Post: #15 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-17-2008, 09:08 AM Parent: #11
العزيز حاتم صالح شكرا علي المرور واضافه نوع اخر بموسيقي مختلفه واداء مختلف
لكن هل انت بتتفق معاي انو الاغاني بتاعت الشايقيه ماتنفع الا من فنان شايقي وباسلوب شايقي ( الادوات الموسيقية والكورس )) ؟؟؟؟
خليك معانا
Post: #17 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-17-2008, 09:21 AM Parent: #15
اكتر اغاني الشايقيه بتتكلم عن قصص واقعيه والاغنيه دي من ضمن الاغاني المؤثره فعلا
لكن الكثير منا لا يعرف ان للقصه بقيه
وهي عباره عن رد من الطرف الاخر وصاحب الامر عثمان عوض عثمان
بقصيده اسمه ( كان املي )
Post: #16 Title: Re: ♥♥♥ حبــــي ليك كان زادي ♥♥♥ Author: حيدر حسن ميرغني Date: 05-17-2008, 09:10 AM Parent: #11
محمد سلامات
بالله خت الأغنية دي كخلفية للبوست شكرا ليك على الشغل ده القلوب عاوزة شوية ترويح وسط الدمار الشامل ده
Post: #18 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-17-2008, 09:34 AM Parent: #16
العزيز حيدر شكرا علي تعطيرك البوست بمرورك الجميل
الاغنيه ياخوي حيدر انا قصدت انزله عشان اعرف القصه الواقعيه المر بيها اخونا علاء الدين ( كاتب الاغنيه ) هل في شخص مر بيها مع العلم بانو اغلب رواد البورد من المغتربين
يعني بالدارجي كده هل في واحد علق بت ومشي خلاها بعد اغترب وماهي الاسباب هل هو ندمان ولا لا هل بتمني انو يرجع العلاقات زي ماكانت اول واسئله كتيره في الخاطر
وخليك معانا
Post: #19 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-17-2008, 09:43 AM Parent: #18
قصيدة ( كان أملى ) رد بليغ بكلمات معبره جدا وكان رد لكلمات ( حبي ليك كان زادي ) يحكيه لنا عثمان عوض عثمان
قصيدة ( كان أملى )
حبى أنا ليها كان أملي وأمانى حياتى فى الدارين إلا ظـنونا والـعـزال محـو الحـلم الرعيتو سنين شلت هـواهـو فى الأعـماق وفى قلبى العليها أمين وفى أحلام ليالى الـغـربة وفى أنات غريب وحزين وفى فجر الصبـاح الـباكى فـى أهـات يتيم مسكين وفى أنفاس عـميرى الباقى فى قيم الضمير والدين واسـترجـع مـعاها الذكرى واشكيلا الفراق والبين وأحـدثا عـن مآسى الغربة واشواق الفؤاد والعين واصنـاف العـذاب الـشـايفو والنار البقت نارين وما كان حبى ليها خداع ولى غيرا الحنان واللين وأبدا مـا عـشـقت خـلافا وما قلبى البشيل إتنين ولا ســويــت مـشــاعرى شواطى للتايه من الوزين ولا شـيدت للـريـد قـبـله بـيهـا ألملم الضالين وحات البينا كـان عـامــر وحات الجوه لسه دفين ما حـبـيـت مـعاهـا إنـسـان ولا جـبـت نوم شقين ومـديـت صبــري فـى الأيام بدل واحد بقن صبرين ده كلو عـشان أتم مـشوارى وارجع للعديل والزين وزى ماكـان تـعـد أيـامـا تسـأل عن رجوعى متين وتحلم بـالـعديل والـحـنه والعش البفوح ياسمين وتبسم لى خـيال أحـلامــا بى قـلباً ملايـكى حنين وتـرقــص بالـفـرح تـتـني تـتـمايل شمال ويمين عليها أنا كان يطير قـلـبى زى عصـفور بلا جنحين ويـنـزل فـى ديـارا يـغـنى يـتـمنى ويقول آمين ويمسح من عيونا الدمعه مـن جـوفا وقـليبا أنين وحتى الروح تسافـر ليـهــا والإحساس رفيق ومعين شن فضل معاى فى الغربة غير جسدى وسهد العين يساهرو مع الحبيبه النايمه والعهد الوثاقو متين ويحلموا بالطبول والزفه والعقد اليباركوا الدين ويعـملـو لـى تلاقى ارواحنا والفرح البزيل حزنين ولـمـا وصـلـت قـبـل سـلامى كان الناس بتسأل وين واتلـمّ الـشــتات فـى دارنا من كل الـقبايل هين وابتدت الخلوق تـتـبـاري زى الـعادة فى التخمين أريتـم عرفوا حالى البى واريتم كانوا بس عارفين إنو هواها روح لى روحى وإنو قـلـوبـنا متعاهدين وإنى أنـا ما بسـيـب إنسانة شالت ريدي سته سنين وما بنـسـي البسيـمه الحلوه والسمح الكلامو رصين والـذكـرى الصـداها بحـسـو فى أعماقى ليهو رنين الا الـعادة مـا بتـتخلى لـلناس الـدوام فـارغين لـفـوا الحلى بى أركـانا جـاطـوهـا وملوها طنين قـالـو تحـت أخـتـرت حـلـوة مـن أجـمـل الحلوين ليه صـدقـتى يا مـسـكـينه ناساً كان متين صادقين واسـتعجلتى مـا أتـأكـدتى مـرقتى الكــلام الشين وقلتى العود خلاص إنشـق والطـق سمعتـو الأضنين وإنى أنا ما بسـاوى تـرابك السارت علي الكـرعين وإنى من رموز الكـانوا دايـماً للـعهـود خـاينين وخـميتي الـرمـاد وبـكـيتى وسيلتى الدموع نهرين بدل ما تـمد أياديـك زهـرة شـربت من نزيف قلبين وكـبـرت فـى رعــايـة الـريـدة طـالت طلعت فرعين بـدل مـا تـقـولى سـلامـه لومـا قـلــتـى مشتاقين أرهـفـتـى الـســمـع صـدقـتى للناس البجوك واشين وصــاحـبتي الـبجـوك يـتسـلو ما فكرتى ليه جايين ورسـلـتى الـعـزول بـرسـالـة حـادة واحد من سكين وقلـتى خـلاص نهـيـتى البينا قلتى وقلتى لى آسفين سـفـاينك ما بتلم فى ساحلى والشاطى الهجرتو سنين وفـى لـحـظـة غـضب إخترتى فى لحظة عذاب وأنين والـدرب الـصـبــرت عـشـانو فى آخرو اتفرق دربين ما إنـتى الـبراك ابـحـرتى عـز الهيجة بين موجتين وحاتك لى قلب مجـروح ومـحـروم من مُنى العاشقين جـمال الدنيا يـا مغروره إلـفه وريـدة بين إتنين تعالى نعـيـد سنيا الـضـايعه نرجع للعديل والزين وأحسن ننسى كل الـفـات قـبـل ما يفوت عمرنا حزين ومهما يقسى قلبـك إنـتـى ويـفـضـل فى عنادو سجين بكره مصيرو لى يعـود ويرجـع تـانى لىّ يـلـين لأنو الريده جمرة نار يعـيـش فى الجوف رمادا سنين
Post: #20 Title: Re: ♥♥♥ حبــــي ليك كان زادي ♥♥♥ Author: محمد خليل ساني Date: 05-17-2008, 05:57 PM Parent: #18
ود الطيب ،،،
وقعت فى شر أعمالك ،،،
يلا طيب يا ود الطيب ،،، أحكي لينا قصة البنت اللى سبتها لمن جيت هنا ،،،
طبعا بالتأكيد دى حتكون قصه معبره جدا ،،، وح تقول للجميع سبب البوست ده ،،،
Post: #22 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-18-2008, 06:26 AM Parent: #20
محمد خليل ساني الرجل الذي يبحث عن الحب في خياشيم اسماك القرش
عزيزي ساني الشر موجود من بين ايدينا ومن خلفنا ومن فوقنا ومن تحتنا وعن يميننا وعن شمالنا
وشر اعمالي ربما يجده البعض مدخلا للولوج الي حياة تنعم بالدفء والحب والحنان مع من يحب
فاذا كان الرجوع الي من تحب والارتماء باحضانه شر فدع الله ان يعم الشر الدنيا ومافيها
عزيزي ساني في لحظه معتمة بينما نحن في دهاليز الحياة نتفوه باقوال نتحسر عليها مدي الحياة حتي اذا كان في اغلب الاحيان دون تفكير او تروي . والبعض منا وهم ممن احبهم الله الذين يدركون خطاءهم وينالون شرف الرجوع الي من يحبون ويبقي المغضوب عليهم في ندم وحسرة مدي الحياة
ويبقي السؤال : هل اعتزار الرجل للمرأة ينقص من كرامته ام يظل الغرور حايلا بينه وبين سعادته مع من يحب
ــــــــــــــــــــــــــــــــــــــــــــــــــــــ ايها الساني ومابك داء كيف تغدو اذا غدوت وحيدا
Post: #30 Title: Re: ♥♥♥ حبــــي ليك كان زادي ♥♥♥ Author: محمد خليل ساني Date: 05-19-2008, 01:55 AM Parent: #22
أعوذ بالله العظيم من الشيطان الرجيم ،،،
مالك يا أخوى حاصلك أيه ،،،
ينعل أبوهو ده سؤال يخليك تكتب بلون الدم ،،،
ده شنو ده مالك قلبتها تراجيديا كده ،،، حاصلك أيه ،،،
سحبت سؤالى ،،، الحكايه إظاهر دخلت المنطقة الحمراء الممنوعه ،،،
الحكايه جابت ليها سادس و داءٌ و وحيداً ،،، الموضوع إطوّر أوى يا جدعان ،،،
خلاص يا سيدي لو كلامي بيخليك تزعل قدر ده حأسيب ليك البوست الى غير رجعه ،،،
ولو عايز أسحب لك المداخله الفوق ديك كمان وأعملها تعديل ما عندي مانع كمان ،،،
وداعا يا قلب ،،،،
Post: #21 Title: Re: ♥♥♥ حبــــي ليك كان زادي ♥♥♥ Author: كمال سالم Date: 05-18-2008, 01:16 AM Parent: #1
محمد الطيب ده شنو ؟ إنت ركبت مكنة محمد عادل ؟؟؟
Post: #23 Title: Re: ♥♥♥ حبــــي ليك كان زادي ♥♥♥ Author: Sabah Hussein Date: 05-18-2008, 08:40 AM Parent: #21
محمد الطيب سلامات ياخى
التعملو بايدك اقصد لسانك يغلب اجاويدك.
جعير الرجال شين شنا.
اللهم لاشماته. شوفتا فيك يوم.
Post: #27 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-18-2008, 05:36 PM Parent: #23
صباح صباح العيد الجابك لينا
Quote: محمد الطيب سلامات ياخى
التعملو بايدك اقصد لسانك يغلب اجاويدك.
جعير الرجال شين شنا.
اللهم لاشماته. شوفتا فيك يوم.
الحمد لله الشفت يومك
وبعدين اسالك بالله وينم الاجاويد ياخي ديل شايلين سكاكينم وجايين ناس كمال سالم ومحمد خليل سادس اقصد ساني مش في مثل بقول ( التور لمن يقع بتكتر سكاكينو )
بس بالله رائك شنو ولو التجربه دي مرت بيك عليك الله ماتختشي واحكي لينا
Post: #24 Title: Re: ♥♥♥ حبــــي ليك كان زادي ♥♥♥ Author: محمد عادل Date: 05-18-2008, 03:39 PM Parent: #21
Quote: يعني بالدارجي كده هل في واحد علق بت ومشي خلاها بعد اغترب وماهي الاسباب هل هو ندمان ولا لا هل بتمني انو يرجع العلاقات زي ماكانت اول واسئله كتيره في الخاطر
لاحولا يعني الزول كان مظلوم ساي
غايتو في the Clipالبت دي عندها دلايلا على خيانتو (ماقايلاك حبيب الاف)
كدي منتظرين الحقيقة
Post: #26 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-18-2008, 04:58 PM Parent: #21
عزيز القوم كمال سالم
Quote: محمد الطيب ده شنو ؟ إنت ركبت مكنة محمد عادل ؟؟؟
ومحمد عادل مكمنتو 8 سلندر ولا 4
Post: #28 Title: Re: ♥♥♥ حبــــي ليك كان زادي ♥♥♥ Author: james Date: 05-18-2008, 05:43 PM Parent: #26
محمد الطيب... كده ما كويس الله يرضى عليك.. مافي داعي..
Post: #31 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-19-2008, 10:16 AM Parent: #28
Quote: محمد الطيب... كده ما كويس الله يرضى عليك.. مافي داعي..
ابو الجمس والله من غير رياء مرورك اسعدني شديد فحين تمر يعرف من يأتي بعدك بأنك قد مررت من هنا فالرائحه الجميله تبقي في الزكري
ولو عارف كده كنت نزلت الاغنيه من زمان
شكرا صديقي
Post: #29 Title: Re: ♥♥♥ حبــــي ليك كان زادي ♥♥♥ Author: محمد عادل Date: 05-18-2008, 05:48 PM Parent: #26
محمد الطيب براحاعلينا حتدونى عين
Post: #32 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 05-19-2008, 10:49 AM Parent: #29
انا عارفك لو مشي الارشيف بتجيبو الله يخليك لجنس ده تنكت وتهبش في الجحور غايتو لمن يوم يضربك عقرب
وبعدين كلمه مهمش دي بالله ماتقوله لي هنا بوستيني ده اسي يجو تسعين واحد/ة طايرين
تحت تحت :ـــــــــــــــــــــ انشا الله جهزت لينا برنامج بعد مانقضي علي الاخضر واليأبس عند هارون في كلام كتيييييييييييير ما كملناه
Post: #40 Title: Re: ♥♥♥ حبــــي ليك كان زادي ♥♥♥ Author: محمد خليل ساني Date: 05-27-2008, 12:12 PM Parent: #39
البرنامج جااااااااااااهز ،،،
بس إنت تعال وعينك ما حتشوف إلا النور ،،،
لكن أقول ليك حاجه ،،،
راح أقنعك يعني راح أقنعك ،،،
بس شرط وحيد للمواجهه دى ،،،
أبعد هارون وصحافه من الموضوع ،،، إتفقنا ،،،
Post: #41 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-02-2008, 06:15 PM Parent: #40
Quote: إتفقنا
لم نتفق
Post: #42 Title: Re: ♥♥♥ حبــــي ليك كان زادي ♥♥♥ Author: حسين عوضاى Date: 06-02-2008, 08:12 PM Parent: #41
ولا حا تتفقوا
انتا يا سانى حركات البوليس والدبايب دى ما بتخليها .
قال اتفقنا قال .
ود الطيب قلنا no mercy
Post: #46 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-03-2008, 04:11 PM Parent: #42
عزيزي عوضاي المرابط معي علي الثغور ضد الخائن والعميل ساني
Quote: ولا حا تتفقوا
انتا يا سانى حركات البوليس والدبايب دى ما بتخليها .
قال اتفقنا قال .
ود الطيب قلنا no mercy
الزول ده اصبر لي بس وبفرجك جنس فرجه وزي ماقلت بدون رحمه
تسلم يادفعه
Post: #43 Title: Re: ♥♥♥ حبــــي ليك كان زادي ♥♥♥ Author: محمد خليل ساني Date: 06-03-2008, 02:03 AM Parent: #41
ولم لا نتفق يا ابن ابى سفلعه ؟!!!! ألم يصل الروم بعد ؟ّ!!!!! وهل من سبيل الى طليطلة يا ابن الأشرم ؟!!!! اين حماروي وماويه بنت الأبرش ،،،
____________ تخريمه قبل ما نمثل فيلم الكفار الفوق ده ________________ أحسن ليك نتفق ،،، طريقك للخرطوم جااااي بى عندنا ،،، يعني سيك سيك ،،، معلق فيك ،،، راح تمشي وتلقاني قاااااعد ،،،
Post: #44 Title: Re: ♥♥♥ حبــــي ليك كان زادي ♥♥♥ Author: ناهد علي Date: 06-03-2008, 07:21 AM Parent: #1
الاخ/ محمد الطيب حسن صباح الشوايقة الحنينين واحدة شايقية اب وأم فرحانة بي نضميكم دة . واحدة ذي كدة خلته اداها ضهرة (أغترب) وعاست عواستهابعده. واحدة ذي كدة قالت ((التسوي كريد تلقة في جلدها)).
محمد +ساني: ماقائلك حبيب ألف وقلبك قبلة للضالين. مودتي
Post: #45 Title: Re: ♥♥♥ حبــــي ليك كان زادي ♥♥♥ Author: محي الدين جبريل Date: 06-03-2008, 08:48 AM Parent: #44
محمد الطيب وجماعتوا
ده بوست روعة
واصلوا
بجيكم راجع أكيد
Post: #47 Title: Re: ♥♥♥ حبــــي ليك كان زادي ♥♥♥ Author: حسين عوضاى Date: 06-03-2008, 07:32 PM Parent: #45
Quote: الزول ده اصبر لي بس وبفرجك جنس فرجه وزي ماقلت بدون رحمه
سيد البوست ود الطيب ... تحياتنا المتداخلين من المعنيين بكلمات الأغنية وغير المعنيين ... طبعاً أكيد حنفتو ليكم بس ما هسي . ولو فيكم وأحد متحسس يرسل لينا علي الخاص ويقووول الروووووووووب
عوضاي ياحبة أحسن تطبع علاقتك قبل ما تقول ياريت الكان ماكان . ولا شنو ياشباب "فقد حذر من أنذر" والله يقدرنا علي خشمنا علي قول أخونا وحبيبنا هارون دياب ...
ــــــــــــــــ بالمناسبة يامحمد طيب . شكراً كثيفاً لرائعة الشاعر علاءالدين عبدالرحيم التي تعتبر أحسن كلمات إتكتبت (في نظر شخصي الضعيف يعني) وياريت الصحافة يقوم ينزلها لينا علشان تزيد من روعة البوست
Post: #49 Title: Re: ♥♥♥ حبــــي ليك كان زادي ♥♥♥ Author: محمد خليل ساني Date: 06-04-2008, 00:10 AM Parent: #44
تتصوري يا ناهد دي نعمه من ربنا سبحانه وتعالي ،،، والله بالجد نعمة ،،، نعمة إن قلبك يكون قبله للضالين ويحب ألف كمان ،،، وأيه رأيك كمان لو قلت ليك إنو ممكن يسع مليون كمان مش ألف بس ،،، عارفه ليه لأن القلب المليان بالحب أفضل من المليان كراهيه وحقد ولآ أيه رأيك ،،،
محمد الطيب ،،، رأيك شنو فى كلام ناهد ده ،،، أحوال قلبك أيه بتاع ألف ولآ ملاييييييين ،،،
مع محبتي وتقديري.
Post: #50 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-05-2008, 08:37 AM Parent: #44
العزيزه ست الكل ناهد علي
Quote: الاخ/ محمد الطيب حسن صباح الشوايقة الحنينين واحدة شايقية اب وأم فرحانة بي نضميكم دة . واحدة ذي كدة خلته اداها ضهرة (أغترب) وعاست عواستهابعده. واحدة ذي كدة قالت ((التسوي كريد تلقة في جلدها)).
محمد +ساني: ماقائلك حبيب ألف وقلبك قبلة للضالين. مودتي
هي كريد البقولوها دي ياجماعه فضل فيها جلد
تعرفي يا استاذه ناهد الشوايقه ديل زينه السودان تحياتي لكل الشوايقه الحنينين وكم تمنيت ان اكون منهم شايقي اب وام او اضعف الايمان بالمصاهره ولكن ليس المطالب بالتمني
وابشري بخريف جايينا
Post: #51 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-05-2008, 08:54 AM Parent: #50
Quote: محمد الطيب وجماعتوا
ده بوست روعة
واصلوا
بجيكم راجع أكيد
محي الدين جبريل وينك ياروعه منتظرينك
Post: #52 Title: Re: ♥♥♥ حبــــي ليك كان زادي ♥♥♥ Author: ناهد علي Date: 06-05-2008, 08:44 PM Parent: #51
الاخ/ محمد الطيب سلامات والله متشكرين علي الشعور السمح دة.ومن حق كل زول التمني . بس والله خجلانه منك مابقدر اقول ليك اتفضل اصلوا اهلنا الشوايقة ديل عندهم رأي في الغريب ومابدوه كل كله . والله اهلي واعمامي لمايتقدم زول لي بتهم ويكون قريب الواسعة دي مابتشيلم يدخلوا في النار ويمرقوا وبدون تفكير يقوله لية والله نازلين حش التمر تعال لينا بعد كم شهر والوقت داك يكون شهر 2 وحش التمر شهر 9 اها باقي ليك بقدر اقول ليك صاهرم ديل اخير تغطي قدحك. بقيت احسب عميري الفات عزب لاحفلة لاشبال لقيت الراح كثير وكثير مرقت لازوجة لااطفال تراني وسط مهب الريح مريكب ...........(عبد الرحيم البركل) سلامي واحترامي
Post: #53 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-06-2008, 01:05 PM Parent: #52
ألعزيزه ناهد
Quote: والله متشكرين علي الشعور السمح دة.ومن حق كل زول التمني . بس والله خجلانه منك مابقدر اقول ليك اتفضل اصلوا اهلنا الشوايقة ديل عندهم رأي في الغريب ومابدوه كل كله . والله اهلي واعمامي لمايتقدم زول لي بتهم ويكون قريب الواسعة دي مابتشيلم يدخلوا في النار ويمرقوا وبدون تفكير يقوله لية والله نازلين حش التمر تعال لينا بعد كم شهر والوقت داك يكون شهر 2 وحش التمر شهر 9 اها باقي ليك بقدر اقول ليك صاهرم ديل اخير تغطي قدحك
كلامك ده عايز قعده برواااااااااااااقه ويكون بضيافه احد المختصين اكيد من الشوايقه
صحبي بكون لسه في الحدود ( ابو سمره ياعمك ) صحبي ابو القدح انت ماعارف ( ياخ يوم ماشين للباشمهندس صديق عمر في الخور ربنا يطراه بالباربيكو والباسطه الماخمج عارف وصلنا في ساعه ونص )
وعايز احي عبر البرنامج اخونا صديق البعيد ونقول ليه طولت الغيبه واهدي الاغنيه لجميع الاهل والاصدقاء
Post: #65 Title: Re: ♥♥♥ حبــــي ليك كان زادي ♥♥♥ Author: محمد خليل ساني Date: 06-11-2008, 01:25 AM Parent: #56
سمّعني قلت شنو يا ود الطيب
لو ما كنت متابع معاى الطريق حتى بعد أبو سمره ،،، كنت حتقول شنو بعدها ،،، أخوك لسه مخلوع لحدى حسع ،،، من الرياض لمكه المكرمه أخدتها فى 6 ساعات بس ،،، ما عارف دى سرعه مناسبه ولآ أخوك إتهور شديد شديد ولآ زمن سلحفائي ،،، و ده طبعا بعيدا عن التلوث الضوضائي وكده ،،،
تحت تحت ـــــــــــــــــــــــِ سلامات يازول مشتاقين ومنتظرنك بهناك بس ما تنسى تقول لينا المواعيد ،،، إتفقنا ،،،
ياروعة الطمبور وحنية الكلمات والاداء المميز من المطرب عبد الرحيم ارقى
غايتو الشوايقة ديل يوم بيعملو ليهم مصيبة بالحنية الكتيرة دى
واعمل حسابك صديقى من ( لما بقينا غاب قوسسسسسسسسسسسسسسين)
Post: #59 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-09-2008, 06:30 PM Parent: #58
ياسر السيد
Quote: ياروعة الطمبور وحنية الكلمات والاداء المميز من المطرب عبد الرحيم ارقى
غايتو الشوايقة ديل يوم بيعملو ليهم مصيبة بالحنية الكتيرة دى
واعمل حسابك صديقى من ( لما بقينا غاب قوسسسسسسسسسسسسسسين)
والله ياحبيب بدون اطراء او تحيز ( مع اني ماشايقي ) لكن بالجد الحنيه الفيهم تغطي العالم وشوف لمن الحنيه دي تطلع كلمات موسيقيه من الفنان عبدالرحيم ارقي بتحرك حاجات من جوووووووه وتشعر بشعور ماتعرف جاي من وين زاتو تقلب كيانك وطبعا القوسين ديل اهم حاجه في الموضوع كلو ( تقولي اعمل حسابك )
]بلادي انا ياخوي بلادي انا بلد ناسا مواريثم في أول شي ..كتاب الله وحصان مسروج، وسيف مسنون حداه درع كتاتيبم تسرج الليل مع الحيران وشيخا في الخلاوي ورع بلادي انا بلد الصفقة والطنبور وجاراتن تنق بالليل وبنوتن تحاكي الخيل يشابن زي جدي الريل بلدي أمان ، بلدي حنان وناسا حُنان يكفكفوا دمعة المفجوع ويبدّوا الغير على زاتم يقسموا اللقمة بيناتم ويدّوا الزاد حتن كان مصيرم جوع يحبّوا الجار يموتوا عشان حقوق الجار يضوقوا النار عشان فد دمعة وكيف الحال لو شافوها سايلة دموع! ديل أهلي .. واللــــــــــه ديل أهلي البقيف في الدار في نص الدار وأقول لي الدنيا. كل الدنيا ديل أهلي عرب ممزوجة بي دم الزنوج الحارّة ديل أهلي .. ديل قبيلتي لمّن أدور أفصل للبدور فصلي ديل فصلي أقول بعضي ألاقيهم تسرّبوا في مسارب الروح بقوا كلي ألاقي قلبي والإحساس وسافر في بحار شوقم زمــــان عقلي أنا محل قبّلت ألقاهم معاي ، معاي زي ضليّ أنا لو ما جيت من زي ديل كان وا أسافاي ، وا مأساتي وا زّلي تصوّر كيف يكون الحال لو ما كنت سودان... وأهل الحارّة ما أهلي تصوّر
البوست حلو شديد وما شفتوا الا قبل خمسة دقائق خلوا القتاته بتاعتكم لما تعملوا بوستات حلوه بس مسنجر نطلع شوية من الصراعات الجوه دى . حتى هارون دياب بقى قتيت عاديتوهو معاكم . تحياتى ليكم ,,,,,,, ام وضاح
Post: #61 Title: Re: ♥♥♥ حبــــي ليك كان زادي ♥♥♥ Author: essam&amal Date: 06-10-2008, 05:57 AM Parent: #1
Post: #63 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-10-2008, 05:52 PM Parent: #62
العزيزه ام وضاح
Quote: البوست حلو شديد وما شفتوا الا قبل خمسة دقائق خلوا القتاته بتاعتكم لما تعملوا بوستات حلوه بس مسنجر نطلع شوية من الصراعات الجوه دى . حتى هارون دياب بقى قتيت عاديتوهو معاكم . تحياتى ليكم ,,,,,,, ام وضاح
اخيرا البوست نور قسما بالله كنت متوقع مرورك مع اوائل الناس المرو لكن شفيعنا انك ماشفتي البوست وزي ماشايفه دائما الابداع جاي من الشوايقه لانو مواريثم كتاب الله وزي ماقلتي الواحد يومو كلو صراع وجري وتعب قلنا مافي حاجه بتريح غير مسدار حنيييييين طالع من شايقي يخليك تنسي الدنيا وتعيش معاه اللحظه بحلوها ومرها
Post: #66 Title: Re: ♥♥♥ حبــــي ليك كان زادي ♥♥♥ Author: ابوبكر على Date: 06-11-2008, 09:22 PM Parent: #64
Quote: الاخ/ محمد الطيب حسن صباح الشوايقة الحنينين واحدة شايقية اب وأم فرحانة بي نضميكم دة . واحدة ذي كدة خلته اداها ضهرة (أغترب) وعاست عواستهابعده. واحدة ذي كدة قالت ((التسوي كريد تلقة في جلدها)).
محمد +ساني: ماقائلك حبيب ألف وقلبك قبلة للضالين. مودتي
Post: #67 Title: Re: ♥♥♥ حبــــي ليك كان زادي ♥♥♥ Author: محمد الطيب حسن Date: 06-12-2008, 11:57 AM Parent: #66
العزيزه ام وضاح
Quote: انا جعلية آكل النار
ياحباب مرحب باهلي الجعليه اصحاب الدار اهل الحاره البخوضو النار في العدو نازلين طالعين تحلف تقول منشار
