Post: #1
Title: شيل شيل يا خليل !
Author: محمد حامد جمعه
Date: 05-14-2008, 04:46 PM
موظف بالبنك الذى نهب فى سوق ليبيا سالته ، خرجت كيف يا اخونا ، اجاب الموظف المرح .. طلعت فوق بقيت اهتف شيل شيل يا خليل ثم استدرك لقيتنى كيف ؟ قلت ليهو كسار تلج غايتو وزارة المالية ضاعت عليك لو عمك دا وصل القصر كان ريحك
|
Post: #2
Title: Re: شيل شيل يا خليل !
Author: محمد حامد جمعه
Date: 05-14-2008, 04:48 PM
Parent: #1
الموظف المذكور حلف طلاق تانى شغل اضافى ما بشتغل وحدو فى المكتب اغلاق بوابة البنك
|
Post: #3
Title: Re: شيل شيل يا خليل !
Author: محمد حامد جمعه
Date: 05-14-2008, 04:58 PM
Parent: #2
الاحداث الاخيرة رغم بشاعتها حوت مشاهد طريفة ، هذا مع تقديرى لالم الجميع على مصابهم لكنه لعله يكون بوست منزوع الغل
|
Post: #4
Title: Re: شيل شيل يا خليل !
Author: محمد حامد جمعه
Date: 05-14-2008, 05:09 PM
Parent: #3
الاشتباكات التى جرت على مدخل كوبرى الانقاذ - الفتيحاب - من الجهة الغربية المدخل المؤدى للمهندسين وحينما اشتد الاشتتباك اندفع بعض منسوبى حركة العدل نازلين فارين من مركباتهم على جوانب الكوبرى من الناحية الشمالية للكوبرى على المنطقة المسماة كولمبيا وسميت كذلك لانها نقطة وموقع لتعاطى البنقو والكيف .
وقالو - بكرر قالو - ان احدهم وكان (سارحا ) فى سطلته وما جايب خبر (الكسر ) لقى جنبو واحد من المسلحين وقد جلس بهدوء بجواره
صاحبنا المبسوط بفتور : شنو يا اخينا انت تبع وين
المسلح / انا المقدم فلان ( حسب رتب الحركة طبعا )
صاحبنا ينظر الى الفتى اليافع .. ويطلقها ضحكة ... لا قوية .. سجارتك قوية .. هاك يا دفعة جر نفس عشان تقول لى انك سيادتو بكرى حسن صالح
|
Post: #5
Title: Re: شيل شيل يا خليل !
Author: محمد حامد جمعه
Date: 05-14-2008, 05:15 PM
Parent: #4
فى ذات الموقع ، قالوا ان ثلة من المبسوطين انتبهوا متاخر خالص للرصاص ، بعد ان اصابة شريك لهم فى الجلسة فقال كبيرهم بعد التفاته الى الكوبرى ورؤيته للدخان وسماعه للانفجارات
دى كشة بت كلب ، الفارات ديل زمان بجونا بعربية النظام العام هسة جابت ليها مدرعات دا بنقو ولا كتل رقبة !
|
Post: #6
Title: Re: شيل شيل يا خليل !
Author: الرشيد البصيلى
Date: 05-14-2008, 05:16 PM
Parent: #2
الله يجازى محنك يا محمد حامد جمعة ..... والله ضحكت جنس ضحك 
|
Post: #7
Title: Re: شيل شيل يا خليل !
Author: mayada kamal
Date: 05-14-2008, 05:37 PM
Parent: #6
الاخ محمد حامد
مساءك زين
اول مرة ادخل ليك بوست عشان كمية الضحك اللي ادخلته في نفوسنا
طبعا دا بعد الدرش اللي درشته ليييييييييهم من اليوم داك......
*** أيوا خليك كدا واصل واستمر
اديهم في راسهم من كله
اهو زي ما بيقولوا من كل بستان زهرة وكدا
وعشان يعرفوا انو الكيزان بيعرفوا لجميع الفنون
** دعوة لي الاخ بكري انو يرفع البوست دا فوق ويكون بوست توثيقي للمواقف الطريفة اللي حدثت ايام الجرد اللي تم للجماعة اياهم
بس عارفة طبعا سلفا انو اخونا بكري ما حيعملها
وانت وانا وكلنا عارفين السبب؟؟؟؟؟؟
تحياتي
وشكرا على البوست الخفيف
|
Post: #8
Title: Re: شيل شيل يا خليل !
Author: على محمد على بشير
Date: 05-14-2008, 06:42 PM
Parent: #7
واحد من الشباب المستنيرين
قال لى ابوهو وهم يتناولون وجبة الغداء فى المنزل
- انا استنكر وادين وغير راضى لما يحدث لمقاتلى العدل والمساواه من مطاردات
وقتل فى شوارع البقعه ويجب ان يعاملوا معاملة اسرى الحرب
ابوهو الجبهجى زعل وقام طرده من البيت
وقال ليهو انا مابربى خائن جوه بيتى ويلا شيل شنطتك وشتت
الولد شال شنطته وقبل مايشتت كتب فى باب بيت ابوهو
بالبوهيه وبى خط عريض ( هذا منزل الدكتور خليل ابراهيم زعيم العدل والمساواه )
|
Post: #9
Title: Re: شيل شيل يا خليل !
Author: على محمد على بشير
Date: 05-14-2008, 07:10 PM
Parent: #8
واحد من مقاتلى العدل والمساواه
قبضوهو فى شارع العرضه وقعدوا العساكر يزرزروا ليك فيهو وينهروا ليك فيهو
جاء عمك كوز دباب عامل فيها واعظ دينى وكدا قام قال للاسير اسع انتا يا ولدى
عملت عمل موش كويس وبطال خلاص ولو الجماعه ديل ادوك طلقه وكتلوك بتخش النار
طوالى ولو تبت اسع دا ووريتنا خليل ابراهيم وين بتخش الجنه
اها داير نوديك وين , الجنه والا النار
الاسير قال ليهم ودونى القريبه لى ابشى
|
Post: #10
Title: Re: شيل شيل يا خليل !
Author: محمد حامد جمعه
Date: 05-14-2008, 07:20 PM
Parent: #8
واحد من اخوانا المصريين لقيتو يومتا مقطوع والبلد الحركة فيها بالسيسى ، شلتو معاى ، اها لمن نجى نقطة ارتكاز ، توقف العربية يشوفو بطاقتك ، ولع النور الجوه العربية ، يعيانيو ليك ، يشوفو جوه العربية ، افتح الضهرية ، تفتح الضهرية ، ها لمن انتهو من العبد الفقير لله قالو للمصرى بطاقتك
المصرى للعسكرى : اوى اوى يا باشا ، ربنا ينصركو ، ربنا على الظالم يا جدعان ، كل هذا وهو يمد بالبطاقة خاصته
العسكرى كمن وجد ضالته فى زول جرسة : شغال وين يا اخونا
المصرى : انا .. محسوبك مهندس فى المصنع الجنب منكو من الناحية دى
العسكرى : طيب .. اتفضل
المصرى : ربنا يكرمك يا باشا ، الله يكون فى عونكو ، شدة وتزول ( كدت ان انفجر ضاحكا )
العسكرى طيب اتفضل
اها فى الطريق المصرى حبيبنا دا جاب لى غضروف بكترة النقة
والنبى انتو ناس بتوع ربنا وما تستاهلوش الحصل ليكو ، الا هو بالمناسبة يا حضرت الراقل البتفتش عليه الجكومة تبعكم مش لقيتوه لسه ، قلت له لسه والله ، المصرى سرح بعيدا ليقول ربنا ياخد بايدكو
|
Post: #11
Title: Re: شيل شيل يا خليل !
Author: محمد حامد جمعه
Date: 05-15-2008, 10:02 AM
Parent: #10
اها ..
|
Post: #12
Title: Re: شيل شيل يا خليل !
Author: عبود عبد الرحيم
Date: 05-15-2008, 10:15 AM
Parent: #1
تحياتي يا محمد ...
دي اسمها استراحة محارب ...
وربنا ينصر البلد ...
.
.
.
.
قيل والعهدة علي الراوي
عندما دخلت عربات التمرد ام درمان ..أوقف شرطي المرور حافلة مواصلات عامة لكي يفتح الطريق امام السيارات العسكرية وهو يرفع يده بالتحية ...!!!
قيلهم جيش جاء من العمليات !!!
|
Post: #13
Title: Re: شيل شيل يا خليل !
Author: محمد حامد جمعه
Date: 05-15-2008, 10:43 AM
Parent: #12
احد العربات المضبوطة من مخلفات غزوة الموز وجد بداخلها شنطة بها عدد من البدل الفاخرة ، والقمصان وربطات العنق ، عسكرى الحراسة المكلف بحراسة الغنائم لم يتردد فى القول باستغراب
دا جاى يحارب ولا يعرس !
|
Post: #14
Title: Re: شيل شيل يا خليل !
Author: محمد حامد جمعه
Date: 05-15-2008, 10:46 AM
Parent: #12
حذف للتكرار
|
Post: #15
Title: Re: شيل شيل يا خليل !
Author: DEEK_ALJIN
Date: 05-15-2008, 10:54 AM
Parent: #14
قال ليك بتاع فول فى امبده فى واحد كل يوم بيشترى منو فول بى 500 جنيه
اها يوم العكه صاحبنا اشترى فول بى الفين جنيه
طواااالى بتاع الفول اتصل على الشرطه( حس امنى عالى + مواطن بسيط ) وحكى ليهم
اتخيل لمن فتشو بيت الراجل لقوا معاهو اتنين من جماعة خليل ميتين من الجوع
( ده حسب كلام الجرايد ياجماعه )
واصل يا كمندان ... هنا وفى الميدان
|
Post: #16
Title: Re: شيل شيل يا خليل !
Author: المسافر
Date: 05-15-2008, 11:46 AM
Parent: #15
واحد قالو سأل الخضرجية.. دا مش بلد الخليل..
قلول ليه قدامك الإذاعة .. أبدأ منها..
|
Post: #17
Title: Re: شيل شيل يا خليل !
Author: المسافر
Date: 05-15-2008, 11:53 AM
Parent: #16
قالوا المجروش شايل اسلحة ويعالج في الرمال جا اللاندكروزر عائم فايتو
بدأ ينادي ليه
يا لاندو يا لاندو أنت وين ماشي
قال ليه:
أنا ماشي ام در أنت وين طاشي
قام المجروس قال لي نفسه
بس من ده المو نصيح
دحين طاشي أنا ولا طاشمين الجماعة الفوقك ديل..
|
Post: #18
Title: Re: شيل شيل يا خليل !
Author: محمد حامد جمعه
Date: 05-15-2008, 12:30 PM
Parent: #17
عامل بناء مصرى ، سمع اقرانه وزملائه السودانيين يتحدثون باشمئزاز عن ان خليل ابراهيم فز من ارض المعركة ، فاستوقفهم مستفسرا .. فز ازاى يعنى مش فاهم ، فاخبروه انه هرب فارا بنفسه فاجاب العامل وهو يشفط من كوب الشاى الاحمر .. وايه يعنى الجرى نص الجدعنة
|
Post: #19
Title: Re: شيل شيل يا خليل !
Author: عمر التاج
Date: 05-15-2008, 12:46 PM
Parent: #1
مستشفى الدايات في امدرمان قاليلك كان يستقبل يوميا حوالي 60 حالة
يوم السبت داك ما كان فيهو غير عشرين واحدة وبس
الأربعين ديل لسه ما عرفوهن ولدن وين
واحد قاليهم الاربعين الحقوهن في شارع الاربعين
|
Post: #20
Title: Re: شيل شيل يا خليل !
Author: عاصم ابوبكر حامد
Date: 05-15-2008, 01:42 PM
Parent: #1
وسوف ياتى يومك يا ود جمعة ....
|
Post: #21
Title: Re: شيل شيل يا خليل !
Author: محمد حامد جمعه
Date: 05-15-2008, 04:28 PM
Parent: #20
| Quote: وسوف ياتى يومك يا ود جمعة .... |
للتوثيق ...
|
Post: #22
Title: Re: شيل شيل يا خليل !
Author: amir jabir
Date: 05-15-2008, 04:38 PM
Parent: #21
يا شاويش ماتكون زول ابوالدقيق
الزول دة قاصد انك ماشى الصالح العام وترجع تشتغل شغلتك القديمة عارف طبعا ...
لانو صلاح قوش برفدك وناس القائد خليل ما بشغلوك مافى ليك فرقة
_______________
فجاق عيال ابليس
الله يغطى عليك يازول
|
Post: #23
Title: Re: شيل شيل يا خليل !
Author: على محمد على بشير
Date: 05-15-2008, 05:14 PM
Parent: #22
Quote: وسوف ياتى يومك يا ود جمعة ....
|
؟؟؟؟؟؟؟؟؟؟؟؟؟؟؟؟
|
Post: #24
Title: Re: شيل شيل يا خليل !
Author: doma
Date: 05-15-2008, 05:27 PM
Parent: #23
بتبالغو دا زمن للنكات مببببببالغه مش في ارواح اتفقدت بالميات كدا كتائب بحالها ؟؟!!
|
|