تخريمه ... لكن يا ناس الانقاذ دفاعكم عينه ...وانا الايامات دي ما عارف قصة الاقمار الصناعية دي شنو .. ومع الاحداث والله يكفينا شر الضغط ... يخوانا في وزير دفاع بيقول يا ابو مروووه ان فرطت في البلد وقوات قطعت الصحاري والوديان والمدن ودخلت قلب امدرمان وده كلو كان بالاقمار الصناعية
في احدث تصريح له وزير الدفاع يتهم جهات اجنبية بتوجيه قوات العدل والمساواة عن طريق الاقمار الصناعية ويشير الي تورط قوي اقليمية دولية في تبني المخطط
Post: #2 Title: Re: رئيس الوزراء السابق الصادق المهدي يحذر من اسقاط نظام الانقاذ Author: Yasir Elsharif Date: 05-17-2008, 02:17 PM Parent: #1
سلامات يا سمير
طبعا أنا معارض لنظام حكم الإسلامويين تحت أي شكل من أشكاله ولكن برغم ذلك أرى أن إسقاط نظام الحكم الحالي بالقوة سيجر السودان كله إلى فوضى لا قرار لها.. السيناريو الذي أفضله هو أن تقوم الحكومة بالإلتزام بكل مقررات مجلس الأمن والأمم المتحدة وتعمل على دخول القوات الدولية، وتتوقف عن ضرب المدنيين في دارفور، وتلتزم بتطبيق كل بنود اتفاقية السلام الشامل بما في ذلك مسألة أبيي وترسيم الحدود.. تفكيك بالراحة براحة.. وإلا فإن الفوضى قادمة..
ياسر
Post: #3 Title: Re: رئيس الوزراء السابق الصادق المهدي يحذر من اسقاط نظام الانقاذ Author: سلمى الشيخ سلامة Date: 05-17-2008, 03:21 PM Parent: #2
سمير وياسر الاخوان سلام ياسر اخوى انت قلت السيناريو الذي أفضله هو أن تقوم الحكومة بالإلتزام بكل مقررات مجلس الأمن والأمم المتحدة وتعمل على دخول القوات الدولية، وتتوقف عن ضرب المدنيين في دارفور، وتلتزم بتطبيق كل بنود اتفاقية السلام الشامل بما في ذلك مسألة أبيي وترسيم الحدود.. تفكيك بالراحة براحة.. وإلا فإن الفوضى قادمة.. وهى الفوضى دى الا بعد نهاية النظام دا؟ ما ياهادى البنشوف فها الان فى فوضى اكتر من كده ؟ جيش كامل قاعد يدخل جيش ماشى ليهو عشرات الايام ومافى زول يقول تلت التلاته كم ؟ بعدين امكن صادق المهدى حارى ليهو وزارة عشان كده قال مقولته دى السياسة فى السودان فطيرة لدرجة مخجلة بعد كل السنين دى ما فى زول عارف انه الانسان السودانى بفكر كيف؟ فى تعالى غريب فى الخطاب السياسى والغاء للاخر والنتيجة التخبط الحادث وبعدين يا ياسر اخوى كان اصلا فى احترام لمقررات الامم المتحدة ما كان وصلت البلاد للحافة دى ولا كان حتكون فى حرب اصلا لانه احترام المواثيق من اهم بنود الحكومات المتعاقبة فى السودان انها ترميها فى محل ما صدرت ارجع لكل مقررات اديس ابابا فى حكومة نميرى لو كان فى احترام ليها كان وصلنا الحافة دى ؟
Post: #4 Title: Re: رئيس الوزراء السابق الصادق المهدي يحذر من اسقاط نظام الانقاذ Author: هشام آدم Date: 05-17-2008, 03:45 PM Parent: #3
Quote: رئيس الوزراء السابق الصادق المهدي يحذر من اسقاط نظام الانقاذ
غازي سليمان قال الشيء ذاته!
Post: #8 Title: Re: رئيس الوزراء السابق الصادق المهدي يحذر من اسقاط نظام الانقاذ Author: Abdel Aati Date: 05-17-2008, 09:04 PM Parent: #3
سلمى الشيخ
Quote: السيناريو الذي أفضله هو أن تقوم الحكومة بالإلتزام بكل مقررات مجلس الأمن والأمم المتحدة وتعمل على دخول القوات الدولية، وتتوقف عن ضرب المدنيين في دارفور، وتلتزم بتطبيق كل بنود اتفاقية السلام الشامل بما في ذلك مسألة أبيي وترسيم الحدود.. تفكيك بالراحة براحة.. وإلا فإن الفوضى قادمة.. وهى الفوضى دى الا بعد نهاية النظام دا؟ ما ياهادى البنشوف فها الان فى فوضى اكتر من كده ؟ جيش كامل قاعد يدخل جيش ماشى ليهو عشرات الايام ومافى زول يقول تلت التلاته كم ؟ بعدين امكن صادق المهدى حارى ليهو وزارة عشان كده قال مقولته دى السياسة فى السودان فطيرة لدرجة مخجلة بعد كل السنين دى ما فى زول عارف انه الانسان السودانى بفكر كيف؟ فى تعالى غريب فى الخطاب السياسى والغاء للاخر والنتيجة التخبط الحادث وبعدين يا ياسر اخوى كان اصلا فى احترام لمقررات الامم المتحدة ما كان وصلت البلاد للحافة دى ولا كان حتكون فى حرب اصلا لانه احترام المواثيق من اهم بنود الحكومات المتعاقبة فى السودان انها ترميها فى محل ما صدرت ارجع لكل مقررات اديس ابابا فى حكومة نميرى لو كان فى احترام ليها كان وصلنا الحافة دى ؟
دومي لنا بعقلك
Post: #14 Title: Re: رئيس الوزراء السابق الصادق المهدي يحذر من اسقاط نظام الانقاذ Author: SAMIR IBRAHIM Date: 05-18-2008, 02:02 AM Parent: #3
الاخت الاستاذه سلمي الشيخ سلامه
بمناسبة العوده من انجلترا ...
Quote: السياسة فى السودان فطيرة لدرجة مخجلة
لو علي انها فطيره دي سهله ... لكن انا في الترسانات والاسحله دي دخلوها بالاقمار الصناعيه كيفن يا وزير الدفاع ؟؟
غايتو وزير دفاعنا بيذكرني بدفاع فريق الشعله ...
Post: #7 Title: Re: رئيس الوزراء السابق الصادق المهدي يحذر من اسقاط نظام الانقاذ Author: Abdel Aati Date: 05-17-2008, 09:03 PM Parent: #2
Quote: السيناريو الذي أفضله هو أن تقوم الحكومة بالإلتزام بكل مقررات مجلس الأمن والأمم المتحدة وتعمل على دخول القوات الدولية، وتتوقف عن ضرب المدنيين في دارفور، وتلتزم بتطبيق كل بنود اتفاقية السلام الشامل بما في ذلك مسألة أبيي وترسيم الحدود..
ما بتعملا .
Post: #13 Title: Re: رئيس الوزراء السابق الصادق المهدي يحذر من اسقاط نظام الانقاذ Author: SAMIR IBRAHIM Date: 05-18-2008, 01:57 AM Parent: #2
Quote: وتلتزم بتطبيق كل بنود اتفاقية السلام الشامل بما في ذلك مسألة أبيي وترسيم الحدود.. تفكيك بالراحة براحة.. وإلا فإن الفوضى قادمة..
الاخ الفاضل ياسر الشريف
تحياتي
كدي في الاول الناس تلتزم بالشاهدتين .. قبل ان نطالبها الالتزام ببنود الاتفاقيات ...
Post: #5 Title: Re: رئيس الوزراء السابق الصادق المهدي يحذر من اسقاط نظام الانقاذ Author: Nasr Date: 05-17-2008, 05:36 PM Parent: #1
إذا كان الصادق يؤمن ويدعوا للديمقراطية وهناك نظام ديكتاتوري آيل السقوط.... الزعلان ليها شنو؟؟؟؟ الترابي يدعوا لإسقاط النظام (المقصود السلطة) والصادق يقول لا ياخ ما تسقطوها: الجيران كفروا وأهل البكاء غفروا؟
Post: #9 Title: Re: رئيس الوزراء السابق الصادق المهدي يحذر من اسقاط نظام الانقاذ Author: Abdel Aati Date: 05-17-2008, 09:06 PM
Quote: إذا كان الصادق يؤمن ويدعوا للديمقراطية وهناك نظام ديكتاتوري آيل السقوط.... الزعلان ليها شنو؟؟؟؟ الترابي يدعوا لإسقاط النظام (المقصود السلطة) والصادق يقول لا ياخ ما تسقطوها: الجيران كفروا وأهل البكاء غفروا؟
نصر سلامات من غرائب الاحداث ان يكون طرح الترابي الانتهازي في هذه النقطة سليما وان يكون المعارضون المدعوون الحرص على نظام القتل والارهاب
Post: #6 Title: Re: رئيس الوزراء السابق الصادق المهدي يحذر من اسقاط نظام الانقاذ Author: قسم السيد الحاردلو Date: 05-17-2008, 07:47 PM Parent: #1
يا اخى زمان قالوا البيستثمر النجيلية ما بحشها. دة شكلوا رئيس الوزراء القادم ما السابق
للاسف الشديد هنالك المزيد من خطوط الدفاع لا زالت متاحة امام الانقاذ
الم يكون فى عموننا جميعا
قسم السيد
Post: #10 Title: Re: رئيس الوزراء السابق الصادق المهدي يحذر من اسقاط نظام الانقاذ Author: Abdel Aati Date: 05-17-2008, 09:06 PM Parent: #6
Quote: يا اخى زمان قالوا البيستثمر النجيلية ما بحشها. دة شكلوا رئيس الوزراء القادم ما السابق
للاسف الشديد هنالك المزيد من خطوط الدفاع لا زالت متاحة امام الانقاذ
كلام صح .
Post: #11 Title: Re: رئيس الوزراء السابق الصادق المهدي يحذر من اسقاط نظام الانقاذ Author: عبدالحافظ سعد الطيب Date: 05-17-2008, 09:54 PM Parent: #10
التحية لكم لى مساهمة فى تسليط الضوء لربط بعض الحلقات التى أمامنا 1- ماهى القراءة الصحيحة لمعارضة الصادق لأتفاقية المرغنى 2- ماهو الهدف الأساسى الذى أخرج الصادق من قوة التجمع الوطنى 3- هل شخصية الصادق الكارزمية تقبل بان يكون الرجل الثالث فى السودان 4- نتيجة الحراك السياسى العنيف والسريع فى مناطق الجهل والفقر أقصد مناطق التهميش المفتعل من قبل الأسلاعروبية(أمة؛أتحادى؛جبهة اسلامية) ألم يفقد حزب الأمة هذة المناطق المغلقة هل يمكن للجبهة الأسلامية ان تعيد للصادق شخصيته القدسيةالتى ورثتها منه فى غرب السودان ليمارس فعل التغيب مرة أخرة بعد ان فشلت الأنقاذ ورجع المجاهدين بعد أن خمدت فكرة أستدعاء الجهاد الأول لمصلحة من ان لاتسقط الانقاذ ماذا يعنى ضرب مقدس من مقدسات الأنتماء الطائفى من قبل اهله ألايعنى تحول جرئ فى الذاكرة حكومة الصادق الترابى فى آخرة الفترة الديقراطيةهل يريد ان يعيد مطلقتة ليقف تضد التحول الديقراطى واداتة الفعلية وحدة قوة التجمع
Post: #12 Title: Re: رئيس الوزراء السابق الصادق المهدي يحذر من اسقاط نظام الانقاذ Author: Yasir Elsharif Date: 05-17-2008, 11:19 PM Parent: #1
الأخت العزيزة سلمى الشيخ،
تحية طيبة وشكرا على تعليقك..
Quote: وهى الفوضى دى الا بعد نهاية النظام دا؟ ما ياهادى البنشوف فها الان فى فوضى اكتر من كده ؟
السودان لم يصل بعد إلى مستوى زوال الدولة كما هو حادث في الصومال مثلا، ويمكن أن يصل إلى هذا المستوى لو تمادت الحكومة ولم تستمع لنصيحة الناصحين.. هذا ما قصدته من عبارة "وإلا فالفوضى قادمة"..
Quote: جيش كامل قاعد يدخل جيش ماشى ليهو عشرات الايام ومافى زول يقول تلت التلاته كم ؟
الجيش فشل في مواجهة حرب اللاندكروزرات في دارفور، ولجأ إلى قصف المدنيين بالطيران واستخدام الجنجويد في محاولة لوقف الحركات المسلحة.. والآن فشل في محاولة وقف حركة العدل والمساواة ومنعها من دخول أمدرمان.. وللمرة الثالثة فشل في اللحاق بقوات العدل والمساواة بعد خروجها من أمدرمان..
Quote: وبعدين يا ياسر اخوى كان اصلا فى احترام لمقررات الامم المتحدة ما كان وصلت البلاد للحافة دى ولا كان حتكون فى حرب اصلا
كلامك صاح يا سلمى.. ولكن الآن وضح للحكومة أن ضعفها قد انكشف.. تفكيك الحكومة بهدوء والتحول الديمقراطي هو أسلم الطرق.. هذا ما قصدته..
مع مودتي
ياسر
Post: #16 Title: Re: رئيس الوزراء السابق الصادق المهدي يحذر من اسقاط نظام الانقاذ Author: SAMIR IBRAHIM Date: 05-18-2008, 02:23 AM Parent: #12
الاخوان الكرام بدون فرز
الحكومة بتجمع في اللاعبين القدامي من الصادق لجماعة الميرغني .. اخر خبر في موقع المركز السوداني البشير سيجتمع الاسبواع القادم مع السيد احمد الميرغني مع احترامنا للشخصيات دي كلها انا بفتكر المشكله في البلد اصبحت معقدة والناس جربت كل الشخصيات دي في الماضي وما وصلت لي نتيجة وربنا يلطف علي البلد
Post: #15 Title: Re: رئيس الوزراء السابق الصادق المهدي يحذر من اسقاط نظام الانقاذ Author: فارس موسى Date: 05-18-2008, 02:20 AM Parent: #1
يا حاردلو إنت نقشت الفلم تماما !!
اتحدى اى واحد يقول لى الصادق المهدى شغل منصب اقل من رئيس وزراء ؟؟
