Post: #1
Title: إطــناشر ساعة!!
Author: DKEEN
Date: 05-17-2008, 09:08 PM
Parent: #0
إنعل ابو الفلس البخلي الواحد يعيش في ظروف غريبة..
|
Post: #2
Title: Re: إطــناشر ساعة!!
Author: فيصل نوبي
Date: 05-17-2008, 09:27 PM
Parent: #1
*
|
Post: #3
Title: Re: إطــناشر ساعة!!
Author: Emad Abdulla
Date: 05-17-2008, 11:07 PM
Parent: #2
في درب البنات يا يمه
أنا إتبشتنت وإتبهدلت واتغربت دابي
وأنا إتوكرت في بلداً بناتا بلا المهور الجامحي
فوق الريح تشابي
وجوهن يمه كان شفتي القمر لجلج يضاحك في الروابي
عيونن يمه زي بحر المحيط والموج يولول
والعِرق لافحني فايت وا خرابي
سنيناتن بلا شخب الحليب الصافي يرهج في الكبابي
وريقن يمه زي خمر التمور
المن زمان طامرنو في جوف الخوابي
ورقابن يمه .. وين رقاب الريل ؟؟
علي الحدب البعيد شرفن علي هوهيو كلابي
وعودن يمه متل الخيزران فدعوهو
لي وجعي وعذابي !!
و عرجونن يصارع في السبيط مندلي فوق قلب الجريد
هتان ينقط في العسل يا ريت شرابي
ولونن يمه زي لون القمح ضروهو شوف ضراني كيف ؟؟
الله بضاريكَ يا الضرضر صوابي !!
دريباتن عقاب التيه ومافي خبير بشق التيه علي بلد الدوابي
مهرن غالي غالي وما بقدر عليهن
وحاتك انت ما بقدر عليهن
وكمان شوفو المصيبه : نفيستي فيهن
ومنو البقدر يمد ايديهو لي كيس المرابي
دحين يا يمه أنا راجع لي دريبك
وأنا الغرقان وفي الموجات بشابي
أصارع في الهلاك يا يمه قاسي
وبعد قربت لي قبف الشرق
تلفحني شيمي كاسحي مغربابي
و قعدت زي فاقدن مزوزو أجرجر
في التراب ودّر حجابي
مشاكل الدنيا مما فت منك
وإلى هادا الوكت وايضاً كذلك إلى ما بعدو
ضدي مبشتنابي
أنا لا مالاً لقيتو عشان أجيكي أقدل مع الجنيات
تجيكي العافيي بس فضل شبابي
وإن كان للقروش إن شا الله طايري
أنا معّلم الله ليّ حولين أسم فرطاقي ما دخلت جرابي
والخبر المهم ما قلتو ليك يا يمه ..
قبل ما أنسى في اخر جوابي
دا شيتن أصلو ما فكرت فيهو
وحاتك ضمه ما كان في حسابي
إرادة المولى مو خافي عليكم
وكان دسيتَ لابد يوم تجيكم
خبيري مع البنات والليل يهود
أهز ضرعاتي وأرفع في حجابي
أنا بقيت غنّاي .. آي غنّاي
بلعلع في البنادر
متل ناس ود صليليح .. طنبرابي
...........
سماعين ود حد الزين .
|
Post: #4
Title: Re: إطــناشر ساعة!!
Author: الطاهر ساتي
Date: 05-17-2008, 11:22 PM
Parent: #3
ود بادي ياعماد
|
Post: #5
Title: Re: إطــناشر ساعة!!
Author: Emad Abdulla
Date: 05-17-2008, 11:31 PM
Parent: #4
معقولة برضو ..
بس ما فارقة يا الطاهر ..
الإتنين كانوا معلمين الله .
..............
عشرة ساعات بس .. يا يهودي ..
إطناشر في حنانك .
|
Post: #14
Title: Re: إطــناشر ساعة!!
Author: خدر
Date: 05-18-2008, 09:58 AM
Parent: #4
ويحكم..
البورد في حالة حرب وانتم تتبطحون و تقرضون الشِعر و الرسومات ؟
__
الطاهر يا فنان
القصيدة فعلا قصيدة عمكـ سماعين حسن (في درب البنات)
و العهدة علي الراوي ,, قيلت رداَ علي قصيدة الشاعرة فاطنة بت خير ام نعيم التي بعثت بها الي
ابنها الذي يدرس بمصر آنذاكـ:
رسلت السلام يغريك يالزين
السلام ليك وللمعاك فى الغربة قاعدين
السلام من عين شمس لاحد فلسطين
عاد انا ما بوصفك آ صباحى بخاف من العين
من عين الخلوق مودعاك جبرين
انت بالعافى التخصك فى المصارين
تبقالك هدم سروال ونعلين
دايرى اشكيلو العزر صمد النمرتين
وانت آ سيد الجزيرى التكاكى وزين
يا سيد الشال تقيل فدع العراجين
انت في تالت سنين ما بدوك سبوعين
وما بترسل لى جوابا فيه سطرين
وماببتقول لى نعيم صباح أمو اشتغل وين
أنت ماك عارف قليبا لى مجينين
وماك عارف جواب الخبر يجينى وازيد لى شبرين
انبسط لى انبساطى زايدى على القوانين
فولة من قبل الملمات مانا فايقين
منطبقات على تلاتة واثنين
وختى ربع جنيه وبعضا ثلاثين
وقالوا ما بنقبل عذر قضونا فى الحين
أ كان لى المقد ماجابلو مدين
والعيشريف مبوص ما مرق هين
أصلوا لاتمرا مرق لانا سايقين
طلبتك بالله رسل لى جنيهين
وقيل ان سماعين كان صديق لابنها و عثر علي الخطاب و رد عليه إعتذاراَ بقصيدته تلكـ
ودبادي جاري شعر سماعين حسن حتي في الاخيله لذا يصعب التفريق بين شعريهما.
تحياتي
__
دكين رسل الجنيهين بلاش حركات معاكـ
|
Post: #6
Title: Re: إطــناشر ساعة!!
Author: فارس موسى
Date: 05-18-2008, 03:10 AM
Parent: #1
ياخى ليك وحشه جد شديده
اها
|
Post: #7
Title: Re: إطــناشر ساعة!!
Author: walid taha
Date: 05-18-2008, 07:07 AM
Parent: #1
أيّ حاجة ..أيّ حاجة
|
Post: #8
Title: Re: إطــناشر ساعة!!
Author: زول ساكت
Date: 05-18-2008, 07:23 AM
Parent: #7
فلس شنو ياخي احمد الله
انت اكتر واحد في البكان دا غني بالاصدقاء من الجنسين
|
Post: #9
Title: Re: إطــناشر ساعة!!
Author: اساسي
Date: 05-18-2008, 07:29 AM
Parent: #8
| Quote: انت اكتر واحد في البكان دا غني بالاصدقاء من الجنسين |
كان تخليهو علي فلسو القاله فوق كان كفاية عليهو.!
كدا حولتو من مفلس لي (معلم الله)
|
Post: #10
Title: Re: إطــناشر ساعة!!
Author: فيصل نوبي
Date: 05-18-2008, 07:50 AM
Parent: #9
حال ديكو بعد الفلسه الفوق و ما أضافه زول ساكت
_
آبدول
شاكوش و يعدي .. فِكـ البلوكـ من الدفاتر القديمة
ولا تحزن يا وغد .. (إن الله مع الصابرين) أمثالنا طبعاً 
|
Post: #11
Title: Re: إطــناشر ساعة!!
Author: حيدر حسن ميرغني
Date: 05-18-2008, 08:22 AM
Parent: #10
معقول الإجازة فى السودان مكلفة للدرجة دي يانوبي
_
إذا أسعى لمكرمة ملكية يارعاك الله
|
Post: #13
Title: Re: إطــناشر ساعة!!
Author: jini
Date: 05-18-2008, 08:28 AM
Parent: #10
|
Post: #15
Title: Re: إطــناشر ساعة!!
Author: زول ساكت
Date: 05-18-2008, 10:06 AM
Parent: #9
Quote: كان تخليهو علي فلسو القاله فوق كان كفاية عليهو.!
كدا حولتو من مفلس لي (معلم الله) |
يااساسي الراجل ماناقص
وانا اعني مااقول
لو عايز تتأكد عليك بزيارة بوسته زايع الصيت المسمى
بورداب الرياض والسادة النظارة
عشان تشوف التكاتف الشعبي كان قدر شنو
|
Post: #12
Title: Re: إطــناشر ساعة!!
Author: حمد فتح الرحمن
Date: 05-18-2008, 08:26 AM
Parent: #1
عايز سلف تاني موش
كون نفسك ياخ
|
Post: #16
Title: Re: إطــناشر ساعة!!
Author: عزاز شامي
Date: 05-18-2008, 10:08 AM
Parent: #1
ليس الفلس بقدر ماهي هبش ما لا يجب هبشه، أو كما ورد في الأثر
|
Post: #17
Title: Re: إطــناشر ساعة!!
Author: خدر
Date: 05-18-2008, 10:12 AM
Parent: #16
|
Post: #18
Title: Re: إطــناشر ساعة!!
Author: Ishraga Mustafa
Date: 05-18-2008, 10:26 AM
Parent: #17
دكين فى التبادى ازيك ياخى
وكيف اخبار البنات الحلوات ?!!
وبعدين نشوف موضوع الإطــناشر ساعة
-------------
خدر ردوا على التلفون وراجعوا الانسير ماشيـن
|
Post: #19
Title: Re: إطــناشر ساعة!!
Author: عمر الفاروق
Date: 05-18-2008, 10:44 AM
Parent: #1
| Quote: إنعل ابو الفلس البخلي الواحد يعيش في ظروف غريبة.. |
والله يا دكين قدر ما حاولت أعمل Link بين الحاجات دي غلبني ..
في النهاية كده فكّرت في حاجة تانية مختلفة تماماً ..
12 ساعة وفلس ما بيربط بيناتهم إلا السفر لمكة عن طريق الحملات ام 75 ريال ..
تقيف ليك في جغلومية إستراحة تضرب الرز مع الجداد المدتو منتهية وتواصل في رحلة زادك فيها الضُلُمّة وصوت شافع مصري في المقعد الأمامي أمو ما شغالة بيهو وكرسي ضيّق ما قادر تمد كرعينك قدام عشان تنوم فتكتفي بي الململة ..
غايتو دي العلاقة بين ال12 ساعة والفلس ولو كان عندك كاش كان ركبت الخطوط السعودية
|
Post: #20
Title: Re: إطــناشر ساعة!!
Author: فدوى الشريف
Date: 05-18-2008, 10:58 AM
Parent: #19
في شنو يا اخوانا؟
|
Post: #21
Title: Re: إطــناشر ساعة!!
Author: الطاهر ساتي
Date: 05-18-2008, 12:13 PM
Parent: #1
مولانا خدر تشكر كتير
Quote: الطاهر يا فنان
القصيدة فعلا قصيدة عمكـ سماعين حسن (في درب البنات) |
جاطت على مع ( بت الخير ود بادي )
وعلى راى العمد مابتفرق كتير
الاتنين حبيبين وحلوين و(معلمين الله )
تسلم
|
Post: #22
Title: Re: إطــناشر ساعة!!
Author: حمزاوي
Date: 05-18-2008, 12:47 PM
Parent: #1
كدي رسل لي عنوان امك عشان ارسل الف ريال
عشان انت ما مضمون
|
Post: #23
Title: Re: إطــناشر ساعة!!
Author: DKEEN
Date: 05-18-2008, 12:52 PM
Parent: #1
انحنا وضعنا كان مزري جدا
المرارات التي تجرعناها في التسعينات خلقت مننا جيل معقد
جيل المعقدين..زي ماقال صاحبي بنواحي تـُـهامة..
والذين لم يخرجوا من السودان، وجدتهم قبل شهر جلوس في الداون تاون تحت شجرة اللبخ وجنب دار النشر..
لقيتم تحت اللبخة مُـفـلسفين وجودهم بصورة تبدو لمن يجالسهم لاول مرة ان ثمة تصالح بينهم وبين انفسهم..
ولكن ما ان تطيل اليهم الجلوس والنظر حتى ترى الآمال التي تندس في الاحاديث والعيون التي كحلتها فعائل العين البصيرة..
تلك الآمال التي أجهضتها الهمم الدنيئة وحال الشريف الذي لايرضى بالمداهنات..
ومابين الرضى بحال الـمُـداهن والآمال المعلنة وغير المعلنة أتعقدنا تماما مابين 96 وحتى 2000م ..
|
Post: #24
Title: Re: إطــناشر ساعة!!
Author: DKEEN
Date: 05-18-2008, 12:56 PM
Parent: #23
عدم مقدرة الوالدين بالوفاء بالالتزامات المادية في تلك الفترة- نتيجة للكرب الذي خلقته سياسات الدولة- خلق تخوفا معقولاً ظل ُيلازمنا وُيصايحنا في انو نحنا ما حنقدر نوفي باي التزامات تجاه من نعولهم فيما بعد..
حرمنا ذلك التخوف المعقول من العمل بصورة صحيحة على اختيار المناسب..
وظل ذلك التخوف المعقول يظهر في شكل الـ (جهجهة الاختيار)..
والمجهجه في إختيارة هو شخص كثير التفكير في حال الإلتزام المترتب على احد الخيارات التي يخوض في جهاجيهها..
الزول المجهجه هو من يمشى ثقيلاً بين الخيارات ..
إن الجهجهة هي المسؤولية في ابلغ صورها..
ومن لم يذق الحرمان لا يتجهجه.. والتخوف المعقول الذي لازمنا، منتوج العوز ..
عرانا ذلك التخوف المعقول فيما بعد من بعض أشكال الإلتزام الاجتماعي..
فصرنا نبصق على ما لانجد إليه سبيلاً..
وزي ما فلسفنا- نحن ذاك الجيل- وجودنا البائس تحت شجرة لبخ جوار دار النشر..
وهو وجود يعبر عن فشل واضح في مجابهة هذه الحياة ومكابستها ..
صرنا نفسلف كل فشل يصيبنا في بلوغ مرامينا وآمالنا ونبدع في ابتلاع المرارات وترميم الخواطر المكسورة..
كما واندرجت في أحاديثنا مُـباشرة وقوة عين ما كانت مُـدرجة وما عهدناها فينا تحولت فيما بعد الى فضح مستور وجلافة وافتقار الى مسالك الشرح والإفهام القشيبة المُـتعارف عليها والتي جرت بها طبائع المستورين من اولاد وبنات الناس..
|
Post: #25
Title: Re: إطــناشر ساعة!!
Author: DKEEN
Date: 05-18-2008, 01:00 PM
Parent: #24
ظروف غريبة
|
Post: #26
Title: Re: إطــناشر ساعة!!
Author: singawi
Date: 05-18-2008, 01:17 PM
Parent: #1
دكييييييين
الفلس مو جديد يا عشاي صديق ملازم مرة ندقو ومرة يدق بينا الواطة
والظروف الغربية بنركز ليها
إلا في شيتن تالت .. شكيتك على الله وما عافي ليك دنيا وآخرة 
هسة الجاب سيرة الهبباي في عز الصيف منو
|
Post: #27
Title: Re: إطــناشر ساعة!!
Author: حمد فتح الرحمن
Date: 05-18-2008, 02:03 PM
Parent: #1
اقول ...
تراك ابلشتنا
اسحب لك رقم و اخلص
|
Post: #28
Title: Re: إطــناشر ساعة!!
Author: عمر الفاروق
Date: 05-18-2008, 03:40 PM
Parent: #1
Quote: اقول ...
تراك ابلشتنا
اسحب لك رقم و اخلص |
سم طال عمرك ..
|
Post: #29
Title: Re: إطــناشر ساعة!!
Author: حمد فتح الرحمن
Date: 05-18-2008, 04:34 PM
Parent: #28
ايش لقفك انت
|
Post: #30
Title: Re: إطــناشر ساعة!!
Author: عمر الفاروق
Date: 05-18-2008, 05:33 PM
Parent: #1
أقول ..
كُل تِبِنْ ..
|
Post: #31
Title: Re: إطــناشر ساعة!!
Author: حمد فتح الرحمن
Date: 05-18-2008, 05:48 PM
Parent: #30
اقول ...
انثبر
ترى لا يكثر هرجك
|
Post: #32
Title: Re: إطــناشر ساعة!!
Author: DKEEN
Date: 05-18-2008, 06:14 PM
Parent: #1
انا لا اقول ما اقول عشان يجي احدهم يناصحني بان الارزاق بيد الله اوالفلس ماعيب او يوم ليك ويوم عليك او ما سوى ذلك..
فذلك ليس امرا ذكيا من الناصح..
ادري ان الارزاق من عند المولى وانو الفلس ما بعيب الراجل وانو الايام دول..
ياإخواني:
اسقاط حال الغشامة فيما ادريه وانا اكتبُ مختارا في بورد يعج بالسوقة والدهماء والمغالطين وطالبي الحاجات والمغنين والشعراء ليس من النباهة في شي..
كان تخلوني اتم شارحا هذه الظروف الغريبة بدل تجو تنظروا لي في صفة هذه الظروف الغريبة وماتعج به كراويش احوالكم وانفسكم..
دينكم وايمانكم هظار وفوضى وجخ كلام..
الواحد معاكم لاتتغير ظروفو..ولا تخلو يشرح ظروفو..
والله لا املك ان اقول لكم إلا ما قالته لي دينا خالد ذات يوم:
واااااااااااااااااي..
|
Post: #33
Title: Re: إطــناشر ساعة!!
Author: كمال سالم
Date: 05-18-2008, 08:20 PM
Parent: #1
دكين أنا أرفض وأستنكر إقحامك لاسم دينا خالد هنا ,, إنت مفلس دى مشكلتك
قرفان برضو دى مشكلتك , من 1996إلى 2000 إنت محبط برضو ..............
داير أركب لى مكنه زى بتاعت ناس محمد سليمان وتراجى لكن غلبنى ,, خلينا فى المهم
وااااااى دى قالتها وين وبتين ؟؟
إنت ياملعون ماقلت ما لقيت الباب الاسود ,, عالم خاينه بشكل !!
|
Post: #34
Title: Re: إطــناشر ساعة!!
Author: Emad Abdulla
Date: 05-18-2008, 08:38 PM
Parent: #33
Quote: والله لا املك ان اقول لكم إلا ما قالته لي دينا خالد ذات يوم:
واااااااااااااااااي.. |
وا دينااااااااااه .. يا لتغلب ..
........
إتجدع ..
الهضربة و لا صمة الخشم .
|
Post: #35
Title: Re: إطــناشر ساعة!!
Author: خدر
Date: 05-18-2008, 10:13 PM
Parent: #34
| Quote: ادري ان الارزاق من عند المولى وانو الفلس ما بعيب الراجل وانو الايام دول.. |
قر قر قر
قر قر قر
هييهيهيهيهيهي
_____
الدين في الكتوف و الفلس حراق روح
|
Post: #36
Title: Re: إطــناشر ساعة!!
Author: Emad Abdulla
Date: 05-18-2008, 10:44 PM
Parent: #35
| Quote: الفلس ما بعيب الراجل |
في مثل هذا القول الكحيان تقول حبوبتنا عليها الرحمة و الرضوان :
( عاد يا يابا كضب الجبال ) .
.......
عِز .. عليك الله رُد لي قول لي :
هاك ألويها إنت و حبوبتك .
|
Post: #37
Title: Re: إطــناشر ساعة!!
Author: mutwakil toum
Date: 05-19-2008, 02:34 AM
Parent: #36
هناك موديلات (عقد) سبقت التي طرحتها للعلن.. 96-2000
فموديل العقد بتاع 94 أقوى ما تمّ طرحه علي اسواق النفس البشرية.
هذا الموديل نجح في التخلص من الاماني المعلنة والخفية وأكتفى ببند (الحمد لله النفس طالع ونازل)..
وتحت هذا البند، ظهر الإنتحار كخيار، وتحته –برضو- تحولت الفرصة، أي فرصة، هي الخيار، الحصول علي فيزا راعي، العمل ككمساري لوري محطته الاخيرة ليبيا غير آبهاً بجديد الجنجويد،
تحويل صورة العمّ او الخال الذي يعمل بدولة خليجية الي اسطورة لا يأتيها العوج من قبلها لا من دبرها ، اما اذا كان المغترب شقيق دم لزمّ فأن الشقيق المرمي تحت شدرة اللبخ هو من يحق له طرح احلامه علناً علون.
ده الحاصل بي الظبط والربط في الفترة ديك،،
المبتلى بعقد موديل 94 له تعاطيه المميز للأشياء،
يأكل من الطعام (السلطة).. بخجل (كمان)،فأكل اللحمة له شروط لا تتوافر عنده
يشارك في المناسبات الي ان يندفن ظله بعرقه، فهذا كل ما يمكن ان يقدمه لاهل المناسبة
يحفر القبر (لامن يجيب مويه) ،،
يحسد الميت على موته،
يلف احلامه بمصلاية الصلاة ويودعها لي الفوق،، يا صابت يا خابت،
يضرب الهمّ بالكاس،
والكاس (طــز) في الناس،
* * *
عيوب هذه الإضطرابات النفسية لا تقتصر علي هذه الفترة،
مضت الفترة ورواسبها تحفر في الزول حفر بترول
وتظلّ تردم في الحفرة ،،
تردم بروح – اصلاً- مشوهة، تجيد الحفر وحفر حفرتها لنفسها، وعلاقتها بي الردم تركتها ميتة تحت شدرة اللبخ .
لذا لن ينتهي الردم،
فلا ليبيا ولا السعودية ولا الديش ولا تشاد ولا الجهاد له المقدرة علي تصويب ضل عوده اعوج يا دكين
|
Post: #38
Title: Re: إطــناشر ساعة!!
Author: abubakr
Date: 05-19-2008, 03:02 AM
Parent: #1
| Quote: ..ولا تخلو يشرح ظروفو.. |
انت البخليك تقطع استرسالك وترد عليهم شنو ؟؟
واصل الكتابة وخلي خدر يواصل وعماد يواصل ومتوكل يواصل ...المسلسل دة ربما من اهم ما كتب حتي الان وسط الزحمة دي ... قصة جيل كامل في دولة حدادي مدادي ادعي بعض الدهماء يوما ان لهم حضارة يوجهونها لكل العالم ...انت ما بتشرح ظروفك انت بتشرح ظروف بلد وجيل في زمن منيل بنيلة ...واصل وبطل تقيف في كل محطة زي القشاش ... ..
|
Post: #39
Title: Re: إطــناشر ساعة!!
Author: Hisham Ibrahim
Date: 05-19-2008, 09:02 AM
Parent: #38
دكيــــــــــــــــــنــــ
(( يا بُني أركب معنـــــــــــــــــــــا))
دورنا لجيل يسبقــــنا سنيني عددا !!
لم يجد من ينصحنا أم يمددنا مددا !!
فألحق بنفسك تستـــــــشير أحدا !!
فكلهن خارجات من قالـــــب أوحدا !!
لا يبالي وأمضغ الصبر مضغ القات في صنعاء ،، وأغمض عينيك وتوكل وأنقل نفسك الى مقام آخر !! وتمتع بأيام أولى وأبدع في الخيار ! وباصر حياتك فالعمر ليس فيه الكتير من الــ إطناشر ساعة ______
هشام
|
Post: #40
Title: Re: إطــناشر ساعة!!
Author: DKEEN
Date: 05-25-2008, 05:51 PM
Parent: #1
يبدو انو الهوة التي بيني وبينها ابت ان تنردم..
تجذرت تلك المشاكل والشبك عميقا في تكوين الشخصية..
عميقا اكبر من قدرتي على زحزحتها..عميقا اكبر من محبتي التي بذلتها في الوصال..
بذلت جهد القريب الباقي على الوصل والمودة..
وبذلت باذخاً محبتي املاً في ردم ما لا يد لي فيه..
وآحسرتي ..قد خاب مسعاي وضاع زمني وكسرت الخواطر مرات مريرات..
ما شفع لي ما سقته من مودة
ما شفع لي ماسقته من محبة
ما شفع ما بذلته من وقت ..
ماشفع ما اهديته من اجل خاطر جبر الخواطر..
مانفعني ما تحملته من جفا .
ومن قسا
وما ابتلعته منها في حق خواطر الاعزاء..
كان صبرا جميلاً ..استعنت فيه بالله وبصلة الرحم على ما وصفوا..
صبرُ ُ استغربته على نفسي وانا الذي لا ارضى فيمن احب ..
ارتضيته لهم عسى تنفك عقد هؤلاء القوم..
فما انفكت ولا لانت عريكتها ولا تغير طبعها المريب..
يمكنني آسيا الان ان اطوي صُـحفها..
يبدو انو نص اجازتي الفاتت راحت ساي..
راحت ساي بندق في بحر..
25 مايو 2008م
الرياض
توثيقا لما خبرته من طرف الجدول الذي احببت..
|
Post: #41
Title: Re: إطــناشر ساعة!!
Author: عزاز شامي
Date: 05-25-2008, 06:56 PM
Parent: #1
من كنت طفل صغير و شين مشكلتك ياها زاتها ...
ما بتسمع كلام الكبار!
عمك ابو بكر ما كلمك؟ قاطع نفس خيل كلامك لشنو ترد على الغطو قدحهم و جاين شايلين شوالات نصايح ما نفعتهم؟؟
متى تنضج يا دكين؟
متين؟
ما تردم بحر يا ود امي، امشي حفيان ولا تلبس دزمة ضيقة!
انت ماهل يا اخوي و المهلة يسر و اليسر كرم و بالكرم تملك كريم و يتمرد ليك بيهو لئيم ...
تم مهلتك للآخر وأطوي الصفحة بهدوووووء!
الصفحة دي بتلزمك بعدين،
تحسب فوقها المدين و دائن،
مدين صفر كبير ودائن بعرض المودة القديمة،
اعتبرها صدقة عن عافيتك و شبابك .. خد مني انا دي!
Quote: 25 مايو 2008م
الرياض |
تاريخ التشيد، لجديد ايامك...
بركة اليوم ده و اليوم داك، اطناشر ساعاتك دي تلف وتدور تجيك يوم كامل تامي نصاب الفرح!
|
Post: #42
Title: Re: إطــناشر ساعة!!
Author: Balla Musa
Date: 05-25-2008, 09:02 PM
Parent: #41
كهيعص
|
Post: #43
Title: Re: إطــناشر ساعة!!
Author: كمال سالم
Date: 05-25-2008, 11:53 PM
Parent: #1
عماد عبدالله بالله أرح معاى نعزى صحبك ده ,, والله كتابتو دى بكتنى !!
|
Post: #44
Title: Re: إطــناشر ساعة!!
Author: Emad Abdulla
Date: 05-26-2008, 00:06 AM
Parent: #43
| Quote: عماد عبدالله بالله أرح معاى نعزى صحبك ده ,, والله كتابتو دى بكتنى !! |
كمال ياخ ما تتغش بشوية النهنهة دي ..
المواطن ده رامي لبعيد ..
موية من تحت تبن إبن اللزينا ..
...........
قال واااااااااااااااااااي قال ..
بالله !!!
|
Post: #47
Title: Re: إطــناشر ساعة!!
Author: DKEEN
Date: 05-26-2008, 03:40 PM
Parent: #44
عمدة..
في ذلك الليل..عند ذلك النسيم طرف جبرة حين سالناك اللقاء كان رغبة منا في ان تفرز لنا كيمان هؤلاء الحسان..
بخلت علينا باللقاء فما فلحنا في فرزنا..
ربما لو التقيناك ما كان للحصل داعي..
|
Post: #45
Title: Re: إطــناشر ساعة!!
Author: DKEEN
Date: 05-26-2008, 03:22 PM
Parent: #1
الى كل الذين تداخلو هنا..
مع مودتي المعلومة لكم ومحبتي التي لا شك فيها ولاشوائب،وددتُ لو اتمكن من الرد على مداخلاتكم
ولكنكم مثلي (مافاهمين اي حاجة) وحديثكم- على مافيه من مودة ومشاركة في الهم وتبارير للظروف الغريبة - ضربُ ُ من التخمين والمكر والمحبة التي ُيغلفها كيد من ُيحبك..
يعني كلامكم ده ياإخوان سااااي بندق في بحر ..
ليس لفطنة تنقصكم ولكن لانو انا ذاتي حاجاتي طلعت جبخانة في ادبخانة..
فاذا ما كان صاحب القول لايدري مايقول فكيف بقول من ظن ان للقول مدلول..
وانا صاحب القول..
وقد تهتُ عن المعاني..
واختلطت على المقاصد والدلالات..
وتشابكت خيوط محباتي ..فأتين متتابعات في هذا الخيط..
مودة تسبق ريبة..
وريبةُ ُحسبتها مودة...وبيع بالجملة..وحبيبة تعمل لاكثر من اطناشر ساعة في اليومُ لان الظروف التي حولها جدُ غريبة..
واشياء لم نحسمها الله يحسمها..
اقول هذا مستثنيا عزاز عن هذا الهرج الممتلي مودة..
وبرغم كون عزاز ذاتو كلاما بندق اخر في بحر اخر ..(وانا بصراحة المثل ده عاجبني لفرط مابه من بلاغة وعامية سودانية) واتخيل في خضمه انصارياً ببندقية اب روحين ُيطلق النار على بحر النيل دونما كلل ..
اها عزاز دي مع توكيدي على ضبابية ماقالته من معاني وطيشه عن القصد ..
إلا ان ثمة جزء اعجبني ..
ولاُيعجب المرء إلا مايزيح عنه هماُ او يصيب فيه شيئا من دواخله..
وقد اصابت احجار مماقالته العزيزة صفيحة دواخلي فقالت (طق)..
قالت:| Quote: اعتبرها صدقة عن عافيتك و شبابك .. خد مني انا دي |
!
وما ابلغ ما قالت..
ان احتسب ماجرى في شأن العافية التي اسرح بها..
فله الحمد على نعمته الكبيرة..
شكرا ياشابة..
اسعد الله شبابك..
|
Post: #46
Title: Re: إطــناشر ساعة!!
Author: Osama Mohammed
Date: 05-26-2008, 03:39 PM
Parent: #1
كل المرور وسيد اللقاء
سلام
خرجت من السودان شهر حداشر سنة تسعة وتسعين....
وجدت من يذهب للسودان كل سنة ومن لم يذهب خمس او ست أو سبع ..
لا يهم ..
كلما كنت أحاول أن أشرح للسودانيين خارج السودان تلك الفترة( التسعينات ) لم أقدر .... لم أقدر أن أًوصل إحساسي ومشاعري عن تلك الفترة ... ما أود أن أقوله أنني حتى هذا اليوم كلما أتذكر حسرة الرجال والآباء وهم لا يقدرون أن يوفوا طلبات أبنائهم ....أدمع في الخفاء وألعن من يلبس ثياب الواعظينا....
حقيقة.....
محزن
مؤلم
ولكنه
حدث يوماً ما ..
لكم مودتي
اسامة
|
Post: #48
Title: Re: إطــناشر ساعة!!
Author: DKEEN
Date: 05-27-2008, 03:27 PM
Parent: #1
كمال سالم
في ليلة اخيرة طرف سريرها قتا ليها (لو اديتك ضهري ده,فحيكون الضهر ده اخر ما قد ترينه مني..
خلينا نتم ونستنا )
وجلسنا وكملنا الليل ..ومشيت الفجر من عندها مليئاً بسعدي..
فليت ذاك الليل لم يطلع فجره..
لانو فعلا الضهر داك كان اخر شي حتشوفو..
نحنا اتلعبنا من وراء ضهورنا ياكيمو..
الكلام جابو لي من وراي ما قالوهو قدامي..
انعل ابو الفلس البخلينا نعيش في ظروف غريبة..
|
|