.


العرّوب ديل أعطوا كل طفل اتولد أمبارح دي جهاز كمبيوتر موصل بالنت؛ ودا يمكن بقى شرط في الشيلة

ونحن ناس مساكين كم واحد في السودان مع الناس البرّة ديل عندو شبكة موصلة؛ وعندو قروش يقعد بيها في القهاوي


والنسكافي ذاتو

وبجيك تاني ؛ لكن أنت حر وهذا المنبر فيه الكلام اللّي ما مفروض يتنشر ذاته؛ لكن برضو أقول ليك

حبل المهلة يربط؛ ووسّع الشورى اللي انت ماش فيها


حسع يا مصدق انتو شايفين اليومين ديل من غير رد فعل قوي المسألة ماشة مستفحلة

فأدوها مهلة وأعدّوا ما استطعتم من قوّة.

لكن شويّة مختارات ما بتجيب هواء ممكن تبدا بيها

واللاّ رأيك شنو؟


تحياتي واحترامي لك ولمن تداخلوا معك
وفي الختام خلّي خيلهم تجقلب


واليبقى الشكر لي حمّادنا

فمهما عملوا نحن سمعتنا زي البربند

أخى عبدالفتاح أبوشيمة
شكرى الجزيل لحضورك المميز ...
قرأت موضوع العم حمزه ، و فعلا ده الفرق بيننا و بينهم،

Quote: لكن شويّة مختارات ما بتجيب هواء ممكن تبدا بيها

المشكله إنو أصغر واحد فيها بجيب عواصف مش هوا و بس !
و لذلك لازلت فى إنتظار الإذن المستحيل ( على ما يبدو )،
لك مودتى .

الحبيب مصدق مصطفى
لك كل التحية والتقدير
انت نزل البوست
ولو في مشكلة بكري بسحبه

وبلحقوا ليك امات طه
انت نازل انتخابات داير تعمل استفته!!!

نزل الكركاتيرات ونحن علي احر من الجمر
تاني ح نسميك شحتفه

العزيز طارق نقد

Quote: ولو في مشكلة بكري بسحبه

هى دى المشكله ... ! أنا ... ينسحبلى بوست ؟؟

Quote: تاني ح نسميك شحتفه

ناس يدوها وزارات : الرى و الماليه و ... و .. ألخ ،
و أنا يقولو لى شحتفه ؟ الله يشحتف روحك كما شحتف شرحفان .. و خلاهو يعاين ساكت

الحبيب مصدق مصطفى


لا حوله ولا قوة الا بالله


انت يا اخوى لحدى الليله مانزلت

الموضوع

والله حيرتنا زاتو


انا منتظر

والصبر حينتهى


سامى

Quote: أريد أن أتنفس

فى انتظاركــــــــــــــــــــــــــــــــــــــــــــــ




تحياتى لك

انت فنان ورب الكعبة الشريفة

























اتنفس





لك التحيه والتقديري والاحترامي

الحبيب هشام مدنى
عاطر تحياتى
لا أملك إلا أن أهديك
بعض أهل الخليج عنا يقولون ... و نحن عن بعضهم نقول : كاراكاتير
و أتمنى أن أكون عند حسن الظن ،
لك صادق محبتى

الأستاذ الكريم والأخ الحبيب مصدق

بداية لك التقدير والود

كل إنسان يغشاه الغضب عندما يتعرض أحد من الناس لوطنه وأهله بالسوء والسخرية وتزداد ثورة الغضب إذا كان المسئ متصفاً بالغرور والجهل والغباء.

دول الخليج بشكل عام يتصف أهلها بالطيبة والبساطة والكرم وكثير من كريم الاخلاق والعادات.

المشكلة الحقيقية في بعض الجيل الناشئ الذي ولد وفي فمه ملاعق و(كواريك) من الذهب والفضة فهؤلاء ضحية الترف الزائد عن الحد لايرون الآخرين خلقوا إلا ليخدموهم فقط .

هناك نقاط رئيسة وأساسية ينبغى ان نضعها في الإعتبار عند التعامل مع إساءات البعض من الخليجيين وهي :

1/الغالبية منهم تحترم الشعب السوداني .

2/ الإنسان السوداني محبوب في هذه الدول وهذا الحب مرجعه أننا فرضنا عليهم هذا الإحترام بحسن الأخلاق والتأهيل والعلم ، وصدقني جيل الآباء وكثير من جيل الشباب يعرفون في السوداني الطبيب الماهر والمهندس البارع والمعلم القدير والإداري الأمين .

3/ الحكومات الخليجية ظلت تعامل السودانيين معاملة طيبة ومتميزة حتى في الأوقات العصيبة التي مرت بها العلاقات السياسيةبين السودان وهذه الدول .

على سبيل المثال نقارن بين موقف الحكومات الخليجيةالتي لم تتغير معاملتها للسوداني المقيم على أرضها رغم تردي العلاقة مع حكومتنا وبين السلطات المصرية والليبية التي تتعامل مع المواطن السوداني بردة الفعل وتذيقه سوء العذاب في عقاب جماعي .

هل تذكرون رحلات الطيران التي كانت مصر ترجعها إلى الخرطوم وعلى متنها المرضى والطلاب لمجرد توتر في العلاقات؟

أيضاً هذه الدول الخليجية وعلى مستوى الحكومات قدمت للسودان خدمات جليلة ووقفت معه في محن واوقات عصيبة .

من ينكر إسهامات الكويت والسعودية في دعم الإقتصاد السوداني منذ سنوات بعيدة؟

السعودية أقامت أكبر جسر جوي في تاريخ المنطقة إبان مجاعة الثمانينات ، وفي كل محنة نجدها تسارع في مد يد العون .

الإمارات أيضاً لها دور كبير وقطر وعمان .

4/ مئات الألآف من الأسر السودانية تقيم في الخليج دون منّ أو اذى ومنذ سنوات طويلةوجدت في تلك البلاد سبل العيش الكريمة وكل أسرة منها تعول أسر في السودان .

أخي الكريم مصدق لأجل هذه المآثر جميعها من حكومات الخليج (ونحن من قوم يقابلون الإحسان بالإحسان) ولأجل الكثير والكثير من أهل الخليج الذين يحترمون السوداني ويحبونه لأجل هذا كله نعرض عن سخافات البعض منهم ولا نرد الإساءة بالإساءة ولأجل عين الف عين تكرم .

هذا الكاركاتير لا يسئ للقلة السخيفة الجاهلة التي لاتحترم الآخرين لكنه يسئ لهم جميعهم دون تفرقة بين المسئ والمحسن لأن الذي سينقله عنك لن ينقل معه عنوانك ( بعض أهل الخليج عنا يقولون ... و نحن عن بعضهم نقول ) .

بعدين ياخي مش العارف عزه مستريح

أكرر لك الشكر والتقدير ولك خالص الود وربنا يملاك عافية .