Post: #1
Title: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-18-2008, 07:39 PM
فكرت يا اخي كثير في موقفك وبحثت عنه ما بين الصفحات ولم اتعرف عليه
وقدرت انه للتآني ضرورة الآن...ولكن الصمت غير مقبول رغم معرفتنا بصعوبة موقفك.
فياخي ربما كان لوضعك القانوني في فرنسا دخلا بهذا الصمت,لكن وقد قلتها لك من قبل يا اخي
ان الحركة يفترض انها ليست فردا واحد,ويمكن ان يصدر بيان يشير لموقفك ولا يمهر باسمك
وانت سيد العارفين.
الصمت غير مقبول فالجماهير متعطشة للمواقف الصلبة.
فان شئت ادانة الدخول فمرحبا بمقوفك.
وان شئت تأيد الدخول و حتى مع التحفظ على القائم به فمرحبا بمقوفك.
ولكن الصمت غير مقبول.
ودعك يا اخي من موقفك من الدخول ماذا عن الفتك بمواطنينا في الداخل؟؟؟
الا يستحقوا بيان ادانة منك بما لحقهم؟؟؟
هل وصلتم مرحلة ان تعتقدوا با كل الكعتقلين من اهل خليل واقربائه وبالتالي عليكم بالصمت؟؟؟؟
اين المواقف التاريخيه التي يحتاجها اي انسان لارشيفه؟؟؟
وعارف يا عبد الواحد يا اخي لم تصمت وحدك....بل صمت صالح محمود معك ايضا!!
وهذه مواقف جدا مخزيه ولا تليق برجل قانون ومقيم في الداخل وبرلماني!!
تذكرت كل هذا وانا اقرأ كلمات اخوك د.عبد الجبار وهو يناشدك باتخاذ موقف,ومعه انتظر وينتظر كثيرون.
Quote:
سودانيزاونلاين.كوم Sudaneseonline.com
بسم الله الرحمن الرحيم
دكتور/هاشم عبد الله مختار:-
قيادة و قواعد حركة تحرير السودان جناح عبد الواحد محمد نور تدين رئيس الحركة :-
هزت الاحداث الاخيرة جراء عملية الدراع الطويل, تلك الملحمة الباسلة التى نفدها رفقاؤنا البواسل بحركة العدل و المساواة بقيادة الاسد الجسور و سيف السودان المبرور د خليل ابراهيم.
اما نحن فى حركة تحرير السودان جناح عبد الواحد محمد نور ظللنا مند زمن بعيد فى سبات عميق لم نحرك ساكنا و لم نطعم جائعا من اهلنا المسحوقين بمعسكرات النازحين فى ارجاء دارفورالوفية و بجوار الوطن الحبيب الجارة تشاد.
لم نفلح الا فى ازكاء نارالفرقة و الشتات بيننا فانشطرت الحركة الام الى جماعات كثيرة فلا مؤتمر جامع ولا ادن سامع و لا نجم ساطع و لا منبر للرأى الاخر.
هدا كله يعود بالمقام الاول الينا نحن صفوة مثقفى دارفور و قيادتنا الحالية برئاسة عبد الواحد بن نور.
اليوم الاخوة و الاخوات فقد بلغ السيل الزبى وطفح بنا الكيل, رئيسنا لا يحرك و لا يتحرك لا يبين و لا يتبين.
انفرد بجبروته على امر الحركة و انقض على المؤسسية واسقط حق الاخرين فى الرأى و المشورة.
اضحى رئيسنا لا يجيب الدعاء ادا دعيناه للتشاور فى امر البلاد, اصبحت الحركة بسبب سياساته الانفرادية خاوية على عروشها لا نبض فيها فلم نسمع لرئيسنا صوت اشادة او ادانة فى وقوع اعظم حدث فى تاريخ السودان المعاصر الا و هى معركة الدراع الطويل و فرسانها الاشاوش بقيادة خليل دارفور خليل السودان سدد الله خطاه و رفاقه الكرام.
فلنحييهم باسمى عبارات التجلة و المجد و الشموخ على التضحييات الجسيمة فى سبيل اهلنا البؤساء فى معكسرات ابو شوك و كلما و طويلة و الحميدية والجنينة و العراديب العشرة و تشاد.
ومن هنا نهيب باهلنا فى دارفور و نخص بدلك قبيلة الفور ببطونها المختلفة فى مشارق جبل مرة و مغاربها ان يهبوا لنصرة الحق و نضال الاخوة بالعدل و المساواة و جميع فصائل المقاومة بدارفور.
و نحن فى قيادة حركة التحرير الام نقف صفا واحدا مع رفقاء النضال و لنا دولة فى مقبل الايام.
النصرة و السؤدد لاهلنا المهمشين فى بقاع السودان و نرجو من السيد الرئيس عبد الواحد بن نور توضيح موقفه عاجلا قبل فوات الاوان.
دكتور/هاشم عبد الله مختار
قيادة حركة تحرير السودان بشرق جبل مرة
دبلن/ايرلندا الشمالية
15/05/2008
تليفون 00353863933402
[email protected] بريد
|
التحيه اخي عبد الجبار وشكرا لك على البيان القوي,وقد اكون اختلف معك في بعض حزئياته
فاخونا عبد الواحد محمد نور ايضا يواجه تحديات كثيرة,قد تكون هي السبب في موقفه الغريب
ومواقف آخرى حسبت ضده..ولكننا ننتظر الآن ونتمنى ان نسمع منه. ربنا يجيب الفيها الخير لبلادنا.
|
Post: #2
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-18-2008, 08:01 PM
Parent: #1
.
|
Post: #3
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Abdulrahman Eldaw
Date: 05-18-2008, 08:09 PM
Parent: #2
تراجي سلامات
عبدالواحد يسوي شنو ,قالو اخوك كان حلقو ليه بل راسك
هسي عبدالواحد ادس راسو من الحلاقة ولا يصرح
|
Post: #4
Title: Re: (عبد الواحد )يا اخي صمتك غير مقبول الآن فالوطن يتمزق!
Author: على محمد على بشير
Date: 05-18-2008, 08:16 PM
Parent: #3
قرقرقرقرقرقرقرقرقرقرقرقرققر
خلاص نويتى تلحقيهو امات طه يا البسوس
طظ فى منو يا تراجى !!
|
Post: #5
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-18-2008, 08:21 PM
Parent: #4
يا علي ده شمار تثقيل خلاص
يازول البوست ده الكتبوا منو يا غالي؟؟
النبي فيك كان ما فكيت لي الشمار ده
طظ في منو يا تراجي!!
|
Post: #15
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-18-2008, 10:56 PM
Parent: #3
يا عبد الرحمن العوض
تحياتي...وشكرا لمروك:
Quote: تراجي سلامات
عبدالواحد يسوي شنو ,قالو اخوك كان حلقو ليه بل راسك
هسي عبدالواحد ادس راسو من الحلاقة ولا يصرح |
يبروا من الحلاقه يا اخوي.
|
Post: #6
Title: Re: (عبد الواحد )يا اخي صمتك غير مقبول الآن فالوطن يتمزق!
Author: aosman
Date: 05-18-2008, 08:25 PM
Parent: #1
توضيح:
طظ في اللغة التركية تكتب (tuz) ومعناها ملح
|
Post: #16
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-19-2008, 06:26 AM
Parent: #6
شكرا يا عثمان للتثقيف:
Quote:
توضيح:
طظ في اللغة التركية تكتب (tuz) ومعناها ملح
|
ولك لي علي من اليوم اصرفها ليهم بزيادة.
تحياتي وشكرا على المرور.
|
Post: #7
Title: Re: (عبد الواحد )يا اخي صمتك غير مقبول الآن فالوطن يتمزق!
Author: ناذر محمد الخليفة
Date: 05-18-2008, 08:29 PM
Parent: #1
خلاص نويتو تقرضيهو زي ما قرضتي خليل ؟!!
ام رشيرش ..
كم مرة قلنا ليك إنت نحس وكج على اي زول تسانديهو في أمورو ..
كدي عاينيني جاي وقولي لي :
كيف إسرائيل ما قرضتيها بي وقوفك معاهم ؟!!
عملتيها كيف دي ؟!!
|
Post: #8
Title: Re: (عبد الواحد )يا اخي صمتك غير مقبول الآن فالوطن يتمزق!
Author: علاء الدين يوسف علي محمد
Date: 05-18-2008, 08:33 PM
Parent: #7
عبد الواحد لو ما عِرِف خليل وين ما بقول بُغُم
|
Post: #9
Title: Re: (عبد الواحد )يا اخي صمتك غير مقبول الآن فالوطن يتمزق!
Author: بشير أحمد
Date: 05-18-2008, 08:49 PM
Parent: #1
أم حازم
ازيك ومثلها للوليدات
يقول شنو بعد كذبوا في قناة الجزيرة والعربية؟
قال احتلينا امدرمان قال
أبوأحمد
|
Post: #10
Title: Re: (عبد الواحد )يا اخي صمتك غير مقبول الآن فالوطن يتمزق!
Author: صلاح شكوكو
Date: 05-18-2008, 08:54 PM
Parent: #1
..
شكل الناس ديل يا تراجي
كل واحد بقى بهمو ..
لا رجاءات ولا راجمات ولا حتى توسلات
كل زول شاف ليه وسادة إتوسدها ..
ودا كله لآنو السيد خليل ماسمع رجاءك الأول
فهل يعقل أن يستمع أحد الى الرجاء الثاني ؟؟
(( زول تقولي ليه قبل أسبوع ما ترمي أولادنا في التهلكة
يقوم يعمل عكس النصحتيه تماما .. )) ؟؟
أنا لو فهمت الحته دي يا تراجي ممكن علامات إستفهام كثيرة
تنتهى من مخيلتي ومخيلة ناس كثيرين ..
المهم برضو أحب أشيد بحسن النصيحة التي قدمتيها للدكتور خليل
ودي نقطة تتحسب ليك .. وبأمانة أنا إحترمت فيك الحتة دي شديد ..
بس يوم المعركة (( طبظتيها )) ببوست عكس الأول ..
برضو ترك علامات إستفهام كبيرة وكثيرة ؟؟؟؟؟؟؟؟؟؟؟؟؟؟؟؟؟؟؟؟؟؟؟..
(( ربنا أفتح بيننا وبين قومنا بالحق وأنت خير الفاتحين ))
..
|
Post: #11
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-18-2008, 09:00 PM
Parent: #10
آمين اخي صلاح شكوكو.
| Quote: (( ربنا أفتح بيننا وبين قومنا بالحق وأنت خير الفاتحين )) |
|
Post: #12
Title: Re: (عبد الواحد )يا اخي صمتك غير مقبول الآن فالوطن يتمزق!
Author: عصام دهب
Date: 05-18-2008, 09:08 PM
Parent: #11
تراجي ..
الله و النبي الزول دا خليهو في ترطيبتو دي ..
هسع كضومو المنفخات ديلك يكونن طرشقن من الراحات ..
مالك عليهو و مال القراية أم دق ..
|
Post: #13
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Nasir Ahmed Elmustafa
Date: 05-18-2008, 10:04 PM
Parent: #1
Quote: ان الحركة يفترض انها ليست فردا واحد,ويمكن ان يصدر بيان يشير لموقفك ولا يمهر باسمك
وانت سيد العارفين.
|
وصلت بيكم الحيرة للدرة دي ياسيدة اهل الهامش بيان من غير توقيع 000 يعني شيك من غير رصيد الله يجازب محنك يا تراجي يا حبيبة المهمشين
|
Post: #14
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-18-2008, 10:50 PM
Parent: #13
يا ناصر
يا اخوي ده فهمك؟؟؟؟
Quote:
Quote: ان الحركة يفترض انها ليست فردا واحد,ويمكن ان يصدر بيان يشير
لموقفك ولا يمهر باسمك
وانت سيد العارفين.
|
وصلت بيكم الحيرة للدرة دي ياسيدة اهل الهامش بيان من غير توقيع 000 يعني شيك
من غير رصيد الله يجازب محنك يا تراجي يا حبيبة المهمشين |
اقصد لك يفترض ان
حركته بها اكثر من عضو لجنة تنفيذيه ويفترض ان يصدر بيان ولو غير ممهور باسمه
تقوم تنط لينا تدعي انني طالبته بيان غير موقع.
|
Post: #17
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-19-2008, 06:59 PM
Parent: #14
.
|
Post: #18
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Tragie Mustafa
Date: 05-20-2008, 02:14 AM
Parent: #17
.
|
Post: #20
Title: Re: (عبد الواحد )يا اخي صمتك غير مقبول الآن فالوطن يتمزق!
Author: Al-Shaygi
Date: 05-20-2008, 04:23 AM
Parent: #1
Quote: فكرت يا اخي كثير في موقفك وبحثت عنه ما بين الصفحات ولم اتعرف عليه
وقدرت انه للتآني ضرورة الآن...ولكن الصمت غير مقبول رغم معرفتنا بصعوبة موقفك.
فياخي ربما كان لوضعك القانوني في فرنسا دخلا بهذا الصمت,لكن وقد قلتها لك من قبل يا اخي
ان الحركة يفترض انها ليست فردا واحد,ويمكن ان يصدر بيان يشير لموقفك ولا يمهر باسمك
وانت سيد العارفين.
الصمت غير مقبول فالجماهير متعطشة للمواقف الصلبة.
فان شئت ادانة الدخول فمرحبا بمقوفك.
وان شئت تأيد الدخول و حتى مع التحفظ على القائم به فمرحبا بمقوفك. |
تراجي يا حبيبة ألبي براك (لوحدك مش المرشح باراك) قلتيها (سيدالعارفين؟؟؟؟)...
يعني عاوزة تخربي على الراجل الكانت كل أحلامه قصر عشوائي في الخرتوم زي د. علي الحاج المتيمم، قام لقى نفسه في قصر باريسي؟؟؟
عبدالواحد بتاعك ده ما زي خليل ،،، تراه خليل أصله دباب وتربية الجبهجية ووليد الترابي ومعلم على الشقاوة.
لك وحوح داك زولاً مملس وممسح وبحب الراحات ...
معقول ماشي يسمع كلامك ويفتح خشمه يقوم يلقى نفسه بره وما عنده غير جبال دارفور وسمومه وكمان يشرب مويه حاره؟؟؟
صدقيني وحوح ده حتى دارفور إن دار يمشي ليها ما بقدر لأن أهله زاتم ما بريحوه بعد عملته السودة وهو عارف كدة كويس بس أنتي ما عارفه؟؟؟؟
شوفي وحوح ده بالكتير لو أتنازل عن نعيم فرنسا يبقى الحد الأدنى القصر الجمهوري!!!
ولا بعد ده يمشي يقعد في مكتبه حق أسرائيل بس تبقى مصيبة لو نقلوا ليه المكتب لأريحه ؟؟؟
فتك بي عافية وسلمي لي على أسمه أيه!!
الشايقي
http://alkatwah.com
www.Alshaygi.dubaimlm.com
.
|
Post: #21
Title: Re: (عبد الواحد )يا اخي صمتك غير مقبول الآن فالوطن يتمزق!
Author: MOHAMMED ELSHEIKH
Date: 05-20-2008, 05:28 AM
Parent: #20
محجوب حسين أيد وبدون تحفظ من قناة الجزيرة العملية ووعد بنقل الحرب للعاصمة تضامنا مع خليل
|
Post: #22
Title: Re: (عبد الواحد )يا اخي صمتك غير مقبول الآن فالوطن يتمزق!
Author: MOHAMMED ELSHEIKH
Date: 05-20-2008, 05:33 AM
Parent: #21
ودا موقف الحركة عام 2007م
حركة تحرير السودان تحذر حركة العدل و المساواة
تحذر حركة تحرير السودان ، حركة العدل و المساواة من التدخل فى الشئون الداخلية لحركة تحرير السودان،لان هنالك تباين فى اشياء كثيرة . حركة تحريرالسودان قامت من اجل انتزاع حقوق الشعب و ليس لاختلاف مع النظام من اجل الوظائف، حركة تحرير السودان لم تكن جزء من انقلاب 30 يونيو 1989 المشئوم، حركة تحرير السودان تفصل السياسة عن الدين و لا تستخدم الدين مطية من اجل الوصول الى السلطة، حركة تحرير السودان مؤيدة تاييداً واضحاً لدخول القوات الدولية الى اقليم دارفور ، حركة تحرير السودان مطالبة بالعدالة الدولية من خلال محكمة الجنايات الدولية بلاهاى للذين ارتكبوا جرائم ابادة فى اقليم دارفورو مستعدة لتقديم اى متهم من منسوبيها حتى لو كان رئيسها عبد الواحد النور الى لاهاى وعليه.1- تحذر حركة تحرير السودان حركة العدل و المساواة من التدخل فى الشئون الداخلية لحركة تحرير السودان ممثلة فى التصريحات التهديدية الصادرة من خليل ابراهيم رئيس العدل و المساواة بصحيفة اخبار اليوم بانه يمهل حركة تحرير السودان فترة 45 يوماً للتفاوض ومرت منها عشرة ايام .2- حركة تحرير السودان لديها رؤيتها الخاصة للتفاوض من خلال ايجاد البيئة الصالحة للتفاوض و كذالك اجراءت بناء الثقة .3- حركة تحرير السودان عندما فضت التنسيق فى ابوجا تم ذالك بقناعة حركة تحرير السودان وعندما تذهب للتفاوض تذهب بقناعتها.4- حركة تحرير السودان ليست جزء من التحالفات الصورية تارة ما يسمى التحالف الثورى لغرب السودان، وما يسمى جبهة الخلاص و اخيراً وليس اخراً (عدل شهامة). 5- حركة تحرير السودان تناضل من اجل حقوق الشعب و ليست متلهفة الى و ظيفة او جاه و لا تستخدم الشعب مطية للوصول الى الوظيفة و الجاه.
6- التفاوض بين نظام الخرطوم و حركة العدل و المساواة لم يتوقف اصلاً لا زال مستمراً منذ ابوجا تارة فى تشاد و تارة فى اريتريا و تارة فى ليبيا و تارة فى القاهرة على مستوى الرؤساء و القيادات العليا لحركة العدل و المساواة و نظام الخرطوم.7- اذا ضاقت السبل بحركة العدل و المساواة ممثلة فى خليل ابراهيم رئيسها خوفاً من سياط العقوبات فليذهب يوقع مع نظام الخرطوم ويلحق بركب اللذين سبقوه من قبل من اجل الوظائف وهذا ليس بجديد. فحذرا ذالك ليس عن طريق التهديد بفترة زمنية للتفاوض من قبل خليل ابراهيم رئيس العدل و المساواة لحركة تحرير السودان.8- حركة تحرير السودان موحدة قيادة و شعباً ، تحت رئيسها عبد الواحد النور واجبرت النظام على اتفاقية وقف اطلاق النار فى انجمينا، و اتفاقية تسهيل العمل الانسانى باديس ابابا، و اتفاقية اعلان المبادىء بابوجا و جولات ابوجا السبعة التفاوضية، فالاخرون عبارة عن افراد من صناعة نظام الخرطوم اللذى برع فى سياسة شراء الذمم من اجل الوظيفة و هذا ليس بجديد على مستوى كل القوى السياسية السودانية، او افراد من صناعة دول اخرى فى شكل صفقات لححلة مشاكل تلك الدول مع نظام الخرطوم.9- حركة تحرير السودان لن تسمح لتلك الأصوات بالتدخل فى شؤنها الداخلية وتحذر من التمادى فى مثل تلك التصريحات الصادرة من خليل ابراهيم رئيس العدل و المساواة او غيره ونرجوا من حركة العدل و المساواة عدم التدخل فى الشئون الداخلية لحركة تحرير السودان.10- حركة تحرير السودان تؤكد ان العدو هو نظام الخرطوم و هى تحترم حركة العدل و المساوة و لكن فى ظل الاحترام المتبادل و عدم التدخل فى شئون الاخر.
اصدر فى لندن بتاريخ 20 يونيو 2007م
الناطق الرسمى لحركة تحرير السودان Tel: + 00 44 79 616 08 397 :
|
|