اااااااااااااااااااى متسلل ينقبض ولا على كيفو

المنبر اليومين دى مولع ، وشايف الناس المرطبة وضاربة الراحات شابكننا نظريات ، ولو وان وحيث انه كذلك ، وناس تانية عاوزة تحقق الربط المقدر من شتم البلد ، شوفو والكلام دا بقولو عديل وبشكل واضح .. والزعلان يطرشق وينشرط
اى زول برفع بندقية لازم يعرف انو حيلاقى بندقية وساطور وعكاز وبالعدم حجر فى راسو ، انا لو مواطن مؤتمر وطنى ولا نهضة المريخ ولا جماعة الجو الرطب زاتو لو جا زول وهدد سلامتى ونشر الموت والدم بما بقيف اعاين ،والبلد دى لو بحكمها الشيطان وابليس زاتو حادعم الحكومة الفيها ودا هسة الحاصل واى كلام خارج المنطق دا بيكون طق حنك وامانى زلوط ، الناس هسة بتدعم فى الامن عندو بيوت اشباح ولا بيوت شباب ومستعدة تدى دمها وكريم مالها للجيش والشرطة واكتر من كدا الناس مستعدة تموووووووووت ولا يلم (عدلاوى ) واحد فى شبر فى امبده ولا كاب الجداد ولا البحر الاحمر ، مش عشان هم بحبو البشير ولا ميتين فى غرامو لكن لانو المواطن دا وبعيد من حزبو ولا ميلو عرف حاجة واحدة انو حركات دارفور دى كلها ما عندها موضوع وما عندها قضية وقاعدة ساى وعنصرية حتى النخاع وللطيش ولو لقو فرصة حكمو فيها عشرة دقائق بس والله الناس تشوف البدع فى عروضها ومالها وعشان كدا الحركات دى ما حتقق نصر وما حتمشى لقدام وحتبقى بس نقاطة للناس فى المنظمات ومكان ومهنة لمن لا مهنة له واى كلام دا غير دا بيكون ملق ونفاق بتاع مثقفاتية وكوادر منابر بتتكلم ساى وبالمناسبة الحقيقة دى اول ناس عارفنها الناس الاصولهم من دارفور ولو ما كدا كيف خليل دا يهاجم ويكون جيش تلات ارباعو شفع قايمة بيهم حبوب الهلوسة جايبهم من تشاد لدرجة انو الواحد ما بعرف فى السودان الخور من المجرى وين عيال دارفور وين اهلو واولاد حلتو ليه ما جو معاه ، ليه ناس دارفور الفى الخرطوم بكاتلو هسة فى صف عمر البشير الجعلى ، دى وقائع فما تشبكونا جعجعة واتلمو والرجال منكم يا محمد سليمان وانور ادم والقلبو واجعو ما يقعد يجعر لينا هنا ويملانا فقر اليمرق متل الرجال ويجى يكاتل راس لراس
انا البتكلم معاك لمن سخنت كنت قدام – وربنا يتقبل – وتانى لو جاطت بقيف ليكم واموت مقطع ولا تلقو منى انكسارة ..
وبجيكم بالكلام المر عن الكشات ... دى ... اااااااااااااااااااى ... اى متسلل ينقبض ... واى زايغ فى نص العوين ودافن دقن يمرقوه ولا كيفو

Quote: اى زول برفع بندقية لازم يعرف انو حيلاقى بندقية وساطور وعكاز وبالعدم حجر فى راس

Quote: اى ... اى متسلل ينقبض ... واى زايغ فى نص العوين ودافن دقن يمرقوه ولا كيف

Quote: الزعلان يطرشق وينشرط ويلحس ........

والعزة للسودان .....

وعشان كدا الحركات دى ما حتقق نصر وما حتمشى لقدام وحتبقى بس نقاطة للناس فى المنظمات ومكان ومهنة لمن لا مهنة له واى كلام دا غير دا بيكون ملق ونفاق بتاع مثقفاتية وكوادر منابر بتتكلم ساى وبالمناسبة الحقيقة دى اول ناس عارفنها الناس الاصولهم من دارفور

جانبو تحياتي الكلام دا نحن زماااااااااااااان قلناهو والجماعة شبكننا قضية وما أدراك ماالقضية ودار فور منهم بريئة لاقضية ولايحزنون الجماعة عايزين يسترزقوا وبس واهلهم يموتوا من الحر والبرد والحرب

ومن طرف ما في أي رحمة


*نكشة خاصة
عليك الله لو لميتوا في بغال خلوا لي معاكم فرقة عشان يأمن ظااااااااااااااااتو

نجى للكشة ولا حملات التفتيش والبحث وكدا ، شوفو العربات الخشت دى طيارات بدون طيار ولا مركبات شايلة سلاح وذخيرة ,وشايلة مسلحين وعاوزة تشن هجوم شنت هجوم ، طيب لمن الكبع سخن والريق بقى دقيق فى عناصر فيها جرت وكالت التراب ودخلت بيوت الناس الهى جايية تكتل فيهم والكتلت عيالهم الشغالين فى نقاط الشرطة ومعسكراتها البره ، خشو البيوت بيوت برضا اهلها وكدا وبيوت اجبروا الناس الفيها انو يدوهم هدوم وموية وفى بيوت ابت وقالت ما يخشو تخيلو فى ناس ماتت عشان رفضو يدخلوهم ، الكلام دا حصل لصبى امو قالت انو قال ليهم انو ما بدخلهم والبيت ما فيهو اخواتو وهوما بدخلهم يقومو يضربوه ، طيب بمنطق خلوهم وما تجيبوهم مطلوب من الناس الحكومة ولا المواطنين انو ينسو الناس الزاغت دى ، ايوا نخليهم يعنى ، نقعد فى شجب وادان ومتسلل جاى من طرف الدنيا يكتل ود حلتك ويخلع امك واخوك الصغير ويوقف معايش الناس وما نفتشو وين ونخليهو عشان تراجى ترضى ومحمد سليمان ما يمشى يشتكى لخارجية امريكا وانور ادم يرتاح .
وما بحصل ، يمرقوهم لو دخلو فى جحر دبيب ، ولو الناس تخش بيت بيت وتقلب البيوت دى وتخش تحت السراير وتطلع فى ابراج الحمام ، شفتو عجلة متكولة فى راس الحمام ينزلوها ويشوفو فى الكدر حقها لاصق واحد ولا مافى ، قال حقوق انسان ، حقوق الانسان دى هسة بقت مخلوق واقف على كرعيه يا ناس حركة العدل والمساواة ، وينها الحقوق وهم بينهبو مال المساكين فى غبيش وابوجابرة وبرام والطينة وكلبس وينا الحقوق دى وهم بكتلو الناس فى المستشفيات وينها الحقوق دى وهم بطاردو مصابى رجال الشرطة وبهدمو غرفة كاملة فى مصنع بلاط بالمنطقة الصناعية ام درمان ويكتلو محاسب وموظفين وعمال بينهم مصريين ما عارفين زاتو الفرق بين سيد سليم وسيد قطب خليك من مشكلة خليل مع البشير

السيد محمد حامد جمعة

خسر الفريقان ( الحكومة والحركة) وخسارة الحكومة أكبر وبمنطق الكورة التي تتعامل بها فهي منازلة ( إياب للحكومة وذهاب للحركة) وبعد الترحم على القتلى من الجانبين لي فقط سؤال لك :-

ماهو موقفك اساساً من قضية دارفور ؟؟؟


( العسكرية مدرسة الغباء) الكاتب الإيرلندي ج. ب. شو JBS


اسامة
مواطن سوداني ليس له يد فيما تفعله الحكومةأو المعارضة ببلده التي يحب....

موقفى ان لدارفور قضية واحتياجات ومطالب مشروعة ولا تمتاز فى ذلك عن بقية اجزاء البلد ، السودان كلو عاوز و معالجات حقيقية لاشكالات التنمية فى الاقاليم والاطراف لكن موقفى الاكثر وضوحا ان كل الرافعين لشعارات ورايات هذه القضية لا يمثلون دارفور وهم منتحلين لها لاهداف خاصة بهم ومقاصد لا يرتبط اى منها بالمواطن المسكين هناك
(بكره القريبة دى خليل لو بقى مستشار ساى يطلع ليك البشير دا نبى )

ولد أبا..
محمد حامد جمعة..
إن شاء الله عافية..

Quote: اى متسلل ينقبض

بدون شكـ:
ما قلنا حاجة..
لكن ردة الفعل دي موش كان أحسن إذا تمت على الحدود التشادية السودانية قبل سبعة أيام..


موش وسط أم درمان..
روق المنقة يا ود أبا..

الطريق إلى الخرطوم من أنجمينا طويل جداً..
ولا يعلم المسافر براً ماذا ينتظره من مخاطر الذهاب ومراحل العودة..




الحكمة ضالة سيدا يا ود أبوي..

محمد حامد جمعة

تحياتي


أرمي قدام ياحبيب


_____________

أبوٌقناية

أولاً اشكرك على الرد متجاوزاً عنوان خيطك الرئيس .... ومعذرة إذا كنت قد خرجت بالموضوع جانباً ولكنه النقاش يُفضي إلى ما لا يُفضي....

أولاً .... ليست لي أي أجندة سياسية ولا خفية ..... همي السودان فقط وكل أبناء بلده ... لكني من المعارضين للحروبات في أي مكان ..ولا ار لها سبباً سوى جشع وغباء ثلة من العسكر .... مدفوعين بدهاء ومكر ساسة أخبث مما يتصور البعض...
طالما إتفقت معي أن لدارفور قضية ..... كيف يمكن حلها ...؟ إذا كانت الحكومة وكما يعرف القاصي والداني قد أجبرت القوى الأخرى بالركون إلى القوة للإعلان عن نفسها ومطاردة مطالبها ؟؟؟
قابلت أحد الصحفيين المهتمين بالشأن السوداني ( إنجليزي ) قال لي أين الإنسان مما يحدث في السودان ؟؟؟؟ هل تستطع أن تجيبني ؟؟



( العنف هو منطق العاجز )

اسامة
مواطن سوداني

Quote: لا للإستهداف العرقي لا للعنف الهمجي لا لاستهداف أبناء دارفور حمايتهم واجب كل سوداني حر حي الضمير . انتبهوا يا اهل السودان الكيزان يريدون فقط حمايه مؤخراتهم التي تعودت علي الدعه والاستجمام من عرق الكادحين من اهل السودان انتبهواء للفتنه العرقيه .وفوتوا عليهم الفرصه .

Quote: (بكره القريبة دى خليل لو بقى مستشار ساى يطلع ليك البشير دا نبى )

وعلى العكس قيس..




في السابقين الأولين لنا بصائر..

تخريمة:
ملعوبة..

امـــدرمان مقبـــرة الغزاة والمارقين
هؤلاء المجرمين لم يدرسوا التاريخ والا لما
أقدموا علي هذه المقامرة الطائشـــةالتي
شهدت تلاحم شعبي ووحدة جبهة داخلية لم يسبق
لها مثيل يتقدمها الرجل الرقم الوطني السيد
الصادق المهدي 0
من الخرطوم سلام
محمد الحسن عبدالمطلب

Quote: اااااااااااااااااااى متسلل ينقبض ولا على كيفو

يا محمد حامد جمعة

سلام

نحن ندين العنف بكافة اشكاله و لكى اكون صادقا معك أدين اولا عنف الحكومة ضد الابرياء من اهلنا فى دارفور و ادين محاولاتها لقلب نظام الحكم فى تشاد بالقوة بدعمها لمتردى تشاد. ارجو ان لا تكون قد نسيت بوستك الشهير عن سقوط إنجمينا. نحن لم ننسى.

انتم الآن تريدون الظهور بمظهر المدافعين عن الوطن واموال واعراض الناس و كأن هذه الاموال والاعراض حصرا على اهل الخرطوم فقط ولكى تكون صادقا معنا ارجو ان تخبرنا ماهو الفرق من يقتل مواطنا بريئا فى شوارع ام درمان ومن يقتل مواطنا بريئا فى قرية آمنة من قرى دارفور؟

الفرق يا محمد حامد انكم لا تحسبون اولئك اناسا يستحقون ان ينتبه لهم بل ازيدك من الشعر بيتا واقول لك ان من قتلوا من الابرياء فى امدرمان لا يهمونكم لانهم ايضا وللأسف من المهمشين. انتم حملتم سلاحكم و شاركتم فى المعارك لانكم تدافعون عن نظامكم وتعرفون أنه اذا اندحر النظام تذهبون معهم وتخسرون انفسكم واموالكم. ابرياء المواطنين و منهم من اشترك فى الدفاع عن ام درمان ساعة الحارة فعلوا هذا دفاعا عن ارواحهم لما لم يوجد من يدافع عنها.

اخيرا لدى سؤالين :

الاول :كيف لحكومة عاقلةأن تعادى قبيلة بأكملها؟
الثانى: كيف استطاع مقاتلو حركة العدل و المساواة أن يخترقوا الطوق الاول الذى وضع لهم خارج امدرمان وهم اقل عدة وعتادا؟

يا محمد ..

غايتو .. مرات ( عقلاني ) ..
و مرات ( عنقالي ) ..


.........
برضو أخير من غيرك .. شغلك واضح ..
و الواضح ما فاضح .

Quote: ومرات عنقالي

ذكرت منظمة هيومان رايتس ووتش ان عمليات الاعتقال الجماعية في الخرطوم لمن يشتبه في انهم من انصار متمردي دارفور وغيرهم من المعارضين السياسيين تثير مخاوف من تعرضهم للاساءة.

وقالت جورجيت غاغنون مديرة المنظمة في افريقيا ان "الحكومة السودانية تقوم باعتقال منهجي لمن يشتبه في انه من المتمردين وانصار المعارضة في الخرطوم (...) ونظرا لسجل الخرطوم في اساءة المعاملة فهناك سبب قوي للقلق على مصير المعتقلين".

خليل ابراهيم الكلام البقول فيهو سعادتو اعمل عكسه و خليك طوالي دايس بنزين و العبرة في جون قرنق فقد نال ما اراد

Quote: اااااااااااااااااااى متسلل ينقبض ولا على كيفو

جانبو جمعة سلامات يازول تسلل كيف دة اسموا هجوم نهارى التسلل فردى دى 130 عربية

بعدين يا المعلم قوش لسع بلمام الاطراف لانو بعد يوم سوف يصدر الامر التالى

1) شاويش محمد حامد جمعة الطرد والتجريد من جهاز الاب توب الجلد 100 جلدة
2) مخبر محمد فرح الطرد والتجريد من الكميراء الرقمية ( شغال يصور فى الجثث ))
3) مخبر كبشور سحب الفيزياء والترحيل الفورى والحاقة بوحدة النظام العام ((حفلات))
4) رقبيب فنى العوض الملسمى اوع اشوف وشك فى الخرطوم تانى وما تكتب فى سودانيز وان لاين اى موضوع يخص الحكومة
5) بتاع اقسم بالله خليل فى قبضة الامن خليك فى بيتكم تجنيد امن المرافق الصحية قرب

تحياتى

محمد حامد جمعة

العائد من القتال!!
صحفي في SMC ام مقاتل

المهم أنا حأقول رأي
لأنو من المهم التعريف بحقوق الإنسان
والإلتزام بالقانون والعهود الدولية
وأرجو إنك ما تخلي البوست بلا عودة

...

أولا:

إدانة العنف المنفلت والمطالبة بالإلتزام بالقانون
لا تلغي حقك في محاربة من يشن عليك حربا
ما دام يحمل سلاحة وفي حالة هجوم

لكن إذا توقف عن ذلك
لإسره
أو إصابته
أو إستسلامة
تطالبك الإتفاقيات بالتوقف عن العنف
وتضع أسسا لمعاملة الأسير أو الجريح

وإذا خالفت ذلك تكون مرتكبا لجريمة حرب
وأظنك تسمع أن الإفلات منها أصبح صعبا
مهما طال الزمن (مثل بول بوت)
أو بعد موقع الجريمة
(مثل الأراضي تحت سيطرة مسلحي الكونقو)

والغرض من ذلك واضح
أنه إذا وقعت يوما في أسر خصومك
فهم مطالبون أيضا بمراعاة نفس الأسس في معاملتك

والقرآن يتفق مع ذلك قائلا "‏وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ "


الباقر موسى

عفارم عليك يا محمد حامد

ما قصرت تب

سكت الناس الهمج ديل الطلعوا لينا من وين ما عارف

وقاعدين يجهزوها عنصرية .. وغرابة وشراقة ....

وما عندهم حاجة في راسهم الفارغ دة

شنو حركة مسلحة ارهابية يقومو الدنيا ويقعدوها على حساب الوطن الكبير

وعلى حساب محمد أحمد والعازة

مناضلي الكيي بورد ديل

الواحد لقى ليهو شوية قروش مشى قعد في مقهى انترنت او شاحده من صاحبه

وقاعد ينبذ ويهلل ويشتم

الوطنية وين ...........

انشاء الله يمسكو الخرطوم كلها في السجن .. دي إجراءات أمن وبس

زي الترابي تم استجوابه وتم اطلاق سراحه يعني لم يعتقل زي ما قالوا لينافي المنبر هنا

وجاييك صادي ... يا مناضل الكي بورد أنت

صلاح غريبة - الرياض

Quote: انشاء الله يمسكو الخرطوم كلها في السجن .. دي إجراءات أمن وبس

شكرا ..
غريبة


الباقر

Quote: اى زول برفع بندقية لازم يعرف انو حيلاقى بندقية وساطور وعكاز وبالعدم حجر فى راسو

لا يا كلب الامن يا مضهد لي روحك.

من المفترض ان هذه دولة، او كمان رسالية، مش وكر جريمة مننظمة لمجرمي حرب، قتلة، سفاكي دما، فسدة، او حرامية. في بلاد الكفار المخالف للقانون لا تنتهك حقوقو الدستورية الانسانية، يا بلطجي، يا رعاع يا همجي يا متخلف!

لوفي قانون ولادولة ولا دستور، كموظف حكومة مفروض تحاكم علي كلامك ده، لانو انتهاك للحقوق الدستورية لهؤلاء الابرياء، حتي تثبت ادانتم.

لو الناس ماخدة حقوقة مابترفع بندقية، ثم اسيادك زاتم وصل السلطة كيف؟

فمن عاش بالساطور سيلقي حتفوو بالساطور يا ماجور يا مستعبد!

دي النهاية الراجية كل واحد فيكم طال ام قصر الزمن! بالله شوفو البلطجي ده بقول شنو؟ قال بالساطور قال!

هسي كلام كتير معاك مافي :

الخرطوم تتحول الي كيقالي ...

يا حبيبنا المواهيم بتاعن المنبر دا عايشين فى و هم كبير انه اى زول اخش الخرطوم غازى الناس حا تستقبله بالورود وحاتشيل معاه السلاح كمان و مصدر الوهمة دى حاجتين الأولى ابتعادهم فترة طويلة عن البلد خلاهم انسوا الاحساس الموجود فى نفس كل سودانى لمن احس بالخطر اتجاه بلدو واسرته والسبب التانى فى الوهمة يا سكرة قوية او سطلة وفى رواية اخرى هلوسة

Quote: يا حبيبنا المواهيم بتاعن المنبر دا عايشين فى و هم كبير انه اى زول اخش الخرطوم غازى الناس حا تستقبله بالورود وحاتشيل معاه السلاح كمان و مصدر الوهمة دى حاجتين الأولى ابتعادهم فترة طويلة عن البلد خلاهم انسوا الاحساس الموجود فى نفس كل سودانى لمن احس بالخطر اتجاه بلدو واسرته والسبب التانى فى الوهمة يا سكرة قوية او سطلة وفى رواية اخرى هلوسة

حسب علمي انك يا حبيب الكل قانوني ، عليك الله اقرأ ما يكتبه القانوني ودالزين وكلامك الفوق ، قليل من الموضوعية

انت ليه ما من الموهومين ليه ؟ مش برضو في المنبر ده ....علي اي حال حوادث 10 مايو فضحت داخلنا الجهل والعنصرية

اكثر واكثر .....

كاتب البوست ، لنا الله اذا كان هذا حال صحفي السوداني، وان كنت اشكرك علي صراحتك فقد اراحتنا لنعرف ما هو سلوك الاسلاميين ، ولكن لا زال هناك امل في بكرة السودان الديمقراطي ....

العزيز رقم صفر الرجل الذي احترمه رغم الاختلاف
اتمني ان تكون مررت علي كل البوستات والمداخلات التي عقبت احداث يوم السبت
حتي تتدرك من هم المعنين باللفظ(( مواهيم المنبر)) وبدون ادني شك انت ليس منهم
فهم يعرفون انفسهم من خلال بوستات اليومين السابقين
اضرب لك مثالا عزيزي كتب احدهم(( مواطني امدرمان استقبلوا جيش الحركة بالتفاح)) واخر بداء في اسماء حكومة خليل المتوقعة واخري وهذه تعد من اكبر المواهيم تنقل الينا الاخبار من صحاف القاهرة وتؤكد ان الحركة سيطرت علي الخرطوم
هذا من جانب ومن جانب اخر عزيزي اؤكد لك ان المواطنين وحتي المعارضين للانقاذ وانا منهم
تعاطفوا مع الحكومة بشكل واضح حيث ان سلامة البلد والوطن اهم بكثير من تغير هذا النظام
فنحن لا نقبل بان تتحول الخرطوم لكجيالي مهما كانت الاسباب والدوافع عزيزي
ثم هناك امر اخري عزيزي في ما انتهجته من اسلوب في الرد عليهم لانهم اصلا وما يكتبون لا يستحق ان ارد عليه بجدية فما يكتبون يبعث علي الضحك
ولك ودي

أها قمنا للزوغان..!!

الباقر

*

لماذا نخدع أنفسنا ونحن نتحدث عن أمن الوطن وأمان المواطن السوداني في الوقت الذي لا يتعدي هذا الوطن في خيالنا ابعد من مقرن النيلين؟؟
يهاجم العدل والمساواة نيالا او الفاشر ما مشكلة..
يتواجد خليل داخل الاراضي السودانية بجيشه وقواته يسرح ويمرح ما مشكلة..
ناس القصر والمنشية يزعلوا من بعض ويصفوا حساباتهم بدارفور ما مشكلة..
يموت من يموت في كجبار ما مشكلة..
موت أحمر في نص النهار في بورتسودان بهراوات رجال الأمن ما مشكلة..
تحصد الحمي النزفية كل سكان جبال النوبة ما مشكلة..
يموت الدينكا والمسيرية بالقطاعي والجملة ما مشلة..
طيب المشلكة شنو؟
المشكلة بس أوعك تقرب من الخرطوم..
وهاك يا صراخ
الأمن
المواطن
السيادة
العزة
الكرامة
أقبضوا
أكتلوه
الله اكبر
الله اكبر
الله أكبر

وملعون أبو كل من لم يسكن تلك المدينة المباركة

موضوع خطيييير .... المعتقلون الدارفوريون بأفواههم ينز...دولة أبارتيد السودان