خليل وينو ؟ خليل وين راح ؟ أكلو الدودو أم ختفو التمساح ؟

Post: #1
Title: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 02:37 PM

أربعة ايام لا حس ولا خبر
لا بي بي سي ولا سي سي سي

Post: #2
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 02:40 PM
Parent: #1

أخبار مؤكدة تقول أنه قُتل ودفن في الصحراء

Post: #3
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: حيدر حسن ميرغني
Date: 05-17-2008, 02:41 PM
Parent: #1

معتز

سلامات

خليل معانا فى اليابان عشان الريس جايي هنا قريب

اخوك داخل واسطة خير

Post: #6
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 02:59 PM
Parent: #3

Quote:

خليل معانا فى اليابان عشان الريس جايي هنا قريب

يا حيدر كدي سمعنا صوتو

Post: #4
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: SARA ISSA
Date: 05-17-2008, 02:49 PM
Parent: #1

مصدر أخبار أبيض
مجموعة عوض المسلمي لمتابعة أخبار د.خليل
www.Mquresh.fake

Post: #7
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 03:01 PM
Parent: #4

Quote: مصدر أخبار أبيض
مجموعة عوض المسلمي لمتابعة أخبار د.خليل
www.Mquresh.fake

يا سارة د. خليل كان قريب مع ناس منكر ونكير
والعهدة على الراوي

Post: #8
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: SARA ISSA
Date: 05-17-2008, 03:04 PM
Parent: #7

كويس ..بختكم يا ناس الدويم
المهم المتعافي حا يعمل ليكم ترعة بمليار دولار
إنشاء الله تتعلموا العوم..

Post: #9
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 03:07 PM
Parent: #8

Quote: كويس ..بختكم يا ناس الدويم
المهم المتعافي حا يعمل ليكم ترعة بمليار دولار
إنشاء الله تتعلموا العوم..

نحنا عندنا النيل الأبيض كلو
نتعلم العوم في الترعة يا سارة ؟
بس ياهو مخ د. خليل
جايب ليهو شُفع قال عاوز استلم الخرطوم
قوم لف انت قايلا خرطوم مطافي

Post: #11
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: SARA ISSA
Date: 05-17-2008, 03:15 PM
Parent: #9

بس الخوفا الدخلا فيكم ما طلعت
المي الحامي ولا لعب القعونج

الشفع ديل أرجل من لواء ركن ..فريق ركن ..فريق أول مهندس ..عميد دكتور ..كلوا فشنك ..والشغع الصغار ديل بعد ما يكبروا ما حا تلقى جلابي حايم في الشارع
والشفع الصغار ديل خلوكم تسوي خط بارليف من الموية

و الشفع ديل خلوا ابو كماشة محروق الأعصاب
سؤال ..ليه البشير دا مش عايز يدخل أمدرمان ؟؟
صحي إلا بعد يتأكد أنو خليل مات !!

Post: #33
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: Nasir Ahmed Elmustafa
Date: 05-19-2008, 08:43 AM
Parent: #11

معتز القريش سلام
بعد اذنك دير اتكلم مع الزول الاسمة سارة عيسى دة
اول مرة اشوف لي راجل اسمو سارة

Quote: سؤال ..ليه البشير دا مش عايز يدخل أمدرمان ؟؟

كمان يا زول مابتسمع الاخبار يوم الجمعة البشير كان في امدرمان في معرض الانفال في حوش الخليفة
البشير عمرو كلو عداهو مقاتل ومجاهد في الجنوب
مش لابس ليهو توب وقاعد يكتب في المنابر باسم مرة
وليس تقليلا من شأن النساء هناك الكثير من الاخوات بكتبو باماءهم وبشرفونا جميعا واحسن مننا احنا الرجال كمان
لكن العيب راجل يلبس توب مرة
السؤال البري ما ذال قائما
من انت يا سارة عيسى
اكشفي عن وجهك القبيح
سؤال برئ0000000بدون حساسية 00000من انت يا سارة عيسى؟

Post: #5
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عبود عبد الرحيم
Date: 05-17-2008, 02:56 PM
Parent: #1

خلوها مستورة

Post: #10
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 03:14 PM
Parent: #5

Quote: خلوها مستورة

يا أخوي سترة تاني مافي
بس الله يجيب الشفاء ساي

Post: #12
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 04:30 PM
Parent: #1

وعند جهينة الخبر اليقين
لماذا لا يوجد أي خبر عن خليل
في موقع الحركة الرسمي

Post: #13
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: على محمد على بشير
Date: 05-17-2008, 04:49 PM
Parent: #12

Quote: وكشف وزير الدفاع في برنامج مؤتمر اذاعي امس عن اخلاء خليل ابراهيم رئيس الحركة وأخيه غير الشقيق ومدير استخباراته عبدالعزيز عشر من مدخل جسر الانقاذ بعد احتدام المعركة بواسطة سيارة مدنية (بوكس ابيض) وذلك طبقاً لافادات بعض الاسرى الذين شاركوا في معركة الجسر. مشيرين الى ان خليل ابلغهم بانه ذاهب الى الإذاعة لتلاوة البيان،واكد الأسرى انهم اكتشفوا الخدعة سريعا حين فوجئوا بالحكومة مازالت تسيطر على الإذاعة حيث تابعوا الإرسال الإذاعي.

Quote: واكد وزير الدفاع ان القوات المسلحة ما زالت تلاحق خليل ابراهيم الذي فرّ ومعه حوالى 17-22 عربة في شمال دارفور وكردفان بمناطق الراهب وبير مرقي مشيراً الى انه حتى ظهر امس لم ينجح في العبور الى تشاد.

Post: #14
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عبدالكريم الامين احمد
Date: 05-17-2008, 04:55 PM
Parent: #13

خلاص بقيتو في خليل وينو؟؟؟
ما قبل يومين شابكنا
علي الطلاق خليل في قبضة رجال امونة
اقسم بالله العظيم خليل في الاسر ومكلبش ومربوط ربطة قبورة
....
ياجماعة روقوا شوية وخلو اللولوة دي
خليل مقبوض
ولا ما مقبوض
ولا وينو؟؟؟

عالم وهم وفارات ظلامية راسها خفيف

Post: #16
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 05:09 PM
Parent: #14

كي كي أدخل هنا كمان

اين خليل ( مع التقدير لمصطفى سرى )

وكان عندك رأي غير كلامنا دا
أرجو أن تسمعنا صوت المرحوم خليل

Post: #15
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-17-2008, 04:57 PM
Parent: #13

على محمد على بشير

خليل وينو ... هل ختفو الدودو
مشتاقين نسمع صوتو عشان نطمئن
عل حركة المهمشين ...

Post: #17
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عاصم ابوبكر حامد
Date: 05-17-2008, 05:20 PM
Parent: #1

يا قريش

الدكتور موجود وبخير ...

وبطل حركات الاستهتار والاستهبال...

Post: #18
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: على محمد على بشير
Date: 05-17-2008, 06:49 PM
Parent: #17

Quote: ناشدت القوات المسلحة كافة قطاعات الشعب السوداني بعدم الالتفات للشائعات التي يطلقها الطابور الخامس بالداخل مؤكدة أنها مازالت تطارد خليل إبراهيم وهو يلوذ بالجبال والصحارى يبحث عن الحياة.

Post: #19
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: على محمد على بشير
Date: 05-17-2008, 06:57 PM
Parent: #18

Quote: والقوة الثانية التي يقودها خليل تجد اللواء »أبوتيه« في انتظارها وعربة خليل كانت واحدة من اثنتي عشرة عربة تحترق في اللطمة الأولى وخليل يقفز.. وحرسه ينتزعون عربة من المواطن »آدم بوش« دبل كابينة يلقون به على الرصيف وينطلقون بها.

والهروب يبدأ..

قبلها بقليل كان خليل يصرخ في الهاتف يحدث قائده الذي يتجه الى الإذاعة يسأله.. لكن الإذاعة كانت تطلق النيران من وراء لواء كامل.

والجري يبدأ من هناك أيضاً..

.. ومائة ممن انضموا الى قوات خليل من سوق ليبيا يصبحون قادة للهروب.

.. والطعام الذي يأتيهم به بعض »خلايا« سوق ليبيا ومن بينه موز.. لا يأكله أحد.. والمجموعات تنسحب الى أزقة أمبدة ٥١ - ٦١ - ٤٢ ودار السلام من الناحية الأخرى والقماير وغرب سوق ليبيا.

.. والتخلص من العربات يبدأ..

والمهاجمون يلجأون الى أسلوب معد سلفاً للهروب.. فكل أحد من المهاجمين كان يرتدي ملابس مدنية تحت ملابسه العسكرية.. والتخلص من الملابس العسكرية يبدأ..

والصراخ أيضاً يبدأ

Post: #20
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: على محمد على بشير
Date: 05-17-2008, 06:58 PM
Parent: #18

Quote: خليل ابراهيم يقود الطابور الذي يدخل من الفتيحاب.. و سليمان فضيل يقود المحور الذي يداهم وادي سيدنا..

وجمالي يقود طابور الإذاعة..

Post: #21
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: على محمد على بشير
Date: 05-17-2008, 07:00 PM
Parent: #20

Quote: مساء الاثنين الطيران يحلق ما بين أم درمان وكردفان يتصيد نوعاً من العربات هناك.

الغريب أن متمردي خليل كانوا يسمون أنفسهم فئران الصحراء.

وحصر القتلى وحصار مناطق معينة الآن له حديث آخر.

Post: #22
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتصم احمد صالح
Date: 05-17-2008, 07:22 PM
Parent: #21

خليل وينو؟ بهناك جنب الكبري..

شفت الغبار الفي البحر.. داك عجاج فيلق يقوده المشير / مهندس /الدكتور/ شيخ / مولاناحسب الله
للقبض على خليل.

هوي يييييي!!!.. خليل جاكم

هوييييي !!!! ما تخافوا..غشيتكم! خليل قبضوه رجال آمنة في الحبشة..

Post: #23
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: بشير أحمد
Date: 05-17-2008, 08:56 PM
Parent: #1

الاخ/معتز

تحياتي؛؛؛

الراجل ده احتمال كبير الجماعة فسحوا مع نكير زمان

وبعد كم يوم نسمع بيان عاجل من القوات المسلحة
حصلت معركة وكده والراجل قاوم

وفسحوووووه للاخر

أبوأحمد

Post: #24
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: صلاح الفكي
Date: 05-17-2008, 09:59 PM
Parent: #1

المحترم معتز..
تظل كل التكهنات صحيحة حتى يظهر دكتور خليل ليكذبها ..

Post: #25
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-18-2008, 03:17 PM
Parent: #24

Quote: المحترم معتز..
تظل كل التكهنات صحيحة حتى يظهر دكتور خليل ليكذبها ..

ما تكهنات يا صلاح الراجل مات وشبع موت
وعلى اقل القليل قبضوه ناس الجيش
ومتكتمين عليهو

والعندو كلام غير دا خليهو يسمعنا صوت خليل

Post: #26
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-18-2008, 04:27 PM
Parent: #1

Quote: 18-05-2008, 07:39 ص

محمد حامد جمعه

.

تاريخ التسجيل: 26-11-2004
مجموع المشاركات: 4471
Re: اين خليل ( مع التقدير لمصطفى سرى ) (Re: الزنجي)

من بوابات الاجتهاد تلك فثمة موقفين الى ان يظهر طريق ثالث

الاول : ان على حركة العدل والمساواة اثبات ان زعيمها بخير
وفى امان وهذه مسالة لم تعد صعبة فالوصول الى الرجل وتصويره
وبث حديثه يعد بكل المقاييس انجاز وسبق صحفى لن تتردد قناة فى الحصول عليه
مهما كلفها من اموال ومشقة وترتيبات مما يترك الامر برمته فى ملعب قيادات الحركة
ولا اظن ان امر كهذا وحجم اهميته يفوت عليها وعدم حدوث هذا يعنى بكل بساطة ان الحركة
لا تستطيع الوصول الى قائدها لانها ان كانت كذلك لما تمنعت لحظة لجهة حوجتها
لجرعة معنوية وانتصار ولو رمزى يتمثل فى قائد العملية بخير وانه خرج مثل
الشعرة من العجين
الثانى : ان القوات الحكومية اسرت الرجل ولتقديرات ترتبط باشياء كثيرة
تقول انها لم تقبض عليه وتعاظم النفى المغلظ بالجائزة والنداء عبر التلفزوين
حتى تثبت للجميع انها تبحث عنه وهى فى هذه الحالة تكون فى حل من اى ضغوطات
حقوقية واقليمية ان قالت انه اسير عندها كما ان الامر يمتد الى ترك الباب
مواربا فى حال فقدان خليل الى الابد بمعنى انه يكون قد قتل اثناء المعارك
وبالتالى فان الحكومة يمكن ان تقول وببساطة ونحنا مالنا نحنا اصلا ما شفناه
جانا وشرد ويمكن ان تستعين فى هذا الموقف بافادات وما تسرب من احمد حسين
ورواية مصطفى سرى واى احاديث اخرى مسجلة فى مواقيت عقب اندحار العملية !

Post: #27
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عثمان الجيلي شيخ محمد
Date: 05-18-2008, 06:03 PM
Parent: #26

الاخوان سلام عليكم...
كده نقول ليكم كلام ..
خليل دهـ لو حي ...ح يكون ميت !!!!
ح تقولوا كيف...
طيب لو هو حي اين غاب صوته الذي كان يتردد في قمة الحارة وقت الغبار يكتح ؟؟؟
ولو حي ح يكون ميت حسرة علي الحكومة ال ماإعتلي كرسيها ..
ولو حي ح يكون ميت غبناً علي جماعتو ال ماتوا كان تشادين ولا كان سودانين ، وكان ثوار مقاتلين ولا مرتزقة مارقين ..
خليل لو حي ح يموت حسرة علي الابرياء الذين قتلهم من غير جريرة ولا ذنب ..
خليل لو حي ح يكون مزنوق زنقة ....في طاحونة...
خليل لو حي ح يكون زعلان وندمان علي الخطة الجهنمية التي رسمت له من اسرائيل وفرنسا وتشاد
ومن دارة في فلكهم والتي طمست معالمها بعد ان انقطع عنه من زينوا له الطريق..

خليل لو حي ح يكون حي موت لانو لارفع راية ولا خلف آية ..

خليل لو حي ح يكون عطشان وجعان وبعيد من العيال والنسوان..
وخليل بعد الزنقة دي صدقوني لو غلبوا الحال باقي الجبخانة ح يفرقها في راسة لو كان عندو راس اقصد لو فضل ليهو باقي راس ...

عموماً لالالالالالالالالالالالالالالالالالالالالالا
حسسسسسسسسسسسسسسسسسسسسسررررررررررررررررررررررة

عثمان الجيلي

Post: #28
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-19-2008, 06:55 AM
Parent: #27

عثمان الجيلي عليك الله نقص شوية من لالالالالالا دي
عشان البوست انفتل فتلة خليل

Post: #29
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: Tragie Mustafa
Date: 05-19-2008, 07:14 AM
Parent: #28

ود قريش
سلامات

غايتو ياسارة عيسى دي بالغتي فيها وكتلتني بالضحك.
Quote: والشفع الصغار ديل خلوكم تسوي خط بارليف من الموية
والجماعه ديل شعان سوى خط بالريف حقوا نفرحهم فعلا ونجيب لهم اسرائيل.

Post: #34
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-20-2008, 01:30 PM
Parent: #29

Quote: ود قريش
سلامات

هوووي يا تراجي أنا ما داير معاك سلامات
انتي الآن من الأعداء ومطلوب القبض عليكي
حية أو ميتة ... ما زي خليل طبعا
لأنو خليل خلاص ببببححححححح

Post: #30
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: Tragie Mustafa
Date: 05-19-2008, 07:19 AM
Parent: #27

يا عثمان الجيلي
سلامات
وكي ارجع استعدل لابوست الفتلته ده اولا وبعيدن نشوف خليل فتل راسكم كيف:

Quote: الاخوان سلام عليكم...
كده نقول ليكم كلام ..
خليل دهـ لو حي ...ح يكون ميت !!!!
ح تقولوا كيف...
طيب لو هو حي اين غاب صوته الذي كان يتردد في قمة الحارة وقت الغبار يكتح ؟؟؟
ولو حي ح يكون ميت حسرة علي الحكومة ال ماإعتلي كرسيها ..
ولو حي ح يكون ميت غبناً علي جماعتو ال ماتوا كان تشادين ولا كان سودانين ، وكان ثوار مقاتلين ولا مرتزقة مارقين ..
خليل لو حي ح يموت حسرة علي الابرياء الذين قتلهم من غير جريرة ولا ذنب ..
خليل لو حي ح يكون مزنوق زنقة ....في طاحونة...
خليل لو حي ح يكون زعلان وندمان علي الخطة الجهنمية التي رسمت له من اسرائيل وفرنسا وتشاد
ومن دارة في فلكهم والتي طمست معالمها بعد ان انقطع عنه من زينوا له الطريق..

خليل لو حي ح يكون حي موت لانو لارفع راية ولا خلف آية ..

خليل لو حي ح يكون عطشان وجعان وبعيد من العيال والنسوان..
وخليل بعد الزنقة دي صدقوني لو غلبوا الحال باقي الجبخانة ح يفرقها في راسة
لو كان عندو راس اقصد لو فضل ليهو باقي راس ...

يازول اتقي الله.
لا اسرائيل ولا فرنسا ولا تشاد لهم علاقة بفعلة خليل ابراهيم.
هذه اوهام في رؤسكم فقط وربنا يعينكم عليها.

وباقي اوهامك الزول الزاهد د.خليل ابراهيم هجر الدنيا ومتاعها ويحي بين جنوده يفترش الارض ويلتحف السماء
وهجر الزوج و الولد لاجل الوطن وتجيء بلا خجلة تكتب عنه هذا؟؟

خليكم في رعبكم هذا واحفورا خط باليف وارجونا.

Post: #31
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عبد الرحمن الطقي
Date: 05-19-2008, 08:15 AM
Parent: #30

دُحِـر البُغـاةُ ... فأيـن أنت خـليلُ ؟!

شعر : عبد الرحمن إبراهيم الطقي

( كتبت بمناسبة اندحار قوة حركة العدل و المساواة في غزوها المشؤوم لأم درمان
السبت 10/5/2008 م ، اللهم احفظ البلاد و أمّن العباد و اخذل كل معتد و داع للفتنة )

دُحِـر البغـاةُ فأين أنت خـلـــيلُ ؟! *** و مصــيرُ جنـدِك مأتــمٌ و عـــويلُ !
أرأيت صبيتَك (الأشــاوسَ) رُكّضـــاً *** ترجــــو النجــاةَ وراءها التنكـــيل !
لم تُغنِـهــم عنــد اللقاءِ تمائمٌ *** فكـأنهــــن أســاورٌ و حُـجـــــــولُ!
فهمـــو أســيرٌ في الحديدِ مصـفّدٌ *** و مطـــاردٌ و مجــــندلٌ مقـــتـولُ
فلْتــأتِ أمـريكا لتـُنقذَ جمــعَكم *** مـن أســرِه و لْتـأتِ إســــــرائيلُ
فلـقد ركـعتَ و أنت أشأمُ راكــعٍ *** لعــدوِّنا و مــروّضٌ و عـمـــــــيلُ
سـوّدتَّ للســودانِ وجـهاً ناصـــعاً *** و الخــزيُ ليس عن الخــــؤونِ يزولُ
روّعــتَ في دارفــورَ شــعباً آمناً *** فأصـــابه الضــراءُ و التـقــتـيلُ
و بكُرْدُفــانَ أدرتَ حــربَ مـــذلّةٍ *** خــذلتْك فيـــها إذ غـــدرتَ فـلـولُ
أوَجدتّ في القــرآنِ قتـلَك وادعـاً *** و أتت بذا التـــوراةُ و الإنجــيلُ ؟!
و أبيـتَ سِـلْماً إذ أتـاك مواتـياً *** فاليومَ ذُقْ : دَيْــنُ الحـروبِ ثقـــيلُ
غُصَصاً تجـرّعْـها و سُمَّـــاً ناقــعاً *** و ( البَغْيُ مــرتعُ مـبتغــيه ) وبيلُ
**********
أ ظننتَ أُمْ دُرْمــانَ طُـعْـماً هيّـِناً *** أم كـأسُ نَخْــــبٍ ســائغٌ معســـولُ؟!
أ ظـننتَ أم درمـــانَ فنـدُقَ لندنٍ *** أم قصـــرَ باريـسٍ و هـنّ طُـلــولُ ؟!
أ حـسـبتَ أم درمــانَ مالاً سـائباً *** لفُـلــولِ جيشِـك مغـــنمٌ و غُـلـولُ؟!
أ حسبتَ أم درمـــانَ مرعى ســائمٍ *** و دخـولُ جيشِـك نُزهـةٌ و مقــــيلُ ؟!
لكــنّ أمْ دُرمــانَ حصـــنٌ مـن دمٍ *** و جِــدارُ عـــزٍّ شــامخٌ و أصــيلُ
لا .. ليـس فيها للعـمالةِ موضــعٌ *** فيعـــيثَ فيها مــارقٌ و عـمـــيلُ !
كَـرري تُحــدِّثُ عـن رجـالٍ بُسَّــــلٍ *** بســيوفِهم ذاق العــذابَ دخــيلُ
كم مـــرّةٍ دُحِــر الغُـزاةُ ببُقـعةٍ *** ليسـت بهــا للغـاصـــبينَ ســــبيلُ
أتريدُ تســـويةً و عــدلاً زائفـاً *** بل أنت غِــــرٌّ ظــالمٌ و جهـــــولُ
**********
حُرّاسُ أم درمانَ في وجــهِ العِــدا *** عند الشــدائدِ صـــارمٌ مســـلـــولُ
و الشعبُ رِدْءٌ للجـنودِ ، و ربُّهــم *** فــوق الأعــادي قاهــــرٌ و جـلــيلُ
إنا و ربِّك في النـــوازلِ إخــوةٌ *** صــفٌّ لـردْعِ المعــتدينَ طـــــــويلُ
و اللهِ ما حُــبُّ البشـــيرِ و حـزبِه *** حـفــز الشـعورَ و مـا بنا تطـــبيلُ
لكنه الوطـنُ العزيزُ .. أيصــطلي *** حـرباً و شــعـري أخــرسٌ مشـلـولُ ؟!
**********
بئس الخلـيلُ و بئس غـدرُك خُـلَّــةً *** و لـَرُبّما أردى الخـليلَ خـلـــــيلُ
ما أُشــرب الإيمــانَ قلــبٌ غـادرٌ *** كـــلا .. و لـم يســقِ الأباعــدَ نيلُ !
فاهرَبْ بنفسِـك إن تجدْ لك مهــرباً *** أو مُــتْ و أنت مذمّـــمٌ و ذلـــــيلُ
قُلْ للصِّــغارِ الزائغــاتِ عيونُهـم *** يــومَ اللّــِقاءِ و كلّـهم مـذهــــولُ !
يرنو لـ ( أبَّشي ) بعينٍ من أســىً *** قد باعـــدته مفـــاوزٌ و ســـهــولُ
هل قاوم الفتكَ الذريعَ حـروزُكــم *** بكفـــاءةٍ ؟! أم عَــقْـدُكم مـدخــولُ !
هل سامـكم خسْـفاً زعـــيمٌ خــائنٌ *** أم باعــكم بخــســاً هناك خـلـــيلُ ؟!
يبغــون لِبْســةَ هـاربٍ متنكــــرٍ *** و مُــناكمُ المشـــروبُ و المأكـــولُ !
و شــوارعُ الخُــرطومِ فـخٌّ ضــيِّقٌ *** و غُـرابُكم نحــو الممــاتِ دلــــيلُ !

عبد الرحمن الطقي
11/5/2008
معتز
تحياتي

Post: #32
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عماد موسى محمد
Date: 05-19-2008, 08:41 AM
Parent: #31

Quote: كَـرري تُحــدِّثُ عـن رجـالٍ بُسَّــــلٍ *** بســيوفِهم ذاق العــذابَ دخــيلُ

كرري تحدث عن رجال بسل***** بسيوفهم ذاق العذاب دخيل

بيت مدهش!!!!!يردده :كل غيور على أرضه، وعرضه، وبلده.ويردده من لا يرضى احتلال الأجنبي(ديبى)، ويردده كل كاره لسفك
الدم الحرام، ورد المعتدي.

كرري تحدث عن رجال بسل***بسيوفهم ذاق العذاب دخيل

Post: #35
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-20-2008, 05:02 PM
Parent: #30

Quote: يازول اتقي الله.
لا اسرائيل ولا فرنسا ولا تشاد لهم علاقة بفعلة خليل ابراهيم.
هذه اوهام في رؤسكم فقط وربنا يعينكم عليها.

تراجي عليك الله جيبي ليك مقص
وتعالي قصي القمبور دا
أهم شئ المقص يكون صناعة تشادية

Post: #36
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: Mohamad Shamseldin
Date: 05-20-2008, 05:24 PM
Parent: #35

يا زول انت حكايتك شنو ... اصلك ما بتعرف تسترك ليك زول ..
البفك بيرق ... تفتح ليهو بوست...
البخلى مرتو و شفعو وراهو .. ما تريحو...
و الله بالطريقة دى بتتعب ....
احسن ليك ترعى بقيدك...

أها الزول ده جماعتو قاعدين يسكروا فيهو عشان قال تانى ما بجى المولد وهو واعى .. عندك كلام

Post: #37
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-20-2008, 05:53 PM
Parent: #36

Quote: يا زول انت حكايتك شنو ... اصلك ما بتعرف تسترك ليك زول ..
البفك بيرق ... تفتح ليهو بوست...
البخلى مرتو و شفعو وراهو .. ما تريحو...
و الله بالطريقة دى بتتعب ....
احسن ليك ترعى بقيدك...

أها الزول ده جماعتو قاعدين يسكروا فيهو عشان قال تانى ما بجى المولد وهو واعى .. عندك كلام

ما عندي كلام والله

Post: #38
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عثمان الجيلي شيخ محمد
Date: 05-20-2008, 07:10 PM
Parent: #37

الاخ العزيز/معتز قرشي
لك خالص تحياتي وكذا مثلها للاخوة المتداخلين...

يا معتز انا استعدلت فتلت البوست ...ال بستعدل فتلت راس خليل منو ؟؟..
يا تراجي ....خليك من فتلت البوست خليينا في المهم...انت براكم بتبحثوا عن الهامش
وبعدين تقولوا المهمشين ...اراكم دائما تتركوا الموضوع الاهم وتبحثوا في الهواش...
ماعلينا إتفتل البوست واستعدل..
اما تقوي الله ..شكراً جزيلاً نصيحة طيبة نسأل الله ان نكون من التقاه في كل حين ...
اماعن زهد خليل...ليست هذا بزهد ...
تاريخة رجل يبحث عن المناصب ..وكان يحلم بالكرسي ...
وياريت لوصبر علي كفاحة الاول لكان إعتلي الكرسي الذي يلهث ورائه...
وما سمعنا برجل يقتل الابريا ويجند الاطفال ويسمي زاهد...
ممكن يسمى (الساحر والاطفال)..
علي العموم برضو خلونا في الاهم والعنوان الرئيسي..
قلنا ليكم سمعونا صوته ...ولو تسجيلاً ...
عشان نرد علي اخونا معتز نقول ليهو ...التمساح ماختفو...بس شالو ساكت عشان يفسحو..

تحياتي ليكم مرة اخري

Post: #39
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: معتز القريش
Date: 05-20-2008, 07:14 PM
Parent: #1

Quote: قلنا ليكم سمعونا صوته ...ولو تسجيلاً ...
عشان نرد علي اخونا معتز نقول ليهو ...التمساح ماختفو...بس شالو ساكت عشان يفسحو..

حرام عليكم يا أخي
خليل يبرى من التمساح
خليل خلاص أكلو الدود
بتعرف الدود النتر في أم درمان
.
.
.
قال صوتو قال
والله إلا كان صوت مطر

Post: #40
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عثمان الجيلي شيخ محمد
Date: 05-20-2008, 07:32 PM
Parent: #39

يا معتز ...
تعال يا اخوي انت قاعد وين ؟؟؟
مع التمساح ...ولا مع الدودو؟؟؟؟

يااخي انا ماعايز ردك انت ...انت ح تكون كاشف اللعبة لو مع التمساح..
ولو مع الدود..بكون قسم ليك شيْء ...عشان كده اسكت ..

خلينا نسمع الثريا تتحدث في ام بي سي...
او في صوت انجمينا..عشان تحكي لينا كلام آخر دواس حق ناس خليل دي...
اومن صوت فرنسا للناطقين بالعربية او الافريقية ..
او حتي لو الدواس في صالحهم نسمعها من إذاعة ام درمان..
بس يا معتز اوعك تفتح فمك ..ولا تخلي الدود يفتح فمو,,,عشان ما نسمع صوت من داخل فم الدود

ليك تحياتي
عثمان الجيلي

Post: #41
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: Mohamad Shamseldin
Date: 05-20-2008, 07:47 PM
Parent: #40

Quote: خلينا نسمع الثريا تتحدث في ام بي سي...

بعد ده .. الا صوت و صورة....
لازم صورة سكوب و بالألوان كمان....
..

Post: #42
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عثمان الجيلي شيخ محمد
Date: 05-20-2008, 08:57 PM
Parent: #41

ياريت والله يا محمد شمس الدين...
يا ريت وياريت ...
عشان تبقي الشغلة واضحة جلية ..
مش مديدة حرقاني..

لك مني التحايا العطرة ..
والمعذرة منك لوإستهليت بالرد قبل السلام ...ليك مني السلام ..

عثمان الجيلي

Post: #43
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: صلاح الفكي
Date: 05-20-2008, 10:40 PM
Parent: #1

Quote: والعندو كلام غير دا خليهو يسمعنا صوت خليل

ننتظر لنسمع ... شكرا أخ معتز..

Post: #44
Title: Re: خليل وينو ؟ خليل وين راح ؟ أكلو الدودو أم ختفو التمساح ؟
Author: عز الدين بيلو
Date: 05-21-2008, 09:36 AM
Parent: #1

العزيز معتز

مع مرارة ما حدث

إلا أنني أتمنى أن يكون د. خليل حياً يرزق

وأن يسهم مع إخوته في بقية الحركات في جلب السلام إلى دارفور

وصدقني

فحركة العدل والمساواة تحت قيادته

أفضل من أن يقودها شخص آخر يقسمها لعشرات الحركات

ثم نجلس لنتفاوض معها العشرة