Post: #1
Title: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 12:09 PM
قبل التفاصيل ..
صرحت الفنانة الشعبية المشهورة حواء الطقطاقة أن ..
خليل ابراهيم جبان وذاتو شرد ولو لقيتوهو جيبوهو لي ارقصو رقيص العروس ..
ترم ترررررررررم ..
يتبع ... 
|
Post: #2
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 12:28 PM
Parent: #1
قبيل لحظات وفي إطلالة أنيقة ووسيمة (كما شكله) عبر الفضائية السودانية أكد رئيس نادي زعيم الأندية السودانية وسيدها المتوج بالالقاب السيد جمال الوالي أن مباراة المريخ والهضاب الزمبابوي ستقام في الساعة الخامسة من مساء اليوم علي ملعب أستاد الخرطوم بعد أن تم تأجيلها من يوم أمس بسبب الأحداث الأخيرة .
وقال الرئيس المحبوب لكل الرياضيين أن أبواب استاد الخرطوم فتحت أبوابها مجانا للجماهير كما وستنقل المواجهة علي جميع القنوات السودانية .
السيد جمال الوالي كان قد أدان المغامرة الطائشة لمرتزقة خليل وأكد أن الوطن سيظل عصي علي الدخلاء والتمردين والمتربصين وساميا فوق مطامع الخونة والأعداء ..
يذكر أن المريخ سيد أسياد البلاد كان قد عبر الهضاب الزمبابوى مرتين في لقاء الذهاب بارضه ووسط جمهوره ما يجعل من مباراة الأياب الليلة مجرد بروفة إعدادية للأبطال الحمر وهم يتأهبون لاستحقاقات أخري أهم .
|
Post: #5
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: mohanad haimoura
Date: 05-11-2008, 12:54 PM
Parent: #2
اللجنه الامنيه تحدد فئات دخول المباراة كالاتي
25000 و 20000 و 15000 و 10000 و 5000
|
Post: #9
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 01:44 PM
Parent: #5
مهند
Quote:
اللجنه الامنيه تحدد فئات دخول المباراة كالاتي
25000 و 20000 و 15000 و 10000 و 5000
|
الشىء العارفو انا وحسب مصادر خرطومية أنو الدخول مجان يا مهند
|
Post: #3
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: عبود عبد الرحيم
Date: 05-11-2008, 12:43 PM
Parent: #1
البلد في شنو
وناس طلوح في شنو
...
|
Post: #4
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 12:44 PM
Parent: #1
وكذلك الامين العام لنادي الهلال السيد عماد الطيب ظهر علي الفضائية وادان وشجب وإستنكر بأسم الهلال (المحلي خالص )..
حتى في دي ...
حاكونا حاكونا ..
|
Post: #7
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: abuguta
Date: 05-11-2008, 01:08 PM
Parent: #4
خلاص
ناس الحكومة ظهروا
من زمان انا متحير فيك,,,,
بالله انتو كدا,,,
بس خليل دا ما معارضة,,,زول مظلوم من شريكو وعاوز ينتغم
دى كلام السياسة,,
اما كلام الرياضة وعنونك(عزيز أنت يا مريخ رغم قساوة المحن )
وين المحن ,,فريق مغلوب فى دياره,,,
نفس المباراة النهاية لنفس البطولة,,,فريق مهزم فى ديارو 4/2
وراكب تونسية رائح جائى,,,دا حال الهضاب لو بتعرف كورة
الاهلى كيف,,,,والبسكويت كيف,,,
|
Post: #10
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 02:16 PM
Parent: #7
Quote:
وين المحن ,,فريق مغلوب فى دياره,,,
نفس المباراة النهاية لنفس البطولة,,,فريق مهزم فى ديارو 4/2
وراكب تونسية رائح جائى,,,دا حال الهضاب لو بتعرف كورة
|
انت يا ابقوتة ناطي وين ياخوي ..؟
قساوة المحن دي مقصود بيها الحركة بتاعت شلة الشفع والمساطيل الأمس دي وما ليها علاقة بي حالة المريخ واللا الهضاب ..
Quote:
خلاص
ناس الحكومة ظهروا
من زمان انا متحير فيك,,,,
بالله انتو كدا,,,
بس خليل دا ما معارضة,,,زول مظلوم من شريكو وعاوز ينتغم
دى كلام السياسة,,
|
دا كلام بصراحة ما فهمت بالضبط قاصد بيهو شنو عشان كدا ما عندي ليهو تعليق .
|
Post: #6
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 01:02 PM
Parent: #1
الحبيب عبود قال :
Quote:
البلد في شنو
وناس طلوح في شنو
|
البلد فيها شنو يا عبود ..؟؟؟؟؟
شوية شفع ومساطيل جائين داخلين امدرمان وشايلين حجباتم ومخدررتكم وموزم والجماعة دقوهم دق العيش في خمسة دقايق وقلعوا حاجاتم وبكاسيهم الهكر وأكلوا موزم والموضوع انتهي ..
يعني عايزنا نبطل اشغالنا المهمة ومريخنا العظيم ونقعد نسك لينا في كضب وفرقعات وهرشات ساي .
ثم تعال هنا ياخ يعني ما عاجباك المقدمة دي يعني :
Quote:
قبل التفاصيل ..
صرحت الفنانة الشعبية المشهورة حواء الطقطاقة أن ..
خليل ابراهيم جبان وذاتو شرد ولو لقيتوهو جيبوهو لي ارقصو رقيص العروس ..
ترم ترررررررررم ..
|
واللا ما عاجبك البوست المكرب دا :
أدين وأشجب وأستنكر ثم أتف علي هذه المسخرة ..
خلاص ياخ دي ذاتا كتيرة علي الشفع المساطيل ديل .
|
Post: #8
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: عوض أحمد عمر
Date: 05-11-2008, 01:20 PM
Parent: #6
الاخ طلحة
نتمنى النصر للمريخ في يوم انتصار السودان على الخونة والمأجورين
تخريمة:
الفرق بين استنكار عماد الهلال وجمال المريخ للمحاولة الإنهزامية
أن الأول استنكار مواطن والثاني استنكار وظيفة
|
Post: #11
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 02:55 PM
Parent: #1
استاذ عوض
وللهلال ببرتوريا كل التمنيات الطيبات وهو الآن ينهي شوط اللعب الأول بالتعادل السلبي ليضع قدما في المرحلة التالية من المسابقة الكبيرة .
قلت لي عماد إستنكر بصفتو مواطن ..؟
ومال عايز زول هلالابي يستنكر بصفتو شنو يعني ..؟؟
ما كلهم درجة تانية ..
|
Post: #12
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 03:26 PM
Parent: #1
الدقيقة 18 من الشوط الأول لمقابلة المريخ وزائره الزمبابوي
الفريق الضيف أضاع هدفا محققا وبعدها بدقيقتين سجل هدفه الأول بواسطة لاعبه كايزر ..
لكن شكلو كدا الهضاب ح يركب الصعاب ..
بس بصراحة كدا الأخ المعلق ياسر مختار دا قاعد اتشاءم بيهو ياخ ..
انت يا محمد فضل الله نائم واللا شنو ..؟
|
Post: #13
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 03:48 PM
Parent: #1
ق 39 المريخ يسجل هدف التعادل مستفيدا من عرضية محسنة من الملك عجب ..
|
Post: #14
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: tmbis
Date: 05-11-2008, 04:06 PM
Parent: #13
الله اكبر ..
يللا يا شبـاب .. خليكم من طلحة المسكطين وخليكم من صاحبو بتاع الصدى مزمل ابو القاسم
ويللا بنفس الهمة ندعم المريخ ..
ندعم المريخ علشان السودان ..
يلاكم يا شباب للمريخ .. وربنا ينصرو
...
يا مسكين .. اليومين دي لاقي يدك ..
انا جيت داخل حسع دي من الشغل .. حضرت لي ربع ساعة بس من الشوط التاني .. وحسع كابي موية عديل كدا ..
الليلة عتقتك .. لكن شوف ليك حبوب من الحبوب بتاعت الجماعة الامس ديك ..
يا اطلع من البوست دا خليهو لينا ..
انا مريخابي عديل الليلة شفت كيف ..؟
ساعدنا بالاخلاق وربنا ينصر المريخ .. واظهر نوع من (الحماسة) وامشي شوف ليك بوست بتاع نقاره هلالية .. وانجدلد فوقو .. زميلك مزمل داك .. عندنا معاهو كلام ..
مع المريخ والله موية ونور
يا مسكين
|
Post: #15
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: Badr Edinn Abdul Rahman
Date: 05-11-2008, 04:22 PM
Parent: #14
الأخ طلحة سلامات عوافي.... والأخوة في هذا البوست، التحية الحارة للجماهير التي حملت أرواحها في كفها وهي تقف سداً منيعاً ياوطن، وتقف قلباً وقالباً مع مريخ السودان لكي يتأهل كما تأهل صنوه هلال السودان، وقد كان فرسان المريخ عند الموعد وهم يقدمون مباراة قوية وجميلة، تضمد جراحات الوطن، وتحول الاحباط والقلق إلى فرح يتوزع على كل البيوت وكل الشرف في هذا الوطن الجميل الآمن وفوق سودانا فوق...
|
Post: #16
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: tmbis
Date: 05-11-2008, 04:32 PM
Parent: #15
زووووط اتنين العجب ...
|
Post: #17
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: Badr Edinn Abdul Rahman
Date: 05-11-2008, 04:34 PM
Parent: #16
هدفففففففففففففففففففففففففففففف عجبي ويا لعجبي يا العجب يا فنان، الآن يمكن أن نقول
العجب يدك حصون واشنطون
|
Post: #18
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: اساسي
Date: 05-11-2008, 04:37 PM
Parent: #16
تمبس الرشاشة مبروك الصعود المايل وان شاء الله منصورين لي قدام,
لكن شفت العجب دا جابها كيف وسط الزنابيب ديل ؟ ( زنابيب جمع زمبابوين )
الهدف حكته لي الرشاشة القاعدة معاي في البيت بالتلفون
مستفيد من خدماتها في سماحة الوصف وكدا
ـــــــــ
ياخي موش دكتورة بيان كان عندها بيت شعر بيقول شنو كدا ما عارف مجاملات من اكره والمجاملة اللزجة
بس الواحد لمن يقيف معاهو هلالابي بيحس بلزوجة الموقف
|
Post: #19
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: tmbis
Date: 05-11-2008, 05:05 PM
Parent: #18
Quote: الهدف حكته لي الرشاشة القاعدة معاي في البيت بالتلفون
مستفيد من خدماتها في سماحة الوصف وكدا |
.. | Quote: ما عارف مجاملات من اكره والمجاملة اللزجة بس الواحد لمن يقيف معاهو هلالابي بيحس بلزوجة الموقف |
يجوكم تكوركو .. يخلوكم تكوركوا ..
انا الايامات دي عاتقكم لي الله والرسول .. كان انت كان طلحة ..
ما عايزنكم تميلو لينا التربيزة ..
مع السودان معاكم للطيش .. لكن تجو تاخدو الراتب حقكم كاش من الجماعة بي هناك ..
ونديكم معاهو حبوب ..
حبه كل ستة ساعات ,,,
|
Post: #21
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 07:30 PM
Parent: #15
بدر العزيز
سلام كثير وشوق عظيم يا زول ..
مبروك التجاسر الهلالي في بريتوريا والظفر بالبطاقة الثمينة
ومبارك للمارد المريخي صعوده الضهاب للمرة الثانية والترقي للمرحلة التالية
ومبارك لكل الشعب السوداني هذه الإنتصارات المدوية ..
تحياتي أنفلها للأهل والأسرة وكل الأحباء .
|
Post: #20
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-11-2008, 06:21 PM
Parent: #1
هلا بقائد جحافل المساكين كبير الكايسين عن قريعة رايحة ليها سبعين سنة تزيد ولا تنقص الرشاشة تامبا ..
ياخ برغم مزاحمتك لي في البوستات اياها وإدعاءك السمج بأنك صانع (افراح) و(رمز) الفن الرقيق وفي فيديوهاتك (العافية) الغنائية .. برغم كل هذه المداقرة والمصاقرة والإحتكارية والأنا ( نية) لكنك أحيانا تمارس بعض التواضع النبيل وتنزل إلى حيث الحميمية الكروية علي نحو تضامنك اعلاه مع سيد اسياد البلاد ومفرح العباد ومطرب الربا والوهاد وتمنياتك الحنينة و(إن كانت من خلف قناع) له بالفوز المتوقع والأكيد .
لهذا كله تجدني أيها المسكين بجدارة ابادلك ذات المشاعر وأدعو لهلالك المحلي (غصبا عني وعنك ) بالتفوق والترقي والعودة من جنوب أفريقيا بالبطاقة الثمينة .
وبعد ..
وبما ان المارد المريخي الذي تفرون منه وتجبنون أمامه ملاقيكم حتما فشيلوا شيلتكم وأكربوا بطونكم والسلام ..
|
Post: #22
Title: Re: مباراة المريخ منقولة علي كل القنوات والدخول مجانا .. عزيز أنت يا مريخ رغم قساوة المحن .
Author: طلحة عبدالله
Date: 05-12-2008, 08:34 AM
Parent: #1
عودة ..
|
|