بعد انكشاف ضعف النظام امنيا وعسكريا .. تفتكرو ح تقيف على كده ؟؟!!!

يمكن كان من الاول في تخوف من قدرات النظام العسكرية والامنية

الان اتضح ان النظام لا امن ولا عسكر له و( ام فكو ) ساي

اضف الى ان القوات المسلحة ستظل مجمدة لعدم الثقة الكافية فيها من قبل النظام

الا يشجع هذا الوضع الاخرين على الاقدام على نفس الخطوة ؟؟

اتوقع ذلك وبشدة

وربنا يلطف

خاصة في ظل ما اشاهده من مكابرة في التلفزيون وعدم مسئولية ودعوة صلاح غوش مدير المخابرات للحركات بالعودة مرة اخرى لمنازلتها في ام درمان !!

ده ما زول عوير ده ؟؟

ده مدير امن بالله ؟؟

يدعو مرة اخرى لتعريض المواطنين للخطر وللمزيد من الدماء ؟؟

أكيد ما حا تقيف على كده..

وتقيف على كده ليه؟

الاتغير شنو ؟

نفس الغباء كل يوم بيتكرر..

Quote: أكيد ما حا تقيف على كده..

امنة سلام

كل الشواهد بتقول انها ما ح تقيف على كده ..
بل ح يغري ضعف النظام اخرين ..

بل في احتمال كبير ناس شاركوا بكونوا ندامنين على كده

Quote: وتقيف على كده ليه؟

تقيف يا آمنة عشان نحنا بشر

وما برضينا المعاناة الفيها الشباب الفي البروفايل حقك ده

ليه ما نخلق واقع افضل ليهم ولمستقبلهم ؟

بدل العذاب الهم ( حاليا ) موجودين فيهو

تفتكري الضربة الفي فم الشاب ده جات من قنبلة ؟
لا يا امنة
اكيد الان بهذبو فيهو جبنا الجبهة الاسلاموية

عشان كده لازم الحرب تقيف ولا للمزيد من الدماء يا امنة

Quote: الاتغير شنو ؟ نفس الغباء كل يوم بيتكرر..

وعشان كده لازم نشوف حل لوقف الغباء والدماء
موش بيكون احسن يا امنة ؟؟