معقولة ياعلي سند تجي راجع برااحة كده!! لابد من ترحيب كبير ياخي

علي سند او علي محمد سند تفاجات بمداخلة له في بوست عثمان دغيس

Re: يا صحافة تعال شاركني في بوست عن المبدع الشاب عمر جعفر ....!

معقولة بس علي سند هنا

كم مداخلة ؟ 12

طيب بحث بسيط كده ومافي غير المداخلة دي وتاريخ التسجيل 2005

يعني الوقت ده كلو وانت معانا هنا ومانعرف

طيب ياخي الوقت داك 2005 دي نحنا كنا لسه صغار ولم يكن متاحاً لنا ان نرحب بك ترحيبا يليق بمقامك الكبير جدا عندنا ... ممكن اسه !؟

علي سند انسان شفيف جدا يدخل قلبك بدون استئذان ومحبوب جدا من كل من يعرفه وهم بالتاكيد كثر ومهما حاولت فلن استطيع ان اوفي الرجل حقه

فلك التحية ياعلي ومرحبا بك وبكل تاكيد إضافة حقيقية لكل مكان تكون فيه

الحبيب الطاهر
أنا برضو زيك تفاجأت بدخوله بصمت وبدون ضجيج
كده بس كما يدخل قلب أفجر الناس خصومة وعدوانية دونما إستئذان...
ما إنتبهت لمداخلته إلا بعد البوست ده ...
الزول ده فعلاً شخص من نوع تاني خالص ..!
إنسان ملائكي الطباع ..
مرهف أكتر من اللازم !!!
ياخي مرهف لمممممن شاعر ...
زول كتاب جداً ...
شاعر من الطراز ( الحقيقي )
ليس ممن يفلحون في مجرد إختيار مفردات إعتادوا أن يركبوها دون إحساس أو خيال .. ك معظم شعراء هذا الزمان إلا من رحم ربي ...
أشعاره برائحة النيل والنخيل والجروف والسواقي ..

زول حاضر البديهة بشكل مذهل جداً ..
حاضر الذهن ..بيفهم ويخلق القفشة والنكته وكل حديثه من شاكلة المفارقات اللطيفة التي لا يمل المرء من سمعاعها ..
زول كريم بشكل مزعج ....!!
أخو أخوان ..
حباه الله محبة خلقه ...
لعل ذلك - إستناداً لحديث قدسي - بسبب محبة الله له ..
ورضا والديه ..
عفيف اللسان وحيي ..
لا تسمع منه إلا خيراً وإلا فلن تجد منه إلا الصمت الذي يجتنب به مجاراة فاسد القول ...

عينا باردة يا علي سند ..
لنا شرف الكلام عنك ..
وشرف ( القرب ) منك.....!!
ما تطول الغيبة

طبعاً يا الطاهر
المداخلة الفوق دي كاتبها أنا من كمبيوتر الأخ علي سند دون أن أنتبه أنه فاتح المنبر بإسمه ..
فعذراً للخلط الذي ظهر ....
والتحايا ليك وله ..

ياسلام يادغيس يا فنان علي المداخلة الرائعة والكلام الجميل في حق اخونا وحبيبنا علي ماشاء الله عليه
اسال الله ان يديم عليه الصحة والعافية واولاده...

علوب كما يحلو لنا ان نناديه رجل ذكي العبارة جدا ولاتفوته شاردة يتلقى منك الكلمة ويعيدها لك كلمة او عبارة مليحة جدا لاتخطر ببالك ابداً ...

محظوظ من هو بقربه

اسال الله ان يجمعنا واياك به مجددا