Post: #1
Title: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: Maawya Hussein
Date: 05-09-2008, 10:54 AM
Parent: #0
ألقت السلطات بمحلية الطينة – شمال دارفور- اليوم القبض على عربة (بوكس) تحمل 10 جوالات حشيش قادمة من الحدود التشادية في طريقها إلى ولاية شمال دارفور، قالت إنها لها صلة بأفراد من حركة العدل والمساواة المتمردة في دارفور حسب ماجاء في التحقيق مع أصحاب العربة.
وسجّل أصحاب العربة وعددهم أربعة اعترافات جنائية أثناء التحقيق تفيد أن شحنة الحشيش قد تم إمدادهم بها من قبل تجار تشاديين مقابل إدخالها إلى أسواق دارفور نظير عدد مقدر من قطع السلاح يتم إمدادهم بها من أفراد يتبعون لحركة العدل والمساواة يعملون في عدد من أسواق ولاية شمال دارفور .
وحسب المركز السوداني للخدمات الصحفية فإن الشحنة المقبوض عليها تعد الرابعة منذ بداية الشهر الماضي وقد أثبتت كافة الاعترافات السابقة تورط عدد مقدر من قيادات العدل والمساواة في الاتجار بالمخدرات لجلب السلاح على الحدود السودانية التشادية.
المصدر
|
Post: #2
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: amir jabir
Date: 05-09-2008, 11:44 AM
Parent: #1
حشيش 
Quote: ألقت السلطات بمحلية الطينة – شمال دارفور- اليوم القبض على عربة (بوكس) تحمل 10 جوالات حشيش قادمة من الحدود التشادية في طريقها إلى ولاية شمال دارفور، قالت إنها لها صلة بأفراد من حركة العدل والمساواة المتمردة في دارفور حسب ماجاء في التحقيق مع أصحاب العربة.
وسجّل أصحاب العربة وعددهم أربعة اعترافات جنائية أثناء التحقيق تفيد أن شحنة الحشيش قد تم إمدادهم بها من قبل تجار تشاديين مقابل إدخالها إلى أسواق دارفور نظير عدد مقدر من قطع السلاح يتم إمدادهم بها من أفراد يتبعون لحركة العدل والمساواة يعملون في عدد من أسواق ولاية شمال دارفور .
وحسب المركز السوداني للخدمات الصحفية فإن الشحنة المقبوض عليها تعد الرابعة منذ بداية الشهر الماضي وقد أثبتت كافة الاعترافات السابقة تورط عدد مقدر من قيادات العدل والمساواة في الاتجار بالمخدرات لجلب السلاح على الحدود السودانية التشادية.
|
بتاع الامن الكتب التقرير دة فاشل
|
Post: #3
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: amir jabir
Date: 05-09-2008, 11:50 AM
Parent: #2
(1)
| Quote: اليوم القبض على عربة (بوكس) تحمل 10 جوالات حشيش قادمة من الحدود التشادية في |
(2)
| Quote: ولاية شمال دارفور، قالت إنها لها صلة بأ |
قالت منو العربة ؟؟
| Quote: تفيد أن شحنة الحشيش قد تم إمدادهم |
من مديده مش
| Quote: تورط عدد مقدر من قيادات العدل والمساواة في الاتجار بالمخدرات لجلب السلاح على الحدود السودانية التشادية. |
كم عدد قيادة حركة العدل والمساوة ؟؟؟
قيادة ومكاتب حول العالم وحشيش مافى هروين حبوبة هلوسة
غايتو لا مهنيه امنية ولا صحفية
| Quote: وحسب المركز السوداني للخدمات الصحفية |
محمد حامد قسم الكمبيوتر كان غياب لحظة صياغة الخبر ولاشنوا
|
Post: #5
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: Maawya Hussein
Date: 05-09-2008, 12:10 PM
Parent: #3
طيب اترجم ليك شويه
قالت دي ضمير راجع قوات الشرطه ما العربيه القالت
شحنه الحشيش ضمير راجع للشاحنيييين افتح الشين ما الشحنه بضم الشين
عدد مقدر اكتر من تلاته
بعد صلاه الجمعه لو لقيت زمن بشرح الباقي
تحياتي
|
Post: #15
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: SAMIR IBRAHIM
Date: 05-10-2008, 10:40 AM
Parent: #2
| Quote: بتاع الامن الكتب التقرير دة فاشل |
الاخ امير جابر
كل خباز وليهو طريقتو ... لكن في خبازين احسن منهم ستات الكسره .......
|
Post: #16
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: Maawya Hussein
Date: 05-10-2008, 02:17 PM
Parent: #15
| Quote: لكن في خبازين احسن منهم ستات الكسره ... |
like you
|
Post: #4
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: Maawya Hussein
Date: 05-09-2008, 12:03 PM
Parent: #1
انت يا امير قريت لغه عربيه وين 
ما مرت عليك حاجه اسمها تقدير الضمير في اللغه العربيه
|
Post: #6
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: amir jabir
Date: 05-09-2008, 12:13 PM
Parent: #4
| Quote: انت يا امير قريت لغه عربيه وين |
مامشكلة يازول انا مابعرف عربى
|
Post: #7
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: حواء سليمان ابراهيم
Date: 05-09-2008, 12:29 PM
يعنى دى آخر حاجة توصلت ليه حكومة السجم دى ؟؟؟؟؟
خلاص التهم كملت ولا شنو ؟؟؟؟ قمة الافلاس السياسى
حواء
|
Post: #8
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: هشام مدنى
Date: 05-09-2008, 12:37 PM
Parent: #1
خبر فطيره ساده
| Quote: قالت إنها لها صلة بأفراد من حركة العدل والمساواة المتمردة في دارفور حسب ماجاء في التحقيق مع أصحاب العربة. |
وهو حركة العدل والمساواة محتاجه تهرب وكمان حشيش مرة واحد!!!!!!
صاحب العربة
وهل السلطات صدقت سائق العربة؟؟؟؟؟!!!!!
فى اخبار تبدوا غريبة وعجيبه وتحير
|
Post: #9
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: حواء سليمان ابراهيم
Date: 05-09-2008, 12:54 PM
Parent: #8
Quote: فى اخبار تبدوا غريبة وعجيبه وتحير
|
مش عليك الله ؟؟؟
|
Post: #10
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: محمد فرح
Date: 05-09-2008, 10:30 PM
Parent: #9
في الأصل هم نهابين وقطاع طرق
لذا فالإتجار بالحشيش من قبل هؤلاء أمر غير مستبعد إطلاقاً
|
Post: #11
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: عبدالكريم الامين احمد
Date: 05-09-2008, 10:41 PM
Parent: #10
| Quote: في الأصل هم نهابين وقطاع طرق |
محمد فرح عبارتك الي جدعتها جدع لو تاملتها جيدا ستجدها هي التبرير الذي تحزمت به الانقاذ
عندما اشتعلت الثورة في دارفور واحترق الان اقليم عزيز من الوطن وضاع سدي بين فوهات الانتوف والجنجويد ومكابرة الانقاذ واهلها المكنكشين في كراسي السلطة والثروة....
وبعدين متين البنقو في السودان ده بقي يحتاج الي متمردين عشان ينقلوهو الي العاصمة او الي باقي البلد ما السودان يضج وملان بالنبقو من طرف وعلي قفا ما تشيل تضرب وتشتري كبنغة زي ما انت عايز
من اقرب ملف....
ده كلام فطير ودفن رووس عن مشكلة حقيقية وازمة تحل بالسودان
علي الانقاذ او السلطة في الخرطوم ان ارادت خير بهذا البلد ان تجلس بكل شفافية مع كل الناس القامت من اجل حقوقها دي والناس تتفاهم ...
......
تخريمةبره الموضوع خالس
حقوا ذااتو يخلو البنقو بتاع العدل والمساواة ده يخش البلد علي الاقل سيجارتهم نوعيتها بتكون شكلها كده شديدة
خلاص
|
Post: #12
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: Maawya Hussein
Date: 05-10-2008, 03:15 AM
Parent: #11
المشكله الاصليه | Quote: من قبل تجار تشاديين مقابل إدخالها إلى أسواق دارفور نظير عدد مقدر من قطع السلاح يتم إمدادهم بها |
بنقو مقابل سلاح ...دمار x تدمير
والناس التاجرت بأرواح المساكين العُزل ممكن تتاجر بي اي حاجه
|
Post: #13
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: محمد على النقرو
Date: 05-10-2008, 09:24 AM
Parent: #1
دى يسمى كذب وافتراء على عينك
يا تاجر , يا كيزان خلى عندكم
حبة خجل ولا البيرقص ما بيغطى
دقنوا.
قديييييييييييييييييييييمة
Quote: دبابات في شوارع الخرطوم والحكومة تمنع الوقود من اهالي دارفور"احمد حسين :الحكومة تحاول ان تشتت الانتباه على ما ترتكبه من مجازر في دارفور
انتشرت اليات مدرعة ودوريات في شوارع الخرطوم منذ ليل أمس وحول المناطق الحيوية. وحول محطات الوقود وناشدت المواطنين لمساعدتها والابلاغ عن اي تحرك غير طبيعي
جاء هذا الاجراء عقب اصدار الناطق الرسمي للجيش عن تحركات للحركات المسلحة نحو العاصمة. والتي نفته قيادات من هذه الحركات ووصفت ما تقوم به الحكومة جزء من عمليات التضليل والتغطية على ما ترتكبه من مجازر في دارفور في اشارة للقصف الذي طال قرى في شمال دارفور راح ضحيتها حوالي 13 ثلاثة عشر فرداً معظمهم من الاطفال فضلا عن زج المواطنين في مشاحنات فيما بينهم وشرخ اجتماعي بينهم نتيجة ما تقوم به الحكومة من تحريض المواطنين للتجسس على بعضهم..
من جهة أخرى اكد عدد من اهالي دارفور في الخرطوم عن منعهم من التزود بالوقود وبشكل انتقائي بحجة الا تذهب هذه الوقود للحركات المتمردة.ويجيء هذه التحركات متزامنة مع اعتقالات واسعة طالت طلاب دارفور في جامعة النيلين وقيادات وناشطي حقوق الانسان المدافعين عن اهل دارفور.
ويذكر ان المظاهرات السلمية التي يقوم بها طلاب دارفور مازال مستمراً. احتجاجاً على عدم اعفاءهم من الرسوم الدراسية والتي اوصى بها الرئيس السوداني عمر البشير.
من ناحية أخرى نفت جهات امنية ما تردد عن قبض عربة محملة بالمخدرات في الطينة. وقال الرقيب ‘.س عن عدم علمه بهذه المعلومات وانهم لم يقبضوا على اي مهربين طيلة الثلاث اشهر الماضية GBوقال احمد حسين ادم المتحدث باسم حركة العدل والمساواة من لندن "بعد ان كانوا يقصفون دارفور ويرتكبون مذبحة (قرية) شقيق كارو .. أدانهم الجميع لذلك فان افضل وسيلة بالنسبة لهم كانت تشتيت الانتباه."
وقال شهود عيان ان طائرات سودانية قصفت يوم الاحد الماضي مدرسة وسوقا في قرية شقيق كارو وقتلت 12 شخصا بينهم ستة اطفال. وقوبل هذا القصف بإدانة دولية.
واتهم السودان زورا خصومه السياسيين بالتخطيط لانقلابات في الماضي.
وأدت اعمال العنف المتزايدة في دارفور الى زيادة الشكوك بشأن احتمالات التوصل الى اتفاق سلام. وادى الصراع المستمر منذ خمس سنوات الى نزوح 2.5 مليون نسمة من ديارهم ويقول خبراء ان نحو 200 الف شخص قتلوا. وتقول الخرطوم ان عدد القتلى عشرة آلاف فقط.
وتقدم اكبر عملية انسانية في العالم المساعدة الى ثلثي سكان غرب دارفور المتاخم لتشاد. وحمل متمردو دارفور السلاح في 2003 متهمين الحكومة بالاهمال والتهميش.
GB
|
|
Post: #14
Title: Re: القبض على شحنة (حشيش) تتبع للعدل والمساواة مهرّبة على ولاية شمال دارفور
Author: Maawya Hussein
Date: 05-10-2008, 10:00 AM
Parent: #13
الجهات الامنيه تنفي الخبر بلسان رقيب !!!!!!!
المصدر يا وجيه ؟؟؟
|
|