د.خليل خارجني بلا زعل ...!!

غايتو علي الحالة الشايفنها دي ..لو صدق المعتقلين وثبت انو خليل جاء معاااهم ..من هنا لي الساعة عشرة صباحا خليل الايغني خارجني بلا شكل زي ماقال المقنع الظهر علي تلفزيون السودان قبل شوية ..قال جينا نشاكل الحكومة السودانية ...شفع ومساطيل ياخليل جاي تدخل بيهم القصر الجمهوري ... اها القوي السياسية ادانتك ..كلهم سلفاكير والصادق المهدي والاحزاب التانية ...المجتمع الدولي (سكت ) لكن لي متين ...بكره بتكلموا ...تشاد ... خلاص بقيت كرت محروق ..بجهزوا في بيان ادانه عشان مايلقوا روحهم في ورطة ...صحيح دعموا ..وناوشوا علي الحدود..وركبوك التونسية ..اقصد التشادية ...لكن في النهاية الموضوع ماجاب همه ...شفعك ياجثث ..يامعتقلين ...الحصاد مر
من الصعب ان تقنع ايا من الذين شاهدوا عرباتك الفارهة تجوب الاحياء عن عدالة بعد الان
قلت لي مساواة ...ياها دي ...

معتمد ام درمان قال لو لقيتو زول تعبان وعايز موية واكل ...بلغوا عنو يكون من الجماعة
عموما (التمشيط ) شغال الان في امدرمان ...في خمسين قبضوهم
اطمئنوا خليل مافيهم ....
لسه