انا الصاحي انا الصاحي وبشيل الليل معاك صاحي واشيل عينيك اعاين لي عشان اعرف معاك صاحي تعالي نشيل من الجايات مسافة سكة بتودر ولو ودرتا روحي عليك بيبقوا عنيكي هم راحي بحر مليان غنى وموجات مراكب تايه بتودي شراع بحر العماية الجات وشايلة حنينة صباحي تغني شوارعي شان تضحك بعد منك ملاها فرح وانشقت لهات الشوق مرح بديكي مفتاحي وتدخلي علي على مهلك قدر ما القدرة تديكي وبكفيكي بالبكفي عمر يكفكف بيكي لي جراحي عشان ابقى الزمان اجمل بساط ريح الامل يكبر يمد ايد الحنان اطول ويفرش ليكي ترتاحي ولو فضل القمر سهران وليل الكون صبح صاحي بشيل منك سهر روحي وانور بيكي مصباحي وافضل بيك انا الصاحي واحضن طيف خيالك بس واشيل عينيك اعاين ليك واعاين جوة في عيوني عشان اعرف معاك صاحي ولو نام الخلق والناس كفاية اكون معاك صاحي
عبدالله وداعه الامين لندن 09.05.2008
Post: #2 Title: Re: كفاية اكون معاك صاحي Author: ناجي عز الدين الصديق Date: 05-09-2008, 12:01 PM Parent: #1
ولو الدنيا ضحكت لي الملم كل جراحاتي
الرائع عبدالله وداعة دائما معودنا على الجديد والجمل لانك حقيقا انسان شفيف بمعنى الكلمة واصل ابداعك وسوف نتابع معك تلك الروائع
ــــــــــــــــــــــــــــــــــــــــ
اين انت يا صديق الحميم كيفك وكيف احوالك في تلك الساحرة مدينة الضباب وكيف عاملين الشباب من شهرين تقريبا صادفت الاخ سامي رجب والاخ هشام ابو الجوخ في السودان ضروري ان ترسل لي عنوانك الالكتروني وإلى الملتقى يا صديقي
Quote: اين انت يا صديق الحميم كيفك وكيف احوالك في تلك الساحرة مدينة الضباب وكيف عاملين الشباب من شهرين تقريبا صادفت الاخ سامي رجب والاخ هشام ابو الجوخ في السودان ضروري ان ترسل لي عنوانك الالكتروني وإلى الملتقى يا صديقي
بالمناسبه انا كدا حأعلن انو المركز الاسلاموعروبي بيتمادي في تهميشي علي المستوي الابداعي بي محاولاتو لإقصائي من المشهد الثقافي السوداني بتحويل مشاهده الثقافيه الي بنك الثقافه الإسلاموعروبي وعينك ما تشوف الا (( لانديكروزرات الهامش)) عشان تبطلو الإستعلاء الثقافي البتمارسو فيهو دا
...... عليك الله تعال سمعنا القصيده دي اليله في البال
يا اخوي الرطانة والاعاجم ديل والله ما لاقاني زول افصح منهم واكتر منهم نجيض لي الكتابة
والامثلة كتيرة جدا وهم اسياد قليب الكلام وجهجهة الحروف البتخلي الزول يتجغمس ويجيهو الكاروشة
Quote: بالمناسبه انا كدا حأعلن انو المركز الاسلاموعروبي بيتمادي في تهميشي علي المستوي الابداعي بي محاولاتو لإقصائي من المشهد الثقافي السوداني بتحويل مشاهده الثقافيه الي بنك الثقافه الإسلاموعروبي وعينك ما تشوف الا (( لانديكروزرات الهامش)) عشان تبطلو الإستعلاء الثقافي البتمارسو فيهو دا
هووووي يا عاطف بطل طرطشة وما تجيب لينا الهواء الساقط ر انا حدي ينصر دينك وبس
Quote: ...... عليك الله تعال سمعنا القصيده دي اليله في البال
اسف جدا امس مشيت مشوار ورجعتا متاخر جدا والله بس بلبد ليك يوم بي هناك وبهريكم
مودتي ومحبتي يا زول يا جميل ويديك العافية شكرا يا صاحب الزمن الجميل
Post: #6 Title: Re: كفاية اكون معاك صاحي Author: هاشم أحمد خلف الله Date: 05-30-2008, 12:55 PM Parent: #1
كلمات جميلة يا عبد الله بس مشكلتك تظهر يوم وتغيب سنوات ياخي انا نفسي اقراء كل يوم قصيدة من قصائدك الحلوة دي بالجد انت مبدع يا شوقي . يلا واصل يا حبيب
Quote: كلمات جميلة يا عبد الله بس مشكلتك تظهر يوم وتغيب سنوات ياخي انا نفسي اقراء كل يوم قصيدة من قصائدك الحلوة دي بالجد انت مبدع يا شوقي . يلا واصل يا حبيب
الاخ والشاعر الجميل هاشم احمد
تحية لك ايها الانيق ودمت بخير شكرا لك حبيبنا ودام بهاك وياريت يا هاشم لو بقدر اكتب كل يوم قصيدة وانت شاعر وعارف كيف بتطلع القصيدة بحاول قدر المستطاع اكون موجود بس المشاغل كتيرة جد سعيد جدا بوجودك واهتمامك اخي العزيز هاشم واتمنى ان اكون عند حسن ظنك دمت بخير ودام حرفا نديا ومترعا بكل جمال واناقة محبتي و ودي لك كاملا
واصل ابداعك يا رائع بالجد بقيت افتش علي كتاباتك وسط المنبر وبالجد اشعر بان كثير من هذه الكتابات تعبر عن ما اريده بس ما بقدر اقولها مثلك ايها الشاعر الرقيق
واصل ابداعك يا رائع بالجد بقيت افتش علي كتاباتك وسط المنبر وبالجد اشعر بان كثير من هذه الكتابات تعبر عن ما اريده بس ما بقدر اقولها مثلك ايها الشاعر الرقيق
الاخ العزيز والصديق الجميل العوض المسلمي
تحية خاصة وسلام خاص لك ايها الحبيب
شكرا لتحيتك وحصورك الذي يشرفني وسعيد انا بك
دمت بخير وشكرا لثقتك في احرفي المتواضعة ودمت بعافية يا عافيتنا
