قواتنا المسلحة تكشف عن سوءتها...والحكومة تستعين بصديق في القبض على خليل!!!

معركة العرضة قوادها المراهقون

لا زلنا نبحث عن اجابة للسؤال الطارح نفسه وهو بأى باب جئت ياخليل ، هل يعقل ان تدور المعركة بشارع العرضة ويكون هذا كمين

عموما الرسالة التي وصلت الى المواطن هو ان البلد دفاعها Big zero

الفضيحة الأخري
الحكومة تعلن عن جائزة كبرى لمن يقبض علي خليل أو يدلي بمعلومة تفيد

هل يعقل هذا يا بشر،الحكومة تستخدم المواطن كمخبراتي طيب دور الشرطة والامن شنو استقبال المكالمات؟؟؟

وكيف يقبض المواطن على خليل وهو يتفاجأ بالمعارك فى الشوارع الرئيسية؟؟

وهل من الممكن ان يتواجد خليل بين المدنيين او داخل احد البيوت او فى هيئة متسول أو مع ست شاي؟؟

هذا اذا كان خليل فعلا في امدرمان!!!

نحن كمدنيين لينا الله

يا بتي خليل ام امدرمان ما دخلها ولا شافها لانه ما غبي للدرجه دي
وابو القدح بعرف محل يعضي رفيقوا
عضاهم عضه حاره ما شايفاهم محتارين وكان الطير علي رؤوسهم

العزيزة دوما

Quote: يا بتي خليل ام امدرمان ما دخلها ولا شافها لانه ما غبي للدرجه دي وابو القدح بعرف محل يعضي رفيقوا عضاهم عضه حاره ما شايفاهم محتارين وكان الطير علي رؤوسهم

لربما قرأت لك بالامس مداخلة عكس رأيك هذا وأعتقد أنها فى رد على تراجى

هل النوم يفعل هذه الفعلة

عموماً مسألة التحفيز يا صاحبة البوست أعلنتها أمريكا من قبل لمن يقبض أو يدلى بمعلومات عن إبن لادن

وما زال العرض سارياً

نسأل الله أن يجنب البلاد الفتن ما ظهر منها وما بطن

ونسأل الله السلامة للوطن والمواطن

Quote: لربما قرأت لك بالامس مداخلة عكس رأيك هذا وأعتقد أنها فى رد على تراجى هل النوم يفعل هذه الفعلة

الابن العزيز عادل سهل تحياتي
ما عارفه لمتني في شنو؟؟ في قولي انه لم يدخل البقعه ؟ او انه عضاهم عضه حاره ؟
لو دخل البقعه لقنل او اسر او وجد الي الان وبما انه كل الاحتمالات دي ما حصلت اذا خليل ما دخل البقعه .
العضه العضاهم ليها بتظهر لما يعاود الكره

أشكرك ماما دوما

دعينا فى الوقت الراهن نتضرع معاً لله تعالى أن يحقن الدماء

وأن يحفظ البلاد والعباد

وان يعيد البسمة لشفاه فقدتها












إبتسامة رغم الدموع
ــــــــــــــــــــ
أخبار العريس شنو ، مازال فى شهر العسل
لك وله تحياتى

Quote: عموماً مسألة التحفيز يا صاحبة البوست أعلنتها أمريكا من قبل لمن يقبض أو يدلى بمعلومات عن إبن لادن

دي فى حالة الحكومة تنور المواطن بالبيحصل مش نتفاجا بالغزو امام اعيننا



انا اتحدث بلسان حال المدنيين الذين لاحول لهم ولاقوة

وفى نشرة المساء ، قام التلفزيون القومي بتخصيص ومضاعفة قيمة الجائزة لاهالي شمال كردفان ودارفور ، حيث علمت الحكومة من خلال رصد اتصالات خليل انه توجه فارا الى غرب السودان،، طيب الحكومة قادرة على رصد المكالكات وماقادرة تحدد مكان خليل ، دي كيف ممكن تشرحوها لي

Quote: ما عارفه لمتني في شنو؟؟ في قولي انه لم يدخل البقعه ؟ او انه عضاهم عضه حاره ؟ لو دخل البقعه لقنل او اسر او وجد الي الان وبما انه كل الاحتمالات دي ما حصلت اذا خليل ما دخل البقعه . العضه العضاهم ليها بتظهر لما يعاود الكره

يا ماما دومـه ..
الكلام في الاوكات الزي دي مطولب فيهو الدقة ..
العضة العضاها الزول دا .. عضوها مرتزقتو لي ناس امدرمان .. ولي الناس الابرياء الماتت من غير ذنب أو جريرة حرب ..
امس قريت ليك مداخلة بتزرفي دموعك على الاطفال الجابهم خليل دروع بشرية قدامو علشان يجي يذيع بيهم بيانو الأول .. حننك المنظر وما حننك انو ديل ممكن لو لقو يدهم كان عمل العجب ..
تعودنا أن نقرا كلمات موضوعية للكثير من الاقلام هنا من ضمنهم انت .. لكن ما كنت اتوقع انو (عضــت) امدرمان دي بتورينا تفكير الناس بقى عامل كيف .. لا بقو يفرزو بين ابيض ولا اسود لا بي فرشة تلوين .. ولا حتى بالتقوى ..

الشئ البعرفو انا خط واحد .. البدخل امدرمان دي غازي .. مهما كان هدفو .. ح يعرف يتعضى كيف لانو الناس الاضراس ما عند (الكلاب) بس .. حريم امدرمان برضو عندها اضراس وبتعرف تعضي بيها ..



اللهم لا اعتراض على حكمك ولا إله إلا الله .. واستغفر الله العظيم..

اي يا تمبس برضك ما فهمتني ما عضاهم في ام درمان عضاهم في وادي سيدنا وشتت
وبد لا عن شجبي انا انا ما تسلخهم هم الفرطوا وخلوا الاطفال يدخلوا أم در
وعندهم جيش وامن وبوليس ودفاع شعبي .
بعدين السيره دي جاتهم من عمق دارفور 1000 كيلو متر وعارفناها جاياهم ,وريني كانوا غاتسين وين وبسوا في شنو
و عذرهم كان شنوا عشان تحصل عليهم المهزله دي ???
ديل لو لقيت فيهم طريقه court martial وادورهم الدروه

Quote: اي يا تمبس برضك ما فهمتني ما عضاهم في ام درمان عضاهم في وادي سيدنا وشتت وبد لا عن شجبي انا انا ما تسلخهم هم الفرطوا وخلوا الاطفال يدخلوا أم در وعندهم جيش وامن وبوليس ودفاع شعبي . بعدين السيره دي جاتهم من عمق دارفور 1000 كيلو متر وعارفناها جاياهم ,وريني كانوا غاتسين وين وبسوا في شنو و عذرهم كان شنوا عشان تحصل عليهم المهزله دي ??? ديل لو لقيت فيهم طريقه court martial وادورهم الدروه

.. والله يا ماما دومـا زمان كان الفهم قسم .. لكن الايامات دي الفهم بقا بالقطاره .. يعني اصدقك واكضب نفسي واكتب عندكم يا ناس الموضوعية وعند مناصري الهامش والمسترزقين والذين يبتسمون امام الكاميرات للظهور ..؟
الواحد يقول ليكم انو من جوه امدرمان ومن قلب امدرمان .. ومعظم من مات في الناس ديل بيعرفهم .. وبيعرف ناس من العدل والمساواة جمعتنا بيهم الدنيا ام قدود دي .. ما ليهم علاقة بالشي الحصل دا .. وفي نفس الوقت لينا علاقات وثيقة جدا بي العديد من الناس الجوه قاعدة وادي سيدنا المعضوضة دي سواء ان كان اولاد حلة .. أو صلة دم .. أو معارف .. من عساكر لي طيارين مقاتلين لي بتاعين شاي .. وبنعرف من هم جوه البورد دا .. وبيوتهم اتقذفت والناس ماتت قدام خطوتين من بابهم وهم الآن مشغولين بالعزاءات أو قرفانين من كتاباتكم النصها تامنو مويه دا .. وعايزين تختو رجل في مكان ورجلين في مكان تانية .. عايزين تضحكوا لي ديل وعايزين نفس الخشم تكشرو بيهو لي ديل .. ونسيتو انو خليل ولد الانقاذ الشرعي .. ونسيتو انو الناس الماتت دي ما ليها علاقة بالشئ الحاصل بيناتم ونسيتو برضو البرشني بالحليب جوه بيتي انا بعرف ارشو بي شنـو .. وحقو الناس تاخد المسالة دي قاعدة ثابتة وخلونا من التنظير الشايلاهو السلوك بتاعت الكمبيوتر دا ..
اما مسالة السيرة دي جات من وين يا دومــا دا شغل الناس ما تفتي فيهو .. وابو القدح بيعرف يعضي اخوهو من وين .. والناس مفترض تكون عارفه حاجة واحده .. انو الخطاب المجوبك في الايامات دي الحاصل دا .. ومن ناس ما ليها علاقة بالموضوعية .. ح يكلف كتير .. كتير جدا .. يعني اي واحد عايز يجي يكتب ليهو كلمتين علشان يظهر بيها .. احسن ليهو يشوف ليهو كراس حساب ويكتب فوقو كلامو دا .. علشان الوضع ما بستحمل ..
الاعذار البتخلق فيها الحكومة دي .. والله هي ما من اختصاصي علشان اجاوب عليها .. لكن الشئ البعرفو انو الأمر محسوم خالص عندي .. والكلام النص .. نص بقى ما بدخل راسي ..

Quote: ما مسالة السيرة دي جات من وين يا دومــا دا شغل الناس ما تفتي فيهو .. وابو القدح بيعرف يعضي اخوهو من وين .. والناس مفترض تكون عارفه حاجة واحده .. انو الخطاب المجوبك في الايامات دي الحاصل دا .. ومن ناس ما ليها علاقة بالموضوعية .. ح يكلف كتير .. كتير جدا .. يعني اي واحد عايز يجي يكتب ليهو كلمتين علشان يظهر بيها .ما مسالة السيرة دي جات من وين يا دومــا دا شغل الناس ما تفتي فيهو .. وابو القدح بيعرف يعضي اخوهو من وين .. والناس مفترض تكون عارفه حاجة واحده .. انو الخطاب المجوبك في الايامات دي الحاصل دا .. ومن ناس ما ليها علاقة بالموضوعية .. ح يكلف كتير .. كتير جدا .. يعني اي واحد عايز يجي يكتب ليهو كلمتين علشان يظهر بيها .. احسن ليهو يشوف ليهو كراس حساب ويكتب فوقو كلامو دا .. علشان الوضع ما بستحمل .. الاعذار البتخلق فيها الحكومة دي .. والله هي ما من اختصاصي علشان اجاوب عليها .. لكن الشئ البعرفو انو الأمر محسوم خالص عندي .. والكلام النص .. نص بقى ما بدخل راسي ... الاعذار البتخلق فيها الحكومة دي .. والله هي ما من اختصاصي علشان اجاوب عليها .. لكن الشئ البعرفو انو الأمر محسوم خالص عندي .. والكلام النص .. نص بقى ما بدخل راسي ..

بالمناسبه يا تمبس بقت عندك طريقه قطامه كدا ابدا ما لازماني .
انا افتي هنا في البورد وفي اي شئ وبفهمي للامور ودا ما شغلك ابدا متل ما انت بتفتي في الاشياء وبالطريقه البتريحك وما حدث ابدا شكلت ليك محكمه استجواب .
وما في اي داعي لسخف الكلام البتقول فيه والوصايه علي الناس في انها تكتب شنو وما تكتب شنو وانت الوحيد البتحدد لينا لو الوضع يستحمل او ما يستحمل ووين نكتب وكيف نكتب وموضوعيه وعدم موضوعيه وفي كراس حساب ولا جلد غنمايه ولا قحف
تانيا لو دي طريقتك في التعامل مع محاوريك بالتريقه والاستهزاء والقطامه ما في شئ ابدا يخليك تستجوبني او اسالك .
انا لي مطلق الحريه اعبر عن رائي ولا اقبل اي وصايه سواء من برو الانقاذ او من مناضلي الهامش .
والي هنا بيني وبينك انتهي والسلا م .

Quote: بالمناسبه يا تمبس بقت عندك طريقه قطامه كدا ابدا ما لازماني . انا افتي هنا في البورد وفي اي شئ وبفهمي للامور ودا ما شغلك ابدا متل ما انت بتفتي في الاشياء وبالطريقه البتريحك وما حدث ابدا شكلت ليك محكمه استجواب . وما في اي داعي لسخف الكلام البتقول فيه والوصايه علي الناس في انها تكتب شنو وما تكتب شنو وانت الوحيد البتحدد لينا لو الوضع يستحمل او ما يستحمل ووين نكتب وكيف نكتب وموضوعيه وعدم موضوعيه وفي كراس حساب ولا جلد غنمايه ولا قحف تانيا لو دي طريقتك في التعامل مع محاوريك بالتريقه والاستهزاء والقطامه ما في شئ ابدا يخليك تستجوبني او اسالك . انا لي مطلق الحريه اعبر عن رائي ولا اقبل اي وصايه سواء من برو الانقاذ او من مناضلي الهامش . والي هنا بيني وبينك انتهي والسلا م .

تعرفي بعد الكلام الكتبتيهو دا وبدون تعليق عليهو .. لانو لو في تعليق يا ماما دومـا كان ح اوريك القطامة كيف ..
لكن
احترامي لك يجبرني ان لا ابادلك بالرد الذي يناسب الكلام دا .. احتراما للكثير من الاشياء الخاصة .. اقلبي الصفحة دي بي هناك .. علشان ما اسمعك ما لا احب ان اسمعك اياهـ ..

Quote: احترامي لك يجبرني ان لا ابادلك بالرد الذي يناسب الكلام دا .. احتراما للكثير من الاشياء الخاصة .. اقلبي الصفحة دي بي هناك .. علشان ما اسمعك ما لا احب ان اسمعك اياهـ ..

الكلام الانا كتبتوا دا رد علي الكلام الانت كتبتوا اولا ارجع اقرا كلامك لي اولا يا تمبس
وبالله عليك سمعني ما لا احب سماعه وما تضع اعتبار لاي شئ لاني بتوقع اي شئ في الدنيا دي ومن اقرب الناس لي

يا تامبا

Quote: عضوها مرتزقتو لي ناس امدرمان .. ولي الناس الابرياء الماتت من غير ذنب أو جريرة حرب ..

قرض علي كدا


الأبرياء ايضا يموتون في دارفور... دون ذنب .. بقصف حكومي متعمد ..

انا شخصيا ضد ان يدفع الأبرياء حياتهم ثمنا لصراع سياسي قذر

فأستهداف الأبرياء في امدرمان مدان ومرفوض

وقبله

ايضا استهداف الأبرياء في دارفور مدان ومرفوض..

والكيل بمكيالين ايضا مرفوض ..

تحياتي

Quote: عضوها مرتزقتو لي ناس امدرمان .. ولي الناس الابرياء الماتت من غير ذنب أو جريرة حرب ..

..

Quote: قرض علي كدا الأبرياء ايضا يموتون في دارفور... دون ذنب .. بقصف حكومي متعمد ..

.. تعرف يا مقاتل .. انا معظم البعرفم معرفة مباشرة وبيعرفوني انا منو وتوجهي شنو .. وللاسف الشديد جمعني معاهم عمل مشترك ليهو علاقة وثيقة بعمق المعاناة .. وللاسف تعرضنا فيهو للكثير من النيران الداخلية والخارجية وللاسف الشديد في منبر العدل والمساواة .. وانا اقول هذا الحديث واعنيك انت مباشرة .. للاسف لا اخسر فيهم حديث اعتقد انه لا ظائل منه .. يعني ما ممكن اقوم ادخل لي في سجال مع صلاح غريبة لاني عارفو هو منو بالضبط فهمت النقطة دي ..؟
لكن
لو جات ماما دوما او الست شمائل .. او ثنائب الحتانة بتاعين المنبر او السيد بشاشا او محمد سليمان أو اي من المنبتين الطلعوا لينا الايامات دي في الصورة وعاملين فيها سياسيين وقانونيين وحقوقيين .. إلخ كل الذكرتهم ديل جوني وقالوا لي

Quote: قرض علي كدا

.. كان المر اختلف عندي وحساباتو يكون شكلها تاني .. لكن لما تجيب لي زرديتك دي وتشبكني قرض على كدا لكأنما يتغالطني في اسمي الخلقو لي ربي .. ولكأنما عايزيني اثبت ليك انو انا علاءالدين منصور ..

Quote: الأبرياء ايضا يموتون في دارفور... دون ذنب .. بقصف حكومي متعمد ..

.. الكلام دا ياسيدي الفاضل العايزيني اقرض على كدا اعتقد انك عارف انو نحن من اوائل الناس الكتبت الكلام دا .. واوائل الناس الاشتغلت الملفات بتاعت الصوت الخاصة بي حديث الطيران وتوجيهات القذف وعرضناها في مواقع مختلفة لكن ما قشرنا بيها وغلطتنا اننا ما اقشرنا بيها علشان نظهر كمناضلين والواحد يلقى ليهو منحة تأشيرة من اوباما شخصيا عن طريق تراجي مصطفى او مناضلي امريكا أو نلقى لينا عطية مزين من محمد سليمان خازن اسرار ابناء دارفور بالأمم المتحدة أو ننجو من شتيمة باقي الثوار امثال الاله اسبارتاكوس محرر العبيد بالمنبر بشاشا شخصيا .. أو طفاسة بعض المواهيم القاعدين في اوروبا ورايحه ليهم المسالة وفكوها في روحهم واخدوا قروشم في جيبهم كل شهر .. وشربو الوسكي والجون ووكر .. لحدي ما صدقوا انهم ابطال ..
لكن لما المجموعة اياها الربنـا نزل ليها فقط الحكم والسلطان والتنميط والتصنيف والحل والربط تجي هنا دا تعمل في البتعمل فيهو دا .. وكمان تجي تخليني اقرط ليك على شئ اتعمل واتقال زماااان من زمن النبي صبي .. صدقني ح تلزمني اني اضحك عليك وعلي صلاح غريبة وعلى ثنائي الحتانة وعلى استيف وبشاشا كلكم في صحن واحد .. كلكم كدا اضحك عليكم في صحن واحد واغسل يديني واضحك من جديد ..

Quote: انا شخصيا ضد ان يدفع الأبرياء حياتهم ثمنا لصراع سياسي قذر

طيب لو انت بالموضوعية دي بتشعلل في النيران مالك ليك يومين ؟؟؟ ومالكم بتنتبهوا لي انو الخطاب الاعوج دا ما بفيد من بعد ما تخربوا سوبــا..؟
انتو قايلين الكتابة من اجل الظهور دي صعبة يا حنين ..؟ اسهل من كدا مافيش ..

Quote: والكيل بمكيالين ايضا مرفوض ..

زرديتك العندك دي برضو قرض بيها على كدا .. وما تفتكر نفسك منزه عن ما تقول .. راجع نفسك .. انا تحدثت عن قوات غزت ودخلت وقتلت ابرياء .. فإذا كنت من العظماء الذين يرفضون مبدا قتل الابرياء قولا وفعلا .. كان اول حاجة تفتح ليك بوست كبير جدا وتدين فيهخو الكلام الحصل دا بدل ما تفتح ليك بوست تفتكر انك بتناصر بيهو في ناس دارفور وحايم بيهو انو الناس بتتصل عليك وبقبضوا فوقه في الشارع علشان من دارفور .. لانو اسهل حاجة انو الواحد يكتب زي كلامك دا يا يجيهو ايميل من اي حتة ولو عايزين ايميلات زي دي للحصل للناس الما دارفوريين برضو اسهل حاجة انجر لي كلام واجيبو ليك حسسع دي قبال ما ارسل البوست بتاعي دا ليك فقط اعمل لي خط واقول ليك هاك دا الايميل الجاني من ناس اتضربت واتقلعت وماتت جوه بيوته لانها رفضت تقدم خدمة لي معتدي عليها ..
مافي حد خسران حاجة .. لكن الكلام المجوبك .. ما بدخل الراس .. والموضوعية احسن منها الله ما خلق .. والبعتدي علي في بطن بيتي الله زاتو ما بحاسبني لما اضبحو من الاضان للاضان واصلخو واعلقو في عمود الشارع الناس تتفرج فيهو ..

Quote: او الست شمائل .. او ثنائب الحتانة بتاعين المنبر او السيد بشاشا او محمد سليمان أو اي من المنبتين الطلعوا لينا الايامات دي في الصورة وعاملين فيها سياسيين وقانونيين وحقوقيين ..

اها نحن عاملين فيها قانونيين وسياسيين وحقوقيين ومنبتين ؟؟ لا باس بها ماكنا نحلم بها اصلا

Quote: امس قريت ليك مداخلة بتزرفي دموعك على الاطفال الجابهم خليل دروع بشرية قدامو علشان يجي يذيع بيهم بيانو الأول .. حننك المنظر وما حننك انو ديل ممكن لو لقو يدهم كان عمل العجب

ياتمبس لو انت ماشي بفهم "المامعانا ضدنا"
ح تتعب كتير ارجو ان يتسع افقك اكثر

Quote: ياتمبس لو انت ماشي بفهم "المامعانا ضدنا" ح تتعب كتير ارجو ان يتسع افقك اكثر

يتسع افقك دي سمحة شديد .. والاسمح منها فهم الما معانا ضدنــا .. معاي منو؟؟
يظهر انك محتاجة المزيد من بيانات الشجب .. والهتافات ومزيدا من حملة الاعلام وموقعي الاوتوجرافات ..
ستتعرضين للمزيد من المضايقات في حياتك العملية .. ابتعدي عن كل ما له علاقة بي اشعة الشمس ، يمكن ان تظهري فقط تحت الاضواء الكاشفة فهناك امكانية لاعادة بعض اشكال العناصر الاولى .. يوم السعد الاربعاء من كل شهر .. رقم الحظ لسه ما ظاهر معانا .. مواليد برج الاسد ليهم الله وعيشة السوق .. استعن بصديق في حال توفرت لك الامكانيات الكافية للاجابة بوحدك ..

Quote: يظهر انك محتاجة المزيد من بيانات الشجب .. والهتافات ومزيدا من حملة الاعلام وموقعي الاوتوجرافات .. ستتعرضين للمزيد من المضايقات في حياتك العملية .. ابتعدي عن كل ما له علاقة بي اشعة الشمس ، يمكن ان تظهري فقط تحت الاضواء الكاشفة فهناك امكانية لاعادة بعض اشكال العناصر الاولى .. يوم السعد الاربعاء من كل شهر .. رقم الحظ لسه ما ظاهر معانا .. مواليد برج الاسد ليهم الله وعيشة السوق .. استعن بصديق في حال توفرت لك الامكانيات الكافية للاجابة بوحدك ..

الخروج عن الموضوع الأصلي ومحاولة التشتيت تعني لى اشياء كثيرة


على اى حال هاك برجك
انت شخص يمكن ان تكون جيد بامكانيات الدفاع والبحث الدؤوب عن المبررات لصناعة النجومية ، عليك ان تتحلي بصدر رحب يسع كل الاصوات ، وجود اصوات عالية يضايقك كثيرا ، عليك ان تستمع باحترام او تتخارج لينا برا

Quote: الحكومة تعلن عن جائزة كبرى لمن يقبض علي خليل أو يدلي بمعلومة تفيد هل يعقل هذا يا بشر،الحكومة تستخدم المواطن كمخبراتي طيب دور الشرطة والامن شنو استقبال المكالمات؟؟؟

ولما امريكا استعانت بكل مواطني العالم للقبض على اكثر من 250 مطلوب بمن فيهم صدام واسامة بن لادن كانت عاجباكم شديد ؟

ولا غفور رحيم لهم ولنا شديد العقاب ؟


الاجراء ده روتيني جدا جدا في كل اجهزة العالم الأمنية

تعال نسالكم موضه ايجاد الاعذار لناس الانقاذ دي شنو؟؟؟
اها وروني منو فيهم كان محنن؟؟
ومنو فيهم كان مطهر ؟؟؟
ومنو فيهم كان يوم قطع رحطو؟؟؟
عشان والله نلقي ليهم عذر في تعريضهم لحياه المواطنيين للقتل والترويع وانعدام الامن
وكالعاده هم في مأمن لا فيهم واحد مخدوش لا مجرو ح لا مضروب ويجوا يتفاصحوا ويقولوا كلام لو سكتوا عنه كان افض
ل جاتهم نيله من ريسهم لوزيرهم

Quote: ولما امريكا استعانت بكل مواطني العالم للقبض على اكثر من 250 مطلوب بمن فيهم صدام واسامة بن لادن كانت عاجباكم شديد ؟

ابو تميم
اختلاف كبير يابابا ، اولا بن لادن ومن معه ديل حول العالم يعنى لم يتحدد الموضع الجغرافي ، اما خليل فى امدرمان "زى ماقالوا" اطرح مساحة امدر من الكرة الارضية ولو الفرق اقنعك انا بقتنع ، بعدين الناس ديل مش قالوا خليل كان سايق لاندكروزر ويتضرع فى شارع العرضة وفجأة فر من العربة ،، والله ماعارفة دا خليل ولا ابو الحروف ،، ياجماعة لاداعي للمكابرة الخطأ واااااااااااقع والدفاع زييييييييييرو ونحن قاعدين على الله

شمائل سلام

عنوان مثير جدا

Quote: قواتنا المسلحة تكشف عن سوءتها...والحكومة تستعين بصديق في القبض على خليل!!!

بالغتي عديل كده

Quote: ياتمبس لو انت ماشي بفهم "المامعانا ضدنا" ح تتعب كتير ارجو ان يتسع افقك اكثر

العزيزة شمائل سلام.


اخطر شيئ فى الانسـان انو لايدرى انهو لا يدرى.

Quote: ياتمبس لو انت ماشي بفهم "المامعانا ضدنا" ح تتعب كتير ارجو ان يتسع افقك اكثر

..

Quote: العزيزة شمائل سلام. اخطر شيئ فى الانسـان انو لايدرى انهو لا يدرى.

يا آدم عمر الانسان الخطير .. شكلك بتعرف حاجات كتيرة كدا .. ممكن تساعدنـا علشان نعرف معاك ..؟

الاخت الاستاذة شمائل
كلامك موضوعي ومنطقي جدا وأسئلتك في مكانها الصحيح ودي أسئلة كل الشارع السوداني في الداخل والخارج، فقط المرجو من (.....)أن يتركوا الفرصة لطرح الأسئلة والاجابة عليها بموضوعية بعيدا عن المهاترة وابعاد القراء عن الموضوع المطروح للنقاش، وهذا حق من حقوق عضوية هذا المنبر..أن يجد العضو الفرصة في طرح السؤال والاجابة عليه..

Quote: معركة العرضة قوادها المراهقون لا زلنا نبحث عن اجابة للسؤال الطارح نفسه وهو بأى باب جئت ياخليل ، هل يعقل ان تدور المعركة بشارع العرضة ويكون هذا كمين عموما الرسالة التي وصلت الى المواطن هو ان البلد دفاعها Big zero الفضيحة الأخري الحكومة تعلن عن جائزة كبرى لمن يقبض علي خليل أو يدلي بمعلومة تفيد هل يعقل هذا يا بشر،الحكومة تستخدم المواطن كمخبراتي طيب دور الشرطة والامن شنو استقبال المكالمات؟؟؟ وكيف يقبض المواطن على خليل وهو يتفاجأ بالمعارك فى الشوارع الرئيسية؟؟ وهل من الممكن ان يتواجد خليل بين المدنيين او داخل احد البيوت او فى هيئة متسول أو مع ست شاي؟؟ هذا اذا كان خليل فعلا في امدرمان!!! نحن كمدنيين لينا الله

Quote: الاخت الاستاذة شمائل كلامك موضوعي ومنطقي جدا وأسئلتك في مكانها الصحيح ودي أسئلة كل الشارع السوداني في الداخل والخارج، فقط المرجو من (.....)أن يتركوا الفرصة لطرح الأسئلة والاجابة عليها بموضوعية بعيدا عن المهاترة وابعاد القراء عن الموضوع المطروح للنقاش، وهذا حق من حقوق عضوية هذا المنبر..أن يجد العضو الفرصة في طرح السؤال والاجابة عليه..

السيد/ خالد
المشكلة في المنبر دا التصنيفات ضيقة للغاية ولا تتسع للمدنيين غير المحزبين

يعنى يا كوز يا معارض ،، ما هذا الضيق يا مستنيرو المنبر؟؟



نحن المدنيون نطالب بحقنا في الأمن فقط ليس الا

Quote: الاخت الاستاذة شمائل كلامك موضوعي ومنطقي جدا وأسئلتك في مكانها الصحيح ودي أسئلة كل الشارع السوداني في الداخل والخارج، فقط المرجو من (.....)أن يتركوا الفرصة لطرح الأسئلة والاجابة عليها بموضوعية بعيدا عن المهاترة وابعاد القراء عن الموضوع المطروح للنقاش، وهذا حق من حقوق عضوية هذا المنبر..أن يجد العضو الفرصة في طرح السؤال والاجابة عليه..

عايني بتاع الحقوق دا بتكلم كيف .. ؟؟
بعدين اعملي حسابك الزول دا عندو خبرة عاليه جدا في امور الكوزنة والديش .. ممكن ترخي الناس دي كلها وتستعيني بيهو ..
عندك فكرة انو الزول الموضوعي دا والما عايز المهاترة دا .. كان بيودي تقارير سنة اربعة وتسعين لجهاز الامن ..
كدي الله يرضى عليك ويفتح ليك ابوابو من كل النواحي حاولي اهبشيهو لينا .. اديهخو لكزة كدا لكزتين شوفيهو راح يقول ليك شنو في الحتة دي ..؟

Quote: يعنى يا كوز يا معارض ،، ما هذا الضيق يا مستنيرو المنبر؟؟ نحن المدنيون نطالب بحقنا في الأمن فقط ليس الا

.. اها يا ابو الخلد .. شوف الزولة دي ختته ليك طاااخ واضحة جدا .. علشان ما تلف وتدور

الأستاذة شمائل
لك التحية و الإحترام

أولا: إعتقد صلاح قوش و نافع و عبدالرحيم محمد حسين أن دكتور خليل سيكون لقمة سائغة ... لذلك الثلاثي المرح قرروا أن تقوم فرقهم الأمنية الخاصة بتلك البطولة و قالوا للجيش أبعد بعيد و جهزوا ميكروفونات المؤتمر الصحفي ( بعد النصر و تقديم رأس خليل علي طبق من زعف للشعب الإنقاذي ) .. و كان محمد حامد جمعة مجهز أسطوانتو ديك ( صلاح هو حارس البلد و نوموا هنيئا و و ) .

و كانت المفاجأة إنهم كانوا في الخلا و سمعو الضرب وراهم في المدينة ... و صبق ( ما للقتال و لكن للجحور المعدة سلفا لنوائب الدهر ) .
حتي الصاقعة ما نفعتهم ( موش كدة يا تمبس ؟) !!

أبو ريالة أمبارح قال : غشونا ... جونا بدرب تاني ... و طياراتنا قديمة من الحرب العالمية التانية ... و ده كلو من أمريكا و .. ما عندنا الهناي الفي الهناي ... و رب قوم دخلوا امدرمان و خرجوا ..


تخريمة : شايف في ناس خشمها بقت ملح .. ملح .... فصاحة ليلة السبت ديك إتبخرت ...
أبقي قرط علي كلام أبوريالة .

Quote: و كانت المفاجأة إنهم كانوا في الخلا و سمعو الضرب وراهم في المدينة ... و صبق ( ما للقتال و لكن للجحور المعدة سلفا لنوائب الدهر ) . حتي الصاقعة ما نفعتهم ( موش كدة يا تمبس ؟) !!

.. ايوة يا استيف .. كدا ونص وخمسة .. بس الحاجة الغريبة شنو في الصقعة دي .. طبعا العمارة حقتي الكلمتك بيها المرة الفاتت اللسة ما تميت الزنكي حقها .. كان قاعد فيها واحد من الشباب عمارتو لسه ما تمت برضو .. بعد العيال الصغار ديل قامو كابسو اولاد ام جلبه ديل واولاد ام جلبه من قوات شرطة وقوات خاصة وعيال جلابة تانيين قاموا جرو .. وناس جوه جوه خرتوم جوه ديل (بدقو) في اممم درمان .. قلت لي صاحبنا دا .. في واحد من ناس جوه جوه خرتوم جوه ديل ح يجيك شايل ليهو (سام سبعة) مرسلو ليك استيف من امريكا .. ح يقول ليك انا جاييك من طرف استيف تقوم تسلمو شهادة البحث وتديهو المفايتح بتاعت البيت الناصية دا .. وتديهو آخر ايصال بتاع (عتب) وترقص ليهو رقصة القـرد .. وتطلع ليك موزتين تقشرم قدامو ..
هذا بالضبط السيناريو يا استيف ..
لكن كنت متوقعك تقوم (تكرب) عمتك تشيل طمبورك .. والشنطة .. وتكسح لي ناس مجلس الأمن الدولي .. وناس الأمم المتحدة .. لكن اهو زي ما شايف .. جماعتك قطعوها ليك في راسك .. يعني عمتك دي يا جلابي تلفها وتجي داخل بيها امممم درمان .. والموز مني ما عندك مشكلة

Quote: أبو ريالة أمبارح قال : غشونا ... جونا بدرب تاني ...

هاهاهاهاهاها ماقادرة اقيف من الضحك ،، هذا الرجل موقعه وزارة الزراعة

برنامج في ساحات الفداء.. نحتاج اليه بشدة ..

الظاهر يا عمك القوي الضاربة طلعت .. ضاربة