Post: #1
Title: حتى لا ننسى: التحية للمواطن السوداني ابو التومات و منبر حب النيل الإلكتروني
Author: Kabar
Date: 05-12-2008, 04:36 PM
Parent: #0
في اخبار الببي سي.. عرضت مراسلها في لبنان..و هو يقوم و يقع ..و يستخدم الساتر..و هو في قلب المعركة..و رصاصة مرت فوقه..و هو ينقل الخبر مباشرة..و هذه الصورة نهديها لما يسمى بالإعلام السوداني.. الذي لم نرى له مراسل واحد وسط الأحداث..و انما اخذ ينتظر .. ليحدثنا في اليوم التالي عن اثار المعركة..لقد سقط جهاز الاعلام و الصحافة المستقلة في اختبار احداث امدرمان..و صمد بعض المواطنين العزل الذين استطاعوا أن يأتي بصور الأحداث في وقتها..
التحية لمنبر (حب النيل الألكتروني)..و للعضو ابو التومات.. الذي قام بانزال اول الصور ..و التي صارت فيما بعد المادة الوحيدة التي وثقت للحدث..و التي تلقفتها كثيرا من المنابر..و هي الصور التي اتى بها زميلنا ابو عاقلة الطريفي..و عرضت في سودانيزاونلاين..
حيوا معي ابو التومات..و منبر حب النيل الألكتروني..
كبر
|
Post: #2
Title: Re: حتى لا ننسى: التحية للمواطن السوداني ابو التومات و منبر حب النيل الإلكتروني
Author: Kabar
Date: 05-12-2008, 04:39 PM
Parent: #1
في زحمة الأحداث.. كنت اقلب جميع المنتديات السودانية..و اتابع ردود الأفعال..و اكثر مع اقنعني هو منبر حب النيل..و الذي نقل عنه زميلنا الطريفي.. الصور الأولي للأحداث..
ما عجبني في منبر حب النيل و عضويته.. أنه كانوا ينقلون الأحداث بعفوية..و ان احد العضوات فيه كانت تحكي عن طالبات جامعة امدرمان الإسلامية..و هن مروعات و مبهدلات..و هي نفس الصورة التي صارت تتناقلها اجهزة الإعلام فيما بعد..
التحية لتك العضوة..و التحية لشباب منتدى حب النيل..و سيظل ما فعلوها راسخا في الذاكرة السودانية..
كبر
|
Post: #3
Title: Re: حتى لا ننسى: التحية للمواطن السوداني ابو التومات و منبر حب النيل الإلكتروني
Author: محمد البشرى الخضر
Date: 05-12-2008, 04:45 PM
Parent: #2
اها يا كبر وقت المقام مقام حفظ حقوق
| Quote: .و ان احد العضوات فيه كانت تحكي عن طالبات جامعة امدرمان الإسلامية..و هن مروعات و مبهدلات..و هي نفس الصورة التي صارت تتناقلها اجهزة الإعلام فيما بعد.. |
الصورة دي منقولة من هنا
دا حديث الأخت ام وضاح و هي اللتي استضافت طالبات الإسلامية في بيتها - جزاها الله خير
كان ما زهجان و روحي محرقاني كنت كست ليك الرابط وكدا
|
Post: #4
Title: Re: حتى لا ننسى: التحية للمواطن السوداني ابو التومات و منبر حب النيل الإلكتروني
Author: Kabar
Date: 05-12-2008, 04:53 PM
Parent: #1
محمد البشرى.زحبابك يا صديق..
زهجان شنو يا اخوي؟.. انا لغاية الليلة صوت دانة زاني في اضاني..
شكرا للتوضيح و التحية للصديقة ام وضاح..
الفكرة انو نحفظ للناس حقوقها..و كت الإعلام السوداني كان في العمرة مع سيدي الرئيس حفظه الله..مش؟
و الحصل في امدرمان مدان..و كل الجهات مشتركة فيهو..
الحكومة فرطت فضرطت..
و ناس العدل و المساواة..ركبوا الطرورة..
و نحن الغبش دفعنا تمن سطلة الحكومة و معارضيها.. اروح و دم..و خسائر..
شايف في صورة جامع مقدود..و بعد شويو ح يجيك واحد و يقول ليك ضربتو قوات الحكومة.. لي شنو؟ لأنو الشينة دايما منكورة يا اخوي..
و نشوفك تاني..
كبر
|
|