يوميات مناضل عام

كل من يري ان هذه الطاقية مفصلة له فليلبسها.



أصبحنا وأصبح الملك لله.


بعد احداث أمدرمان الاخيرة
امسك التلفون المتحرك ؛جرد قائمة الاسماء يريد تلفون بعينه صاحبه موجود
بالخرطوم
تم الاتصال؛ كم خبر كده؛ ضرب؛ حرق ؛اعتقال؛ قفلوا كم جريدة ؛اتحذف كم مقال

المهم حصيلة جديدة لفتح كم بوست هنا.

مليت ولا شنو يا ابو احمد؟

النضال رااااقد يا اخوي
ما في زول فيهم حتغلبو حيلة
يعني بعد ام درمان تروق حتسمع نفس الكلام. حيتغير كم اسم بس وكم منطقة والكلام كلو زي بعضو

يا معارضة يا سودانية بالطريقة دي ما حتفيدي البلد صدقيني

فتح كمبيوتره الشخصي
ماعارف لاب توب ولا مكتبي ؛

عمل كشه عامة لكل مواقع وكالات الانباء

يبحث عن كل شئ سئ عن السودان

المهم الغلة عمل ليها كوبي اند بيست مع الروابط حقتها
عشان عارف ناس سودانيزاونلاين بحكوها لمن تجيب الزيت.



جاء الي البورد أخيرا ظافرا بتلكم الاخبار
فتح الصفحة الاولي ؛عمل ليها برضو كشه عامة .