Post: #1
Title: جديد الشاعر عزمي احمد خليل
Author: عادل خياري
Date: 05-06-2008, 06:18 PM
خيرا تعمل خيرا تلقى
خيرا تعمل خيرا تلقى *************** وشرا تعمل شرا تلقى
وكضب المثل القال في السابق ********* خيرا تعمل شرا تلقى
*************
البيعمل خير حقيقه ****************** الندم يوم مابيبجيهو
والبيزرع ديمه بيحصد *************** مهما غاب الغيم عليهو
والبشيل الشر في قلبو *************** اصلو مابتنوم عينيهو
مهما حاول يخفي حزنو ************** بكره بيرجع كلو ليهو
والبريدو الرب بيبقى **************** خير اتعمل خيرا تلقى
****************
التسوي تلاقي فيكا ***************** وياهو في الاخر مصيرك
قيس لحافك قبل تخطو ************** وقبل ماتتوه في مسيرك
ولو هربت من العيون ************** كيف حتهرب من مصيرك
لو تدوم في الكون مظالم ************ كان زمان دامت لغيرك
وكل زول للناوي بلقى ************* خيرا تعمل خيرا تلقى
**************
عيش امين وماتشيل عداوه *********** تلقى كل الناس حبايبك
ولو صحيح الطيبه طبعك ************ ياما بتلاقي البيطايبك
ومافي زول بيشمت عليك ************ ولابيفرح لي مصايبك
ياما تبقى الفاجعه اكبر ************** لما يفرحوا فيك صحايبك
وتاني كيف حالتك بتبقى ************* خيرا تعمل خيرا تلقى
عزمي احمد خليل
واشنطون
ابريل 2008
|
Post: #2
Title: Re: جديد الشاعر عزمي احمد خليل
Author: عادل خياري
Date: 05-08-2008, 07:35 AM
Parent: #1
خيرا تعمل خيرا تلقى
|
Post: #3
Title: Re: جديد الشاعر عزمي احمد خليل
Author: عادل خياري
Date: 05-08-2008, 02:36 PM
Parent: #2
up
|
|