Post: #1
Title: عندي اختراع في راسي دا داير لي ناس بيفهموا
Author: اساسي
Date: 05-09-2008, 03:36 PM
اختراع يفيد البشرية , اصلا الزول في دنيته الزايلة دي ما عمل ليهو حاجة تقابله قدام غير شيل وش القباحة فاخوكم محتاج ليهو لي نقاطة تكفر ليهو زنوبه بعد ما يعزف لحن الختام بتاع اخوكم , اها اخوكم اساسي اصلا زول بتاع حسابات ودائن ومدين وموازنات وميزانيات ما عنده علاقة بالهندسة ولا الطب ولا الطبيخ , لكن عندي فكرة جاتني ليك مرة كدا في مناقشة مع اصحابي في السودان في الثانوي العالي , اها الفكرة دي ما تزال كل مرة تنتح علي نافوخي وتقول لي ما خلاص يا اساسي وقت حاجتي جا يلا قوم كدا واخترعني . وحات الله الكلام دا بالجد
اها ندخل في المفيد , الفكرة هي شنو .؟
الفكرة انه اعمل مولد كهربائي يخرج للناس طاقة كهربائية يمكن استخدامها في كل المجالات بدون استخدام مواد محروقة تلوث البئية وكدا
فكرتي شنو ؟ طبعا لو اتعملت الفكرة دي وما اظنها نافعة ما داير حقوق اختراع ولا ملكية بس داير الاجر
الفكرة يا اخوانا المهندسين قبل ما اقولها نبدأ نفكر في المولد الكهربائي بيولد كهرباء كيف
المولد بيحتاج لي حاجة تلفو زي المروحة ويقوم يطلع بي هناك كهرباء دي الفكرة العامة والبسيطة
الحاجة البتلفو دي ممكن تكون توربينات في خزانات مياه ممكن تكون طواحين هواء تلف وتولد كهرباء ممكن تكون زي الجنريترات بالمواد المحروقة تلف والمولد يحول الحركة دي لي طاقة يعني انحنا ما عندنا مشكلة في المولد لكن عندنا مشكلة في الحركة المحتاج ليها المولد عشان يلف ويطلع الكهرباء
اها انا فكرتي شنو
فكرتي بتقول انه الكهرباء البتطلع من المولد دا تلف وتجيهو راجعة وتشغلوا هو زاتو يعني منه وليهو
دايرة شرح كتير صاح
طيب اشرحها ليكم
اول حاجة نجيب مولد كهربائي صغير وتاني بطارية كبيرة تدينا الاستارت الاول او الدفرة الاولي
اها لما البطارية دي تشغل المولد بيقوم يطلع كهرباء نقوم نشيل واحدة من الخطوط دي ونرجعها ليهو هو زاتو يشتغل بيها
مشكلتي هي التزامن
التزامن بين خروج الكهرباء من المولد ورجوعها ليهو ودي مفروض البطارية الشغلنا بيها المولد في الاول تحل الاشكال دا
لو ما حلتو يبقي دي مشكلتها ومشكلة المهندسين واكون انا عملت العلي
غايتو يا الاخوة المختصين فكروا فيها وانا قاعد لو دايرين تشاورني
|
Post: #2
Title: Re: عندي اختراع في راسي دا داير لي ناس بيفهموا
Author: محمد البشرى الخضر
Date: 05-09-2008, 03:45 PM
Parent: #1
يا معلم إنت جادي نشرح ليك الفكرة ولا حركات عرب ساي
|
Post: #3
Title: Re: عندي اختراع في راسي دا داير لي ناس بيفهموا
Author: اساسي
Date: 05-09-2008, 03:46 PM
Parent: #2
لا وحات الله جادي لما فايت التوربينات زاتو
|
Post: #4
Title: Re: عندي اختراع في راسي دا داير لي ناس بيفهموا
Author: حيدر حسن ميرغني
Date: 05-09-2008, 03:55 PM
Parent: #3
ده راس كبير يا اساسي
حقوق الملكية محفوظة
|
Post: #7
Title: Re: عندي اختراع في راسي دا داير لي ناس بيفهموا
Author: محمد عثمان الحاج
Date: 05-09-2008, 04:06 PM
Parent: #3
تحياتي
للأسف لا يمكن تطبيق هذه الفكرة لآنها تخالف القانون الثاني لحركيات الحرارة "الثيرموديناميك" والذي يقول بأنه لا يوجد ألة كفاءتها 100% وبالتالي فهناك فقد للطاقة عن طريق الاحتكاك في محامل المولد والمحرك الكهربائي وهناك فقد آخر نتيجة للمقاومة الكهربائية في الأسلاك وبالتالي فسوف يقل مجموع الطاقة في هذه المنظومة بسبب الفقد إلى أن يتم استهلاك كل الطاقة ومن ثم سوف تتوقف بعد مدة. وجميع الآلات من هذا النوع تسمى بالآلات أبدية الحركة [perpetual motion machines , وتعتبر جميعا غير ممكنة ومكتب تسجيل براءات الاختراع الأمريكي يرفض فورا تسجيل أي اختراع يدعي توليد طاقة من لاشئ.
بعدين ياخي ارتفاع أسعار النفط ده كويس معاكم يعني دعوة سيدنا ابراهيم دي تروح ساكت كده؟
مع ذلك فهناك آلات أخرى تعتمد على نظرية طاقة نقطة الصفر ZERO POINT ENERGY تقوم بامتصاص الطاقة من الفراغ دون مخالفة القانون الثاني للثرموديناميك تبشر بقرب نهاية عصر النفط والتلوث خاصة أنها تتضمن أيضا إمكانية مقاومة الجاذبية الأرضية، ويقول مروجوا نظريات المؤامرة أن هناك قوى معينة تمنع وصول هذه الاخترارعات للجمهور لأنها ستؤدي لمجانية الطاقة مما سيؤدي لانهيار توازن القوى العالمي وانهيار عملات الدول الكبرى.
|
Post: #32
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 08:54 AM
Parent: #7
Quote: للأسف لا يمكن تطبيق هذه الفكرة لآنها تخالف القانون الثاني لحركيات الحرارة "الثيرموديناميك" والذي يقول بأنه لا يوجد ألة كفاءتها 100% وبالتالي فهناك فقد للطاقة عن طريق الاحتكاك في محامل المولد والمحرك الكهربائي وهناك فقد آخر نتيجة للمقاومة الكهربائية في الأسلاك وبالتالي فسوف يقل مجموع الطاقة في هذه المنظومة بسبب الفقد إلى أن يتم استهلاك كل الطاقة ومن ثم سوف تتوقف بعد مدة. وجميع الآلات من هذا النوع تسمى بالآلات أبدية الحركة [perpetual motion machines , وتعتبر جميعا غير ممكنة ومكتب تسجيل براءات الاختراع الأمريكي يرفض فورا تسجيل أي اختراع يدعي توليد طاقة من لاشئ.
|
والله يا محمد عثمان دي طبعا الفكرة في الموضوع كله لو دققت شوية حتلقاني انا دخلت في النص بطارية ولو شفت الرسمة حتلقي انه السلك الطالع من المولد ما داخل المولد مباشرة بل حيدخل اول حاجة البطارية يعمل ليها شحن عشان تحافظ علي نسبة الكهرباء الموجودة فيها والكهرباء البتطلع من البطارية هي البتشغل المولد ودي مشكلة التزامن الانا ذكرتها فوق ديك زاتها ذي ما قال الزول قصة المقنيتة حقت العربية لو ناقشها
ركز في الموضوع تاني وخليني من المصطلحات والقوالب الجاهزة الغاشنا بيها الخواجات ديل
انحنا نسجل اختراعنا في فضاءاتنا دي
|
Post: #5
Title: Re: عندي اختراع في راسي دا داير لي ناس بيفهموا
Author: بشير أحمد
Date: 05-09-2008, 03:57 PM
Parent: #1
أساسي الاساسي
تحياتي ؛؛؛
انت عارف الفكرة دي زمان يمكن جربتها وانا في الثانوي
بس ما ظبطت معاي لانك مجرد ما تسحب سلك الطاقة من الموتور المحرك للدينمو الحركة تتناقص وبالتالي تقل كمية الكهرباء الناتجة وبالتالي يقل عزم الموتور
يمكن ناس الهندسة الكهربائية يعطونا حل
بس بالمقابل لو نجحت الفكرة كمية الكهرباء الطالعة يستهلكها الموتور
يعني من دقنو وافتلو
ومتابع معاك ونشوف ناس الاختساس
|
Post: #6
Title: Re: عندي اختراع في راسي دا داير لي ناس بيفهموا
Author: اساسي
Date: 05-09-2008, 04:05 PM
Parent: #5
|
Post: #9
Title: Re: عندي اختراع في راسي دا داير لي ناس بيفهموا
Author: اساسي
Date: 05-09-2008, 04:08 PM
Parent: #6
Quote: ده راس كبير يا اساسي
حقوق الملكية محفوظة |
والله يا حيدر راس كبير لمن عندي مشكلة في النضارات
|
Post: #10
Title: Re: عندي اختراع في راسي دا داير لي ناس بيفهموا
Author: اساسي
Date: 05-09-2008, 04:11 PM
Parent: #5
Quote: لانك مجرد ما تسحب سلك الطاقة من الموتور المحرك للدينمو الحركة تتناقص وبالتالي تقل كمية الكهرباء الناتجة وبالتالي يقل عزم الموتور
يمكن ناس الهندسة الكهربائية يعطونا حل
بس بالمقابل لو نجحت الفكرة كمية الكهرباء الطالعة يستهلكها الموتور
|
ما عشان كدا جبنا البطارية دي عشان تحافظ لينا علي عزم ثابت
لكن دي المشكلة الحقيقية الدايرة اختراع
لو نجحت الفكرة اكيد حتتطور
اي حاجة في الدنيا دي بدأت صغيرة وفي النهاية اتطورت
ياخي عمك ابن فرناس طاربيها ريش اسع بقت فيها جامبو وعابرات قارات وصواريخ تمشي القمر واخري تتشرشح في الفضاء
|
Post: #8
Title: Re: عندي اختراع في راسي دا داير لي ناس بيفهموا
Author: كمال ادريس
Date: 05-09-2008, 04:07 PM
Parent: #1
هذه الفكرة من ناحية العرف الصحفي تدخل ضمن الصحافة الصفرا.... لان الموتور حايطرشق ...بس ده.
|
Post: #11
Title: Re: عندي اختراع في راسي دا داير لي ناس بيفهموا
Author: اساسي
Date: 05-09-2008, 04:12 PM
Parent: #8
| Quote: هذه الفكرة من ناحية العرف الصحفي تدخل ضمن الصحافة الصفرا.... لان الموتور حايطرشق ...بس ده. |
ما عشان كدا قلت داير ناس بيفهموا في الحديد ما حقين حروف وكلام جرايد
المولد ما عنده علاقة بالكهرباء الداخلة المحرك يا عمك
لف عمتك وتعال لي راجع
|
Post: #12
Title: من دقنو و افتلو
Author: Waeil Elsayid Awad
Date: 05-09-2008, 04:34 PM
Parent: #1
اخونا اساسى
النظرية دى درسونا ليها فى سنة خامسة هندسة:نظرية فرداى الخرتمية:من دقنو و افتلو
بس محتاجين نقلتى (اسكافى ) عشان نطبقها
|
Post: #14
Title: Re: من دقنو و افتلو
Author: اساسي
Date: 05-09-2008, 05:20 PM
Parent: #12
Quote: لنظرية دى درسونا ليها فى سنة خامسة هندسة:نظرية فرداى الخرتمية:من دقنو و افتلو
بس محتاجين نقلتى (اسكافى ) عشان نطبقها |
نظرية فرداي بتاعة الساعة كم
دي نظريتي انا يا عمك
نظرية فرداي ديك يا الحبيب في عمل المولد زاتو مغنطيس وما ادراك ما ملفات سلوك وحنك كتير
انحنا برة المولد الكهربائي كلامنا دا كلو
|
Post: #13
Title: Re: عندي اختراع في راسي دا داير لي ناس بيفهموا
Author: الزوول
Date: 05-09-2008, 05:12 PM
Parent: #1
السلام عليكم
اساسي الأساسي
يا عمك والله انا شخصياً ما وصلت لمرحلتك دي
بس كانت عاجباني فكرة بطارية العربية البتشغل الماقنيتا
والماقنيتا البتشحن البطارية
وشكلها عندها صلة بفكرتك دي
.............................
وما الناس إلا هالك وأبن هالك *** وذو نسب في الهالكين عريق
|
Post: #15
Title: Re: عندي اختراع في راسي دا داير لي ناس بيفهموا
Author: اساسي
Date: 05-09-2008, 05:22 PM
Parent: #13
الزول وين الحي بيك ياخي غيبة طويلة
المهم
تعرف الفكرة جاية من قصة المقنيتة والبطارية والسك سك الحاصل بينهم
بس المقنيتة معتمدة علي لف العجلات البتلف بي المحرك بتاع العربية المعتمد علي البنزين والجاز
انحنا دايرين نغزي المقنيتة دي بي المحرك البيشتغل بي كهرباء المغنيتة زاتها
شفت كيف انحنا شفوت
|
Post: #16
Title: Re: عندي اختراع في راسي دا داير لي ناس بيفهموا
Author: osman righeem
Date: 05-09-2008, 09:09 PM
Parent: #1
اساسي
تحياتي
واحد مهندس كهربائي ( ش م )* طرحته عليهو فكرتك
ما فكر كتير قالي :
سمعت بي حكاية البقره البترضع نفسها !!!!!!!!!!!!!!!!!
و بس ............... و قلب الصفحه.
* ش م ( شايقي مسيخ )
|
Post: #33
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 08:58 AM
Parent: #16
Quote: اساسي
تحياتي
واحد مهندس كهربائي ( ش م )* طرحته عليهو فكرتك
ما فكر كتير قالي :
سمعت بي حكاية البقره البترضع نفسها !!!!!!!!!!!!!!!!!
و بس ............... و قلب الصفحه.
|
وانت قايل جنا الدابي وجنا الشايقي ديك قالوها في منو ما جنس صاحبك دا زاتو
قوليهو فكرة اخونا دا بالطريقة التالية حاشرحها ليك بالبقر عشان يفهمها
انه يحلبو البقرة وبعد داك يعلموا جبنة وزبادي ويدوهو للبقرة بالمعلقة
اكيد بتجيب حليب تاني
|
Post: #17
Title: Re: عندي اختراع في راسي دا داير لي ناس بيفهموا
Author: ناهد بشير الطيب
Date: 05-09-2008, 09:25 PM
Parent: #1
Quote: فكرتي بتقول انه الكهرباء البتطلع من المولد دا تلف وتجيهو راجعة وتشغلوا هو زاتو يعني منه وليهو
دايرة شرح كتير صاح
|
اساسى اخوى...والله فت اديسون زاتو بهناك .....
قول الاخوان ...ماقصروا معاك وعرفت الشغلانيه البتطلع الكهرباء وتلف وتجيه راجعه
وتشغلوا هو زاتو ...وقول عملتها ...وظبطت ......ناوى تعمل لينا شنو ...شبكات توزيع
ولا كل زول تانى يشيل كهربتوا معاه محل ماماشى ....وحيكون دفعها كيف مقدم ؟
يااساسى الشغلانية دى بتكسبك دهب ابقى عليها ....
كل التقدير للموضوع الظريف ده
|
Post: #34
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:02 AM
Parent: #17
Quote: وقول عملتها ...وظبطت ......ناوى تعمل لينا شنو ...شبكات توزيع
ولا كل زول تانى يشيل كهربتوا معاه محل ماماشى . |
تعرفي يا استاذة ناهد مسالة الثروة والسلطة دي للان ما فكرت فيها
لكن ليك علي اخيلك المستشارة المالية والمروجة للمشروع والراعي الرسمي زاتو لو المشروع نجح
انا خايف القروش البتطلع لي منه ابني لي بيت بيها واقعد قدامه واديهو ضهري زي ما بيحصل في البوستات التانية
|
Post: #18
Title: Re: عندي اختراع في راسي دا داير لي ناس بيفهموا
Author: منزول محمد توفيق
Date: 05-10-2008, 00:44 AM
Parent: #1
أساسي
سلام وتحيات وكده
الفكرة جميلة والنتيجة واضحة عندك وكمان وضحوها بعض الاخوان هنا
لكن الظاهر انت ما قاعد تنوم كويس عشان كده ما قادر تقتنع
بعدين شراب الحرجل المر ده خفف منو الظاهر اثر على عقليتك
الخوف يقوم يسوي ليك قرحة
| Quote: اصلا الزول في دنيته الزايلة دي ما عمل ليهو حاجة تقابله قدام غير شيل وش القباحة فاخوكم محتاج ليهو لي نقاطة تكفر ليهو زنوبه بعد ما يعزف لحن الختام بتاع اخوكم , |
وعشان تحقق آمالك دي رسل لي البتقدر عليهو شهريا واعتبرها صدقة جارية
والله حاأدعليك
وحأرجع ليك بخصوص موضوع المولد
والكلام الفني
|
Post: #19
Title: Re: عندي اختراع في راسي دا داير لي ناس بيفهموا
Author: amin siddig
Date: 05-10-2008, 01:58 AM
Parent: #18
بالغت
أول شيئ ما سمعت بي قانون بقاء الطاقة ...
حتى لو إفترضنا الكفاءة 100% و مافي أي تبدد للطاقة في دايرتك الكهرباية بتاعة ( منو و ليهو ) دي حتكون كمية الطاقة المنتجة نفس الكمية الكافية لتشغيل المحرك ... يعني سلكك المارق بره ده مافي ليهو طريقة ..
ولا إستمتع بي صوت محركك يخبو تدريجياً حتى يبطل
ياخي خليتنا نصحي الناس النايمين بالضحك في الكتابة المرفقة مع الرسم التوضيحي
|
Post: #36
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:06 AM
Parent: #19
| Quote: أول شيئ ما سمعت بي قانون بقاء الطاقة ... |
سمعت بيهو يا امين وعشان سمعت بيهو اقترحت انه يكون في بطارية تحافظ علي نسبة الكهرباء المغزية ويتم تغزيتها من المولد نفسه
| Quote: ياخي خليتنا نصحي الناس النايمين بالضحك في الكتابة المرفقة مع الرسم التوضيحي |
يعني داير تقول ما شفت كاريكتيرات قبل كدا؟
|
Post: #35
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:03 AM
Parent: #18
Quote: وعشان تحقق آمالك دي رسل لي البتقدر عليهو شهريا واعتبرها صدقة جارية
والله حاأدعليك |
هو انا لو عندي قروش كان فكرت في جنس المصايب دي
ادعي ليك بالدين ونتحاسب قدام
|
Post: #20
Title: Re: عندي اختراع في راسي دا داير لي ناس بيفهموا
Author: AMNA MUKHTAR
Date: 05-10-2008, 02:31 AM
Parent: #1
مخ اساسى اتلحس يا جدعان 
|
Post: #21
Title: Re: عندي اختراع في راسي دا داير لي ناس بيفهموا
Author: سيف النصر محي الدين محمد أحمد
Date: 05-10-2008, 03:14 AM
Parent: #20
Quote: تحياتي
للأسف لا يمكن تطبيق هذه الفكرة لآنها تخالف القانون الثاني لحركيات الحرارة "الثيرموديناميك" والذي يقول بأنه لا يوجد ألة كفاءتها 100% وبالتالي فهناك فقد للطاقة عن طريق الاحتكاك في محامل المولد والمحرك الكهربائي وهناك فقد آخر نتيجة للمقاومة الكهربائية في الأسلاك وبالتالي فسوف يقل مجموع الطاقة في هذه المنظومة بسبب الفقد إلى أن يتم استهلاك كل الطاقة ومن ثم سوف تتوقف بعد مدة. وجميع الآلات من هذا النوع تسمى بالآلات أبدية الحركة [perpetual motion machines , وتعتبر جميعا غير ممكنة ومكتب تسجيل براءات الاختراع الأمريكي يرفض فورا تسجيل أي اختراع يدعي توليد طاقة من لاشئ. |
محمد عثمان الحاج.
|
Post: #22
Title: Re: عندي اختراع في راسي دا داير لي ناس بيفهموا
Author: abuguta
Date: 05-10-2008, 07:16 AM
Parent: #21
انا ممكن اساعدك
واطور الفكرة,,,لكن حقى من الاختراع كم,,,
|
Post: #39
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:12 AM
Parent: #22
Quote: انا ممكن اساعدك
واطور الفكرة,,,لكن حقى من الاختراع كم,,, |
لمن نبقي علي اختراع الكمبيوتر البشتغل مع التلاجة حنرجع ليك يا ابو قوتة
اسع دا ما تخصصك
|
Post: #23
Title: Re: عندي اختراع في راسي دا داير لي ناس بيفهموا
Author: ابوحراز
Date: 05-10-2008, 07:22 AM
Parent: #21
انت الليلة شارب ليك موية بطارية وللا شنو ؟؟؟
الواحد يهابش من هنا وهنا لحد مايحرق ليهو بيت
ثلاثة اشياء لاتتحمل الهزار
عبد الرحيم محمد حسين
والمراة الحامل
والكهرباء !!!!!
مش قلت ليك صديقي عامل فيها كهربائ اول ماحضر السعودية
وهو المفتاح بتاع الكهرباء ماشاف شكلو كيف
وعايش في قرية في أهل العوض جاتم الكهرباء قبل سنتين
وكانوا عايزين يطيروا من الفرح
أها اول الأيام لمن يجيهم ضيوف يقولوا ليهم { تشربوا شاي ياجماعة وللا نشغل ليكم المروحة !!!
زولنا جاهو سعودي وقال عاوز يركب { عقد زينة } عشان الزواج
صاحبنا ماصدق طوالي اتفاصح وقال حا يعمل العقد
وقام السعودي اشترى ثلاثة لفات اسلاك
واربعة كراتين لمبات
وصاحبنا بدأ في التوصيل
وصل ليهو 250 لمبة في سلك واحد
اها كلنا عشان نفتتح المشروع قمنا قلنا { الله أكبر } بصوت واحد
زمن الله أكبر كان ليها شنة ورنة
اها المهندس المخترح اب راساً ماكن هو من قام بالتشغيل والتجربة
قومي يا اللمبات اتحرقي من اللمبة الأولى لحد اللمبة 250
عليك أمان الله زولك الا مشى اشترى لمبات واسلاك مرة تانية
وجبنا كهربائ نجيض وقام باللازم
تجربتك دي انصحك تكون برة البيت
عشان ماتحرق الملايات !!!
قال ناس يفهموا قال !!!
|
Post: #40
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:15 AM
Parent: #23
Quote: نت الليلة شارب ليك موية بطارية وللا شنو ؟؟؟
الواحد يهابش من هنا وهنا لحد مايحرق ليهو بيت
ثلاثة اشياء لاتتحمل الهزار
عبد الرحيم محمد حسين
والمراة الحامل
والكهرباء !!!!!
مش قلت ليك صديقي عامل فيها كهربائ اول ماحضر السعودية
وهو المفتاح بتاع الكهرباء ماشاف شكلو كيف
وعايش في قرية في أهل العوض جاتم الكهرباء قبل سنتين
وكانوا عايزين يطيروا من الفرح
أها اول الأيام لمن يجيهم ضيوف يقولوا ليهم { تشربوا شاي ياجماعة وللا نشغل ليكم المروحة !!!
زولنا جاهو سعودي وقال عاوز يركب { عقد زينة } عشان الزواج
صاحبنا ماصدق طوالي اتفاصح وقال حا يعمل العقد
وقام السعودي اشترى ثلاثة لفات اسلاك
واربعة كراتين لمبات
وصاحبنا بدأ في التوصيل
وصل ليهو 250 لمبة في سلك واحد
اها كلنا عشان نفتتح المشروع قمنا قلنا { الله أكبر } بصوت واحد
زمن الله أكبر كان ليها شنة ورنة
اها المهندس المخترح اب راساً ماكن هو من قام بالتشغيل والتجربة
قومي يا اللمبات اتحرقي من اللمبة الأولى لحد اللمبة 250
عليك أمان الله زولك الا مشى اشترى لمبات واسلاك مرة تانية
وجبنا كهربائ نجيض وقام باللازم
تجربتك دي انصحك تكون برة البيت
عشان ماتحرق الملايات !!!
قال ناس يفهموا قال !!! |
هو من قلت لي صاحبك عرفت شفرته ما مفكوكة عشان كدا ما رجيت حاجة منه لحدي نهاية كلامك
بعدين انت قايل عندي شجاعة ادبية تخليني اجرب الحاجات دي في البيت؟
لو بقدر اجربها في عدة البيت كان جيت كتبتها
ما عشان اخوك حريف رما الفكرة للدايرين يجازفوا
وانحنا قاعدين لي سماحة الوصف
قال اجربها قال
|
Post: #38
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:09 AM
Parent: #21
سيف النصر محي الدين
| Quote: والله يا محمد عثمان دي طبعا الفكرة في الموضوع كله لو دققت شوية حتلقاني انا دخلت في النص بطارية ولو شفت الرسمة حتلقي انه السلك الطالع من المولد ما داخل المولد مباشرة بل حيدخل اول حاجة البطارية يعمل ليها شحن عشان تحافظ علي نسبة الكهرباء الموجودة فيها والكهرباء البتطلع من البطارية هي البتشغل المولد ودي مشكلة التزامن الانا ذكرتها فوق ديك زاتها ذي ما قال الزول قصة المقنيتة حقت العربية لو ناقشها |
اساسي
|
Post: #37
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:07 AM
Parent: #20
| Quote: مخ اساسى اتلحس يا جدعان |
ليه؟
شفتيني بصور كرعيني بالجوال؟
|
Post: #24
Title: Re: عندي اختراع في راسي دا داير لي ناس بيفهموا
Author: عمر الفاروق
Date: 05-10-2008, 07:35 AM
Parent: #1
شحدت ربي تقوووم كده تمشي تشترك في برنامج " أمريكان إنفينتور" ويلم فيك الراجل القصيير المسيخ داك ويطرشك فارغة لمن تعرف حاجة !!!!
وبعدين ياخ انت يادووووووب جاي تفتش نظرية للمولد والجنيريتر ؟؟؟؟
ياخ إنت من زمن الكهربا بتقطع ؟
الكلام ده كان زمان لمن تلقاك كان عندك عراقي مشروط وداير تحضر المسلسل المصري الحلقة الأخيرة وتقوم تمشي لي جيرانكم المرطبين ديلك من الساعة 7 وتقعد( قعدة العرب) ديك قدام التلفزيون وشك مغبّش وأسياد البيت يرسلوا فيك زي الخدام ناولني موية وجيب لي الكرسي داك
تخريمة :
إضترى محمد تلاجة وكرسي وخمسة دواليب لشركته الجديدة ويوجد في الخزنة الفين جنيه وديون هالكة عند الرضية بت عثمان !!!
أعمل ميزان المراجعة والميزانية ودفتر الأستاذ والدائن والمدين وكم باقي ف يالصندوق وما هي الأصول ؟
قال جنيرتر قال
|
Post: #42
Title: Re: عندي اختراع في راسي دا داير لي ناس بيفهموا
Author: اساسي
Date: 05-10-2008, 09:21 AM
Parent: #24
| Quote: شحدت ربي تقوووم كده تمشي تشترك في برنامج " أمريكان إنفينتور" ويلم فيك الراجل القصيير المسيخ داك ويطرشك فارغة لمن تعرف حاجة !!!! |
ياخي شفته لئيم كيف ؟ لكن لآمته ليها قواعد الزول دا مخترع ليهو كم وعشرين اختراع للان مستخدمة في جميع البيوت الامريكية
اخوك لو اشترك في البرنامج حيركز علي المراة الكبيرة ديك اصلحها حنينة وعاطفية
واخوك شكله حيكون يحنن لو مشي عشان كدا حاقدر احنكها ان شاء الله حق التذاكر بس
الله يخليك ليك الام بي سي يا عمر الفاروق اثقفت وبقيت تفتي كمان
تعرف اختراعي دا انا لو بقيت عليهو بمشي بيهو امريكان ايدول عديل
واحنك عمك سايمون واجدع جدعة لي بولا عبدول اخليها تقول شافت اختراعي دا في منامها قبل الحلقة ولا هي قالت شنو للزول داك؟
Quote: ضترى محمد تلاجة وكرسي وخمسة دواليب لشركته الجديدة ويوجد في الخزنة الفين جنيه وديون هالكة عند الرضية بت عثمان !!!
أعمل ميزان المراجعة والميزانية ودفتر الأستاذ والدائن والمدين وكم باقي ف يالصندوق وما هي الأصول ؟ |
كان ما قلت كلامك دا ما تكون عمر الفاروغ
يا انصرافي
وللضمان كدا محمد وتلاجته دي الا يشتغل بيها في مجال الداندرمة حتي يكون عنده اصول
|
Post: #25
Title: Re: عندي اختراع في راسي دا داير لي ناس بيفهموا
Author: DKEEN
Date: 05-10-2008, 07:38 AM
Parent: #1
غبي ..
كهرباء البطارية خشت الموتور لفتو مرقت كهرباء ..
طلعت الكهرباء دخلت تاني الموتور اللافي اصلا من كهربة البطارية قبيل
بقت عليهو كهربتين ..
كهربة البطارية وكهربة نفسو..
طاخ ولع...
دي كانت بي ببساطة تجربة (ميشيل فارادي) تجاه الكهرباء..
فشلت لانو ماقدر يخلي الموتور يستحمل كهربتين في وكت واحد عشان بعديها يفصل كهربة البطارية..
يعني الموتور ما قدر يستحمل كهربتو الراجعة ليهو ..
الموتور احرف من انو يقبل بي انو ترجع ليهو كهربة 220 فولت ياحبة..الموتور عارف انو الكهرباء دي ممكن تحرق رزو..
والبخيت ما بسمي نفسو شقي..
اساسي
بصراحة انتا عبقري هذا الزمان ..ودي بداية ظهور اسمك في الدوريات العلمية وجامعات العالم وخزانات الدنيا..
Such Idiot
|
Post: #26
Title: Re: عندي اختراع في راسي دا داير لي ناس بيفهموا
Author: معاذ حسن
Date: 05-10-2008, 07:47 AM
Parent: #25
يا اساسي فكرتك بنت كلب ومجنونة حا ادعمك فيها للاخر قول لي ليه؟
معروف انو الناس البخترعواالحاجات بقلدوا حاجات في الطبعية
يعني العمل الغواصة عملها زي شكل الحوت.
والعمل الطيارة عملها زي السمبرية
نفس فكرتك دي موجوده في الطبيعة
زمان كان عندنا بقرة بترضع نفسها ثم تحول ما رضعته من نفسها الى حليب مرة اخرى.
مش نفس الفكرة.
|
Post: #27
Title: Re: عندي اختراع في راسي دا داير لي ناس بيفهموا
Author: DKEEN
Date: 05-10-2008, 07:57 AM
Parent: #1
سمعتا نكتة الكهربجي؟؟
ياكهربجي..
|
Post: #28
Title: Re: عندي اختراع في راسي دا داير لي ناس بيفهموا
Author: humida
Date: 05-10-2008, 08:23 AM
Parent: #27
| Quote: فهناك فقد للطاقة عن طريق الاحتكاك |
والاحتكاك بعمل حريق ..
..
..
والله يا اساسي اللقيتا في المنبر دا .. عييييييييييييك ..
ارعى ساي ..
..
..
íÇßåÑÈÌí..
|
|