Post: #1
Title: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: خالد حامد الجزولي
Date: 05-12-2008, 04:24 PM
بيان من رابطة أبناء أم درمان
بالمنطقة الغربية - المملكة العربية السعودية
قال تعالي : { وأعدوا لهم ما استطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم الله يعلمهم وما تنفقوا من شيء في سبيل الله يوف إليكم وأنتم لا تظلمون } صدق الله العظيم.
لقد ظل السودانيون العاملون بالمملكة العربية السعودية وأبناء أم درمان على وجه الخصوص يتابعون بعين الترقب والحذر ما تعرضت له مدينة أم درمان الباسلة من تعدي وهجوم غاشم من مجموعة الغزاة التابعة لحركة العدل والمساواة بمشاركة من القوات التشادية وما قاموا به في ربوع مدينتنا الحبيبة من ترويع للمواطنين الآمنين وبث الرعب في نفوسهم ، وما عرفوا أن أم درمان مدينة باسلة صامدة وقلعة حصينة استعصت حتى على الغزاة المستعمرين الطامعين وما طابيتها التي ظلت باقية مع الزمن واستبسال الجنود في كرري إلا دليل على ذلك.
إن التصدي القوي من قبل قواتنا المسلحة والأجهزة الأمنية والاستخباراتية ودحرالغزاة وهزيمتهم شر هزيمة في ملحمة وطنية رائعة أثبتت قوة وبسالة القوات النظامية وأصالة وجسارة الشعب السوداني، وكانت أم درمان مقبرة للغزاة .
إننا إذ ندين هذا الغزو الغاشم نسأل الله أن يحفظ السودان وأهل السودان من شرور ومكر الأعداء... والنصر للسودان ، ولأعدائه أصحاب الأجندة الخاسرة والخائبة الخزيء والعار ... النصر لقوات شعبنا المسلحة في كل شبر من أرض الوطن الغالي....الله اكبر والعزة للسودان .. والسلام لبقعة أم درمان.
رابطة أبناء أم درمان بالمنطقة الغربية
المملكة العربية السعودية
|
Post: #2
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: saber alhawatti
Date: 05-13-2008, 12:04 PM
Parent: #1
لم يقرؤا تاريخ أمدرمان البطولى
|
Post: #3
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: saber alhawatti
Date: 05-13-2008, 12:29 PM
Parent: #2
أتمنى أن يكونوا رأوا كيف إحترم أنسان
أمدرمان حرمة جثث أبناؤنا المغرر بهم !!!
... هذه واحده من بطولات أهلنا بأمدرمان ...
|
Post: #4
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: ابراهيم محمد الحسن
Date: 05-13-2008, 12:32 PM
Parent: #3
قلناها لهم ..
إنها أمدرمــــــان
وليست انجمينا ...
|
Post: #5
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: saber alhawatti
Date: 05-13-2008, 12:40 PM
Parent: #4
أمدرمان .... أم ... در ... أمـــــــــــــــــــــان
فهى فى أمان برجالهـــــــــــــــــــــــــــــــــا
|
Post: #6
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: Biraima M Adam
Date: 05-13-2008, 12:58 PM
Parent: #5
يا أولاد أم درمان
أنا ليس مع أى واحد من طرفى النزاع .. ولكن للعلم هجوم الغرابة علي مدينة أم درمان له مغزى تأريخى ..
مدينة أم درمان تم تأسيسها الحديث على أيدى أبناء الغرب فى عهد الخليفة التعايشى
أحياء الملازمين (ملازمين الخليفة)، الشهداء، بيت المال كلها أحياء يسكنها أبناء الغرب الذين أتوا مع الخليفة..
وبالتالى ضرب خليل لأم درمان قالوا سببه هو محاولة أسترداد بيت الغرابة
أرجو أن لاتفتكروا أم درمان حقتكم براكم ..
ولا شنو؟
بريمة
|
Post: #7
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: shahto
Date: 05-13-2008, 01:03 PM
Parent: #6
عشان الايدي بقت طويلة جدا, لازم نجلس و نحترم بعض و تاريخ بعض
لا للإستهداف العرقي
لا للعنف الهمجي
لا لاستهداف أبناء دارفور
لا لاستهداف ابناء الغرب
لا لا ستهداف كل من لونه ليس لونكم
شحتو
|
Post: #9
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: Biraima M Adam
Date: 05-13-2008, 01:11 PM
Parent: #7
ول ابا الشحتو
أقرأ ماذا كتب هذا:
Quote: لم يقرؤا تاريخ أمدرمان البطولى
|
والبطولات دى أليس من قادتها الخليفة عبدالله التعايشى الغرابى من أقصى جنوب دارفور!
يا أخوانا لموا الشمل بدل الفرقة.
بريمة
|
Post: #8
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: ghariba
Date: 05-13-2008, 01:07 PM
Parent: #6
أمدرمان نموذج مختلف للتعايش السلمى والهجين الطبيعى
امدرمان بلد السمر والحمر
وبلد السود والبيض
امدرمان نموذج راقى
امدرمان ليست لأحد
أمدرمان لكل من يحترم قانونها ويقيم فيها سلام وامان
أمدرمان ستظل صامدة فى وجه كل الغزاة
والجلوس فى المناطق الرماديه ( ليس معه أو ضد) هو حال ضعاف النفوس واصحاب الغالب منو يا اخوانا
القضية واضحة ولا تحتاج الى مجهود لفك طلاسمها لتبقى فى الرمادى
رغم ان علاقتى بامدرمان هى علاقة باهل امدرمان وليست علاقة مباشرة الا اننى اعرفهم كثيرا واعرف
قوانينهم فمدينى تشبه امدرمان فى الكثير من الجوانب ولا تختلف عنها كثيرا .
|
Post: #10
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: ابراهيم محمد الحسن
Date: 05-13-2008, 01:13 PM
Parent: #8
بس ده معني ما بيقدروه إلا أهل أمدرمان
أو من رحم ربي ..
سلمت أخي غريبة ..
|
Post: #11
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: Biraima M Adam
Date: 05-13-2008, 01:20 PM
Parent: #10
الأخ أبراهيم محمد الحسن
أنت لو من أولاد أم درمان فشلت أن تحقق نموذج أم درمان فى حديثك إلى أعلى ..
أم درمان هى السودان .. أنت ليس لك الحق فيها أكثر من د. خليل الذى هاجمها ..
بريمة
|
Post: #13
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: ابراهيم محمد الحسن
Date: 05-13-2008, 01:51 PM
Parent: #11
| Quote: أنت ليس لك الحق فيها أكثر من د. خليل الذى هاجمها . |
يكفي أنه هاجمها ..
هاجمها وروع سكانها الآمنين ..
وهذا أبلغ دليل على صدق كلامي ..
نموذج التعايش في أمدرمان ما بيقدروه إلا أهل أمدرمان ..
أو من رحم ربي ..
هجومه على أمدرمان جعل أبناءها وسكانها في الداخل والخارج .. وبدون نزعات عرقية وسياسية .. جعلهم ينتفضون في وجهه ووجهه من زج بهم
(عشان يشاكلو أمدرمان) ...
تقول لي ليه حق فيها ..
|
Post: #12
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: tmbis
Date: 05-13-2008, 01:47 PM
Parent: #8
| Quote: إن التصدي القوي من قبل قواتنا المسلحة والأجهزة الأمنية والاستخباراتية ودحرالغزاة وهزيمتهم شر هزيمة في ملحمة وطنية رائعة أثبتت قوة وبسالة القوات النظامية وأصالة وجسارة الشعب السوداني، وكانت أم درمان مقبرة للغزاة . |
يا ود الجزولي .. والله بتسدوهـا وتقدوهــا
مرحب بيهم .. جوه البقعة والتاريخ ما قاعد ينسى حاجة كلو مكتوب ومسجل من زمن الترك ..
العايز يتفسح ويشم هوا في امدرمان بي بندقيتو اليجي داخل .. بنشموو الهوا
|
Post: #14
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: علاء الدين صلاح محمد
Date: 05-13-2008, 01:53 PM
Parent: #8
أولا أدين واستنكر كل إشكال العنف والترهيب و الترويع
ولذلك
أدين أولا العنف في دارفور وسائر بقاع السودان
ثم ثانيا أدين بشدة العنف المضاد في أم درمان
عليه
أطالب بتقديم كل المعتدين على العزل لمحاكمة عادلة
أتمنى أن تصدر رابطة العاصمة الوطنية بيانا توضح رأيها فيما يجرى
في دارفور حتى يتفهم الجميع موقف أبناء البقعة المباركة
ام درمان اكبر من تصدر بيانا في هجوم يرى ما قام به انه رد فعل
موقفكم شنو يا جزولي في الفعل
لو سمحت رأيكم مباشرة
معليش يا استاذا
تكون رياضي ما مقبول رأيك دون مرواغة يا بتاع الموردة لو سمحت
لك كامل احترامي
|
Post: #15
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: قرشـــو
Date: 05-13-2008, 01:56 PM
Parent: #1
بل يعلمون قدر امدرمان
ويعلمون ان امدرمان هى كلمة السر لمعنى الوطنية
وان امدرمان هى تاج على هامة كل سودانى
وان امدرمان هى المفتاح للولوج لقلب كل سودانى
ولذا قصدوا امدرمان تحديدا لازلال كل اهل السودان
وليقولوا لهم ان رمزكم الوطنى قد تم استباحته
وتم العبث به واغتيال اهله نهارا جهارا فى تحد سافر
يعلمون ان امدرمان لم تخنع يوما
ويعلمون ان امدرمان لم تستسلم يوما
ويعلمون ان امدرمان لم ترفض من لجأ اليها يوما
فهى حضن السودان العامر بكل اهله
وهى البوتقة التى انصهرت فيها العنصريات والجهويات
ولذا استهدفوها ليذلوا اهل السودان كله ...
ولكن الله رد كيدهم فى نحرهم
وظهر ابناء امدرمان كالأسود لا يهابون الموت
الم ترى كيف انهم وسط الحرائق واصوات الرصاص يتجولون
ويتفقدون بعضهم واهلهم وديارهم
سحقا لكل الخونة والمأجورين ولكل العملاء ....
ولا نامت أعين الجبناء ...
|
Post: #16
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: Biraima M Adam
Date: 05-13-2008, 05:56 PM
Parent: #15
| Quote: تقول لي ليه حق فيها .. |
أيوه عندو حق ونصف ..
أم درمان .. لحم راس السودان ..
ضرب د. خليل لأم درمان لا يعنى أكثر من مدخل أستراتيجى .. وشيئ رمزى، هى اعرق مدن السودان وبها الأذاعة القومية ..
كون تأتى مجموعة وتقول أم درمات حقتها هذه فى حد ذاتها مضحكة غريبة.
يجب أن ندين الحادث ليس لأنه فى أم درمان بل لأنه مرفوض ترويع المواطنين الأمنين فى أى مكان.
شفتو الفارق ..؟
بريمة
|
Post: #17
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: ابراهيم محمد الحسن
Date: 05-14-2008, 07:55 AM
Parent: #16
أولا مافي زول قال ليك أمدرمان حقتو من دون غيرو ..
بعدين نحن من أمدرمان .. يعني نعي تماما ما هي أمدرمان .. ومن هم جيراننا في أمدرمان ..
Quote: أمدرمان نموذج مختلف للتعايش السلمى والهجين الطبيعى
امدرمان بلد السمر والحمر
وبلد السود والبيض
امدرمان نموذج راقى
امدرمان ليست لأحد
أمدرمان لكل من يحترم قانونها ويقيم فيها سلام وامان |
أكرر .. لكل من يحترم قانونها ويقيم فيها بســـــلام وأمــــان ..
إذن هي ليست له ولا لأمثاله ..
| Quote: ضرب د. خليل لأم درمان لا يعنى أكثر من مدخل أستراتيجى .. وشيئ رمزى |
وهل يعني ذلك أن نرحب به ونستقبله بالتمور والتفاح ؟
|
Post: #18
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: ابراهيم محمد الحسن
Date: 05-15-2008, 08:26 AM
Parent: #17
أ ظننتَ أُمْ دُرْمــانَ طُـعْـماً هيّـِناً *** أم كـأسُ نَخْــــبٍ ســائغٌ معســـولُ؟!
أ ظـننتَ أم درمـــانَ فنـدُقَ لندنٍ *** أم قصـــرَ باريـسٍ و هـنّ طُـلــولُ ؟!
أ حـسـبتَ أم درمــانَ مالاً سـائباً *** لفُـلــولِ جيشِـك مغـــنمٌ و غُـلـولُ؟!
أ حسبتَ أم درمـــانَ مرعى ســائمٍ *** و دخـولُ جيشِـك نُزهـةٌ و مقــــيلُ ؟!
لكــنّ أمْ دُرمــانَ حصـــنٌ مـن دمٍ *** و جِــدارُ عـــزٍّ شــامخٌ و أصــيلُ
لا .. ليـس فيها للعـمالةِ موضــعٌ *** فيعـــيثَ فيها مــارقٌ و عـمـــيلُ !
____________________________
الأبيات من قصيدة للأخ عبد الرحمن الطقي .. فأستميحه عذرا في النقل
|
Post: #19
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: Biraima M Adam
Date: 05-16-2008, 06:07 PM
Parent: #17
| Quote: وهل يعني ذلك أن نرحب به ونستقبله بالتمور والتفاح ؟ |
وأنت ذاتك منو عشان تتكلم بأسم إم درمان وترحب بالأخرين ..
بريمة
|
Post: #20
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: ابراهيم محمد الحسن
Date: 05-17-2008, 11:18 AM
Parent: #19
أنا واحد من أبناء أمدرمان ..
إنت يا الأخو شايت وين ؟
|
Post: #21
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: طارق عبد اللطيف نقد
Date: 05-17-2008, 01:04 PM
Parent: #1
عرفنا بيانات رابطة مشجعي فريق الموردة
كمان بقت بيانات باسم رابطة ابناء امدرمان بالغربيه بالسعوديه
والله احسن تسميعا00000000000 ذي نفرة ناس الرياض
بيان رابطة ابناء ام درمان بالمؤتمر الوطني بالغربيه بالسعوديه
|
Post: #22
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: علاء الدين صلاح محمد
Date: 05-18-2008, 00:18 AM
Parent: #21
| Quote: بيان رابطة ابناء ام درمان بالمؤتمر الوطني بالغربيه بالسعوديه |
هذا الى ان نقرا بيان هام او غير هام من الرابطة حول الاحداث الجارية في دارفور
وعن العنف في سائر بقاع السودان
ام درمان دي العاصمة الوطنية
والبقعة المباركة
|
Post: #24
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: خالد حامد الجزولي
Date: 05-18-2008, 04:21 PM
Parent: #21
أخ/ طارق عبد اللطيف
تحياتي واحترامي
أرجو ان أعرفك أن رابطة أبناء أم درمان كيان كبير وقائم
على جميع أبناء أم درمان دون أي توجه حزبي أو سياسي أو جهوي
حسب ما نص عليه النظام الأساسي للرابطة وأصدقك القول أننا نعمل
كمجموعةواحدة همهما الأكبر السودان وأم درمان .
استغرب لأنك نسبت هذا البيان لشخصي الضعيف - وإن كان ذلك شرفاً لي -
ولكنه صادر من الرابطة باكملها وإن كان لي شرف رفعه في هذا البوست
تحت اسمي نسبة لأنني أمتلك كلمة مرور .
أرجو أن تخفف شوية من الهجوم وشخصياً لي ليس في السياسة باع ولم اكتب
فيها من قبل
مع خالص تحياتي
|
Post: #25
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: حاتم هاشم
Date: 05-18-2008, 04:32 PM
Parent: #24
بسم الله الرحمن الرحيم
سلام ...
ابراهيم ود محمد الحسن
حياك الله يا رفيق ..
Quote: قلناها لهم ..
إنها أمدرمــــــان
وليست انجمينا ... |
والله صدقت ...
تحياتي لللاسره الكريمه .
ـــ
ابوهاشم .
|
Post: #26
Title: Re: بيان هام من رابطة أبناء أم درمان بالمنطقة الغربية بالسعودية حول الأحداث الأخيرة بالسودان
Author: Biraima M Adam
Date: 05-18-2008, 09:27 PM
Parent: #25
يا سلام جابت ناس الختم .. كمان
نظرة يا أبوهاشم!
بريمة
|
|