زيدوا مرتباتكم .. وتاجروا أيضا بمحنة امدرمان

ارفعوا لينا الصور...
شوفوا لينا الحاصل ...
حقوق الأسرى ....
لخ لخ لخ


كالعادة قام أهل الشتات الهاربين من الوطن كل لسببه .. وتركوا خليل والحكومة .. وقاموا يكوركوا ويتاجروا وينبحوا وتسولوا بما حدث في امدرمان كتسولهم بمأساة دارفور

نحن ذاتنا أسرى الان في امدرمان .. لا يتحرك احد إلا ومعه ما يثبت أو يتهان ويعتقل ويسحل في الشارع العام .. لا يتحرك احد إلا ويتعرض لتفتيش صارم كل كيلومتر على الأقل ..
حقوق أسرى شنو الكايسنها وقد دمرت – حسب ما سمعنا لأننا لا نستطيع التحرك – أن مستشفى امبده ومسجد الإمام المهدي ضربا ..
قولوا لي كمان المستفى عسكري والجامع منبر دفاع شعبي ...
صور شنو الحا نرفعها ليكم والرصاص بلعلع فوق ريصينا وعندنا أولويات هي حماية أنفسنا وأسرنا من شرا جانا لا يدنا لا كراعنا

صور شنو البنرفعها ليكم
ما تجوا ترفعوها براكم ؟

كل واحد فيكم عاوز يثبت كفاءته لي منظمته الشغال فيها او الجهة الإعلامية البنتسب ليها
عاوز يلقاها بارده وكمان بطالبنا نتحرك ليه عشان رزقوا وكل عيشوا

وليد المبارك

حمدلله على سلامتك واسرتك الكريمة ونتمنى لك وكل الشعب السودانى

حياة كريمة هو يستحقها . الشعب المغلوب عن على أمرة الذى يدفع

فواتير لا ناقة لة فيها ولا جمل

Quote: كالعادة قام أهل الشتات الهاربين من الوطن كل لسببه .. وتركوا خليل والحكومة .. وقاموا يكوركوا ويتاجروا وينبحوا وتسولوا بما حدث في امدرمان كتسولهم بمأساة دارفور نحن ذاتنا أسرى الان في امدرمان .. لا يتحرك احد إلا ومعه ما يثبت أو يتهان ويعتقل ويسحل في الشارع العام .. لا يتحرك احد إلا ويتعرض لتفتيش صارم كل كيلومتر على الأقل .. حقوق أسرى شنو الكايسنها وقد دمرت – حسب ما سمعنا لأننا لا نستطيع التحرك – أن مستشفى امبده ومسجد الإمام المهدي ضربا .. قولوا لي كمان المستفى عسكري والجامع منبر دفاع شعبي ... صور شنو الحا نرفعها ليكم والرصاص بلعلع فوق ريصينا وعندنا أولويات هي حماية أنفسنا وأسرنا من شرا جانا لا يدنا لا كراعنا صور شنو البنرفعها ليكم ما تجوا ترفعوها براكم ؟ كل واحد فيكم عاوز يثبت كفاءته لي منظمته الشغال فيها او الجهة الإعلامية البنتسب ليها عاوز يلقاها بارده وكمان بطالبنا نتحرك ليه عشان رزقوا وكل عيشوا

الحالة هنا فى المنبر تغنى عن السؤال ولا احد فكر فى القابضين على الجمر هناك

قلوبنا معكم وصوتنا معك !!!!!!!!!!!!!

بابكر التوم سلامات
تشكر يا حبيب

المشكلة انهم موش ما مفكرين فينا وبس

كمان متهمننا بتقصير

عالم مستفزة

الف شكر

وليد ضحكتني جنس ضحك؟؟؟
وانا اسلق المكرونه(الكرافت دينر) لابنائي اشفقت عليهم
قرابة ال 4 ايام وهم بيالكوا في مكرونة مسلوقة لانها بتاخد مني 15 دقيقيه
ولانها بتكلف 47 سنت!!

ولاني لااملك غيره 15 دولا منذ قامت العكه وانا لابده ولو حدثت طواريء

حق البنزين ما عندي !!


وتجي انت تقول لينا زيدوا مرتباتكم يا وليد نحن اي كتابة هنا معناها مزيد من
الجوع لينا في بلد لا حبيب لا قريب. ولو ما تشتغل ليل نهار فواتيرك تتكوم وتسف التراب!!

Quote: زيدوا مرتباتكم .. وتاجروا أيضا بمحنة امدرمان

عيب يا وليد.....الجماعه
قالوا البيديري يدري و المابيدري يقول كف عدس.

اها انت زهجان لانك ما شفته بس ومحبوس
فكر في الزيك لا يدهم لا كراعهم وبيضربوا
الآن وبيزرزروا فيهم بس لانهم بيشبهوا اهل خليل ابراهيم؟؟؟

لكن كدي امشي شوف القلب النابض ادوها علاوة كم و الترقيات كيف؟؟؟

تراجي بره موضوع امدرمان وخليل وزغاوة وجلابة

اخبار
واخبار عيالك

Quote: قرابة ال 4 ايام وهم بيالكوا في مكرونة مسلوقة لانها بتاخد مني 15 دقيقيه ولانها بتكلف 47 سنت!!

والله اولادك في نعمة ما بعدها نعمة
بضربوا في المكرونة واحتمال بيسمعوا ليهم في مزيكا هادية وبتفرجوا معاك في احداث امدرمان في التلفزيون

انا اولادي ما قادر اجيب ليهم المكرونة دي لاننا محبوسين ولانو الدكاكين تفتح تقفل بعد نص ساعة
وحتى لو اتوفقنا وطبخنا ليهم شي
صوت الرصاص يرعبهم ويطير الجوع من فكرهم والنوم من يعونهم

اولادك في نعمه يا تراجي احمدي ربك

Quote: فكر في الزيك لا يدهم لا كراعهم وبيضربوا الآن وبيزرزروا فيهم بس لانهم بيشبهوا اهل خليل ابراهيم؟؟؟

مفكر فيهم يا تراجي وحاسي بيهم لانو ضايق جزء من معاناتهم
اي ما زيهم لكن حاسي بيهم

عشان كده قلت ليك قبيل
خليل ارعن وغبي ونفعي

الحصل والحا يحصل لاهل دارفور في امدرمان من الحكومة شي متوقع
ياخ هو سوه هناك في دارفور حا يغلبهم هنا في امدرمان
لكن السبب الاول في نظري
الكوز الدباب الارعن خليل
وكح اهل دارفور في امدرمان مع الكيزان
ورفع كرعينو لي قفاه وشتت للحدود التشادية
مك نمر جديد
وحا نعمل شارع بين الفاشر وامدرمان وحا نسميه شارع دكتور خليل ( الجرابو)

وكمان يا تراجي الطامة الكبرى ما سيحمله مستقبل الايام لاهل دارفور
لانو خليلكم الطايش
اد الحكومة اسباب لتفعل ما تشاء في دارفور
وهي ما كانت عاوز ليها اسباب اصلا

جهل مدقع

Quote: ولاني لااملك غيره 15 دولا منذ قامت العكه وانا لابده ولو حدثت طواريء حق البنزين ما عندي !!

تراجي انتي شغاله رزق اليوم باليوم


دي ما سمعنا بيها في كندا

ياوليد لكن ما لقيتك تفتيحه وكده ...
ده بالنسبه ليهم مولد , وحقوق انسان وكده ..
بس زولك داك حتل وين ماظاهر هنا . ( الله يكضب الشينه )

الشفت سلام يازول انشاء الله انته بخير والاسرة الكريمة

وعلشان فهمك دة انته زولى تب ود هدية






نحنا ناس الصور زاتنا يازول
_______________
جايك راجع يازول تانى

امير حبابك الف
وتسلم
انا والاسرة بالف خير والحمد لله

انت ان شاء الله بخير واسرتك كمان


يا حبيب انا زولك من زمااااااااااااااااااااان
مالك عاوز تخرخر

انت قصدك يا محسن زولتي ديك

عارفك قاصد منو

هاهاهاهاهاها

وليد
..
..
إن شاء الله تبقى كويس الباقى هين

"الرغيف ما شاء الله بقى فى السوق الأسود"وفجأة إختفى من الدكان"بقى فى طابور,,!!
...ومحطات البنزين طابور " وتشترى كهرباء كيف,,!!برضو طابور

بعد دا


حالنا فى الحاج يوسف بكون احسن من حالكم ,,!!

"الله يكون قى عونكم"

طول بالك نشوف أخرتا,,!! شنو

يا ملك اخبارك وكده

وينك يا مان
بالنا طويل سلبه

الله ما يقطعوا

Quote: يا ملك اخبارك وكده وينك يا مان

انا بخير ,,!!
كنتا مسافر ورجعت يوم الجمعة,,!
"والحمد لله جيت"..
بس ربكــ يستر
"ويجيب العواقب سليمة"
..
..

نعم يا وليد

فقد هجموا على المنبر العام كطيور الظلام
يؤججون فى الفتن وينفخون فى كير الحرب وهم بعيدين عنها لا تطالهم نيرانها
ولا يكتوون بنتائجها .. فقط المساكين الذين غرر بهم هم الذين يكتوون بنيرانها
ويدفعون ثمن فاتورة الشهوه الى السلطه والدماء

يمجدون فى الكوز الدباب خليل ابراهيم خريج مدرسة الاسلاميين الرساليين وجناح
المنشيه وغدا يشتمون الكيزان جناح القصر ويطالبون الجميع بالتوحد لطردهم من
البلاد والبديل كوز منافق هارب واثنيه سودانيه معينه

يالهم من منافقين كذابين متملقين
هربوا الى بلاد اوروبا وامريكا بينما انضم اندادهم الى الحركات المسلحه
ونصبوا هم انفسهم كعرابين للحركات المسلحه شوية طقطقه على الكيبورد وصوت
عالى وصياح وخروج فى مظاهرات ببناطلين الجينز وبس
هذه هى ادواتهم لاستلام السلطه فى السودان
وحتى حربهم يقودوها بوساطة سزج غرر بهم ودفعوهم دفعا لخوض حرب انتحاريه
بمساعدة حبوب مخدره ودفعوا بهم فى مدينه لم يزورها اغلبهم من قبل وفى ساعتين
فقط ملأت جثثهم الطرقات وبدأ الهروب الكبير بدءا من قائدهم الدباب والذى ولى
الابار لا يلوى على شئ سوى خوفه على حياته تاركا خلفه عيال الناس وناكثا بوعد
وعهد لاهل المغدور بهم الذين استأمنوه على حياة اولادهم وابائهم وتركهم خلفه
يعانون الجوع والعطش والتوهان فى الطرقان هاربين يهيمون على وجوههم ورعبهم
اكبر من يستوعبه عقلهم واكبر مدن السودان قاطبه تبحث عنهم حتى تحت حجارة المدينه
يبحث عنهم الجيش والشرطه والاجهزه الامنيه وسكان المدينه الكبيره بشيوخها واطفالها
والشرر يتطاير من عيونهم ان قبض على احدهم ووب وان ترك هائما على وجهه ووبين
بينما يستظل نافخى كير الحرب بسماء بلاد تصحو على رائحة الهمبرجر على الفطور
مع العصيرات الطازجه والدولارات الخضراء تملأ الجيب والاولاد امنين فى مدارسهم الجيده
بينما اولاد غيرهم هائمون ما بين الموت والجوع والعطش والخوف
واهليهم فى دارفور فى معسكرات اللاجئين يتنسمون خبرا واحدا عله يروى ظمأهم ويطمنهم
على اخبار اطفالهم الذين ساقهم الكوز الوزير الدباب خليل ابراهيم الى محرقة حرب
هم ليس قدرها ومن ثم تركهم خلفه للموت والقتل والاسر وهرب هو لا يلوى على شئ

فالكل هنا وصولى وصاحب غرض يا وليد
المستظلين بسماء اوروبا يحلمون بالعوده حكاما على جماجم الصبيان والابرياء الذين
عرضت صورهم فى التلفزيون جثث بلا رؤوس واجساد مشطوره واحياء كالاموات تبدو عليهم
المسكنه والخديعه واضحه وجليه فالذى حدث لهم لم يقوله لهم القاده الذين وعدوهم
برحلة سريعه ونزهه خفيفه يلقون فيها الجلابه درسا كبيرا ومن ثم يعودون بالغنائم
وهلل لهم الذين ادمنوا الكذب الاسفيرى وغرروا بهم وصوروهم على انهم ابطالا يصنعون
التاريخ , وجاءت الطامه على رؤوسهم ورؤس ابرياء اخرين كانوا يسكنون المدينه ويعيشون
بسلام وامان ولم يختاروا الهجره الى اوروبا والعماله والارتزاق بل اختاروا ان يعيشوا
فى بلادهم وبين اخوانهم , فجنى عليهم الكوز الدباب الوزير خليل الهارب الكبير
ومن هلل لحربه الغبيه والان هم يدفعون ثم اخطاء غيرهم وشهوة البعض للسلطه
وعمالة وارتزاق اخرين .

Quote: حقوق أسرى شنو الكايسنها وقد دمرت – حسب ما سمعنا لأننا لا نستطيع التحرك – أن مستشفى امبده ومسجد الإمام المهدي ضربا .. قولوا لي كمان المستفى عسكري والجامع منبر دفاع شعبي ...

الأخ وليد
السلام عليكم ، و حمداً لله على سلامتك و الأسرة الكريمة

و مسجد فيصل بالعرضة ( جامع شيخ الهدية ) كمان ضربوه و ضربوا الدكاكين الحوالينه
فقط لأنه كان بداخل حوشه سيارة واحد من شباب المسجد عليها لوحة حكومية !!
و الحمد لله مافي إصابات و الخسائر بسيطة ، و فتح المسجد لأداء الصلوات .

مرحب اخونا الطقي

Quote: الحمد لله مافي إصابات و الخسائر بسيطة ، و فتح المسجد لأداء الصلوات .

الحمد لله

Quote: يالهم من منافقين كذابين متملقين

صدقت يا على محمد علي

ياملك

لقد جات سليمة
عكس اماني تجار الحرب الهنا

وليد الحبيب


عساك والأسرة بألف خير

ربنا ينعم على بلادنا بالأمن والسلامة

ويبعد عنا المتاجرين بقضايا الوطن

وليد

سلامات والاسرة
والجات فى خليل ,,جرية وهروب

ياخى نحن كواهلة رسول الله مساكين وعلى الله
استخدمونا درقة للنيران,,,

اولاد غرب الجزيرة ماتو منهم 3 ضباط
وما بعرف العساكر كم,,,لكن دي فراشهم مدور
فى الرياض,,,اها ياخوى

ربنا يكفيكم شر المحن,,

اقتراح

نجيبلكم اقامات,,,,
قالو ناس الحكومة كانو عاملين كمين
لكن مخابرات خليل غيرت لهم الطريق,,
يعنى هنالك كوز مع خليل مندس مع جماعة الكمين

اها مبروك للمريخ,,,
لكن توانسة 4 فرق,,,من اسى شفو ليكم فكى بس ما يكون من دار فور

كتب وليد

Quote: انا اولادي ما قادر اجيب ليهم المكرونة دي لاننا محبوسين ولانو الدكاكين تفتح تقفل بعد نص ساعة وحتى لو اتوفقنا وطبخنا ليهم شي صوت الرصاص يرعبهم ويطير الجوع من فكرهم والنوم من يعونهم

الفيلم دا شغال ليهو كم سنة في دارفور



لما بقت عليكم تجقلبوا

Quote: الفيلم دا شغال ليهو كم سنة في دارفور لما بقت عليكم تجقلبوا

يعني ناس دارفور الما جقلبوا

بعدين اوع تكون لا في امدرمان ولا في دارفور

لو كنت كذلك بقول ليك احضر التلفزيون سااااااااااااااااااااااااااكت واتفرج في دارفور وامدرمان الاتنين واكل تسال كمان ثم قبل عللى الكمبيوتر واكتب اي كلام كده اهو تكون شاركت


______________
بره الموضوع تحياتي

كتب وليد

Quote: واكل تسال

انتو خليتو فيها تسالي والا ست التسالي


.....................
جوه الموضوع تحياتي

Quote: انتو خليتو فيها تسالي والا ست التسالي

خلاص اكل لب على قول المصريين

ولا اقول ليك
اشتي ليك جيرسي وعلبة بيره

يا ابقوته

فغي الاول نترحم على ارواح جميع من قضوا في المعارك

Quote: لكن توانسة 4 فرق,,,من اسى شفو ليكم فكى بس ما يكون من دار فور

يا حبيبنا الفكيا بتاعين دارفور طلعوا ضاربين
حجباتهم طلعت فشوش وكنته سااااااااااااااااااكت

عز الدين
الحمد لله انا بالف خير

Quote: ربنا ينعم على بلادنا بالأمن والسلامة ويبعد عنا المتاجرين بقضايا الوطن

اميييييييييييييييييييين

وليد ,, مساك زين ,, إنشاء الله الامور كلها سليمه وماجاتكم عوجه ,,
غايتو المصائب تتوالى , زمان الاذيه كانت من الوطنى والشعبى هسه
ناس الشعبى لمزيد من الاذيه جابوا لينا ناس العدل والمساواه وناس
الوطنى شايفهم بعد يومين جايبين ليكم ناس الامه , الاربعه حيشدوا
ويركبوا فينا ,, نقبل وين ,,[/B]

كمال سالم

لعلك بخير

نحن تمام والحمد لله
ربنا يحلنا من كل متعاطي السياسة في البلد دي

Quote: نعم يا وليد فقد هجموا على المنبر العام كطيور الظلام يؤججون فى الفتن وينفخون فى كير الحرب وهم بعيدين عنها لا تطالهم نيرانها ولا يكتوون بنتائجها .. فقط المساكين الذين غرر بهم هم الذين يكتوون بنيرانها ويدفعون ثمن فاتورة الشهوه الى السلطه والدماء يمجدون فى الكوز الدباب خليل ابراهيم خريج مدرسة الاسلاميين الرساليين وجناح المنشيه وغدا يشتمون الكيزان جناح القصر ويطالبون الجميع بالتوحد لطردهم من البلاد والبديل كوز منافق هارب واثنيه سودانيه معينه يالهم من منافقين كذابين متملقين هربوا الى بلاد اوروبا وامريكا بينما انضم اندادهم الى الحركات المسلحه ونصبوا هم انفسهم كعرابين للحركات المسلحه شوية طقطقه على الكيبورد وصوت عالى وصياح وخروج فى مظاهرات ببناطلين الجينز وبس هذه هى ادواتهم لاستلام السلطه فى السودان وحتى حربهم يقودوها بوساطة سزج غرر بهم ودفعوهم دفعا لخوض حرب انتحاريه بمساعدة حبوب مخدره ودفعوا بهم فى مدينه لم يزورها اغلبهم من قبل وفى ساعتين فقط ملأت جثثهم الطرقات وبدأ الهروب الكبير بدءا من قائدهم الدباب والذى ولى الابار لا يلوى على شئ سوى خوفه على حياته تاركا خلفه عيال الناس وناكثا بوعد وعهد لاهل المغدور بهم الذين استأمنوه على حياة اولادهم وابائهم وتركهم خلفه يعانون الجوع والعطش والتوهان فى الطرقان هاربين يهيمون على وجوههم ورعبهم اكبر من يستوعبه عقلهم واكبر مدن السودان قاطبه تبحث عنهم حتى تحت حجارة المدينه يبحث عنهم الجيش والشرطه والاجهزه الامنيه وسكان المدينه الكبيره بشيوخها واطفالها والشرر يتطاير من عيونهم ان قبض على احدهم ووب وان ترك هائما على وجهه ووبين بينما يستظل نافخى كير الحرب بسماء بلاد تصحو على رائحة الهمبرجر على الفطور مع العصيرات الطازجه والدولارات الخضراء تملأ الجيب والاولاد امنين فى مدارسهم الجيده بينما اولاد غيرهم هائمون ما بين الموت والجوع والعطش والخوف واهليهم فى دارفور فى معسكرات اللاجئين يتنسمون خبرا واحدا عله يروى ظمأهم ويطمنهم على اخبار اطفالهم الذين ساقهم الكوز الوزير الدباب خليل ابراهيم الى محرقة حرب هم ليس قدرها ومن ثم تركهم خلفه للموت والقتل والاسر وهرب هو لا يلوى على شئ فالكل هنا وصولى وصاحب غرض يا وليد المستظلين بسماء اوروبا يحلمون بالعوده حكاما على جماجم الصبيان والابرياء الذين عرضت صورهم فى التلفزيون جثث بلا رؤوس واجساد مشطوره واحياء كالاموات تبدو عليهم المسكنه والخديعه واضحه وجليه فالذى حدث لهم لم يقوله لهم القاده الذين وعدوهم برحلة سريعه ونزهه خفيفه يلقون فيها الجلابه درسا كبيرا ومن ثم يعودون بالغنائم وهلل لهم الذين ادمنوا الكذب الاسفيرى وغرروا بهم وصوروهم على انهم ابطالا يصنعون التاريخ , وجاءت الطامه على رؤوسهم ورؤس ابرياء اخرين كانوا يسكنون المدينه ويعيشون بسلام وامان ولم يختاروا الهجره الى اوروبا والعماله والارتزاق بل اختاروا ان يعيشوا فى بلادهم وبين اخوانهم , فجنى عليهم الكوز الدباب الوزير خليل الهارب الكبير ومن هلل لحربه الغبيه والان هم يدفعون ثم اخطاء غيرهم وشهوة البعض للسلطه وعمالة وارتزاق اخرين .

يا عالي بشير برجع لك
شايفاك الايام دي شايل بقج غبائنك وحايم بجيك بمهل
لا شيئ يستحق العجلة ياها نفس الاسطونات المشروخه.

Quote: نحن ذاتنا أسرى الان في امدرمان ..

نسأل الله ان يصلح حال البلاد والعباد



تحياتى لك اخى وليد

Quote: نسأل الله ان يصلح حال البلاد والعباد

امين

ولك التحية اخونا هشام مدني

وليد الكوز
( طبعا انت الاسبوع الفات ده غصبا عنك كنت كوز )

اخبارك ..؟

ياخى الله يرضى عليك جيب لى الكتاب
لو جبتو زمان كان انتهيت منو ايام حظر التجول ده

اكضب لو قلت ليك خلاف كده

لكن والحمدد له لفترة اسبوع واحد فقط

ياخ بكره شغالين في الجريده ولا لا


هو زاتو كتاب صغير ما كبير

يعني في نص ساعة بتموا

بجيبوا ليك بكره وريني بتكون في الجريده الساعة كم ؟

حسه عليك الله يا وليد كان ما ضحكنا في زي ده نعمل شنو؟؟

Quote: عالى وصياح وخروج فى مظاهرات ببناطلين الجينز وبس

الزول ده الحراقه شنو في بناطلين اليجنز؟؟؟
تكون حارقاه حلاوة البنات الغربيات البتطلعوا عشان دارفور مظاهرات!!
الغريبه نسى الايسكريم المرة دي؟؟

حسه عليك الله يا وليد كان ما ضحكنا في زي ده نعمل شنو؟؟

Quote: عالى وصياح وخروج فى مظاهرات ببناطلين الجينز وبس

الزول ده الحراقه شنو في بناطلين اليجنز؟؟؟
تكون حارقاه حلاوة البنات الغربيات البتطلعوا عشان دارفور مظاهرات!!
الغريبه نسى الايسكريم المرة دي؟؟

هاهاهاهاهاهاهاهاهاها

والله يا تراجي بتبالغي