دندونيات......

وليه دندونيات؟؟

لأنو دندونة كانت شهيرة بالانفصام..

إذن فهذا البوست بوست منفصم.. لا رابط بين مواضيعه.. واصلا ما فكرت في موضوع ليو لسه..

وأي زول يجي ينظر لي في اهدار الما تعرف ايه وبوستات اللا موضوع حاقول ليو

مش شغلك

فرحة الدنيا وجمالا
لما تحضني بحنينا
وتشفي من جواي انينا
وتفرح القلب الحزين
واحلى حاجة
لما بحر الحب يمد
ونلقى طعم امواجو شهد
قلب صافي
وحضن دافي
وكون حنين
وبس خلاص
دايرة اكتب بالرصاص
دايرة البس دون قياس
دايرة ارسم او الون
الشجر داك لونو وردي
والسما الفوق ياااخي اخدر
والبحر احساسو ابيض
والطيور
واحدة اصفر وواحدة احمر
ودايرة العب بالتراب
وابني بيهو بيوت كتيرة
للحبايب والصحاب
شكل واحد ومافي باب
وامرق ادخل دون حساب
ودايرة انوم
وارقد احلم بالغيوم
او تغازلني النجوم
المهم
بس دون هموم
ووكت اقوم
دايرة اسمع لي اغاني
لحن سااااي بدون معاني
او انطط لو ثواني
ودايرة ابكي
ودايرة اضحك
والدموع زي الحلاوة
اشكال كتييييرة وطعم سكر
ودايرة اصغر
شان اسرح شعرتين
او اشخبت مرتين
مرة اكتب
ومرة امسح
والا احرد ياخي تاني
وارجع ارضى في ثانيتين

سمحة العافية
سمحة النية الطيبة الصافية
سمحة الضحكة الحلوة الدافية
وسمح الصاحب..
سمح الليك بمد الايد
وسمح الايدو تكسر القيد
وسمح الريد..
لمن ريدنا يكون خوتنا
ولما يكون الهوا نسمتنا
ولمن صادقة تكون بسمتنا
ولمن واحدة تكون كلمتنا
ولما نكون..
ما بيهمنا شيتن فات
ولا بنتضارى ورا الكلمات
ولا بننبش في الزول المات
نكون راضعين لبن الامات
جبالا راكزة اساس وثبات
ما بنتسدر يوم للفارغة
ولا للكلمة الداخلة ومارقة
وجد ما فارقة
وسمحة الشمس الحلوة الشارقة
وسمح البقلب نضمو سكات

مبدئيا كدا ...
تسلمي ام دينا


لحدي ما اجي اشوف قصة

Quote: مش شغلك

دي شنو كمان

Quote: ابو حتوت مدرج العاطلات

هييييييييييع قاليك

Quote: لحدي ما اجي اشوف قصة دي شنو كمان

مش شغلك

#####

####

Quote: ####

ساعدونا بالألفاظ يا جماعة

رشا
مساء الخير

Quote: وأي زول يجي ينظر لي في اهدار الما تعرف ايه وبوستات اللا موضوع حاقول ليو مش شغلك

خلاص سكتنا





بس برّاحة على الباندويدث

أنـا في البـعـيـد مُـشـتـاق لهـمـسـة من الوطن يا نـسـمـة

Quote: وسمح البقلب نضمو سكات

سكتنا ..

Quote: سكتنا ..

سمح










انت وبسكويت

Quote: خلاص سكتنا بس برّاحة على الباندويدث

الباندويث كان بقى علي يا لؤي الحبة ما بتجيو

ــــــــ

Quote: الصحاب

رشا إزيك ..
بجيك راجع ..
حلو مانثرتيه....!

Quote: رشا إزيك .. بجيك راجع .. حلو مانثرتيه....!

وحلو ذوقك يا عماد

(نلقى طعم امواجو شهد
قلب صافي
وحضن دافي
وكون حنين
وبس خلاص
دايرة اكتب بالرصاص
دايرة البس دون قياس
دايرة ارسم او الون
الشجر داك لونو وردي
والسما الفوق ياااخي اخدر
والبحر احساسو ابيض )


الأخت رشا
سلام على روحك الطيبة

قرأنا هذا النظم الجميل المليء بالمشاعر الوجدانية التب تنم عن شاعرية يقظة ومتألقة ..شفافيتك وأناقة المفردات ك. فهذه الملَلَكة هي بالضبط ،المسافة ما بين الشوق والشوق..وما بين الصبر...والهوى!.. أشكرك على العطاء الأنيق

Quote: المسافة ما بين الشوق والشوق..وما بين الصبر...والهوى!..

هي كالمسافة ما بين الشمس والارض.. بعيدة بمقاييس البعد..
ولا وجود لها بمقاييس الضوء!!


ولمرورك طعم الشروق..

any time, any where

Quote: واحلى حاجة لما بحر الحب يمد ونلقى طعم امواجو شهد قلب صافي وحضن دافي وكون حنين

وبس خلاص..!!

Quote: وبس خلاص..!!

احلى حاجة

كلما اكحلتُ منك المقلتين..

زادت الافراح فيني مرتين..

مرةً عند محياك.. واخرى..

عندما ادركت أن الكون فيه قمرين

في تلك الغرفة المظلمة تعالت اصوات الخفقات...
كانت اشبه بطبول تعلن حربا على الزمان والمكان... تحفز الجميع لاستقبال سيل الجيوش العارم الذي اعلنت قدومه تلك الخفقات الغاضبة..
تدفقت الدماء عبر الشرايين بقوة واقتحمت دهاليز القلب... غزته غرفة تلو الاخرى... ظلت الشرايين تتقلص وتتمدد كي تستطيع احتواء سيل الدماء الغاضبة... وحينها تساءلت: ترى لماذا تعبر الدماء عن كل مشاعرها بالتدفق؟ ولماذا تزداد تلك الخفقات المزعجة عند الاحساس بالالم او الغضب او الفرح؟؟!! كيف نميز بين خفقات اللهفة والشوق وخفقات الغضب او الخوف؟؟؟ نحن نستقبل الدماء المدفوعة بتلك الخفقات دون ان نعلم ما تحمله لنا... لنفاجأ بموجات الغضب او الخوف القاتلة!!!...
وهنا قررت الشرايين الا تستقبل الدماء الغاضبة او الخائفة بعد اليوم... وكي تتاكد من خلوها من فيروسات الغضب والخوف القاتلة قررت ان تضع جاسوسا عند باب القلب... فلا يكاد يستقبل المشاعر حتى يعلمها الجاسوس فيسارع باخبار الشرايين لتحتاط قبل وصول الدماء.. وقبل حتى ان يبدأ القلب بالخفقان....