فرح البلاد .. قصيدة لعلي هاشم الكرار

فرح البلاد

شيل الفرح
وديهو للوطن الجميل
خلي التهاني الحاره
تتراقص تميل
ضمخ شواطئ النيل عطور
انثر أزاهير الخميل
أحمد إلهك يا وطن
سبح بأفضال الجليل
بارك سلامك يا وطن
تسلم وما تصبح عليل
تسلم وما تصبح عليل
***
ما أنت دايما في علاك
شامخ مجاور للقمر
وفوق النخيل
ما انت يا وطن النجوم
خصاك ربنا بالجمال
ينساب علي واديك نيل
ما انت يا وطن الجدود
الناس بيفدوك بالمهج
والموت علي ساحتك يخيل
ما انت نسامك عليل
وكم غني بهواك الخليل
***
ادفن علي أرضك حثالات البشر
اضرب بقوة علي الدخيل
أشهر سلاحك في الوجوه
اصفع على رأس العميل
وصل رسالتك بوضوح
ما بندي من سودانا ميل
ما بندي من سودانا ميل
بنضحي لتراب الوطن
جيل... ثم .... جيل
الرايه ما بتسقط محال
خفاقه تضوي نهار وليل
تمضي المسيره وما بتقيف
ما بهزنا الخائن خليل
***
تسلم أراضيك والسهول
تسلم بواديك والحقول
يسلم شبابك والكهول
تسلم سدودك
والمصانع
ونفطك الحير عقول
والجامعات النورت كل الفصول
والشوارع الزاحفه
عرضا ثم طول
والمجاهدين
والمرابطين
واللي قاعدين
والمسافرين
وكل زول
إن شاء الله يسلم كل زول
إن شاء الله يسلم كل زول
إن شاء الله يسلم كل زول

علي الكرار هاشم محمد
[email protected]
الرياض 15 مايو 2008