Post: #1
Title: ام درمان ... وغرب السودان (إقتصادياً) !!!!
Author: Hisham Ibrahim
Date: 05-13-2008, 08:48 AM
!!!
الكل يكتب وسيكتب عن 10 مايو 2008م
ولكني أنبه هنا الى مالم يكتُبه أو يعلق عليه أحد !
لكن الحاصل أن بين ام درمان وغرب السودان علاقة تجارية إقتصادية قوية !
ترتبط أمدرمان بغرب السودان بنشاط تجاري كبير ومؤثر في عجلة الإقتصاد في السودان !!
هناك يومياً مليارات الجنيهات يتم تبادلها تجارياًُ بين امدرمان وغرب السودان !!
السوق الشعبي أم درمان وكل غرب السودان !
سوق ليبيا وغرب السودان !
سوق ام درمان وغرب السودان !
أغلب المصانع في الخرطوم تبيع إنتاجها الى تجار ام درمان وهم بدورهم يرحلونها الى غرب السودان !
البنوك وكل التجارة في ام درمان مرتبطة إرتباط وثيق بالحركة التجارية في الخرطوم عامة وام درمان بصورة خاصة!
ستكون هناك عواقب وخيمة على الحركة التجارية بين ام درمان وغرب السودان ! فمعظم تجار غرب السودان يحبون ام درمان ولهم علاقات تجارية وثيقة بين تجار ام درمان ! والعكس صحيح!
طبعاً هذه لا تهم طالما التفكير كله في النزاع القبلي ومنو مع منو؟ ومسألة التأديب ونجاح الحدث والحادث !
هذه المصانع المنتجة والمتاجر المتاجرة والترحيل الناقل للبضائع يقتاد عليها أناس كثيرون في البقعة ام درمان وغرب السودان !
وهذه مهلكة أخرى من مهالك ما حدث يوم 10 مايو !
مصانع بحري وامدرمان والخرطوم جل إنتاجها يسافر الى غرب السودان ! لا وبل المستورد أيضاً يذهب معظم إنتاجه وبصورة دورية الى غرب السودان !
أملي أن لا توثر كثيراً هذه الأحداث على مجريات الحركة الإقتصادية في وسط وغرب السودان !
والله من وراء القصد
هشام
|
Post: #2
Title: Re: ام درمان ... وغرب السودان (إقتصادياً) !!!!
Author: Wathig Makki
Date: 05-13-2008, 12:25 PM
Parent: #1
عزيزي هشام
ده البوست الوحيد الواقعي والمنطقي من يوم السبت المشؤوم ..فعلا الجميع تناسى هذه النقطة الهامة
.
.
.
(سلام للاولاد )
واثق
|
Post: #3
Title: Re: ام درمان ... وغرب السودان (إقتصادياً) !!!!
Author: Hisham Ibrahim
Date: 05-14-2008, 08:29 AM
Parent: #2
شكرا كتير لك يا الواثق
ليتهم يفقهون (المتواضع) ما أدلونا به !
وتحياتي لأسرتكم الكريمة ،،،،
هشام
|
Post: #4
Title: Re: ام درمان ... وغرب السودان (إقتصادياً) !!!!
Author: Hisham Ibrahim
Date: 05-18-2008, 12:37 PM
Parent: #3
وفوق لأننا
نتمنى أن نرى هنا حروف تدل على عدم وصول الأمر الى ما تحمد عقباه !!
هشام
|
|