Post: #1
Title: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 09:27 AM
تحية وتقدير للجميع
باذن الله سأحضر للخرطوم ظهر الجمعة 9 مايو في اجازة قصيرة , ومن كانت لديه وصية من السعودية
منطقة أبها وخميس مشيط , فلا مشكلة اطلاقا للتنسيق جوالي 00966509117517
أسألكم الدعاء والعفو والعافيه ان بدر عني ما يسئ .
كل الود
|
Post: #2
Title: Re: العندو وصية من السعودية ( العبد لله ) نازل الخرطوم
Author: الطاهر عثمان
Date: 05-07-2008, 09:41 AM
Parent: #1
الحبيب اسال الله لك السلامة في حلك وترحالك واجازه سعيدة
وانا عندي وصية حوالي 2 كيلو كده (حركات المغتربين اصلا ما بنخليها)
===
بورداب الخرطوم اها مافي اي استقبالات وله لقاءات في الفترة دي
|
Post: #3
Title: Re: العندو وصية من السعودية ( العبد لله ) نازل الخرطوم
Author: محمد عكاشة
Date: 05-07-2008, 09:47 AM
Parent: #2
حباب البشير..ضمن العائدين..
الفاتح وديدى عندو خبر؟؟
بكرى ابوبكر..عرمان..سامى الحاج..والفنان اسامة الشيخ...أ...يكا مالا زعلانه ؟؟!!
وجه صديقى يترآءى كما الاحلام ويبدو...
فى صورته عبر السنوات ..اطفال قبائل الباريا يدلقون على وجوههم دفقات من ماء المطر عند تخوم (منقلا) وسحر مناخاتها الاستوائيه فى خفة وحبور..
الجنوب فى سحره وطلسمه وضؤؤه اليقق يرسم فى مخيلة طفل ذكى متوقد العينين طيفا من احلام بعيدة..والنيل فى سلسله وصهبائه يهد جسمه الناحل ويهديه رحلته الطويلة الابدية فى فصول التوحد مع ذاته ومفرداته ويخط ملمح لطريق وعر وموحش..
النيل ذاته يحتوشه طفلا وفتى يلمعيا وطالبا للفلسفة عند ميناء الاسكندرية وقد نامت نواطير مصر عن ثعالبها وهو قد اسرج ليله يحاور سارتر وسيمون وفلاسفة الاغريق والحكمة ضالته..
ثم وهو فى غمرة هذا وذاك من جدل مثمر ومماحكات يرقب الوطن ويثقب مستقبله فى شأن وحدة تنتظم لو(الامانى بايدى) حتى مصر هذه..الشقيقة..التى لاتعرفنا الافى الازمات على حد قول الاستاذ الطيب صالح..
الوحدة جاذبة او غير جاذبة هى مرتكز تفكيره وعمله ونجاحاته ونشاطه السياسى الذى ابتدره مسئولا عن مكتب الحركة الشعبية فى القاهرة والخليج فى ظروف عصيبة..
ثم وهو فى مشروعه وتفكيره وخطه حضور شفيف لقضايا المرأة السودانية فى حقوقها واستحقاقاتها..
صديقنا تانقون سبت فرج الله
................
تانقون عاد الى ارض الوطن..يحفز اقدار الوعى والاستناره..والسيد بكرى ابوبكر يدفع نحو أماله العريضة هذه بخطاب المنبر وعضويته وحواره البناء..ثم بكرى يعود..والصديق عبد الفتاح عرمان..وقبله شقيقه هيثم..والفنان اسامة الشيخ والرأى العام يفور بعودة بعض ابناء الوطن من معتقل قوانتانامو وصديقنا صلاح شعيب فى طريقه الينا..والكثيرين ممن هاجر بفعل الظروف السياسية يعودون..مبدعين وعباقرة استقبلتهم امريكا العظمى يعودون..
تانقون فى سخريته اللاذعة...
سردت له قائمة طويلة بعودة هولاء من المهجر..وفى لسانه مثل الرباطاب رد حاضر...
_امريكا مالا زعلانه..
اعود..ولكن هل وجد وديدى من يكاتبه ؟؟؟
|
Post: #9
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 10:03 AM
Parent: #3
Quote: حباب البشير..ضمن العائدين..
|
مرحبا باستاذي محمد عكاشة
وأرجو أن ألتقيك
كل التحايا والود
|
Post: #18
Title: Re: العندو وصية من السعودية ( العبد لله ) نازل الخرطوم
Author: محمد عكاشة
Date: 05-07-2008, 12:45 PM
Parent: #3
البشير
نحجز ليك فى فطور الجمعه مع عم صلاح..العصيدة حاااارة وملاح التقلية ولقاء الاهل..
عمنا صلاح او البروفسور صلاح احمدابراهيم كبير اختصاصيي طب الاطفال.. هو اتكاءة بديعه وحلقة للتواصل بين الناس والاهل..لمة الجمعه عنده قد تحض على ترك الاغتراب..هو بقية السلف من أبائك ..ابوى شيخ الزين وابوى حاج احمد ولدي الفكى ابراهيم..هو بعض تلك الانفاس الزكية..ليس كمثله احد فى علمه وتواضعه وفى البر بالاهل والمساكين ورعاية الاطفال والانفاق فى السر... وفى كرمه ..
ذاك رجل أدبه ابوه فأحسن تاديبه..
محبتى
|
Post: #8
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 09:59 AM
Parent: #2
Quote:
وانا عندي وصية حوالي 2 كيلو كده (حركات المغتربين اصلا ما بنخليها)
|
سلمك الله من كل سؤ أخي الطاهر عثمان
وصيتك بتصل بس ان بقت للأهل جهز أجرة الشحن والتفريغ والتحميل وبدل ضيافة وبدل تمثيل الخ .... باقي الواضح ما فاضح
وان بقت لجمعية ألايتام ولا أي نشاط خيري فمجانا وبندور الاجر من رب العالمين .
كل الود
|
Post: #4
Title: Re: العندو وصية من السعودية ( العبد لله ) نازل الخرطوم
Author: ismeil abbas
Date: 05-07-2008, 09:49 AM
Parent: #1
Quote: تحية وتقدير للجميع
باذن الله سأحضر للخرطوم ظهر الجمعة 9 مايو في اجازة قصيرة , ومن كانت لديه وصية من السعودية
منطقة أبها وخميس مشيط , فلا مشكلة اطلاقا للتنسيق جوالي 00966509117517
أسألكم الدعاء والعفو والعافيه ان بدر عني ما يسئ .
كل الود |
البشير السمح.........
حاشاك العيب..لا بتتلام لابتعرف تجيب اللوم...
حفظك الله وأعادك إلينا سالمآ...تحياتى للجميع..وما تنسى تسلم لى على ألأهل جميعآ...
مودتى..
إسماعيل محمد احمد عباس...
|
Post: #10
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 10:15 AM
Parent: #4
Quote:
البشير السمح.........
حاشاك العيب..لا بتتلام لابتعرف تجيب اللوم...
حفظك الله وأعادك إلينا سالمآ...تحياتى للجميع..وما تنسى تسلم لى على ألأهل جميعآ...
مودتى..
إسماعيل محمد احمد عباس... |
العزيز ابو الزهور
لك التحايا والود
يصل سلامك للجميع باذن الله
تحياتي للاسرة الكريمة
|
Post: #5
Title: Re: العندو وصية من السعودية ( العبد لله ) نازل الخرطوم
Author: محمد خليل ساني
Date: 05-07-2008, 09:49 AM
Parent: #1
تصل بالسلامه أخى البشير دفع الله ،،،
إنشاء الله تلاقي كل الناس على ألف خير ،،،
وما تنسى تسلم على الخرطوم واللى فيها ،،،
وما تنسى كمان تطمنا على وصولك ،،، إتفقنا ،،، مع محبتي.
|
Post: #11
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 10:23 AM
Parent: #5
Quote:
تصل بالسلامه أخى البشير دفع الله ،،،
إنشاء الله تلاقي كل الناس على ألف خير ،،،
وما تنسى تسلم على الخرطوم واللى فيها ،،،
وما تنسى كمان تطمنا على وصولك ،،، إتفقنا ،،، مع محبتي. |
اخي العزابي والاعلامي الجميل محمد خليل ساني
سلمك الله من كل سؤ
وأرجو ان يجمعنا الله بكم على خير
كنت قد زرت قطر في العام 2005 سائحا فقط وأمضيت زهاء الاسبوعين
بصحبة أبناء الدوحة الكرام , وكانت من أجمل الأيام
بحضرة الفنان عثمان الدغيس والاخ عوض , واستمعنا وقتها بجلسات طرب
من الراحل المقيم هاشم ميرغني كنت وقتها في ضيافة العم حسين علي الأمين ( يعمل بالخارجية القطرية )
لك الشكر والتقدير
|
Post: #6
Title: Re: العندو وصية من السعودية ( العبد لله ) نازل الخرطوم
Author: العوض المسلمي
Date: 05-07-2008, 09:54 AM
Parent: #1
تصل بالف سلامه اخي البشير
ونتمني نشوفك ضيفا عزيزا في بيت اخوك العوض
ومنتظرين وصولك اخي البشير
|
Post: #12
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 10:26 AM
Parent: #6
سلمك الله من كل سؤ اخي العوض المسلمي
أشكر حضورك لهذا البوست وكريم دعوتك
وآكل أن نلتقي بالخرطوم
كل الود
|
Post: #7
Title: Re: العندو وصية من السعودية ( العبد لله ) نازل الخرطوم
Author: عبدالله كع
Date: 05-07-2008, 09:55 AM
Parent: #1
يا ود الشيوخ ..
انشالله تلقي ليك شغلة هناك وتريح من وجع الغربه ( شركة بترول كاربه كدا ولا مع ناس زين )
قول امين
بقولو دعوة المسافر مستجابه . ما تنسانا من صالح الدعاء يا بشير يا دفع الله
ــــــ
ويرد غربتنا كلنا
|
Post: #13
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 10:40 AM
Parent: #7
شكري وتقديري اخي عبدالله كع
وسبحان من لا ينسانا ولا ينساك
في كل مرة أذهب لتمضية اجازتي بالسودان أعتقد أني لن أعود
وعندما تتكالب علي المصائب ( مرض البنيات الصغيرات , والجري ورا الدكاترة
والغلاء الفاحش , وهاجس بناء البيت والمصاريف التي لا آخر لها , وانقطاع الكهرباء
وشح المياه النقية في بلد بها أكثر من 14 نهرا الخ ... )
أحمل حقيبتي وأهرول عائدا الى أن يفرجها ربك
كل الود
|
Post: #14
Title: Re: العندو وصية من السعودية ( العبد لله ) نازل الخرطوم
Author: حمزاوي
Date: 05-07-2008, 10:54 AM
Parent: #1
اخوي البشير ود دفع الله
مسكاقمي
تمشي وتجي بالسلامة
بس ما تنسى لمن ترجع بالسلامة تجيب لي معاك شطة حارة
وشوية طلح للمرا لزوم الدخان ( هي القالت كدا أهي قاعدة جنبي وقالت كلم صاحبك )
|
Post: #16
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 12:03 PM
Parent: #14
العزيز حمزاوي
سلمك الله من كل سؤ
والشطه الحاره هينة وبجيبها ليك
لكن بالنسبة للحطب قالوا ناس الغابات طلعوا قرار
يحرم الرعي الجائر والقطع الجائر للشجر .
التحية لك وللمدام
|
Post: #15
Title: Re: العندو وصية من السعودية ( العبد لله ) نازل الخرطوم
Author: ismeil abbas
Date: 05-07-2008, 11:35 AM
Parent: #1
| Quote: وشوية طلح للمرا لزوم الدخان ( هي القالت كدا أهي قاعدة جنبي وقالت كلم صاحبك |
العزيز حمزاوى سلامتك بقيت تدخن..من متين الرطوبة دى..
تحياتى لك يا أظرف رجل فى المنبر وأللطفهم..
مودتى..إسماعيل محمد أحمد عباس...
|
Post: #17
Title: Re: العندو وصية من السعودية ( العبد لله ) نازل الخرطوم
Author: haroon diyab
Date: 05-07-2008, 12:44 PM
Parent: #1
البشير دفع الله
التحايا
ياحبيب تمشي وتجي بالسلامة
واجازة موفقة باذن الله .
كل الود للاسرة الكريمة
|
Post: #19
Title: Re: العندو وصية من السعودية ( العبد لله ) نازل الخرطوم
Author: صلاح أبودية
Date: 05-07-2008, 12:51 PM
Parent: #17
مرحب بيك فى الخرطوم...
ونصيحتى ليك ربي ضفر طويل عشان الإسكراتشات
|
Post: #22
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 01:34 PM
Parent: #19
مرحبا بك أخي صلاح ابو ديه
ونصيحتك غالية والله
كل الود
|
Post: #21
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 01:30 PM
Parent: #17
لك الشكر والتقدير عزيزي هارون دياب
سلمك الله من كل سؤ
كل الود
|
Post: #20
Title: Re: العندو وصية من السعودية ( العبد لله ) نازل الخرطوم
Author: الزنجي
Date: 05-07-2008, 12:56 PM
Parent: #1
أخوى البشير تصل بالسلامة وإجازة سعيدة بين الاهل والصحاب
وما تنسانا من صالح الدعاء
لى قريبا لى فى خميس مشيط صيدلي أسمو احمد ما بتقدر تجيب لى خبرو
وسيلة اتصال بية
محمدعبدالله ـ الزنجي
دبي
|
Post: #23
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 01:40 PM
Parent: #20
الاخ الزنجي
سلمك الله من كل سؤ
سبحان من لا ينسانا ولا ينساكم
خميس مشيط مدينة كبيرة جدا
والناس يتعارفون بأحد الوسائل التالية :-
مكان عمله
أو منطقته بالسودان
الاسم بالكامل احتمال يجيب نتيجه
عموما اجازتي اسبوعين وعندما اعود سأبحث لك عنه على أن تعطيني أي معلومات اضافية
كل الود
|
Post: #24
Title: Re: العندو وصية من السعودية ( العبد لله ) نازل الخرطوم
Author: wadalzain
Date: 05-07-2008, 01:45 PM
Parent: #23
تصل بالسلامه وتعود بالسلامه
بس تلقى عربية ( صحبة راكب ) بتاعة منظمة رد الجميل قدام المطار امشى عليها ارمى فيها بعض حاجات ، اى حاجه من ما خف وزنه وزاد عن الحاجه وكان تقل وزنه ما بطال
|
Post: #26
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 02:10 PM
Parent: #24
مرحبا ود الزين
سلمك الله من كل سؤ
وكتر خيرك
|
Post: #25
Title: Re: العندو وصية من السعودية ( العبد لله ) نازل الخرطوم
Author: Ahmed musa
Date: 05-07-2008, 01:45 PM
Parent: #1
Quote: البشير
نحجز ليك فى فطور الجمعه مع عم صلاح..العصيدة حاااارة وملاح التقلية ولقاء الاهل.. |
(لسان مُسيّل لعاب كتير خلاص) !!!!!!!!!!!!!
........
........
.........
البشير أبها وخميس مشيط ديل وين للكلاكلة ؟؟؟؟ ..........قصدي وين لمكة والمدينة (عوض سعودية) موش كدا ؟؟؟؟
|
Post: #27
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 02:15 PM
Parent: #25
الاخ احمد موسى
لك التحية والتقدير
ابها وخميس مشيط دول جنوب المملكة العربية السعودية , والمنطقة كلها تسمى عسير
وتبعد من جده حوالي 700 كلم , وتبعد من البحر الاحمر حولي 90 كلم .
بمناسبة الكلاكلات , انا ساكن جبل اولياء بعد الكلاكلات أهه رايك شنو ؟
كل الود
|
Post: #28
Title: Re: العندو وصية من السعودية ( العبد لله ) نازل الخرطوم
Author: الصادق صديق سلمان
Date: 05-07-2008, 02:45 PM
Parent: #27
| Quote: ابها وخميس مشيط دول جنوب المملكة العربية السعودية |
البشير ياخ مالك عاوز تلخبطنا ...
الشئ الدرسناهو زماااان إنو الدول الجنوب السعودية هي اليمن و سلطنة عمان ...
بالسلامة إن شاء الله ...
|
Post: #29
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-07-2008, 03:02 PM
Parent: #28
مرحبا اخي الصادق صديق سليمان
سلمك الله من كل سؤ
ما قصدت دول دول
قصدت ديل هما مدينتين جنوب السعودية , ومن اليمن حوالي 90 كلم لمنفذ علب وتوووش اليمن .
وتوجد منافذ اخرى تتفاوت بين 120 الى 200 كلم لليمن .
كل الود
|
Post: #30
Title: Re: العندو وصية من السعودية ( العبد لله ) نازل الخرطوم
Author: انعام حيمورة
Date: 05-07-2008, 08:05 PM
Parent: #1
تصل بالسلامة يااارب
وانا حاجزة ليك عند (حليوة)
تلفوني 0912884384 بالسلامة يااارب
|
Post: #31
Title: Re: العندو وصية من السعودية ( العبد لله ) نازل الخرطوم
Author: فيصل عثمان الحسن
Date: 05-07-2008, 10:31 PM
Parent: #30
الأخ الفاضل البشير دفع الله .
رحلة سعيدة وموفقة ان شاء الله , تقضيها فى رحاب
الوطن بين أهلك وأحبابك , درب السلامة يارجل .
|
Post: #34
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-08-2008, 09:16 AM
Parent: #31
لك التحية والتقدير اخي فيصل عثمان الحسن
تسلم يا غالي
كل الود
|
Post: #33
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-08-2008, 09:10 AM
Parent: #30
Quote: تصل بالسلامة يااارب
وانا حاجزة ليك عند (حليوة)
|
العزيزة انعام حيمورة
سلمك الله من كل سؤ
وحتصل عليك ان شاء الله
كل التحايا
|
Post: #32
Title: Re: العندو وصية من السعودية ( العبد لله ) نازل الخرطوم
Author: ghariba
Date: 05-08-2008, 00:16 AM
Parent: #1
الاخ بشير
تمشي وتجي بالسلامة
لو قدرت تمشي لينا سوق ابو جهل بالابيض وتجيب لي معاك قنقليز وتبش وهالوك وقضيم و نبق
حق الوزن علي انا
صلاح غريبة - الرياض جنب خميس مشيط و ابها وتندلتي
|
Post: #35
Title: Re: العندو وصية من السعودية ( العبد لله ) نازل الخرطوم
Author: البشير دفع الله
Date: 05-08-2008, 09:45 AM
Parent: #32
مرحبا الاستاذ صلاح غريبة
صعبتها شديد والله , البوديني الابيض شنو ؟
وان كان لي بعروس الرمال أشواق وآمال
لو الوصية من أو الى الخرطوم مافي مشكلة واعتبرها وصلت
كل الود
|
|