Post: #1
Title: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 03:34 PM
Parent: #0
أها يا أخوانا إزيكم
شايفة وضاحة ما شاء الله عليها شقتها إتأجرت زي العجب
أها نحن عندنا شقة في المنشية
::و يا بكري ما تجيني تطلب عمولة للإعلان دة""
و الله ما كنا دايرين نأجرها لأنو فرشناها فرش جميل شديد، بس لقينا إننا بنمشي السودان مرة و لا مرتين فس السنة و كلها إسبوعين تلاتة البنقعدهم هنا،، قنا نشوف لينا دخل إضافي!!!
يلا ياالكنتو دايرين تساعدو وضاحة تعالو لي بي جاي
و بديكم تفاصيل الشقة حسب الإهتمام
و معاها صور كمان
في إنتظار متابعاتكم و إهتمامكم
|
Post: #2
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 03:43 PM
Parent: #1
يا أخوانا و أنا كمان جاااااااااااااادة جداً
يلا همتكم معاي و العمولة محفووووووووووووووظة
|
Post: #3
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tragie Mustafa
Date: 05-06-2008, 03:48 PM
Parent: #2
اها يا جماعه وعشان خاطر ايناس (نوسه)
نقول فوق.
ولا يهمك يا نوسة ناديه باعت شقتتها من خلال هذا المنبر
وكمان قلت لي وضاحة اجرت شقتها
اها عقابلكم.
|
Post: #4
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 04:12 PM
Parent: #3
كيف يا تراجي؟؟
كويس و الله إنو في ناس قبل وضاحة كمان أعلنو هنا!!!
شفتي المروة كيف في الناس طوالي؟؟
بس خوفي بعد دة بكري يطالب بعمولتو!!!!
و إسي كتر خيرك رفعتي معاي الموضوع دة و أنا مصرة أجيب آخرو....
أها يا ناس البورد وينكم؟؟؟؟؟
|
Post: #5
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 04:17 PM
Parent: #4
وين ناس اليونايتيد نيشنس
يا علي الحلاوي وين إنت؟؟؟
|
Post: #6
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 04:29 PM
Parent: #5
بحاول أنزل في الصور هنا
|
Post: #7
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 04:38 PM
أها دة الهول
شفتو أنا جادة كيف؟؟؟؟؟
|
Post: #8
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 04:43 PM
Parent: #7
و إنتو يا كافي البلا أكثر من 100 زول دخل البوست دة و ما كلفتو خاطركم بي كلمة واحدة تردو لي؟؟
إن شاء الله تقولي لي الله يوفقك!!!!
يخسي عليكم
|
Post: #9
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: اساسي
Date: 05-06-2008, 04:45 PM
Parent: #8
اعلان مجاني
بما انه الاخوات وضاحة ونوسة اعلنوا عن عرضهم لشقق يمتلكوها للايجار في قلب العاصمة واخرى في المنشية , الامر الذي اعطانا حافذاً للاعلان عن امتلكنا لفيلا فاخرة بتشطيب ديلوكس (بلص) في منطقة قاردن سيتي في اضغث اضغاث احلامنا, وذلك بتقديمها للايجار علي ان يكون المستاجر سفارة او جمعية غربية مشبوهة مع امكانية استئجارها كفيلا رئاسية ,
بصراحة يا اخوانا المغتربين قاعدين تضيعوا في زمن زمنكم ساكت .
ورونا النسوان امات شقق ديل بجيبوهم من وين؟
|
Post: #11
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 04:56 PM
Parent: #9
أححححححححححححححححييييييييييييي يا أساسي
أسي دي مشاركتك لي؟؟؟؟؟؟
يا أخوي وضاحة دي ماشاء الله عليها مرططططططططططططبة و شققها قالت من "حر مالها"
أسي دي من "حر مال زوجي"" و شوية صبر مني!!!
شفت كيف!!
لكن الإيجار دايراهو عشان "ابحبح شوية" وكت ما لقيت لي شغل في البحرين دي...
و نحن غربة 14 سنة يا كافي البلا ما نطلع لينا منها بي (شقيقة) ساكت؟؟؟
و طبعاً أنا ح أشيل إيجار 6 شهور و أدي بناتي الستة شهور التانية!! يعني راجلي ليهو الأجر بس ،، هههههههههههههه...
و الله يا أخوي يديك قصر من قصور الدنيا قبل الآخرة ، و علم ليس حلم
|
Post: #10
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: عمر الفاروق
Date: 05-06-2008, 04:53 PM
Parent: #1
| Quote: ورونا النسوان امات شقق ديل بجيبوهم من وين؟ |
والله يا اساسي يا خاوي ديل إلا في كرتلّة..
تخريمة :
يا نوسة ياخ ما عندك بت عايزة ليها عريس أخو عمر الفاروق؟
|
Post: #12
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 05:03 PM
Parent: #10
أخوي عمر الفاروق
الكرتلة دي غايتو إلا عندكم!!!!
و إنتي هووووووووي قايلني أنا بت متين لا من يكون عندي بت للعرس؟؟؟؟؟؟؟
بناتي الكبار 12 سنة عمرهم... لو إنت عمرك 18 بحجز ليكي واحدة من أسي،، و قالو جارك القريب و لا ود أمك البعيد موش؟؟؟؟
و أسي أنا ما بيدخلو لي في البوست بتاعي إلا الجماعة المفلسين ديل مالي؟؟؟
غايتو حالة صعبة
يلا همتكم يا ناس الوكالات و السمسرة و وسيط تي في
|
Post: #13
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 05:06 PM
Parent: #12
دة الهول برضو و تلفزيون الهنا ماشاء الله....
يلا شقة بتنفع مع خواجات بس "العقدة"
|
Post: #14
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 05:29 PM
Parent: #13
دي السفرة
و بالله دايرة زول كدة يقول لي ربنا يوفقك ،،، دي برضو كتيرة علي؟؟؟؟؟؟
|
Post: #15
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: عمران حسن صالح
Date: 05-06-2008, 05:34 PM
Parent: #13
|
Post: #16
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 05:37 PM
Parent: #15
الأخ عمران
و الله ضحكتني..
عليك الله إنت أسي بتدعي لي و لا بتدعى علي؟؟؟؟
عاد بعد غربتنا و تعبنا دة ندي "عقارنا الوحيد" مجان و لا نسوي شنو؟؟؟؟؟؟؟؟؟؟
ههههههههههه الله يجمل أيامك كلها
ربنا يستجيب لي دعوة كل محتاج إن شاء الله
|
Post: #17
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 05:42 PM
Parent: #16
***
|
Post: #18
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 05:48 PM
Parent: #17
+
|
Post: #19
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 05:57 PM
Parent: #18
لي فوق
|
Post: #20
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 06:43 PM
Parent: #19
الزول بس يمشي نص ساعة و يجي يلقاكم رميتو ليهو موضوعو ورا كدة؟؟؟؟؟
بالغتو لكن
|
Post: #22
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: عمران حسن صالح
Date: 05-06-2008, 08:03 PM
Parent: #16
نوسة كيفنكـ ..
أنا زول (إيجارين) ... هنا !!؟؟ وهناكـ ...!!؟؟
وفلبوا مقطوع (بالدفع) كل شهر ...
وحاقد على أيِ صاحب عقار ..............................
...
بس بدعي ربنا يرخصوا لينا والله ( وش أشعس أغبر ومسكييييييييين) 
|
Post: #24
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 08:47 PM
Parent: #22
سلامات يا عمران
الله يسهل ليك و ليناو يقدرك على "الإيجارين"
|
Post: #21
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: كمال ادريس
Date: 05-06-2008, 06:56 PM
Parent: #1
يانوسة والله لو كل اصحاب الاعلانات بكتبوها بالطريقة الرشيقة دي كانت الصحف دفعت فلوس لاصحاب الاعلانات مش تاخد منهم... ممكان ادلك على سماسرة كاربين عمولتم بالدولار!!
|
Post: #25
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 08:55 PM
Parent: #21
أخي كمال
شكراً ليك على "رفع روحي المعنوية" و دي فكرة إشتغل في الإعلانات " وش باااااااااسم"
و وريني طوالي الناس العملتم بالدولار ديل لأني دايرة أأجر بالدولار برضو ..
رسل لي مسنجر بالتفاصيل بالله و لك الشكر
|
Post: #23
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tabaldina
Date: 05-06-2008, 08:30 PM
Parent: #1
..
.
| Quote: يلا ياالكنتو دايرين تساعدو وضاحة تعالو لي بي جاي |
ماشاء الله
ناس الهوت لاين .. والبزنس وويمن ظهرن ..!!
اها انا داير اساعد ويساعدونى ..
اول هام الصور ما ظاهرة ..
تانى هام تشيلى عفشك دا تخزنيهو فى مخزن تدفعى ايجارو من الايجار بتاعى - كونتنرى دا ما بديهو للمحاميد
تالت هام ووين فى المنشية ؟؟
رابع هام كم غرفة وكم حمام وحجم المطبخ .. المدام مصرة على مطبخ واسع وبراح - اعتبار ما يكون - ؟؟
خامس شئ ما تجى اجازة بعد 4 شهور وتقول اخلى الشقة..!! المحامى بتاعى بتلتلك ..
اهم هام الايجار كم؟؟ انحنا لا يونيتد نيشن ولا بتروليوم كمبنى .. بندفع فى حدود لحافنا ..
اخيرا لو ما اتساهلتو معانا وما تفقنا بشوف ليك واحد من العرب ديل ولا الخواجات بتاعيننا وبقبض عمولتى ايجار شهر ؟؟
وبزنس از بزنس ( دى جادى فيها جدا ) ..
شاورى دادى بتاعك قصدى سي السيد واجدعى رد
______________
يا جماعة نسوان بالعقلية دى بلقوهم ووين ؟؟
ياخى حظنا بنقع فى عينة كلامهم كلو نمشى سولتير وياخى جاد افتتحوهو وفريند الكابتشينو بتاع تمام وما عارف ايه ؟؟
دنيا ام قدد.. بقت البقت ( واشار بشماته لاساسي والفاروق )
|
Post: #26
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 09:09 PM
Parent: #23
تبلدينـــــــــــــــــــــــا
عييييييييييييييييييييييييييييك!!
تمام؟؟؟
بيزنيس شنو ياخي،، دي فلسة ساكت وحاتك.....
أول هام الصور عندي ظاااااااااااااهرة،، ما عارفة المشكلة منك براك و لا باقي الناس كلهم!!!!
تاني هام عاد يسمك كان أجدع عفشي " و بالمناسبة مشترينو من المحاميد"،، و شوف ليك يا أخوي مخزن لي كونتينرك دة "" النأجر ليك الشقة القصاد دي لي عفشك"
و الشقة ثلاثة غرف و ثلاثة حمامات "إثنين جوة غرفتين" و صالة و بلكونة صغيرونة كدة و مطبخ متوسط الحجم مكتمل "غسالة أوتوماتيك + بوتوجاز + ثلاجة + فريزر+ مايكروويف + عدة كاااااااااملة....
الغرف مفروشة بالكامل و الصالة فيها طقم جلوس ضخم و سفرة + 6 كراسي + تلفزيون بلازما+ ديفي دي و رسيفر......
شقة لذيذة و دمها خفيف و أسي بقوم أغير رأي و ما أأجرها!!!!!!
أها يلا شوف و عمولتك محفوووووووووظة تب.... و أنا أكثر جدية منك
و سي السيد دة ياهو بعدين البيوقع العقد معاك و لا مع أصحابك ...
يلا مستنية الرد
|
Post: #28
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Mohamed Kheir
Date: 05-06-2008, 09:27 PM
Parent: #26
اخت نوسة سلامات
انا محتاج لشقة لمدة شهر واحد يوليو
اذا دة بنفع معاك يلا نتفق من هسه والدفع مقدما
يا جماعة لو نوسه ابتنا حدي يساعد بي شقة لشر يوليو امدرمان او بحري
شقة تسع لاربعة
مشكورين
محمد
|
Post: #29
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 09:37 PM
Parent: #28
سلامات
أخي محمد خير
تحياتي
معليش عشان ما يحصل سوء فهم، الشقة دايرة أأجرها مفروشة و إيجار سنوي أو نصف سنوي و بالدولار
ما بقدر على سك السماسرة و التلتلة و السفر كل يوم و التاني دة....
الله يعينك و الله ما بتغلب تلقى شقق إيجارات الصيف دي،، البلد "متروووووووووسة" و الحمد لله....
لك الود و ما بينا زعل إن شاء الله!!!
|
Post: #27
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tabaldina
Date: 05-06-2008, 09:20 PM
Parent: #1
..
.
الصور ما ظاهرة يا إيناس ..
لانك على ما يبدو ما عامله ليها داون لودنغ فى الويب !!!
من ماى دوكيمنت او الديسك توب بتشوفها انت بس .. على ما اعتقد ..
الموقع ؟؟
الايجار ؟؟
لو دا سر المهنة اجدعيهو بالشباك ..
انا قافل على ايجار الشهر اضمن لى ؟؟
________________
يا ربي الكونتينر اوديهو ووين ؟؟
|
Post: #30
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-06-2008, 09:44 PM
Parent: #27
أخي تبلدينا
ياخي ما توهمني ،، الصور أنا عاملة ليها "أبلوود" من موقع و منزلاها و أسي فاتحاها من كمبيوتر
تاني و شايفاها زي العجب
يا أخوي إنت راجع كمبيوترك و ما تعمل لي فيها "تفتيحة"
قلت لي أسرار المهنة؟؟؟
مهنة شنو يا ود العم،، الزول مهنتو من لحمو الحي؟؟
عايزين فيها 1500 دولار " قابل لي التفاوض بعض الشئ"
ما كتير عليها مع الفرش الفارشنو ليها
في المنشية خلف بيت مامون البرير مباشرة
و إنت و شطارتك ، ثلاثة مليون عمولة حاجة تمام بتكون، موش؟؟؟؟؟
|
Post: #31
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tabaldina
Date: 05-06-2008, 10:18 PM
Parent: #1
..
.
http://www.picturepush.com/public/655284
من حسي ناس الهيئة القومية للاتصالات السودانية قصدوك
الموقع دا تم حجبو من السودان .. قصدى الموقع العملت ليهو اب لود
يعنى ناس السودان اللهم الزبائن ما شايفين حاجة
شد حيلك بكره يجوك ناس الضرائب ؟؟
من دغش الرحمن بفتش ليك على زبون ؟؟
_______________
يا جماعة هو انا السمسار الحصرى للشقة دى
اى زول عايزها يتصل على هنا فى السودان دا او يرسل ماسنجر ..
استبينا
|
Post: #37
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-07-2008, 12:31 PM
Parent: #31
سلامات يا تبلدينا
و الموقع دة حاجبنو مالو الجماعة ديل؟؟ ما صحي و لا شنو؟؟؟
جيب لي موقع تاني لو عندك أعمل منو أبلوود....
قلت لي ضرايب و وجع قلب!! يضربهم الضريب البعاد،، مالم علينا يعني ؟؟ من خدماتهم و نضافة شوارعهم و لا كهربتم و مويتم الشغالة 24/7؟؟
المهم إنت إنكرب و نحن بالمثل و أنا جادة جدية شديدة و بالرغم من إني ماشة السودان إن شاء الله في يوليو و لكن لو لقيت ليها إيجار ، بأجرها و بنزل مع أهلي!! فكرة برضو موش؟؟؟؟
تحياتي للمدام و قول ليها بالله أعزمينا جاد دة لمن نيجي
يا ناس هوووييي،، أهو تبلدينا دة وكيلي في السودان ، كويس؟؟؟؟
|
Post: #32
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: عبدالله كع
Date: 05-07-2008, 08:40 AM
Parent: #1
سلام كما ينبغي ..
وضاحه كانت صريحه .... وقالت ماديرة مفلسين ...
بس الظاهر العرض هنا غير مشروط وممكن لنا ان دخل ونشوف في شنو
الحمدلله دخلنا ...
وببساطة بنقول تقعدو عافيه
ـــــــــــــ
|
Post: #33
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: azhary awad elkareem
Date: 05-07-2008, 09:28 AM
Parent: #32
الأخت نوسة..
سلامات..
إنشاء الله ربنا يوفق..
سنسعى معك..بدون عمولة..وكمان التوثيق منى وهدية..
لك تحياتى
|
Post: #41
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-07-2008, 05:54 PM
Parent: #33
الأخ أزهري
معليييييييييييش و الله ما شفت ردك إلا أسي!! كر علي الخرف جاااااانا....
شكراً لك على دعوتك و ربنا يوفقك إنت ذاتك إن شاء الله ، و مشكور على سعيك معاي و كلمتك دي براااااااها بالدنيا
ربنا يكتر من أمثالك إن شاء الله
|
Post: #35
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-07-2008, 12:19 PM
Parent: #32
أخي عبد الله كع
أها "دخول الحمام زي مروقو" شنو داخل و مارق سااااااااااكت كدة و نحن نشيل و ننزل في الصور و نتلتل و حالتنا شلش!!
ما عجبتك الشقة و لا شنو؟؟
ربنا يوفق الجميع إن شاء الله و شكراً على المرور أكيد
|
Post: #34
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tabaldina
Date: 05-07-2008, 10:13 AM
Parent: #1
..
.
| Quote: سنسعى معك..بدون عمولة..وكمان التوثيق منى وهدية.. |
يا ساتاذ ازهرى ..
ياخى ما تخرب لينا السوق ياخى من الصباح شغال تلفونات
ما خليت اصحابي فى يو ان ولا البترول ..
اطلع منها دا حصرى وبنطلع ليك حقك ..
حتى الاحد لو انا ما وقعت ليها عقد .. تعال اطرح خدمتك
_________________
اى زبون يجى منك السمسرة حقتى
|
Post: #36
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: علاء الدين حيموره
Date: 05-07-2008, 12:25 PM
Parent: #34
نوسه
تحياتي
لكن المنشية دي ولانها قريبة من الزراعة بالليل كلها باعوض وناموس وملاريا وكده ...
دي بتنزل من قيمة الايجار حبة لزوم التأمين الصحي ..
مودتي
|
Post: #39
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-07-2008, 05:36 PM
Parent: #36
الأخ علاء الدين سلامات
مالك عامل لي دعاية "مضادة" بعوضة شنو يا عمك؟؟ دي "شقة" مقفولة ،،، بنملية و "فيلية" و كدة!!!
و نحن طرف المنشية شارع الستين ،، موش طرف البحر...
ياخي خليك محضر خير
و البف باف دة يا ربي عملو ليييييييييييييييه؟؟ما يا هو دعاياتو ماااااااااااالية تلفزيونات الخليج!!!!!
|
Post: #38
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Adel Sameer Tawfiq
Date: 05-07-2008, 12:54 PM
Parent: #1
نوسة..
و أنا برضو عندي شقة للإيجار في العمارات..
ما تجي واحدة تقول | Quote: ورونا الرجال امات شقق ديل بجيبوهم من وين؟ |
|
Post: #40
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-07-2008, 05:42 PM
Parent: #38
عادل يا ود سمير نورت لي الموضوع..
و تعال النسألك،، إنت لابد وين من أمس و تراجي تنادي فيك؟؟؟؟؟؟ جابتك السمسرة بس؟؟؟و الله غايتو حالة صعبة
و إنت ما شاء الله موش عندك شقة،، عندك ماشاء الله و عيني باااااااااااااااااردة شقق و مستشفى، مالك جاي تخرب على بي جاي؟؟؟؟
و تاني حاجة ما تقول الرجال "أمات" شقق ، إسمن الرجال "أبات" شقق،، و لا هبوية عادتك؟؟؟؟؟ههههههههههههههههه
لك الود و هن صحي النسوان بيقولن بيلقوهم وين زي ديل ، عشان كدة أبعد من "الهوا"،، عشان صاحبتي سهومة ماااااااااااا برضى فيها......
|
Post: #42
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tragie Mustafa
Date: 05-07-2008, 09:02 PM
Parent: #40
نقول فوق
وبركه يا نوسه الماني في مولانا بوستك ده
عاد خم وصر ويا المسانجر جاك بلا
|
Post: #43
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: القلب النابض
Date: 05-07-2008, 10:37 PM
Parent: #42
يلا يا تبلدينا ..
أكتب في الدعاية البف باف علينا ...
| Quote: و البف باف دة يا ربي عملو ليييييييييييييييه؟؟ما يا هو دعاياتو ماااااااااااالية تلفزيونات الخليج |
الشقة رهيبة يا نوسة ...
يلا يا جماعة ما تفوتو الفرصة ... لا تتكرر ..
نوسة زولة لذيذة .... أكيد بتكون اختارت كل شئ على ذوقها الحلو
تحياتي ..
تبلدينا .. اسرع ..
|
Post: #49
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 08:30 AM
Parent: #43
أختي القلب النابض
قلبك أبيض ياخي و صحي و الله و بلا غرور الشقة حلوة شديد و ما دايراها تتأجر إيجار "بشتنة" ساكت!!
و الخير إن شاء الله على قدوم الواردين
|
Post: #47
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Adel Sameer Tawfiq
Date: 05-08-2008, 08:02 AM
Parent: #42
| Quote: عاد خم وصر ويا المسانجر جاك بلا |
دابك عرفتي إنو في مسنجر ؟!
|
Post: #50
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 08:33 AM
Parent: #42
تراجي صباحاتك عسل إن شاء الله
"مولانا" دة براحة عليهو،، صاحب عيا
ود سمير ، خميت و صريت؟؟؟؟
|
Post: #48
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Adel Sameer Tawfiq
Date: 05-08-2008, 08:05 AM
Parent: #40
| Quote: تاني حاجة ما تقول الرجال "أمات" شقق ، إسمن الرجال "أبات" شقق،، و لا هبوية عادتك؟؟؟؟؟ههههههههههههههههه |
معليش يانوسة..خطأ فني ناتج من الإقتباس !!
|
Post: #44
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tabaldina
Date: 05-08-2008, 07:13 AM
Parent: #1
..
.
صباح الخير ..
انا لقيت زبائن ..
داير افاوض عشان اصل لاطول مدة ايجار .. ( من سنة الى 3 سنوات ) !! )
مع اعلى سعر .. !!
مع اقل عدد سكان .. !!
مع نوع الجنسية .. امريكان ولا بريطانيين بالعدم اماراتية ( شفت البزنينس كيف )
أسمعنى محتاج للصور .. ضرورى
وبرضو الموقع بالضبط ( دى العمارة البيضاء الفاتحة غرب ؟؟ )
والطابق الكم ..؟؟
المفتاح مع منو ..أو الوكيل منو .. ؟؟
ما عندى مشكلة ابقي ليك وكيل باخد نسبة معينة من من التوتل - طبعا اكيد لو جبت ليك سعر اعلى ؟؟
يا قلب مافى عوجة باعوض شنو وبف باف شنو .. 500 جنية شركة بترشها فى دقايق
تانى ولا جن احمر ما بخش بعدين الشقة جديدة .. لو بقت فوق مافى بعوض المهم الاسانسير يا نوسه مع وجود حارس او بواب
( برفع السعر ) ..
___________________
بالمناسبة ماتأجروا قبال ما ترجعوا لينا ما طلعونا
اى كلام قدا الاجانب والزبائن ..
أدينى الصور فى الايميل .. الان ..
|
Post: #51
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 08:40 AM
Parent: #44
تبلدينا
فقط في هذه الحالة "بنفاوض" موش؟؟؟
و إنت و شطارتك ، و البنط بيمشي النار!!!
شوف مسنجرك الهوت ميلي،،،،
و بالمناسبة العمارة ياها البيضا الفيها إريال كنار زااااااااااا !!!
الطابق الثاني، فيها حارس لكن ما فيها أسانسير ، و الأجانب ديل أنا عارفاهم بيحبو الرياضة و المشي،، خليهم يمشو دمهم شوية ،، و أصلاً ما محتاجين يرفعو حاجة تقيلة غير "شنطهم"
و باقي التفاصيل رسلتها ليك في الهوت ميل
|
Post: #45
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tabaldina
Date: 05-08-2008, 07:30 AM
Parent: #1
..
.
| Quote: تبلدينا .. اسرع .. |
غايتو حتى الان البقش ليهم خشمهم
واعزمهم وجبة غداء فى سولتير ولا بارستا بالعدم جاد
هم ازهرى .. والقلب ..
الدعم المعنوى مهم يا شباب ..
______________
قول يا للطيف الله يسهل والزبون يدفع الايجار الفي راسي
مش الفى راس نوسة
|
Post: #52
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 08:43 AM
Parent: #45
سلامات
تبلدينا إنت قش خشمهم،، و خلي قش الجيب علينا بعدين!!
يلا بالتوفيق
|
Post: #46
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: عبدالله كع
Date: 05-08-2008, 08:02 AM
Parent: #1
نوسه صباحك كما تشتهي
| Quote: أها "دخول الحمام زي مروقو" شنو داخل و مارق سااااااااااكت كدة و نحن نشيل و ننزل في الصور و نتلتل و حالتنا شلش |
اه ده الخايفن منو مااااااااااااااااااااااا قولنا ليك يا حبا
Quote: وضاحه كانت صريحه .... وقالت ماديرة مفلسين ...
بس الظاهر العرض هنا غير مشروط وممكن لنا ان دخل ونشوف في شنو |
ــــــــــــ
الشقه بشوفوها مليون والمؤجر واحد ولا ريك شنو ( مقولة كازبلاكيه )
|
Post: #53
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 08:48 AM
Parent: #46
صباح الخير يا "كع"
مقولة مية في المية،، لكن كان المليون ديل جو بالباب كان خربت، نقعد نقشقش في الكرعين و التراب و خم الطين!!!
أها بس قول النصيحة الشقة ظريفة، مووووووووووووووووووووش؟؟؟
يديك العافية
|
Post: #54
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Safia Mohamed
Date: 05-08-2008, 08:48 AM
Parent: #1
نوسة
ازيك يا اختي
اللهم لا حسد
نحن غايتو دايرين ناجر
لكن راجين لما السوق يموت
ونجي ندفع العندنا
يعني اتخيل لي خمسمائة دولار اخير من عدمها مش
ونحافظ ليك عليها تمام التمام
لحد حسع ما شايفه زول دق سدره اها انا قروشي جاهزة ومقدم ستة شهور قصرت معاك
صفية
|
Post: #55
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 08:55 AM
Parent: #54
أختي صفية
صباح الخير
إستفتاحة ظريفة بي طلتك معانا و أكيد يومنا كلو ح يكون خير بإذنه تعالى...
كدي قولي خير،، أنا عندي رأي في 1500 دولار،، دايراني أقبل بي ال 500؟؟؟
نحن غايتو هنا ما شغالين بي مقولة "الكحة ولا صمة الخشم"" أخير لينا صمة الخشم طواااااااااالي
إنتي كدي شوفي الشقق الب خمسمائة ،
و شوفي شقتنا و بعدين بنتكلم "وااااااااااثقة و كدة"
بالتوفيق للجميع
|
Post: #56
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 10:18 AM
Parent: #55
فوق عشان ما تضيع الشقة "في الكرعين"
|
Post: #57
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 11:32 AM
Parent: #56
*
|
Post: #58
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: Tabaldina
Date: 05-08-2008, 11:50 AM
Parent: #1
..
.
ما تستعجلى وما تشفقي ..
بعد الصور الانا شفتها دى السمالة عايزة نتقية ما اى زول بنأجر ليهو
__________________
بنفاوض لسه ..
|
Post: #59
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 02:33 PM
Parent: #58
تبلدينا يا أخوي
ما في شفقة تب و حاتك، طالما إنت شادي حيلك، همي بااااااااااارد و حاة الله ...
شفت الصور كيف بالله؟؟؟ موش لي حق أقعد و أخلف رجل فوق رجل و أشرط على الإيجار و لي منو؟؟؟؟
ربك يهون و الفيهو خير يبقى ، و كان إتأخرت لي شهر أغسطس كمان ما بطال على الأقل أنزل فيها في إجازة الصيف و أوفر قروش إيجار شقة تانية "أقل تكلفة أكيد"
لك الشكر الجزيل دوماً
|
Post: #60
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: القلب النابض
Date: 05-08-2008, 02:40 PM
Parent: #59
لوووول جابت ليها عزومة في سولتير
شفت يانوسة الخير على قدومك
يلا يا تبلدينا بس أجي السودان طالباك العزومة بس الزبائن يجو ...
يلا يا نوسة
نرفه البوست فوق
الله يستر بكري ما يكتشفنا بنروج يقول عايز معانا
تمام كدة ؟
تبلدينا تحياتي
|
Post: #61
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 02:50 PM
Parent: #60
أختي القلب النابض
شكراً لهمتك معانا
و بالنسبة لبكري بنقول " محمد معانا ما تغشانا""
يلا تعالي السودان معانا في الصيف و نتلاقى هناك و هاك يا كوفي شوبات و جاد و سوليتير "دة خاتم و لا شنو"؟ يطرشني ما سمعت بيهو قبل كدة!!
تحياتي أكيد
|
Post: #62
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: انعام عبد الحفيظ
Date: 05-08-2008, 04:01 PM
Parent: #1
Quote: تحياتي للمدام و قول ليها بالله أعزمينا جاد دة لمن نيجي
|
نوسة المدام دي تبع تبلدينا؟؟
يطرشنا ويعمينا منها
تبلدينا انت عملتها متين ؟؟
هسه السبت الفات مش كنت بتاوق ماشي الصافية؟
نوسة أمسكي في تبلدينا دا كويس ح يأجرها ليك انشاء الله
|
Post: #63
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 04:27 PM
Parent: #62
إنعام إزيك
هو تبلدينا ما عندو مدام بالله؟؟ أنا إستنتجت من كلامو عن النساء "العندهم" قلت أكيد مرتو!! هو في راجل بيقدر يقول "عندنا" من غير عرس؟؟؟؟؟
يجازي محنك يا تبلدينا و لا بتقول لي : هوي أصحي؟؟؟
يلا النشوف، هو قال لي يا إنعام ما تشفقي !!
|
Post: #64
Title: Re: معليش يا وضاحة!!!و أنا كمان عندي شقة للإيجار في المنشية !!!!!
Author: نوسة
Date: 05-08-2008, 08:38 PM
Parent: #63
*
|
|
