صراع حاد حول المناصب في الحركة الشعبية

الصراع ظهر داخل المؤتمر الحالي المنعقد في جوبا
إذا لم تتم تسوية مرضية فان هناك قاتمتان سوف تدخل
كل منهما من موقف متعارض مع الأخرى
قد يكون سيلفاكير ميارديت على رأس القائمة الأولى
وسيقود القائمة الثانية رياك مشار

توقعات الغد

ابوساندر

الصراع داخل حزب يعقد مؤتمره العام دليل عافية للحزب نفسه وليس خصما عليه

ربنا يعبنهم وينجح مؤتمرهم لكي يكون ذلك دافع لاحزاب الاخرى لاتباع المثل

كتب حيدر حسن ميرغني :

Quote: الصراع داخل حزب يعقد مؤتمره العام دليل عافية للحزب نفسه وليس خصما عليه

100% صاح
بل وحتى الإنقسام بعد المؤتمر دليل عافية وحيوية

باقان اموم يقول : منافسة حامية حول المناصب القيادية

هذا ورد في شريط أخباري في قناة النيل الأزرق

القصة بدأت بإقتراح قدمه سلفاكير ميارديت
طلب فيه أن يكون له نائب واحد بدلآ عن ثلاثة
نواب للرئيس
يقال ان مرشح سلفا المفضل هو جيمس واني
وان التعديل أصلآ مقصود به الاطاحة برياك مشار
وليس مشار فقط
بل حتى منصب الأمين العام يرغب سلفا في إسناده
للقائد تعبان وهو حاكم ولاية هامة في الجنوب

أي أن تكون المناصب الأولى الثلاثة كالتالي :

سلفاكير ميارديت : رئيسآ للحركة
جيمس واني : نائبآ للرئيس
تعبان دينق : السكرتير العام

Quote: على صعيد آخر، بدأ في مدينة جوبا عاصمة إقليم جنوب السودان أمس المؤتمر العام الثاني لـ «الحركة الشعبية لتحرير السودان» التي تحكم الإقليم بمشاركة 150 مراقباً محلياً ودولياً. ويواجه متمردو السودان السابقون الاختبار الأخطر من نوعه بعد رحيل زعيمهم السابق الدكتور جون قرنق الذي قتل في حادث تحطم مروحية على الحدود مع أوغندا قبل أكثر من عامين. وتخلى قادة الحركة أمس عن مناصبهم تمهيداً لاختيار قيادة جديدة في المؤتمر العام، وسط أجواء من التوتر سادت المكان الذي حرسته قوات كثيفة من «الجيش الشعبي» بعد بروز خلافات على المناصب القيادية الجديدة. واعتبر رئيس حكومة جنوب السودان زعيم الحركة سلفاكير ميارديت أمام المؤتمر الذي يلتئم بعد 14 عاماً من المؤتمر الأول للحزب في العام 1994، أن «الجنوب سعى جاهداً إلى تجاوز آثار الحرب مع الشمال التي استمرت 21 عاماً»، مشدداً على أن «المؤتمر سينتخب قيادة جديدة للحركة في أجواء ديموقراطية». وحض نائب الرئيس السوداني علي عثمان طه المؤتمرين على «اعتماد استمرار الحوار من أجل تنفيذ اتفاق السلام وسيلة للمستقبل، لا سكيناً لقطع العلاقات بين الناس»، مؤكداً التزام حزبه (المؤتمر الوطني) الشريك الرئيسي للحركة في الحكومة بتنفيذ الاتفاقات. وأدى إصرار سلفاكير على انتخاب نائب واحد له في زعامة الحرب هو جيمس واني ايقا واستبعاد نائبه الثاني رياك مشار، إلى حال من الاستقطاب الحاد، إلى درجة أن قياديين هددوا بترشيح أنفسهم على لائحة منفصلة ضد مرشحي سلفاكير الذي استبعد أيضا من قائمته الأمين العام للتنظيم باقان أموم واختار بدلاً منه حاكم ولاية الوحدة الغنية بالنفط الحالي تعبان دينق تعبان، بعد أن نقل إلى أموم أنه لا يرغب في بقائه في المنصب. وأكدت مصادر موثوقة داخل المؤتمر أن مشار هدد بطرح لائحة موازية ترشحه لرئاسة الحركة تضم إلى جانبه نيال دينق المقرب من الزعيم السابق نائباً له وباقان أموم أميناً عاماً، اذا ما أصر سلفاكير على موقفه. وأشارت إلى أن حظوظ لائحة مشار في حال طرحها، ستكون ضعيفة على رغم التأييد الكبير الذي يمكن أن تحظى به في الجنوب، بسبب ترجيح قطاع الشمال كفة لائحة سلفاكير. ونفى المرشح الجديد لمنصب نائب رئيس الحركة جيمس واني استقالة باقان أموم من منصبه. وقال إن جميع قيادات «الحركة الشعبية»، وعلى رأسها سلفاكير، تخلت عن مناصبها لإفساح المجال أمام انتخابات ينتظر أن تجري بعد أربعة أيام.

http://www.daralhayat.com/arab_news/nafrica_news/05-200...315286f7e/story.html

بعد شوية ح نسمع بأن إنكسار صحن الصيني زاتو دليل عافية و حيوية
شايف النغمة دي ليها قترة غير قصيرة بقى فيها نوع من الملاذ , حيدر ما محسوب بالكلام ده ,
طيب يا ابوساندرا إنقسامات الحزب القديمة ودت وين , و ماذا عن "حق " و الإسلاميين و البعثيين و الناصريين
و الأمة و الإتحادي و وو .. و انت راجع لغاية ما تدق في مؤتمر الخريجين ..
محاولة للفهم!

Quote: صراع حاد حول المناصب في الحركة الشعبية

تنفع مراسل للانتباهة من الدوحة يا ابوساندرا
اؤكد لك مافي كلام زي دا يا ابوساندرا

أها هسة الصحي شنو في صراع الحركة ده!!

شكرآ يا حيدر على الإضافة المهمة
والرابط الدليل

القائمة التي ينوي مشار الدخول بها للإنتخابات
إذا لم يعدل سلفا عن خياراته
ستكون كالتالي :

رياك مشار : رئيسآ
نيال دينق : نائبآ للرئيس
باقان أموم : سكرتيرآ عامآ

تتصور يا ابوساندرا

بعد دا كلو
المنقه فى يد ياسر عرمان

والبيقيف معاهو عرمان هو اللى ح يصبح رئيس للحركه !!

Quote: طيب يا ابوساندرا إنقسامات الحزب القديمة ودت وين , و ماذا عن "حق " و الإسلاميين و البعثيين و الناصريين و الأمة و الإتحادي و وو .. و انت راجع لغاية ما تدق في مؤتمر الخريجين .. محاولة للفهم!

لا حولا
يا المعز انت بي صحك
عايزني أرجع ليك لكل ذلك التاريخ
بعيون منو يا الحبيب ؟

انا قصدت أن الإنقسام بيطلع من الحزب/المنظمة الحتة الميتة
او خميرة العكننة
بإعتبار أن وجود بؤرة خلاف لفترة طويلة
سوف يتسبب في فرملة الحزب
مثلآ
ناس أحمد سليمان ومعاوية سورج لو ما طلعوا
كان الحزب ح يظل في الخلافات الداخلية
خروجهم أعاد الإنسجام لجسد الحزب
ومواقفهم اللاحقة أكدت بانهم كانوا حبن تحت إبط الحزب
يعني في خروجهم كانت بداية عودة العافية
هذا ما قصدته

تسلم العيون يا ابو ساندرا,

يعني بالمعيار ده تصبح أزمة الفكر و التنظيم و العافية في مغادرة فلان و فلان في أقرب محطة!
يبدو لي القصة أعمق من كده و الموضوع ضخم جدا إذا الناس تناولوه بطريقة غير
ده القصدتو و سيبك من التاريخ داك نحن زاتنا ما بقى عندنا ليه روح

كتب عبدالمنعم سليمان :

Quote: اؤكد لك مافي كلام زي دا يا ابوساندرا

انت بتتكلم من الخرطوم واللا جوبا ؟
يابيجو من أمس الأخبار والمعلومات تتطاقش

طيب قول لينا العندك
يا ابوالأخبار انت

Salamat ya Aba Sandra and the guys

I am in Juba, covering the news for Miraya FM

The UN and FS Radio station

tomorrow is the election day ...but so far I think yes there are some dissagreements and there might be some conflict, but nothing is quite clear up to now
C U 2 moro
Salam

Quote: : صراع حاد حول المناصب في الحركة الشعبية

أبو ساندرا

Quote: تنفع مراسل للانتباهة من الدوحة يا ابوساندرا اؤكد لك مافي كلام زي دا يا ابوساندرا

عبد المنعم سليمان

لماذا يا عبدالمنعم ؟ ما ينفع يكون مراسل لاجراس الحرية!
حسناً اليك تقرير علاء الدين بشير من جوبا بعدد الصحافة اليوم الخطوط من عندي والتعليق بين قوسين
اعترفت «الحركة الشعبية» بمواجهة تحديات في توطين الديمقراطية داخلها، بالاضافة لصعوبات في الانتقال من مرحلة تعيين القيادات لانتخابهم، واقرت بوجود تباين وتنافس قوي حول انتخاب القيادات.(هذا يسمي صراع )

ودعا الامين العام للحركة الشعبية باقان اموم ،الى سحب اى ترشيحات اذا كانت ستؤدى الى انقسام فى الحركة،مطالبا من يكسب ثقة المؤتمرين أو من يفشل باحترام الخيار الديمقراطى.

وعلمت « الصحافة» ان المقترحات باعادة هيكلة الحركة ساهمت في خلق اجواء التوتر بشكل لافت حيث برز اتجاه قوي من قبل سلفاكير ميارديت المرشح الاوفر حظا لتولي رئاسة الحركة بانتخاب نائب واحد للرئيس ، والمرشح الاقوى هو جميس وانى ايقا ، وامين عام هو تعبان دينق حاكم ولاية الوحدة، ويحظى مقترح كير بدعم قوي من قطاع الشمال، الذي تصل عضويته لـ500 فرد، لكن المقترح يواجه رفضا شديدا من مجموعات اخرى مثل رياك مشارالذي يمكن ان يقصيه المشروع بعيدا عن القيادة.

وقال الامين العام للحركة باقان اموم ،في تقريره امام المؤتمر العام بجوبا امس، ان التحديات تتمثل في الروح القبلية والعشائرية والتفكير المحلي وضعف البرامج، مؤكدا ان تلك الممارسات قد تضعف تمهيد الارضية السياسية للممارسة الديمقراطية داخل تنظيم الحركة.

وقال اموم، في هذا الخصوص، هناك العديد من التشوهات تم رصدها في عملية تنظيم «الحركة الشعبية» مثل التخويف عبر استخدام السلطة للتأثير على الانتخابات الداخلية في اجزاء متفرقة من عمل الحركة في السودان.[/U](هذا يسمى صراع حاد)

وأبلغ اموم الصحافيين امس ،انه طرح في تقريره للمؤتمر احتمال ان تصبح «الحركة الشعبية» في مؤتمرها الثالث تنظيما سياسيا في بلد واحد او بلدين في حالة الانفصال ، وقال انه دعا في تقريره، المؤتمرين للتفكير فيما يمكن عمله في مواجهة الوضع الجديد.
وشدد اموم على اهمية تماسك «الحركة الشعبية» مهما كانت نتيجة الاستفتاء، وان تعمل الحركة ببرنامج واحد حتى في حالة انفصال الجنوب، لتطبيق مشروع السودان الجديد، وذلك لاعادة توحيد الدولتين.
وذكر اموم، ان الحركة في حالة الانفصال لها مسؤولية كبيرة في دولة السودان الشمالي لهزيمة قوى السودان القديم وبناء السودان الجديد،مؤكدا
انه لا يجد اي مشروع آخر قادرا على توحيد السودانيين سوى مشروع السودان الجديد.

وقال ، ان الحركة الشعبية هي الحزب الوحيد الذي يمكن ان يدعي انه حزب قومي ويعمل من حلفا الى نمولي ومن بورتسودان الى الجنينة.
وكشف اموم عن ممارسة ضغوط في تصعيد المناديب الى المؤتمر العام في قطاعي الشمال والجنوب، ووصف تلك الممارسات بانها «شوائب» .[/U]( شوائب او صراع)

واوصى في تقريره، قيادة الحركة الجديدة التي ستنتخب بعد ايام ، بمعالجة تلك الظواهر حتى تمضي الحركة الى المؤتمر الثالث في العام 2013م في وضع تنظيمي ارقى وافضل.

وبخصوص الاوضاع داخل المؤتمر العام حول انتخاب القيادة الجديدة للحركة، اقر اموم بوجود تباين في الآراء ، وزاد « قطعا سيكون هنالك تنافس قوي في انتخاب القيادة الجديدة»، وقال ان هنالك ثمة مخاوف من اعضاء المؤتمر من ان يخرج التنافس عن اطاره الديمقراطي، ويتسبب في انقسام داخل الحركة[/U](والانقسام ايضاً صراع حاد) ، لكنه اكد ثقته الكبيرة في ان الحركة ستخرج قوية وموحدة من المؤتمر وستتجاوز خلافاتها.

وطالب اموم من يسقط في الانتخابات او من يكسب ثقة الاغلبية باحترام الخيار الديمقراطي، وان يضعوا في اعتبارهم مصلحة الحركة قبل كل شئ ، وقال ان المؤتمر ليس قضية تنافس حول منصب، وانما بناء تنظيم قوي وعريض .
وقال اموم ، اذا وصل التنافس الى الحد الذي يقود الحركة الى الانقسام فعلى القيادات سحب ترشيحاتها، مشيرا الى ان ترشحه لمنصب الامين العام مرهون باجازة دستور ومنفستو الحركة .

وترك جميس وانى ايقا نائب رئيس الحركة ، رئيس لجنة تنظيم المؤتمر،الباب مفتوحا امام تمديد فترة انعقاده ، وقال نحن نتمنى ان ينتهي في موعده ، لكن لو استدعى الامرالتمديد فلامشكلة لان القضايا كثيرة.
واستمع المؤتمر في يومه الثاني لتقرير حول دارفور قدمه عبدالعزيز ادم الحلو، رئيس لجنة دارفوربالحركة ، بجانب تقريرالامين العام .

المصدر
الصحافة وليست الانتباهة
http://www.alsahafa.sd/News_view.aspx?id=48439

عزيزنا عبد العزيز حسن علي
شكرآ لوضعك النقاط على الحروف
وأخشى أن تكون عين صديقنا عبدالمنعم سليمان عين رضا ، كليلة
فأصحاب الشأن معترفين بأن هناك صراع
والصراع ليس مثلبة
كما انه طبيعي في تنظيم جبهوي كحال الحركة الشعبية

Quote: 100% صاح بل وحتى الإنقسام بعد المؤتمر دليل عافية وحيوية

الاخ ابوساندرا
تحية طيبة
الانقسامات دليل عافية فقط فى مقابلة الوحدة الفكرية الزائفة، لكن اتفق معك فى ان الخلافات تكون دليل على العافية اذا التزمت بالمؤسسية وتقاليد الحوار الديمقراطى حيث تتوج عادة فى مثل هذه الاحوال ب(المساومة) التى لا تحافظ فقط على وحدة المنظمة السياسية ولكنها تقودها خطوة الى الامام كذلك.
الانقسامات وسط الحركات الاقليمية المسلّحة يمكن ان تكون له عواقب وخيمة والشواهد عديدة
لا علم لى بمدى الخلاف داخل الحركة الشعبية واتابع هذا البوست باهتمام واتمنى لمؤتمر الحركة كل توفيق وسداد

والله مامحيرني إلا الناس البقولو إنو هذه الخلافات الـ(حاده) والتي قد تصل إلى إحداث (شرخ) ضخم جداً في جسد الحركه هي دليل عافيه .

كتب محمد فرح :

Quote: والله مامحيرني إلا الناس البقولو إنو هذه الخلافات الـ(حاده) والتي قد تصل إلى إحداث (شرخ) ضخم جداً في جسد الحركه هي دليل عافيه .

الخلافات { الحادة } دليل عافية وحيوية
لأنها بتؤكد أن هناك رأي ورأي أخر مختلف داخل الحركة
وكلاهما { الرأين } قادر على الإفصاح عن نفسه وبوضوح
وكلاهما يجد الإحترام من الأخر
وليس شرط أن يكون الأخر المختلف ، نقيض
وتباين الآراء والمواقف ، خاصة في التفاصيل ، داخل الحركة
ليس غريبآ ولا مستهجنآ ولا مهددآ لوحدتها وذلك لأن الحركة في
الواقع عبارة عن تحالف عريض يضم اليساريين والمحافظين والوطنيين
بمختلف رؤاهم ، ومنهم الوحدويين المؤمنين بالسودان الوطن الواحد
على أسس جديدة تقوم على إحترام الأخر وإحترام التعدد السوداني
وبينهم كذلك الإنكفائيين الذين يرون في الإنفصال خير

{ الشرخ } يا محمد فرح سيظل أمنية تراود خيالك
وخيال كل { كوز } يتمنى ان ينشرخ جدار الحركة
ويتفتت السودان ، ويذهب الجنوب
وينفرد الكيزان بحكم { مثلث حمدي }
يقيمون فيه الخلافة الإسلامية { الفاسدة }

لاتحلم يا أخ فمستقبل السودان مرهون بالحركة
والحركة تعي ذلك جيدآ وتعرف دورها التاريخي
وستقوم به وتبني السودان الجديد المنعتق من الإستعلاء بكل صوره

ألم تسمع تاكيدات سلفا كير على وحدوية الحركة وانه يعتبر الوحدة الجاذبة
الخيار الأفضل ، إلا إذا أرغمته قوى الشر والإنفصاليين الشماليين
المتكدسين في المؤتمر الوطني ، على غير ذلك .

كتب الطيب بشير :

Quote: but so far I think yes there are some dissagreements and there might be some conflict

شكرآ يالطيب
والجدير بالذكر ان الطيب بيكتب من جوبا
ومنعم بيكتب من مطعم زغني في الديم

Quote: المؤتمر العام الثاني للحركة الشعبية يجيز دستوره 17/05/2008 أجاز المؤتمر العام الثاني للحركة الشعبية لتحرير السودان في جلسة تاريخية اليوم الدستور، والبيان الرسمي عن سياسة الحركة. ووقع عليه رئيس الحركة الفريق أول سلفاكير ميارديت، وسط حضور أكثر من 1.500 من أعضاء الحركة الذين يمثلون قطاعات الحركة في كافة أنحاء السودان. ويأتي هذا الدستور بديلاً للبيان الرسمي السابق للحركة الذي تبنته منذ تأسيسها في العام 1983م.

http://www.mirayafm.org/arabic//index.php?option=com_co...iew&id=3076&Itemid=1

ابو ساندرا سلامات

والغريبه انه زول مخضرم زيك عايز ينط ويفتي في انتخابات الحركه بعد بدأت!!

يا ابو ساندرا لعلمك متابعنها ولما قلنا ناس الطيارة اتقلقتاو لاننا كنا نعرف كيف هم يمثلون صمامات الامان لقوائم كثيرة.
وامشي منبر السودان الجديد شوف دموع سلفاكير عليهم عشان تعرف عظمة الفقد بالنسبة له.
ولعمك جميعهم من اقرب اهله واصدقائه وابناء خشم بيتهم زي ما بيقولوا وهم اسمهم( دينكا توت)!
اعظم قيادات دينكا توت المنتخبة وماشة للمؤتمر قتلت في تلك الطائرة.


نجي لرياك متشار
لعلمك اولا رياك يفترض ما يحضر المؤتمر ذاته.
عارف ليه؟؟لانه اهله النوير سقطوه في الانتخابات الاوليه هو وزوجته!!
وفوزوا بدلا عنهم وجوه مغمورة من ابناء النوير.
وحضوره للمؤتمر غير شرعي وخطأ من سلفاكير حيث اصر ان يمنحه فرصة
شبه اكراميه باعتباره من المؤسسين للحركة!!

باقان اموم
ونيال دينق لايمكن ان يكونوا في قائمة واحدة مع رياك متشار
ضد سلفاكير؟؟؟

البكتب كلام زي ده آخير يلم اوراقه ومحاولاته للفتوى في شؤن الحركه الشعبيه.

وعيب يا ابو ساندرا يعني حندافع عن مطاعم الديم برضوا ولا شنو؟؟

Quote: شكرآ يالطيب والجدير بالذكر ان الطيب بيكتب من جوبا ومنعم بيكتب من مطعم زغني في الديم

منعم البيكتب من مطعم في الديم ممكن يكون فاهم عن الحركه
اكثر من الطيب بشير البكتب من جوبا.
ولانه متابع جيد ولانه ينتمي لمعسكر السودان الجديد.


انت خلينا من صراعهم ده
كدي احكي لينا ليه اتكتب انه الشيوعين اختطفوا الحركه الشعبيه؟؟؟

يا علي محمد علي بشير
يازول انت ما تخليك في درواشيك وناس الفته بتوعك الختميه ديل؟؟؟

Quote: تتصور يا ابوساندرا بعد دا كلو المنقه فى يد ياسر عرمان والبيقيف معاهو عرمان هو اللى ح يصبح رئيس للحركه !!

اقول لك ببساطة طظ!وعيب كده عايز تصور كل قيادات الحركه الجنوبين
طراطير وعرمانكم هو قلب الحركه؟؟؟
متى ستخرج من فهمك الجلابي للامور؟؟؟؟

لعلمك وشئت او ابيت عرمان يعرف حدوده جيدا
وداخل الحركة ان ما كنت مهذب وعرفت حدودك والله الجنوبين يركبوك التونسيه في لحظة.
عرمان ينتمي لمجموعة محددة,واياك ان تدعي اي تميز لشمالي على جنوبي هناك.


الافكار القرف دي تلخها وتعجنها في احزابك المتخلفة دي الجلابيه تلك
ولكن اياك ان تفكر مجرد تفكير بالقياس عليها في احزاب السودان الجديد.

ولعلمك بكتابات غبيه مثل هذه انت تؤذي عرمان ولا تنفعه
لانو الجنوبيبن بيقرأوا جيدا ما بين السطور ومافوق السطور وما تحت السطور فاحذر.

http://www.sudaneseonline.com/ar/article_19259.shtml

Quote: الشيوعيون يسيطرون علي مؤتمر الحركة بجوبا !!/علي يوسف الهميم-الخرطوم May 14, 2008, 15:50 سودانيزاونلاين.كوم Sudaneseonline.com ارسل الموضوع لصديق نسخة سهلة الطبع الشيوعيون يسيطرون علي مؤتمر الحركة بجوبا !! الحزب الشيوعي السوداني آقدم الآحزاب الشيوعية الافريقية عمراً وآعرقها فكرا وأكثرها تنظيماً ، وبرغم كل ذلك فشل هذا الحزب العريق فى تحقيق نصر مؤذر في الشمال وتعرض لضربات موجعه بدأت منذ الديمقراطية الآولي حيث تم حظره من العمل السياسي ، وكذلك فشلت محاولات الحزب الانقلابية ، بالاضافة الى فشله فكريا فى استقطاب النخب السودانية المثقفة التي احتكرها أو احتكر معظمها الاسلاميون لفترة زادت على العشرين عاماً ، وبرغم من كل هذا الفشل المتراكم يجد الحزب الشيوعي ضالته فى الجنوب من خلال الدور الكبير الذى يلعبه الكادر الذكي والسياسي المحنك ياسر سعيد عرمان الرجل الذى استطاع ان يربك حسابات المؤتمر الوطني فى الشمال من خلال تاسيسه لقطاع الشمال بالحركة الشعبية واعتماده فى هذا القطاع علي كوادر الحزب الشيوعي ، يعود ياسر عرمان مرة اخري ليربك حساب قادة وساسة الحركة الشعبية بالجنوب مع قدوم المؤتمر العام للحركة و(500) مندوب يمثلون قطاع الشمال . وإذا نجح السيد عرمان فى وضع هؤلاء المندوبين داخل منضدة الاجتماع وتم اعتمادهم كمندوبين يحق لهم التصويت والانتخاب فان ذلك يمثل نجاحاً كبيراً ونصراً تاريخياً لهذا القيادى الشاب الذكى وأول نجاح سوداني للحزب الشيوعي بعد الهزائم التي مني بها خلال تاريخه الطويل حينها يستطيع هؤلاء المندوبون آختيار من يرونه مناسباً وعزل من يرونه مخالفاً . وبراي أن السيد ياسر عرمان بخلفيته اليسارية ونضاله المخلص فى جنوب السودان هو الاقدر على تمثل فكر الراحل المناضل الدكتور جون قرنق دى مبيور ودعوته للسودان الجديد علي اسس علمية وعلمانية . ولكن لن يرضي وجود السيد ياسر وقطاعه المنظم كارتيلات الحكم والفساد وزعماء المليشيات فى جنوب السودان . علي يوسف الهميم الخرطوم – [email protected]

كتبت تراجي مصطفى:

Quote: ابو ساندرا سلامات والغريبه انه زول مخضرم زيك عايز ينط ويفتي في انتخابات الحركه بعد بدأت!!

مخضرم ، ياتراجي حصرم
طيب كويس انا البديت بعد ما بدأت إنتخابات الحركة
على الأقل أحسن من الذين ما {بدو} بعد
وكمان أحسن من هذا

Quote: منعم البيكتب من مطعم في الديم ممكن يكون فاهم عن الحركه اكثر من الطيب بشير البكتب من جوبا. ولانه متابع جيد ولانه ينتمي لمعسكر السودان الجديد.

ده مش ما بدأ وخلاص
بل وكمان بيغالط
الحقائق

رسائل صديقة إلى مؤتمر الحركة الشعبية

Quote: .. وصحيفة الانتباهة تحمل أمس أن »مشار وأكول ودانيال اكوت وباقان ونيال دينق يُجمعون على ترشيح مشار لمقعد سلفاكير.. وباقان نائباً.. وباقان يشير الى »خيانة سلفاكير«. وباقان عدو أكول يعود اليه.. ويبتعد عن حليفه سلفاكير..

http://alintibaha.sd/index.php?option=com_content&task=...ory&id=10&Itemid=156

(بدون تعليق..يا رفيق)

.
هلا أبو ساندرا

الخلافات أدت لتأجيل إنتخاب القيادة الجديدة اللي مكتوب في البرنامج انو ح يتم اليوم...
بكرة مفروض يكون يوم الإحتفال باليوبيل الفضي للحركة..البرنامج دة اتغير بسبب الخلاف حول نواب الرئيس هل يكونوا تلاتة زي ما كانو, و هو ما يخدم قضية التوازن الإثني و الجهوي, أم يكون نائب واحد يفضل سلفاكير أن يكون جيمس واني إيقا??
البارح الاجتماعات اللي تمت خارج اطار المؤتمر انتهت وش الفجر بسبب الخلافات ذاتها..و بسبب منصب الأمين العام أكثر من الرئاسة لأن سلفاكير لا يجد معارضة أو منافسة ذات بال بعكس الدكتور أموم.
اليوم سمعت عبارة No comment من قادة كثر لي معهم حوارات سابقة و لم أعهد منهم تجاهلآ للميديا منهم مثلآ:
باقان أموم
مالك عقار
سامسون كواجي
عبد العزيز الحلو
كلمنت واني (حاكم الولاية المضيفة)
و تحدث إلي إدوارد لينو عن أحداث أبيي فقط معتذرآ قبل بدء التسجيل عن أي تعليق على (مجريات) المؤتمر..الرجل الوحيد الذي تحدث و نفى وجود خلافات هو الدكتور محمد يوسف أحمد المصطفى و قد خرقت معه البروتوكول و ضغطت عليه بحكم أنه من منطقة طابت فقال كلامآ ديبلوماسيآ مؤداه أن لا وجود لأي خلافHe said this is just wishfull thinking from those who want us to fail

أنا أسعى لتغطية الأخبار فقط..

و مع أن رأيي الشخصي لا يهم, باعتبار أن السياسة عندي الهواية رقم تمنماية و سبعطاشر, لكن الحركة الشعبية أجبرتني على احترامها..و أرجو أن أكتب بعد عودتي عن الرحلة و المؤتمر ما يفيد القاريء الكريم.
الكتابة بالماوس أصعب من أواصل فيها....

للجميع تقديري..
.

نادوس 2000 يا رفيق
اخذ اقتباس زي ده من الانتباهة يودينا لوين؟؟؟؟

Quote: وصحيفة الانتباهة تحمل أمس أن »مشار وأكول ودانيال اكوت وباقان ونيال دينق يُجمعون على ترشيح مشار لمقعد سلفاكير.. وباقان نائباً.. وباقان يشير الى »خيانة سلفاكير«. وباقان عدو أكول يعود اليه.. ويبتعد عن حليفه سلفاكير..

حرام عليكم يا جماعه؟؟
اشكال زي الطيب مصطفى
و الصادق الرزيقي تسمحون لهم ان يسممون وعيكم بالمعلومات المدسوسة عنوة!!

تراجى...
دعنى أختلف معك قليلاً...
كلام ابوساندرا ده صاح...
سلفا قال ما داير فاقان؟
فاقان أمبارح لما القى خطابو كان خطاب صارم جداُ جداً ... وبعد الخطاب ... فاقان إختفى ساعتين لغاية ما لقوهو... لما جاء المؤتمر... لقى تصفيق ووقوف حار من المؤتمرين وطبعاً إنت عارف ده معناهو شنو خاصة الناس القاعدين فى الغرب...
اول ما دخل القاعة بتاع المؤتمرين قال بالحرف الواحد... أنا ديمقراطى حتى النخاع ومافى حاجة بيشق الحركة ده... النتيجة بتاع المؤتمر أنا حالتزم بيهو...
سلفا أخطا فى حق فاقان شديد لمن قال هو ما عايز فاقان فى المنصب بتاع الأمين العام ولو فاقان جابو ناس المؤتمر ... ما حيشتغل معاهو (ما تقول لى المصدر بس .... سمح) عشان فاقان داير يرجع الناس للمربع الأول (الحرب) ... شفتا كيف؟
لو فى زول الآن فى الحركة بيستاهل المنصب هو نفرين بس ...
1- فاقان السلفا ما عايزو ده...
2- عبد العزيز... الفاقان قال بالحرف الواحد إنو ممكن يتنازل فى حالة يكون المرشح عبد العزيز الحلو...

لسه جاى راجع للباقى....



شول اشوانق

Quote: لسه جاى راجع للباقى....

رجينك ...بس أعمل حسابك ..هسع تبقى شول الجلابي

متى تكف يا احمد موسى عن الصيد في الماء العكره؟؟؟

Quote: رجينك ...بس أعمل حسابك ..هسع تبقى شول الجلابي

انت حسه يوم قدرته تكتب كتابات واضحه وامينه زي بتاعت شول دي؟؟؟

ما ابدا حريص على تمرير اجندتك الخاصة من خلال الادعاء بان الامر اخباري بحت.


ما غطس حجر الوحدة الجاذبة الا المندسين من امثالك العنصريين بين ناس الحركه
الحركه دي ما خيار ساهل ,يفترض يا احمد مسوى الناس لما تدعي الرغبة في الانتماء
لها تكون عارفة راسها من رجلينا مش لايصه زيك..

Quote: رجينك ...بس أعمل حسابك ..هسع تبقى شول الجلابي

ما تخاف... موية حبة من الخور كبينا فوقو


مافى أى مشكلة يا أحمد.

الصراع داخل الحركة الشعبية صراع معلوم وظاهر ....ومحمود .........في ظل إتباع ممارسة سياسية حُرة ........ والحركة بألأصل تياران .........تيار يرى قوقعة الحركة وإهتمامها بمشاكل الجنوب ...والسيطرة على الجنوب ولو أدي هذا لفصل الجنوب وهذا التيار هو الأقرب للمؤتمر الوطني .......الآخر يعمل على قومية الحركة وإسثمار إنتشارها في الشمال وهو التيار االمضاد للمؤتمر الوطني والمهدد لمساره السياسي ............سلفاكير مييرديت برُغم أنه من التيار الأول في الماضي ...إلا أن تسارع الأحداث قاده للتحالف الداخلي مع التيار الثاني (قومية الحركة) ..زوالذي يتزعمه ياسر عرمان من خلال إحكام سيطرته على قطاع الشمال وإعادة ترتييب القطاع بما يخدم مصالحه الإستراتيجية المستقبلية .........مرحلياً سلفاكير مييرديت بحوجة لهذا التيار لقلب موازين القوى لمصلحته .......فاقان أموم[/ قائد لا يُستهان به ...وسياسي من الطراز النادر .....وبجعبته الكثير الذي لا تستطيع تبيّنهُ من خلال حركته العامة ....أو الخاصة حتى ..........ولا يُؤمن جانبه بحال الخسارة .........كل هذه الحسابات وغيرها تُلزِم قيادات الحركة بالتوصل لإتفاق سياسي ربما أبقى الحال على ماهو عليه بنسبة عالية مع تغيير طفيف في المقاعد أو الصلاحيات ...او الهيكلة ....................... أها كفاية ..نرجــع لأخونا شول الجلابي المُستلب الإنقاذي

Quote: الصراع داخل الحركة الشعبية صراع معلوم وظاهر ....ومحمود .........في ظل إتباع ممارسة سياسية حُرة ........ والحركة بألأصل تياران .........تيار يرى قوقعة الحركة وإهتمامها بمشاكل الجنوب ...والسيطرة على الجنوب ولو أدي هذا لفصل الجنوب وهذا التيار هو الأقرب للمؤتمر الوطني .......الآخر يعمل على قومية الحركة وإسثمار إنتشارها في الشمال وهو التيار االمضاد للمؤتمر الوطني والمهدد لمساره السياسي ............سلفاكير مييرديت برُغم أنه من التيار الأول في الماضي ...إلا أن تسارع الأحداث قاده للتحالف الداخلي مع التيار الثاني (قومية الحركة) ..زوالذي يتزعمه ياسر عرمان من خلال إحكام سيطرته على قطاع الشمال وإعادة ترتييب القطاع بما يخدم مصالحه الإستراتيجية المستقبلية .........مرحلياً سلفاكير مييرديت بحوجة لهذا التيار لقلب موازين القوى لمصلحته .......فاقان أموم[/ قائد لا يُستهان به ...وسياسي من الطراز النادر .....وبجعبته الكثير الذي لا تستطيع تبيّنهُ من خلال حركته العامة ....أو الخاصة حتى ..........ولا يُؤمن جانبه بحال الخسارة .........كل هذه الحسابات وغيرها تُلزِم قيادات الحركة بالتوصل لإتفاق سياسي ربما أبقى الحال على ماهو عليه بنسبة عالية مع تغيير طفيف في المقاعد أو الصلاحيات ...او الهيكلة ....................... أها كفاية ..نرجــع لأخونا شول الجلابي المُستلب الإنقاذي

أحمد موسى.

التيار الذي يطالب بالاتجاه جنوبا لا علاقة له بالمؤتمر الوطني، بل هم وطنين جنوبين. أما أي شخص يريد أن يوطد علاقته بالمؤتمر الوطني فهو لا يهمه أمر ومستقبل الجنوب كثيرا، وهذا المجموعة هي مجموعة إنتهازية تريد أن ترهن الجنوب بتنظيم للكيزان. ياسر عرمان لا يتزعم أي تيار من التيارات التي تفضلت أنت بزكرها. الحركة الشعبية مازالت متمسكة بوحدة السودان، ولكن ليس ذلك السودان القديم الظالم. وأي محاولة الى التمسك بالسودان القديم سوف يؤدي ذلك الى كوارث أكبر من الذي نعيشها الان في السودان.

Quote: نادوس 2000 يا رفيق اخذ اقتباس زي ده من الانتباهة يودينا لوين؟؟؟؟

هلا تراجي ..يا صديقة
كيف حالك
أنا تعمدت أن آتي بهذا الكوت ومن جريدة (الغفلة)، لأبين هذا التماهي بين تحليل الصديق أبوساندرا وتحليل تلك الصحيفة، ولهذا وضعت علامات التعجب...
و(رفيق)دي بنقبلها لو بلغة أهل الخليج..

الاخ نادوس تحياتي

Quote: هلا تراجي ..يا صديقة كيف حالك أنا تعمدت أن آتي بهذا الكوت ومن جريدة (الغفلة)، لأبين هذا التماهي بين تحليل الصديق أبوساندرا وتحليل تلك الصحيفة، ولهذا وضعت علامات التعجب... و(رفيق)دي بنقبلها لو بلغة أهل الخليج..

شكرا لك على الايضاح...وتفتكر في شيئ يخليني اقول لك رفيق بلغة اهل الخليج؟؟؟
لم ارى منك الا كل الاحترام فلماذا ممكن ان اقول لك شيئ لا اعرف معناه عندكم؟؟
تحياتي واحترامي.

كتب نادوس2000

Quote: أنا تعمدت أن آتي بهذا الكوت ومن جريدة (الغفلة)، لأبين هذا التماهي بين تحليل الصديق أبوساندرا وتحليل تلك الصحيفة، ولهذا وضعت علامات التعجب... و(رفيق)دي بنقبلها لو بلغة أهل الخليج..

يا جلة
انا أصلآ ما اوردت تحليل
انا نقلت معلومات جادت بها جهات عديدة
ومنها بعض القادة في الحركة وعلى رأسهم القائد باقان اموم
وأكدها الطيب بشير وشول اشوانق دينق أعلاه
والحقيقة التي لايختلف حولها إتنين
أن هناك صراع حول المواقع القيادية الأعلى الثلاث
وحتى الأسماء التي ذكرتها لم تكن من عندياتي
بل وردت ضمن المعلومات المذكورة
هذا مافعلته انا
اما { الغفلة } فحاولت ان تشوه تلك المعلومات
وأوردت أسماء وأسباب تشتهيهها هي
{ الغفلة} تحاول الإصطياد فيما تظنه ماءآ عكرآ
وأراه دليل عافية وحيوية { أرجو مطالعة ردي على محمد فرح أعلاه }

فأين التماهي يا رفيق ؟

Quote: أحمد موسى. التيار الذي يطالب بالاتجاه جنوبا لا علاقة له بالمؤتمر الوطني، بل هم وطنين جنوبين. أما أي شخص يريد أن يوطد علاقته بالمؤتمر الوطني فهو لا يهمه أمر ومستقبل الجنوب كثيرا، وهذا المجموعة هي مجموعة إنتهازية تريد أن ترهن الجنوب بتنظيم للكيزان. ياسر عرمان لا يتزعم أي تيار من التيارات التي تفضلت أنت بزكرها. الحركة الشعبية مازالت متمسكة بوحدة السودان، ولكن ليس ذلك السودان القديم الظالم. وأي محاولة الى التمسك بالسودان القديم سوف يؤدي ذلك الى كوارث أكبر من الذي نعيشها الان في السودان.

Deng

ما عنيته بهــو الأقرب للمؤتمر الوطنــي ...انه سياساته تتفق ورؤى المؤتمر الوطني (جناح منه فقط) وهو جناح صقور والذي يرى أن أي حركة سياسية توازي حركة الحركة الشعبية تتقاطع وبرنامج المؤتمر الوطني السياسي والذي لا يحبذ وجــود حركة مد كالحركة الشعبية ...فإن تقوقعت بالجنوب فهذا أملها ومُناها ...السياسي ...ياسر عرمان أقبض سيطرته على قطاع الشمال ....أو هكذا ظن .........وخلق بلبلة سياسية بالشرق ..دارفور ...الجزيرة...... وهنا عدة بوستات نقلت ذلك ..........عرمان وجــود قائد كفاقان يحد من حركته السياسية ......ولكن خطورة ذهاب فاقان تكمن في أفقاد الحركة لقوتها السياسية التي يعتمد عليها عرمان في حركته السياسية / الإعلامية .... مع إحتمال رجوع أو التراضي على الإتيان بالقائد عبدالعزيز الحلو اميناً عاماً وهــو الحل الذي ألمح إليه القائد فاقان بأنه لا يمانع بعودة الحلووأمساكه بملف الأمانة العامة ................. تيار عرمان هــو حركة يسار تحاول القبض على زمام قطاع الشمال وبحركة موازية القبض على زمام جبهة الشرق للعودة للحكم بأشكال متعددة ..........

.

على بيفتكر إنو البيقيف معاهو ياسر هو الفائز لا محالة!!!
يا زول ياسر وسلفا ودينق الور والناس المؤيدين طرح سلفا هسع إتزنقوا زنقة الجن البمبى...
بعد خطاب فاقان الناس بقو يتحسسوا كراسيهم...
ياخ فاقان ده وصل مرحلة متطورة جداً ولما قال أى زول فى المؤتمر من حقو يترشح رئيس للحركة ... اها شفت الكلام ده كيف؟
حتى ياسر طرف السوط لحقو وإحتمال ما يجى المرة ده مسئول قطاع الشمال...
أعضاء قطاع الشمال الجابهم ياسر ما جو بالطريقة الجا بيهو الأعضاء من الجنوب ... يعنى ما إنتخبوهم...
تعبان سقط فى ولاية الوحدة ولمن سلفا يكون عايز يجيبو الأمين العام بيكون حاجة محيرة...







__________________________________
الديمقراطية مما ممكن يقطعو جزء جزء

يا شول يا حبيب ما اختلفنا...

Quote: تراجى... دعنى أختلف معك قليلاً... كلام ابوساندرا ده صاح... سلفا قال ما داير فاقان؟ فاقان أمبارح لما القى خطابو كان خطاب صارم جداُ جداً ... وبعد الخطاب ... فاقان إختفى ساعتين لغاية ما لقوهو... لما جاء المؤتمر... لقى تصفيق ووقوف حار من المؤتمرين وطبعاً إنت عارف ده معناهو شنو خاصة الناس القاعدين فى الغرب... اول ما دخل القاعة بتاع المؤتمرين قال بالحرف الواحد... أنا ديمقراطى حتى النخاع ومافى حاجة بيشق الحركة ده... النتيجة بتاع المؤتمر أنا حالتزم بيهو... سلفا أخطا فى حق فاقان شديد لمن قال هو ما عايز فاقان فى المنصب بتاع الأمين العام ولو فاقان جابو ناس المؤتمر ... ما حيشتغل معاهو (ما تقول لى المصدر بس .... سمح) عشان فاقان داير يرجع الناس للمربع الأول (الحرب) ... شفتا كيف؟ لو فى زول الآن فى الحركة بيستاهل المنصب هو نفرين بس ... 1- فاقان السلفا ما عايزو ده... 2- عبد العزيز... الفاقان قال بالحرف الواحد إنو ممكن يتنازل فى حالة يكون المرشح عبد العزيز الحلو... لسه جاى راجع للباقى....

ممكن يختلف سلفاكير وباقان اموم ولكن ما ممكن يتفق باقان اموم ورياك متشار.
وهذه هي نقطة خلافي في نقل ابو ساندرا.



وكان علي انا شخصيا انا تيار باقان اموم وارى انه اصلح من سلفاكير
واحزن عندما يعامل بظلم باعتباره آتى من اقلية الشلك
واعرف ان من يضعفه اكثر للاسف ولا يسنده يفترض لام كول
ولكن للغيرة الشخصية فقط يقف ضده.
وسلفاكير لو رفض باقان فاليعلم بانه كتب شهادة وفاته بنفسه.
واعلم تماما ان معظم الشباب المهاجر قد طلع من اثار القبيله ويحب باقان اموم جدا ويرى فيه
قائد فز ويستحق القيادة ,فقط كانوا يخافون من من الجماعه الكبار جناح سلفاكير من كبار الجيش
ورفاق دربه,وبتوع الحسبه بالقبيله الاكبر.

يا تراجي عليك الله شيلي تحليلاتك
الفطرية دي و امرقي من البوست!


_____
لو صادفك منعم سليمان امرقيهو معاك.

Quote: ممكن يختلف سلفاكير وباقان اموم ولكن ما ممكن يتفق باقان اموم ورياك متشار. وهذه هي نقطة خلافي في نقل ابو ساندرا. وكان علي انا شخصيا انا تيار باقان اموم وارى انه اصلح من سلفاكير واحزن عندما يعامل بظلم باعتباره آتى من اقلية الشلك واعرف ان من يضعفه اكثر للاسف ولا يسنده يفترض لام كول ولكن للغيرة الشخصية فقط يقف ضده. وسلفاكير لو رفض باقان فاليعلم بانه كتب شهادة وفاته بنفسه. واعلم تماما ان معظم الشباب المهاجر قد طلع من اثار القبيله ويحب باقان اموم جدا ويرى فيه قائد فز ويستحق القيادة ,فقط كانوا يخافون من من الجماعه الكبار جناح سلفاكير من كبار الجيش ورفاق دربه,وبتوع الحسبه بالقبيله الاكبر.

بجيك راجع هسع بالذات فى التحتو خط ده

اعتقد انه تم الاتفاق علي ان يكون هناك ثلاثه نواب لرئيس الحركة

بدلا عن واحد حسب اقتراح الاخ سلفاكير...

Quote: على بيفتكر إنو البيقيف معاهو ياسر هو الفائز لا محالة!!! يا زول ياسر وسلفا ودينق الور والناس المؤيدين طرح سلفا هسع إتزنقوا زنقة الجن البمبى...

الغريبــة شــول أخوي إن ما يحدث في صراع الحركة يرمي بشذوذ نصرة (اليسار) مُمثل في تيار ياســر عـرمان لأحلام اليمين بإبعاد صقــور الحركة من القِمــة .... والمُخيــف أو الخطــورة محاولة تجاوز (كارزمة) ... (فاقان) حتى بنفــوس كثير من أنصار عـرمان ...لعدم قناعتهم الكافية أن يواصــل عرمان الصراع لنهاياته ........ خاصــة مع إحتمالية لجوء القائد (سلفاكير ميير ديت) اللجوء لتسوية داخلية قد تُضعف من سلطات عرمان المستقبلية بعد حرقــه لسُفنه على ضفاف (سلفا) .....الذي يحس بخطورة التجمع الآخر فاقان/مشار وربمـأ لاما نفســه .... فلاسيبل للمحافظة على وحــدة الحركة إلا بتسوية المسألة والتي إتضحت ملامحها بما رشــح عن رجــوع سلفا عن رؤيته حول وجود (نائب) وتنازله مع ضغوط الطرف الآخر بأن يكون للرئيس (3 نواب) ......... المُدهِش .... أن التراجــع (إن تم) سيكون قــد تم بعد إجازة دستــور الحركة ....بما يثير تساؤلات كيف تم ذلك ؟؟؟ هل تجاوز الدستور الهيكل العام للحركة ؟؟؟ ....لأم ستتجاوز الحركة الهيكل العام لدستورها ؟؟؟؟

نعم ...
على ما اعتقد تم إحتواء المشكل...
ولكن...
لما يصر سيادة النائب الأول على توزيع الحقائب على الأساس القبلى؟؟؟ ... هل يعتقد إن هذا يدعم خط السودان الجديد وطرح الحركة؟... حسب إعتقادى لا...
فلاش باك...
عندما تم إختيار المشرفين الإداريين الـــ10 للولايات الجنوبية ... فى بادئ الأمر كان هناك رفض من بعض ابناء الجنوب...
بعد فترة قصيرة... إتضح الرؤية ومغزى ما قام به الدكتور الراحل جون قرنق دى مبيور ...
حسب إعتقادى المتواضع كان الأمر كالآتى:
- تعيين مشرف إدارى ايدير منطقة غير منطقته خظوة فى الطريق الصحيح للأسباب الآتية:
أولاً: مشرف إدارى (دينكاوى مثلاُ) تم تعيينه فى شرق الإستوائية... سيحاول أن يعمل بأقصى جهده لانو المنطقة ما حقتو وممكن لو تقاعس ناس المنطقة يقولوا الزول ده ما نافع معانا وعليه... يشتت غير ماسوف عليه..
ثانياً: الإجراء ده بيقلل من الفساد والمحسوبية وهنا قاصد الفساد بشقيه الإدارى والمالى... يعنى ما حيقدر يجيب أولاد أهله ويشغلهم معاهو فى ولاية الجماعة التانيين... ببساطة ما حيرضو وبالتالى بيركب الزلط... وكمان بيقلل بصورة كبيرة جداً الفساد المالى فى الولاية لانو لو فى زول إختلس من الولاية ... الوالى ما حيسيبو لانو ما ود عم وللا بتاع وهنا القانون حيسرى على الكل وما بيكون فى مجاملة وشغل ولد عمى وولد عمك..
ثالثاُ: الخطوة كان بتدعم وحدة الجنوب وبالتالى هيدعم وحدة السودان.
ولكن ... تاتى الرياح بما لا تشتهى المراكب (فى السودان ما وصلنا مرحلة السفن ) ... بعد الرحيل المفجع للدكتور سلفا طوالى عمل خلف دور للكلام الفوق ده كلو ورجعنا لى شغل ولد عمى وبت خالتك والكلام المؤخر البلد ليوم الليلة.
طيب بعد ده لمن يكون ياهو ده معيارك!!! كده ما قاد تضرب برنامجك الأساسى السودان الجديد؟؟؟
الكفاءة ثم الكفاءة ثم الكفاءة وإلا ما حنتحرك شبر.
وضع ميارديت ده كان ممكن يغيرو لمن جاتو فرصة على طبق من ذهب والكلام الكتير عن الفساد فى الجنوب والكان نتيجتو إبعاد آرثر أكوين شول من وزارة المالية ولكن سلفا آثر إنو يواصل فى خطه القديم ويفضل يخنق فى مشروع السودان الجديد وطوالى عين السيد/ كوال اطيان الهو من نفس منطقة وقبيلة السيد آرثر ... ده مش عشان انا شايف إنو كوال اطيان ما كفاءة ... لا ... بس بكده سلفا بيكرس لمبدأ جديد فى السودان وبعدين حيكون صعب تغييرو لو ما بدينا من هسع...
طيب بعد ده كلو يجى فى المؤتمر العام ويقول عايز نائب واحد وكمان جاى جاهز باللسته بتاعتو المرشح فيهو وانى إيقا!!!!
يا سعادة الفريق ما إنت نفسك العينتم ثلاثة للموازنة كما كنت تعتقد؟؟؟


جاى تانى لانو السودان الجديد ما يكون شعارات وبس... لازم نعمل عشانو اليوم قبل بكرة وإلا حيجى اليوم النقول فيهو زمان كان عندنا برنامج إسمو السودان الجديد!!!

Quote: المُدهِش .... أن التراجــع (إن تم) سيكون قــد تم بعد إجازة دستــور الحركة ....

*

ما هكذا يا حكومة الجنوب ... بقلم شول اشوانق دينق

فقه الخلاف في احزاب الهيدرا السودانية!!!

Quote: انت حسه يوم قدرته تكتب كتابات واضحه وامينه زي بتاعت شول دي؟؟؟

(أمينة) بتقديرات منو ؟؟؟؟ الإجابة مهمــة للرد .........
......
......
......

Quote: ما ابدا حريص على تمرير اجندتك الخاصة من خلال الادعاء بان الامر اخباري بحت.

مُعجب أنا بعجلتك المعتادة للرد .........(أجندتي الخاصــة شنو ؟؟؟)
.............
.............
.............

Quote: ما غطس حجر الوحدة الجاذبة الا المندسين من امثالك العنصريين بين ناس الحركه

لمهمشــي الترطيبة عيب مُشترك ............ عدم القراءة .........لا أقول عدم قراءة الواقــــع ....فدي مرحلــة بعيدة شوية لكن عدم قراءة حتــى الردود ........فلهم قوالب جاهزة للرد ...............لكي يعلموا أنني لست (مندس) بالحركة الشعبية .............فالحركة أنا فارقتها منذ أزمان سحيقة .........المؤسف أنني كررت هذه المقــولة آلاف المرات لتعليم الــ ...... فلم يتعلم الــ .......
......
.......
.......

Quote: الحركه دي ما خيار ساهل ,يفترض يا احمد مسوى الناس لما تدعي الرغبة في الانتماء لها تكون عارفة راسها من رجلينا مش لايصه زيك..

تاني رجعنا للعجلة والندامة ؟؟؟؟ يا تراااااااااااااااااااااااااااااااااااااااااااااااااااجيييييييييييييي أنا ماحركة شعبية من زماااااااااااااااااااااااااااان .........فهمتي ولا أكرر ؟؟؟؟ أكرر ؟؟؟
رعدين نرجع للعجلة والندامة (مسوى) ده منــو الساكاني بيهو ده ؟؟؟؟ فهمتي ولا أترجم ليك بالإسرائيلي ؟؟؟؟؟؟؟؟؟؟؟

Quote: أنا ماحركة شعبية من زماااااااااااااااااااااااااااان .........

اها إنشالله بقيت.... بس

غنت شنو يا أحمد؟









_________________________________
انا غايتو ما منظم تصدق؟

Quote: اها إنشالله بقيت.... بس

والله يا شول أخييّ حاولت أبقى ........... فشلت ..أبوني تصدق ؟؟؟؟ أصلهم زي تراجي كدا كل شوية يقولوا ليك أها ناسك ناس الحركة كيف ؟؟؟؟
.......
........
........

Quote: غنت شنو يا أحمد؟

اليومين ديل ولا الأيام الجاية ؟؟؟؟
......
......
......

Quote: _________________________________ انا غايتو ما منظم تصدق؟

حالتو ؟؟؟؟ ولو كنت (مُنظم) كان سويت شنو ؟؟؟؟ .........والله من شدة قوة تحليلك قربت أضيف تيار تالت تيار شول أشوانق بس ربك ستر بتصريحك ده ....

Quote: Quote: _________________________________ انا غايتو ما منظم تصدق؟ حالتو ؟؟؟؟ ولو كنت (مُنظم) كان سويت شنو ؟؟؟؟ .........والله من شدة قوة تحليلك قربت أضيف تيار تالت تيار شول أشوانق بس ربك ستر بتصريحك ده ....

منظم غير منظم ما مهم المهم التحليل بتاعو

وإن كان خسارة للحركة الشعبية لو كان ما منظم معاها

والله يا شول كل ما أقرأ سطر أتكيّف من التحليل

Quote: والله يا شول أخييّ حاولت أبقى ........... فشلت ..أبوني تصدق ؟؟؟؟ أصلهم زي تراجي كدا كل شوية يقولوا ليك أها ناسك ناس الحركة كيف ؟؟؟؟

طيب يا أحمد انا قاصد مؤتمر شعبى ,,, إنت قاصد شنو؟

Quote: اليومين ديل ولا الأيام الجاية ؟؟؟؟

قصدت ... إنت شنو يا أحمد؟ معليش عبى الخطا المطبعى... سمح؟

Quote: حالتو ؟؟؟؟ ولو كنت (مُنظم) كان سويت شنو ؟؟؟؟ .........والله من شدة قوة تحليلك قربت أضيف تيار تالت تيار شول أشوانق بس ربك ستر بتصريحك ده ....

احسن ياخ... كان دخلتنى فى مشكلة

أظن أن الحركة الشعبية تتدخر تاريخا
طيبا لجهة الرؤية القومية للمشكل السوداني,
دون أن أستبعد هنا كلفة التيار الإنفصالي المتلصق
بجسم الحركة.

كما أظن أنها حققت تقدما نوعيا ملموسا وهي تجتاز
الطريق من العسكرة إلى السياسة, وإن هذا لا يخفي
قصوراتها التي إعتورت هذا الطريق.

فأتمنى للحركة مؤتمرا يليق بمقتضيات أحوالنا السياسية,
كما أتمناهم إنتخابات تتصل بمنهج ومقررات الديمقراطية,
خاصة وأن ثمة أحمال عرقية وتوازنات قبلية تلقي بظلالها
على هذا الأمر ... لكن ... ننتظر خروج الحركة الشعبية
وهي أكثر قدرة وأهلية على الإسهام فى تقرير مصير شعب
السودان ... ونحو الأفضل ... يا ... رب.

الاخ ابو ساندرا و المتداخلون
احتدام الصراع حول المناصب القيادية دلالة علي
ديمقراطية المؤتمر و لا يدهش الا من تعودوا علي انتخاب
قياداتهم بالاجماع السكوتي....
اما بخصوص الامانة العامة فالقائد سلفا كيير لا يملك
الا حق الترشيح و التصويت كبقية المؤتمرين و لا يمكنه
منح منصب الامانة العامة لاي قيادي دون ان ينتخب من قبل المؤتمر
و ان كان هنالك من ينتظر انشقاق الحركة بعد هذا المؤتمر
فالانتظار سيطول كثيرآ.....

اندرو كوات

يا شول يا غالي
سلفاكير ما اظنه سودان جديد بحق سلفاكير هذا سودان قديم.

Quote: جاى تانى لانو السودان الجديد ما يكون شعارات وبس... لازم نعمل عشانو اليوم قبل بكرة وإلا حيجى اليوم النقول فيهو زمان كان عندنا برنامج إسمو السودان الجديد!!!

شكرا لك للكلام المليان.



احمد موسى
قلت لي سميتنا شنو مهمشي الترطيبه!!

مدام تراجي
سلامات...
اطلاق تهم غير مؤسسة لا يخدم المشروع
فما اين اتيت بخلاصة استهداف بقان لانه من اقلية الشلك؟
يا اختي الشلك قبيلة كبيرة و لها وزنها السياسي في الحركة الشعبية
فالي وقت قريب كان د.لام اكول وزيرآ للخارجية و بالمناسبة هو اول جنوبي يتقلد
هذا المنصب و لقد قام بتعينه سلفا كيير نفسه بالاضافة الي الامانة العامة للحركة
الشعبية و التي تقلدها القائد بقان اموم كاول امين عام للحركة بعد مرحلة السلام
بالاضافة الي رئيس هيئة الاركان للحركة القائد اوياي دينق اجاك و هو من ابناء الشلك
القيادين بالحركة الشعبية....
اتمني ان نراجع الحقائق قبل الخوض في تهم غير واقعية حتي نتفادي الانزلاق في مواقف قد تضر المصلحة العامة..
مع احترامي
اندرو

العزيز اندرو كوت
سلامات

كتبت انا يا اخي الآتي:

Quote: وكان علي انا شخصيا انا تيار باقان اموم وارى انه اصلح من سلفاكير واحزن عندما يعامل بظلم باعتباره آتى من اقلية الشلك واعرف ان من يضعفه اكثر للاسف ولا يسنده يفترض لام كول ولكن للغيرة الشخصية فقط يقف ضده.

ورديت انت علي بالآتي:

Quote: مدام تراجي سلامات... اطلاق تهم غير مؤسسة لا يخدم المشروع فما اين اتيت بخلاصة استهداف بقان لانه من اقلية الشلك؟

هنالك فرق يا اخي في الكلمات ومعانيها,ان اقول ظلم لا يعني استهداف.
ظلم لانه واقع موروث قد تكون حتى ليس لقيادات الحركة يد فيه.
اعرف دينكا شباب كثيرين وقيادات لها وزنها
كلها جناح باقان اموم مما يعني تخليهم كشباب من الموروثات القبليه
ولكن الغالبيه من العضويه التي تتنتخب تؤمن بهذه التوزان القبليه.
وهذا لم آتي به من راسي هذا واقعنا يا اندروا يا اخي.
ولا يمنع هذا من ان نواصل الحلم ان تتحجم القبيله
ويجد كل سياسي مجتهد نصيبه بناء على قدراته وولائه لشعبه
وبرامج حزبه او حركته وليس بناء على قبيلته.
وكتبت انت:

Quote: يا اختي الشلك قبيلة كبيرة و لها وزنها السياسي في الحركة الشعبية فالي وقت قريب كان د.لام اكول وزيرآ للخارجية و بالمناسبة هو اول جنوبي يتقلد هذا المنصب و لقد قام بتعينه سلفا كيير نفسه بالاضافة الي الامانة العامة للحركة الشعبية و التي تقلدها القائد بقان اموم كاول امين عام للحركة بعد مرحلة السلام بالاضافة الي رئيس هيئة الاركان للحركة القائد اوياي دينق اجاك و هو من ابناء الشلك القيادين بالحركة الشعبية....

وهل انا قلت ان الشكل مهمشين داخل الحركه ؟؟؟لا يا اخي انا اعرف الحقائق كلها هذه
ولكن هنالك تفمكير عقيم احيانا,في عقول البعض حيث يدعوا بان الرئيس لابد ان يكون من القابئل الكبيرة,واعلم ان الغالبيه تحرص تماما على هذه التوزنات,وقد يكون معهم حق فالحقيقية هنالك صعبه .
وكتبت ايضا:

Quote: اتمني ان نراجع الحقائق قبل الخوض في تهم غير واقعية حتي نتفادي الانزلاق في مواقف قد تضر المصلحة العامة.. مع احترامي اندرو

يا حبيب انا لم اتهم احد ولم آتي بغير الحقيقية
ان نجامل بعضنا لن يجدي لا بد ان تبدأ معالجات حقيقية لواقعنا المؤسف,
ودعني اعطيك مثالا:
انا مثلا اناصر قضية اهل دارفور,الحقيقة ان اكثر قبائل واجة التطهير العرقي هم:
الفور و المساليت و الزغاوة,اهلي شخصيا ليسو من كل هؤلاء,ولكن هذا لم يكن يعني عندي ان اكون متفرجة
دخلت معهم واعمل للآن لايقاف نزيف الدم,اثناء العمل السياسي هذا تبود صور بائسه
وتضح محاولات همينة قبيلة نعيها ونعرفها كثير. لا تعتقد باننا لا نواجه بعضنا
صحيح قد يكون اغلبها ليس في المنابر,ولكن على هذه القبائل الثلاث ان تعي تماما
ان اي تقسم للسلطة و الثورة لا بد ان يكون عادلا وشاملا للكل حتى لا تندلع حروبا جديدة.
فمثلا,لن اوقف نزيف الدم عن الفور و المسليت و الزغاوة ليتفرعنوا غدا في اهلي البرتي و التاما
والداجو و الميدوب و البني هلبه و الهبانيه و الرزيقات وغيرهم.


النقد يا اندرو للتصحيح يا حبيب ولتقويم المسيرة وليس للهدم.

تحياتي وتقديري.

حزف للتكرار
اندرو

Quote: الاخ ابو ساندرا و المتداخلون احتدام الصراع حول المناصب القيادية دلالة علي ديمقراطية المؤتمر و لا يدهش الا من تعودوا علي انتخاب قياداتهم بالاجماع السكوتي.... اما بخصوص الامانة العامة فالقائد سلفا كيير لا يملك الا حق الترشيح و التصويت كبقية المؤتمرين و لا يمكنه منح منصب الامانة العامة لاي قيادي دون ان ينتخب من قبل المؤتمر و ان كان هنالك من ينتظر انشقاق الحركة بعد هذا المؤتمر فالانتظار سيطول كثيرآ..... اندرو كوات

شكرآ يا اندرو
أعدناه للأهمية والمعقولية و الوضوح

*

Quote: أظن أن الحركة الشعبية تتدخر تاريخا طيبا لجهة الرؤية القومية للمشكل السوداني, دون أن أستبعد هنا كلفة التيار الإنفصالي المتلصق بجسم الحركة. كما أظن أنها حققت تقدما نوعيا ملموسا وهي تجتاز الطريق من العسكرة إلى السياسة, وإن هذا لا يخفي قصوراتها التي إعتورت هذا الطريق. فأتمنى للحركة مؤتمرا يليق بمقتضيات أحوالنا السياسية, كما أتمناهم إنتخابات تتصل بمنهج ومقررات الديمقراطية, خاصة وأن ثمة أحمال عرقية وتوازنات قبلية تلقي بظلالها على هذا الأمر ... لكن ... ننتظر خروج الحركة الشعبية وهي أكثر قدرة وأهلية على الإسهام فى تقرير مصير شعب السودان ... ونحو الأفضل ... يا ... رب.

100% اخى حيدر قاسم.
السودان الجديد حسب راى الشخصى المتواضع... برنامج لا عليه غبار... أفضل برنامج يمكن بيهو البلد تتوحد وفى نفس الوقت اصعب برنامج لانو مشكلتو ما عايز نوم ... شغل طوالى على مدار الساعة والمستجدات السياسية ... وده المطلوب من قيادة الحركة الشعبية.

يا جماعة بالموضوعية و الرواقة
شنو البيخلي سلفا كيير يكون سودان قديم
و هو الذي كرس شبابه لمشروع السودان الجديد
و حارب من اجلها لسنوات طويلة؟؟؟

القائد سلفا ليس سودان قديم يا تراجى وللا حيكون سودان قديم يوم من الأيام ولكن مرات بيعمل حاجات كده تحير الواحد...
المهم الوقت ده الحركة الشعبية مكالبة بتوحيد صفوفها... لازم بالجد.











___________________________
أندرو كوات كيف حالك يا اخى؟

Quote: بعد دا كلو المنقه فى يد ياسر عرمان والبيقيف معاهو عرمان هو اللى ح يصبح رئيس للحركه !!

شوف يا على زولك ده طلع بى قد القفة... اها رايك شنو يا اللخو؟
أقوك ماكور بتاع قطاع الشمال لو إنت متابع أخبار الحركة كويس إحتمال يهزموا فى قطاع الشمال كان ما خلا حركاتو ده فى المؤتمر ده.

http://www.sudaneseonline.com/ar/article_19398.shtml

"أندرو كوات كيف حالك يا اخى؟ "

والله بخير يا بنج شول بس مشغول شوية اليومين ديل....









بعدين مالك مسخن كده؟

"أندرو كوات كيف حالك يا اخى؟ "

والله بخير يا بنج شول بس مشغول شوية اليومين ديل....









بعدين مالك مسخن كده؟

الاستاذة تراجي
سلامات....
انت كتبت الاتي:
"هنالك فرق يا اخي في الكلمات ومعانيها,ان اقول ظلم لا يعني استهداف.
ظلم لانه واقع موروث قد تكون حتى ليس لقيادات الحركة يد فيه.
اعرف دينكا شباب كثيرين وقيادات لها وزنها
كلها جناح باقان اموم مما يعني تخليهم كشباب من الموروثات القبليه
ولكن الغالبيه من العضويه التي تتنتخب تؤمن بهذه التوزان القبليه.
وهذا لم آتي به من راسي هذا واقعنا يا اندروا يا اخي.
ولا يمنع هذا من ان نواصل الحلم ان تتحجم القبيله
ويجد كل سياسي مجتهد نصيبه بناء على قدراته وولائه لشعبه
وبرامج حزبه او حركته وليس بناء على قبيلته."

جميل, فلنستخدم كلمة ظلم _ و الذي اجده مشابهآ في الصياغ للاستهداف_ و احب ان
اؤكد لك بان ليس هنالك ظلم يعاني منه بقان بحكم انتمائه للشلك؛ فالشلك كيان اجتماعي هام
في الجنوب و لديهم تاريخ طويل فهم اصحاب احدي اقدم الممالك السودانية و حضارتهم من اعرق
حضارات القبائل النيلية و لولا انحياز من تناولوا تاريخ السودان لعلم الجميع عظمتهم؛ كما انهم
يتقلدون مناصب قيادية مهمة في الحركة زكرتها سابقآ كرئيس هيئة الاركان
للجيش الشعبي و الامانة العامة للحركة و ووزراة الخارجية سابقآ و لولا تجاوزات د. لام اكول
لكان وزيرآ للخارجية الي اليوم....
اما بخصوص القبلية فاتفق معك انه مرض عضال يعاني منه كل السودان و لكنها في الطريق
الي النهاية فالحركة علمتنا ان المصلحة العليا اهم من الانتماءات الضيقة و لهذا اود ان اؤكد
لك ان رئاسة الحركة لم يسبق ان تم انتخابه وفقآ لمعطيات القبيلة التي
ينحدر منها الرئيس و ان اردت الصياغ التاريخي الذي انتخب فيه الراحل المقيم د. جون قرنق في
عامي 83 و94 فساقوم بسردها.....
مع فائق احترامي
اندرو

على ذمة الميدان الصادرة صباح اليوم

الرئاسة
---------------
محسومة لسلفاكير لعدم وجود منافس

نواب الرئيس الثلاث
-----------------
قائمة تضم
نيال دينق
عبدالعزيز الحلو
ربيكا قرنق

في مواجهة
رياك مشار
جيمس واني
مالك عقار

الأمين العام
--------------
منافسة بين أربعة عدول
باقان أموم
تعبان دينق
لام اكول
كوال مينانق
وفرص باقان هي الأوفر


لقطاع الشمال : المرشح ياسر عرمان
لقطاع الجنوب : الدكتورة آن اينو

بات مؤكدا ترشح سلفاكيرميارديت بالاجماع لمنصب رئيس «الحركةالشعبية لتحرير السودان»، وفي ذات الوقت سيتم ترشيح النواب الثلاثة له وهم رياك مشار نائبا اول وجيمس واني نائبا ثان ومالك عقار نائبا ثالثا، كما كان في السابق . وفي خطوة قلبت كل الموازين والتكهنات، علمت (الصحافة) بأن باقان اموم سيبقى في منصبه أمينا عاما للحركة بعد ضغط قوي من قبل المؤتمرين لحمله على اعادة ترشيحه امينا عاما، وآثر عبد العزيز آدم الحلو الاعتذار عن الترشح للمنصب.
وكان باقان قد ألقى كلمة اشبه بخطبة الوداع يوم السبت داخل اجتماع لمجلس التحرير الوطني واعلن اعتذاره بشكل صريح عن تولي المنصب، ورفض بشدة ترشيحه، غيران ضغوطا شديدة من قبل المؤتمر العام اعادت فرض باقان امينا عاما.
وابلغت مصادر موثوقة (الصحافة) ان سلفاكير دخل في اجتماع مغلق امتد لنحو ساعة في مقر اقامته مع باقان، واشارت المصادر إلى ان الاجتماع حسم مسألة ترشيح باقان لمنصب الامين العام نهائيا وكان من اللافت دخول الاثنين معا إلى قاعة المؤتمر، مما ألهب الاكف بالتصفيق الحار.
وابلغ باقان اموم الصحافيين امس ان الخلافات كانت حول الهيكلة والتنظيم فقط وقال ان ما تبقى هو اجراء الانتخابات التي سوف تتم حسب القواعد الديمقراطية.
وشدد على ان الخلافات حسمت بنقاش حر مستفيض بين قيادة الحركة من جهة وداخل المؤتمر العام من جهة اخرى، حيث توصلوا لرأي توفيقي بأن يتم انتخاب نواب الرئيس الثلاثة من قبل مجلس التحرير الوطني، بينما ينتخب المؤتمر العام الرئيس ومجلس التحرير الوطني المكون من 275 عضوا على ان ينتخب مجلس التحريرالامين العام ونوابه والمكتب السياسي المكون من 27 عضوا.
وقال اموم ان اليوم سيشهد تقديم الترشيحات بعد استقالة القيادة الحالية، مشيرا إلى ان المؤتمر العام ناقش دستورالحركة الجديد وطلب من لجنة الصياغة اعداد مسودة اخيرة لاجازتها اليوم في جلسة صباحية لتبدأ بعدها انتخابات القيادة الجديدة.
وأكد باقان اجازةالمؤتمر لميثاق الحركة(منفستو) جديد للحركة واشار إلى ان (المنفستو) سيكون الموجه والملهم للحركة لتطويرادائها في كل القطاعات والمجالات المختلفة.
ووصف باقان المؤتمر بالنجاح، مؤكدا انه نقل الحركة لمرحلة جديدة حيث اضحت الآن حركة سياسية قومية تنتظم كل السودان، كما استعدت لتصبح حزبا سياسيا عريضا لقيادة البلاد إلى مرحلة التحول الديمقراطي واحداث التحولات العميقة في البنية السياسية والاجتماعية والثقافية في الدولة السودانية، حتى نصل لدولة وسودان جديد يسع كل السودانيين ويحول المهمشين إلى شركاء متساوين في المسؤولية والحقوق والواجبات.
وتشير(الصحافة)، إلى ان منفستو الحركة الجديد مثل هزيمة ساحقة للانفصاليين، واكد ان مطلب بناء دولة تسع الجميع ليس موقفا تكتيكيا للحركة، وانما هو خيار استرايتجي لحل مشكلة السودان الاساسية وليس مشكلة الجنوب وحدها.
وتحتفل الحركة اليوم باليويبل الفضي بمناسبة مرور خمسة وعشرين عاما على تأسيسها، بالقرب من ضريح قائدها الراحل د. قرنق بمدينة جوبا .

ابو ساندرا
عل العينين صبحن بخير
واخيرا....
اعيد انتخاب السيد / سيلفاكير ميارديت
رئيسا للحركة الشعبية لمدة خمسة سنوات
نتمني له التوفيق في مهمته لتكوين كيان حزبي
قوي يستطيع ان يكمل المشوار الذي بداءه الراحل قرنق
واعتقد ان اول مهمة تنتظرة هي اطفاء نار الحريق في ابيي .
كل التوفيق للحركة الشعبية.
شكرا ابا ساندرا