Post: #1
Title: بعد احداث امدرمان ... كم لم يستطيعوا الوصول الى اسرهم مثلى
Author: دوت مجاك
Date: 05-10-2008, 09:23 PM
يوم باين من اوله
يوم مجهجه
كلو مجهجه
وكلو جهجه كلو
يوم السبت لا اخرج الا للشديد القوى
ولاجتماع مفاجئ قررت الخروج
ولمواعيد السودانيين والكلام الخارم بارم والتنظير
انفض الاجتماع قرابة الساعة الثانية والنصف
والمجاملات مكثنا قبلنا
ثم
قامت
وهاجت العاصمة
واطلاق نار
وتلفونات من الاهل
مستفسرة
يا زول انت وين
امرق من عندك سريع تعال البيت
والشبكة معطلة
وهاك يا دوير عربات
وعند حضورنا لمدخل امدرمان
تم منعنا من العبور
الساعة 5 مساء تماما
ممنوع
ارجع
اقيف
بطاقتك
افتح الضهرية
شغال وين
جاى من وين
ماشى وين
فى النهاية
ارجع
لكن انا ساكن امدرمان
لكن التحميرة
كافية ان تعود ادراجك
ومحاولات اخرى باتت كلها بالفشل
جهجهنا اهلنا
واتجهجهنا برضو
فى النهاية
بعد خروج الروح
ان اطمئن على الاسرة واخبرهم بانى لا استطيع الحضور
للمنزل
وذهبت لازور احد الاقارب الذين يسكنون الخرطوم مجبرا رغم انى لم ازورهم لقرابة العام
فكم مثلى اليوم لم يستطيع الوصول الى اسرهم
وكم لا يملك وسيلة اتصال حتى يخبرهم فقط انه بخير
وينام مطمئن البال
|
Post: #2
Title: Re: بعد احداث امدرمان ... كم لم يستطيعوا الوصول الى اسرهم مثلى
Author: انعام عبد الحفيظ
Date: 05-10-2008, 10:35 PM
Parent: #1
دوت مجاك
الحمد لله انك كويس والحمد لله انك قدرت تطمن أهلك
غايتو انا عندي بت أخوي طفلة عمرها 7 سنوات
مشت مع أمها امدرمان الثورة في زيارة عائلية صباح اليوم
ومفروض كان امشي ليهم العصر عشان يرجعوا معاي للخرطوم
وبفعل الأحداث لم أستطيع الذهاب اليهم
وعندما تمكنت من الإتصال عليهم (بعد ملاواة مع الشبكة)
عرفت أنهم يسمعون أصوات ضرب الرصاص قريبة منهم
وهم في حالة فزع شديد والطفلة تبكي بصورة هستيرية
بعد ان سمعت ممن هم حولها بأخبار الأحداث
وتسأل عن والدها وأخيها الصغير الذي كان معنا بالخرطوم
وبتقول لأمها (يا ماما انا ماعايزة أموت وما عايزة بابا يموت وما عايزاكم كلكم تموتوا)
شوف كمية الفزع والرعب الدخل في نفس هذه الطفلة جراء هذه الأحداث!!!!!!!!!
وظللت أتصل بها كلما وجدت فرصة مع الشبكة السيئة حتى هدأت ونامت
وقبل قليل صحت من نومها مفزوعة وظلت تصرخ بصورة هستيرية
حتى قامت والدتها بتهدئتها مرة أخرى!!!
لك الله يا بلد وربنا يطمن الجميع على أسرهم
|
Post: #3
Title: Re: بعد احداث امدرمان ... كم لم يستطيعوا الوصول الى اسرهم مثلى
Author: الملك
Date: 05-10-2008, 10:43 PM
Parent: #1
دوت
..
حمد لله على سلامتك واقعد فى محلك لحدى ما تصبح
,,!!
"انا والدتى مقطوعة فى الصحافة
واخوانى الصغار فى الطائف
وانا فى الحاج يوسف"
"عايشين على اعصابنا بالرغم من عدم وجود معارك فى الخرطوم وبحرى"
ربك يستر ويلطف بعباده
|
Post: #4
Title: Re: بعد احداث امدرمان ... كم لم يستطيعوا الوصول الى اسرهم مثلى
Author: انعام حيمورة
Date: 05-10-2008, 10:44 PM
Parent: #1
دوت يا صديقي
حمد لله على السلامة ...
بالفعل الكل في جهجهة ..
ربنا يجيب العواقب سليمة يارب
|
Post: #5
Title: Re: بعد احداث امدرمان ... كم لم يستطيعوا الوصول الى اسرهم مثلى
Author: دوت مجاك
Date: 05-11-2008, 07:21 AM
Parent: #1
الاخت انعام حيمورة
الاخ الملك
شكرا لمروركم الكريم
غايتو الخرطوم امنة
بس امدرمان كعبة
اتمنى بس يكون الكلام البنسمعه كضب
بس بقولوا فى ضحايا بين المواطنين
والحكومة تقول لا
|
Post: #6
Title: Re: بعد احداث امدرمان ... كم لم يستطيعوا الوصول الى اسرهم مثلى
Author: Safia Mohamed
Date: 05-11-2008, 09:14 AM
Parent: #1
دوت ازيك
انا برضو مقطوووعة
ما بين العمارات والديم
وما زال حظر التجوال وممنوع تحرك العربات بين الكباري
ربنا يستر
|
Post: #7
Title: Re: بعد احداث امدرمان ... كم لم يستطيعوا الوصول الى اسرهم مثلى
Author: محمد الطيب حسن
Date: 05-11-2008, 10:15 AM
Parent: #6
التحيه لكل من مر من هنا
ابتداء من العزيز دوت
وصولا الي
دكتورتنا صفيه
والله ياجماعه قلوبنا معاكم
شده وتزول
والله الواحد بزعل لمن يسمع كلامكم ده زي التقول بتربطنا صله قرابه
ربنا يسلمكم من كل شر ويجعل بلدنا هادئه ومستقره
وينعم فيها الكل بالامن والاستقرار
|
|