هام للجميع ..ألمي حااااار ولا مجال للعب مزيد من القعونج!!

يقول المثل ...ألمي حااااااار ولا لعب قعونجات!!

الظاهر والله أعلم إن ناس الغرب يفتخرون في هذا المثل بان مياه الغرب مياه حارة وليست كمياه النيل الصاقطة التي يلعب فيها القعونج.
الاخ بكري(كبير القعونج) والاخوة القعونج(عضوية المنبر)
اليومين دي موية المنبر بقت حاااااره ومع ذلك فان القعونج (اللي هو عضوية المنبر) يلعب ويتكتح
وأصبح العنف اللفظي والتطرف والعنصرية هو سيد الموقف
والعضوية أصابها جنون البقر .
وفي الظروف الاستثنائية
لا بد من ضوابط استثنائية للحوار وإلا انحدر مستوى المنبر إلى أسفل سافلين
الكلمة أطول من العمر
ما نتبادله من سباب وشتائم وتهديد لن ينمحي من أذهاننا وأذهان القراء بسهولة
المواقف لدى السودانيين تتشكل من الانطباعات غالبا
والانطباع الذي يخرج به من يمر فقط مجرد مرور بعناوين المنبر هذه الأيام ليس انطباعا جيدا
- العاقل المتزن قد يتحول إلى عنصري قبيح
- والعنصري سوف يتحول إلى وحش
- والذي يناضل بالكلمة سوف يفكر في حمل السلاح
باختصار كدا ما يحصل كفيل بان بحول الناس أما إلى كيزان أو متمردين
ولا اخال ان هذه اهداف المنبر الذي ساهم في تشكل الوعي وساهم في تقريب المسافات بين الناس
وليس من مصلة السودان ان يتحول شعبه الى كيزان ومتمردين.
والا شنو
يا قعونج.

بالله خمسة دقايق تلقى بوستيك في سقط لقط
هدو اللعب ايها القعونج
يا بكري سحب البوستات والفصل التعسفي هو الحل
نصف العضوية يستحق الايقاف بناء على قرارات تعسفية
الخطاب السائد هذه الايام مقرف
ننتظر اعلان لائحة طواريء و حظر تجول

يا معاذ انت تسويهم قعونج بلعب في المي و داير بوستك يترفع??
اركز و ارفع بوستك براك و لا تلقي ليك زول مارق للربي و التلاف زي كدا
نحن متعودين علي حتلان بوستاتنا لكن انت موش متعود دايما..
مساحة الحرية و طبيعتها المتوفرة هنا غريبة علي الواقع بتاعنا علشان كدا بتكون التشوهات شي مفهوم في اطاره... الحالة صعبة ياخينا و بكدا ما ممكن نتوقع انضباط و تعامل بمسؤلية مع الكلام البتكتب.. و ان بشوف انه احسن تتكشف النوايا علشان ما نتعامل مع واقع متوهم و في النهاية قوي الخير و التعقل و الالتزان و مناصرة الحق اذا اتعاملت مع الحال كما هو يمكنها ان تصلح و تساهم في الاصلاح..

Quote: ان بشوف انه احسن تتكشف النوايا علشان ما نتعامل مع واقع متوهم

العزيز نصار
وربما اننا بهذه المشادات والخناقات نؤسس لواقع جديد!!
سيكون واقع سيء جدا هذا الآخذ في التبلور
وربك يستر

Quote: معاذ انت تسويهم قعونج بلعب في المي و داير بوستك يترفع?? اركز و ارفع بوستك براك و لا تلقي ليك زول مارق للربي و التلاف زي كدا

هادي ركزه النشوف اخر القعونج دا شنو!

هاك دي دفره احد القعويات
في الهامش حقنا بنقول قعوي
ما تغالتني الهامش خشم بيوت

Quote: هاك دي دفره احد القعويات في الهامش حقنا بنقول قعوي ما تغالتني الهامش خشم بيوت

دوما عساك بخير
ما عارف قصة القعونج والموية شنو مع الامثال السودانية المتعلقة بالنقار والمحاججة.
في مثل تاني بقول (البحر فايق والقعوي متضايق).
المثل يعني انو: في حين ان القعونج يضج ويصخب فان النيل يتمدد هادئا لا يبالي
اتاريها جوطة القعونج في الترع دي كلها حوار ونحن ما جايبين خبر!!

والله يا معاذ قبيل وبعد جولة سريعة اتأذيت فيها بعبارات زي فروخ و عبيد
و اتحننوا مع اخواتكم ولا شنو ماعارف و قس على ذلك
جاني خاطر إنو حقو عمك يقفل البورد يومين تلاتة كدة لغاية ما النفوس تهدى شوية
وممكن يعمل المكنة بتاعة نقل السيرفر و لا الصيانة بتاعة كل مرة

Quote: والله يا معاذ قبيل وبعد جولة سريعة اتأذيت فيها بعبارات زي فروخ و عبيد و اتحننوا مع اخواتكم ولا شنو ماعارف و قس على ذلك جاني خاطر إنو حقو عمك يقفل البورد يومين تلاتة كدة لغاية ما النفوس تهدى شوية وممكن يعمل المكنة بتاعة نقل السيرفر و لا الصيانة بتاعة كل مرة

يا ريت يا ود البشرى
العالم دي تقول سكارى,العقل غايب وفي لخبطة مفاهيمية غريبة وهلوسة شديدة واحتقان دموى والتهابات ومغص حاد مصحوب باسهال وطراش.
****
ليس الشديد بالصرعة ولكن الشديد الذي يملك نفسه عند الغضب

معاك يا معاذ. المصيبة الكبيرة تكون انو الكلام الاتقال دا كلو هو حقيقة ما في النفوس... تكون كارثة.

القعونجة معاذ ..

مريت للسلام وبس ..!

الصديق الضفدعة

كنت غاطس وين فى الدميرة دي



بالطبع لغة الحوار لاتسر

عملية تثبيت موقف تجاه قضية بعينها لاتستحق كل هذه اللغة العكرانة