Post: #1
Title: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-17-2008, 04:52 PM
Parent: #0
Quote: كشف وزير الدفاع الوطني الفريق أول عبدالرحيم محمد حسين النقاب عن معلومات جديدة حول تفاصيل هجوم حركة العدل والمساواة على امدرمان، وقال ان ثلاث جهات تولت التخطيط للهجوم ليس بغرض التخريب وانما لتغيير النظام وهي تشاد التي كانت منصة انطلاق وتدريب القوات، والقوى الاقليمية والدولية التي مولت العملية عبر احد المصارف الاقليمية وقدمت لها الدعم الفني برصد القوات المسلحة عبرالاقمار الصناعية لتجاوز الاشتباك معها،مشيراً الى ان الدعم المقدم للقوات يفوق قدرات تشاد المنهكة بعد هجوم المعارضة التشادية على انجمينا، وتم رصد 309 عربة لاندكروزر وصل لاطراف الخرطوم منها حوالى 220 عربة، والجهة الثالثة هي حركة العدل والمساواة التي كانت الاداة لتنفيذ العملية وطموحات رئيسها خليل ابراهيم في ان يحكم السودان " بوهم أنه زعيم المهمشين ".
وكشف وزير الدفاع في برنامج مؤتمر اذاعي امس عن اخلاء خليل ابراهيم رئيس الحركة وأخيه غير الشقيق ومدير استخباراته عبدالعزيز عشر من مدخل جسر الانقاذ بعد احتدام المعركة بواسطة سيارة مدنية (بوكس ابيض) وذلك طبقاً لافادات بعض الاسرى الذين شاركوا في معركة الجسر. مشيرين الى ان خليل ابلغهم بانه ذاهب الى الإذاعة لتلاوة البيان،واكد الأسرى انهم اكتشفوا الخدعة سريعا حين فوجئوا بالحكومة مازالت تسيطر على الإذاعة حيث تابعوا الإرسال الإذاعي.
وتساءل وزير الدفاع عن اسباب الهجوم على القوات المسلحة منوها أن الهجوم الذي نفذته ما تسمى بحركة العدل والمساواة قد فشل في تحقيق جميع اهدافه وعلى رأسها الإستيلاء على السلطة عبر السيطرة على الإذاعة والقيادة العامة والقصر الجمهوري، وقد نجحت القوات المسلحة والوحدات المساندة في احباط كل هذه الأهداف.
وقال الوزير إن القوات المسلحة بعد علمها بتحرك القوات من الاراضي التشادية حركت مجموعة من المتحركات الى الجنينة والفاشر والأبيض ومروي بعد ورود معلومات اليها بان هذه المناطق مستهدفة واعتبره جزءاً من التكتيك الذي يهدف الى ابعاد نظر القوات المسلحة عن الهدف الرئيسي مشيراً ان وصول القوات على بعد 170 كيلو من امدرمان اكد ان الخرطوم هي الهدف.
وقال الوزير ان القوات المسلحة وضعت 3 انساق للتصدي للهجوم، النسق الاول حركت لواءً كاملاً الى خارج امدرمان على بعد 80 كيلو ولم تشتبك معه القوات المهاجمة وتجاوزته وتركته خلفها وتحركت شمالاً وجنوباً وحدث اول اشتباك في النسق الثاني في الكيلو 73 بطريق شريان الشمال استبسلت فيه قوات الاحتياطي المركزي والوحدات التابعة لجهاز الأمن والمخابرات ثم انتقلت المعركة الى النسق الثالث وهو تحضير ارض القتل وتم تحديدها بشارع العرضة ومدخل جسر الانقاذ مشيراً الى ان القاعدة الجوية في وادي سيدنا كانت مستهدفة وتم حمايتها بخندق ضخم وبطائرات ابابيل حيث فشلت القوات المهاجمة من اختراق القاعدة وتم تدميرها.
وقال الوزير ان الكباري الثلاثة تم اغلاقها واستدراج المهاجمين لارض القتل حيث تم تدميرهم في مدخل جسر الانقاذ وشارع العرضة حيث تمكنت القوات من الحصول على 143 عربة مابين مدمرة وسليمة، لافتاً الى ان الطيران ساهم في تدمير الكثير من السيارات قبل الوصول الى امدرمان، مشيرا الى ان اكبر الخسائر في صفوف المدنيين كان في احد المصانع خارج امدرمان حيث قتل نحو 22 شخصاً.
واكد وزير الدفاع ان القوات المسلحة ما زالت تلاحق خليل ابراهيم الذي فرّ ومعه حوالى 17-22 عربة في شمال دارفور وكردفان بمناطق الراهب وبير مرقي مشيراً الى انه حتى ظهر امس لم ينجح في العبور الى تشاد.وسخر الوزير من ما اسماه بشائعة الامم المتحدة حول هجوم وشيك على الفاشر من قوات حركة تحرير السودان (الوحدة) مشدداً على ان اجهزة الاستخبارات لم ترصد اي تحرك بهذا الخصوص.
واعتبر الوزير احداث امدرمان لاتعني وجود خلل امني في العاصمة لكنه اشار الى تشكيل لجنة لتقييم المعركة ولمعرفة الاخفاقات اين فشلنا واين نجحنا للخروج بدروس يستفاد منها في المستقبل.
|
بدون تعليق ..
|
Post: #3
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: Nasr
Date: 05-17-2008, 05:02 PM
Parent: #1
الزول ضيفوه لقائمة الأسباب التي يجب أن تعجل برحيل الإنقاذ
|
Post: #5
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-17-2008, 05:36 PM
Parent: #3
| Quote: الزول ضيفوه لقائمة الأسباب التي يجب أن تعجل برحيل الإنقاذ |
ولو كانت الانقاذ احسن نظام حكم فى العالم كلو
وفقط عيبها الوحيد هو وجود هذا الرجل وزيرا لدفاعها
فيجب ان ترحل الانقاذ اليوم قبل غدا ..
|
Post: #4
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: عاصم ابوبكر حامد
Date: 05-17-2008, 05:31 PM
Parent: #1
الاستاذ على
لك التحية
المعلومات التى قدمها هذا الوزير
هئ ما عجلت بدخول قواتنا الى امدرمان ...
و فى ذلك اليوم اكتشفت انه اغبئ وزير دفاع ......
انه رجل لا يفقه فى الدفاع شئ ...
فعلا هئ الانقاذ
|
Post: #6
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-17-2008, 06:14 PM
Parent: #4
Quote: المعلومات التى قدمها هذا الوزير
هئ ما عجلت بدخول قواتنا الى امدرمان ...
|
الكلام مافى دخول قواتكم امدرمان
الكلام فى الجكه بعد الدخول 
|
Post: #7
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: عاصم ابوبكر حامد
Date: 05-17-2008, 06:22 PM
Parent: #6
| Quote: الكلام فى الجكه بعد الدخول |
الحمدلله جكتنا بعد ان اخذنا ما نريد
وارسلنا رسالتنا الاولى ...
ولكن خرجنا باطمنان شديد ...
|
Post: #8
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: amir jabir
Date: 05-17-2008, 06:57 PM
Parent: #7
| Quote: تحضير ارض القتل وتم تحديدها بشارع العرضة ومدخل جسر الانقاذ مشيراً الى ان القاعدة الجوية في وادي سيدنا كانت مستهدفة وتم حمايتها بخندق ضخم وبطائرات ابابيل حيث فشلت القوات المهاجمة من اختراق القاعدة وتم تدميرها. |
دة كلام لى زول عسكرى ما منطقى...
طيب الكماشة وين
|
Post: #9
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-17-2008, 07:05 PM
Parent: #7
Quote: والقوة الثانية التي يقودها خليل تجد اللواء »أبوتيه« في انتظارها وعربة خليل كانت واحدة من اثنتي عشرة عربة تحترق في اللطمة الأولى وخليل يقفز.. وحرسه ينتزعون عربة من المواطن »آدم بوش« دبل كابينة يلقون به على الرصيف وينطلقون بها.
والهروب يبدأ..
|
Quote: بعد ان اخذنا ما نريد
|
مبروك عليكم الدبل كابينه حقت المواطن ادم بوش
|
Post: #10
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-17-2008, 07:12 PM
Parent: #9
ود جابر ابو كهربخ ذايده الايام دى
قلت لى
Quote: دة كلام لى زول عسكرى ما منطقى...
|
هو انتا قايل ابو رياله دا شنو ؟
دا مهندس طيارات ساكت
من ملازم لمن وصل عميد حايم بى مفك وزرديه
الكماشه انتا ما شفتها ؟
ياخ الجمالى الخاتى صورتو انتا دا
كان قائد واحد من المحاور التلاته للهجوم
وكان مكلف باحتلال الاذاعه من اجل البيان الاول
وكما هو معلوم فأن الاذاعه تقع فى امدرمان جمب الطابيه المقابله النيل
ولكننا فوجئنا بالرجل المكلف باحتلال الاذاعه يقتل فى خلاء جبل الاولياء
كماشه اكتر من كدا كييف ؟
|
Post: #11
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: amir jabir
Date: 05-17-2008, 07:19 PM
Parent: #10
Quote: الكماشه انتا ما شفتها ؟
ياخ الجمالى الخاتى صورتو انتا دا
كان قائد واحد من المحاور التلاته للهجوم
وكان مكلف باحتلال الاذاعه من اجل البيان الاول
وكما هو معلوم فأن الاذاعه تقع فى امدرمان جمب الطابيه المقابله النيل
ولكننا فوجئنا بالرجل المكلف باحتلال الاذاعه يقتل فى خلاء جبل الاولياء
|
اترحم على الرجال علشان تلقى زول يترحم عليك .....
|
Post: #12
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-17-2008, 07:24 PM
Parent: #11
| Quote: اترحم على الرجال علشان تلقى زول يترحم عليك ..... |
عليهو الرحمه ..
|
Post: #13
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: mohmed khalail
Date: 05-17-2008, 07:47 PM
Parent: #12
| Quote: فيجب ان ترحل الانقاذ اليوم قبل غدا .. |
ومعاها كمال شداد وحيد عصره وزمانه
|
Post: #18
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-18-2008, 08:58 AM
Parent: #13
| Quote: ومعاها كمال شداد وحيد عصره وزمانه |
محمد خليل
الحمد لله ماقلت ومعاها جمال الوالى
لانى كنت ح انط ليك فى حلقك
|
Post: #14
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: amin siddig
Date: 05-17-2008, 08:23 PM
Parent: #12
إستمعت لجزء من اللقاء مع عبدالرحيم
في إذاعة صوت القوات المسلحة
للأمانة الأسئلة الفنية التي طرحها مقدم اللقاء على الوزير كانت واضحة و صريحة و مهنية
ما لفت إنتباهي هو قوله في الإجابة على سؤال بما معناه لماذا لم يتم فرض طوق عسكري حول أمدرمان
أجاب عبدالرحيم بأن لواء المشاة به حوالي 4000 جندي يغطي مسافة ميلومتر أو كيلومترين
لست خبيراً عسكرياً
ولكن بإفتراض أن نصف قوة لواء المشاة تؤدي مهمات إسناد في الخطوط الخلفية
يتبقى حوالي 2000 جندي
يعني أي جندي بيغطي متر أو نص متر ! راقدين الكتف بالكتف يعني ولا شنو
أصلو جيش نمل ؟
وفي سؤال آخر حول خسائر العدل و المساواة
أجاب عبدالرحيم بأن هناك عدد(..)عربية دمرت ..و (.. ) قبضوها حية
قالها باللفظ قبضوها حية ( يعني العربات )
فلم يتمالك مقدم البرنامج نفسه من الضحك
|
Post: #15
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: ghariba
Date: 05-18-2008, 02:00 AM
Parent: #14
Quote: الحمدلله جكتنا بعد ان اخذنا ما نريد
وارسلنا رسالتنا الاولى ...
ولكن خرجنا باطمنان شديد ...
|
خرجنا باطمئنان اذا لم تختشي فقل ماتشاء
والله خرجتوزي الكلاب الضالة وخليتو الاطفال الجيعانين ديل
الرسالة الوصلت انكم (جكاكين) يعني السيد خليل تحول من الدبابين
الى الجكاكين......
ونشكر كاتب البوست الاخ على بشير محمد علي لهذا المصطلح (الجكاكين)
الرسالة انكم اغبياء ضيعتوا العربات والدشكات والراجمات
الرسالة ،،الحكومة عارفة انكم مهابيل عشان كدة جابتكم الى ارض القتل
|
Post: #20
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-18-2008, 09:23 AM
Parent: #15
Quote: الرسالة الوصلت انكم (جكاكين) يعني السيد خليل تحول من الدبابين
الى الجكاكين......
|
غريبه
هى جنس جكه لكن
خليل جاكى لى يوم الليله
لا وصل ولا فتر
|
Post: #17
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: Nasruddin Al Basheer
Date: 05-18-2008, 08:41 AM
Parent: #14
أبو عبده الوزير كان بقصد قبضوها وختراتها كانت مولعة
وهذا التعبير يدل على منتهى البلاغة من سعادة الوزير
والمعنى واضح لكن مشكلة عبد الرحيم ده إنو مسكين ومستهدف
وما عندو صليح غير البشير..
لكن رغم ذلك وبفضل الله وحده وما شاء الله وتبارك الله، عبد الرحيم
شغال وزير لأكتر من تمنتاشر سنة يتضرع في الوزارت يمين وشمال
مافي راجلاً وقفو في مكانو..
عبد الرحيم بطل يا جماعة.. عبد الرحيم بستاهل التكريم..
أرجو ألا تدفعكم الحسادة للتقليل من إمكانيات عبد الرحيم..
|
Post: #21
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-18-2008, 09:25 AM
Parent: #17
Quote: الوزير كان بقصد قبضوها وختراتها كانت مولعة
وهذا التعبير يدل على منتهى البلاغة من سعادة الوزير
|
قرقرقرقرقرقرقرقرقرقرقرقرقر
الله يجازى محنك يا نصر الدين
بالمناسبه : -
مبروك الحمام الميت الوقعتوا معاهو
|
Post: #19
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-18-2008, 09:03 AM
Parent: #14
Quote: ما لفت إنتباهي هو قوله في الإجابة على سؤال بما معناه لماذا لم يتم فرض طوق عسكري حول أمدرمان
أجاب عبدالرحيم بأن لواء المشاة به حوالي 4000 جندي يغطي مسافة ميلومتر أو كيلومترين
لست خبيراً عسكرياً
ولكن بإفتراض أن نصف قوة لواء المشاة تؤدي مهمات إسناد في الخطوط الخلفية
يتبقى حوالي 2000 جندي
يعني أي جندي بيغطي متر أو نص متر ! راقدين الكتف بالكتف يعني ولا شنو
أصلو جيش نمل ؟
|
يا مين
ياخ انتوا بتبالغوا والله
بتحاكموا الزول على انو وزير دفاع حقيقى
والله يا امين اليوم داك لو انتا كنت وزير الدفاع لكان اداءك احسن منو
موش انتا بتقول انك ما خبير عسكرى ؟
بيتخيل لى جربنديه ساكت كنت بتعمل افكار احسن منو
ياخ دا عمرو كلو شايل ليهو مفك وزرديه وراقد تحت الطيارات
عامل سنونه الكتار ديل
Quote: قالها باللفظ قبضوها حية ( يعني العربات )
فلم يتمالك مقدم البرنامج نفسه من الضحك |
انتا عارفو بيقبض العربات حيه كيف
يعنى تكون المكنه مدوره وبتهتز يعنى بترجف
وطالما انها بترجف يعنى بتكون حيه
|
Post: #16
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: الزنجي
Date: 05-18-2008, 07:40 AM
Parent: #1
أستمعت الى حديث سعادة وزير الدفاع وفية كثر من المغالطات التى تعجل المستمع العادى يشكك فى الامر
كيف يمكن لقوة عسكرية بعد ان توافرت لديها المعلومات الاستخبارية والمؤكدة حسب حديث السيد الوزير
ان تسمح للعدو بنق المعركة الى داخل المدينة وازقتها . حتى لو افترضنا بانه كان فى موقف دفاعي
ويعرف الميدان القتالي ( مدينة امدرمان ) اكثر من العدو
ذاا افترضنا ان الهجوم كان فى وقت متأخر من الليل او عند الفجر كيف كان سيكون وضع القوات الامنية ؟؟
|
Post: #22
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-18-2008, 09:41 AM
Parent: #16
Quote: كيف يمكن لقوة عسكرية بعد ان توافرت لديها المعلومات الاستخبارية والمؤكدة حسب حديث السيد الوزير
ان تسمح للعدو بنق المعركة الى داخل المدينة وازقتها . حتى لو افترضنا بانه كان فى موقف دفاعي
ويعرف الميدان القتالي ( مدينة امدرمان ) اكثر من العدو
|
المشكله يا الزنجى يا اخوى
انو الوزير الهمام ومعاهو زبانية الانقاذ
استدرجوا العدل والمساواه لارض المعركه فى امدرمان ووسط المواطنين
وذلك لمكاسب يرجوها اهل الانقاذ من وراء ذلك
بعد ان انهكوا قوات العدل والمساواه بالقصف بالطيران من شمال كردفان
الى ان وصلوا الخرطوم وحييدوا الجماعه التى كان من المفترض ان تشارك
من داخل الخرطوم واحكموا الكمين .. وبعد ان احس خليل ابراهيم بالخديعه
قام جك جكه قويه وللان وهو جاكى بعد ان فر من المصيده التى نصبها له
رفقاء الامس اعداء اليوم
لانو كان من المفروض تواجد قوات فى الكبرى الجديد تسهل له عملية المرور الى الخرطوم
ولكنه تفاجأ حينما وصل الى كبرى الانقاذ ان الضربه الاولى فقط دمرت له 12 لاندكروزر
واتصل على القوة التى كان يجب ان تحتل الاذاعه افادوه ان المدافعين عن الاذاعه بدلا
من ان تكون فصيله او سريه وجدوها لواء كامل من القوات المسلحه ونيرانهم حدها السماء
فاثر خليل ابراهيم الهروب من ارض المعركه والنجاة بحياته
لذلك قام بالاستيلاء على بوكس دبل كابينه وهرب
| Quote: ذاا افترضنا ان الهجوم كان فى وقت متأخر من الليل او عند الفجر كيف كان سيكون وضع القوات الامنية ؟؟ |
بالعكس
لو اتى الهجوم فى مثل هذا الوقت بالزات لما خرج احدا من القوات المهاجمه حيا
لانو كانت القوات المهاجمه بتكون متحركه فى ارض مكشوفه وبدون اسناد جوى وبدون
زحمة سيارات المواطنين ووقتها كان سيسهل اصطياده بالطيران سياره تلو الاخرى
وهذه هى كانت اشواق وامانى ابورياله ومن معه
لكن العدل والمساواه جاءتهم نهارا ووسط الاحياء السكنيه ووسط سيارات المواطنين
|
Post: #23
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: Ashraf el-Halabi
Date: 05-18-2008, 10:01 AM
Parent: #1
| Quote: وتم رصد 309 عربة لاندكروزر وصل لاطراف الخرطوم منها حوالى 220 عرب |
يا علي سيرباك زي دا تعدي منو 220 تاتشر ما أظنو ينستر في دور الستاشر
|
Post: #24
Title: Re: هل صحيح ان خليل ابراهيم خدع مقاتليه وفك البيرك .. معلومات جديده يدلى بها ابو رياله ؟ !!
Author: على محمد على بشير
Date: 05-18-2008, 10:32 AM
Parent: #23
| Quote: يا علي سيرباك زي دا تعدي منو 220 تاتشر ما أظنو ينستر في دور الستاشر |
دى كوره مصرجه يا اشرف
لانو جماعة العدل والمساواه كانوا بيلبدوا نحن الاشجار الكبيره نهارا
وبيتحركوا نحو امدرمان ليلا
يعنى كوره مصرجه .. عشان كدا جلت منو ابو رياله
طبعا هو ومن معه كانوا متوقعين حاجتين بعد ان احكوما الكمين
انو العدل والمساواه تمشى ليهم بالنهار وتكون مكشوفه للطيران
وانو يجوهم داخلين بالليل
بس الجماعه خيبوا ظنهم
مشوا بالليل وناموا بالنهار
ودخلوا ليهم عز الضهر
عشان كدا صرجت منهم
|
|
