السفير التشادى فى العاصمة الامريكية .... شاب مثقف .. خفيف الظل.. ذكى ولماح .. انيق فى مظهره ومتخير بارع لحديثه.. ينتزع منك الاعجاب بسرعة.. عرفته مؤخرا وهو يصول ويجول فى العاصمة الامريكية مثل النحل ... تجده مثل الجوكر فى كل مكان... ابلى بلاء حسنا عندما تعرضت الشقيقة تشاد الى غزو خارجى ... انتصر اعلاميا قبل الحسم العسكرى للمعركة الفاصلة وعودة الرئيس دبى الى زمام السلطة اقوى من ذى قبل... التقيته قبل يومين ضمن المعزين فى شهداء طائرة جنوب السودان... تحدث بعربية طلقة وارتجل كلمة رصينة معزيا حكومة الجنوب وشعب السودان ومتمنيا للشعبين الاستقرار والسلام ...
من هذا المنبر نحيى هذا الرجل الذى يشق طريقه وهو فى عنفوان شبابه بخطى ثابتة فى دروب الدبلوماسية توحى بان امامه مستقبل عريض فى الدبلوماسية الافريقية.. برافو سعادة السفير محمود أدم بشير.. نحييك ونحيى عبرك شعب تشاد الشقيق..
نورالدين منان
05-07-2008, 05:12 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
شكرا اخي منان و التحيه لسعادة السفير التشادي محمود آدم بشير الذي حضر لعزائنا في شهدائنا:
Quote: التقيته قبل يومين ضمن المعزين فى شهداء طائرة جنوب السودان... تحدث بعربية طلقة وارتجل كلمة رصينة معزيا حكومة الجنوب وشعب السودان ومتمنيا للشعبين الاستقرار والسلام ...
عزيز سعى للعزاء في اعزاء مشكور ومقدر منه وشكر الله سعيه..ومتأكده اي من سفراء الدول العربيه بيكون ما هبب لينا.
05-07-2008, 05:36 AM
Abureesh Abureesh
تاريخ التسجيل: 09-22-2003
مجموع المشاركات: 30182
دكتـور محمـود من عندنـا بالمناسبـة. ســودانى أكتر من كتيرين فى البورد دا. التقيته ويرطن هدندوى زى الترتيب. تلقى تعليمه فى خشـم القربـة ثم تخرج فى كلية الصيدلـة جامعـة الخرطوم.. بعد التخرج سـافر (للخارج) ووجد وظيفـة سفيـر فى تشـاد. صديق شخصى وحاولت الإتصال به من الصين أيام الغزو على إنجمينـا، ولكن لم تصله رسالتى التى تركتها عند السكرتيرة على ما يبدو.
05-07-2008, 11:34 PM
Mannan Mannan
تاريخ التسجيل: 05-29-2002
مجموع المشاركات: 6704
يبدو انك تعرفه منذ مدة وطالما اتفقنا على هذا الانسان الراقى فتقييمى فى محله..
الم اقل لكم انه انسان رائع! لكيلا تكون شهادتى مجروحة فقد فضلت عدم ذكر حقيقة كبرى جعلتنى احترمه واعتبره نوبيا... فقد تحدث معى بلغتى النوبية وباجادة حتى تشككت فى امره وسألته هل انت من حلفا ام ماذا فذكر لى انه درس بحلفا الجديدة ... وكبر الرجل فى ناظرى مرات ومرات ... قلت له مازحا: خلاص نديك جنسية نوبية او تبقى سفير للنوبة... الرجل ياسرك بحديثه وسعة افقه وهو مايزال شابا... انه عنوان راق للدبلوماسي الافريقى الناجح... ارجو ان يواصل فى تألقه ومين عارف فقد نجده ذات يوم شخصية عالمية... حيوا معى هذا الرجل ... من يقترب منه يحبه ويحترمه...
ربما كان لعلاقتى الحميمة بتشاد واهل تشاد اثر فى ولكن لم اتحدث من قبل عن انسان كهذا سواء فى السودان او تشاد... مبروك لتشاد بهذا الطراز الرفيع من الدبلوماسيين..
شكرا تراجى على التعليق... صحيح لم يظهر سفير عربى او افريقى غير سفير تشاد الذى تفوق بحضوره وسجل هدفا دبلوماسيا غاليا على العرب والافارقة ...
نورالدين منان
05-08-2008, 00:43 AM
مصطفي سري مصطفي سري
تاريخ التسجيل: 03-07-2007
مجموع المشاركات: 2339
استاذنا منان تحياتي لك وللدكتور محمود ادم بشير ، حقيقة لفتة بارعة منك وانت الرجل الدبلوماسي تعرف معاني مثل التي تكتبها الان في حق هذا الرجل القدير لقد تعاملت معه من خلال عملي الصحافي ابان غزوة انجمينا الفاشلة وفتحت عليه القنوات الفضائية ، وتم ذلك بمعاونة احد قيادات السياسية هنا في لندن ، وظللنا على اتصال مستمر ، وحقيقة كان بشير قائد معركة الاعلام بعد ان انقطعت امجمينا عن العالم الخارجي وكان يقود المعركة بحنكة ، واذكر انه ذات يوم كنت اواصل الاتصال واجد هاتفه مشغول واترك رسالة ، عاد لي بعد ساعتين تقريبا، واعتذر انه كان يتحدث لاكثر من قناة عربية وانجليزية ووكالات انباء ، لذلك نحييه لانه دافع عن بلاده وحكومته بشرف واتقان دونما اسفاف او سب للاخرين بمن فيهم الذين دخلوا انجمينا بمساندة حكومة البشير وكان عفيفا ينتقي لغته الرصينة والمقنعة بتان وادب جم وحنكة سياسية ... له الف تحية
05-08-2008, 02:16 AM
محمد نور أحمد محمد نور أحمد
تاريخ التسجيل: 12-25-2006
مجموع المشاركات: 1220
سعادة السفير منان .. سلامات وأتمنى أن تكون بخير .. مبروك العودة للخدمة بالخارجية .. وهكذا ازداد يقينا على يقين أن ليس من حق يضيع طالما حلفه مناضل ..
كنت أتمنى أن أمسك بكيبوردي بعيدا عن خيطك هذا واكتفي بدور القارئ .. وأوفر على نفسي وبوستك نقاشا سفسطائيا واتهاما بالغرض أتوقعه من البعض.. لكن ثمة أشياء تقف في سبيل ذلك .. وأنت المناضل من أجل حقوق الآخرين الضائعة والواقف في وجه الظلم تعي ما أقول.. محمود آدم بشير نيام موضوع بوستك هذا شاب لا أختلف معك في تهذيبه وخلقه وتدينه ونشاطه.. لكنني أخنلف معه في الطريقة التي جاء بها إلى هذا المنصب. و طالما أصبح د. محمود شخصية عامة يتبوأ منصبا كهذا أظنه يدري تماما أنه لا يسلم من التناول والإنتقاد.. وأنا حينما أتناول د. محممود هنا لا أقصده في شخصه ولا حتى إنتمائه القبلي أو الفكري لكني أنتقد العقلية التي أتت به إلى هذا المنصب.. محمود آدم بشير الذي يشغل منصب السفير التشادي لدى واشنطون منذ سنين وحتى الآن نموذج آخر من نماذج حكم القبيلة في تشاد .. صرخت بأعلى صوتي في هذا المنبر وخارجه أن الذي يحدث في تشاد قبيلة تحكم دولة كاملة على هواها بعيدا عن المؤسسية وغصبا عن عين عامة الشعب.. أكرر ما ذكرت عالية أن العبدلله لا يقصد قبيلة محمود بسوء بقدر ما يقصد هنا العقلية التي تسيطر على بعض قيادات قببيلته التي تحكم في تشاد.. د. محمود آدم بشير خريج صيدلة الخرطوم في نهاية الثمانينات والذي جاء إلى تشاد في بدايات التسعين مواطنا سودانيا زائرا يصبح خلال أقل من 15 عاما سفيرا لتشاد في أهم عاصمة عالمية بينما يجلس الدبلوماسيين المنتمين للخارجية التشادية لعشرات السنين في منازلهم.. د. محمود الذي جاء إلى تشاد في بداية التسعينات مثله مثل غيره من السودانيين الذين تغربوا في أراضي الله الواسعة من غير أن نسمع بأحدهم أصبح سفيرا للدولة التي إغترب فيها يبدأ حياته فيها صيدلانيا بافتتاح صيدلية خاصة .. ومع أنه كان وقتها الصيدلي الوحيد الذي يدير صيدليتة الناجحة بنفسه إلا أنه انحرف نحو ولوج عالم السياسة من بوابة الجيش الذي هو بلا شك جيش أقل ما يمكن أن يوصف به أن جيش القبيلة الحاكمة وخاصة إبان إنتمائه هو إليها.. وفي لمحة البصر يمنح د. محمود رتبة الرائد بالجيش التشادي "من غير إحم ولا دستور" ليصبح الرجل ضابطا فنيا بالجيش التشادي مسئولا عن الصيدلة بالمشتشفى العسكري بأنجمينا.. وأثناء غيابي عن تشاد لبضع سنوات للدراسة علمت حينها أن د. محمود أصبح مديرا لمفوضية نزع الألغام والتي هي إحدى اأهم المؤسسات التي تحظى برعاية ودعم الولايات المتحدة الأمريكية والإتحاد الأوربي والمانحين من الأسرة الدولية.. و بدون سابق إنذار علمت قبل عامين أو ثلاثة من الآن لا أذكر أن د. محمود يشغل منصب السفير التشادي بواشنطون بعد أن تزوج إبنة رئيس الجمهورية.. هذه قصة د. محمود التي أعرفها وأعرف تفاصيلها.. لمرة أخرى أنا لا أقصد د. محمود في شخصه ولا أقصد إتهامه بشئ أو التشكيك في شخصه أو سلوكه او مؤهلاته.. كل الذي أردت تبيانه هنا هذه العقلية القبلية التي يمارسها النظام التشادي.. وأكرر مبرراتي هذه ليقيني التام أن د. يقرأ هذا البورد تماما كما أفعل وإن كان منصبه السيادي لا يسمح له بالتواجد هنا والتداخل لكنه متابع جيد لما يكتب هنا بكل تأكيد.. أختم وأقول أن د. محمود آدم بشير نيام هو بالضبط كما قال صديقه أبو الريش:
Quote: تلقى تعليمه فى خشـم القربـة ثم تخرج فى كلية الصيدلـة جامعـة الخرطوم.. بعد التخرج سـافر (للخارج) ووجد وظيفـة سفيـر فى تشـاد.
ولا عزاء للدبلوماسية في تشاد..
تحياتنا لسعادتو يا سعادتك ..
05-08-2008, 03:04 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
يا غالي ما اختلفنا..انتو في تشاد ده نظامك كده قبلي منذ ان استقليتوا,يحكم حسين هبري يلعن ابو يوم الآخرين يحكم جاكوني عوضي يلعن ابو يوم الآخرين يحكم ادريس دبي ايضا يلعن ابو يوم الآخرين فما الجديد؟؟؟؟؟
الجديد انك فقط من غير هذه القبيلة ولو كنت منها واهلك في السطلة لوجدنا تبريرات مختلفه تماما.
هذا لا يعني اني احلم لكم بهذا الوضع الغريب ان يستمر ولا احلم لكم بالدكتاتوريه ان تستمر ,ولكن هنالك خلل حقيقي وانت نفسك جزء منه,فبدلا ان تختار طرريقا حقيقيا للسعي لنشر الوعي السياسي مكتفي بالقاعد في منبر سوداني اغلب عضويته لها مواقف محدةة من قبيلة الرئيس في تشاد و الحاجة دي عاملة لك اشباع معنوي!!!انك بتفش في غلك بلا فاعليه حقيقيه.
يا محمد نور تشاد تستحق منك افضل من كده وتعلم اني ناقشتك من قبل وقلت لك لو بدأت بانشاء موقع تشادي واحد قد تبدأ بالتغيير ولكنك مصر باتختيار اسهل الحلول وقاعد,مبروك عليك.
نرجع لسودانية السفير التشادي؟؟؟
بالله يا محمد نور انت في حسه تشادي متسودن اكثر منك؟؟؟؟؟ يازلو انت لو قالوا اغاني الحقيبه يلقوك ابو الفتوى حولها ولو قالوا اغاني البنات يلقوك ناقش احدث التطورات فيها ولو قالوا اتحاد الادباء لسودانين يلقوك عارف رئيسه منو ولو قالوا اشنقاقات حزب الامة يلقوك حافظهاا كلها!! اها وماذا بعد؟؟؟ هل هذا ينفي تشاديتك؟؟ هل هذاا ينفي اخلاصك لتشاد؟؟؟؟ لماذا لا تترك فرصة الا للطعن في انتماء الزغاوة الهناك عندكم؟؟؟
يازول لعلمك التشادينين العندنا هنا قرعانهم بزغاوتهم في اعراسهم بيحضروا فنانني سودانين ولم يورا السودان في حياتهم وبعضهم لا يتحدث العربيه حتى ولكنهم يطربون لالحاننا,فما الذي يضرهم في ذلك؟؟؟
عندنا هنا اخوة ارترين مثلك منصور ومحمود ابوبكر يناقشون حول السودان وكأنهم سودانين وعندنا محجوب علي سوداني ويناكف في الارترين في بلدهم وبيغالطهم اها ايه يعني؟؟؟؟ هل هم اقل ارتريه ام هو اقل سودانيه؟؟؟؟؟
يا محمد نور ابدا بفعل ايجابي وخليك من السلبي,وتشاد تستحق منكم اكثر من ذلك بس جودوا الشغلانه,وابدوا بتاسيس احزاب ولو في المنافي لكن رجم قبيلة بعينها انت تعرف ان افرداها اكثر معارضة منك فانت تخسر مكون اصيل من شعب تشاد,هو اولى بانصافك.
05-08-2008, 04:31 AM
محمد نور أحمد محمد نور أحمد
تاريخ التسجيل: 12-25-2006
مجموع المشاركات: 1220
كلما اتوقع مداخلة لتراجي في بوست أدخله ألقاها ناطة قدامي زي القدر .. ما شاءالله عليك يا أم حازم مبدئيا يا تراجي د. محمود آدم كسفير ما عندي فيه أي كلام ، بالعكس بعرف قدرات الراجل.. وعشان كدي بقول ليك مشكلتي ما تقييم الدبلوماسية التشادية .. مشكلتي هنا في البوست دا حاجة تانية مختلفة تماما.. الفيديو التحت دا واحدة من الإنجازات البتتحسب لدكتور/ محمود بشير .. وأهو فرصة لزملاء دراستة وأصدقاء طفولته يشوفوه ويستعيدوا ذكرياتهم..
شوفوا الفيديو وحأجي راجع لتفنيد مداخلة الأخت تراجي ..
05-08-2008, 05:09 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
محمد نور خلي الخرخة انت قلت لاراجل ده سوادني وحياتك الزول الهدي ورضي ده ورايق وقيافة وفصيح رجعوا لينا لنا عايزنه ومحتاجين لامثاله.
السفير التشادي ده اخير من سفيرنا الفي الامم المتحدة مافي شيئ فاقع مرارتي زي تفته العجيبه ديك 0القتلو لابلد ما فيها حلاقيين قاعد لي بقجة التقول الزمن زمن قجج)!!! وحسه يجيوا ناس الموصلي يقول لك ديبلوماتك كارير كارير شنو البي تفه زي دي؟؟؟؟يطير الكارير وتكير عيشة الدبلوماسيه البي طريقتنا دي.
05-08-2008, 06:10 AM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
Quote: السفير التشادي ده اخير من سفيرنا الفي الامم المتحدة مافي شيئ فاقع مرارتي زي تفته العجيبه ديك 0القتلو لابلد ما فيها حلاقيين قاعد لي بقجة التقول الزمن زمن قجج)!!!
شكرا أستاذة تراجي
05-08-2008, 07:43 AM
Mannan Mannan
تاريخ التسجيل: 05-29-2002
مجموع المشاركات: 6704
يا اخى لا تبالغ... سفيرك راكب كاديلاك موديل الفين واتنين وبلدك ما عندها عجز فى الميزانية بل فائض.. احمد ربك وقرض على كدة... امال نحن نقول شنو فى السودان العاجبك... اكثر من 24 مليار دولار ديون خارجية وقال دولة مصدرة للنفط ... انت حب السودان ونحن نحب تشاد... فى حاجة غلط يا عريس...وبعدين سفيرك دة احسن من سفيرنا وشاطر حتى لو قبلى... وبرضو رئيس وزراء تشاد ساراوى لكن فى السودان كلو من قبيلتين اولاد عم واسال نافع وصلاح قوش... يا اخى انتو فى نعمة وعندكم فرصة لتحول حقيقى للديمقراطية ولكن عندنا كما قال الزعيم الراحل دكتور جون قرنق: It is too deformed to be reformed وصدقنى ادريس دبى ممكن يتطور لكين ناسنا ديل !!!! محلك سر... ومازال كلامى فى محلو... سفيركم شاطر... وممكن يلعب دور بارز فى تنقية الاجواء بين السودان وتشاد ويكون لاعب اساسى فى المنطقة... لو عاوز...
نورالدين منان
05-08-2008, 08:17 AM
Marouf Sanad Marouf Sanad
تاريخ التسجيل: 12-02-2004
مجموع المشاركات: 4835
التحية للدكتور محمود لقد جمعتني بالعديد من افراد هذه الاسرة علاقات متينة وهم اناس صالحون لقد ظللت اردد في نفسي طوال الازمة الاخيرة التي مرت بتشاد ان قيادتها قد أتت فاتحة ولذلك فهم لا يخافون! مش ذي ناسنا الذين اتوا متلبدين, ناس الحرامي الفي راسو ريشة كما عبر رئيسنا عن حالته ليلة الانقلاب
05-08-2008, 08:26 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: د. محمود آدم بشير خريج صيدلة الخرطوم في نهاية الثمانينات والذي جاء إلى تشاد في بدايات التسعين مواطنا سودانيا زائرا يصبح خلال أقل من 15 عاما سفيرا لتشاد
Quote: أختم وأقول أن د. محمود آدم بشير نيام هو بالضبط كما قال صديقه أبو الريش:
Quote: تلقى تعليمه فى خشـم القربـة ثم تخرج فى كلية الصيدلـة جامعـة الخرطوم.. بعد التخرج سـافر (للخارج) ووجد وظيفـة سفيـر فى تشـاد.
ولا عزاء للدبلوماسية في تشاد..
الأخ محمد نور، 15 سنـة؟!!! ياخ عاوزو يبقى سفيـر فى الدار الأخـرة؟ عندنـا د. البندر الأن عضو مجلس بلدى فى إنجلترا.. وسـودانيين وتشـاديين كتار بقوا أمريكان فى 3 سنـوات.. هنرى كسنجر وزير خارجيـة أمريكا لم يستطع التخلص من لكنته الألمانيـة.. حاكم كالفورنيـا شفارتزنجر أحتفل النمسويون بفوزه بمنصب الحاكم!! تخيل حاكم كلفورنيـا مهاجـر.. وكلفورنيـا بميزانية أفريقيا كلها تقريباً.. فما بالك من رجل مثل د. محمود، الذى هـو أصلا تشـادى بحكم القبائل المشتركـة، هاجر ذووه لداخل السـودان.. ثم أقام فى تشـاد 15 سنـة، منتجا ودافعـا للضرائب، ومقدمـا خدمـة إنسـانيـة فى مجال الصحـة والصيدلة؟ لقد ذكرت أنت أن صيدليـة د. محمود كانت الوحيـدة التى يعمل بها صيدلى مؤهل، هـو صاحبهـا، فى كل انجمينـا!! فيا أخى ما هى المشكلـة أن يعين فى الجيش فى القطاع الصحى؟ اليس هـو الوحيـد الذى له خبرة عملية فى تشـاد فى مجال الصيدلـة؟
أرجو يا أخ محمد نور مراجعـة ما سطره قلمك، فإنى كتبت "بعد التخرج سـافر (للخارج) ووجد وظيفـة سفيـر فى تشـاد." ووضعت كلمـة "للخارج" بين قوسين، لأدلل أن تشـاد ليست دولة خارجيـة بالنسبـة لمحمـود، وإنما هى موطنـه.
لولا دبلوماسيـة د. محمـود لقامت حرب بين السودان وتشـاد من وقت بعيـد.. وهنا ليس مجال الخوض فى ذلك.
د. محمـود خدم مواطنيـه فى أشـرف مهنـة، هى المهنـة الصحيـة، وقام بذلك بنفسـه ثم أنه مؤهل، ويتحدث اللغات الفرنسيـة والإنجليزية والعربيـة والزغاوة والبجا والنوبة ويمكن الفلاتة.. ثم أنه مؤهل أكاديميـا.. وله علاقات واسعـة بحكم شخصيتـه وطيب معشـره. فماذا نفترض أن تعيينه كان بسبب قبيلته فقط؟ ياخى هل رأيت كيف تتم التعيينات فى الســودان؟ خليهـا مستـورة!
د. محمـود مكانه قيادة العمل الدبلوماسى فى تشـاد.
05-08-2008, 11:29 AM
حواء سليمان ابراهيم حواء سليمان ابراهيم
تاريخ التسجيل: 02-13-2007
مجموع المشاركات: 2898
يا اخى ملعيش خلينى اصلح ليك الاسم اولا لانك كاتبه غلط السفير اسمه محمود ادم بشير بشيبو اقنى ، ابن عم كل من الجنرال المرحوم صبى عقيد والجنرال آدم توقى وهو من اسرة اقنى المعروفة فى طول وعرض تشاد وعموم دار زغاوة ، يعنى الراجل لو درس واتعلم فى السودان هل دا ما يديه الحق يتوظف فى بلده الام ؟؟؟؟ اديك مثال بسيط لو تذكر السفير الليبى الحاج قرين صالح قرين الم يكن مولود فى تشاد باقليم ماو او متربى فيها لا اذكر بالضبط ، ولكن برضه شغل منصب سفير فوق العادة بسفارة ليبيا فى انجمينا ، والامثلة كثيرة يعنى اولادنا الولدناهم وربيناهم بره ديل كان رجعو ما بلقوا فرص فى بلدانهم الاصلية ولاكيف ؟؟؟
يا جماعة كدا أسمحوا لي أبدأ بالرد على أختي حواء سليمان دي في الأول .. الزولة دي أنا متلوم معاها طوالي في أسماء أولاد أهلهاديل ، كتر خيرها بتجي تصححني أول بأول..
Quote: يا اخى ملعيش خلينى اصلح ليك الاسم اولا لانك كاتبه غلط السفير اسمه محمود ادم بشير بشيبو اقنى ، ابن عم كل من الجنرال المرحوم صبى عقيد والجنرال آدم توقى
شكله الكبر خشه يا حواء .. ولا دي تداعيات العرس ما عارف.. الحالة عقد بس والله يا حواء.. ما معروف حيحصل شنو لقدام.. من هسي بنلخبت في أسامي الناس .. ربك يستر بس.. معليش يا حواء أنا لخبطت بين د. محمود آدم بشير أقني وتاج الدين بشير نيام الإنضم للعدل والمساواه بعد ما كان مدير مكتب منظمة الدعوة الإسلامية في تشاد.. الغريبة ما عارف لخبت الأسماء دي كيف خاصة وإني عارف إنه د. محمود سمى صيدليته "أقنى" على إسم جده.. إحتمال إسم بشير شابه على البقر.. المهم .. الخرف حاصل.. لك وله ولهم العتبى.. أما أبناء عمومة د. محمود الذكرتيهم ديل بعرفهم كأسماء في الجيش من تسعينات القرن الفات لكن ما بعرف خلفياتهم وكسبهم .. لكن لو جو مع إم بي إس سنة 90 ودا كل عهدهم بالجيش وجنراليتهم دي جابوها من حرب الزغاوة ضد القرعان وهسع متولين قيادة أركان الجيش التشادي زي ما أنا شايف يبقى الرماد كال حماد وينطبق عليهم نفس رأيي في موضوع د. محمود.. لكن لو بقوا ناس ليهم تاريخ في الجيش التشادي قبل 1990م واستحقوا الجنرالية دي لخدمتهم في الجيش يبقى ما عندي معاهم أيتها مشكلة .. إنشاءالله يزحوا ديبي ويبقوا بدله رؤساء جمهورية عديل وحأكون مواطن صالح على السمع والطاعة في ظل حكمهم الرشيد..
Quote: اديك مثال بسيط لو تذكر السفير الليبى الحاج قرين صالح قرين الم يكن مولود فى تشاد باقليم ماو او متربى فيها لا اذكر بالضبط ، ولكن برضه شغل منصب سفير فوق العادة بسفارة ليبيا فى انجمينا
خالة قرين ما ينفع الإستشهاد بيها .. زول مواطن دولة محددة اتولد براها.. رجع ليها .. درس فيها .. اشتغل فيها بكفاءته ومؤهلاته على الرغم من إنه قبيلته أقلية مضطهدة في ليبيا بعكس الحالات الأتكلم عنها أنا تماما.. إنت عارفة يا حواء اختي .. حظ سئ جدا في أفريقيا لمن تبقى من قبيلة حدودية مشتركة بين دولتين بيناتهم صراع كان مسلح كان صراع مصالح ساي.. المركز في كل دولة بيدفرك للدولة التانية .. أهلي الزغاوة في الشرق والتوبو في الشمال والفلاتة والبرنو في الغرب بيعانوا كلهم الآن من عقليتنا الما من الساهل تقبل بالآخر الجاييك من بره على الرغم من إنه بينك وبينه مشتركات.. ودا كله من السياسة قاتلها .. الزغاوة السودانيين أول ما دخلوا دائرة الصراع العسكري والمطالبة بمصالحهم بقوا بقدرة قادر تشاديين.. وفي تشاد بقوا سودانيين .. مشكلة حقيقية.. أنا رأيي يا حواء الزول يرقد على الجنبة البتريحوا من غير ما يتضرر غيره .. أي زول استحق الجنسية التشادية ما عندي معاه مشكلة يتولى أي منصب طالما القانون يسمح ليه بي كدا .. لكن عشان يكون أخوه وود عمه في السلطة ويلوي رقبة القانون عشان أخوه الجا امبارح من بره ويختوا لي فوق رأسي يبقى وضع ما مرضي لأي زول حقاني.. في السودان عندكم ناس لسه بيتغالطوا في سودانية الفلاتة الجو السودان من زمن دولة الفونج وشاركه في تأسيسها، وكمان دايرين يطردوهم لاخظي لأنه عمر الفلاتة في السودان أكثر من 500 عام.. لكن أنا هنا بتكلم عن ناس جو تشاد قبل 15 سنة واستوزروا قبلما يستحقوا الجنسية.. ناس بيكونوا لسه ما تموا اسبوع في أنجمينا بتجيهم جنسياتهم وجوازاتهم لحدي البيت .. بتكلم عن زول بقى مستشار أمني في رئاسة جمهورية دولة بعد شهرين من شوفتوا ليها لأول مره.. بتكلم عن حالة زول لحدي نهاية التمانينات كان تاجر عملة بين بنغازي والفاشر.. فجأة تلقاه قدامك جنرال ووزير دفاع كمان.. بتكلم عن حالة زول يكون شقيقه زعيم معارضة مسلحة لدولة.. وهو محافظ لدولة تانية أول مرة يشوفها من عشرة سنوات.. بتكلم عن حالة زول ما ليه أدنى علاقة بتشاد قبل سنة عام 90 يجي بين عشية وضحاها يبقى دبلوماسي وملحق ثقافي لواحدة من سفاراتها والأغرب من كدا يجي نفس زولي دا فجأة وبدون مقدمات يبقى زعيم لحركة مسلحة ضد دولته الأصلية.. والله يا حواء أنا لو قعدت أقول ليك الأمثلة البعرفها أنا بملا البورد .. لاحظي دي البعرفا أنا .. أنتي يا حواء عشتي في أنجمينا وعارفة أمثلة كتيرة جدا للكلام البقوله دا..
Quote: يعنى اولادنا الولدناهم وربيناهم بره ديل كان رجعو ما بلقوا فرص فى بلدانهم الاصلية ولاكيف ؟؟؟
أولادك حبابهم يا حواء في أي حته يختاروه هم.. حقوقهم محفوظة ومصانة طالما اتوجد قانون يحفظ الحق دا.. أنا عارف أنك مربياهم صاح على حب أوطانهم وعدم الولاء المزدوج والهرولة نحو المصالح الضيقة.. لكن من باب التذكير فقط أنصحك تجتهدي أكثر وأكثر في تربيتهم عشان الأجيال الجاية ما يكون عندها نفسي أزماتنا الحالية.. ربيهم يا حواء على قيم الحق والعدل والمساواه (ما الحركة ) .. ربيهم على عدم استغلال نفوذهم لقلع حق الآخر .. ربيهم على رفض التعنصر والمحسوبية وتقييم والولاء القبلي والعرقي... وما حتجيهم عوجة إنشاءالله..
------------------ تحياتي الحارة لوليداتك
05-08-2008, 10:25 PM
حواء سليمان ابراهيم حواء سليمان ابراهيم
تاريخ التسجيل: 02-13-2007
مجموع المشاركات: 2898
Quote: ما أبناء عمومة د. محمود الذكرتيهم ديل بعرفهم كأسماء في الجيش من تسعينات القرن الفات لكن ما بعرف خلفياتهم وكسبهم .. لكن لو جو مع إم بي إس سنة 90 ودا كل عهدهم بالجيش وجنراليتهم دي جابوها من حرب الزغاوة ضد القرعان وهسع متولين قيادة أركان الجيش التشادي زي ما أنا شايف يبقى الرماد كال حماد وينطبق عليهم نفس رأيي في موضوع د. محمود..
يا راجل عليك الله قول كلام غير كدا !!! يعنى معقولة بس ما بتعرف آدم تقوى ؟؟؟ يا اخى دا اشهر تشادى مر علي الزول دا اعتقد كان وزير دفاع على ايام كوكونى وداى واصيب اثناء حرب التسعة اشهر الشهيرة وبترت رجله ولقد عارض حكومة ادريس ديبى وخرج مع يوسف توقومى ، وبرضو المرحوم صبى عقيد عسكرى قديم وخرج مع المعارضة الحالية وقتل فى بداية المعارضة .
شفت كيف انا بفهم فى الشأن التشادى ؟؟؟؟ عشان زي ما قلت انتمى لقبيلة حدودية وقبل ما انسى احب ان اقول ليك بخصوص الاسم لقد يكون ليك العذر لان زوجة دكتور محمود الكبيرة هى شقيقة تاج الدين بشير نيام ، يعنى ما تعلقها فى شماعة الكبر والعرس ويا اخى من هسع ما تتجرس لينا وزى ما قلت دا العقد ولمن تشوف العروس جابوها ليك فى بلدك ديك تعمل شنو ؟؟ بعد داك الا تقول لينا ادريس ذاتو ما تشادى دا جاء مع ام بى اس . المهم كا جابو ليك عجينة زرقة رسل لينا معاك عشان قرمنا ليها . محمد نور يا اخوى الحديث معاك شيق جدآ بس مرات بتستعجل الامور . مبروك مرة تانية وهاك دى زغرودة من بريطانيا لحدى انجمينا
05-08-2008, 10:40 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
يا محمد نور يا غالي التعليم هو استثمار في الانسان. ونحن لو متعلمين الزغوة هربوا لكم فهذه خسارة لنا وعليكم ديونا لنا ويجب سدادها فنحن بحوجة لكل ابنائنا المتعلمين. اما كون هنالك تشادين كثر تعلموا عندنا زغاوة وقرعان وكانومباويين وبروق وتاما وفلاته وغيرهم.. مثلك تماما فهؤلاء نعول عليهم كثير لبناء جسور المودة و الحرمة وليس لزرع الفتنة و الشقاق.
لازلت احلم ان تخطوا تشاد خطوات جادة في الانتقال لبناء الدولة الحديثة وتثبيت الحياة الديمقراطيه.
05-09-2008, 07:37 AM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
Quote: السفير التشادي ده اخير من سفيرنا الفي الامم المتحدة مافي شيئ فاقع مرارتي زي تفته العجيبه ديك 0القتلو لابلد ما فيها حلاقيين قاعد لي بقجة التقول الزمن زمن قجج)!!! وحسه يجيوا ناس الموصلي يقول لك ديبلوماتك كارير كارير شنو البي تفه زي دي؟؟؟؟ يطير الكارير وتكير عيشة الدبلوماسيه البي طريقتنا دي.
تراجي .... أولاً سلامة العودة وبي عودتك عاد المنبر للإغراق بتوافه الأمور وقشورها..
من زمان قرأت بين سطورك كرهك لبعض القبائل وعلى رأسها قبيلة سعادة السفير، ودي مسألة غير مستغربة بقدر كرهك لسعادة السفير في شخصه وليس في موقعه أو آدائه.
زماااان في مداخلة قبل عدة سنوات سألتك عن سبب هذه الكراهية وزوغتي كالعادة..؟؟ مالم يا تراجي سووا ليك شنو؟؟؟ قلعوا منك شنو؟؟ ولا خوزقوك في شنو؟؟
الرجل دبلوماتك كارير غصباً عنك وعن الـ....!!! الرجل متميز في عمله ومتفوق فيه جوه عينك وعين الـ...!!!
إذا كنتي تقيمين الناس بأشكالها فلي سؤال حسي بالله وعليك الله ده قوام نضال ؟؟؟؟ برميل بقدمين ويتحدث عن الجوعى والعراة في معسكرات اللجوء؟؟؟ من على الفراش الوثير تتكلمين عن المفترشين الأرض وملتحفين بالسماء.؟؟؟
بطلي شخصنة النضال إذا كنتي مناضلة حقيقية (أشك في هذا)... أما إذا كان لديك غبائن شخصية مع أشخاص أو جماعات محددة فكوني شجاعة وواجهيهم مباشرة ولا تتواري خلف أستار واهية وتبقي زي البدوية المغطية وجهها بالحجاب وشالحه في قارعة الطريق تتبـ... وتتـ... كاشفة عورتيها للملأ...!!!! يعني بالعربي كان عندك مشكلة شخصية مع سعادة السفير أركبي عربيتك وأمشي ليه عديل حلي مشاكلك معاه وأنا متأكد أنه الراجل متفهم وراح يحل ليك مشكلتك إذا كان بإمكانه ذلك وإذا لم يتمكن فممكن برضه يحولك على من يمكنه ذلك..؟؟؟ (ممكن تشيلي معاك مكنة حلاقة عشان كان ما حل ليك مشكلتك تحلقي ليه)... أخيراً
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mannan
Tragie Mustafa
Abureesh
مصطفي سري
محمد نور أحمد
Abdlaziz Eisa
Marouf Sanad
حواء سليمان ابراهيم
) .. ربيهم على عدم استغلال نفوذهم لقلع حق الآخر .. ربيهم على رفض التعنصر والمحسوبية وتقييم والولاء القبلي والعرقي... وما حتجيهم عوجة إنشاءالله..
Al-Shaygi
فيس بوك
تويتر
انستقرام
يوتيوب
بنتيريست