Post: #1
Title: تهديد بالقتل والتصفية ( اثبات حالة )
Author: محمد حامد جمعه
Date: 05-15-2008, 04:42 PM
Parent: #0
| Quote: وسوف ياتى يومك يا ود جمعة .... |
اعلاه مداخلة للزميل ابوبكر عاصم ، فى بوست شيل شيل يا خليل ! وتبع ذلك اتصال من خارج السودان (بدون رقم ) تحدث فيه صاحبه حديث بذى وعنيف خلاصته انهم ثلة اشخاص يرون اننى عدوهم رقم واحد وانهم سيقتلونى ، المكالمة كانت مطولة وكان صاحبها متشنجا - بالطبع صوت المتصل ليس الزميل عاصم ابوبكر الذى اعرفه واعرف صوته -
ما دعانى للكتابة عن هذه المسالة التوثيق والتاكيد واثبات الحالة وقد اتخذت اجراءاتى القانونية فى مثل هذا الموقف تتم مراجعة شركة الهاتف التى عليها هاتفى الجوال فى هذا الصدد لتحديد جهة الاتصال .
واقول ..
لمن يهدد بالقتل والتصفية ، افعلوها ، وامام هذا الجمع المطل على هذا المنبر عضوية وزوار لن تجدون من شخصى الهالك انكسارة وليثق صاحب التهديد اننى لن افر ولن اجرى ولن ابكى ولن اترجى قاتلى وليت الايام تاتى به لفعلته فان تقطرت من جسدى قطرة عرق خوفا فليقل ذلك ..
خلافى مع تلك النماذج سيظل قائما ، دارفور اكرم من كثيرين يدعون تبنى قضيتها والسودان اكرم منا جميعا وابقى وساظل فى هذا المنبر غصة فى حلوق البعض لا تزول الى ان نصل الميس والله ولى الجميع
|
Post: #2
Title: Re: تهديد بالقتل والتصفية ( اثبات حالة )
Author: Adil Isaac
Date: 05-15-2008, 04:53 PM
Parent: #1
نقف ضد التهديد من حيث المبدأ. كل المظالم يجب حسمها بواسطة القانون و القضاء العادل.
العدالة والحقوق الإنسانية للجميع
|
Post: #3
Title: Re: تهديد بالقتل والتصفية ( اثبات حالة )
Author: amir jabir
Date: 05-15-2008, 04:59 PM
Parent: #2
ود جمعة الزول دة جاب رقمك من وين ؟؟
_________________________________
الامن السودانى مخترق 
|
Post: #4
Title: Re: تهديد بالقتل والتصفية ( اثبات حالة )
Author: doma
Date: 05-15-2008, 04:59 PM
Parent: #2
لا للتهديد والعنف والا بتزاز
بهذا ستخسر قضيه دارفور كثيرا اوقفوا العنف ضد من يخالفونكم الرؤيا فالحجه تقارع بالحجه
|
Post: #5
Title: Re: تهديد بالقتل والتصفية ( اثبات حالة )
Author: esam gabralla
Date: 05-15-2008, 05:01 PM
Parent: #1
ضد التهديد لاى شخص او جهة
وبعد داك:
شهيد البورد م.ح.ج.
دى بضاعتكم ردت اليكم ... تريدمارك جبهة اسلامية
انتو مهنضبين بلد كاملة
شدو حيلكم بس ....ما قصرتو ابدا كترت ناس عندها معاكم مغايس و احقاد
وين ملاسي؟ اصلو متخصص في حكاية ضربو لى و قالو لى و هددونى
اركز يا محج
يا منايا ....
بدل ترمى قدام
رمو ليك قدام
زى ما تزرع تحصد
ده طبعا اذا صحت الرواية
|
Post: #6
Title: Re: تهديد بالقتل والتصفية ( اثبات حالة )
Author: محمد حامد جمعه
Date: 05-15-2008, 05:04 PM
Parent: #5
انا بركز وكعب رجلى ما بشوفو ود مقنعة ..
(الرواية صحيحة ولا اختلق المسالة )
|
Post: #7
Title: Re: تهديد بالقتل والتصفية ( اثبات حالة )
Author: amir jabir
Date: 05-15-2008, 05:05 PM
Parent: #5
| Quote: اتخذت اجراءاتى القانونية |
الزول دة عايز يغتالك فى ظل الحكومة الحاليه ولا لمن يجى الخرطوم
____________________________
قضية على فضل و الراسخ وصلت وين يا جانبو
|
Post: #8
Title: Re: تهديد بالقتل والتصفية ( اثبات حالة )
Author: على محمد على بشير
Date: 05-15-2008, 05:06 PM
Parent: #5
التهديد بالقتل مرفوض من اى جهة كانت
ود جمعه
اعمل حسابك كويس و لاتستهون بهذا التهديد
|
Post: #15
Title: Re: تهديد بالقتل والتصفية ( اثبات حالة )
Author: ياسر احمد محمود
Date: 05-15-2008, 05:29 PM
Parent: #5
أسلوب مرفوض ومدان.
|
Post: #9
Title: Re: تهديد بالقتل والتصفية ( اثبات حالة )
Author: عبود عبد الرحيم
Date: 05-15-2008, 05:08 PM
Parent: #1
نرفض رفضا كاملا هذا الاسلوب الذي يكشف بوضوح الافلاس في مواجهة القلم والكلمة ...
وفي انتظار تحديد مصدر المكالمة ...
نتمني ان لا يكون صاحبها عضوا بالمنبر ...
لأننا هنا نسمع الكثير من الاقوال العنيفة ولكنها تظل كلمة وحرف ولا تمتد الي التهديد المكشوف بالقتل ...
:
:
:
:
لا بد للجميع اعلان تضامنهم الكامل هنا مع محمد حامد جمعة ضد التهديد الذي تعرض له ...
واعلان براءة اعضاء المنبر منه
|
Post: #10
Title: Re: تهديد بالقتل والتصفية ( اثبات حالة )
Author: Abdel Aati
Date: 05-15-2008, 05:12 PM
Parent: #9
الامنجي محمد حامد جمعة
ندين التهديد بقتلك اذا صح
فانتم يجب ان تقفوا امام المحاكم وتدفعوا ثمن جرائمكم بالقانون .
عايز توثق حالة تهديد ؟؟
والناس البتكتلوا فيهم كل يوم من هل كابوس نظامكم ما وثقت ليهم ليه ؟؟
انتم هم القتلة الفعليين ومن يمارس القتل اليومي .
|
Post: #11
Title: Re: تهديد بالقتل والتصفية ( اثبات حالة )
Author: Maawya Hussein
Date: 05-15-2008, 05:13 PM
Parent: #9
Quote: :
لا بد للجميع اعلان تضامنهم الكامل هنا مع محمد حامد جمعة ضد التهديد الذي تعرض له ...
واعلان براءة اعضاء المنبر منه |
|
Post: #12
Title: Re: تهديد بالقتل والتصفية ( اثبات حالة )
Author: amir jabir
Date: 05-15-2008, 05:17 PM
Parent: #11
| Quote: نرفض رفضا كاملا هذا الاسلوب الذي يكشف بوضوح الافلاس في مواجهة القلم والكلمة |
قلم شنوا بتاع حواجب ولا قلم روج يا بتاع ترحيل تقد من مصر انته والمذيعة التى صعت بسرعة الصاروخ ..
اها تقد وين هسى انشاء فى قبضة الامن
_____________
الشاويش جمعة صلاح قوش موديك الخور موديك
|
Post: #13
Title: Re: تهديد بالقتل والتصفية ( اثبات حالة )
Author: Elsanosi Badr
Date: 05-15-2008, 05:21 PM
Parent: #1
Quote: الامنجي محمد حامد جمعة
ندين التهديد بقتلك اذا صح
فانتم يجب ان تقفوا امام المحاكم وتدفعوا ثمن جرائمكم بالقانون .
عايز توثق حالة تهديد ؟؟
والناس البتكتلوا فيهم كل يوم من هل كابوس نظامكم ما وثقت ليهم ليه ؟؟
انتم هم القتلة الفعليين ومن يمارس القتل اليومي . |
|
Post: #14
Title: Re: تهديد بالقتل والتصفية ( اثبات حالة )
Author: esam gabralla
Date: 05-15-2008, 05:24 PM
Parent: #1
تضامن؟
الناس دى ما عارفة بتكتب في شنو؟
حدنا رفض التهديد والادانة لو صحت الرواية
التضامن ده خلي يجيهو من قوش و عبدالغفار الشريف و بقية الفرد ....
| Quote: (الرواية صحيحة ولا اختلق المسالة ) |
يا محج .... الاختلاق ده شغلك و اكل عيشك ... عاملين ليك ليهو مركز كامل ... و مستقل كمان ...
وين ملاسي مفتى التهديدات السلكية و اللاسلكية
احصدوا يا محج ....
|
Post: #16
Title: Re: تهديد بالقتل والتصفية ( اثبات حالة )
Author: محمود عوض احمد
Date: 05-15-2008, 05:32 PM
Parent: #14
ود جمعه
التحايا والاحترام
كامل التضامن ولاهماك
اسلوب التهديد اسلوب رخيص وجبان
محمود
ماليزيا
|
Post: #17
Title: Re: تهديد بالقتل والتصفية ( اثبات حالة )
Author: kamalabas
Date: 05-15-2008, 05:35 PM
Parent: #1
التهديد بالقتل أو بغرض الضغط مرفوض مبدئيا ولايخدم قضية عادلة لأي
شخص أو جهة !!! ندين هذا الأسلوب ونحمل نظام الانقاذ التردي والانفلات التي
وصلت له البلاد والتمزق الذي أصاب نسيج المجتمع والاساليب الدخيلة التي
أخذت في التفشي....
..... يجب علي الانقاذ أن تتخلي الكنكشة والهيمنة علي مفاصل السلطة والثروة
وأن تعمل علي أزالة المرارات والظلم الذي أفرز ردود أفعال سالبة
كمال
|
Post: #18
Title: Re: تهديد بالقتل والتصفية ( اثبات حالة )
Author: محمد حامد جمعه
Date: 05-15-2008, 05:40 PM
Parent: #17
Quote: ونحمل نظام الانقاذ التردي والانفلات التي
وصلت له البلاد والتمزق الذي أصاب نسيج المجتمع والاساليب الدخيلة التي
أخذت في التفشي....
..... يجب علي الانقاذ أن تتخلي الكنكشة والهيمنة علي مفاصل السلطة والثروة
|
كمال اشكرك وكل المتداخلين لكن يا اخوى انتبه الناس ديل ضربو لى انا المعولق دا ما ضربو لعمر البشير كلامك الفوق دا قولو لزول عندو حديدة ( حائط من الوجوه الباسمة )
|
Post: #19
Title: Re: تهديد بالقتل والتصفية ( اثبات حالة )
Author: د. بشار صقر
Date: 05-15-2008, 05:49 PM
Parent: #1
هؤلاء الاشبال الاشاوش
لا يضربون إلا على رقاب
الثابتين في ميدان النزال
فان اردت موتا فلتكن احد حراس
بوابات العاصمة
لتقابل الاشبال في زيارتهم القادمة
اما اذا اردت الحياة
فاغطس في جروف المدينة
واكتب عن احلام الاسياد
كما تفعل لآن
لن يقتلك احدا
هل نسيت انك اول من قال بلسان مبين ان انسانا يستاهل الموت
فقط لانهم ثاروا ضد احلام سلاطينك من حكامة نظام لإبادة
لماذاتدعو لآخرين بالموت وتقيم الحفلات فوق مآتمهم
هل تعتقد حينما تفعل ذلك انهم يفرشون لك الورود
هولاء الاشبال على امتداد ثورتهم
لم يقتلو اعزلا غدرا كما فعله نظامك في اكثر من مرة
ولم يقتلو اسيرا كما فعله نظامك فلماذا يقتلون جرقاسا لا حول له
مجرد لسان يردد ما يمليه صاحب السلطان
هون على نفسك وارتشف بدم بارد فتات دولة الإبادة
واترك الاشبال يقاتلون الديش في الميدان
فانت ليس هدفا
ولا ثمينا
ولو عندك شك اسأل مولانا كبسيبة
أو ايس اوف ليبرتى يوريك
انت شنو بالظبط
|
Post: #20
Title: Re: تهديد بالقتل والتصفية ( اثبات حالة )
Author: kamalabas
Date: 05-15-2008, 05:50 PM
Parent: #1
كتب الاخ جمعة
| Quote: كمال اشكرك وكل المتداخلين لكن يا اخوى انتبه الناس ديل ضربو لى انا المعولق دا ما ضربو لعمر البشير كلامك الفوق دا قولو لزول عندو حديدة ( حائط من الوجوه الباسمة ) |
يعني أنت عاوزهم يبدو من فوق !!( حائط من الوجوه الباسمة ) أيضا @!!!!
من البشير ونافع وعبد الرحيم وربما تستثني علي عثمان!!!
فكرة برضو! ربما يأخذ بها أصحاب التهديد!!!!!!
التهديد ربما ينطلق من دافع شخصي أو بغرض الضغط ....
.........نأتي للجد: التهديد بالقتل وممارسة التصفيات الشخصية أسلوب مرفوض حتي وإن أقتصر علي قمة الدولة ناهيك عن الكوادر الوسيطة والقاعدية...
ولازلت أحمل
Quote: نظام الانقاذ التردي والانفلات التي
وصلت له البلاد والتمزق الذي أصاب نسيج المجتمع والاساليب الدخيلة التي
أخذت في التفشي....
..... يجب علي الانقاذ أن تتخلي الكنكشة والهيمنة علي مفاصل السلطة والثروة
وأن تعمل علي أزالة المرارات والظلم الذي أفرز ردود أفعال سالبة |
المقصود أن النظام يتحمل نتاج المناخ غير الصحي هذا لأنه أفرزه وخلق كل هذه المرارات والإحن
والتي قد تقود للأنفلات والفوضي وأخذ القانون باليد
والله رأئك أيه يامحمد جمعة?
|
Post: #22
Title: Re: تهديد بالقتل والتصفية ( اثبات حالة )
Author: عبدالكريم الامين احمد
Date: 05-15-2008, 05:59 PM
Parent: #20
مع كامل رفضنا للتهديد بالقتل وهذا مبداء يا جنابو سوي ليك ام عليك...
الا اننا نقول يادوبك الموت ده بقي حار وما بندار..
ما مات بشير
ومات علي فضل
ومات الراسخ
وماتت التاية
ومات سليم
وكلوا طالع من بوت الدقن التي هي تحت الكاب...
..........
|
Post: #24
Title: Re: تهديد بالقتل والتصفية ( اثبات حالة )
Author: Tragie Mustafa
Date: 05-15-2008, 06:04 PM
Parent: #20
ادين الهظار مع محمد حامد جمعه.
وادين التهديد عموما.
قلت لي هددوك؟؟يكونوا بيكاوا فيك؟؟؟
ومال صعاليكم الفاكنهم لي بيضربوا تلفونات كل يوم ديل نقول شنو؟؟؟
وكم تهديد وتهديد....وكمان بصوت حنضبحك جخخخخخخخخخخخ
وخليليك (ح....كه)في الخرطوم وانت يا كلبة يا .... حنعمل لك ونعمل لك؟؟!!
الفاضي يشكي عن الزي ده منو يا ود جمعه؟؟
اكان رجال اليجيوا بالدرب.
|
Post: #25
Title: Re: تهديد بالقتل والتصفية ( اثبات حالة )
Author: محمد حامد جمعه
Date: 05-15-2008, 06:06 PM
Parent: #24
Quote: اكان رجال اليجيوا بالدرب.
|
القول ما قلتى
|
Post: #21
Title: Re: تهديد بالقتل والتصفية ( اثبات حالة )
Author: الزوول
Date: 05-15-2008, 05:54 PM
Parent: #1
السلام عليكم
في بوست سابق كتبت
Quote: تحية تقدير للسوداني الأصيل المترفع عن (نتانة) العنصرية
الأخ محمد جمعة الذي تنادت العصابة اياها تارة لإرهابه وتارة لإبتزازه وتارة لأستفزازه فلقنهم درساً بليغاً في الوطنية والسودانية الأصيلة |
Re: هوي، او هادي كسحة، تنفسو الصعدا.
.......
كامل تضامني معك ضد الإرهابيين والمبتزين والاستفزازيين
.............................
وما الناس إلا هالك وأبن هالك *** وذو نسب في الهالكين عريق
|
Post: #23
Title: Re: تهديد بالقتل والتصفية ( اثبات حالة )
Author: محمد حامد جمعه
Date: 05-15-2008, 06:03 PM
Parent: #21
| Quote: يادوبك الموت ده بقي حار وما بندار. |
يا اخوى قول بسم الله
الموت دا خيار ولا قرار ولا قدر ، الموت حق ، وقدر ونهاية حتمية لاى بشر ، برصاصة بسكين ولا بسكتة كلو بيجى فما تقول لى بقى حار ومابيه
|
Post: #27
Title: Re: تهديد بالقتل والتصفية ( اثبات حالة )
Author: عبدالكريم الامين احمد
Date: 05-15-2008, 06:13 PM
Parent: #23
| Quote: يا اخوى قول بسم الله |
يا زول بسم الله انت المفروض تقولها
وبطل الواي واي ده...
ضربو لي وهددوني...
اختشي وبطل الذاتية والنرجسية والنظر لامور الوطن علي مدي ارنبة الانف..
الزول الضرب ليك ده ذاتو زول سجم ورماد وكرور
لانو قضية السودان ليس محمد حامد جمعة الكاتب الاسفيري الكيزاني الذي لا يري الامور الا بمنظار
موتمره الوطني الذي افسد وظلم وقتل ومزق الوطن...
يازول روق في علبك وبطل الاستهبال والخرخرة بتاعتك دي
شابكنا اليومين الفاتن دي
كرو كرو في راسنا وكرهتنا السودان ده ذاتو بنظرتك الضيقة والفطير لامور الخلاف والاقتتال والتمزيق
وانت يا محمد حامد جمعة بلغتك السمجة دي بتساهم في ترسيخ ماعون الخلاف والاستقطاب المقيت,...
يلا فرتق فرتققققققققق
|
Post: #26
Title: Re: تهديد بالقتل والتصفية ( اثبات حالة )
Author: Kabar
Date: 05-15-2008, 06:09 PM
Parent: #1
نقف ضد التهديد بقتل محمد حامد جمعة..
سؤال: انتو ياجماعة اخونا عاصم ده مش قبل كده ضرب لي صلاح قوش ..و ناس قوش جبروا بخاطرو و رجعوا ليهو واحد من اولاد دارفور.. طرد من القاهرة لغاية الخرطوم..ولا انا ضهبان؟..
كبر
|
Post: #28
Title: Re: تهديد بالقتل والتصفية ( اثبات حالة )
Author: Al-Shaygi
Date: 05-15-2008, 06:21 PM
Parent: #1
Quote: ود جمعة الزول دة جاب رقمك من وين ؟؟
|
Quote: الملف الشخصي ل محمد حامد جمعه
اللقب: محمد حامد جمعه
: .
عدد البوستات: 4448
تاريخ التسجيل: 26-11-2004
محل الاقامة: السودان
:
عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=118
اكلات مفضلة: ملوخية (الخدره )
الاسم الحقيقى: محمد حامد جمعه
التلفون: 0122036607
الجامعة/المعهد: لسه ماشيين نلقط فى العلم
الحالة الاجتماعية: Single
العنوان الدائم: الخرطوم - السودان
الفنان المفضل: محمد ميرغنى
اللون السياسى: ملتزم بالوطن الكبير
النوع: Male
الهوايات المفضلة: القراءة
الوظيفة: كاتب صحفى
تاريخ الميلاد:
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل: صلاح احمد ابراهيم
عدد الاطفال:
معلومات اضافية:
مكان العمل: المركز السودانى للخدمات الصحافية
مكان الميلاد فى السودان: جنوب دارفور
صورتى: |
الشي عميان؟؟؟
Quote: _________________________________
الامن السودانى مخترق |
الخرق الماينسد!!!
الشايقي
http://alkatwah.com
www.Alshaygi.dubaimlm.com
|
Post: #29
Title: Re: تهديد بالقتل والتصفية ( اثبات حالة )
Author: يسرى معتصم
Date: 05-15-2008, 06:30 PM
Parent: #28
نقف ضد التهديد من حيث المبدأ. كل المظالم يجب حسمها بواسطة القانون و القضاء العادل.
العدالة والحقوق الإنسانية للجميع
|
Post: #30
Title: Re: تهديد بالقتل والتصفية ( اثبات حالة )
Author: amir jabir
Date: 05-15-2008, 06:32 PM
Parent: #29
دكتور خليل
|
Post: #31
Title: Re: تهديد بالقتل والتصفية ( اثبات حالة )
Author: محسن خالد
Date: 05-15-2008, 07:30 PM
Parent: #30
غايتو يا كمندان ضحكتني جنس ضحك، ما خليت فيني مصران.
الفيلم بتاعك قبل شوييية ما كان مدوِّر في أمان الله: البجي بساطور بنلاقيهو بساطور، والبجي بأم عشرة بنلاقيهو براجمة وألا بشنو ما بعرفو. أها مالك قلبت (انحننكم) و(اتمسكن ليكم).
هوببااا من قناة (الأكشن) طوالي لقناة (دريمز) وألا (رومانتيك)!
ياخي بالغت! شخصياً بلاحظ ليك في بوستاتك إنّك فاهم سايكلوجي الإنسان السوداني بشكل لا بأس به، عارف وين تخلف ليه الشتم، ووين ترفع ليه المناحة!؟
ومعاك ناس تانين برضو، مثلاً من بوستات السايكلوجي السوداني البوست بتاع الأستاذ الطقي، يا أخوانا قريبي لطشتو دانة، وقريبك منو؟ قريبي قائد عسكري كبير حارس الإذاعة، ويجوك الجماعة الطيبين، كفارة يا الطقي، كفارة يا زول، إن شاء الله يقوم لوليداتو.
يتلّب محمّد حامد جمعة (بعد أن يضع –جانباً- شعار الساطور لمن تسوطر علينا، والبندقية لمن يتسلّح في وجهنا) ويقعد ينيييص، هددوني، قالوا لي بنكتلك، وأنا بمشي للشركة وواك واك واك، خليل صعبٌ علينا لا نقدر عليه وحدنا، نريدكم تتعاطفوا معنا، تساعدونا يعني، بالفيها الساهلة أنصرونا في الزنقة دي، الزنقة دي حقتنا كلّنا، وأولاد الغرب جوا عشانكم يا جلابة.
هووووووووي يا ود جمعة، دكتور خليل دا كان جرسكم قدر كدي لموا ليهو أهلو من الخلاء دا وهو براهو تاني بتلم.
أركز يا كمندان ومافيش داعي للرومانسية جوّه خط البارود، الفتحتو ببوستك براااك.
أركز يا كمندان وبلّغ تحياتي لعمر البشير وقوليهو محسن خالد قال ليك وين الحي بيك الأيامات دي (ينقصنا عدم رؤياكم الغالية) قول ليهو: يا جنرال أرفع صلبك من الواطـة وكفاك دفن دقن، خليل قَدَّ سلك ومرقها في تشاد.
تنقرش قلت لي في السايكلوجي السوداني، داير الطيبين ناس ندين ونشجب ونستنكر.
هوووووي يا الطيبين، إنتو مفتكرين روحكم الناس ديل بطيروا من وشكم بلا أم اللفخ دي، والله فالحين.
|
Post: #32
Title: Re: تهديد بالقتل والتصفية ( اثبات حالة )
Author: Adam Omer
Date: 05-15-2008, 07:41 PM
Parent: #31
نقف ضد التهديد بجميع اشكالة.
|
Post: #33
Title: Re: تهديد بالقتل والتصفية ( اثبات حالة )
Author: elsawi
Date: 05-15-2008, 08:09 PM
Parent: #32
Quote:
نقف ضد التهديد من حيث المبدأ. كل المظالم يجب حسمها بواسطة القانون و القضاء العادل.
العدالة والحقوق الإنسانية للجميع
|
|
Post: #34
Title: Re: تهديد بالقتل والتصفية ( اثبات حالة )
Author: ود محجوب
Date: 05-15-2008, 08:15 PM
Parent: #32
التهديد بالقتل مرفوض
ومدان ولا يمكن تبريره
--------------------------------------------------
|
Post: #35
Title: Re: تهديد بالقتل والتصفية ( اثبات حالة )
Author: abubakr salih
Date: 05-15-2008, 09:43 PM
Parent: #34
Quote: غايتو يا كمندان ضحكتني جنس ضحك، ما خليت فيني مصران.
الفيلم بتاعك قبل شوييية ما كان مدوِّر في أمان الله: البجي بساطور بنلاقيهو بساطور، والبجي بأم عشرة بنلاقيهو براجمة وألا بشنو ما بعرفو. أها مالك قلبت (انحننكم) و(اتمسكن ليكم).
هوببااا من قناة (الأكشن) طوالي لقناة (دريمز) وألا (رومانتيك)!
ياخي بالغت! شخصياً بلاحظ ليك في بوستاتك إنّك فاهم سايكلوجي الإنسان السوداني بشكل لا بأس به، عارف وين تخلف ليه الشتم، ووين ترفع ليه المناحة!؟
ومعاك ناس تانين برضو، مثلاً من بوستات السايكلوجي السوداني البوست بتاع الأستاذ الطقي، يا أخوانا قريبي لطشتو دانة، وقريبك منو؟ قريبي قائد عسكري كبير حارس الإذاعة، ويجوك الجماعة الطيبين، كفارة يا الطقي، كفارة يا زول، إن شاء الله يقوم لوليداتو.
يتلّب محمّد حامد جمعة (بعد أن يضع –جانباً- شعار الساطور لمن تسوطر علينا، والبندقية لمن يتسلّح في وجهنا) ويقعد ينيييص، هددوني، قالوا لي بنكتلك، وأنا بمشي للشركة وواك واك واك، خليل صعبٌ علينا لا نقدر عليه وحدنا، نريدكم تتعاطفوا معنا، تساعدونا يعني، بالفيها الساهلة أنصرونا في الزنقة دي، الزنقة دي حقتنا كلّنا، وأولاد الغرب جوا عشانكم يا جلابة.
هووووووووي يا ود جمعة، دكتور خليل دا كان جرسكم قدر كدي لموا ليهو أهلو من الخلاء دا وهو براهو تاني بتلم.
أركز يا كمندان ومافيش داعي للرومانسية جوّه خط البارود، الفتحتو ببوستك براااك.
أركز يا كمندان وبلّغ تحياتي لعمر البشير وقوليهو محسن خالد قال ليك وين الحي بيك الأيامات دي (ينقصنا عدم رؤياكم الغالية) قول ليهو: يا جنرال أرفع صلبك من الواطـة وكفاك دفن دقن، خليل قَدَّ سلك ومرقها في تشاد.
تنقرش قلت لي في السايكلوجي السوداني، داير الطيبين ناس ندين ونشجب ونستنكر.
هوووووي يا الطيبين، إنتو مفتكرين روحكم الناس ديل بطيروا من وشكم بلا أم اللفخ دي، والله فالحين. |
غايتو يا محسن خالد عصرتا على الكمندان جمعة عصره شديده خلاس... وحاة امى ضحكتنى جنس ضحك!
الجميلة طبعا الرســالة المرسلة لى عمر البشير قول ليهو محسن خالد قال ليك وين الحى بيك ارفع صلبك من الارض.... يا زول و الله بالغتا مع عمر دا جنس مبالغة الزول دا يكون اصيب بكساح و لا شلل اطفال هسه غلبوالوقوف تب... يا جمعة بالله كلم عمر برسالة اخونا محسن خالد دى!
|
Post: #36
Title: Re: تهديد بالقتل والتصفية ( اثبات حالة )
Author: Raja
Date: 05-15-2008, 10:15 PM
Parent: #34
مع الجميع أقف ضد التهديد بالقتل والتصفية لأي زميل هنا..
محمد حامد إزيك.. تعرف بالمنطق والهداوة ممكن نقتل ونصفًي كل الأفكار المدمرة الجابوها ناسكم
ما تمشي تقول رجا هددتني (برضو إثبات حالة )
|
Post: #37
Title: Re: تهديد بالقتل والتصفية ( اثبات حالة )
Author: صلاح الفكي
Date: 05-15-2008, 11:07 PM
Parent: #1
الأخ محمد حامد جمعة..
الكلمة الصادقة الهادفة الجميلة ..تخترق جدار الصمت ولو كان عاتيا..(حكمةمن داخل بيتنا)
تضامنى معك..ومع كل من يتم تهديده ..
|
Post: #38
Title: Re: تهديد بالقتل والتصفية ( اثبات حالة )
Author: محمد فرح
Date: 05-15-2008, 11:22 PM
Parent: #37
كامل تضامني معك أخ محمد
وأرجو أن تتخذ التحوطات اللازمه
مؤونة عام من الود
|
Post: #39
Title: Re: تهديد بالقتل والتصفية ( اثبات حالة )
Author: amir jabir
Date: 05-15-2008, 11:35 PM
Parent: #38
| Quote: وأرجو أن تتخذ التحوطات اللازمه |
يعنى يعمل خندق حول البيت ولا شنو
الجماعة ديل راجعين تانى ولا شنو 
محمد فرح يازول ما تكبر الموضوع ساى ويا شاويش جمعة شيل تلفونك من البروفائل وشيل صورتك كمان
الناس ديل بتاعين كوديك
____________
سلامات رجاء العباسى
|
Post: #40
Title: Re: تهديد بالقتل والتصفية ( اثبات حالة )
Author: amir jabir
Date: 05-15-2008, 11:47 PM
Parent: #39
بعدين يا شاويش الناس الخشوا بى حامية امدرمان ديل ما ناس تهديد
|
Post: #41
Title: Re: تهديد بالقتل والتصفية ( اثبات حالة )
Author: mutwakil toum
Date: 05-16-2008, 00:00 AM
Parent: #40
الزول ده لو بقي سواي جد جد وما حداث، وحاة ديني اسمي عليهو ولدي الجاي..
واقيف مع تهديدكم وتنفيده الي آخر بقة،
لآمن تكملوا جت،
*
*
|
Post: #42
Title: Re: تهديد بالقتل والتصفية ( اثبات حالة )
Author: 7abib_alkul
Date: 05-16-2008, 00:06 AM
Parent: #40
الاخ محمد كان الهددك دا من المنبر دا اقرا قرايتك ساى ما بتجيك عوجة
|
Post: #43
Title: Re: تهديد بالقتل والتصفية ( اثبات حالة )
Author: Mohamed Foto7li
Date: 05-16-2008, 00:20 AM
Parent: #1
كامل التضامن ولاهماك
اسلوب التهديد اسلوب رخيص وجبان
|
Post: #44
Title: Re: تهديد بالقتل والتصفية ( اثبات حالة )
Author: محمد عادل
Date: 05-16-2008, 00:29 AM
Parent: #43
نرفض التهديدات
والتهديد سياسة العاجز
|
Post: #45
Title: Re: تهديد بالقتل والتصفية ( اثبات حالة )
Author: فارس موسى
Date: 05-16-2008, 00:34 AM
Parent: #1
Quote: ياخي بالغت! شخصياً بلاحظ ليك في بوستاتك إنّك فاهم سايكلوجي الإنسان السوداني بشكل لا بأس به، عارف وين تخلف ليه الشتم، ووين ترفع ليه المناحة!؟
|
علق الديباجه دى يا ولد ابوك فى الكى بورد ،واقراها قبل ما تكتب اى حرف !!!
|
Post: #46
Title: Re: تهديد بالقتل والتصفية ( اثبات حالة )
Author: حيدر حسن ميرغني
Date: 05-16-2008, 01:04 AM
Parent: #45
محمد حامد
حالات مثل دي اتفتح عنها بوستات كثيرة
وكانت الاتصالات من قبل افراد فى الامن
اتمنى اعرف رأيك فيها
وهل ادنتها؟
عموما نثيَت راينا هنا بادانة اي نوع من انواع التهديدات
|
Post: #47
Title: Re: تهديد بالقتل والتصفية ( اثبات حالة )
Author: آدم صيام
Date: 05-16-2008, 04:12 AM
Parent: #46
Quote: محمد حامد إزيك.. تعرف بالمنطق والهداوة ممكن نقتل ونصفًي كل الأفكار المدمرة الجابوها ناسكم
ما تمشي تقول رجا هددتني (برضو إثبات حالة ) |
غايتو العزيزة رجاء وجدتك متلبس!
ما يدخلُ السجنَ إنسانٌ فتسأله :
ما بال سجنـــــــــك؟
إلا قـــال مظلوم!!!
لا للتهديد والوعيد
|
Post: #48
Title: Re: تهديد بالقتل والتصفية ( اثبات حالة )
Author: NGABY AJOOZ
Date: 05-16-2008, 06:54 AM
Parent: #1
الشاويش جمعة
أن تدين تدان انت من قبل قمت بتهديد زميلنا بالمنبر وتوعدته باغلظ الايمان
وهل كتاباتك الفي المنبر دي لا تعتبر من التهديدات الصريحة والواضحة ضد المواطن
السوداني ياخي انا لي خمسة ايام لم يلاقي النوم جفني وانتم تقبضون الناس بالشبهات
في الشوارع وانا اتخيل مصيرهم مثل مصير اخوتنا في جوبا الذين اعدمهم ابراهيم شمس الدين
وهم واقفين علي ارجلهم ومجزرة العيلفون وصراخ الطلبة الاطفال يرن في اذني ومجزرة بورتسودان
ومجزرة كجبار وغيرها من جرايم نظامكم الفاشي .
حسبي الله ونعم الوكيل عليكم
|
Post: #49
Title: Re: تهديد بالقتل والتصفية ( اثبات حالة )
Author: NGABY AJOOZ
Date: 05-17-2008, 08:16 AM
Parent: #1
أذا رأيت انياب الليث بارزتاًُ فلا تحسبن الليث يبتسم
|
Post: #50
Title: Re: تهديد بالقتل والتصفية ( اثبات حالة )
Author: Salah Abdulla
Date: 05-17-2008, 10:24 AM
Parent: #49
الأخ محمد
سلام
أسلوب التهديد مدان بأي صورة وعلى أي حال كان .
وده أسلوب جبان , وأقول لمن هدد أن يقرأ كلام محمد حامد جمعة الذي أبان فيه أنه لن ينكسر ولن يجري أويبكي أو يترجاك عشان تبقي على حياتو ، وقد أشهدنا على ذلك ، وإني لمن الشاهدين ..
وكان فضلت فيك ذرة من الرجولة واجه الذي هددته بالقتل أيها الجبان ..
أها ود جمعة جاك عديل وأعلنها أمام الجميع ، وقال ليك ما خايف منك ، وكان راجل تعال ، أها ورينا رجالتك وتعال ليهو..
ياهو ده نضالكم ؟؟ دي فلاحتكم؟؟ عجزتو عن مواجهة قلمو ، قلتو أحسن نهددو بالقتل؟؟
ونعم النضال والله ..
محمد حامد جمعة أعلنها من خلال كتاباته أنه انقاذي ، من حقه أن يكون ما يشاء ،
علي كيفو ياخ يكون انقاذي والا يكون مايوي والا يكون شيوعي زاتو ، ومن حق الآخرين أن يكونوا أيضاً
يا أيها (المناضلون) أتمنى أن يأتيني أحدكم/ن بدليل (حقيقي) يقنعني أن الشاويش / العميد/جنابو/الأمنجي/ مستشار عمر البشير لشؤون الأمن ، الفريق محمد حامد جمعة شغال في الأمن ، عشان نخلص من الاسطوانة المشروخة دي ، ونعقد محاكمة اسفيرية هنا ده ونقتص منو القديم والجديد..
ما محتاجين لشرح وتبريرات ، وإستقاءات ، وقياسات ، عندكم دليل جيبوهو ..
الغريبة انو الاشاعة أُطلقت هنا ، وصدقها من أطلقها ..
كرهتونا ياخ ، أي زول عاوز يُوصف بالنضال والوطنية ومش عارف شنو ، يقوم يجي جاري لمحمد حامد جمعة .. ياخي سويتوها شينة وبايخة وما عندها طعم ..
وفي الآخر كمان ، جابت ليها تهديد بالقتل والتصفية !!
يا لبؤس نضالكم يا هؤلاء ..
|
Post: #51
Title: Re: تهديد بالقتل والتصفية ( اثبات حالة )
Author: NGABY AJOOZ
Date: 05-17-2008, 10:50 AM
Parent: #50
الاخ صلاح
Quote: يا أيها (المناضلون) أتمنى أن يأتيني أحدكم/ن بدليل (حقيقي) يقنعني أن الشاويش / العميد/جنابو/الأمنجي/ مستشار عمر البشير لشؤون الأمن ، الفريق محمد حامد جمعة شغال في الأمن ، عشان نخلص من الاسطوانة المشروخة دي ، ونعقد محاكمة اسفيرية هنا ده ونقتص منو القديم والجديد..
ما محتاجين لشرح وتبريرات ، وإستقاءات ، وقياسات ، عندكم دليل جيبوهو ..
.. |
انتا اذا عندك دليل انه ما في الامن جيبو لينا
وانا حا اثبت ليك انه في الامن
(1)Quote: اااااااااااااااااااى متسلل ينقبض ولا على كيفو
.. |
(2)مكان العمل: المركز السودانى للخدمات الصحافية
وده مركز المعلومات لجهاز الامن واذا ما عارف اسال
وبجيك راجع
|
Post: #52
Title: Re: تهديد بالقتل والتصفية ( اثبات حالة )
Author: Salah Abdulla
Date: 05-17-2008, 11:25 AM
Parent: #51
الأخ النقابي العجوز
سلام
| Quote: انتا اذا عندك دليل انه ما في الامن جيبو لينا |
أنا لم أدعي أنه يعمل في الأمن ، لذا يقع عليك أنت عبْ اثبات أنه يعمل في الأمن ..
| Quote: وانا حا اثبت ليك انه في الامن |
يللا أثبت لينا ، وبالله رجاءً ، جيبوا لي بالسابتة ( الثابتة) ..
وزي ما قلنا ، كلام ( ساي ) ما عايزين ..
وبعدين يا أخينا إذا كان مركز معلومات جهاز الأمن والمخابرات هو (المركز السودانى للخدمات الصحافية ) المكشوف ده ، فمفروض يغيروا اسمو لجهاز شؤون السودانيين العاملين بالخارج ،أو الجهاز المركزي للاحصاء ، أو حتى ان شاء الله جهاز كربريتر .
ما ياهو ده دكتور فاروق شغال فيهو !!
|
Post: #53
Title: Re: تهديد بالقتل والتصفية ( اثبات حالة )
Author: ahmed haneen
Date: 05-17-2008, 11:40 AM
Parent: #1
الجاك
وإدعاءات فارغة
للفوز ببطولة الفلم الهندي ..
( البقعة وابو مركوب )
|
Post: #54
Title: Re: تهديد بالقتل والتصفية ( اثبات حالة )
Author: Badreldin
Date: 05-17-2008, 12:06 PM
Parent: #53
شخص محمد حامد جمعة موضع حبنا لكن ما ينطوي عليه من جهل موضع حربنا
نحتاج للتصفية الفكرية وليست الجسدية
الحرية لنا ولسوانا
ان تحيا في سبيل الله اكبر واعظم واصعب من ان تموت في سبيل الله
اكرهوا الكفر وماتكرهوا الكافر
(الاستاذ محمود محمد طه)
|
Post: #55
Title: Re: تهديد بالقتل والتصفية ( اثبات حالة )
Author: Mohamed Suleiman
Date: 05-17-2008, 12:51 PM
Parent: #54
حكومة الإنقاذ تهرول الي الجامعة العربية : ناس العدل و المساواة هاجمونا و دقونا و أرهبونا ...... و نحن ما عملنا ليهم حاجة .
و اعلنت الجامعة العربية : حركة العدل و المساواة منظمة إرهابية .
و يهرول محمد حامد جمعة الي المنبر : ضربو لي و هددوني و قالو لي بنقتلك ...
و يأتي البعض هنا : نتضامن مع معك يا ود جمعة .. و نحن ضد التهديد بالقتل ..
دعكم من التهديد بالقتل .... أيه رأيكم في القتل زاتو ؟!!
لماذا لم نراكم في بوست ياسر أحمد محمود : شقيق كارو : قصف مدرسة إبتدائية و قتل سبعة أطفال ...
ده كتل عديل لأطفال ....
بعدين .. زولكم ده البتضامنو معاه ده ضد التهديد بالكتل .... أليس هو القائل : يستاهلو ؟؟!!
كلمة يستاهلو دي ما قالا في زول هددوه بالقتل ...
يستاهلو قالا في عملية قتل ناس و منهم معوقين عند هدم عمارة كاملة فوق رؤوسهم ...
من عاش بالسيف ... مات بالسيف ...
فقط أتحسر علي الذي هاتفه بما يزعم ... أتحسر علي خسارته لثمن مهاتفة لهلفوت يطبل للقتلة .... و يخاف أن دارت عليه الدوائر .
مثلك يا محمد حامد جمعة ... مثل الحكامة ....
الثوار يقاتلون أرباب الظلم ... لا الحكامات .
|
Post: #56
Title: Re: تهديد بالقتل والتصفية ( اثبات حالة )
Author: tmbis
Date: 05-17-2008, 01:33 PM
Parent: #54
Quote: الأخ محمد
سلام
أسلوب التهديد مدان بأي صورة وعلى أي حال كان .
وده أسلوب جبان , وأقول لمن هدد أن يقرأ كلام محمد حامد جمعة الذي أبان فيه أنه لن ينكسر ولن يجري أويبكي أو يترجاك عشان تبقي على حياتو ، وقد أشهدنا على ذلك ، وإني لمن الشاهدين ..
وكان فضلت فيك ذرة من الرجولة واجه الذي هددته بالقتل أيها الجبان ..
أها ود جمعة جاك عديل وأعلنها أمام الجميع ، وقال ليك ما خايف منك ، وكان راجل تعال ، أها ورينا رجالتك وتعال ليهو..
ياهو ده نضالكم ؟؟ دي فلاحتكم؟؟ عجزتو عن مواجهة قلمو ، قلتو أحسن نهددو بالقتل؟؟
ونعم النضال والله ..
محمد حامد جمعة أعلنها من خلال كتاباته أنه انقاذي ، من حقه أن يكون ما يشاء ،
علي كيفو ياخ يكون انقاذي والا يكون مايوي والا يكون شيوعي زاتو ، ومن حق الآخرين أن يكونوا أيضاً
يا أيها (المناضلون) أتمنى أن يأتيني أحدكم/ن بدليل (حقيقي) يقنعني أن الشاويش / العميد/جنابو/الأمنجي/ مستشار عمر البشير لشؤون الأمن ، الفريق محمد حامد جمعة شغال في الأمن ، عشان نخلص من الاسطوانة المشروخة دي ، ونعقد محاكمة اسفيرية هنا ده ونقتص منو القديم والجديد..
ما محتاجين لشرح وتبريرات ، وإستقاءات ، وقياسات ، عندكم دليل جيبوهو ..
الغريبة انو الاشاعة أُطلقت هنا ، وصدقها من أطلقها ..
كرهتونا ياخ ، أي زول عاوز يُوصف بالنضال والوطنية ومش عارف شنو ، يقوم يجي جاري لمحمد حامد جمعة .. ياخي سويتوها شينة وبايخة وما عندها طعم ..
وفي الآخر كمان ، جابت ليها تهديد بالقتل والتصفية !!
يا لبؤس نضالكم يا هؤلاء .. |
.. علمتني التجـارب النضالية الكيبوردية .. بأن هناك عصبة .. مجموعة مناضلين بي عينهم .. ما ان كتبو جملة إلا وكان عكسها الصحيح .. إن هم جاءوا وهتفوا هنـا ضد البنك الدولي .. فإن البنك الدولي احسن زول .. فإن هم جاءوا وهتفوا هنـا ضد المريخ .. فإن المريخ سيد البلد .. فإن هم جاءوا وهتفوا بموت جعفر محمد نميري . حتما سيظل جعفر محمد نميري قائدا للشعب مدى الحيـاة ..
لذلك ..
مسلسل الجستابو محمد حامد جمعة ابتداء بتاريخ .. 26-11-2004.. يعني حسع الزول دا باقي ليهو كم شهر كدا ويتم اربعة سنين .. وكل الفترة دي .. ويشهد الله غير الوهم البسوو فوقو دا ما شفنا حاجة كدا تقنع الواحد بل بالعكس .. لامي فيهم ملطشة .. لا منطق قدرو ليهو .. لا كضب قدرو ليهو .. لا كتابة اولاد حله قدرو ليهو .. اولاد حلة شنـو..؟ طالما المناضلين والمناضلات ديل زاتهم حلة ما عندهم .. اقل واحد فيهم خارج نفسو من زمن مقبول كان بجيب لينـا اللبن بالحمار في البيت .. جايين حسع دي عاملين فيها مناضلين ..
يا صلاح الكلام الكتبتو دا هو عين العقـل .. طفح الكيل .. والناس دي عايزه تهظـر طبعا .. وشابكننا معارضة .. نضال .. وجلابي .. وعــب ـ وود نوبه .. ودينكاوي وسخف فارغ ..
غايتو الشئ البعرفو .. والله محمد حامد الشفتو بي عيني دا .. كـــرتونة كاملة من النوعية البتجعجع دي ما تعمل ليهو حاجة ,, والسواي مو حداث .. والله لا بدين دا .. ولا بطلع هتافات .. ولا بتضامن ..
لكـــن
اقعد اعاين للمناضلين ديل .. بيغسل فيهم الفريق اركنحرب .. محمد حامد جمعة ..
فريق عديل كدا .. والما عاجبو يمشي الأمم المتحدة .. يا يمشي جمعية الرفق بالحيوان يا بيوت العجزة في اي فريق كورة بيلعب فوقو..
|
Post: #57
Title: Re: تهديد بالقتل والتصفية ( اثبات حالة )
Author: Salah Abdulla
Date: 05-17-2008, 09:07 PM
Parent: #56
تمبس يا أخو ..
كيفك .
والله الجماعة ديل كّرهونا بي نقتهم الما عندها طايوق دي ..
الزول جايي وقال أنو اتعرض لتهديد بالقتل والتصفية ، الجماعة شبكوهو ليك تاح تراح
والامن وصلاح قوش وعمر محمد الطيب ومصطفى أمن ، وما عارف شنو
ما حصل يوم محمد حامد جمعة ده جاء خاشي ، الا والجماعة دوّروا فيهو ليفت رايت ، على شنو ؟ ما تعرف ..
البيت في السودان بيكون عامل زي شاحنات البتّان (الباكستانيين) كل ألوان الدنيا فيهو
شيوعي وكوز وبعثي وناصري وأمة واتحادي وحركة، وناس كورة ، وناس حفلات وناس جكس ، وناس طرب ، وأي حاجة
ما في زول بيسأل زول ، نختلف قدر ما نختلف ، لكن بيبقى في الآخر خلاف فكري ، وما بيتجاوز كده بأي حال من الأحوال
الجماعة هنا خلافاتهم ما عندها حدود ، ممكن توصل ( غرف النوم ) بالراحة !!!
محمد حامد ده ، أنا واحد من الناس بشهد ليهو أنو بيتعامل بأدب شديد جداً مع كل مخالفيه ، ولم أر (شخصياً) أنه تجاوز حدود الأدب والاحترام مع من أختلف معه
طيب ليه الناس ما تعاملو بالمثل ؟؟ عموماً تعامل الناس ديل معاهو بيبّن ( معدنهم ) ومن هم مقارنة به
وكل إناء بما فيه ينضح .
والأهم يا تمبس أنا راجي الناس ديل واحد منهم يجيب لي ( الكارنيه ) بتاع جنابو ده ، عشان نديهو (التحية العسكرية ) وننضبط ..
وبعدين قصة الألقاب والنعوت والشتايم دي دي حلها بسيط جداً في نظري ، البينبزّني بلقب أو شتيمة ح يسمع (أسوأ منها ) وخليه يمشى يفتح فيني بلاغ في التُمنة ..
يا سلام ، تجي تنبذ وتشتم وأسكت أعاين ليك ؟؟ بالله ؟؟ والله دي يلقوها عند الغافل
البرضى يتشتم ويتنبذ اليجي يشتم هنا ، عشان يسمع رد يقد طبلة أضانو وعينو زاتها ..
عالم وهم ..
|
Post: #58
Title: Re: تهديد بالقتل والتصفية ( اثبات حالة )
Author: عصام دهب
Date: 05-17-2008, 10:20 PM
Parent: #57
سايقة صلاح .. سايقة صاح ..
|
Post: #60
Title: Re: تهديد بالقتل والتصفية ( اثبات حالة )
Author: بدر الدين اسحاق احمد
Date: 05-17-2008, 10:40 PM
Parent: #57
Quote: وبعدين قصة الألقاب والنعوت والشتايم دي دي حلها بسيط جداً في نظري ، البينبزّني بلقب أو شتيمة ح يسمع (أسوأ منها ) وخليه يمشى يفتح فيني بلاغ في التُمنة ..
يا سلام ، تجي تنبذ وتشتم وأسكت أعاين ليك ؟؟ بالله ؟؟ والله دي يلقوها عند الغافل
البرضى يتشتم ويتنبذ اليجي يشتم هنا ، عشان يسمع رد يقد طبلة أضانو وعينو زاتها ..
|
لا لا لا لا لالا لا لا لا لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
|
Post: #59
Title: Re: تهديد بالقتل والتصفية ( اثبات حالة )
Author: بدر الدين اسحاق احمد
Date: 05-17-2008, 10:34 PM
Parent: #1
Quote: لا بد للجميع اعلان تضامنهم الكامل هنا مع محمد حامد جمعة ضد التهديد الذي تعرض له ...
واعلان براءة اعضاء المنبر منه |
|
|