Post: #1 Title: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-08-2008, 07:44 AM
حبيبي رئيس الجمهورية...... كل سنة وانت طيب ربنا يديك الصحة والعافية
يا جماعة ما تفهموني غلط
امبارح كان عيد ميلاد ابني الصغير بابا جليل وهو كل مناه ان يصير رئيس جمهورية بس يا ربي حيكون منتخب ولا بانقلاب ما معروف الغريبة انه نواياه ما سليمة يعني مثلا امبارح قال لاخته الاكبر منه انا لما ابقى رئيس جمهورية بدخلك السجن قالت ليه ليي قال ليها عشان انتي بتشيلي حاجاتي شفتو الصورة النمطية حتى عند الاطفال السلطة تعني البطش وفي سياق اخر قال لسائق الامجاد حا ادخلك السجن لما ابقى رئيس جمهورية قال ليه ليي قال لي لانك لما جينا مارين بالمقابر ما قريت الفاتحة على الميتين حكمته بالغة السواق كان مسيحي جنس هيمنة والغاء الآخر وعدم الاعتراف بثقافته حتى عند الاطفال يا ربي متين نن حنتخلص من الحاجات دي اذا كان اجيالنا القايمة يا دوب هو دي فهمها لكن هم ما عندهم ذنب الذنب على من هيمن على عقولهم ورسخ لثقافة الالغاء هذه
عموما كل سنة وانت طيب حبيبي ومبروك التخرج من
KG2 وانمى ليك عام دراسي سعيد وانت تستعد لبدء دراستك النظامية العام المقبل ماما صفية
Post: #2 Title: Re: [B]حبيبي رئيس الجمهورية...... كل سنة وانت طيب[/B] Author: عادل خياري Date: 05-08-2008, 07:50 AM Parent: #1
ماما صفيه عيد سعيد وعمر مديد لرئيس القادم يعني نصلح علاقتنا بالاسره الحاكمه من اسه يمكن ربنا يحضرنا زمنو
Post: #3 Title: Re: [B]حبيبي رئيس الجمهورية...... كل سنة وانت طيب[/B] Author: عادل خياري Date: 05-08-2008, 07:50 AM Parent: #1
ماما صفيه عيد سعيد وعمر مديد لرئيس القادم يعني نصلح علاقتنا بالاسره الحاكمه من اسه يمكن ربنا يحضرنا زمنو
Post: #6 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-08-2008, 08:00 AM Parent: #3
أستاذ عادل سلام
Quote: ماما صفيه عيد سعيد وعمر مديد لرئيس القادم يعني نصلح علاقتنا بالاسره الحاكمه من اسه يمكن ربنا يحضرنا زمنو
شكرا ليك
ايوا احجز واحدة من اخوات العريس لاولادك ولا اوقل ليك احجز الرئيس لبتك المستقبلية
صفية
Post: #4 Title: Re: [B]حبيبي رئيس الجمهورية...... كل سنة وانت طيب[/B] Author: هشام المجمر Date: 05-08-2008, 07:53 AM Parent: #1
عيد ميلادك يا اسمك ايه
حلو ......
اسمو رئيس جمهورية
وانشاء الله يبقى
و منتخب كمان
كل سنة و هو طيب
وعقبال الف شمعة
Post: #7 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-08-2008, 08:03 AM Parent: #4
مهندس هشام
Quote: سلام عيد ميلادك يا اسمك ايه
حلو ......
اسمو رئيس جمهورية
وانشاء الله يبقى
و منتخب كمان
كل سنة و هو طيب
وعقبال الف شمعة
بحياتك انشاء الله
Post: #5 Title: Re: [B]حبيبي رئيس الجمهورية...... كل سنة وانت طيب[/B] Author: Zoal Wahid Date: 05-08-2008, 07:58 AM Parent: #1
كل سنة و حبيبك بخير و عافية
Quote: قال لسائق الامجاد حا ادخلك السجن لما ابقى رئيس جمهورية قال ليه ليي قال لي لانك لما جينا مارين بالمقابر ما قريت الفاتحة على الميتين حكمته بالغة السواق كان مسيحي
مليون وجه ضاحك
Quote: جنس هيمنة والغاء الآخر وعدم الاعتراف بثقافته حتى عند الاطفال يا ربي متين نن حنتخلص من الحاجات دي
Post: #8 Title: Re: [B]حبيبي رئيس الجمهورية...... كل سنة وانت طيب[/B] Author: Sabah Hussein Date: 05-08-2008, 08:08 AM Parent: #5
ياخى قطعتى قلب وداد
كل سنه ورئيسنا بخير وعقبال الشمعه ال100
Post: #9 Title: Re: [B]حبيبي رئيس الجمهورية...... كل سنة وانت طيب[/B] Author: abdulhalim altilib Date: 05-08-2008, 08:17 AM Parent: #8
الأخت (ماما صفية) ، تحياتي ،
حبيبي رئيس الجمهورية...... كل سنة وانت طيب ربنا يديك الصحة والعافية
بصراحة .. عنوانك رهيب ويمخول؟!
ويخلي الزول يضرب أخماس في أسداس قبل الدخول والقراءة !!
سنة حلوة يا جميل ، وربنا يدي ولدك الصحة والعافية وطولةالعمر والتوفيق في الحياة العملية بأن يصير رئيساً للجمهورية (ما مهم كيف ، عبر انقلاب أو انتخاب .. المهم يبقى رئيس .. مش ؟!)
وامكن لو ربنا مدَّ في الآجال نبارك ليهو وقتها عيد ميلادو ونحتفل معه بذلك مثلما كان يفعل الراحل صدام حسين !
وكل سنة وإنتي وهو والأسرة طيبين .
مودتي ،
( ليمو )
Post: #11 Title: Re: [B]حبيبي رئيس الجمهورية...... كل سنة وانت طيب[/B] Author: نوسة Date: 05-08-2008, 09:01 AM Parent: #9
ماما صفصف
كل سنة و ولدك حبيبك بخير و عقبال يطفي الشمعة ال 150 ...
غايتو رئيس جمهورية دي ....!! و مالو لكن ،، ربنا يديهو خير الأمنية دي و يبعد عنو شرها...
الله يحفظهم ليكي
Post: #37 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 10:46 AM Parent: #11
نوسة ناس القروش ازيك يعني ابيتي تاجري لينا الله كريم انشاء الله بعد الحالة دي نسكن في بيت ملك دعواتك
Quote: كل سنة و ولدك حبيبك بخير و عقبال يطفي الشمعة ال 150 ...
غايتو رئيس جمهورية دي ....!! و مالو لكن ،، ربنا يديهو خير الأمنية دي و يبعد عنو شرها...
الله يحفظهم ليكي
الله يبارك فيك ودعوات مستجابة انشاء الله
شكرا على المرور والتحية بس كان وافقتي على ال 500 دولار تكون لذييذة خلاص
Post: #32 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-09-2008, 01:44 PM Parent: #9
Dear mr Limo
Quote: بصراحة .. عنوانك رهيب ويمخول؟!
ويخلي الزول يضرب أخماس في أسداس قبل الدخول والقراءة !!
سنة حلوة يا جميل ، وربنا يدي ولدك الصحة والعافية وطولةالعمر والتوفيق في الحياة العملية بأن يصير رئيساً للجمهورية (ما مهم كيف ، عبر انقلاب أو انتخاب .. المهم يبقى رئيس .. مش ؟!)
وامكن لو ربنا مدَّ في الآجال نبارك ليهو وقتها عيد ميلادو ونحتفل معه بذلك مثلما كان يفعل الراحل صدام حسين !
وكل سنة وإنتي وهو والأسرة طيبين .
مودتي ،
( ليمو )
sorry i couldnt type in Arabic Thanks I will be back to comment
Post: #34 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 10:20 AM Parent: #32
Quote: بصراحة .. عنوانك رهيب ويمخول؟!
ويخلي الزول يضرب أخماس في أسداس قبل الدخول والقراءة !!
سنة حلوة يا جميل ، وربنا يدي ولدك الصحة والعافية وطولةالعمر والتوفيق في الحياة العملية بأن يصير رئيساً للجمهورية (ما مهم كيف ، عبر انقلاب أو انتخاب .. المهم يبقى رئيس .. مش ؟!)
العنوان ليه علاق بالتسويق طبعا اهم حاجة تجر الزبون
ربنا يحقق امنياته لكن لو بقى منتخب بكون احلى
شوكرا على الدعوات الطيبات لك مثلها صفية
Post: #14 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-08-2008, 09:46 AM Parent: #8
أستاذة صباح ازيك وين انتي يا ختي لسع انا في انتظار صرفتي
Quote: ياخى قطعتى قلب وداد
كل سنه ورئيسنا بخير وعقبال الشمعه ال100
ما وداد براها الناس كلها قلبها اتقطع انا ذاتي لما جيت قريت العنوان قلبي انقطع اجي يا اخواني هو في زول في السودان ولا في اي حتة في العالم بحب رئيس الجمهوية؟؟؟
زكل سمة وانتي بخير
Post: #10 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-08-2008, 08:59 AM Parent: #5
استاذ زول سلام
Quote: كل سنة و حبيبك بخير و عافية
وانت بخير
Post: #12 Title: Re: [B]حبيبي رئيس الجمهورية...... كل سنة وانت طيب[/B] Author: حاتم حمدتو رجب Date: 05-08-2008, 09:03 AM Parent: #1
صفيةكل سنة وانتو بالف خير
ونقول لـ عبد الجليل عقبال تطفي الشمعة المئة
لكن يا عبد الجليل ما اخترت اسهل حاجة ,, الله يستر عليك من دعاء الناس كان دي طريقتك
عيد ميلاد سعيد ,, بس الزول ده جهزي من هسه,, كل الاحلام بتبدأ كده,, منتظرنك يافخامة الرئيس
Post: #13 Title: Re: [B]حبيبي رئيس الجمهورية...... كل سنة وانت طيب[/B] Author: ابو جهينة Date: 05-08-2008, 09:04 AM Parent: #12
صفية
Quote: عموما كل سنة وانت طيب حبيبي ومبروك التخرج من
KG2 وانمى ليك عام دراسي سعيد وانت تستعد لبدء دراستك النظامية العام المقبل ماما صفية
و عمك أبو جهينة
Post: #39 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 11:18 AM Parent: #13
استاذ ابو جهينة شكرا على المرورو التحايا يباركوا ليك نجاحاك انشاء الله قول آمين صفية
Post: #38 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 10:57 AM Parent: #12
د حاتم ازيك البركة في الطلة وشكرا على صادق الدعوات
هو غايتو كان ياها دي طريقته استاهل دعاء الناس عليه الا كان يغير اسلوبه مش شكرا مرة تانية
Post: #15 Title: Re: [B]حبيبي رئيس الجمهورية...... كل سنة وانت طيب[/B] Author: Tabaldina Date: 05-08-2008, 11:15 AM Parent: #1
.. . هو بالله دا هو رئيس الجمهورية ..
عقبال 100 شمعة والدكتاتورية ,,قصدى الرئاسة
________________
انا كنت فاكرو رئيسك فى الشغل ولا بعلكـ ولا حاجة كدا
غايتو عليكم مسميات ؟؟
Post: #40 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 11:32 AM Parent: #15
استاذ تبلدينا ازيك
Quote: هو بالله دا هو رئيس الجمهورية ..
هو نحن النسوان عندنا رؤساء غير اولادنا ديل يخلو تمشي على العجين ما تلخبطوش اولاد الزمن ديل غايتو حالتهم صعبة خلاص
Quote: عقبال 100 شمعة والدكتاتورية ,,قصدى الرئاسة
يا ريت تكون عقبال خمسة سنوات رئاسية بالانتخاب امين يا رب بالكتير عشرة نظام دورتين وكدة
Post: #16 Title: Re: [B]حبيبي رئيس الجمهورية...... كل سنة وانت طيب[/B] Author: عبود عبد الرحيم Date: 05-08-2008, 11:20 AM Parent: #1
ماما صفية كل سنة وانتو طيبين
عندو أفكار تستحق النشر أنا حاجز أول حوار صحفي مع الرئيس القادم
Post: #42 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 11:55 AM Parent: #16
استاذ عبود ازيك
Quote: ماما صفية كل سنة وانتو طيبين
عندو أفكار تستحق النشر أنا حاجز أول حوار صحفي مع الرئيس القادم
وانت طيب يا اخوي
لك الاولوية بس تعال قبال الحاشية ما تتلم حوله ويقولو ليك الرئيس سافر الرئيس مافي الرئيس مشغووول والفرمانات المحفوظة
Post: #17 Title: Re: [B]حبيبي رئيس الجمهورية...... كل سنة وانت طيب[/B] Author: almogira alemam Date: 05-08-2008, 11:36 AM Parent: #1
كل سنة وسياتو بخير وعقبال شــــــــــــــــــــــــــــ1000مـــــــــــــــــــــــعــــــــــــــه
انا هجمنى العنوان (((قلت صفية قريبت الرئيس ولاشنو لاكن الصبرنى شوية قبل ماافتح البوست كلمة حبيبى دى)))
مبروك مرة تانية يا سياتك
Post: #43 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 12:08 PM Parent: #17
أهلين استاذ المغيرة
بالمناسبة عارف انه عندي اخوي اسمه مغيرة اها اول مرة القى لي زول اسمو زيو شرفت ونورت قلت لي:
Quote: سنة وسياتو بخير وعقبال شــــــــــــــــــــــــــــ1000مـــــــــــــــــــــــعــــــــــــــه
انا هجمنى العنوان (((قلت صفية قريبت الرئيس ولاشنو لاكن الصبرنى شوية قبل ماافتح البوست كلمة حبيبى دى)))
مبروك مرة تانية
اتهجمت مش لكن زي ما قلت قبيل هو في مواطن في العالم بحب اي رئيس جمهورية ما اظن
الله يبارك فيك
Post: #18 Title: Re: [B]حبيبي رئيس الجمهورية...... كل سنة وانت طيب[/B] Author: haroon diyab Date: 05-08-2008, 11:40 AM Parent: #1
Post: #44 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 12:12 PM Parent: #18
استاذ هارون وانت طيب شكرا على الهدية
بس ما تكون فاضية من جوة بحاول افتح فيها لكن غلبني
كدي ورينا البسوورد حقتها
Post: #19 Title: Re: [B]حبيبي رئيس الجمهورية...... كل سنة وانت طيب[/B] Author: dardiri satti Date: 05-08-2008, 12:00 PM Parent: #1
عيد ميلاد سعيد، وعقبال يطفي الشمعة الميتين لكن طفلك ، زي أي واحد من أطفالنا ، ما جا بالإنتخاب ، بل بالإجماع السكوتي!! إذن ليهو حق. والا شنو؟؟ تحياتي
Post: #20 Title: حبيبي رئيس الجمهورية...... كل سنة وانت طيب Author: Ahmed Yousif Abu Harira Date: 05-08-2008, 12:27 PM Parent: #19
كل سنة وانت طيب يا ريس وعقبال مية شمعة
معليش نحن اتأخرنا شوية في اداء فروض الولاء والطاعة لأنو الست الوالدة دي جهجهتنا بي عنوانها وخلتنا نزازي لينا يومين بي جنب الحوش.
لا تثريب علينامش؟ لأنو لمن انت تبقى رئيس ، اعمامك ديل يا اتلحسوا يا باقي ليهم شوية. بس في كل الأحوال خلي بالك من العقاب.
Post: #47 Title: Re: حبيبي رئيس الجمهورية...... كل سنة وانت طيب Author: Safia Mohamed Date: 05-13-2008, 09:30 AM Parent: #20
استاذ يوسف سلام
Quote: كل سنة وانت طيب يا ريس وعقبال مية شمعة
معليش نحن اتأخرنا شوية في اداء فروض الولاء والطاعة لأنو الست الوالدة دي جهجهتنا بي عنوانها وخلتنا نزازي لينا يومين بي جنب الحوش.
لا تثريب علينامش؟ لأنو لمن انت تبقى رئيس ، اعمامك ديل يا اتلحسوا يا باقي ليهم شوية. بس في كل الأحوال خلي بالك من العقاب.
شكرا على التهنئة لا والله ما جيت متاخر ولا حاجة
Post: #45 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-10-2008, 12:27 PM Parent: #19
استاذ درديري سلام
Quote: عيد ميلاد سعيد، وعقبال يطفي الشمعة الميتين لكن طفلك ، زي أي واحد من أطفالنا ، ما جا بالإنتخاب ، بل بالإجماع السكوتي!! إذن ليهو حق. والا شنو؟؟ تحياتي
وانت اسعد والله الاجماع السكوتي دي صدقت فيها صفية
Post: #46 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-13-2008, 08:28 AM Parent: #19
استاذ درديري
Quote: عيد ميلاد سعيد، وعقبال يطفي الشمعة الميتين لكن طفلك ، زي أي واحد من أطفالنا ، ما جا بالإنتخاب ، بل بالإجماع السكوتي!! إذن ليهو حق. والا شنو؟؟ تحياتي
شكرا ليك
وتهنئتك وصلت
Post: #21 Title: Re: [B]حبيبي رئيس الجمهورية...... كل سنة وانت طيب[/B] Author: زهير الزناتي Date: 05-08-2008, 01:23 PM Parent: #1
يا صفية رغم إنه ما عمزمونا الحفلة لكن برضو بنقول للريس عقبال الشمعة الألف وعقبال ما يكون رئيس ديمقراطي بحق وحقيقة ويقول ليك أم الشعب بس ما تفكري في استغلال النفوذ
Post: #49 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-14-2008, 08:48 AM Parent: #21
Quote: يا صفية رغم إنه ما عمزمونا الحفلة لكن برضو بنقول للريس عقبال الشمعة الألف وعقبال ما يكون رئيس ديمقراطي بحق وحقيقة ويقول ليك أم الشعب بس ما تفكري في استغلال النفوذ
استاذ زهير سلامات
وشكرا على التهنئة
والله كون اننا نصل لمرحلة عدم استغلال النفوذ بيحتاج مننا لمجهودات عالية على جميع الاصعدة نامل ان تكون قد ترسخت مبادئ ان الحكام يعملون على رعاية مصالح المواطينين ليس استغلال نفوذهم لاذلال المواطنين
شكرا على المرور في انتظار الهدية
Post: #22 Title: Re: [B]حبيبي رئيس الجمهورية...... كل سنة وانت طيب[/B] Author: بكري الصايغ Date: 05-08-2008, 02:09 PM Parent: #1
الاخـت الـحـبيبة الـحـبوبة، Safia Mohamed
تـحـية طـيبـة، واجـمـل التـهانـي لابنـك وكل سـنة وهـو وجـميـعكم بعافية.
واحـد ابن عـمنا (حـلفاوي زي) كان قاعـد بتفرج فـي التلفزيون مـع ابنه عـمره اربعة سـنوات وجات لقـطة لـعمر البشـيـر... قام الـطفل قال عايز اكون زي ده. ومن اليوم داك ولـحـد الان ..والولـدبقي عـمره 15 سـنه .....والبيـت بلا تلفـزيون!!
لك مـودتي.
Post: #53 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-14-2008, 11:16 AM Parent: #22
أهلين أستاذ بكري
Quote: واحـد ابن عـمنا (حـلفاوي زي) كان قاعـد بتفرج فـي التلفزيون مـع ابنه عـمره اربعة سـنوات وجات لقـطة لـعمر البشـيـر... قام الـطفل قال عايز اكون زي ده. ومن اليوم داك ولـحـد الان ..والولـدبقي عـمره 15 سـنه .....والبيـت بلا تلفـزيون!!
عاد لكن الجماعة ديل بالغو ما كان يقول ليه كون زي دة في المنصب بس ما في السلوك هاهاهاه
شكرا على التهنئة وما تنسى ترسل الهدية
Post: #23 Title: Re: [B]حبيبي رئيس الجمهورية...... كل سنة وانت طيب[/B] Author: العوض المسلمي Date: 05-08-2008, 02:21 PM Parent: #1
دكتوره صفيه سلام
Quote: يا جماعة ما تفهموني غلط
لو فهمناك غلط كنتي مشيتي التوج
Quote: امبارح كان عيد ميلاد ابني الصغير بابا جليل
نقول للسيد الريئس كل سنه وانت بالف خير وعيد ميلاد سعيد
Quote: الغريبة انه نواياه ما سليمة يعني مثلا امبارح قال لاخته الاكبر منه انا لما ابقى رئيس جمهورية بدخلك السجن قالت ليه ليي قال ليها عشان انتي بتشيلي حاجاتي شفتو الصورة النمطية حتى عند الاطفال السلطة تعني البطش
عاد كيف ما يرضى هو لاقيكم وين تعرف على الاقل لما يعملوا عليه لانقلبا يلقى ضهر اتسند عليه
شكرا على المرور
Post: #24 Title: Re: [B]حبيبي رئيس الجمهورية...... كل سنة وانت طيب[/B] Author: ناهد بشير الطيب Date: 05-08-2008, 02:24 PM Parent: #1
صفيه
كل سنة وهو طيب ...ويارب تشوفيه زى ماهو بيتمنى .....
خالص الود والامنيات ليك وليه...
Post: #56 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-14-2008, 02:15 PM Parent: #24
أستاذة ناه
وانتي طيبة شكرا على المرور
Post: #25 Title: Re: [B]حبيبي رئيس الجمهورية...... كل سنة وانت طيب[/B] Author: ياسر شبيكة Date: 05-08-2008, 02:35 PM Parent: #1
العزيزة الدكتورة صفية
كل سنة والرئيس طيب ولازم تبلغى سعادته بأسماء كل المهنئين ويعمل حساب خاص لى ناس أم درمان والزقازيق وخاصة المغتربين.
دوام الصحة والعافية لك و لأسرتك الكريمة .
Post: #57 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-14-2008, 02:22 PM Parent: #25
عزيزي د. ايسر شبيكة
اهلا بيك
Quote: ولازم تبلغى سعادته بأسماء كل المهنئين ويعمل حساب خاص لى ناس أم درمان والزقازيق وخاصة المغتربين.
أكيد مكانتكم محفوظة بس بيني بينك خايفة يجيني زول ناطي يقول لي من حسع بيدنا المحسوبية
شكرا ليك مرة اخرى
Post: #26 Title: Re: [B]حبيبي رئيس الجمهورية...... كل سنة وانت طيب[/B] Author: abubakr Date: 05-08-2008, 02:49 PM Parent: #1
انتي طيبة وهو اطيب ومستقبل ياتي بما هو طيب له ولكل اجيالنا الصغيرة والقادمة ..صدفة اليوم كنت اقرء في رسالة خبرية عن اعتراف رؤساء افارقة اتو علي ظهر المدرعات بفشلهم ...تحدث الملازم يعقوب قاوون الذي كان اصغر من اعتلي السلطة في اكثر الدول الافريقية اثرا -نيجيريا-فيما يحدث في غرب القارة وكذلك الملازم جيري رولينق الغاني والذي اتي السلطة مرتيين صغيرا ثم كهلا .. كلاهما ادانا تدخل العسكر في السلطة وكيف عانت افريقيا من ذلك ..تحدثا الاثنان وكان في معيتهما جنرالات من الجيش النيجيري اعتلو السلطة من فوق ظهر الدبابات .. لقد دفعت افريقيا كلها من شمالها الي غربها وشرقهاوجنوبها من رؤساء جمهوريات عسكر وخلافهم اذلو شعوبهم واساءو الي الانسان الافريقي وافسدو... انه من علامات بدايات العافية القادمة ان يجتمع هذا العدد من العسكر الذين استولو علي السلطة ليعلنو ادانتهم لما فعلو ويؤكدو ان سوء ادارة العسكر للبلاد وافتقارهم الي الديمقراطية هي التي اضرت بالقارة وابدو جميعا اسفهم لما تسببه شمولية وسلطوية حاكمة من خراب لقارتهم ... الامل في الله وفي هذه الاجيال الصغيرة في ان تفتخر يوما باعتلائها السلطة لتديير البلاد بحكمة ونزاهة وعدل.. فدعييه يحلم بان يكون رئيسا للجمهورية في زمن قادم اكثر بهاءا وحريةوعدلا ....
Post: #27 Title: Re: [B]حبيبي رئيس الجمهورية...... كل سنة وانت طيب[/B] Author: Omer Abdalla Date: 05-08-2008, 04:10 PM Parent: #1
سلامات أخت صفية وكل سنة وديكتاتورنا الصغير بابا جليل بألف خير مع اننا واثقين من أن من تكون أمه ماما صفية (ما عنده فرصة يكون دكتاتور)
عمر
Post: #28 Title: Re: [B]حبيبي رئيس الجمهورية...... كل سنة وانت طيب[/B] Author: شول اشوانق دينق Date: 05-08-2008, 04:10 PM Parent: #1
ولدك ده يا استاذة صفية قولى ليهو يبطل شمولية وقولى ليهو كل سنة وإنت طيب.
شول اشوانق __________________________ ده خيانات ... ما كلمتونا على الأقل كان طلع ليهو بهدية وكده
Post: #30 Title: Re: [B]حبيبي رئيس الجمهورية...... كل سنة وانت طيب[/B] Author: فيصل عثمان الحسن Date: 05-08-2008, 04:41 PM Parent: #28
سلامات أم الرئيس . قلنا نلحق نبارك سريع , عشان لو العمر ساعد نكون من البطانة , لأنو زى العفريت دا لو خت الحاجة فى رأسو بسويها , وشايفو من أسع بدأ يطلع فى المراسيم الدستورية . عيد ميلاد سعيد وعمر مديد , تفرحو ب جديدو وجديد اخوانه واخواته , وأنت وأبو الرئيس فى أتم صحة وعافية .
Post: #29 Title: Re: [B]حبيبي رئيس الجمهورية...... كل سنة وانت طيب[/B] Author: طارق جبريل Date: 05-08-2008, 04:16 PM Parent: #1
يا دكتورة كل سنة وهو بألف خير
Post: #31 Title: Re: [B]حبيبي رئيس الجمهورية...... كل سنة وانت طيب[/B] Author: Ahmed musa Date: 05-08-2008, 05:22 PM Parent: #1
Quote: ايوا احجز واحدة من اخوات العريس لاولادك ولا اوقل ليك احجز الرئيس لبتك المستقبلية
د.صفية واحدة منوا من أخوات الرئيس يحجزها وهو زي ما قلتي مودي أُختو السجن ............يعني يعرس (مناضلة) لي ولده ؟؟؟؟؟ والله كلام غريب !!!! بس قول ليه أعمل حسابك من هباني هشام هباني تاني ما بتجيه عوجة !11 وكل عام وهو أجمل
Post: #33 Title: Re: [B]حبيبي رئيس الجمهورية...... كل سنة وانت طيب[/B] Author: Safia Mohamed Date: 05-09-2008, 02:41 PM Parent: #1
Dear All I will be back A problem with my computer
Thanks
Post: #36 Title: Re: [B]حبيبي رئيس الجمهورية...... كل سنة وانت طيب[/B] Author: بكرى الخليفة الكتيابى Date: 05-10-2008, 10:36 AM Parent: #33
صفويه كل سنة وريسنا طيب وربنا يخليهو ليك
Post: #35 Title: Re: [B]حبيبي رئيس الجمهورية...... كل سنة وانت طيب[/B] Author: صديق الموج Date: 05-10-2008, 10:34 AM Parent: #1
من شابه امه فما ظلم يسقط عبد الجليل لا لحكومة البطش اضربوا بيد من حديد على هذا الدكتتاتور الصغير.. لانامت اعين الجبناء.. تسقط رفاعة وماجاورها.. المجد والخلود لشهداء الشعب.. صفية روعتينا خصوصا عيد ميلاده فى مايو.. نحن ما صدقنا.. كل سنة وانت رئيس يا صبى،،،
Post: #41 Title: Re: [B]حبيبي رئيس الجمهورية...... كل سنة وانت طيب[/B] Author: الجندرية Date: 05-10-2008, 11:45 AM Parent: #1
ام ابوي وعمي
اللوم بجي بالغفلات
كل سنة وانت طيب يا عبدالجليل الغريبة جدو ما كان قمعي ولا ديكتاتور راحبتن فيه حقت انبياء بس ولا بتشبه حقت الناس ياربي يحق الاسم ولا بنجي عاد نقلع اسمنا لووووووووووووول
مية بوسة ليك يا حنون ياالوراث الحنان بالجهتين
يا صفوية الحقينا بالصور ولا انا انزل انا العندي ؟
Post: #48 Title: Re: [B]حبيبي رئيس الجمهورية...... كل سنة وانت طيب[/B] Author: محمد الطيب حسن Date: 05-13-2008, 11:48 AM Parent: #41
دكتوره صفيه كل سنه والرئيس عبد الجليل بالف خير
وعقبال الشمعه المـ ..1 ــائه للرئيس المنتظر
وكل الروؤساء
Post: #50 Title: Re: [B]حبيبي رئيس الجمهورية...... كل سنة وانت طيب[/B] Author: jini Date: 05-14-2008, 09:08 AM Parent: #1
المشكلة فى الانقلابات البتتعمل ضده! عيد ميلاد سعيد وعمر مديد جنى
Post: #51 Title: Re: [B]حبيبي رئيس الجمهورية...... كل سنة وانت طيب[/B] Author: عمر التاج Date: 05-14-2008, 09:48 AM Parent: #1
فليذهب عبد الجليل الى القصر رئيساً ولتبقى أمه أسيرة الكيبورد حبيسة
سير سير يابابا جليل وكل سنة وشمعة جديدة
Post: #52 Title: Re: [B]حبيبي رئيس الجمهورية...... كل سنة وانت طيب[/B] Author: مجدي عبدالرحيم فضل Date: 05-14-2008, 10:31 AM Parent: #51
العزيزة د. صفية
أم الرئيس كل سنة والريس بخير
بس يدخل من باب السلك الدبلوماسي
وأوع من باب العسكر !تجنبا للأنقلاب علية
دائما ماتبدأ الأحلام صغيرة وتكبر مع الأيام ويوما ما سوف يصل موكب الرئيس إلي المنصه مخاطبا شعبه .
،،،،أبوقصى،،،،
تخريمة
خلي يحجز لقصى وزارة من هسي
Post: #55 Title: Re: [B]حبيبي رئيس الجمهورية...... كل سنة وانت طيب[/B] Author: yasir Abdelgadir Date: 05-14-2008, 12:56 PM Parent: #52
والله لكن دا كلام...يا سعادة الرئيس ...مليون شمعة كدا ان شاء الله عشان تكون كابس علي نفسهم دهر كامل
