|
المؤسســـة الزوجـــية و حكومـــة الشريكيــن
|
المؤسسة الزوجية و حكومة الشريكين[ يا جماعة بجد كدة بوست فكاهي بس مافيناش من زعل
طبعا يا اخواني في ناس كتاااررايهم انه العرس دة افشل مؤسسة في الدنيا وفي ناس غير اها كدي خلونا نشوف العلاقة بينه وبين حكومة الشركين
تروي الرواية انه وبنهاية القرن الماضي كانت توجد ابنوسة جميلة اقتتل كل الرجال ليفوزوا بقلبها ولكنها ابت واستعصت مهرها كان غاليا حارب من حارب قاطع من قاطع ولكن وبتدخلات خارجية من جهات اخرى تم تراضي الطرفين على ان يتم التزاوج بين الجهتين في يناير 2005 اها قول تمت المراسم على خير وتم زفاف الابنوسة بعد ست اشهر وبعد اكتمال فترة شهر العسل الذي لم يدم طويلا دبت الخلافات الزوجية كحال كل الازواج في العالم
ووساطات من هنا واخرى من هناك ويمشي الحال في مرة من المرات المرة حردت خلاااص ولملت شفعها وقالت ماشة اهلها اها الاجاويد من هنا ومن هنا اتدخلو وتمت ترضيتها ب..... وتستمر الايام ويستمر الخلاف مابينهما اختلاف على الموارد احيانا على المصالح على الايدولوجيات ويا جماعة ما ننسى الغيرة اصلا العروس عندها معارف كتار كانو يرغبون الوصال معها والعريس ذاتو سمعنا تحت تحت داير يرجع مرته القدييييمة اها يا جماعة كان حصل الحصل الرماد كال حماد والمرة الجدييدة حتزعل باقي في خلاف وتار قدييم بينها بين المرة القديمة وكمان ما نننسى هي ذاتها ما ممكن تعمل خط رجعة باقي هي عزوة واصحابها كتااااااار وعمك الراجل عزوة كبيييير عنده اي شيء يتصرف كما يشاء ساعة ما يشاء فيما يشاء وهي ساكتة المغسة كاتلاها لكن تسوي شنو وكمان هي ذاتها من بين بطانها فيهم ناس كتار واحدين عاجبهم الحاصل واحديين قالوا لا نرجع لخطنا القديم وواحيدن قالوا بعد النعيم دي تااااني دايرننا نرجع ال...... لا والف لا اها هي مع بطانها وخلافاتهم زولك بهناك مشى عقد على واحدة تانية لكن يبدو انه عقد صوري ساي وتراها قاعدة زي عدمها ومشى تاني عقد على واحدة تالتة وبرضو صوري الراجل دة حكايته شنو مع العقد الصوري دي يا اخوانها اها وتحت تحت الايام دي قاعد يغازل في واحدة عندها عزوةو ناسا كتتااار وهي عاجبها الحال الا خايفة من عزوتها ولسع الموضوع قيد البحث
اها وكمان ما ننسى من فترة لفترة زولكم يدفع بجاي ويصلح بجاي المهم هو ما داير الكورة تفلت من ايده وفي نفس الوقت ما داير الحكام الاجانب يغضبوا عليه باقي غضبهم حااااار وما بندااااار جربوا قبال كدة وعارف ثماره مصالحه كلها بتتوقف اها تتوقعو شنو
حيرجع مرته القديمة؟؟؟ حيطلق مرته الجديدة؟؟؟؟ ولا حيتصالح مع نسوانه العاقد عليهم عقد صوري؟؟؟
ولا العزوة احلى ويشوف ليه واحدة او اتنين كرت كرتونة وبعزوتهم ويفك الباقين عكس الهوا؟؟؟ والمرة ذاتها حتسوي شنو تتصالح مع اعدائها القدام؟ ولا ترجع لاحبابها الزمان؟ ولا تفوت البلد باللي فيها؟
وكمان ما ننسى الساحة تعج باخرون واخريات يزمعون اقامة عقودات عديدة
لكن خايفين من الغدر واكتر غدر خايفين منه هو غدر الراجل الكبييير سيد الحوش (ما بكري يا جماعة بكري دة اصلوا ما بغدر بزول)
ارائكم مهمة يا جماعة
|
|
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
صفيه سلام موضوعك ده ما بزعل زول الا براه مرتو مزهجاهو ومكرهاهو البيت وكمان واضح جدا هذه العلاقات بين الزوج المفتري "موش"وزوجاته تحليل للواقع بصوره واقعيه وصريحه تمثيل الزوج ورغم شراستها واتهامه الكثير بالتقصير والصوريه افضل من تمثيل النساء والزواج الصوري شخصيا شائف الزعل ما نتيجه لموضوعك الا يكون في سبب تاني وراجع ياصفيه موضوعك وجد هوي في نفسي
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: العوض المسلمي)
|
اهلين استاذ العوض
Quote: صفيه سلام وكمان واضح جدا هذه العلاقات بين الزوج المفتري "موش"وزوجاته تحليل للواقع بصوره واقعيه وصريحه تمثيل الزوج ورغم شراستها واتهامه الكثير بالتقصير والصوريه افضل من تمثيل النساء والزواج الصوري شخصيا شائف الزعل ما نتيجه لموضوعك الا يكون في سبب تاني وراجع ياصفيه موضوعك وجد هوي في نفسي |
Quote: موضوعك ده ما بزعل زول الا براه مرتو مزهجاهو ومكرهاهو البيت |
والراجلا مزعلها برضو مش
في انتظارك
انت كدي النسالك دحين جيت من سفرتك ولا لسع برة؟؟
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
ونواصل في اراء المعازيم
Quote: QUOTE]ميكانيكي سيارات: " هل العربية تسير بلا بنزين؟ كذلك الأحزاب لا تعمل دون برامج" هذا باحتصار راي ميكانيكي فهو بحبراته الحياتية الواسعة في منتصف عقده الثامن لديه صورة سالبة عن الاحزاب خين قال بانفعال " مافي حزب جاء ببرامج استفادوا منها الناس ... مافي مشاريع تنمية .. او تعليم ... حاجات كتييرة ناخدها على الأحزاب " وأضاف ؟ نحن ما حنكون زي بريطانيا ، ديك أحزاب عريقة ، ولو في حاجة ما عاجباك يمكن تقيف في "هايد بارك" .. تقول مطالبك وما في زول بسالك .. ويواصل" الجكومات العسكرية في البلد دي قدمت اشياء ملموسة ... شوارع ظلط مشتريع تنمية .. والأمن ... اهم شيء الأمن .. لكن الحكومات الحزبية فيها حرية لكن ما فيها فايدة". وحو الملطوب من الأحزاب في الانتخابات القادمة قال " الحزاب يجب ان تطرح برامجها وتنفذها " وما يكون كلام ساكت ... الانسان عايز يبري اولاده .. واذا اتوا زي زمان ما عايزينهم !! " لكن لو قدموا برامج كويسة والتزموا بتنفيذها نحن معاهم .. ولا "في ستين". ويختم حديثه الغاضب .. انا شاركت في كل الانتخبات من الاستقلالا وبعد ثورة اكتوبر 1964 .. وبعد الانتفاضة 1986 وايدنا الاحزاب .. لكن الاحزاب لم تقدم لنا شيئا حتى كنا نقول "العذاب ولا الأحزاب" .ز ويضيف " من أخطاء الأحزاب الكبيرة انها تطرح برامج جيدة وعند وصولها للحكم تنسى ما قالته للناس |
| مقتبس من الأحزاب السياسية والانتخابات مؤسسة فريدريش ايبرت
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
Quote: عاملة منزل/ انتخابات دة شنو هذه المراة والتي تعول اسرة مكونة من ستة انفار ويناهز عمرها العقد الخامس لم تخض في حياته انتخابات من قبل.. وعندما اجابت "انتخابات معناتو شنو" اتضحت الحقيقة .. فهناك أجيال عديدة من السودانيين ليست لهم أي تجارب مع الانتخابات ، الأمر الذي يجب ان تنتبه اليه الأحزاب. فمطالب هذه المراة التي افصحت عنها بعد استيعابها للموضوع ، فهي قضايا الناس الحقيقية ! " البلد صعب ، فيه كلام كتيير وعشان المشاكل الناس خوافة شوية ن الناس يضربو بعض .. الحكومة عملت سلام بس لازم يكونوا في سلام بين الناس برضو..ط ثم واصلت "الناس تعبانيين عشان مافي شغل .. الأم ما عندها قروش والولد لازم يشتغل وما يمشي المدرسة ... بيشتغل عشان ياكل" قالت المراة كلماتها الأخيرة وعادت الى عملها " "عايزين صخريج الناس بشيل موية من بعيد .. الموية تكون رخيصة .. المدرسة تكون رخيصة الناس تعبانيين عشان مافي شغل" |
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
استاذ عبد الجبار الف مرحب بيك نورت الدار قلت لي
Quote: THERE IS A NEW SHERRIF IN TOWN !!!! تضامن القوى الديمقراطية المتحدة ( تــــــقـــــــدَّم ) تاريخ الميلاد : 2 / أبريل / 2008م نوع المولود : UNIDENTICAL MULTI TWINS عدد التوائم : أكثر من (20) وما زال الرحم ولوداً ......!! الحالة الصحية : ممتازة جداً ، وقوي البنية ، وجميع أعضاء جسده تعمل بكفاءة عالية وهارمونية. أسماء التوائم :
Quote: أسماء الأحزاب والتنظيمات المنضوية تحت برنامج تضامن القوى الديمقراطية المتحدة ( تــقـــدم )
1- حزب المؤتمر السوداني. 2- الحزب الوطني الديمقراطي. 3- حزب البعث العربي الاشتراكي – القطرية السودانية. 4- الحزب الوحدوي الديمقراطي الناصري. 5- الحزب الوطني الاتحادي. 6- الحزب الاتحادي الديمقراطي – الهيئة العامة. 7- الجبهة القومية السودانية. 8- التحالف الوطني السوداني. 9- تضامن قوى الريف السوداني. 10- حركة تغيير السودان. 11- الحزب الاشتراكي الديمقراطي الوحدوي. 12- حركة القوى الجديدة (حق). 13- التجمع النسائي الوطني الديمقراطي. 14- الاتحاد الشرعي لنقابات عمال السودان. 15- منتدى الحوار الفكري – أمدرمان. 16- تحالف مزارعي الجزيرة والمناقل. 17- تحالف أبناء الجزيرة والمناقل. 18- الاستاذة / إحسان عبد العزيز. 19- الحزب الليبرالي – ( بصفة مراقب ). 20- اللجنة التنفيذية للمفصولين. |
لا كان كدي المواضيع ماشة تمام مرة في المرات وانا بعمل استطلاع راي واحد قال ناس الاحزاب ديل كان علموا تجمع نحن معاهم معاهم قبل كدة ما سقطنا الترابي ، اها اظنكم انتو سمعتوا اراء زي دي وبديتو تعملوا تحالفاتكم وبرضو جاياك راجعة لجميع الاحتمالات المتوقعة للتحالفات الحزبية.
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
استاذه صفيه تحياتي وودي
شوفي استاذتي ليس المشكله في شكل الشراكه او من هن هو الذي يعطي الاوامر فبالتاكيد الامر يختلف حسب قوة الشخصيه ودور كل واحد في المعالجه وخوفي وتاكيدي انه هناك قوة اخري لها حساباتها الدقيقه والمحسوبه بعنايه ففي لحظة الصفر تضع كثير من النقاط بوضوح اكثر مما للحروف من الق والعرب عندهم مثل يقول "معظم النار من مستضغر الشرر " يعني الزوجات المسكينات اري تحت اراضيهم لهببا مكتوما ويا المي اذا تحول هذا اللهب الي حريق
صفيه يعجبني وضوحك وانا رجعت وبخير والحمد لله
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
Quote: وفي استطلاع راي اخر اجاب احدهم
ديمقراطية شنو وانتخابات شنو القصة ما جايبه همها اخير لينا نشوف لينا بلد نطش ليها ونعمل جواز جديد بلا سودان بلا هم يا عمك دي بلد الانسان ما عنده قيمة ارخص حاجة فيها دي كلام فاضي والحاصل ياهو الحاصل لا تقول لي شنو ولا تقول لي منو كل زول يخارج روحو براه. |
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
وفي استطلاع راي اكاديمي وباحث السودان يمر بمرحلة اريخية حرجة وحاسمة في تشكيل مستقبل البلد فيا اما سودان او عدة دويلات مقتتلة فيجب ان تنتبه كل القوى السياسية لهذه الحقيقة ويمك تلخيص ضمان وجود سودان يتحتم باجراء عملية انتخابية حرة نزيهة تبدا بوضع الاطار القانوني المناسب والذي تتراضى عليه كل القوى السياسية بنسبة 100% ...... دقيقة باقي كلامو كتييير بصدع بجيه راجعة بعد اشرب القهوة.
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
دكتورة / صفية مساء الخير تسجيل حضور ومتابعة
Quote: وفي استطلاع راي اكاديمي وباحث السودان يمر بمرحلة اريخية حرجة وحاسمة في تشكيل مستقبل البلد فيا اما سودان او عدة دويلات مقتتلة فيجب ان تنتبه كل القوى السياسية لهذه الحقيقة ويمك تلخيص ضمان وجود سودان يتحتم باجراء عملية انتخابية حرة نزيهة تبدا بوضع الاطار القانوني المناسب والذي تتراضى عليه كل القوى السياسية بنسبة 100% ...... دقيقة باقي كلامو كتييير بصدع بجيه راجعة بعد اشرب القهوة. |
اها بصراحة كده الاكاديمي ده وضع اول مشرط علي الجرح . والجرح ده اكان الناس بتعرف انوا ممكن يتعالج بسرعة وبنفس السرعة ممكن يودي لغرغرينا تودي للبتر....بس نقول ربنا يكضب الشينة وراجع
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: Safia Mohamed)
|
دكتوره صفيه سلام لدي قناعه وقد تكون وصلت مرحلة اليقين لدي بان ما يحدث الان وغدا من تحالفات ليس لها من شكل في الواقع الا ما نشاهده من العاب البلي استيشن لدي اطفالنا فكلها تحالفات مرحليه ومصلحيه وليس من بينها ما يقوم علي اسس او ركائز تعدمه او تجعل من استمرار واقعا معاشا ولناخذ مثلا فما الذي يجمع بين حكومه اسلاميه تنادي ليلا ونهارا بالجهاد وتتمني للمنتمين لها الجنه وبين الحركه الشعبيه ذات المبادئ العلمانيه والتي تدعوا الي النقيض تماما لما يدعو اليه المؤتمر الوطني ولناخذ مثال اخر الاتحادي اليموقراطي وحزب الامه فكل اسباب اندماجهما موجوده ورغم ذلك لايلتقيان
ولي عوده
| |
|
|
|
|
|
|
Re: المؤسســـة الزوجـــية و حكومـــة الشريكيــن (Re: العوض المسلمي)
|
استاذ العوض شكرا على اثرائك للنقاش
Quote: لدي قناعه وقد تكون وصلت مرحلة اليقين لدي بان ما يحدث الان وغدا من تحالفات ليس لها من شكل في الواقع الا ما نشاهده من العاب البلي استيشن لدي اطفالنا فكلها تحالفات مرحليه ومصلحيه وليس من بينها ما يقوم علي اسس او ركائز تعدمه او تجعل من استمرار واقعا معاشا |
هي اكيد قناعاتك وقد تكون تحمل الكثير من التشريح للواقع ، ولكن السؤال المهم الذي يطرح نفسه حاليا، هل من الممكن وجود تحالفات سياسية تهدف الى لم مشل السودان والناي عن المصالح الذاتية والآنية والغوص في تحليل اعمق ووجود تكتلات او تحالفات همها السودان وما يمر بها حاليا من مازق تارخي وموقف حرج . كدي بعد اخلص من تحليل الاكاديمي نجي نقعد ونحاول نضع اطار عام للاحتمالات وفرص نجاح او فشل كل منها صفية
| |
|
|
|
|
|
|